శోభన్ బాబు సోగ్గాడు

శోభన్ బాబు, జయసుధ, జయచిత్రల కాంభినేషన్ ఓల్డ్ సూపర్ హిట్ మూవీ

సోగ్గాడ్ సినిమా చూడడానికి ఇక్కడ తాకండి

శోభన్ బాబు, జయచిత్ర, జయసుధ జంటగా నటించిన తెలుగుచలనచిత్రం సోగ్గాడు చిత్రానికి బాపయ్య దర్శకుడు. Shobhanbabu Jayachitra Jayasudha Soggadu Telugu old movie. పొలం పని చేస్తూ పల్లెటూరిలో నివసించే శోభనాద్రి ఆ ఊరిలో సోగ్గాడుగా ప్రసిద్ది. అతని మామ పరమేశం (అల్లు రామలింగయ్య) కూతురు సరోజ(Jayasudha), శోభనాద్రి ఒకరినొకరు ఇష్టపడతారు. అయితే సరోజ పెద్ద చదువు పట్నంలో పూర్తి చేసుకుని, తిరిగి ఊరికి వచ్చాక, శోభనాద్రి (Shobhan babu)ఊరి పెద్దలతో అతని మామ పరమేశం ఇంటికి పెళ్లి సంబంధం మాట్లాడడానికి వస్తారు. సరోజ తండ్రి పరమేశం పట్నంలో చదువుకున్న నా కూతురుని పొలం పనులు చేసుకునే నీకు ఇచ్చి పెళ్లి చేయనని చెబుతాడు.

పరమేశం శోభనాద్రి – సరోజ(Jayasudha)ల పెళ్లి ప్రస్తావన కాదనడమే కాకుండా, నలుగురి ముందు నీలా మట్టి పిసుక్కోనేవాడిని ఏ అమ్మాయి పెళ్లి చేసుకోదని హేళనగా మాట్లాడతాడు. సోగ్గాడికి కోపం వచ్చి నీ కూతురు కంటే అందమైన చదువుకున్న అమ్మాయినే వివాహం చేసుకుంటానని చాలెంజ్ చేస్తాడు. తోటివారి ప్రోద్బలంతో ఒక్కడే పట్నం బయలుదేరతాడు, సోగ్గాడు శోభనాద్రి (Shobhanbabu). ‘Shobhanbabu Jayachitra Jayasudha Soggadu Telugu’

మరోప్రక్క జమిందారీ కుటుంబంలో పుట్టి పెరిగిన లత(JayaChitra)కి, తన మేనమామ భూపతి అంటే ఆమెకి మహాభయం. ఆ జమీను అంతటికి లత వారసురాలు కావడం వలన, లతని భూపతి (Satyanarayana)పెళ్లి చేసుకుని, ఆమె ఆస్తిని చేజిక్కించుకోవాలని అనుకుంటాడు. లతను చేసుకోవడానికి ఎవరూ ఇష్టపడడం లేదని, కావునా లతని నేనే పెళ్లి చేసుకుంటానని, భూపతి లత(JayaChitra) తల్లితో చెప్పి, పెళ్లి ముహూర్తం పెట్టిస్తాడు. సరిగ్గా పెళ్లి సమయానికి, పెళ్లికూతురుగా అలంకరించబడిన లత పట్నం పారిపోతుంది, ప్రసాదు సహాయంతో.

తన మామ కూతురు సరోజ కన్నా అందమైనా, చదువుకున్నా అమ్మాయి కోసం పట్నం బయలుదేరిన శోభనాద్రి, మేనమామతో పెళ్లి ఇష్టం లేని లత హైదరాబాదుకి ఒకే రైలులో ప్రయాణం చేస్తారు. హైదరాబాదు చేరుకున్న శోభనాద్రి, సన్యాసిరావు ద్వారా ఒక లాడ్జిలో దిగుతాడు. ప్రసాదు(Giribabu) తో రైలులో హైదరాబాదుకు బయలుదేరిన నగలు ధరించి ఉన్న లత(JayaChitra), రైలు హైదరాబాదు చేరుకునే సమయానికి ఒంటరిగా మిగులుతుంది.

Lata (JayaChitra) Shobhanadri (Shobhan Babu) Marriage in Lodge – Soggadu Movie.

శోభనాద్రిని హోటలుకి చేర్చిన సన్యాసిరావు మరలా లతని కూడా అదే హోటలుకు చేరుస్తాడు. శోభనాద్రి, లతలు ఒకే గదిలో చేరతారు, సన్యాసిరావు వలన. రైలులో లత నగలుతో ఊడాయించిన ప్రసాదు అదే హోటల్లో వేరే అమ్మాయితో లతకి కనబడతాడు. ఆ విషయం లత, శోభనాద్రికి చెప్పగానే, సోగ్గాడు శోభనాద్రి(Shobhan Babu) ప్రసాదుకి బుద్ది చెప్పి లత నగలను ప్రసాదు దగ్గర నుండి తిరిగి లతకి ఇప్పెస్తాడు. Shobhanbabu Jayachitra Jayasudha Soggadu Telugu

లత-శోభనాద్రిలు ఒకరంటే ఒకరు ఇష్టపడి, ఊరికి వెళ్లగానే పెళ్లి చేసుకునే ఉద్దేశ్యంతో, పెళ్లి సామానులు హోటల్ రూముకి తెచ్చుకుంటారు. అయితే ఆ హోటలుకి పోలీసులు రావడం వలన, అదే హోటల్లో లత మెడలో తాళి కట్టేస్తాడు, సోగ్గాడు శోభనాద్రి. ఇద్దరూ కలసి లత ఇంటికి వెళతారు. అక్కడ లత తల్లి వారిని ఆదరించినా, మోసగాడు అయిన లత(Jayachitra) మేనమామ, శోభనాద్రిని పోలిసులకు పట్టిస్తాడు.

దుర్మార్గుడు అయిన భూపతి, లత జీవితంలోనే కాకుండా, గతంలో శోభనాద్రి తల్లి జీవితంలో కూడా దుర్మార్గంగా నడుస్తాడు. జైలునుండి ఇంటికి తల్లి దగ్గరికి వచ్చిన శోభనాద్రి, తన తల్లి గతం తెలుసుకుని, కోపంతో రగిలిపోతాడు. దానికి తోడు భూపతి మోసం వలన లత-శోభనాద్రిల పెళ్లి చెల్లదని కోర్టు తీర్పు ఇస్తుంది. ఎలాగైనా లత(JayaChitra) ఆస్తిని కాజేయాలని భూపతి దుర్మార్గపు పధకాలు వేస్తూ ఉంటాడు.

గతంలో సోగ్గాడి శోభనాద్రి తండ్రిని చంపి, శోభనాద్రి తల్లి అయిదోతనాన్ని దూరం చేసిన భూపతి, ఇప్పుడు శోభనాద్రి భార్య లత జీవితానికి కూడా ప్రమాదంగా మారిన భూపతి ప్రోద్బలం పలన పరమేశం పధకం, అతని కూతురు సరోజ ప్రాణాలు తీస్తుంది. చెడుకు దగ్గరగా చేరితే, చెడు చేసే దారుణం ఎంత ప్రమాదకరమో పరమేశం జీవితం ఈచిత్రంలో కనబడుతుంది.

ఆస్తి కోసం మనిషి ప్రాణాలు తీసే భూపతిని శోభనాద్రి అంతం చేయడంతో ఈ చిత్రం ముగుస్తుంది. భూపతి, శోభనాద్రి తండ్రి ప్రాణాలు ఎలా తీసాడో, అదే విధంగా శిక్షింపబడి, చివరికి శ్రీకృష్ణ జన్మస్థానానికి వెళతాడు. రైతు పండించిన అన్నం తింటూ రైతులను పీడింపచేసే భూపతికి దగ్గరగా, ఊరి పెద్దగా ఉన్న పరమేశం జీవితంలో కూతురుని కోల్పోయాక సోగ్గాడిలాంటి రైతు విలువ ఏమిటో తెలుసుకుని, భూపతి గురించి పోలిసులకు తెలియజేస్తాడు. రైతులను, మంచివారిని పీడించిన భూపతి జైలుకు వెళితే, భూమిని నమ్ముకున్న సోగ్గాడు బంధువర్గంతో సంతోషంగా ఉండటం చిత్ర కధ ముగుస్తుంది.

లతగా నటించిన జయచిత్రకు తెలుగులో తొలి చిత్రం. శోభన్ బాబుకు, జయసుధకు, జయచిత్రకు మంచి విజమవంతమైన తెలుగుచలనచిత్రం. “Shobhanbabu Jayachitra Jayasudha Soggadu Telugu”

ధన్యవాదాలు
తెలుగురీడ్స్

దక్షయజ్ఙం మేటి తెలుగు సినిమా

ఎన్టీఆర్ పరమశివునిగా కనిపించే దక్షయజ్ఙం తెలుగు మేటి చిత్రం

దక్షయజ్ఙం మేటి తెలుగు సినిమా పార్వతి పరమేశ్వరుల గాధ దక్షయజ్ఙం సినిమా చూడడానికి ఇక్కడ తాకండి

దక్షయజ్ఞం చిత్రంలో NT రామారావు పరమశివుడుగా దేవిక సతీదేవిగా, SV రంగారావు దక్షుడుగా, చిత్తూరి నాగయ్య దధీచి మహర్షిగా, రాజనాల ఇంద్రుడుగా, రామకృష్ణ చంద్రుడుగా, మిక్కిలినేని బ్రహ్మగా, పద్మనాభం, బాలకృష్ణలు దక్షప్రజాపతి కుమారులుగా, సూరిబాబు నందిగా, రఘురామయ్య నారద మహర్షిగా, కన్నాంబ వైరినిగా, రాజశ్రీ రోహిణిగా ఇంకా ఛాయాదేవి, మీనాకుమారి, వాసంతి తదితరులు మిగిలిన పాత్రల్లో నటించారు. ప్రజాదరణ పొందిన పాత చిత్రాల్లో దక్షయజ్ఞం ఒక మంచి చిత్రం. ‘దక్షయజ్ఙం మేటి తెలుగు సినిమా’.

పౌరాణిక గాధలలో సందేశం మిళితమై సందేశం కోసం సన్నివేశాలు సంఘటనలతో కూడిన గాధలు ఉంటాయి. అలా పార్వతి పరమేశ్వరుల గురించి చెప్పబడినప్పుడు తరుచూ తగిలే గాధ దక్షయజ్ఞం గాధ! పార్వతి మాత గతజన్మ వృత్తాంతం కావడం ఆ జన్మలోను ఈ జన్మలోను శివుడు మరు జన్మ లేకుండా పార్వతి మాతకు నాధుడై ఉండడం ఈ దక్షయజ్ఞం పౌరాణిక గాధ మనసులో భక్తిని ఆసక్తిని రేకెత్తిస్తూ ఉంటుంది. అలాగే దక్షయజ్ఞం గురించి పురాణ ఫలశ్రుతి ఉంటే, ఈ పౌరాణిక ద్వారా సాక్ష్యాత్తు త్రిమూర్తుల అండ ఉన్నా అహంకరిస్తే ఏస్థితికి ఎటువంటి వారైనా ఎలా పతనం చెందుతారో తెలియబడుతుంది. అటువంటి దక్షయజ్ఞం దైవ చరితను వెండితెరకు ఎక్కించి ప్రేక్షకుల ముందుకు తెచ్చిన వారు కడారు నాగభూషణం, కన్నాంబ. భక్తీ, మనోబలాన్ని, పుణ్యాన్ని పెంచే దైవగాధ తెలుగు తెరపై ప్రేక్షకులకు చిరపరిచయమే.

త్రిమూర్తుల అనుగ్రహం కలిగిన దక్షుడు శాపానుగ్రహాలు ఇవ్వడం

భూలోకమున ప్రాజాపత్యం పెరగడానికి బ్రహ్మ సృష్టించిన ప్రజాపతులలో దక్షుడు ప్రధానంగా ప్రఖ్యాతి గడించి, గర్వంతో అందరికి శాపానుగ్రహాలు ఇట్టే ఇచ్చేస్తూ ఉంటారు. ఆ క్రమంలో తనతో వాదం ఆడినందులకు కన్నా కుమారులకు సైతం పామరులు కమ్మని, తన కుమారులకు సన్యాస బోధ చేసారని ఆరోపిస్తూ నారద మహర్షికి శాపాలు అనుగ్రహిస్తాడు. ఇలా ఉండే దక్షప్రజాపతికి దత్త పుత్రికలు రోహిణి మొదలైన వారితో27మందితో బాటు, తన వరపుత్రిక అయిన సతిదేవి ఉంటారు.. వారిలో రోహిణి చంద్రుడుని వరిస్తే, ఆమె అభీష్టం మేరకు చంద్రుడికి కబురు పెట్టి రోహిణి అభీష్టం గురించి చెబుతాడు, దక్షుడు. అలాగే బ్రహ్మ అజ్ఞామేరకు దత్త పుత్రికలందరికి పతి ఒక్కడే ఉండాలి, కాబట్టి నీకు సమ్మతమైతే నా దత్త పుత్రికలందరిని నీకిచ్చి వివాహం చేస్తానని అంటాడు. అందుకు అంగీకరించిన చంద్రుడితో 27మంది దత్త పుత్రికలకు వివాహం జరిపిస్తారు. దక్షయజ్ఙం మేటి తెలుగు సినిమా

ఆ వివాహనికి విచ్చేసిన త్రిమూర్తులలో శివుడు దక్షుడు కోరిక మేర అతిథిగా దక్షుని నివాసంలోనే ఉంటాడు. అక్కడ సతిదేవి శివుడికి పరిచర్యలు చేస్తుంది. శివుని కోసమే పుట్టిన అమ్మ, శివుని ఆరాధనలోనే ఉంటుంది. ఇప్పుడు శివుని వివాహమాడ తలుస్తుంది.
చంద్రుడిని పరిణయమాడిన 27మంది దత్త పుత్రికలలో రోహిణి మినహా అందరూ సంతోషంగా ఉండరు. కారణం చంద్రుడు కేవలం రోహిణిని మాత్రమే ఆదరిస్తూ ఆమెతోనే ఉంటాడు. ఈ కారణం గ్రహించిన నారదుని సూచనా మేరకు, మిగిలిన దత్త పుత్రికలు 26గురు తమ తండ్రి దక్షునితో మొరపెట్టుకుంటారు. దక్షుడు చంద్రుడిని పిలిచి, భార్యలందరినీ సమంగా చూడకపోవడం తప్పు అని చెప్పబోతే, చంద్రుడు తన సంసారం గురించి మాట్లాడడం మర్యాద కాదు అని బదులు ఇవ్వడంతో ఆగ్రహించిన దక్షుడు చంద్రుడిని క్షయ వ్యాదిగ్రస్తుడుగా ఉండమని శాపానుగ్రహం ఇస్తాడు.
వెంటనే చంద్రుడు పరమశివుడుతో మొరపెట్టుకుంటే చంద్రుడుని తన సమక్షంలో ఉండమని, అలాగే దక్షుని శాపం కూడా నిష్ప్రయోజనం కాకుండా పదిహేనురోజులు క్షయిస్తూ, పదిహేనురోజు వృద్ది పొందుతూ ఉండమని అనుగ్రహిస్తాడు. అలా పరమేశ్వరుడు అనుగ్రహం వలననే చంద్రుడు అమావాస్య నుండి పెరుగుతూ, పౌర్ణమి నుండి తగ్గుతూ ఉంటాడు. ఈ విషయం తెలిసిన దక్షుడు తన మాట మన్నిస్తానని మాట ఇచ్చిన పరమశివుడు, తన శాపానికి మార్పు చేసి చంద్రుడిని అనుగ్రహించడం నచ్చక పరమశివుడిపైన ద్వేషభావం పెంచుకుంటాడు. దక్షయజ్ఙం మేటి తెలుగు సినిమా

సతీదేవిని వివాహమాడిన పరమశివుడు

అహంకారంతో వరగర్వంతో ఉండే దక్షుడుకి పరమశివుడుపై ఆగ్రహం రావడంతో తన వరపుత్రిక అయిన సతీదేవికి వివాహం చేయదలచి, సతీదేవి ఇష్టాన్ని ప్రక్కన పెట్టి స్వయంవరం ప్రకటిస్తాడు. సతీదేవి స్వయంవరం విషయం నారద మహర్షి ద్వారా తెలుసుకుని పరమశివుడు, సతీదేవి మనోభిష్టం నెరవేర్చాలని పరమశివుడు భావిస్తాడు. స్వయంవరం సభలో సతీదేవి విగ్రహరూపంలో ఉన్న పరమశివుడు పూలమాల వేసి వరిస్తుంది. వెంటనే పరమశివుడు ప్రత్యక్షమై సతీదేవితో అంతర్ధానం అవుతారు.

ఈ సంఘటనతో దక్షుడి అహంకారం పరమశివుడుపై పూర్తీ ద్వేషభావంతో నిండిపోతుంది. ఇక మహర్షులు లోకాల శ్రేయస్సు కోసం తలపెట్టిన యజ్ఞంలోకి అందరితో బాటు దక్షుడిని ఆహ్వానిస్తారు. ఆ యాగానికి విచ్చేసిన దేవతలు త్రిమూర్తులతో సహా అక్కడే ఆసీనులై ఉంటారు. యాగానికి వస్తున్న దక్షుడుని చూసి అందరూ గౌరవంతో లేచి నిలబడితే త్రిమూర్తులు అందరికన్నా పెద్దవారు కాబట్టి ఆసీనులై ఉంటారు. అయితే దక్షుడు పరమశివుడిని చూసి అల్లుడు మామని గౌరవించక పోవడం ఏమిటి అని అంటాడు. అందులకు పరమశివుడు సభలలో బాంధవ్యాలకు తావుండదు. నే త్రిమూర్తులలో ఒక్కరిగా ఇక్కడ ఉన్నాను అంటాడు. అయిన అహంకారి అయిన దక్షుడు పరమశివుడిని దూషిస్తాడు. ఇక సభలో శాపానుగ్రహాలు వస్తాయి.

దక్షప్రజాపతి తలపెట్టిన నిరీశ్వర యాగం

సభలో తనకు పరాభవం జరిగింది, నా అల్లుడు నన్ను గౌరవించలేదు అని భావించిన దక్షుడు, శివుడుపై ఇంకా ద్వేషంతో రగిలిపోతాడు. తత్ఫలితంగా నిరీశ్వర యాగం తలపెడతాడు, అంటే శివుడు లేని యజ్ఞం చేయ నిశ్చయిస్తాడు. వరబలం మెండుగా ఉన్న దక్షుడంటే మహర్షులకు, దేవతలకు హడలు, ఆ భయంతో ఈ నిరీశ్వర యాగానికి వారు దక్షుడితో చేరతారు. బాంధవ్య దృష్టితో చూసి ఆది శక్తిని, శక్తి ఆధారమైన శివాన్ని కాదనడం దక్షుడు అహంకారం ఏ స్థితికి చేర్చిందో ఇక్కడ ప్రస్పుటం అవుతుంది. ఆది దంపతులని ద్వేషించడంలోనే దక్షుడు పతనం చెందాడు, అయితే ఫలితం కనబడే సంఘటన మాత్రం అతడు తలపెట్టిన నిరీశ్వర యాగం స్థలం. దక్షయజ్ఙం మేటి తెలుగు సినిమా

జగదంబ అయిన సతీదేవి తనతండ్రి తలపెట్టిన యాగం చూడాలని పరమశివుని ప్రార్ధిస్తుంది. అయితే పరమశివుడు సతీదేవితో దక్షుడి ద్వేషభావన గురించి అప్పుడు చెప్పి, సతీదేవిని వెళ్ళవద్దని వారిస్తాడు. పుట్టింటిపై మమకారంతో అందులోను తనతోబుట్టువులు కూడా ఆ యాగానికి వెళ్ళారని తెలియడంతో అమ్మమనసు అమ్మదగ్గరికి వెళ్ళాలనే నిశ్చయించుకోవడంతో పరమశివుడు శివపరివారంతో సతీదేవిని దక్షయజ్ఞానికి పంపిస్తాడు. యాగానికి వచ్చిన సతీదేవిని యాగశాలలో ఎవరు పలకరించారు, తండ్రి ముఖం చాటేస్తాడు. భర్తమాట కాదని వచ్చినందులకు నాకు తగిన శాస్తి జరిగినది, అని తలచిన అమ్మ అగ్నిలో ఆత్మత్యాగం చేస్తుంది.

విషయం పరివారం ద్వారా విన్న శివుడు ప్రళయ రుద్రుడై నాట్యం చేసి, తన జటాజుటం నుండి వీరభద్రుడిని సృష్టిచేసి దక్షయజ్ఞం నాశనం చేయమని ఆజ్ఞాపిస్తాడు. వీరభద్రుడు దక్షయజ్ఞంలో భీబత్సం సృష్టిస్తాడు. దక్షుడి తలతెగి అగ్నికి ఆహుతి అవుతుంది. అయితే మహా ప్రతివ్రత అయిన దక్షుడి భార్య వైరిని ప్రార్ధనతో త్రిమూర్తులు ప్రత్యక్ష్యమై దక్షుడికి మేక తలను పెడతారు. అలాగే దక్షయజ్ఞం నిర్విఘ్నంగా జరిగేల ఆశీర్విదిస్తారు. అయితే జగదంబ మాత్రం దక్షుడి కుమార్తె మరలా పునర్జీవిగా రావడానికి ఇష్టపడని కారణంగా అమ్మ అదృశ్యంగానే ఉంటుంది. దక్షయజ్ఞం చలనచిత్రం ముగుస్తుంది. ఎంతటి శక్తిమంతులైనా సరే ఆహంకరిస్తే, గర్వంతో ఇతరులను నొప్పిస్తే ఎంతటి పరిణామాలు ఉంటాయో, ఎందరి జీవితాలు తలక్రిందులు అవుతాయో ఈ దక్షయజ్ఞం చిత్రం ద్వారా కనబడుతుంది. దక్షుడి అహంకారం సాక్ష్యాత్తు పరమశివుడు భార్య జగదంబ జీవితాన్నే మార్చేసింది. అలాగే అల్లుడు చంద్రుడు జీవితంపై తీవ్రప్రభావం చూపించింది. దక్షుడితో బంధుత్వం ఏర్పడిన కారణంగా పరమశివుడే నిందింపబడ్డాడు. ఇలా అహంకారి దక్షుడితో సంభందం కలిగిన అందరూ ప్రభావితులైనారు. అయితే దేవతా శక్తికి ప్రకృతి మార్పులతో మొదలువుతుంది కాబట్టి అవన్నీ లోకకళ్యాణం కోసం ఉపయోగపడ్డాయి. “దక్షయజ్ఙం మేటి తెలుగు సినిమా

ధన్యవాదాలు
తెలుగురీడ్స్

అప్పుచేసిపప్పుకూడు తెలుగు పాత చలనచిత్రం

అప్పుచేసిపప్పుకూడు తెలుగు పాత చలనచిత్రం

అప్పు చేసి పప్పు కూడు సినిమా చూడడానికి ఇక్కడ తాకండి

Appu Chesi Pappu Kudu Telugu 1959 Old Movie విజయ ప్రొడక్షన్స్ పతాకం పై ప్రసాద్ దర్శకత్వంలో వచ్చిన ఈ చిత్రంలో NT రామరావు, SV రంగారావు, సావిత్రి, కొంగర జగ్గయ్య, జమున, చిలకలపూడి సీతారామాంజనేయులు, రేలంగి వెంకటరామయ్య, గిరిజ, అల్లు రామలింగయ్య, ముక్కామల, రమణారెడ్డి, సూర్యకాంతం, తదితరులు నటించారు.

అప్పుచేసి పప్పుకూడు పరపతిని ఉపయోగించుకుని అప్పులు చేసే వ్యక్తి, ఆ అప్పులు తీర్చడానికి ఎన్ని ఇబ్బందులు గురి అవుతారో ఎందరి జీవితాలతో అడుకుంటారో ఈ చిత్రం ద్వారా కనబడుతుంది. రావు బహద్దూర్ రామదాసు పరపతితో అప్పులు చేయడం, ఇంకా తన కోడలుని కాదని ఇంకో జమిందారి సంబంధం కోసం ప్రాకులాడడంతో మొదలయ్యే చిత్రం, దివాన్ బహద్దూర్ ముకుందరావు తన మనవరాలికి మహారాజాతోనే పెళ్లి చేయాలనీ భావించండంతో చిత్రకధ అనేక మలుపులు తిరుగుతుంది. ‘Appu Chesi Pappu Kudu Telugu 1959 Old Movie’.

రావు బహుద్దూర్ రామదాసు జమిందారు అయితే నిండా అప్పుల్లో మునిగి ఉంటాడు. అతనికి ఒక రఘు అనే కొడుకు, పట్నంలో చదువు కుంటూ ఉంటాడు. రావు బహుద్దూర్ రామదాసు కింద గుమస్తాగా భజగోవిందం పని చేస్తూ ఉంటాడు. అయితే రావు బహుద్దూర్ రామదాసు తన కొడుకు రఘు రాజారావు చెల్లెలు లీలతో వివాహం జరిగి ఉంటుంది, అయితే విదేశాలకు చదువు నిమిత్తం రఘు, ఉద్యమంలో భాగంగా రాజారావు జైలు కి వెళ్ళినప్పుడు, డబ్బుపై పేరాశతో రావు బహుద్దూర్ రామదాసు లీల ఇంటినుండి గెంటివేస్తాడు. తరువాత లీల చనిపోయిందని విదేశాల్లో ఉన్న రఘుకి చెబుతాడు. అంతేకాకుండా సాటి జమిందారు అయిన దివాన్ బహుద్దూర్ ముకుందరావు మనవరాలు మంజరికి ఇచ్చి పెళ్లి చేస్తే వచ్చే సొమ్ముతో బాకీలు తీర్చివేయవచ్చు అని భావిస్తాడు.

భజగోవిందం, రాజారావు కలసి వేసే వేషాలతో కధకు ముగింపు

అలాగే దివాన్ బహుద్దూర్ ముకుందరావు దగ్గర పనిచేసే గుమస్తాకి రావు బహుద్దూర్ రామదాసు లంచం ఇచ్చి సంబంధం ఖాయం చేసేవిధంగా చూడమాని చెబుతాడు. స్వతంత్ర సమరంలో జైలుకి వెళ్లి జైలు నుండి విడుదల అయిన రాజారావు వచ్చేటప్పటికి భజగోవిందం, మంజరి జరిగిన విషయాలు రాజారావుకి చెబుతారు. ఇంటినుండి గెంటివేయబడిన లీలని మరల రామదాసు ఇంటిలో తీసుకువస్తాడు, రాజారావు. సుగుణవతి అయిన లీలని ఇంట్లో పని మనిషిగా అయితే ఉండు, నా ఇంటికోడలుగా కాదు అని ఒప్పిస్తాడు. రావు బహద్దూర్ రామదాసు. రావు రామదాసు గారికి గుణపాఠం చెప్పడానికి, మంజరి, లీలల జీవితాలను కాపాడడం కోసం రాజారావు ఒక జమిందారు గా వేషం వేసుకుని దివాన్ బహద్దూర్ ముకుందరావు గారి ఇంటికి వస్తాడు. విదేశాల నుండి రఘు చదువులు పూర్తీచేసుకుని వస్తాడు. రఘు వచ్చాక అతని భార్య అయిన లీలని పనిమనిషిగా పరిచయం చేస్తాడు. Appu Chesi Pappu Kudu Telugu 1959 Old Movie

కానీ ఆ పని మనిషే లీల అని రఘు తరువాత తెలుసుకుని, తను కూడా ఆ విషయం తెలియనట్టే రావు బహద్దూర్ రామదాసు దగ్గర నటిస్తూ ఉంటాడు. అయితే రాజారావు ఆడుతున్న రాజావారి నాటకం తెలుసుకున్న రావు బహద్దూర్ రామదాసు రాజారావు చెల్లెలుని తీసుకువచ్చి బెదిరించి, జమిందారు దగ్గర నుండి దివాన్ బహద్దూర్ దగ్గర నుండి పంపించేస్తాడు. అలాగే రావు రామదాసు దివాన్ బహద్దూర్ ముకుందరావు దగ్గరికి వచ్చి అతని మనవరాలు మంజరిని తన కొడుకు రఘుకి ఇచ్చి చేయమని, లేకపోతే దొంగ రాజాని ఇంట్లో పెట్టుకొని నాటకం సంగతి కోసం నలుగురి చెప్పి మనవరాలి మంజరి పెళ్లి జరగనివ్వనని బెదిరిస్తాడు. Appu Chesi Pappu Kudu Telugu 1959 Old Movie

ఇక భజగోవిందం సూచనతో రాజరావు మరలా సన్యాసి వేషం వేసి, దివాన్ బహద్దూర్ ముకుందరావు దగ్గరికి చేరతాడు. రాజారావుతోబాటు భజగోవిందం కూడా సన్యాసి వేషంతో రావు బహద్దూర్ రామదాసు ఆటలకు చెక్ పెడతారు. చివరికి లీల-రఘు, ఉష-భజగోవిందం, మంజరి-రాజారావు జంటలుగా పెద్దలు అంగీకరించడంతో చిత్రం ముగుస్తుంది. “Appu Chesi Pappu Kudu Telugu 1959 Old Movie”. దురాశ దుఃఖానికి చేటు, అయితే అయినవారి చొరవతో పెడదారి సరిచేయబడితే బుద్ది తెచ్చుకున్న ఒక పెద్దమనిషిచేత ప్రభావితమైనవారు వేసే వేషాలు ఈ చిత్రంలో ఆకట్టుకుంటే, పాటలు కూడా బాగుంటాయి.

ధన్యవాదాలు
తెలుగురీడ్స్

అలనాటి పాత సినిమాలు

అలనాటి పాత సినిమాలు

Our Films are in Youtube Old Telugu Movies Popular Actors సమస్యలతో సతమతయ్యే వారికి వినోదంగా ఒకప్పుడు హరికథలు, నాటకాలు ఉంటే అవి పౌరాణిక కధలతో సామజిక కుటుంబ సందేశాలను మిళితం చేస్తూ, కొన్నింటిలో అయితే అప్పటి సామజిక దోరణిలను వ్యంగ్యంగానో చెప్పటం జరుగుతుంది అని పెద్దలు చెబుతూ ఉంటారు. అటువంటి వాటిలో ఎక్కువగా సత్యహరిశ్చంద్ర, వల్లికళ్యాణం, చింతామణి లాంటి డ్రామాలు ఉంటే, ఎన్నెన్నో హరికధలు దేవతలపై చెప్పబడేవిగా చెబుతారు. సాంకేతికత అభివృద్ధి చెంది, నాటకాలను చలనచిత్రాలుగా వెండితెరపై కెక్కించి విజయంతం అయ్యారు.

కధనంలో జరుగుతున్నా సమకాలిక సామజిక పరిస్థితులనుసరించి పౌరాణిక గాధలు ఎక్కువగా సినిమాలుగా వస్తే, జానపద కధలు, చారిత్రక విశేషాలు ఇలా చెబుతూ పొతే అనేకానేక పాత చిత్రాల్లో సందేశాన్ని సామరస్యంగా చెప్పడంలో చక్కగా చిత్రాల్లో చూపినట్టు, మనకి పాత చిత్రాల్లో కనబడుతుంది. సున్నితమైన అంశాల గురించి సున్నితంగానే చెప్పడం కూడా పాతచిత్రాలకే కనబడుతుంది. ఇప్పటి చిత్రాల సందేశాలు ఇప్పటికి అధునాతనమైనవి అయితే అప్పటి చిత్రాల సందేశాలు అప్పటికి అధునాతనంగానే ఉంటాయి. ఎందుకంటే సినిమాలు గతకాలపు సంఘటనలు లేక గ్రందాల విషయాలతో కూడి ప్రస్తుతానికి దగ్గరగా భవిష్యత్తుపై ఊహతో కూడా ఉండే అవకాశం ఉంది. కాబట్టి చిత్రాలు చెబితే గతకాలపు అంశాలలో మంచి చెడులను, లేక భవిష్యత్తు సామజిక పయనం ఎటు ? అనే అంశాలతో మిళితమై ఉంటాయి.

ప్రస్తుతం అంటే అప్పుడు ఎప్పుడు చేదుగానే ఉంటుంది, ఎందుకంటే వర్తమానంలో సామజిక విషయాల అనేక మంది ఆచరణచేసేవి సమాజంలో పోకడలుగా దోరణిలుగా కొనసాగుతాయి. కాబట్టి వాటిపై వచ్చే విమర్శలు, సూచనలు అనేక మంది మానవ మేధ ఒక్కరి మేధాశక్తిని నమ్మజూడదు. ఎందుకంటే ఎక్కువ శాతం ఊహలు కలలుగానే ఉంటాయి, కొన్ని వాస్తవానికి దగ్గరగా ఉంటే, అవి అందరూ అవగతం చేసుకునే అయ్యే స్థితిని సమాజంలో కల్పించలేవు. అందుకే అప్పుడు ఇప్పుడు ప్రస్తుతం గురించి వచ్చిన చిత్రాలు మాత్రం అవార్డు చిత్రాలుగా ఉంటాయి.

కధను బట్టి పాత్ర, పాత్రను బట్టి పాత్రదారి పాతచిత్రాల తీరు

పాతచిత్రాల కధానాయకులుగా నాగయ్య, ఎస్ వి రంగారావు, నందమూరి తారకరామారావు, అక్కినేని నాగేశ్వరరావు, శోభన్ బాబు, భానుమతి, షావుకారు జానకి, అంజలి దేవి, కాంచన, రాజశ్రీ, కన్నాంబ, కృష్ణ కుమారి, జమున, వాణిశ్రీ మొదలైనవారు అనేక తెలుగు చిత్రాల్లో నటిస్తే, చాలామంది వారు సినిమాల్లో జీవించారు అని చెబుతారు. Youtube Old Telugu Movies Popular Actors

కాని పాత చిత్రాలు సాద్యమైనంతవరకు సందేశంతో ఉన్నా సకుటుంబానికి కావాల్సిన విషయాలు వాటిలో ఉండే అందరిని ఎక్కువకాలం అలరించాయి. ఇప్పటికి కొంతమంది యూట్యూబ్ లాంటి వీడియో వెబ్ / మొబైల్ ఆప్స్ ద్వారా వీక్షించేవారు అధికంగానే ఉంటారు. ఎన్నో ఉత్తమ చిత్రాలు ఉంటే కొన్ని చిత్రాలు గురించి ఇప్పటికి, మరికొన్ని రానున్న కాలంలో… క్రిందగా ఉన్న కొన్ని చిత్రాల (Chitralu) గురించి Youtube Old Telugu Movies Popular Actors చదవండి….

లక్ష్మికటాక్షం – పేరాశతో పరుల ధనానికి ప్రతినాయకుడి పాట్లు, లక్ష్మిదేవి అనుగ్రహం కలిగిన కధానాయకుడు

అలనాటి తెలుగు చిత్రాలలో వినోదంతో పాటు సమాజ శ్రేయస్సుకోసం సందేశాలు కూడా కధనంలో కలసి చక్కగా కుటుంబంతో కలసి చూడదగిన చిత్రాలే ఎక్కువగా ఉంటే, వాటిలో లక్ష్మికటాక్షం చిత్రం ఒకటి. NTR KR Vijayala LakshmiKataksham Telugu Movie చిత్రాన్ని విఠలాచార్య దర్శకత్వం వహించారు. అర్హత లేనివాటి కోసం వేషం మార్చుకుని చేసే ప్రయత్నాలు ఫలించవు అని, ఒకవేళా ఫలించిన నశించిన బుద్దితో ఆ సంపద దక్కదని ప్రచండుడి పాత్రలో ప్రస్పుటం అవుతుంది. వేషం మార్చుకుని వేషాలు వేయించగలిగే శక్తిని సంపాదించి కూడా పేరాశతో భోగాలు కోసం అంతులేని సంపదని ఒక్కడి స్వార్ధం కోసం చేసిన ప్రయత్నం విఫలమై చివరికి దుష్ట సర్పంగా మారి అడవులపాలు అయ్యేలా చేసిన పేరాశను పట్టుకున్న ప్రచండుడు. విధిరాతను బట్టి ఎక్కడిజీవితంలో అక్కడ సంతోషంగా గడిపే కులవర్ధనుడుకి ప్రచండుడి ప్రయత్నాలే కులవర్ధనుడుని మహారాజుగా మార్చాయి. ఈ చిత్రం గురించి ఇంకా చదవడానికి ఇక్కడ ఇవే అక్షరాలపై టచ్/క్లిక్ చేయండి.

కలసిఉంటే కలదు సుఖం – టైటిలే చిత్రానికి కాప్షన్ అయ్యేలా చిత్రం పేరు చిత్రకధ

కలసి ఉంటే కలదు సుఖం నందమూరి తారకరామారావు సావిత్రి జంటగా నటించిన కుటుంబ కధా చిత్రం. తెలుగు చిత్రాలలో కుటుంబ విలువలను అందులోను ఉమ్మడి కుటుంబ విలువలను గూర్చి చక్కగా చెప్పే పాత చిత్రాల్లో కలసి ఉంటే కలదు సుఖం ఒక మంచి చిత్రంగా ఉంది. స్వర్గీయ ఎన్టిఆర్ సావిత్రల కలియకలో ఎస్వి రంగారావుగారు, సూర్యకాంతం, రేలంగి తదితరుల అద్బుత నటనతో చిత్రం కుటుంబ ప్రేక్షకులను ఆకట్టుకుంది. NTR Savitri Kalasi Unte Kaladu Sukham Telugu Chitram Ummadi kutumbamlo bandhalu gurinchi venditerapai veligina chitrarajamu. ముద్దబంతి పూలు పెట్టి, మొగలి రేకులు జడను అంటూ సాగే పాట సూపర్ హిట్ సాంగ్. శ్రీ సారది స్టూడియోస్, బ్యానర్ పై రామరావు, రేలంగి, ఎస్విఅర్ సావిత్రి, గిరిజ హేమలత, రమాదేవి తదితరులు నటించిన తెలుగు చలనచిత్రం కలసి ఉంటే కలదు సుఖం చిత్రానికి తాపి చాణుక్య దర్శకత్వం వహించారు. ఈ చిత్రం గురించి ఇంకా చదవడానికి ఇక్కడ ఇవే అక్షరాలపై టచ్/క్లిక్ చేయండి.

కృష్ణుడు భాగవతంలో కధానాయకుడు అయితే భారతంలో ధర్మాన్ని గెలిపించిన భగవానుడు.

మహాభారతంలో భాగంగా ఉండే శ్రీకృష్ణ అవతారగాధ భాగవతంలో కూడా భాగమై ఉంటుంది. ఆ గాధని స్వర్గీయ నందమూరి తారక రామారావు గారు కృష్ణుడుగా, స్వర్గీయ నందమూరి హరికృష్ణ బాలకృష్ణుడుగా నటిస్తే, శోభన్ బాబు నారద మహర్షిగా నటిస్తే, దేవిక, కాంచన, కైకాల సత్యనారాయణ, నాగయ్య, మిక్కిలినేని, ధూళిపాళ, రాజనాల, ముక్కామల, ప్రభాకర్ రెడ్డి, రామకృష్ణ, ముదిగొండ లింగమూర్తి, కృష్ణకుమారి, ఎస్ వరలక్ష్మి, ఎల్ విజయలక్ష్మి, గీతాంజలి, సంద్యారాణి తదితరులు శ్రీకృష్ణావతారం చిత్రంలో నటించారు.ఈ చిత్రం గురించి ఇంకా చదవడానికి ఇక్కడ ఇవే అక్షరాలపై టచ్/క్లిక్ చేయండి.

పరమానందయ్య శిష్యుల కధ – హాస్య భరిత పౌరాణిక చిత్రం

Paramaanandayya Shishyula Kadha Telugu Old Movie శ్రీ దేవి ప్రొడక్షన్స్ బ్యానర్ పై పరమానందయ్య శిష్యుల కద చిత్రం– సి పుల్లయ్య దర్శకత్వంలో నాగయ్య, ఎన్టిఆర్, పద్మనాభం, అల్లు రామలింగయ్య, రాజబాబు తదితరులు నటించారు. సహజమైన నవ్వు ఆరోగ్య స్థితిని తెలియజేస్తూ ఉంటే, బుద్దిహీనతతో చేసే పనుల వలవ వచ్చే నవ్వులతో కూడిన హాస్యకదాచిత్రము పరమానందయ్యా శిష్యుల కధ ‘ ఈ చిత్రం గురించి ఇంకా చదవడానికి ఇక్కడ ఇవే అక్షరాలపై టచ్/క్లిక్ చేయండి.

రాముడు, కృష్ణుడు, శివుడు భగవానుడిని భక్తితో తెలుగుకు పరిచయం చేసిన మహాభక్తుడు

అలనాటి మేటి చిత్రాల్లో భక్తపోతన భక్తీచిత్రం. BhaktaPotana Bammera Potanaamatyula Bhagavata Rachana Samskrutam nundi Telugulo Anuvadinchina Bhakta Potanaamaatyulu శ్రీకృష్ణుడు మహాభారతం నడిపించడానికి ద్వాపరయుగంలో ధర్మానికి అధర్మానికి యుద్దంలో ధర్మాన్ని రక్షించబూనిన వారికి మద్దతుగా ఉంటూ ధర్మ సంస్థాపన చేయడానికి అవతరిస్తే, ఆ మహాభారతాన్ని సంస్కృత రచన చేసిన వేదవ్యాసుడు, ఆ పరబ్రహ్మ లీలలను కూడా చెప్పదలచి భాగవతం కూడా రచనచేసి ఆత్మతృప్తిని పొందినట్టుగా శాస్త్ర పండితులు పలువురు ప్రవచన కారులు చెబుతారు. భాగవతం వింటే పుణ్యం కలుగుతుంది అని, మరీ భక్తిశ్రద్దలతో వింటే మోక్షమే ప్రాప్తిస్తుంది అని కూడా ప్రవచన కారులు వారి వారి ప్రవచనాల ద్వారా చెబుతూ ఉంటారు. అటువంటి మహానుభావుల చేత చెప్పబడుతున్న మహాభాగవతాన్ని తెలుగులోకి అనువదించిన మహానుభావుడు, తెలుగుజాతికి విలువైన భక్తీ గ్రంధాన్ని అందించిన బమ్మెర పోతరాజు గురించిన తెలుగు చలనచిత్రం చూడడం కూడా ఒక అదృష్టమే అంటారు. ఈ చిత్రం గురించి ఇంకా చదవడానికి ఇక్కడ ఇవే అక్షరాలపై టచ్/క్లిక్ చేయండి.

మాటపై నిలబడడం అంటే నిప్పులపై నిలబడడం అని నిరూపించిన చిత్రం

NTR Satya Harishchandra Full Story Telugu Movie, Satyaharischandra Maharaju Satyavrata Pouranika Gaadha పాతతరం చిత్రాలలో పాత్రకో ప్రసిద్ద హీరో కనిపిస్తూ సామజిక కుటుంబ వ్యక్తిగత సందేశాలను ఇస్తూ ఉండడం కనబడుతూ ఉంటుంది. అటువంటి తెలుగు చిత్రాలలో ఒక సత్యానికి ప్రతీకగా సత్యం గొప్పతనం తెలిపే గొప్ప చిత్రం సత్యహరిశ్చంద్ర గాధ53 ఏళ్ల క్రిందట వచ్చిన ఈ చిత్రంలో నందమూరి తారకరామారావు, ఎస్ వరలక్ష్మి, నాగయ్య, ముక్కామల, రమణారెడ్డి, రాజనాల, రాజశ్రీ, మీనాకుమారి, రేలంగి, గిరిజ తదితరులు నటించారు. సత్యహరిశ్చంద్ర చిత్రానికి సంగీతం పెండ్యాల నాగేశ్వరరావు అందించగా ప్రముఖ దర్శకులు కె.వి. రెడ్డి నిర్మాణదర్శకత్వంలో విజయా ప్రొడక్షన్స్ సత్యహరిశ్చంద్ర గాధని చిత్రంగా సంస్థ నిర్మించింది. ఈ చిత్రం గురించి ఇంకా చదవడానికి ఇక్కడ ఇవే అక్షరాలపై టచ్/క్లిక్ చేయండి.

అలనాటి మేటి తెలుగు చిత్రాలకు సాటి రాగల చిత్రాలు అలనాటి చిత్రాల్లోనే ఒకదానితో ఒకటి పోటి పడుతూ ఉంటాయి. గొప్ప గొప్ప కధలతో రచయితలు వస్తే, గొప్ప దార్శనికతతో దర్శకుల చిత్రాలను తీస్తే ఎన్నెన్నో చిత్రాలు మనకి లభిస్తాయి.  అనేక పాత Chitra లు మనకి యూట్యూబ్లో videoలుగా లభిస్తున్నాయి. ఈ పాత చిత్రాల వీడియోలు ఎప్పుడైనా ఎక్కడైనా smartphones ద్వారా వీక్షించవచ్చు.  “Youtube Old Telugu Movies Popular Actors” మరి కొన్ని…..

ధన్యవాదాలు
తెలుగురీడ్స్ మొబైల్ యాప్ డౌన్ లోడ్ చేయండి

లక్ష్మీ కటాక్షం అలనాటిమేటి చిత్రము

లక్ష్మీ కటాక్షం అలనాటిమేటి చిత్రము

లక్ష్మికటాక్షం సినిమా చూడడానికి ఇక్కడ తాకండి

అలనాటి తెలుగు చిత్రాలలో వినోదంతో పాటు సమాజ శ్రేయస్సుకోసం సందేశాలు కూడా కధనంలో కలసి చక్కగా కుటుంబంతో కలసి చూడదగిన చిత్రాలే ఎక్కువగా ఉంటే, వాటిలో లక్ష్మికటాక్షం చిత్రం ఒకటి. NTR KR Vijayala LakshmiKataksham Telugu Movie చిత్రాన్ని విఠలాచార్య దర్శకత్వం వహించారు.

రాజవంశీకులు భద్రపరిచిన నిధిసంపదకోసం శృంగారవరపు రాజ్యం వారు, పురందర రాజ్యం వారు కొన్ని తరాలుగా పోరాడుతూ ఉంటారు. అలాగే శృంగారవరపు రాజ్య మహారాజు మధురవర్మ గురువు అయిన కోదండపానేశ్వరుడు తన శిష్యగణంతో గ్రంధాలు అన్ని తిరగేస్తారు. లక్ష్మి బాండారం (LakshmiBandaram) గురించి తాళపత్ర గ్రంధాలలో వెతికి ఆ లక్ష్మి బాండారం ఎక్కడ ఉందో కనిపెట్టిన రాజగురువులు కోదండపాణి తన ఇద్దరు శిష్యులు వినయదండ (M Balaiah), ప్రచండ (Kaikala Satyanarayana)లతో శృంగారపురపు మండలేశ్వరుడు మధురవర్మ మహారాజు దగ్గరకి వెళ్తాడు. గురువుగారి కోసమే ఎదురు చూస్తున్న మధురవర్మ.

గురువుగారు రాగానే ఆసనం ఇచ్చి, గౌరవించి, లక్ష్మిబండారం గురించిన వివరాలు ఏమైనా తెలిసాయ అని అడుగుతారు. డానికి గురువుగారు లక్ష్మిబాండారం రహస్యం మీ సింహాసనం క్రిందనే ఉన్నాయి అనగానే, సింహాసనం దగ్గర నిక్షిప్తం చేసిన వివరాలు గురువుగారికి ఇస్తారు. మీ వజ్రనాథ వంశంలో తొమ్మిదవ తరంవారికి ఈ లక్ష్మిబాండారం సంపాదించి, సామ్రాజ్యాన్ని సుభిక్షంగా ఏలుతారు అని చెబుతారు. అయితే అప్పటికి ఆ రాజు ఎనిమిదవ తరం వారు అవ్వడం రాజు భార్య గర్భం ధరించి ఉండడం వలన పుట్టబోయే యువరాజు తొమ్మిదవ తరం రాజు కావునా అతడే ఈ లక్ష్మిబాండారం సాధిస్తాడు అని వారు అనుకుంటారు. ‘NTR KR Vijayala LakshmiKataksham Telugu Movie’.

పేరాశతో ప్రచండుడు లక్ష్మి బాండారం కోసం ప్రయత్నించి భంగపడడం

రాజగురువు తన ఇద్దరి శిష్యులకు హితబోధ చేసి, మీకు తెలిసిన విద్యను పరులకు సేవచేసేవిగా ఉపయోగించమని చెప్పి, తాను తపస్సుకు వెళ్తాడు. అయితే ఇద్దరి శిష్యులలో ప్రచండుడు స్వార్ధ పరుడై గురువుగారు దువుతుండగా లక్ష్మి బాండారం గురించిన రహస్యం చదివి తెలుసుకుంటాడు. గురువుగారు తపస్సుకు వెళ్ళగానే లక్ష్మిబాండారం దక్కించుకోవడానికి ప్రయత్నిస్తాడు. అయితే అక్కడ గణపతి విగ్రహం అతనిని దండిస్తుంది, అక్కడ ఆకాశవాణి అడిగిన మూడు ప్రశ్నలకు జవాబు చెప్పలేని ప్రచండుడుకి ఆకాశవాణిగా కేవలం మధురవర్మ మహారాజు కొడుకు మాత్రమే ఈ నిధిని సాధించగలడని చెబుతుంది.

మహారాణి అమ్మవారి గుడిలో మగశిశువుని ప్రసవించగానే ప్రచండుడు తన మంత్ర శక్తితో అందరిని మూర్చపోయేటట్టు చేసి మధురవర్మ రాజకుమారుడిని ఎత్తుకువెళ్లిపోతాడు. మహారాజ దంపతులు దుఃఖిస్తూ ఉంటే, రాజ పురోహితులు జాతకం చూసి, ఖచ్చితంగా రాజకుమారుడు తిరిగి వచ్చి సామ్రాజ్యాన్ని దేవేంద్ర వైభవంతో పరిపాలిస్తాడని చెబితే వారు తేరుకుంటారు. రాజ పుత్రుడుని తీసుకుపోయిన దుష్ట ప్రచండుడు, రాజ కుమారుడుకి కులవర్ధనుడు(NT Ramarao)గా నామకరణం చేసి, పెంచి పెద్దచేసి సకల విద్యలు నేర్పిస్తాడు. పూర్తీ విద్యార్హత వచ్చింది అనగానే అతడిని మరల లక్ష్మిబాండారం కోసం ప్రయత్నిస్తాడు. రాకుమారుడు గణపతి దగ్గర ఆకాశవాణి అడిగిన మూడు ప్రశ్నలకు సమాధానాలు చెప్పడంతో లోపలికి ప్రవేశం లభిస్తుంది. లోపాలకి వెళ్ళిన కులవర్ధనుడు గుడ్లు గ్రహించుకుని బయటికి వస్తాడు.

కులవర్ధనుడుతో లక్ష్మిబాండారం కోసం ప్రచండుడి ప్రాకులాట

మొదటి ప్రయత్నంలో విఫలమైన ప్రచండుడి ప్రయత్నం కులవర్ధనుడు ద్వారా రెండో రహస్యం దక్కించుకొని, మరలా రాజకుమారుడు దగ్గర నుండి శక్తులను గ్రహించి అతనిని తన మాయ శక్తితో గాలిలో దూరంగా విసిరేస్తాడు. అలా విసిరివేయబడ్డ కులవర్ధనుడు అడవిలో ఎక్కడో పడితే, మేకలు కాసుకునేవారి దగ్గర చేరతాడు. అయితే కులవర్ధనుడు గతంలో జరిగినది అంతా మరిచి ఉంటాడు. ప్రచండుడు లక్ష్మిబాండారం కోసం తన ప్రయత్నాలు చేయడానికి వెళ్తూ ఉంటే, అతని సహా శిష్యుడు కూడా ప్రచండుడుని అనుసరిస్తాడు. ఆ ప్రయత్నంలో అతను ఒక గుడ్డుపై వ్రాసి ఉన్నట్టుగా అనుసరించి, ఒక బేతాళ చెట్టు దగ్గరికి వెళితే అక్కడ ఒక పాత్ర లభిస్తుంది. గుడ్డు ముక్కలు వజ్రనాథ వంశపు పట్టపురాణి చేత పాయసం చేయించి ఆ పాయసంలో కత్తిని మూడు సార్లు ముంచి ఆ పాత్రని గీరినప్పుడే అందులో కొన్ని వివరాలు లభిస్తాయి అని వ్రాసి ఉంటుంది. మరల రాజకుటుంబంతో లంకె పడడంతో ప్రచండుడు మధురవర్మకి దగ్గరికి వస్తాడు. NTR KR Vijayala LakshmiKataksham Telugu Movie

ప్రచండుడు సహా శిష్యుడు అయిన వినయదండుడు అక్కడ దగ్గరిలో ఉన్న కోదండపానేశ్వరుల మిత్రులైన మంత్రదండులనే మరో ముని కలుస్తాడు. ఆ మునితో ప్రచండుడి గురించి చెబుతాడు. అప్పుడు ముని ఇంకా వివరాలు కావాల్సి ఉంటుంది, ఆ వివరాలు పురందర రాజ్యపు యువరాణి హేమమాలిని(KR Vijaya) వద్దనున్న నీలమణి వలననే ఇంకా కొన్ని వివరాలు లభిస్తాయి అనగానే అక్కడికి చేరి నీలమణి ద్వారా వివరాలు తెలుసుకుని వెళ్తాడు. అయితే అక్కడ పద్మరేఖలు కలిగిన హస్తం కనబడుతుంది.

ప్రచండుడు ప్రయత్నంలో మధురవర్మ పట్టపురాణి చేసిన ప్రయత్నంలో కూడా పాత్ర నుండి బయటపడిన వివరాలు కేవలం పద్మరేఖలు కలిగిన హస్తం ఉన్న వ్యక్తే చదవగలడని ఉంటాయి. ఇక పద్మరేఖలు ఉన్న హస్తం ఉన్న వ్యక్తి ఎవరో వెతికే ప్రయత్నంలో మహారాజు ప్రకటన చేస్తాడు. అరచేతిలో పద్మరేఖలు ఉన్న వ్యక్తికి లక్ష్మిబాండారం లభిస్తుందని. తన ప్రయత్నంలో అడ్డుపడుతున్నాడని వినయదండని కుక్కవి కమ్మని ప్రచండుడు మంత్ర ప్రయోగం చేస్తాడు. అడవిలో ఉంటున్న కులవర్ధనుడు అక్కడే ఉండే అమ్మాయి సింగారి(రాజశ్రీ)తో ఇష్టంగా మెసులుతూ ఉంటాడు. రాజ్యంలో లక్ష్మిబాండారం గురించి బాగా ప్రచారం జరుగుతుంది. రాజ్యంలో హస్తశాస్త్ర పండితులు.

లక్ష్మిబాండారం లభించాలంటే పద్మరేఖలు కలిగిన వ్యక్తి కోసం గాలింపు

ప్రజల చేతులను పరీక్ష చేస్తూ ఉంటారు. అయితే చాలామంది ప్రజలు తమచేతులపై పద్మరేఖలు గీయించుకుని రాజుగారి రాజ సభకు వస్తారు, కానీ అసలు పద్మరేఖలు కలిగిన వ్యక్తి కనబడడు. అడివిలో మౌడ్యంలో ఉన్న కులవర్ధనుడు దగ్గరికి కుక్క రూపంలో ఉన్న వినయదండ వెళ్లి, అతనిని పాపనాశిని అయిన కొలను ఉన్న ప్రదేశానికి తీసుకుపోతాడు. అక్కడ దైవానుగ్రహం, రాకుమారుడు పోరాటం వలన కొలనులోకి ప్రవేశం లభిస్తుంది. ముందుగా ఆ కొలనులోకి కుక్క ప్రవేశించి, వినయదండగా బయటకి వచ్చి, కులవర్ధనుడు కూడా అందులో స్నానం చేయమంటాడు. అప్పుడు కులవర్ధనుడు కొలనులో ప్రవేశించి బయటకు తన పూర్వస్మృతితో బయటకువస్తాడు. అతనికి లక్ష్మిబాండారం గురించి ప్రచండుడి ప్రయత్నం గురించి, వివరిస్తాడు, వినయదండ. అయితే హటాత్ గా అతని చేయి చూసిన వినయదండ ఆశ్చర్యంతో లక్ష్మిబాండారం నీకే లభిస్తుంది అని వివరిస్తాడు. ఈ హస్తరేఖలు ఉన్న చేయి కలిగిన వ్యక్తి కోసం ప్రచండుడు గాలిస్తున్నాడు, జాగ్రత్తా అని వినయదండ కులవర్ధనుడుని హెచ్చరిస్తాడు. NTR KR Vijayala LakshmiKataksham Telugu Movie.

మధురవర్మ మహారాజు ఎంతవెతికినా ఆ చేయి గల వ్యక్తి దొరకలేదు అని చెబుతాడు. అయితే నేను క్షుద్ర పూజ ద్వారా ఆ విషయం తెలుస్తానని అందుకు సిద్దం చేయమంటాడు, ప్రచండుడు. ప్రచండుడు క్షుద్ర పూజలో కూర్చుంటాడు. పూజలో ఉండి, పద్మరేఖలు కలిగిన ప్రాణిని అవాహం చేస్తాడు. ఆ రాకుమరుడే మరలా అక్కడికి వచ్చి పడతాడు. అతనిని చూసి ఆశ్చర్యానికి గురి, ఆ రాకుమారుడుని మధురవర్మ రాజదంపతుల వద్దకు తీసుకువస్తాడు, ప్రచండుడు. అక్కడ తాళపత్రాలలో ఉన్న రహస్యం చదవమని ప్రచండుడు చెబుతాడు. అయితే కులవర్ధనుడు ఆ వివరాలు చదివినవారికి తప్పించి ఇతరులకు చెబితే లక్ష్మిబాండారం మసిగా మారుతుందని చెప్పడంతో ప్రచండుడు అసహనానికి గురి అవుతాడు.
రాజమందిరంలోనే విశ్రాంతి తీసుకుంటున్న కులవర్ధనుడుని తమ పుత్రుడుగానే మధురవర్మ రాజదంపతులు భావిస్తారు. అలాగే అక్కడికి పురందర రాజ్యపు యువరాణి పనిమనిషిగా వచ్చిన మాలినిని, కులవర్ధనుడుకి ఇచ్చి పెళ్లి చేయాలనీ మధురవర్మ దంపతులు భావిస్తారు. అయితే ఆపదలో అడవిలో ఉన్న తనని ఇష్టపడే సింగారిని రాజమందిరానికి తీసుకువస్తాడు, కులవర్ధనుడు.

ప్రచండుడు మరల కులవర్ధనుడు సహాయంతో లక్ష్మిబాండారం కోసం ప్రయత్నం.

కులవర్ధనుడు, ప్రచండుడు, మధురవర్మ, హేమమాలిని లక్ష్మిబాండారం కోసం బయలుదేరతారు. అయితే దారిలో పనిమనిషి మాలినిగా ఉన్న పురందర రాణిపై సందేహం వచ్చిన ప్రచండుడు, మధురవర్మ ఆమెను శిక్షిస్తూ ఉండగా వినయదండ వచ్చి ఆమెను, ఆమె రాజ్యాన్ని ప్రచండుడి మంత్రశక్తి భారిన పడకుండా అడ్డుకుంటాడు, అంతేకాకుండా తన శక్తితో ప్రచండ మంత్ర శక్తిని నాశనం చేస్తాడు. పురందర మహారాణి తన సైన్యంతో అందరిని బంధించి తమ రాజ్యానికి తీసుకుబోతుంది. కులవర్ధనుడుని మాత్రం పురందర రాజ్యంలో పెట్టుకుని, రాజుని, ప్రచండుడుని రాజ్యం దాటిస్తారు. ప్రచండుడు దారిలో రధికుడుని చంపి రాజు మధురవర్మతో తప్పించుకుంటారు. NTR KR Vijayala LakshmiKataksham Telugu Movie.

పోయిన శక్తిని తిరిగి పొందడానికి ప్రచండుడు మరల క్షుద్ర పూజలు ప్రారంభిస్తే, కులవర్ధనుడు లక్ష్మిబాండారం కోసం బయలుదేరతాడు, తన సహవాసితో. తాళపత్ర గ్రందాలలో ఉన్న సూచనలు అనుసరించి, కులవర్ధనుడు లక్ష్మిదేవి అనుగ్రహం సంపాదిస్తాడు, అలాగే అమ్మ దర్శనంతో మధురవర్మ కుమారుడు తానే అని తెలుసుకుని అమ్మ అనుగ్రహించిన సంపదను గ్రహించి బయలుదేరతాడు. ప్రచండుడు తన ప్రయత్నం ఫలించి మరలా శక్తివంతుడు అవుతాడు. తిరిగి వస్తున్న కులవర్ధనుడు గమనం గమనించిన ప్రచండుడు, మధురవర్మ రాజదంపతులని, హేమమాలినిని తన గృహలో బంధిస్తాడు. అలాగే ప్రచండుడి గృహపై నుండి లక్ష్మిబాండారంతో పోతున్న కులవర్ధనుడుని కూడా గృహలోకి రప్పిస్తాడు.

ప్రచండుడు కులవర్ధనుడుకి గురువు కావడం వలన, గురువుగారి కోరిక మేరకు లక్ష్మిబాండారం ప్రచండుడుకె అప్పగిస్తాడు. అయితే ప్రచండుడు హేమమాలినిని కూడా కోరడంతో అది తప్పని వారిస్తాడు, కులవర్ధనుడు ప్రచండుడుని. కామంతో కళ్ళు మూసుకుపోయిన ప్రచండుడు కులవర్ధనుడుని రెచ్చగొట్టి అతనితో తలబడతాడు. లక్ష్మి అనుగ్రహం కలిగిన కులవర్ధనుడు విజయం సాధిస్తాడు, అర్హత లేని ప్రచండుడు అందరి ఆగ్రహానికి గురి అవుతాడు. అఖిరికి కోందండపానేశ్వరుల ఆగ్రహానికి గురై సర్పమై అడవుల పాలు అవుతాడు. కులవర్ధనుడు పురందర మహారాణి హేమమాలినిని, అడవి పిల్లని పరిణయమాడి లక్ష్మి అనుగ్రహంతో రాజ్యానికి రాజు అవుతాడు. “NTR KR Vijayala LakshmiKataksham Telugu Movie”.

అర్హత లేనివాటి కోసం వేషం మార్చుకుని చేసే ప్రయత్నాలు ఫలించవు అని, ఒకవేళా ఫలించిన నశించిన బుద్దితో ఆ సంపద దక్కదని ప్రచండుడి పాత్రలో ప్రస్పుటం అవుతుంది. వేషం మార్చుకుని వేషాలు వేయించగలిగే శక్తిని సంపాదించి కూడా పేరాశతో భోగాలు కోసం అంతులేని సంపదని ఒక్కడి స్వార్ధం కోసం చేసిన ప్రయత్నం విఫలమై చివరికి దుష్ట సర్పంగా మారి అడవులపాలు అయ్యేలా చేసిన పేరాశను పట్టుకున్న ప్రచండుడు. విధిరాతను బట్టి ఎక్కడిజీవితంలో అక్కడ సంతోషంగా గడిపే కులవర్ధనుడుకి ప్రచండుడి ప్రయత్నాలే కులవర్ధనుడుని మహారాజుగా మార్చాయి. చిత్రం అంతా నిధికోసం కావాల్సిన మార్గాలను వెతుక్కుంటూ ప్రయత్నాలతో సాగిపోతుంది. ధనం మీద ఆశలేని వ్యక్తి మహారాజు, అయితే పేరాశతో పెడదారిన పడిన ప్రచండుడు పాముగా మారి అడవులలోకి పోయాడు.

ధన్యవాదాలు
తెలుగురీడ్స్

కలసి ఉంటే కలదు సుఖం తెలుగు చలన చిత్రం

కలసి ఉంటే కలదు సుఖం తెలుగు చలన చిత్రం

కలిసి ఉంటే కలదు సుఖం సినిమా చూడడానికి ఇక్కడ తాకండి

కలసి ఉంటే కలదు సుఖం నందమూరి తారకరామారావు సావిత్రి జంటగా నటించిన కుటుంబ కధా చిత్రం. తెలుగు చిత్రాలలో కుటుంబ విలువలను అందులోను ఉమ్మడి కుటుంబ విలువలను గూర్చి చక్కగా చెప్పే పాత చిత్రాల్లో కలసి ఉంటే కలదు సుఖం ఒక మంచి చిత్రంగా ఉంది. స్వర్గీయ ఎన్టిఆర్ సావిత్రల కలియకలో ఎస్వి రంగారావుగారు, సూర్యకాంతం, రేలంగి తదితరుల అద్బుత నటనతో చిత్రం కుటుంబ ప్రేక్షకులను ఆకట్టుకుంది. NTR Savitri Kalasi Unte Kaladu Sukham Telugu Chitram Ummadi kutumbamlo bandhalu gurinchi venditerapai veligina chitrarajamu. ముద్దబంతి పూలు పెట్టి, మొగలి రేకులు జడను అంటూ సాగే పాట సూపర్ హిట్ సాంగ్. శ్రీ సారది స్టూడియోస్, బ్యానర్ పై రామరావు, రేలంగి, ఎస్విఅర్ సావిత్రి, గిరిజ హేమలత, రమాదేవి తదితరులు నటించిన తెలుగు చలనచిత్రం కలసి ఉంటే కలదు సుఖం చిత్రానికి తాపి చాణుక్య దర్శకత్వం వహించారు. ‘NTR Savitri Kalasi Unte Kaladu Sukham Telugu Chitram

రైతు సోదరులు పట్టాభిరామయ్యా, సుందరయ్య ఇద్దరూ ఒకే కుటుంబంగా వస్తున్న సంప్రదాయం ప్రకారం ఒకే ఇంట్లో పెళ్ళిళ్ళు అయ్యాక కూడా కలిసే ఉంటారు. పట్టాభిరామయ్య(SV Rangarao) భార్య పేరు సౌభాగ్యం (Suryakantam), సుందరయ్యా భార్యపేరు రమణమ్మ. అయితే పట్టాభిరామయ్య-సౌభాగ్యంలకు పిల్లలు పుట్టరు, కానీ తమ్ముడు సుందరయ్యా – రమణమ్మలకు ఇద్దరు మగసంతానం ఉంటుంది. అయితే పెద్ద కుమారుడు బాల్యంలో గాలిపటం కోసం కరెంటు స్థంభంపైకి ఎక్కి గాలిపటం పట్టుకోబోయి కరెంటు వైర్ పట్టుకోవడంతో ఆ బాలుడికి కరెంటు షాక్ వలన చేయి అవిటిగా మారుతుంది, ఆ బాలుడు పేరు కిష్టయ్య(NT Ramarao), మనసు బంగారంగా ఉంటుంది. కిష్టయ్యకి అతని కుటుంబ సభ్యులు అంటే మహా అభిమానం. అతనికి అమ్మ నాన్నలకు తోడు పెదనాన్న, పెద్దమ్మ ఒకే కుటుంబంలో ఉంటారు. అలాగే అతనికి ఒక తమ్ముడు మధు(Haranath) పట్నంలో చదుకుకుంటూ ఉంటాడు.

అనాదిగా వస్తున్న కుటుంబ సంప్రదాయంలో రంగూన్ నుండి వచ్చి చిచ్చు పెట్టిన రాజా

రమణమ్మ, సుందరయ్య, పట్టాభిరామయ్య (SV Rangaro), కిష్టయ్య(NT Ramarao) సౌమ్యంగా ఉంటే, సౌభాగ్యం మాత్రం కటువు మాటలతో గయ్యాళిగా ఉంటూ ఉంటుంది. సంక్రాంతి పండుగకు పట్టాభిరామయ్య అందరికి కొత్తబట్టలు కొని కుటుంబ సభ్యుల అందరికి ఇస్తాడు. తరువాత సంతకి వెళ్ళిన రమణమ్మకి సంతలో ఒక అనాధ అమ్మాయి కనబడుతుంది, పేరు రాధా (Savitri), ఆమెను తోడ్కొని ఇంటికి తీసుకువస్తుంది రమణమ్మ, పట్టాభిరామయ్యకి చెప్పి ఆమెను ఇంట్లోనే పెట్టుకుంటారు. సౌభాగ్యం అన్నగారి సంతానం అయిన  కొడుకు రంగూన్ రాజ (Relangi Narasimharao), కూతురు జానకి (Girija) ఇద్దరు అన్నాచెల్లెళ్ళు పట్టాభిరామయ్య ఇంటికి వస్తారు. అప్పటిదాకా ఒక సౌభాగ్యం తప్ప మిగతా అందరి సభ్యులతో ప్రశాంతతో కూడిన కుటుంబంలో ముసలం వచ్చినట్టుగా ఉంటుంది. NTR Savitri Kalasi Unte Kaladu Sukham Telugu Chitram.

పట్టాభిరామయ్య తన తమ్ముడి కొడుకు అయిన మధు(Haranath)కు పెళ్లి సంభందం తమ్ముడి సమక్షంలోనే ఖాయం చేస్తాడు. మధు(Haranath) పట్నం నుండి ఇంటికి రాగానే, పెళ్లి చేసేయాలని భావిస్తారు పట్టాభిరామయ్య, సుందరయ్యాలు. అయితే రంగూన్ రాజా(Relangi) వచ్చి రాగానే అత్తయ్య సౌభాగ్యంకు వేరు సంసారాల గురించి, పాశ్చాత్య దేశాల సంస్కృతి గురించి గొప్పగా చెబుతూ, సౌభాగ్యం(Suryakantam) మనసుపై ప్రభావం కల్పిస్తాడు. అయితే అతని ప్రవర్తనతో పట్టాభిరామయ్య, కిష్టయ్య, రాధలకు ఇబ్బందిగా ఉంటుంది. రమణమ్మ సుందరయ్యాల చిన్నకొడుకు మధు(Haranath) పట్నం నుండి ఇంటికి వస్తాడు. రంగూన్ రాజ చెల్లెలు జానకి (గిరిజ)ని చూసి మధు ఇష్టపడతాడు, ఇక ఇద్దరికి ఇష్టం కుదిరి, పెళ్లి చేసుకోవాలని అనుకుంటారు. అలాగే జరగాలని కోరుకునే సౌభాగ్యం (Suryakantam), రంగూన్ రాజా(Relangi) లు వారి చేతుల మీదుగానే పట్టభిమరామయ్య– సుందరయ్యాలను విడదీస్తారు. అస్తిపంపకాలు జరిపించి, ఇంటి మద్యలో గోడ కట్టిస్తారు.

జానకి-మధు, రాధా-కిష్టయ్యల వివాహాలు కష్టాలతో

తరతరాలుగా కలసి ఏకకుటుంబంగా వస్తున్న అన్నదమ్ముల సంప్రదాయం, కుటుంబ ఆచారాలు పాటించే కుటుంబం ఇప్పుడు రంగూన్ రాజా మాటలకూ తలవంచిన సౌభాగ్యం వలన విడిపోతే, జానకి(Girija) మీద ఇష్టంతో సుందరయ్య చిన్నకొడుకు మధు(Haranath) రంగూన్ రాజా మాటలు వింటాడు. ఆ మాటలు వలన కిష్టయ్య-మధుల వాటాలు కూడా పంచేసి, మధు(హరనాథ్)ని తమ దగ్గరే అట్టేపెట్టుకుంటారు, సౌభాగ్యం-రంగూన్ రాజాలు, పట్టాభిరామయ్య అచేతనంగా అసహనంగా భావన చెందుతాడు.. అన్నగారు అంటే అభిమానించే సుందరయ్య మంచాన పడతాడు.  ఆ సమయంలోనే పట్టాభిరామయ్య – సుందరయ్యలు కలసి  కుదిర్చిన పెళ్లిని కాదని, జానకి-మధులకు పెళ్లి చేసేస్తారు. నాన్నకు బాగోలేదని సుందరయ్య చావుబతుకుల మధ్య ఉన్నాడని కిష్టయ్య (NT Ramarao) బ్రతిమాలినా మధు అందుకు ఒప్పోకోడు. NTR Savitri Kalasi Unte Kaladu Sukham Telugu Chitram.

దుఃఖంతో నిండిన కుటుంబంలో కిష్టయ్య పెళ్లి ఒక సమస్యగా ఉంటుంది. అన్నకు పెళ్లికాకుండానే తమ్ముడు మధు పెళ్లిచేసుకోవడంతో రమణమ్మ – సుందరయ్యాలు ఆలోచనలో పడతారు. అయితే ఇంట్లోనే ఉంటున్న రాధతో కిష్టయ్య పెళ్లిచేస్తే బాగుంటుంది అనే రమణమ్మ ఆలోచనను కిష్టయ్య తోసిపుచ్చుతాడు. నీకే ఆడకూతురు ఉంటే, నాలాంటి కుంటివాడికి ఇచ్చిచేయడానికి ఒప్పుకుంటావా, నీ కూతురు అయితే ఒకలాగా వేరేవారి కూతురు అయితే ఒకలాగా ఆలోచన చేయవద్దని కిష్టయ్య చెబుతాడు. అయితే కిష్టయ్య మంచి మనసుని ఇంట్లోకి వచ్చినప్పటి నుండి గమనించిన రాధా కిష్టయ్యతో పెళ్ళికి ఒప్పుకుంటుంది. ఇక రాధా-కిష్టయ్యల పెళ్ళితో ఆ కుటుంబం కొంచెం కుదుటపడుతుంది.

రంగూన్ రాజా ప్రభావం పట్టాభిరామయ్య పచ్చని సంసారం పట్నం పాలు

సౌభాగ్యం, జానకి, మధులు పూర్తిగా రంగూన్ రాజా మాటల మాయలో ఉంటారు. మధుకు ఉద్యోగం రావడంతో, ఉద్యోగం నిమిత్తం మధు పట్నం బయలుదేరుతుంటే, రంగూన్ రాజా కూడా పట్నం బయలుదేరతారు. అయితే వెళ్ళేటప్పుడు సౌభాగ్యం దగ్గర పట్నంలో వ్యాపారం చేసి డబ్బు సంపాదించి తెసుకువస్తానని చెప్పి, పెద్దమొత్తంలో సొమ్ములు అడుగుతాడు. ఆ సొమ్ములు సౌభాగ్యం పట్టాభిరామయ్య గారిచే తనఖా సంతకం చేయించి అప్పు తీసుకుని రంగూన్ రాజాకి ఇచ్చి పంపుతుంది. NTR Savitri Kalasi Unte Kaladu Sukham Telugu Chitram.

జానకి-మధులకి ఒక బాబు పుడతాడు అలాగే తరువాత రాధాకిష్టయ్యలకు ఒక బాబు పుడతాడు. జానకి మధులు వారి బిడ్డకు తండ్రి పేరు పెట్టుకుని, ఆ నామకరణ ఉత్సవం పూర్తవ్వగానే ముగ్గురు పట్నం వెళ్తారు. కిష్టయ్య అవిటితనం నయం చేసే ప్రత్యేక వైద్యులు పట్నంలో ఉన్నారు అంటే రాధా కిష్టయ్యలు ఇద్దరు పట్నం వెళ్తారు. పెద్దమొత్తంలో సొమ్ములు తీసుకువెళ్ళిన రంగూన్ రాజా దగ్గరి నుండి ఉత్తరాలు వస్తూ ఉంటాయి కానీ సొమ్ములు రావు. అప్పుల వారి సతాయింపు కారణంగా సౌభాగ్యం తన అన్నకొడకు రంగూన్ రాజ కోసం పట్నం వెళ్తుంది. కొత్త కాపురం పెట్టిన జానకి మధులు, డబ్బు సంపాదనలో మోసపోయిన రంగూన్ రాజా అతని కోసం వచ్చిన సౌభాగ్యం, వైద్యం కోసం పట్నం వచ్చిన రాధా కిష్టయ్యలు పట్నంలో కష్టంలో కలుసుకుంటారు. కష్టం దాటాక కుటుంబ విలువలు తెల్సుకుని కుటుంబాన్ని అభిమానించి కిష్టయ్య, మానవత్వంలో అతని గొప్పతనం గ్రహించి అందరూ ఒక్కటి అవుతారు. చివరికి కిష్టయ్య కాలు చెయ్యి బాగుపడి, అందరిలో సంతోషం నిండుకుంటుంది. అక్కడితో చిత్ర కధ ముగుస్తుంది.

ఉమ్మడి కుటుంబం వలననే సంస్కృతి సంప్రదాయాలకు విలువలు పెరుగుతాయనే విషయం ప్రస్ఫుటం చేసే చిత్రం కలసి ఉంటే కలదు సుఖం.

కుటుంబంలో కర్మతో భాదపడేవారు ఉంటే వారికి సేవ చేసేవారికి మంచి జీవితం, వారిని హేళన చేసేవారికి కష్టాలు తప్పవు అని ఈచిత్రంలో కనబడితే, అవిటితనం ఉన్నా అది శరీరానికే గాని మనసుకు కాదని ఈ చిత్రంలో కిష్టయ్య పత్రంలో కనబడుతుంది. ఆత్మీయత అనుభందం కోరుకుంటే, స్వార్ధం బంధాలను తెంచుతుంది, మనసులని భాదిస్తుంది అని ఈ చిత్రం నిరూపిస్తుంది. ఈ చిత్రంలో ప్రధానంగా అంటే పట్టాభిరామయ్యగారి కుటుంబమే అన్నట్టుగా ఉంటుంది. పట్టాభిరామయ్యగా SV రంగారావు గారు నటన, కిష్టయ్యగా రామారావు నటన, రాధగా సావిత్రి, మధుగా హరనాథ్, రంగూన్ రాజాగా రేలంగి గయ్యాళిగా సూర్యకాంతం ఇలా ఎవరి పాత్రలో వారు కనిపిస్తూ చిత్రకధని కుటుంబ బంధాల మధ్య భావనలు చక్కగా చూపిస్తారు. ఒక తల్లికి పుట్టిన బిడ్డలే ఒక్కటిగా ఉండకబోతే, రకరకాల జాతుల, మతాల వారు ఎలా కలసి ఉండేది, భారతమాతను సంతోష పెట్టె కుటుంబ వాతావరణం ఎలా ఉంటుంది ? మంచి సందేశాత్మక చిత్రం ఉమ్మడి కుటుంబ గురించి గొప్పగా చెప్పిన చిత్రాల్లో కలసి ఉంటే కలదు సుఖం చిత్రం ఒకటి. “NTR Savitri Kalasi Unte Kaladu Sukham Telugu Chitram

ధన్యవాదాలు
తెలుగురీడ్స్

శ్రీకృష్ణావతారం తెలుగు భక్తి చిత్రము

శ్రీకృష్ణావతారం తెలుగు భక్తి చిత్రము

శ్రీకృష్ణావతారం సినిమా చూడడానికి ఇక్కడ తాకండి

Sri Krishna Avataram Telugu Chitram NTR Acted as lord Srikrishna, Hari Krishna Acted as Child SriKrishna. మహాభారతంలో భాగంగా ఉండే శ్రీకృష్ణ అవతారగాధ భాగవతంలో కూడా భాగమై ఉంటుంది. ఆ గాధని స్వర్గీయ నందమూరి తారక రామారావు గారు కృష్ణుడుగా, స్వర్గీయ నందమూరి హరికృష్ణ బాలకృష్ణుడుగా నటిస్తే, శోభన్ బాబు నారద మహర్షిగా నటిస్తే, దేవిక, కాంచన, కైకాల సత్యనారాయణ, నాగయ్య, మిక్కిలినేని, ధూళిపాళ, రాజనాల, ముక్కామల, ప్రభాకర్ రెడ్డి, రామకృష్ణ, ముదిగొండ లింగమూర్తి, కృష్ణకుమారి, ఎస్ వరలక్ష్మి, ఎల్ విజయలక్ష్మి, గీతాంజలి, సంద్యారాణి తదితరులు  శ్రీకృష్ణావతారం చిత్రంలో నటించారు.

దుష్టశిక్షణ శిష్ట రక్షణ కోసం, ఋషులు, దేవతలు, భూమాత మొరపెట్టుకుంటే శిష్ట రక్షణార్ధం దుష్టులను నిర్జించడానికి అవతరిస్తానని మాట ఇచ్చిన శ్రీమహావిష్ణువు. సాధుజనులకు ధర్మపరాయణులకు రక్షకుడు అయినా శ్రీమహావిష్ణువు అవతారం కృష్ణావతారం.

కంసుడు తన చెల్లెలికి దేవకికి వసుదేవుడుని ఇచ్చి వివాహం చేసి అంగరంగ వైభంగా రధసారధిగా బావగారిని చెల్లెల్ని అత్తవారింటికి సాగనంపుతుంటే ఆకాశవాణి హెచ్చరిక చేస్తుంది, నీ చెల్లెలి కడుపున పుట్టబోయే ఎనిమిదవ బాలుడు చేతిలో మరణం ఉంటుంది అని. అందుకు వెంటనే చెల్లెలిపై కత్తి దూసిన కంసుడుని వసుదేవుడు వారించి, నీ చెల్లెలి వలన నీకు ఆపద లేదు కదా నీ చెల్లెలి సంతానం వలననే కదా, ఆమెకు సంతానం కలగగానే నీకు అప్పజెప్పుతానని చెప్పడంతో ఆలోచనచేసిన కంసుడు ఆ ప్రయత్నం విరమిస్తాడు. అయితే అంతవరకూ దేవకీ-వసుదేవులను తన ఇంటే ఉంచుతాడు. కారణాంతరాల వలన తన భద్రత కోసం ఏడుగురు పిల్లల్ని చంపుతాడు కంసుడు. దేవకీ వసుదేవులను కారాగారంలో బందించి ఉంచుతాడు. Sri Krishna Avataram Telugu Chitram NTR Acted as lord Srikrishna

అష్టమ గర్భంతో ఉన్న దేవకీ కారాగారంలో భర్త వసుదేవులతో కలిసి ఉంటుంది. శ్రావణ మాసం అష్టమి తిథి రాత్రి సమయంలో చీకటిలో శ్రీమహావిష్ణువు దేవకీ అష్టమ గర్భవాసం చేసి కారాగారంలో జన్మిస్తాడు. వెంటనే శ్రీమహావిష్ణువుగా దేవకీవసుదేవులకు కనిపించి తనని గోకులంలో వదిలి అక్కడి యోగమాయ శిశువుగా ఉంది, ఆ శిశువుని ఇక్కడకు తెచ్చి పెట్టమని చెప్ప అంతర్ధానం అవుతారు. వసుదేవుడు బిడ్డని చేతుల్లోకి తీసుకోగానే కారాగారం తలుపులు వాటంతట అవే తెరుచుకుంటాయి. కాపాలదారులు మాయానిద్రలోకి జారుతారు. వసుదేవుడు తన బిడ్డని ఎత్తుకుని గోకులంవైపు వెళ్తుంటే, యమునా నది రెండుగా చీలి దారి ఇస్తుంది. గోకులంలో ఆ బాలుడుని వదిలి, అక్కడి యోగమాయా శిశువుని తీసుకుని కారాగారం దగ్గరికి వచ్చేస్తాడు, వసుదేవుడు.

శ్రీకృష్ణ జననంతోనే లీలలు ప్రదర్శించే భగవానుడు

వసుదేవుడు కారాగారంలోకి రాగానే అక్కడ కమ్మిన యోగమాయ తొలగి స్థితి యదాస్థితిలోకి వస్తుంది. పసిపాప ఏడుపు వినగానే కాపలాదారు వెళ్లి కంసుడుకి చెప్పగానే, కంసుడు కారాగారంలో వచ్చి ఆ పసిపాపను చంపబోతాడు. కానీ కంసుడు ప్రయత్నం విఫలమై ఆ పాపా ఆకాశంలో శక్తిగా మారి నాతొబాటు పుట్టిన బిడ్డ క్షేమంగా ఉన్నాడు. అన్యాయంగా పసిబిడ్డలను చంపిన నీకు ఆ బాలుడి చేతిలోనే మరణం ఉంటుంది అని చెప్పి అంతర్ధానం అవుతుంది. Sri Krishna Avataram Telugu Chitram NTR Acted as lord Srikrishna

కృష్ణుడు నంద గోకులంలో బాల్యం నుండే లీలలు ప్రదర్శిస్తూ పెరుగుతాడు. పాలు త్రాగే వయసులోనే దుష్టబుద్ది కలిగిన పోతన అనే రాక్షసిని సంహరిస్తాడు. అలాగే శకటాసురుడిని కాలుతో తన్ని సంహరిస్తాడు. ప్రజలు నీరుత్రాగే కొలనులో విషం చిమ్ముతూ ఉండే కాళియ సర్పంపై నృత్యం చేసి, ఆ సర్పాన్ని కొలను నుండి వెల్లగొడతాడు. తన అల్లరితో అమ్మని ఆబాలగోపాలాన్ని అలరిస్తూ నందగోకులాన్ని ఆనందంలో ,ముంచెత్తుతాడు. కంసుడుని సంహరించి తన కన్నతల్లిదండ్రులతో కలిసి ద్వారకలో ఉంటాడు.

రుక్మిణికళ్యాణం, సత్యభామ, జాంబవతిలతో వివాహం

బాలకృష్ణుడు పెరిగి పెద్దవాడైన కృష్ణుడు విదర్భరాకుమారిగా ఉన్న శ్రీమహాలక్ష్మి అవతారం అయిన రుక్ముణిని వివాహమాడతాడు.
అయితే అనుకోకుండా శ్రీకృష్ణుడు పాలలో చంద్రుడిని దర్శిస్తాడు. అది వినాయకచవితి కావడం వలన ఆరోజు గణపతిని పూజించకుండా చంద్రదర్శనం చేసినవారికి నీలాపనిందలు ఉంటాయి, అని చంద్రుడికి అమ్మవారి శాపానుగ్రహం ఉంటుంది. వెంటనే జరిగిన పొరపాటుని గ్రహించిన శ్రీకృష్ణుడు వినాయక పూజ చేసిన అక్షతలను నెత్తిమీద వేసుకుని, విఘ్నేశ్వరుడుని ప్రార్ధన చేస్తాడు. ఇక తత్ఫలితం శ్రీకృష్ణుడికి సత్రాజిత్ రూపంలో నీలాపనింద వస్తుంది. సూర్యభగవానుడిని ప్రార్ధించి శమంతకమణిని పొందిన సాత్రజితు దేదిప్యామానంగా వెలుగాతాడు. శమంతకమణిని తనకు ఇవ్వవలసినదిగా అడిగిన కృష్ణుడి మాటను మన్నించడు సత్రాజిత్. అయితే సత్రాజిత్ సహోదరుడు అయిన ప్రసేనుడు మణిని ధరించి అడవికి వెళతాడు. అయితే మణిని ధరించి అడవికి వెళ్ళిన సోదరుడు ఎంతకీ రాకపోయేసరికి, తన సహోదరుడిని సంహరించి ఆ మణిని శ్రీకృష్ణుడే కాజేసాడని సత్రాజిత్ శ్రీకృష్ణుడిని నిందమోపుతాడు. Sri Krishna Avataram Telugu Chitram NTR Acted as lord Srikrishna

నిందలపాలు అయిన శ్రీకృష్ణుడు మణిని ధరించి అడవికి వెళ్ళిన ప్రసేనుడుని వెతుకుతూ అడవికి బయలుదేరతాడు. వినాయకుడి అనుగ్రహం వలన శ్రీకృష్ణుడుకి దారిలో సింహ చంపిన ప్రసేనుడి శవం, సింహం జాడలతో బాటపట్టిన కృష్ణుడుకి మరణించిన సింహం కనబడి, ఆ దారిలో బల్లూకం జాడలు కనబడతాయి. ఆ జాడలు వెంటబడిన శ్రీకృష్ణుడు జాంబవంతుడి గృహకి చేరతాడు. అక్కడ జాంబవంతుడితో శ్రీకృష్ణుడు యుద్ధం చేస్తాడు. రామావతారంలో రాముడితో యుద్ధం చేయాలనే కోరికను కోరిన జాంబవంతుడు, కృష్ణావతారంలో కృష్ణుడుతో తలబడతాడు. అయితే పోరాటంలో ఓడిన జాంబవంతుడుకి విషయం అవగతం అయ్యేలా శ్రీకృష్ణుడు చేస్తాడు. కృష్ణావతారంలో శ్రీరాముడు అని గ్రహించి తనకుమార్తె జాంబవతిని, శమంతక మణిని ఇచ్చి వివాహం చేస్తాడు.

శమంతకమణిని సత్రాజిత్ కి శ్రీకృష్ణుడు ఇచ్చేస్తాడు. అయితే సత్రాజిత్ తన తప్పుని తెలుసుకుని, శమంతక మణిని తన కుమార్తె అయిన సత్యభామని శ్రీకృష్ణుడుకి ఇచ్చి వివాహం చేస్తాడు. వినాయక చవితి రోజున చంద్ర దర్శనం చేసినందుకు నీలాపనిందలు కలిగితే, విఘ్నేశ్వరుడు అనుగ్రహం వలన శమంతకమణి తో బాటు ఇద్దరు భార్యామణులు లభిస్తారు. ఈ పౌరాణిక గాధకి ఫలశ్రుతిని కూడా పండితులు చెబుతారు, అంతలా ప్రసిద్ది పొందిన ఈ గాధ ప్రతి వర్షమున వినాయక చతుర్ధి రోజున పూజలో చెప్పుకోవడం కూడా మన భారతీయ సంస్కృతిగా అనాది నుండి వస్తుంది. Sri Krishna Avataram Telugu Chitram NTR Acted as lord Srikrishna

రాజసూయ యాగంలో శిశుపాలుని నూరో తప్పు

పాండవులు రాజసూయ యాగం చేస్తూ, ఆ యాగా ధర్మకర్తగా అగ్రపూజకు శ్రీకృష్ణుడుని ధర్మరాజు భీష్మాచార్యుల సూచనతో ఆహ్వానిస్తాడు. నిండుసభలో అగ్రపూజ అందుకోబుతున్న శ్రీకృష్ణుడిని అందుకు అర్హుడు కాదు అని శిశుపాలుడు అడ్డుపడి, శ్రీకృష్ణుడిని నానా దుర్భాషలాడుతాడు. శతతప్పుల వరకు వేచి చూస్తాను నూరవ తప్పు చేయగానే శిశుపాలుడిని సంహరిస్తానని శిశుపాలుడి తల్లికి మాట ఇచ్చిన శ్రీకృష్ణభగవానుడు, ఈ సభలో వందో తప్పు చేసిన శిశుపాలుడిని తన చక్రాయుధంతో సంహరిస్తాడు. ధర్మరాజు తన పూజని నిర్విఘ్నంగా ముగిస్తాడు.

బాల్యస్నేహితుడు అయిన కుచేలుడు కడు పేదరికంతో ఉండి, శ్రీకృష్ణ దర్శనార్ధం ద్వారకకు వస్తాడు. వచ్చిన చిన్ననాటి స్నేహితుడు శ్రీకృష్ణుడు కోసం అటుకుల మూట తీసుకువస్తాడు. సభలో శ్రీకృష్ణుడుచేత సేవలు పొందుతున్న కుచేలుడు తెచ్చిన అటుకులు ఇవ్వడానికి మొహమాటపడితే, శ్రీకృష్ణ భగవానుడు ఆ అటుకులను అభిమానంతో ఆరగిస్తున్నా కొలది కుచేలుడుకి దరిద్రం పోయి, అష్టైశ్వర్యాలు సిద్దిస్తాయి.
మాయాజూదంలో ఓడిన పాండవ ధర్మపత్నిని నిండుసభలో ఘోర అవమాన ప్రయత్నంలో భాగంగా దుస్శాసునుడు ద్రౌపది వస్త్రపాహరణ దుశ్చర్యకు పాల్పడతాడు. ఆపదలో ద్రౌపది ప్రార్ధనని ఆలకించిన శ్రీకృష్ణ భగవానుడు, ద్రౌపదికి చీరలిచ్చి ఆమెకు రక్షణ కల్పిస్తాడు. కురుపాండవుల మధ్యలో యుద్ధం అనివార్యమైన స్థితిలో ధర్మరాజువైపు నిలబడి, ధర్మరాజు వైపు రాయభారిగా సుయోధనుడికి హితవు చెప్పినా వినని పరిస్థితులలో యుద్దానికి దారితీస్తుంది. Sri Krishna Avataram Telugu Chitram NTR Acted as lord Srikrishna

కురుక్షేత్రం అధర్మం ధర్మం మధ్య యుద్దం

కురుక్షేత్ర యుద్ధం మహాభారతంలో అద్బుతమైన ఘట్టం అక్కడే దుష్ట శిక్షణ శిష్ట రక్షణతో జరగడానికి ముందు లోకానికి అవసరమైన జ్ఞానాన్ని అర్జున విషాదయోగం ద్వారా భోదించాడు. భావంతుడి నోట భక్తుడికి చేసిన గీతపోదేశం భగవద్గీతగా జగద్విఖ్యాతి చెందింది. యుద్ధం రాజధర్మం కనుక నీవు రాజ్యాన్ని పాలించే రాజువి కాబట్టి నీ కర్తవ్యం ధర్మ రక్షణ చేయడం, అటువంటి ధర్మరక్షణలో తనకుమాలిన ధర్మంతో ఉంటావో నీకర్తవ్యమెరిగి ధర్మరక్షణ చేయుదువో నిర్ణయించుకో, ఫలితం నాకర్పించు, నీ పని నీవు చేయి అని తేల్చి చెబుతాడు. మోహం తొలగిన అర్జునుడు యుద్ధం ప్రారంభిస్తాడు.

యుద్దంలో భీష్మ పితామహ యుద్దానికి నిలబడలేకపోయిన అర్జునుడి ముందు శిఖండిని రప్పించే సూచనా, ద్రోణాచార్యులతో అస్త్ర సన్యాసం చేయించడానికి ధర్మరాజుతో అశ్వత్దామా అనే ఏనుగు మరణవార్తని, అశ్వత్దామా మరణించాడు అని గట్టిగా వినబడేలాగా ఏనుగు అని మెల్లగా చెప్పించిన శ్రీకృష్ణ భగవానుడు దృతరాష్ట్రుడి కుటిల బుద్దిని కనిపెట్టి, అతని భారి నుండి భీముడిని కాపాడి, గాంధారి చేత శాపానుగ్రహం పొందుతాడు. యదువంశంలో వారిలో వారే కలహించుకుని యదువంశం నశిస్తుందని. Sri Krishna Avataram Telugu Chitram NTR Acted as lord Srikrishna.

గాంధారి, మునుల శాపం వలన యదుయోధుల కలహం, వంశ క్షయం.

మునుల శాప ఫలితంగా యదువంశంలో ముసలం పుడుతుంది, ఆ ముసలం అరగదీసి సముద్రంలో కలిపేస్తారు యదుయోధులు. అయితే కొన్నాళ్ళకు సముద్రపు ఒడ్డులోనే మద్యం సేవించి ఒకరితో ఒకరు కలహించుకొని యదుయోధులు మరణిస్తారు. బలరాముడు సముద్రంలోకి వెళ్తాడు. ఒక కిరాతుడు అటుగా వస్తూ ఉంటే ముసలం ముక్క దొరుకుతుంది. ఆ ముక్కని బాణానికి పెట్టి జింక అనుకుని పొదలలో పడుకుని ఉన్న శ్రీకృష్ణ భగవానుని బొటనవేలుని కొడతాడు. తప్పు తెలుసుకున్న ఆ కిరాతుడు వచ్చి శ్రీకృష్ణ భగవానుడి కాళ్ళ మీదపడి జింక అనుకుని మీపాదానికి గురిపెట్టి కొట్టానని చెబుతాడు.

అందుకు శ్రీకృష్ణుడు మానవుడుగా పుట్టిన ప్రతిజీవి ఎదో ఒక సమయంలో చేసిన కర్మలకు ఫలితం అనుభవించాలి. త్రేతాయుగంలో నేనేరాముడుని నీవు వాలివి, నే నిన్ను సుగ్రీవుడు కోసం చెట్టుచాటు నుండి బాణంతో కొట్టాను. ఆ కర్మఫలితం ఇప్పుడు నీద్వారానే నాకు తీరిపోయింది. అని చెప్పి, అవతారం చాలిస్తాడు, శ్రీకృష్ణభగవానుడు.

మనసు, బుద్ది ప్రధానంగా సాగే సంసారంలో బుద్ది బలం యొక్క గొప్పతనం ధర్మాన్ని పట్టుకుంటే ధర్మంద్వారా ధర్మాన్ని పట్టుకున్నవారికి భగవానుడు రక్షణ చేస్తాడు, అని నిరూపిస్తూనే భగవానుడు అయినా మనిషిగా అవతరిస్తే కర్మశేషం అనుభవించాల్సిందే అనే సందేశం ఈచిత్రంలో కనబడుతుంది. రామావతారంలో జాంబవంతుడుకి ఇచ్చిన మాట, ధర్మంవైపు నిలిచిన సుగ్రీవునికి సహాయం చేయడానికి, జాతిధర్మం ప్రకారం వాలిని చెట్టుచాటు నుండి కొట్టిన ఫలితం కారణంగా, కృష్ణావతారంలో అదే వాలి కిరాతుడుగా పుట్టి బాణంతో పొదలమాటున నిద్రిస్తున్న కృష్ణుడు పాదంపై బాణప్రయోగం చేస్తాడు. అసలు శ్రీకృష్ణుడు దేవకీ వసుదేవులకు పుట్టడం కూడా అంతకుముందు జన్మలలో వారికి భగవానుడు ఇచ్చిన వరమే. అలాగే యశోద దగ్గర పరమాత్మ పాలు త్రాగడానికి కూడా గత జన్మల్లో ఆమె చేసుకున్న పుణ్యఫలమే అని పండితులు చెబుతూ ఉంటారు.
కృష్ణావతారం గాధలు లీలలతో నిండి ఉంటే ఆ లీలలు ఏవయసు వారికి ఆ వయసుకు తగ్గట్టుగా మంచిని సూచిస్తూ ఉంటుంది. Sri Krishna Avataram Telugu Chitram NTR Acted as lord Srikrishna.

ధన్యవాదాలు
తెలుగురీడ్స్ మొబైల్ యాప్ డౌన్ లోడ్ చేయండి

పరమానందయ్య శిష్యులు కధ

పరమానందయ్య శిష్యులు కధ అలనాటి మేటి చిత్రం

పరమానందయ్య శిష్యులకధ సినిమా చూడడానికి ఇక్కడ తాకండి

Paramaanandayya Shishyula Kadha Telugu Old Movie శ్రీ దేవి ప్రొడక్షన్స్ బ్యానర్ పై పరమానందయ్య  శిష్యుల కద చిత్రం- సి పుల్లయ్య దర్శకత్వంలో నాగయ్య, ఎన్టిఆర్, పద్మనాభం, అల్లు రామలింగయ్య, రాజబాబు తదితరులు నటించారు.

సహజమైన నవ్వు ఆరోగ్య స్థితిని తెలియజేస్తూ ఉంటే, బుద్దిహీనతతో చేసే పనుల వలవ వచ్చే నవ్వులతో కూడిన హాస్యకదాచిత్రము పరమానందయ్యా శిష్యుల కధ ‘Paramaanandayya Shishyula Kadha Telugu Old Movie’. కధ ప్రారంభంలో స్త్రీలోలుడైన మహారాజు (ఎన్టిఆర్) ఎప్పుడు రాజనర్తకితోనే గడుపుతూ ఉంటాడు, కానీ రాజ్యవ్యవహారాలు పట్టించుకోడు. అటువంటి మహారాజుకి రాజగురువుగా ఉన్న పరమానందయ్యా (నాగయ్యగారు) గారు హితబోధ చేస్తూ శివపూజని చేయండి, శివుడు సకల శుభాలని ఇచ్చే దైవమని చెబుతారు. వ్యసనం ఉన్నా పెద్దలంటే గౌరవం, దైవమంటే భక్తీ భావన మనసులో సహజంగా ఉండడం వలననేమో, శివపూజ చేస్తానని మహారాజు పరమానందయ్యా గారికి మాట ఇస్తాడు.

భావనలే ప్రధానంగా ఉంటే వాటి ప్రభావం పరిస్థితులను తారుమారు చేస్తూ ఉంటాయి.

ఎన్ని శక్తులు ఉన్న తొందరలో బుద్దిబలం తగ్గుతుంది, అలాగే కాని కోరిక వలన స్థితి మారుతుంది. అని చిత్రలేఖ విషయంలో కనబడితే, ఆమె పరమశివుడి భక్తురాలు కావడం వలన కాలంలో కలిగిన కష్టానికి తోడుగా మరో శివభక్తుడి ద్వారా ఆశ్రయం లభించింది. మానవజాతి అంటే చులకన భావంతో ఉన్న చిత్రలేఖ అదే మానవునితో వివాహ జీవనం కొనసాగిస్తుంది. చూసే దృష్టిలో తేడా ఉంటే, వచ్చే కష్టాలు కూడా ఆ దృష్టితోనే ముడిపడి ఉంటాయి. అని ఇక్కడ అర్ధం అవుతుంది. Paramaanandayya Shishyula Kadha Telugu Old Movie.

శివునికి అర్చించేవారిలో మానవులు మరియు భూమిమీద నివసించే వారే కాకుండా దేవతలు కూడా శివుని పూజిస్తూ ఉంటారు. అలా గంధర్వ కన్య అయిన చిత్రలేఖ పరమశివుని భక్తురాలు. ఈశ్వరేచ్చ వలననే లోకాల్లో స్థితిగతులు మారుతూ ఉంటాయి. అకారణంగా గందర్వకన్య అయిన చిత్రలేఖ భూలోకం వచ్చి జలక్రీడలు ఆడుతుంటే, అక్కడికి అనుకోకుండా వచ్చిన ఋషి అనుయాయులను చూసి, చిత్రలేఖ వారిని శపిస్తుంది. అయితే చిత్రలేఖ ఊహించిన తలంపు లేని ఋషి అనుచరులు, తమ ఋషి రాగానే మొరపెట్టుకుంటారు.  తప్పు తెలుసుకున్న చిత్రలేఖ తనవివాహం అయినవెంటనే మునులకు శాపవిమోచనం అవుతుందని చెబుతుంది. అయితే మహర్షి కుడా ఆమెకు ఒక హెచ్చరిక చేస్తాడు. అదేమిటంటే ఇకపై నీవు భూలోకంలోకి వచ్చి ఏమానవునితో నైన మాట్లాడిన స్పర్శించినా శాశ్వతంగా మానవ కన్యగానే ఉంటావు అని చెబుతారు.

చిత్రలేఖ రాజమందిరంలోనే మానవ కన్యగా ఉండి, మహరాజునే వివాహమాడడం

ఇక ఆమె తన అనుచర కన్యలతో ఆకాశానికి వెళ్తుంది, కానీ శివుడు ఇచ్చిన రుద్రాక్ష మాలను అక్కడే కొలను దగ్గర మరిచి వెళుతుంది. శాపగ్రస్తులైన ఆ మునులు ఋషి సూచన మేరకు బుద్దిహీనులై పరమానందయ్యాగారి దగ్గర విద్యార్ధులుగా చేరతారు. అయితే అడవికి వేటకు వచ్చిన మహారాజు కొలనువైపు వస్తుండగా, దగ్గరలో కనబడిన రుద్రాక్ష మాలను గ్రహించి, తన రాజభవనానికి వెళతాడు. చిత్రలేఖ తనలోకం వెళ్ళాక శివుడి ఇచ్చిన రుద్రాక్షమాల గుర్తుకు వచ్చి, ఎక్కడ మరచినది గుర్తు చేసుకుని మరలా భూలోకం వచ్చికొలను పరిసరాలలో వెతుకుతుంది. అయితే తనకున్న దివ్యదృష్టిచేత ఆ రుద్రాక్ష మాలా ఎక్కడ చేరిందో గ్రహించి, అక్కడకు వెళ్లి రాజు దగ్గర రుద్రాక్ష మాలను గ్రహించడంలో రాజుని తాకడం వలన, మాట్లాడడం వలన ఋషి శాపానుగ్రహం చేత ఆమె భూలోక కన్యగా మారుతుంది.

మహారాజు గారి గురువు పరమానందయ్యా గారి సూచనతో, చిత్రలేఖ మళ్ళి దైవలోకం చేరే మార్గం గురించి ఆలోచన చేస్తూ ధ్యాసలో ఉంటూ ఉంటే మహారాజు ఆమెను వివాహచేసుకునే ఉద్దేశ్యంతో ఉంటాడు. “Paramaanandayya Shishyula Kadha Telugu Old Movie” పరమానందయ్యా శిష్యులుగా వచ్చినా ఆ మునికుమారులు చేసే బుద్దిలేని పనులు చిత్రంగా ఉంటాయి. పరమానందయ్యాగారి దగ్గర శిష్యులు రాజమందిరంలో ఉన్న చిత్రలేఖకు మహారాజుకి పెళ్లిచేసి శాపవిమోచనం కావడంతో చిత్రకధ ముగుస్తుంది. అయితే బుద్ది హీనతతో మునికుమారులు చేసే పనులు తింగరగా ఉన్నాఆ పనుల వలన పరమానందయ్యాగారికి మేలునే చేస్తాయి. చిత్రం హాస్యంగానూ కధాపరంగా ఆసక్తిగాను సాగుతుంది.

ధన్యవాదాలు
తెలుగురీడ్స్ మొబైల్ యాప్ డౌన్ లోడ్ చేయండి.