శుభలేఖ చిరంజీవి క్లాసికల్ మూవీ

మెగాస్టార్ చిరంజీవి క్లాసిక్ ఓల్డ్ తెలుగు మూవీ

చిరంజీవి – కె విశ్వనాధ్ కలయికలో వచ్చిన క్లాసిక్ మూవీ

కొందరు ఒక్కపని చేయడంలో కూడా తడబడుతూ ఉంటే, ఒక్కొక్కరు మాత్రం ఒకటి కంటే ఎక్కువ రంగాలలో ప్రతిభను కలిగి ఉంటారు, కానీ చదువు మాత్రం సాగదు. మన శుభలేక హీరో కూడా మల్టిటాలెంటెడ్ హీరో. ఈయన పేరు నరసింహ మూర్తి (చిరంజీవి) డిగ్రీ ఫైయిల్ అవ్వడంతో, ఒక స్టార్ హోటల్లో వెయిటర్ గా పనిచేస్తూ ఉంటాడు. అయితే అతనికి అంకెల ఆదిశేషయ్య (కైకాల సత్యనారాయణ) నడుపుతున్న కళాశాలలో టీచర్ గా పనిచేస్తున్న సుజాత (సుమలత) అనే అమ్మాయి పరిచయం పెరుగుతుంది. వరకట్నం వరుని బహుమతిగా ఇచ్చే దశ నుండి బలవంతంగా వసూలు చేసే స్థాయికి వరకట్నం విలువలు పడిపోతున్న తరుణంలో ఆదిశేషయ్య తన కుమారుడు మోహన్ (గిరీశ్)తో సహా పెళ్ళిచూపులకి సుజాత ఇంటికి వస్తారు. ఆదిశేషయ్య అడిగిన వరకట్నం తమ కుటుంబం స్తోమతకి మించి ఉండడంతో, సుజాత అతనితో వాదనకి దిగుతుంది. దీంతో తల్లిదండ్రులు తమతోనే ఉంటే తమ కుమార్తె వివాహం చెయ్యలేమని, సంఘంలో తలెత్తుకు తిరగలేమని భయపడిన తల్లిదండ్రులు సుజాతను ఇంటినుండి పంపించేస్తారు.

ఆదిశేషయ్య కూడా సుజాతని పనిలోంచి తీసేయగా నిరాశ్రయురాలైన సుజాతకు, మూర్తి అనే అతను తన ఇంటిలోనే చోటిస్తాడు. అయితే సంఘం వారిద్దరికీ అక్రమ సంబంధం అంటగడుతుంది. ఒక సన్మాన సభలో ఆదిశేషయ్య నిజస్వరూపాన్ని మూర్తి బయటపెడతాడు. అలా తనని అవమానించనందుకు గాను, ఆదిశేషయ్య రౌడీలతో మూర్తిని కొట్టించి, అతని ఉద్యోగం కూడా తీయించేస్తాడు. చెడుకు బలం ఎక్కువ, వెంటనే వ్యాపిస్తుంది. అయితే ధర్మం ఎప్పుడూ నిదానంగానే ఫలితం ఇస్తుంది. మూర్తి సుజాతతో బాటు హైదరాబాదు చేరి, తనకి పరిచయం ఉన్న ఆల్విన్ లో ఉన్నతోద్యోగి అయిన రావు (అరుణ్) తో మాట్లాడి సుజాతకి కొత్త ఉద్యోగం ఇప్పిస్తాడు. సుజాత చెల్లెలు లక్ష్మి (తులసి)ని మోహన్ తమ్ముడు మురళి (శుభలేఖ సుధాకర్) ప్రేమిస్తాడు. నరసింహమూర్తి, సుజాతల, మురళి, లక్ష్మిలు ఎలా ఒక్కటయ్యారనేది ఈ సినిమాకు ముగింపు.

ధన్యవాదాలు – తెలుగురీడ్స్

నలదమయంతి తెలుగుభక్తి సినిమా

నలదమయంతి తెలుగు పాత పౌరాణిక సినిమా

అలనాటి పాత తెలుగు సినిమాలలో నలదమయంతి తెలుగుభక్తి సినిమా ఒక్కటి. ఈ తెలుగు సినిమాలో నలమహారాజు, దమయంతిల వివాహ ఘట్టం నుండి సన్నివేశాలు ఉంటాయి.

నలదమయంతి కధ మహాభారతంలో ధర్మరాజు విన్న కధలలో ఒక్కటి. పాండవులు అరణ్యవాసంలో ఉన్నప్పుడు, అగ్రజుడు అయిన ధర్మరాజు ఈ కధ వింటాడు. ఇక ఈ సినిమా అయితే నలదమయంతిల హంసరాయభారంతో ప్రారంభం అవుతుంది. హంస రాయభారంతో నలుడికి దమయంతి మీద, దమయంతికి నలుడి మీద ఒకరంటే ఒకరికి ఇష్టం మానసికంగా ఏర్పడుతుంది. ఇది ఇలా ఉండగా దమయంతికి స్వయంవరం ఏర్పాటు చేస్తారు. దానికి నలుడు కూడా బయలుదేరతాడు.

దమయంతి అందచందాలు గురించి, గుణగణాలు గురించి బాగా విన్న దేవతలు ఆమెను పరీక్షించాలనుకుంటారు. ఇంద్రుడు, వరుణుడు, అగ్ని, యమధర్మరాజు నలుడు దగ్గరకు వచ్చి, ముందుగా ఒక మాట తీసుకుంటారు. వారికి నలుడు ప్రతిజ్ఙ చేస్తాడు, మీరు చెప్పిన పనిని చేసిపెడతానని. వెంటనే వారు దమయంతికి తమగురించి గొప్పగా చెప్పి, తమలో ఎవరినైనా ఒకరిని వరించేలా, ఆమె మనసుని మార్చమని అడుగుతారు. నలుడు నేనెలా అంత:పుర కన్యతో మాట్లాడేది, అనగా దానికి వారు నలుడు అదృశ్యమయ్యే శక్తిని ఇస్తారు.

అంత:పురంలో దమయంతి ఒంటరిగా ఉన్నప్పుడు, నలుడు అక్కడికి వస్తాడు, ఆమెకు దేవతలు గురించి చెబుతాడు. అయితే ఆమె నలుడే తన భర్త అని తేల్చి చెబుతుంది. ఈ విషయం తెలుసుకున్న దేవతలు స్వయంవరం సభలో తాము కూడా నలుడులాగా మారి, సభాసినులై ఉంటారు. స్వయంవరంలో అయిదుగురు నలుడులు కనిపించేసరికి, దమయంతి అమ్మవారిని ప్రార్ధిస్తుంది. అప్పుడు దమయంతికి అమ్మవారు అంతర్లీనంగా ఒక సూచన చేస్తుంది. ”దేవతలు కనురెప్ప వేయరు, ఎవరు కనురెప్పలు వేస్తూ ఉంటారో అతనే నలుడు” అని చెప్తుంది. దానితో దమయంతి నలుడినే వరిస్తుంది. నలదమయంతి తెలుగుభక్తి సినిమా.

నలదమయంతిలకు ఇద్దరు పిల్లలు కలుగుతారు. అయితే సోదరుడు పుష్కరుడు చేసిన మోసపూరిత జూదంలో రాజ్యాన్ని కోల్పోతాడు. దమయంతి పిల్లలను తన పుట్టింటికి పంపించేసి, తాను నలుడితో కలసి కానలకు వెళ్తుంది. అడవులలో నలదమయంతిలకు తినడానికి ఏమి దొరకక నానా కష్టాలు పడుతూ ఉంటారు. అప్పుడు నలుడు దమయంతి ”ఇన్ని కష్టాలు నాతో నీకెందుకు, నీవు నీ పుట్టింటికి వెళ్లు” అంటాడు. అందుకు బదులుగా దమయంతి నలుడితో ”త్రిమూర్తులు కన్నా నాకు మీరే మిన్న అన్నట్టుగా” పలికి ఆమె అతనితోనే ఉంటుంది. ఆమెతోనే ఉంటే ఆమె పుట్టింటికి వెళ్లకుండా నాతోనే ఉండి ఈ అష్టకష్టాలు పడుతూనే ఉంటుందని భావించిన, నలుడు ఆమె నిద్రిస్తున్న సమయంలో ఆమెను ఆ అడవిలో వదిలేసి వెళతాడు.

దమయంతి నిద్రలేచి చూసేసరికి ఒక కొండచిలువ ఆమెకు కనబడుతుంది. ఆమె తప్పించుకునే లోపు ఆమెను కొండచిలువ చుట్టుముడుతుంది. ఆమె ఆర్తనాదం విన్న ఒక వ్యక్తి అక్కడికి వచ్చి కొండచిలువను చంపి, ఆమెను రక్షిస్తాడు. తర్వాత దమయంతి వారి గూడెంకు వెంటబెట్టుకుని వెళతాడు.

ఇక మరొ ప్రక్క నలుడు అడవిలో నడుస్తూ, ఆకలితో అలమటిస్తుండగా అక్కడ దగ్గరిలో మంటలలో ఉన్న పాము ఒక్కటి కనిపిస్తుంది. నలుడు వెంటనే పాముని మంటలలో నుండి కాపాడతాడు. వెంటనే పాము నలుడి కాలుపై కాటు వేస్తుంది. దానితో నలుడు తన అందమైన రూపం కోల్పోయి, వికృత రూపంలోకి మారతాడు. అప్పుడు ఆ పాము ఒక మానవరూపంలో ప్రత్యక్షమై, ఇది నీ మేలుకే వచ్చింది. ఈ రూపంలోనే నీవు ఆయోధ్యాధీశుడు అయిన ఋతుపర్ణుడిని సేవించమని చెప్పి అంతర్ధానం అవుతాడు. నలదమయంతి తెలుగుభక్తి సినిమా.

దమయంతి ప్రాణాలను కాపాడిన వాడే, దమయంతిని బలత్కారం చేయబోతాడు, అప్పుడు ఆమె పరాశక్తిని ప్రార్ధించడంతో, దమయంతి అక్కడి నుండి రక్షించబడుతుంది. తర్వాత దారిలో కొందరి బాటసారుల ద్వారా ఆమె తన తండ్రి ఇంటికి చేరుతుంది.

నలుడు ఋతుపర్ణుడి దగ్గర బాహుకుడు అను నామధేయంతో సేవకుడిగా చేరతాడు. ఇలా విధి విలాసంలో భాగంగా వేరు అయిన నల దమయంతులు చివరికి ఎలా కలుసుకున్నారు. విడదీసిన విధే తిరిగి వారు కలవడానికి ఎలా సహకరించింది? ఈ విధంగా చిత్రం సాగుతుంది.

ధన్యవాదాలు – తెలుగురీడ్స్ మొబైల్ యాప్ డౌన్ లోడ్ చేయండి

శ్రీకృష్ణ పరమాత్మా గురించి క్విజ్

1.

శ్రీ కృష్ణ పరమాత్మ ఏ యుగం లో జన్మించాడు?

 
 
 
 

2.

శ్రీ కృష్ణ పరమాత్మ ఏ నగరంలో జన్మించాడు?

 
 
 
 

3.

శ్రీ కృష్ణ పరమాత్మ ఏ స్థలం లో జన్మించాడు?

 
 
 
 

4.

శ్రీ కృష్ణ పరమాత్మ ఏ నక్షత్రంలో జన్మించాడు?

 
 
 
 

5.

శ్రీ కృష్ణ పరమాత్మ ఏ తిథినాడు జన్మించాడు?

 
 
 
 


పౌరాణిక పురుషుల గురువులు క్విజ్

Please go to పౌరాణిక పురుషుల గురువులు క్విజ్ to view the test

సూర్య, మోహన్ లాల్, ఆర్యల బందోబస్త్

సూర్య, మోహన్ లాల్, ఆర్యల బందోబస్త్ తెలుగు మూవీ

సూర్యకు తమిళమే కాకుండా తెలుగులోనూ మంచి హిట్ సినిమాలు ఉన్నాయి. గజినితో గుర్తింపు తెచ్చుకున్న సూర్య, యముడు, సింగం, సింగం2 సినిమాలతో తెలుగు ప్రేక్షకులకు బాగా పరిచయమే. సూర్య ప్రధాన పాత్రలో వచ్చిన సినిమా బందోబస్తు. ఇందులో సూర్యతో బాటు మోహన్ లాల్, ఆర్య, సయేషా సైగల్, సముద్రఖిని, పూర్ణ తదితరులు నటించారు.

దేశ ప్రధానమంత్రి చుట్టూ కధ తిరుగుతుంది, ప్రధానిని రక్షించే అధికారిగా రవికాంత్ (సూర్య) ఇందులో జీవిస్తాడు. లండన్ పర్యటనలో ఉన్న ప్రధానిపై ఎటాక్ జరగబోతుందనే ఇంటిలెజన్స్ రిపోర్టు ప్రకారం, రవికాంత్ లండన్లో ప్రధానిని రక్షిస్తాడు. అయితే ప్రధాని పి.ఏ. అంజలి రవికాంత్ ఉగ్రవాది అనుకుని పొరపాటు పడుతుంది. కానీ ప్రధానికి కాపాడాకా, అసలు విషయం తెలుసుకుని, ఆమె అతనికి దగ్గరవుతుంది. రవికాంత్ ఎన్.ఎస్.జి కమాండుగా నియమితుడవుతాడు. కానీ టెర్రరిస్టు విక్రమ్ మరో పధకం ప్రకారం కాశ్మీర్లో బాంబ్ బ్లాస్ట్ జరిపించి ప్రధాని చంద్రకాంత్ ని చంపించేస్తాడు.

తర్వాత చంద్రకాంత్ కొడుకు అభిషేక్(ఆర్య), దేశ ప్రధానిగా ప్రమాణస్వీకారం చేస్తాడు. కానీ కుర్రవాడు అయిన అభిషేక్ తనకు రాజకీయం అనుభవం లేకపోవడంతో, ఒకసారి తన తండ్రిని రక్షించిన రవికాంత్ ని పి.ఎస్.ఓ గా నియమించుకుంటాడు. మహదేవ్ అనే వ్యాపారవేత్త, గ్యాస్ కొరకు గోదావరి పరిసరాలలో భూమిని నాశనం చేయడం పనిగా పెట్టుకుంటాడు. తనకు ఎదురుతిరిగినవారిని, తనను ప్రశ్నించినవారిని అడ్డుతొలగించుకుంటూ ఉంటాడు. అటువంటి మహాదేవ్ కు, ప్రధాని అభిషేక్ అడ్డుపడతాడు. దాంతో మహాదేవ్ రియాక్షన్ ఎలా ఉండబోతుంది? దేశప్రధానిని చంపించాల్సిన అవసరం ఎవరికి? ఎందుకు? ఏ ఏ పధకాలు ప్రకారం కధ నడుస్తుందనే సస్పెన్స్ వెండితెరపై చూడాలి.

ధన్యవాదాలు – తెలుగురీడ్స్ మొబైల్ యాప్ డౌన్ లోడ్ చేయండి

గద్దలకొండ గణేష్ విడుదలకు ముందు వాల్మీకిగా ప్రచారం

గద్దలకొండగణేష్ విడుదలకు పూర్వం వాల్మీకిగా పేరు

మెగా ప్రిన్స్ వరుణ్ తేజ్ హీరోగా గద్దలకొండ గణేష్ సినిమా హరీష్ శంకర్ దర్శకత్వంలో ప్రేక్షకుల ముందుకు వచ్చి విజయవంతంగా ప్రదర్శింపడుతుంది. గతంలో గబ్బర్ సింగ్-1 చిత్రానికి దర్శకత్వం వహించిన హరీష్ శంకర్ కు ఆస్థాయిలో మరో హిట్ రాలేదు. కానీ ఇప్పుడు వరుణ్ తేజ్ హీరోగా వచ్చిన గద్దలకొండ గణేష్ చిత్రం అనూహ్య విజయంగానే అంచనా వేస్తున్నారు. అనూహ్య విజయాలు ఎప్పుడూ కొత్త రికార్డులవైపు వెళుతూ ఉంటాయి. అయితే వరుణ్ తేజ్ కు వచ్చిన హిట్ టాక్ ఏస్థాయిలో కనెక్షన్లు రాబడతాడో దానిని బట్టి సినిమా హిట్ రేంజ్ ఉంటే, ఇప్పుడు మాత్రం సినిమా హిట్ టాక్ తో దూసుకుపోతుంది.

వరుణ్ తేజ్ – పూజా హెగ్డే కలసి నటించిన ఈ చిత్రంలో కధానాయకుడి అభినయం ఆకట్టుకునే విధంగా ఉండడం సినిమాకి చాలా పెద్ద ప్లస్ పాయింటు. ఇంకా జతకట్టిన పూజాహెగ్డే తక్కువ సమయమైనా, జోడి వర్కవుట్ అయ్యింది. ప్రస్తుతం సైరా నరసింహారెడ్డి వచ్చేవరకు భారీ చిత్రాలు ఏమిలేవు కాబట్టి గద్దలకొండ గణేష్ గట్టి హిట్ నే సొంతం చేసుకోనున్నాడు.

వాల్మీకిగా ప్రచారం పొంది, గద్దలకొండ గణేష్ గా గట్టి హిట్ అందుకున్న వరుణ్ తేజ్, హరీష్ శంకర్.

3 నెలల్లో కోటికి పైగా వ్యూస్ ఉన్న రోషగాడు సినిమా కధ?

రోషగాడు తమిళ్ డబ్బింగ్ తెలుగు సినిమా విజయ్ ఆంటోని

రోషగాడు సినిమా చూడడానికి ఈ అక్షరాలను తాకండి

వైవిధ్యం కన్నా కధలో పట్టు ఉండి, ఆశయం సామాజిక స్పృహను గుర్తిస్తే, ఆ విషయం సమాజంలో తొందరగా చేరుతుంది. అలాంటి ఒక చిత్రం రోషగాడు తెలుగులోకి డబ్బింగ్ చేయబడిన సినిమా. విజయ్ ఆంటోని నటించిన ఈ చిత్రం యూట్యూబ్లో ఒక కోటికి పైగా వ్యూస్ పొందింది.

యుక్తవయస్సులోకి మారే వ్యక్తి, తన చుట్టూ ఉండే సమాజంలో తన ఐడింటిటీని చెక్ చేసుకుంటాడు. తనను సమాజం ఏవిధంగా ఐడింటిఫై చేస్తుంది? సమాజంలో ఎలా ఉంటే మనం హీరోలాగా బ్రతకవచ్చు? ఈ రెండు ప్రశ్నలు యుక్త వయస్సుకు వస్తున్న బాలురలో అధికంగా ఉంటాయి.

బాలురలో చెడు ఆసక్తులు ఉంటే, సాదారణంగా అయినవారు వాటిని నివారించడానికి ప్రయత్నిస్తే, స్వార్ధపరులు వాటిపై ఇంకా వ్యామోహం పెంచి, తమ స్వార్ధానికి వాడుకుంటారు. అలాంటి ఒక కధే రోషగాడు సినిమా కధ.

బాబ్జీ అనే వ్యక్తి బాల నేరస్తులకు పెద్దగా శిక్షలు ఉండవు కాబట్టి, సిటిలో కొత్తగా వచ్చిన బాలురకు చెడు అలవాట్లను నేర్పించి, తర్వాత వారితో హత్యలు కూడా చేయిస్తూ ఉంటాడు. అతనికి సిటిలో పలుకుబడి అన్ని పెరగుతూ ఉంటాయి, అతని వలన సిటిలో చాలామంది యువకుల జీవితాలు నేర ప్రవృత్తి వైపు ఆకర్షితులవుతారు.

సమాజం అంతా నా బంధవులే అని ప్రేమించే ఒక పోలీసు అధికారి తమ్ముడు, అన్నపై కోపంతో అన్నను వదిలేసి, సిటికి పారిపోతాడు. తమ్ముడిని వెతుక్కుంటూ నగరానికి వెళ్లిన పోలీసు అధికారికి, తమ్ముడు ఒక నేరస్తుడుగా కనబడతాడు. తప్పని పరిస్థితులలో తన తమ్ముడిని తానే రోడ్డుపై కాల్చి చంపుతాడు. తర్వాత తన తమ్ముడికి పట్టిన గతి సిటిలో ఉన్న మరే ఇతర తమ్మునికి పట్టకూడదు, అని నిశ్చయించుకుంటాడు. అప్పటి నుండి బాబ్జీ అంతు చూసేవరకు అతను నిద్రపోడు. బాబ్జీ అంతు చూశాకా అతనే నిద్రకు ఉపక్రమిస్తాడు.

బాబ్జీ అంతు చూడడానికి ఆ పోలీసు అధికారి ఎంచుకున్న మార్గం మాత్రం సినిమాకు హైలెట్. ఏవిధంగా బాబ్జీ యువకుల దృష్టిలో హీరో అయ్యాడు, అదే విధంగా బాబ్జీ జీరో అయ్యేలాగా పరిస్థితులను తీసుకువస్తాడు. మంచి సందేశాత్మకంగా ఉంటుంది. విజయ్ ఆంటోని పోలీసు పాత్రలో ఒదిగిపోయాడు.

బాలనాగమ్మ

బాలనాగమ్మ ఎన్.టి. రామారావు, ఎస్వీ రంగారవు, రేలంగి, సి.యస్.ఆర్. అంజలీదేవి, రాజసులోచన, సూర్యకళ, హేమలత తదితరులు నటించగా వేదాంతం రాఘవయ్యగారు బాలనాగమ్మ సినిమాకు దర్శకత్వం వహించారు.

రాజదంపతులకు పిల్లలు లేక బాధపడుతుండగా, ఒక సన్యాసి వచ్చి వారికి సంతానయోగం కలిగే అవకాశం ఉందని, వెంటనే ఈశ్వరుడిని ప్రార్ధించమని చెబుతాడు. దానితో మహారాణి ఆలయానికి వెళ్లి పరమభక్తితో పరమేశ్వరుడిని పూజిస్తుంది. సంతోషించిన ఈశ్వరుడు ”ఈశాన్య దిక్కున ఒక చెట్టు ఉంది, ఆ చెట్టు ఫలాలు ఆరగించు, ఇతోదకమైన సంతానం కలుగుతుంది” అని ఆకాశవాణిగా పలుకుతాడు. మహరాణి వెంటనే చెట్టు దగ్గరకు వెళుతుంది.

చెట్టున ఉన్న ఫలాలు మహారాణి భూలక్ష్మికి అందకపోవడంతో ఆమె అక్కడే చెట్టు క్రింద ఉన్న పుట్టపై కాళ్లు పెట్టి, చెట్టు కొమ్మల నుండి అందినంతలో ఉన్న ఫలాలను కోసుకుని, క్రిందికి దిగుతుంది. అలా మహారాణి పుట్టమీద నుండి క్రిందికి దిగగానే, ఆమె చెంగులో ఉన్న ఫలాలు ఒక్కటి మినహా మిగిలినవి అన్ని మరలా చెట్టుకి చేరతాయి. ఇక అక్కడి పుట్టలోని నాగరాజు మానవరూపంలో ప్రత్యక్షమై, మహారాణిని పేరాశకు, ఆమె చేసిన తప్పుకు శిక్షించదలుస్తాడు. అయితే నేను తల్లిని అయ్యేవరకు నాకు గడువు ఇవ్వవలసినదిగా మహారాణి, నాగరాజుని ప్రార్ధన చేయడంతో, నాగరాజు బిడ్డ పుట్టిన ఆరుమాసాలకు తిరిగి వస్తానని, అప్పుడే నిన్ను కాటువేసి చంపుతానని చెప్పి అంతర్ధానం అవుతాడు.

ఈ విషయం మహారాజుకు చెప్పకుండా మహారాణిభూలక్ష్మి దాచి ఉంచుతుంది. కొన్నాళ్లకు వారికి ఏడుగురు ఆడ శిశువులు జన్మిస్తారు. అయితే దు:ఖిస్తున్న రాణిని, విషయం అడిగి తెలుసుకున్న మహారాజు మొత్తం నాగులన్నింటిని చంపించే ప్రయత్నం చేస్తాడు. కానీ వారి ప్రయత్నం అలా సాగుతున్నా నాగరాజు అంత:పురంలోకి వచ్చి మహారాణిని కాటువేసి వెళ్లిపోతాడు. పసిపిల్లలను పెంచకుండానే మహారాణి ప్రాణాలు విడుస్తుంది. మహారాజు తనకు పుట్టిన ఆడపిల్లలను అల్లారుముద్దుగా పెంచుతూ ఉంటాడు. ఏడుగురుపిల్లల్లో ఆఖిరి పిల్లపేరు బాలనాగమ్మ. పిల్లలు పట్టు మేరకు మహారాజు మరోరాణి మాణిక్యాన్ని వారికి తల్లిగా తీసుకువస్తాడు. మొదట్లో ఆమె పిల్లలను బాగానే చూసుకుంటుంది. కానీ చెలికత్తె చెప్పుడు మాటలకు మాణిక్యం మనసులో స్వార్ధం పెరిగి, పిల్లలను నానా కష్టాలకు గురి చేస్తూ ఉంటుంది. రాజుకు ఈ విషయం తెలిసి రాజు ఆగ్రహించి, మాణిక్యాన్ని దాసిని చేస్తాడు. తర్వాత మాణిక్యం తన చెలికత్తె సహకారంతో రాజుకు మందు పెట్టి, మహారాజును వశపర్చుకుంటుంది. తనకు వశపడిన రాజుని, నీ పిల్లలని చంపేయమని రాజుకు చెబుతుంది. మాణిక్యానికి వశపడి ఉన్న రాజు, మాణిక్యం మాటానుసారం చిన్న పిల్లలను చంపడానికి అడవికి తీసుకువెళతాడు. అక్కడ చంపలేక వారిని అక్కడే వదిలేసి, తన రాజ్యానికి వెళ్లిపోతాడు. తిరిగి వెళ్లిన రాజు, మాణిక్యం రాణిగా ఉంటే, రాజు పూర్తిగా అమెకు వశపడి ఉంటాడు. తర్వాత ఆ పిల్లలు అడవిలోనే పెరుగుతారు.

పానుగంటి పురం రామవర్తికి తన చెల్లెలు అయిన భూలక్ష్మి కోల్పోవడంతో, ఆమె పిల్లల కోసం వెతుకుతూ ఉంటాడు. అతనికి ఏడుగురు కొడుకులు, ఆఖిరివాని పేరు కార్యవర్తి. అడవిలో భూలక్ష్మి పిల్లలు పెరిగి పెద్దవుతారు. భూలక్ష్మి అన్న రామవర్తి పిల్లలు కూడా తమ మేనత్త పిల్లల జాడ కోసం ప్రయత్నిస్తూ పెరుగుతారు. వరుస అయిన ఏడు జంటలు విడివిడిగా పెరిగి యుక్త వయస్సుకు వచ్చాక వారు ఒకరినొకరు తారసపడే అవకాశం వస్తుంది. రామవర్తి అనుజ్ఙతో అతని ఏడుగురు పిల్లలు తమ మేనత్త సంతానం ఎక్కడ ఉందో వెతుకుతూ అడవికి వస్తారు. ఆ అడవిలో వారు కలుసుకోవడం, వారికి పెళ్లిళ్లు కూడా జరుతాయి.

పెళ్లైన తర్వాత బాలనాగమ్మకు ఒక పిల్లవాడు జన్మిస్తాడు, తర్వాత ఆమె మాంత్రికుడి చేత అపహరింపబడుతుంది. ఆమెను దక్కించుకోవాలని మాంత్రికుడు, బాలనాగమ్మను బంధించి ఉంచుతాడు. బాలనాగమ్మని విడిపించడానికి వెళ్లిన కార్యవర్తి మాంత్రికుడి మంత్రప్రభావంతో శిలగా మారిపోతాడు. చివరకు బాలనాగమ్మ కొడుకు వచ్చి తన తల్లిదండ్రులను విడిపిస్తాడు.

ధన్యవాదాలు – తెలుగురీడ్స్ మొబైల్ యాప్ డౌన్ లోడ్ చేయండి

మాయాబజార్ తెలుగు ఓల్డ్ మూవీ

కె.వి.రెడ్డిగారికే చెల్లింది. ఎస్వీఆర్, ఎన్టీఆర్, ఏఎన్ఆర్, రేలంగి, సావిత్రి లాంటి హేమాహెమీలు నటించిన ఈ తెలుగుమూవీ మొత్తం సకుటుంబసమేతంగా చూసి సంతోషించి ఉంటారు.

మాయాబజార్ వీడియో వీక్షణకు ఇక్కడ క్లిక్ లేక టచ్ చేయండి

పాండవులు కనిపించకుండా పాండవులకు సంబంధించిన కధతో ఒకప్రేమకధను చాలా చక్కగా ఆబాలగోపాలం అలరించేవిధంగా మాయాబజార్ సినిమాను తీయడం కె.వి.రెడ్డిగారికే చెల్లింది. ఎస్వీఆర్, ఎన్టీఆర్, ఏఎన్ఆర్, రేలంగి, సావిత్రి లాంటి హేమాహెమీలు నటించిన ఈ మాయాబజార్ తెలుగు ఓల్డ్ మూవీ మొత్తం సకుటుంబసమేతంగా చూసి సంతోషించి ఉంటారు. అంత చక్కని కధతో, చక్కని హాస్యంతో హృదయానికి హత్తుకుంటుంది.

అలనాటి మేటిచిత్రరాజములలో మనకుమరో మకుటం మాయాబజార్ తెలుగు పాతసినిమా. రేవతి-బలరాముల ఆడబిడ్డ శశిరేఖని, సుభద్ర-అర్జునుల మగబిడ్డ అభిమన్యునికి ఇచ్చి వివాహాం చేయాలని, వారి బాల్యంలోనే పెద్దలు మాటలు ఇచ్చిపుచ్చుకుంటారు. అటుపై సుభద్ర అభిమన్యుని తీసుకుని తన మెట్టింటికి బయలుదేరుతుంది.

శ్రీకృష్ణుడు పాండవులు రాజసూయ యాగం నుండి ద్వారకకు తిరిగి వస్తూ, ధర్మరాజు ఇచ్చిన బహుమతులను తీసుకుని వస్తాడు. వాటిని బలరాముడికి, శశిరేఖకు బహూకరిస్తాడు. బలరామునికి ఇచ్చిన బహుమతి ప్రత్యేకత ఏమిటంటే…”దానిపై నిలబడిన ఎవరైనా సరే, వారి మనసులోని కుఠిలం స్వయంగా వెల్లడి చేసేస్తారు.” ఇంకా శశిరేఖకు ఇచ్చిన బహుమతి ప్రత్యేకత ఏమిటంటే…”ఆ పెట్టెని తెరిచి చూస్తే మనసులో ఏది ఎక్కువ ఇష్టంగా ఉంటే ఆ వస్తువు కానీ లేక ఆ వ్యక్తికాని కనబడతారు” దానిని తెరిచి చూసిన శశిరేఖకు తన బావ అభిమన్యుడు కనబడతాడు.

శ్రీకృష్ణుడు వేరొక చోట ఉండగానే, పాండవులకు జగిరిన అన్యాయం తెలుసుకుంటాడు. అప్పుడు నిండుసభలో ద్రౌపదిపై జరిగిన ఆకృత్యం కూడా స్వామికి తెలయబడడం, ఆమెకు శ్రీకృష్ణ భగవానుడు తనమహిమచేత నిరంతర వస్త్రం ఇవ్వడం జరుగుతుంది. శ్రీకృష్ణుడు పరధ్యానంలోకి వెళ్లడం గమనించిన బలరాముడు, శ్రీకృష్ణుడిని ఏమయ్యిందని ప్రశ్నిస్తాడు. అప్పుడు శ్రీకృష్ణభగవానుడు, తనవారితో పాండవులకు జరిగిన అన్యాయం గురించి, కౌరవులు వడిగట్టిన దారుణాలను వివరిస్తాడు. వెంటనే బలరాముడు ”నేను ధర్యోధనుడిని హెచ్చరించి, పాండవులు రాజ్యాన్ని పాండవులకు తిరిగి వచ్చేలా చేస్తానని” ద్వారక నుండి హస్తినాపురానికి బయలుదేరతాడు.

హస్తినాపురంలో ధర్యోధనుడుకి బలరాముడు వస్తున్నాడనే సమాచారంతో దిగులు చెందుతుంటే, అతని మేనమామ శకుని ”ఎందుకు..దిగులు, బలరాముడుని స్థుతి చేయడం ద్వారా అతనిని ఇట్టే ప్రసన్నం చేసుకోవచ్చును, కావునా బలరాముడికి బ్రహ్మరధం పట్టేవిధంగా ” ఆహ్వానం పలకమని చెబుతూ ఇంకా ”మన లక్ష్మణ కుమారునికి, బలరాముని కూతురు శశిరేఖను ఇచ్చ వివాహం చేయమని అడుగు, ఈ వివాహం జరిగితే భవిష్యత్తులో యాదవ వంశంవారు అంతా మనవైపే ఉండవలసి ఉంటుంది” అని బోధ చేస్తాడు. శకుని సలహాతో ధర్యోధనాధులు సంతోషిస్తారు. మాయాబజార్ తెలుగు ఓల్డ్ మూవీ.

బలరామునికి ధర్యోధనుడు సకల మర్యాదలు చేసి, ఆసనం వేసి పాదసేవ చేస్తూ ఉంటు అన్ని విషయాలు తమకు అనకూలంగా ఏకరువు పెడతారు. పాండవులు తప్పు చేసినట్టుగా, పాండవులపై ఆరోపణలు చేస్తూ బలరాముడికి ధుర్యోధనాదులు మాటలు ఎక్కిస్తారు. అప్పుడే అక్కడికి వచ్చిన లక్ష్మణ కుమారుడుకు, శశిరేఖను ఇచ్చి వివాహం చేయవలసినదిగా వరం కోరతాడు, ధర్యోధనుడు. అప్పటికే ధర్యోధనుడు కపట మర్యాదలకు సంతోషించిన బలరాముడు, ధర్యోధనుడు కోరికకు అంగీకారం తెలుపుతాడు. అక్కడి నుండి బలరాముడు, ధర్యోధనుడు ఇచ్చిన అనేక కానుకలను స్వీకరించి తిరిగి ద్వారకకు వస్తాడు.

పాండవుల వనవాసానికి వెళ్లే సమయంలో సుభద్ర తన వీరకుమారుడు అభిమన్యునితో కలసి, శ్రీకృష్ణుడి నివాసానికి చేరుతుంది. అయితే ధర్యోధనుడికి ఇచ్చన మాటకు లోబడిన, రేవతి-బలరాములు శశిరేఖను, అభిమన్యునితో కలవకుండా కట్టడి చేస్తారు. శశిరేఖా-లక్ష్మణ కుమారుల వివాహం నిశ్చయం చేస్తారు. సుభద్ర బలరాముడిని తనకు ఇచ్చిన మాట గురించి అడిగినా, రేవతి, బలరాముల మనసు మారదు. దాంతో సుభద్ర అభిమన్యుని తీసుకుని, పాండవుల దగ్గరకు బయలుదేరుతుంది.

అయితే అడవిలో భీమసేనుడి కుమారుడు అయిన ఘటోత్కచుడు ఉన్న చోటికే అభిమన్యుడు చేరుకుంటుండగా, ఘటోత్కచుడు-అభిమన్యుడికి యుద్దం జరుగుతుంది. చివరికి సుభద్ర ప్రతిజ్ఙ చేయబోతూ తనవారి పేరు చెప్పడంతో…వెంటనే ఘటోత్కచుడు సుభద్ర కాళ్లపై పడి శరణు వేడుకుంటాడు. తను ఎవరో చెబతాడు. సుభద్ర, అభిమన్యులు ఘటోత్కచుని ఆహ్వానం మేరకు, వారి నివాసానికి చేరతారు. శశిరేఖా పరిణయం గురించి వివరం తెలుసుకున్న ఘటోత్కచుడు, ద్వారకలో శ్రీకృష్ణుడిని కలుసుకుంటాడు. అక్కడి ఇరువురి మాయా పధకంలో భాగంగా అసలు శశిరేఖని అభిమన్యుని దగ్గరకు చేర్చి, ఘటోత్కచుడు శశిరేఖ వేషంలో లక్ష్మణ కుమారునితో వివాహ ప్రక్రియలో పాల్గొంటాడు. ఇక అక్కడి సినిమాలో తిరిగే మలుపులు మనసుని మరింత రంజింప చేస్తాయి. శ్రీకృష్ణుడి పర్యవేక్షణలో ఘటోత్కచుని మాయాప్రభంజనం ధుర్యోధనాదులను ఏవిధంగా ఇబ్బంది పెట్టిందీ…వివరణ కన్నా వీక్షణ బాగుంటుంది. మాయాబజార్ తెలుగు ఓల్డ్ మూవీ.

ధన్యవాదాలు – తెలుగురీడ్స్ మొబైల్ యాప్ డౌన్ లోడ్ చేయండి

సతీసక్కుబాయి తెలుగు భక్తిసినిమా

మంచి భక్తిరసచిత్రంగా అలరించిన అలనాటి ఆణిముత్యం సతి సక్కుబాయి సినిమా.

సతీసక్కుబాయి తెలుగు భక్తిసినిమా అలనాటి పాత సినిమాలలో ఒక్కటి. సతీ సక్కుబాయి సినిమా చూడడానికి ఇక్కడ తాకండి

సతీసక్కుబాయి తెలుగు భక్తిసినిమా కృష్ణభక్తితో పరవశించే ఇల్లాలు. ఎక్కడైనా, ఏ వస్తువులోనైనా ఎప్పుడైనా సరే కృష్ణుడిని చూస్తూ, ఆరాధించే అరుదైన అదృష్టవంతురాలి కధ. ప్రదేశాన్ని బట్టి, సమయానుసారం కృష్ణలీలలను కాంచుతూ ఉంటుంది.

సక్కుబాయి పండరీలో పాండురంగడి గుడిలో పాటపాడుతూ మయమరిచి, స్వామి పాదాలపై పడి ఉంటుంది. ఆమె తల్లీదండ్రులు అక్కడికి వచ్చి ఆమెను ఇంటికి తీసుకుపోతారు. అయితే ఇంటి దగ్గరకూడా ఆమె నిత్యం పాండురంగడి ధ్యానంలోకి వెళుతూ ఒంటరిగా ఉంటుంది. యుక్తవయస్సుకు వచ్చినా ఇంత భక్తిపరాయణత్వం ఏమిటా అని తల్లిదండ్రులు ఆందోళన చెందుతారు. అయితే ఒకరోజు సన్యాసి ఆ ఇంటికి వచ్చి, సక్కుబాయిని ఆశీర్వదించి ఆమెకు పాండురంగ స్వామి విగ్రహమును ఇచ్చి వెళతాడు. నాటి నుండి సక్కుబాయి ఆపాండురంగడి విగ్రహమే సర్వస్వంగా ఉంటుంది.

సతీసక్కుబాయి తెలుగు భక్తిసినిమా

ఒక శుభమూహర్తమున సక్కుబాయికి, ఒక రైతుకుటుంబంలోని బిక్షపతికి ఇచ్చి వివాహం జరిపించి, ఆమెను అత్తవారింటికి పంపించేస్తారు. బిక్షపతి తల్లి గయాళి అయితే, అతని చెల్లెలు గంగ కూడా తల్లిని మించిన గయ్యాళి. సక్కుబాయి-బిక్షపతిల వివాహానంతరం అతని చెల్లెలు గంగ తన మెట్టింటికి వెళుతుంది. సక్కుబాయి అత్తవారింటికి కూడా తనకు స్వామిజీ ప్రసాదించిన పాండురంగడి విగ్రహాన్ని తీసుకుపోయి, నిత్యం పూజలు చేస్తూ ఉంటుంది.

అది చూసి ఆమె అత్తగారు హెచ్చరిస్తుంది. ఇక నుండి పూజలు చేయవద్దు, ఇంటి పనులు మాత్రమే చేయాలని ఖచ్చితంగా చెబుతుంది. సక్కుబాయి అత్తగారి మాటలకు ఎదురు చెప్పకుండా, ఇంటిపనులు చేస్తూ కూడా, ప్రతిపనిలోనూ కృష్ణలీలలను కాంచుతూ పరవశిస్తూ ఉంటుంది. బిక్షపతి మాత్రం తన భార్యభక్తికి ఏవిధంగానూ అడ్డు చెప్పడు, ఆమెపై మనసునిండా ప్రేమను నింపుకుని ఉంటాడు. సతీసక్కుబాయి తెలుగు భక్తిసినిమా.

సక్కుభాయి ఇంట్లో ఒక రోజు మజ్జిగ చిలుకుతూ, వెన్నముద్దను చూడగానే కృష్ణలీలలు గుర్తుకు వచ్చి, నిజంగానే కృష్ణుడు వచ్చి వెన్నతింటున్నట్టుగానే పరవశిస్తుంది. కానీ సక్కుబాయి చేతిలోని వెన్నముద్దను పిల్లి తింటూ, పాలకుండతో ఇంట్లోకి వస్తున్న ఆమె అత్తగారికి కనబడుతుంది. అత్తగారు వచ్చి ఆమెను మందలించి, తన చేతిలోని పాలకుండ సక్కుబాయికి ఇచ్చి, ఉట్టి మీద పెట్టమంటుంది. అక్కడకు వెళ్లిన సక్కుబాయి ఉట్టిని చూడగానే మరలా కృష్టుడు గుర్తుకు వచ్చి, కృష్ణుడికి పాలుపోస్తున్నట్టుగా పరవశిస్తూ, తన చేతిలోని పాలను నేలపై పోస్తుంది. దాంతో అత్తగారు ఆమెపై చిరాకు పడుతుంది. సక్కుబాయి ఇలా ఏవిధంగా ఏపనిలోనైనా కృష్ణలీలలను గుర్తు చేసుకుంటూ, కృష్ణ భక్తిలో పరవశిస్తూ ఉంటుంది.

ఒకరోజు చేతిలో కృష్ణుడి బొమ్మ ఉంచుకుని పరవశిస్తూ నిలబడి ఉన్న సక్కుబాయిని చూసిన, ఆమె అత్తగారు అక్కడకు వచ్చి సక్కుబాయి చేతిలోని పాండురంగడి బొమ్మని తన చేతులలోకి తీసుకుని నేలకేసి కొట్టి ముక్కలు చేస్తుంది. వెంటనే ఆ బొమ్మ మరలా యధావిదిగా అతుక్కుని, సక్కుబాయి చేతిలోకి చేరుతుంది. అత్తగారు ఆశ్చర్యపోయి, ఆ బొమ్మని మాయాబొమ్మగా భావిస్తుంది. అప్పుడే పుట్టింటికి వచ్చిన గంగ కూడా సక్కుబాయి చేతిలోని బొమ్మని తీసుకుని, నీళ్ళున్న భావిలో పడేస్తుంది. వెంటనే భావిలో నీరు అంతా ఇంకిపోయి, భావిలో నుండి బొమ్మ వచ్చి గంగ నెత్తిమీద దెబ్బలు వేసి, మరలా సక్కుబాయి చేతిని చేరుతుంది. గంగకు దాహం వేస్తుంది. కానీ నూతిలో నీరు ఉండదు, ఇంట్లోకి వెళితో ఇంట్లోనూ నీరు ఉండదరు. వారికి ఆశ్చర్యం వేసి, ఇదంతా ఆ మాయాబొమ్మ వల్లే అనుకుంటారు. ఎలాగైనా సక్కుబాయి తిక్క కుదర్చాలని భావించి, గదినిండా ఉన్న గోదుమలను తెల్లారేసరికి పిండి చేయమని చెబుతారు.

నాటి మేటి సినిమా సతీసక్కుబాయి తెలుగు భక్తిసినిమా

సక్కుబాయి పాండురంగడిని తలుచుకుంటూ, గోదుమలను పిండి చేస్తూ శోష వచ్చి పడిపోతుంది. తర్వాత కృష్ణుడే వచ్చి ఆపని చేసి అంతర్ధానం అవుతాడు. స్పృహకోల్పొయి పడి ఉన్న సక్కుబాయిని చూసిన ఆమె భర్త బాదపడతాడు. తన వల్లే నీకు ఈ కష్టాలు అంటూ భార్యతో బాధని పంచుకుంటాడు. భిక్షపతి తన చెల్లెలు గంగను మెట్టింటికి పంపించేయాలని భావించి, తన బావగారిని తీసుకురావడానికి బయలుదేరతాడు. భిక్షపతి ఊరినుండి తన బావని తోడ్కొని వచ్చే సమయానికి, తల్లీకూతుళ్లు ఇద్దరూ కలసి సక్కుబాయిని చిత్ర హింసలు పెడతారు. ఈ విధంగా వారిద్దరూ సక్కుబాయిని నానావిధాలుగా నిందిస్తూ, అష్టకష్టాలు పెడుతుంటారు. ఒకరోజు సక్కుబాయి పండరీకి బయలుదేరుతుంటే, ఆమెను అడ్డగించి ఒకస్థంబానికి కడతారు. అప్పుడు ఆ పాండురంగడే, సక్కుబాయిని భర్తరూపంలో విడిపించి ఆమెను పండరికి బయలుదేరేలా చేస్తాడు.

ఇక పాండురంగడు అక్కడే సక్కుబాయి రూపంలో ఉండి వారివురికి బుద్ది చెబుతాడు. గంగ సంసారం చక్కదిద్దుతాడు. ఇంకా పండరీలో ప్రాణం విడిచిన సక్కుబాయిని, తిరిగి పునర్జీవుడిని చేసి, ఆమె సంసారం చక్కదిద్దుతాడు. సినిమా ఆద్యంతం కృష్ణభక్తిని ప్రబోదం చేస్తూ, శ్రీకృష్ణుని లీలలతో సాగుతుంది. మంచి భక్తిరసచిత్రంగా అలరించిన అలనాటి ఆణిముత్యం సతి సక్కుబాయి సినిమా. ఇందులో కృష్ణుడిగా కాంతారావు, సక్కుబాయిగా అంజలీదేవి, ఆమె భర్తగా ఎస్వీ రంగారావు, సక్కుబాయి అత్తగా సూర్యాకాంతం, సక్కుబాయి ఆడపడచుగా గిరిజ, సక్కుబాయి ఆడపడచు భర్తగా రేలంగి నరసింహారావుగారు, సన్యాసిగా గుమ్మడి తదితరులు నటించారు.

ధన్యవాదాలు – తెలుగురీడ్స్