గురువులు గురించిన తెలుగు ఫ్రీబుక్స్

గురువులు గురించిన తెలుగు ఫ్రీబుక్స్

గురువు గొప్పతనం గురించి బ్రహ్మశ్రీ చాగంటి కోటేశ్వరరావుగారి మాటలలోనే వినాలి. గురువుగారు గురువుల గొప్పతనం వివరిస్తుంటే, గురువులపై గౌరవం ఇంకా పెరిగుతుంది. అటువంటి గురుతత్వం భారతదేశంలోనే ఉండడం భారతీయులుగా పుట్టిన మన అదృష్టం. గురువులు గురించిన తెలుగు ఫ్రీబుక్స్ ఆన్ లైన్లో మనకు లభిస్తున్నాయి.

నిత్యజీవితంలో ఉపాధికొరకు అవసరమైన విద్య అన్ని చోట్ల లభిస్తుంది. అయితే ఒక వ్యక్తి తాత్విక పరిశీలనతో లేక అచంచలమైన భక్తితో తరించాలంటే, సద్గురువులు బోధించిన బోధనలు మార్గం చూపుతాయి అంటారు. అటువంటి సద్గురువులకు ఆలవాలం మన భారతదేశం. మన భారతీయ గురువులు దార్శినికత ఎంతో గొప్పదిగా పండితులు చెబుతూ ఉంటారు. వారు భవిష్యత్తును తమ మనో నేత్రంతో దర్శించి, భారతీయులకు అవసరమైన భక్తితత్వం, ఆత్మతత్వం, యోగ విజ్ఙానం వంటివి అందించారని చెబుతారు.

బ్రహ్మమును తెలియగోరువారికి బ్రహ్మము తెలిసిన వారి మార్గదర్శకము తప్పనిసరిగా చెబుతారు. పరబ్రహ్మ కాల స్వరూపంగా ఎప్పుడు ఎవరిని అనుగ్రహిస్తాడో తెలియదు. కాలస్వరూపుడు కాలంలో కలిగజేసే కష్టకాలం పరీక్షా కాలంగా చెబుతారు. అటువంటి పరీక్షాకాలం గట్టెక్కాలంటే, సరైన గురువు అనుగ్రహం వలన సాధ్యమంటారు. గురువు అనుగ్రహం ఉంటే ఈశ్వరానుగ్రహం కలిగినట్టేనని పండితులు అంటారు.

గురువులు గురించిన తెలుగు ఫ్రీబుక్స్ లో గురువిజ్ఙాన సర్వస్వము తెలుగు ఉచిత పుస్తకము ఆన్ లైన్లో లభిస్తుంది. ఇందులో శ్రీకృష్ణం వందే జగద్గురుమ్, శ్రీ దక్షిణామూర్తి స్త్రోత్రమ్, శ్రీశంకరాచార్య కృత గుర్వష్టకమ్, శ్రీ గురు పాదుకాప్త్రోత్రమ్ తదితర గురస్త్రోత్రాలతో బాటు వాటి భావములను తెలియజేస్తూ ఈ తెలుగుబుక్ ఉంటుంది. గురువిజ్ఙానమునకు సంబంధించిన స్త్రోత్రములు ఎక్కువగా ఈబుక్ లో ఉంటాయి. గురువిజ్ఙాన సర్వస్వము తెలుగు ఫ్రీ పిడిఎఫ్ బుక్ రీడ్ చేయడానికి ఇక్కడ ఈ అక్షరాలను టచ్ / క్లిక్ చేయండి.

విశ్వామిత్ర మహర్షి అంటే కోపం గుర్తుకు వస్తుంది అంటారు, కానీ అంతే స్థాయిలో పట్టుదల కూడా ఎక్కువే, తనపై తనకు ఉండే అచంచలమైన విశ్వాసముతో బ్రహ్మ, మహేశ్వరులను మెప్పించగలిగాడు. అనేక సంవత్సరాల తరబడి తపస్సు చేశాడు. వశిష్ఠ మహర్షిపై కోపంతో, తపస్సు చేసి బ్రహ్మర్షిగా మారిన మహారాజు చరిత్ర అమూల్యమైనదిగా చెబుతారు. ఈ మహర్షి సత్యహరిశ్చంద్ర మహారాజుని ముప్పుతిప్పలు పెట్టి, సత్యహరిశ్చంద్రుడి కీర్తిని ఆచంద్రతార్కమునకు విస్తరింపజేశాడు. ఇంకా శ్రీరామలక్ష్మణులకు గురువు అయ్యాడు. విశ్వామిత్ర మహర్షి గురించి తెలియజేసే తెలుగు ఫ్రీపిడిఎఫ్ బుక్ రీడ్ చేయడానికి ఇక్కడ ఇవే అక్షరాలను టచ్ / క్లిక్ చేయండి.

మరిన్ని గురువులు గురించిన తెలుగు ఫ్రీబుక్స్

యోగుల జీవితాలలో జరిగే అద్భుతాలు భగవంతునిపై నమ్మకం, భగవంతుని స్వరూపంపై ఒక అవగాహన ఏర్పడుతుందని అంటారు. అటువంటి యోగుల జీవిత చరిత్రలను చదవడం మనసుకు మేలు కలుగును అంటారు. అటువంటి యోగులలో పరమహంస యోగానంద్ గారి ఆత్మకధ తెలుగు ఉచిత పుస్తకం ఆన్ లైనో ఉచితంగా చదవడానికి ఇక్కడ ఇవే అక్షరాలను టచ్ / క్లిక్ చేయండి. ఈ తెలుగు ఫ్రీబుక్ మీరు ఫ్రీగా పిడిఎఫ్ ఫార్మట్లో రీడ్ చేయవచ్చును.

కంచికామకోటి పీఠాధిపతి పరమాచార్య శ్రీచంద్రశేఖరేంద్ర సరస్వతి నడిచే దేవునిగా అందరూ కీర్తిస్తారు. శ్రీ చంద్రశేఖరేంద్ర సరస్వతి గారితో నీలంరాజు వెంకటశేషయ్య గారు తనకున్న అనుభవాలతో, తన మిత్రుల అనుభవాలతో ఆయనే రచించిన తెలుగు ఫ్రీబుక్ నడిచే దేవుడు. ఈ పుస్తకంలో నీలంరాజు వెంకటశేషయ్యగారు పరమచార్యులను దర్శించుకున్న సందర్భం నుండి ప్ర్రారంభం అవుతుంది. నడిచే దేవుడు పరమాచార్య చంద్రశేఖరేంద్ర సరస్వతి గారి గురించి తెలియజేసే నడిచే దేవుడు తెలుగు ఫ్రీబుక్ రీడ్ చేయడానికి ఇక్కడ ఈ అక్షరాలను టచ్ / క్లిక్ చేయండి.

మనిషికున్న నాలుగు రుణములలో ఋషి రుణం కూడా ఒక్కటిగా పండితులు చెబుతారు. ఋషి ఋణం తీరాలంటే మహర్షులు రచించిన వాజ్ఙ్మయం చదవడమేనని చెబుతారు. ముఖ్యంగా వేదవ్యాస మహర్షి రచించిన అష్టాదశ పురాణములను, మహాభారత, భాగవతాది గ్రంధపఠనము చేయాలని చెబుతూ ఉంటారు. ఇంకా మనకు అగస్త్య మహర్షి, అత్రి మహర్షి, అష్టావక్ర మహర్షి, ఋష్యశృంగ మహర్షి, కపిల మహర్షి, గౌతమ మహర్షి, చ్యవన మహర్షి, జమదగ్ని మహర్షి, దధీచి మహర్షి, దత్తాత్రేయ మహర్షి, దుర్వాసో మహర్షి మొదలైన మహర్షుల గురించి పెద్దలు చెబుతూ ఉంటారు లేదా శాస్త్రములలో వీరి చరితములు ఉంటాయి. ఈ మహర్షుల జన్మ కధలు, జీవితంలో ముఖ్య ఘట్టాలు తదితర విషయాలతో కూడిన మహర్షుల చరిత్ర తెలుగు పుస్తకం ఉచితంగా ఆన్ లైన్లో లభిస్తుంది. మహర్షుల చరిత్ర తెలుగు ఫ్రీ బుక్ రీడ్ చేయడానికి ఇక్కడ క్లిక్ చేయండి.

వశిష్ఠ మహర్షి శ్రీరామచంద్రమూర్తికి వంశపారంపర్య గురువు. శ్రీరాముని మరొక గురువు అయిన విశ్వామిత్రుని జీవితాన్ని ప్రభావితం చేసిన బ్రహ్మశ్రీ వశిష్ఠుడు. ఈయన శాప ప్రభావం చేతనే శంతన కుమారుడు భీష్ముడుగా మారాడు. ఈయన అనుగ్రహం లోకంలో మంచిని పెంచే విధంగానే ఉంటుంది. విశ్వామిత్రుడుకు కోపం కలిగినా అది భక్తి వైపే దారితీసింది. భీష్ముడికి శాపం ఇచ్చినా, భీష్ముడి వలననే అనేక ధర్మాలు మరియు విష్ణు సహస్రనామం చెప్పబడ్డాయి. ఇంతటి శాంత మూర్తి, తపశ్శాలి అయిన వశిష్ఠ మహర్షి గురించి తెలుసుకోవడం అమూల్యమైన విషయం. వశిష్ఠ మహర్షి గురించి తెలియజేసే తెలుగు ఫ్రీబుక్ రీడ్ చేయడానికి ఇక్కడ క్లిక్ చేయండి.

మన గురువులలో అనేకమంది అనేక ధర్మములను వారి రచనల ద్వారా తెలియజేస్తే, పోతులూరి వీర బ్రహ్మేంద్ర స్వామి కాలజ్ఙానం ఇచ్చారు. ఇప్పటికీ ఈ గురువుగారు చెప్పిన విషయాలెన్నో జరిగినట్టుగా దుష్టాంతాలు కనబడ్డాయి. గుర్రాలకు బదులు నడిచే వాహానాలు వస్తాయని చెప్పినట్టు, కరెంటు దీపాలు గురించి చెప్పినట్టుగా మరిన్నే విషయాలు కాలజ్ఙానంలో కనబడతాయి. శ్రీ పోతులూరి వీరబ్రహ్మేంద్రస్వామి కాలజ్ఙానం విన్నవారికి విపరీతాలు కూడా పెద్దగా ఆశ్చర్యపరచవు అంటారు. ఈయన గురించిన చరిత్రను తదితర విషయాలను చదవడానికి వీర బ్రహ్మేంద్ర స్వాముల వారి సంపూర్ణ చరిత్ర తెలుగు పుస్తకం ఆన్ లైన్లో నుండి డౌన్లోడ్ చేసుకోవచ్చును. ఈ ఫ్రీతెలుగుబుక్ రీడ్ చేయడానికి ఇక్కడ క్లిక్ / టచ్ చేయండి.

ఇంకొన్ని గురువులు గురించిన తెలుగు ఫ్రీబుక్స్

ఉప్పుకప్పురంబు నొక్కపోలిక నుండు | చూడ చూడ రుచుల జాడవేరు | పురుషులందు పుణ్య పురుషులు వేరయా | విశ్వదాభిరామ వినురవేమ. భావం: ఉప్పు కర్పూరం ఒకే రంగులో ఉంటాయి, కానీ రుచులు వేరు, అలాగే పురుషులలో పుణ్యాత్ములు వేరుగా ఉంటారు. ఈ పద్యం తెలియని తెలుగు విద్యార్ధి ఉండడు. ఈ పద్యం అంతగా తెలుగువారికి పరిచయం. ఈయన పద్యాలు చాలా పెద్ద పెద్ద భావనలు కలిగి ఉంటాయి. నీతితో కూడి ఉంటాయి. వేమన రచించిన వేమన పద్యాలు వేమన శతకంగా చెబుతారు. ఈ యోగి ద్వారా చెప్పిన పద్యాలు లోక ప్రసిద్ది చెందినవి. ఐదువేల వేమన తెలుగు పద్యాలు కలిగిన తెలుగు పుస్తకం ఉచితంగా లభిస్తుంది. వేమనపద్యాలు5000 తెలుగుఫ్రీబుక్ రీడ్ చేయడానికి ఇక్కడ క్లిక్ చేయండి.

శ్రీదత్త గురుచరిత్ర చదవడం వలన అనేక శుభాలు కలుగుతాయని అంటారు. శ్రీదత్త అనుగ్రహం ఉంటే, ఇష్టాకామ్యాలు నెరవేరతాయని చెబుతారు. గురుదత్త అనుగ్రహం కోసం శ్రీదత్తగురుచరిత్ర పారాయణం నియమనిష్ఠలతో చేయమంటారు. శ్లోకములు వాటికి తాత్పర్యములు కలిగి శ్రీదత్త గురుచరిత్ర తెలుగు పుస్తకం ఉచితంగా లభిస్తుంది. ఈ తెలుగుబుక్ రీడ్ చేయడానికి ఇక్కడ క్లిక్ చేయండి.

గురు పారాయణ గ్రంధాలలో శ్రీగురుచరిత్ర విశేషంగా చెబుతారు. నియమనిష్ఠలతో పారాయణం చేయడం వలన సత్ఫలితాలను సాధించవచ్చని చెబుతారు. 52 అధ్యాయాలు కలిగిన శ్రీగురుచరిత్ర తెలుగు పుస్తకం ఒక వారం రోజులపాటు లేక రెండు వారాలపాటు లేక మూడువారాలపాటు నిత్య పారాయాణం చేయవచ్చు అంటారు. ఈ పుస్తకంలోనే మీకు ఏరోజు ఏ అధ్యాయం నుండి ఏ అధ్యాయం వరకు చదవాలో, ఆహార నియమాల గురించి సూచించబడింది. శ్రీగురుచరిత్ర తెలుగుఫ్రీబుక్ రీడ్ చేయడానికి ఇక్కడ క్లిక్ చేయండి.

షిర్డీ సాయిబాబ గురుస్వరూపంగా భక్తులను అనుగ్రహిస్తున్న దైవస్వరూపుడు. శతాబ్ధం ముందు సాయిబాబ మహిమలను చూసినవారు ఎక్కువగా ఉంటారు. ఆత్మతత్వం గురించి షిర్డీ సాయిబాబ చూపిన లీలలు, మహాత్యములు అసామాన్యంగా ఉంటాయి. గురు స్వరూపం అనగానే ప్రత్యక్షంగా షిర్డి సాయిబాబ స్వరూపం మనకు కనబడుతుంది. షిర్డీసాయిబాబ చరిత్రను తెలియజేసే సచ్చరిత్ర తెలుగుపుస్తకం ఉచితంగా లభిస్తుంది.  షిరిడి సాయిబాబా సచ్చరిత్రము తెలుగుఫ్రీబుక్ రీడ్ చేయడానికి ఇక్కడ క్లిక్ చేయండి.

తెలుగులో గురువులు గురించిన తెలుగు ఫ్రీబుక్స్

భారతదేశ ఖ్యాతిని ప్రపంచ దేశములకు తెలియజేసిన మహానుభావుడు మన వివేకానందస్వామి. మన భారతీయ సంస్కృతి గురించి విదేశియులు గొప్పగా మాట్లాడుకునే లాగా మన సంస్కృతిని ప్రపంచానికి చాటిచెప్పిన ఘనుడు స్వామి వివేకానంద. విదేశాల్లో వివేకానందస్వామి చేసిన తొలి ప్రసంగం ఇప్పటికీ అత్యుత్తమంగానే విదేశియులు భావిస్తారు. రామకృష్ణ పరమహంస ప్రియశిష్యుడు అయిన వివేకానందుడు అసలు పేరు నరేంద్రుడు. భగవంతుడిని చూడాలనే తలంపుతో భగవంతుడిని చూపించేవారి కోసం ఎదురు చూస్తున్న నరేంద్రుడికి రామకృష్ణ పరమహంస దగ్గర సమాధానం లభిస్తుంది. స్వామి వివేకానంద చరిత్ర తెలుగుపుస్తకం ఉచితంగా లభిస్తుంది.  వివేకానంద జీవిత చరిత్ర తెలుగుఫ్రీబుక్ రీడ్ చేయడానికి ఇక్కడ క్లిక్ చేయండి.

మహాభారతంలో పాండవులకు గురువు అయిన ద్రోణాచార్యులు వారు, విద్య నేర్పడంలో ఆచార్యులుగానే వ్యవహరించారు అని అంటారు. ఆవేశగుణం ఉన్న కొడుకుకు బ్రహ్మాస్త్రం గురించి పూర్తిగా వివరించకుండా, శిష్యుడైన అర్జునిడికి ఆ విషయం సవివరంగా నేర్పించాడు. కేవలం తనను చంపడానికే పుట్టిన వ్యక్తి విలువిద్యను నేర్పించాడు. ఒక కుక్క విషయంలో విచక్షణారహితంగా ప్రవర్తించిన ఏకలవ్యుడికి అసాధరణ విద్య ప్రమాదకరమని, ఏకలవ్యుడి బ్రొటనవేలును గురుదక్షిణగా స్వీకరించాడు. ఇలా ద్రోణాచార్యులు విద్యను నేర్పించడంలో పాత్రతనెరిగి ప్రవర్తించారని పండితులు చెబుతారు. ద్రోణాచార్యుల గురించిన తెలుగుఫ్రీబుక్ చదవడానికి ఇక్కడ క్లిక్ చేయండి.

జగద్గురు శ్రీఆది శంకరాచార్య భారతదేశం అంతా నడిచి అవైదిక వాదనలను త్రోసిపుచ్చిన అపర శంకరుని అవతారం. ఈయన దయతో సనాతన ధర్మం మరలా పునరుజ్జీవం పొందిందని పెద్దలు చెబుతారు. ఆది శంకరాచార్యులు రచించిన పలు దేవతా స్త్రోత్రాలు మహిమాన్వితమైనవి. ముఖ్యంగా కనకధారా స్త్రోత్రం, భజగోవిందం, అష్టపది తదితర స్త్రోత్రాలు భగవంతుని ప్రార్ధించడంలో గొప్ప స్త్రోత్రాలుగా చెప్పబడతాయి. జగద్గురువు శ్రీ ఆదిశంకరాచార్యుల గురించి తెలియజేసే తెలుగుపుస్తకం ఉచితంగా లభిస్తుంది. ఈ ఫ్రీపిడిఎఫ్ తెలుగుబుక్ రీడ్ చేయడానికి ఇక్కడ క్లిక్ చేయండి.

ఎందరో గురువులు భారతదేశంలో వేదమును విస్తరింపచేయడంలో, సామాన్యులకు స్త్రోత్రాల రూపంలోనూ, మంచి మాటల రూపంలోనూ అందుబాటులోకి రావాడానికి కృషి చేశారు. ఇది మన భారతీయుల అదృష్టంగానే భావిస్తారు. అలాంటి గురువులు అందించిన శాస్త్రమును తెలుసుకోవడంతో బాటు, ఆయా గురువుల గురించి కూడా తెలుసుకోవడం మేలని పండితులు చెబుతారు.

ధన్యవాదాలు – తెలుగురీడ్స్.కామ్

బాహుబలి తెలుగుహీరోకు ప్రేరణ ఏమిటి?

బాహుబలి తెలుగుహీరోకు ప్రేరణ ఏమిటి?

బాహుబలి తెలుగుమూవీ కానీ అంతర్జాతీయంగా అందరి మన్ననలు అందుకుంది. తెలుగువారికి తెలిసిన విషయమే! కానీ అంత గొప్ప పేరు తెచ్చుకున్న బాహుబలి తెలుగుహీరోకు ప్రేరణ ఏమిటి? ఈమూవీ చూస్తున్నంత సేపు మహాభారతం గుర్తుకు వస్తుంది. అందరం మహాభారతంలోని కొన్ని పాత్రలను బాహుబలి మూవీలో పాత్రలతో పోల్చుకుంటాం.

అయితే లండన్ వేదికగా మాట్లాడుతూ తెలుగుసినిమా బాహుబలి హీరో పాత్రకు రామాయణంలోని రాముడే ప్రేరణ అని చెప్పారు. సాదారణంగా మహాభారతం అంటే ఆసక్తిగా చూస్తాం. రామాయణం అంటే అనాసక్తిగా అనిపిస్తుంది. కానీ మన దేశంలో రామాలయాలకు అనేకంగా ఉంటాయి. ఎందుకు అని ఆలోచిస్తే, శ్రీరాముడు మానవునిగా వచ్చి తన ఆచరణతో భగవానుడుగా అందరి మన్ననలు అందుకున్నాడు. తనను అమితంగా ప్రేమించేవారిని సంపాందించుకున్నాడు. ముఖ్యంగా అతి బలవంతుడు అయిన హనుమ మరియు రాముని సోదరులు అందరూ శ్రీరాముని భక్తితో కొలుస్తారు. అందుకే బాహుబలి పాత్రకు శ్రీరాముడే ప్రేరణ అని చెప్పాడు. ఈ క్రింది వీడియో రాజమౌళి మాటల్లో వినండి.

బాహుబలి తెలుగుహీరోకు ప్రేరణ ఏమిటి?

రాజమౌళి శ్రీరాముని ధర్మం దృష్టిలో పెట్టుకుని ఆలోచన చేస్తే ఒక బాహబలి వచ్చింది. అటువంటిది శ్రీరామాయణం మొత్తం రాజమౌళి తీస్తే ఇంకెంత గొప్పగా ఉంటుందో?

తెలుగు సినిమా బాహుబలి అంతటా ఆదరణ పొందింది. అటువంటి బాహుబలి తెలుగుహీరోకు ప్రేరణ ఏమిటి? మూలమైన పాత్రకు ప్రేరణ సనాతన ధర్మమును ఆచరించి చూపిన శ్రీరాముడు. హిందూ ధర్మంలో శ్రీరాముని గురించి తెలియని వారుండరు. శ్రీరామనామం పలకకుండా హిందువు ఉండడు.

హిందూధర్మంలో అనేకమంది దేవతలు ఉన్నారు. కానీ వారందరూ మానవాతీతులుగానే ఉంటారు. మానవాతీత శక్తులుకలిగి ఉంటారు. కానీ శ్రీరామాయణంలో రాముడు అప్పటి మహారాజులు వలనే ఉన్నాడని అంటారు. శ్రీరాముడు సర్వశక్తిమంతుడు అయినా ఒక మనిషిలాగానే సుఖదు:ఖాలు అనుభవించి, ఎప్పుడూ ధర్మమును వదలకుండా పట్టుకున్నాడు. అందువలననే శ్రీరాముడు అందరిచేత, రాజ్యంలోని ప్రజలుచేత పూజింపబడ్డాడు అని చెబుతారు.

మన భారతదేశంలో మాములు వ్యక్తులే కాదు మహానుభావులు కూడా శ్రీరామభక్తులుగానే జీవించారు. అందులో మహాత్మగాంధీని కూడా చెబుతారు. ఆయన మరణించే సమయంలో హేరామ్ అని అన్నారని అంటారు. పండితులు ప్రచనం చేస్తే శ్రీరామచంద్రమూర్తి గురించి కీర్తించకుండా ఉండలేరని అంటారు. శ్రీరామనామం తారకమంత్రంగా చెబుతారు. శ్రీరాముని గురించి మాట్లాడితే మాటలు ఆగవు, వ్యాక్యాలు వరదలై వస్తూనే ఉంటాయంటారు.

శ్రీరామాయణంలో ఫ్రీ తెలుగుబుక్స్ చదవడానికి ఇక్కడ క్లిక్ టచ్ చేయండి.

ధన్యవాదాలు – తెలుగురీడ్స్

సరిలేరు నీకెవ్వరు సాటిరారు నీప్రతిభకు

సరిలేరు నీకెవ్వరు సాటిరారు నీప్రతిభకు

ఒక వ్యక్తి తన ఉనికిని తెలియజేసుకోవడంలో కష్టపడుతుంటే, మరొక వ్యక్తికి అతని ఉనికిని పరిస్థితులే అందరికి తెలియజేస్తాయి. అలాంటి పరిస్థితులలో తన ఉనికిని సరిగ్గా తెలియజేయడానికి, తనకున్న ప్రతిభను తాను తెలుసుకుని ఉండి ఉంటే, పరిస్థితులు కల్పించే అవకాశం వినియోగం అవుతుంది. ఇలా ఒక వ్యక్తి ‘ఎప్పుడు నేను సరిలేరు నీకెవ్వరు సాటిరారు నీ ప్రతిభకు‘ ఇతరులెవ్వరు అని అందరిలో అనిపించుకుంటాను. ప్రతి వ్యక్తిలోనూ ఏదో ఒక ప్రతిభ ప్రత్యేకంగా ఉంటుంది. అది అప్పటికి, ఆకాలానికి, ఆప్రాంతానికి అతనే హీరో అయ్యేలా చేస్తుంది అంటారు. అలా అయినప్పుడు నేను నాలో ఉన్న ప్రత్యేక ప్రతిభను గుర్తించగలిగితే, నా చుట్టూ ఉన్నవారితో అలా అనిపించుకోగలను. అసలు ఎలా ఒక వ్యక్తి నలుగురిలో తనకుతానే సాటి అని ఒక విషయంలో అనిపించుకుంటాడు.

ఏదైనా ఒక అసాదరణ అంశం అసాద్యం అనుకున్నప్పుడు, దానిని ఒక వ్యక్తి సాద్యం చేసినప్పుడు ఆ యొక్క అంశంతో ముడిపడి ఉన్నవారందరి దగ్గరగా గొప్పగా గుర్తింపు ఆవ్యక్తికి లభిస్తుంది. అతని ప్రతిభను గుర్తిస్తారు, సరిలేరు నీకెవ్వరు అంటూ నీకు నీవే సాటి అని ఆవ్యక్తిని అంటారు. అలా అసాదరణ విషయాలలో సాధించాలంటే, నాకు కావాల్సింది సాధన. నేను సాధన చేయడానికి ఏదైనా ఒక రంగం ఎంచుకోవాలి. ఏరంగం ఎంచుకోవాలో నిర్ణయించుకోవడానికి నాకున్న ప్రతిభ ఏమిటో నాకు తెలియాలి.

ఎలా అనుకుంటూ తాతయ్య దగ్గరకు వెళ్లి, తాతయ్యతో రీడ్స్ ఇలా అంటున్నాడు. ”నేను గొప్పగా అందరితో కొనియడాబడాలంటే ఎలా?” అని అన్నాడు. ఆ ప్రశ్నకు బదులుగా తెలుగుతాత ఇలా అంటున్నాడు.

నీకు నువ్వుగా ఒక పని చేయడం వలన ఇలా ఉపయోగం ఉంటుందని ఆలోచన చేసి ఒక పనిని ప్రారంభిస్తే, ఆ పని పూర్తయ్యేసరికి కొంతకాలంలో పూర్తవుతుంది. కాలం ఎప్పుడూ అవసరం ఎలా తెస్తుందో చెప్పలేం! కొన్నిసార్లు మనం ఊహించినది జరిగితే సంతోషం లేకపోతే దు:ఖం. ఇలా వ్యక్తిగతంగా ఫలితం ఒక్కరికే పరిమితం. కానీ వ్యవస్థ విషయంలో అయితే ప్రభావం ఆ వ్యవస్థలో ఉండే అందరిమీద వారిపై ఆధారపడినవారిపై కూడా ఉంటుంది. కాబట్టి వ్యక్తిగతంగా ఉండే అభిప్రాయం వ్యవస్థపరంగా సరికాదు. వ్యవస్థలో ఉండేవారిలో ఆలోచనపరులతో కూడా ఆలోచన చేసి వ్యవస్థకు ఉపయుక్తమైన పనిని ప్రారంభించాలి. ఇలా వ్యవస్థకోసం పాటుబడిన గొప్పవారికి పుస్తకపఠనం కూడా ఒక అలవాటుగా ఉంటుంది. ఇంకా చదివిన విషయాలపై ఆలోచన ఉంటుంది.

సరిలేరు నీకెవ్వరు సాటిరారు నీప్రతిభకు

ఎప్పుడైతే ఒక వ్యక్తి వ్యవస్థకోసం వ్యవస్థలో ఉండే వ్యక్తులతో మమేకం అయ్యిం, వ్యవస్థకు ఉపయోగపడేవిధంగా సత్సంకల్పంతో పాటుపడి, ఆ పనిని సాధిస్తాడో…అప్పుడు ఆ వ్యవస్థనుండి అతను ప్రశంసలు అందుకుంటారు. సదరు వ్యవస్థలోని వ్యక్తులంతా సరిలేరు నీకెవ్వరు అంటూ కొనియాడుతారు. పోటి ఎక్కువ ఉన్న చోట, కష్టం ఎక్కువ ఉంటుంది. పోటిలో తట్టుకుని నిలబడి ఉండడానికి మనసుకు సాధన అవసరం. అటువంటి సాధన చేయడంలో ముందుగా నీకు నీవుగా నీ బలాలు, బలహీనతనలను గుర్తించాలి. బలం చూసి గర్వించకూడదు, బలహీనత చూసి కృంగిపోకూడదు. నీ బలం విషయంలోనూ, బలహీనత విషయంలోనూ నీవు చూపించే సమర్ధతే నీ మనసుకు శక్తిగా మారుతుంది. తెలుగు బుక్స్ కొందరి జీవిత చరిత్రలు చదివితే వారి జీవితాలలో ప్రతికూల పరిస్థితులలో కూడా ఏవిధంగా సాధన చేసిందనే విషయం అవగతమవుతుంది. తెలుగుబుక్స్ లో గొప్పవారి జీవిత చరిత్రలు చదవడంతో సామాజిక బాద్యత కూడా పెరగుతుంది అంటారు.

నీ బలం, బలహీనత గుర్తించాక నీవు ఏ రంగంలో ఆసక్తి ఎక్కువగా ఉందో తెలుసుకోవాలి. అంటే నీవు ఎక్కువగా ఏ ఏ విషయాలు తెలుసు తెలుసుకున్న విషయాలలో ఏవిషయం మనసులో పదే పదే గుర్తుకువస్తాయి. ఏ విషయంలో ఇలా చేస్తే బాగుంటుంది? అనే ఆలోచన మనసు చేయగలుగుతుందో ? ఆ విషయానికి సంబంధించిన రంగం గురించి ఆలోచన చేయి. ఆ రంగంలో పోటి ఎంతవరకు ఉంది. అప్పటికే ఆ రంగంలో ఉన్న సౌకర్యాలలో ఉండే లోపం ఏమిటి? అనేది కనిపెట్టాలి. ఆయొక్క అసౌకర్యం సాద్యమైనదా? అసాద్యమైనదా? అనేది నిశితంగా పరిశీలన చేయి. పరి పరి విధాలుగా పరిశీలన చేసిన తర్వాత ఆ రంగంలో ఉన్న అసౌర్యమునకు పరిష్కారం గురించి, పలువురు అనుభవజ్ఙులతో మాట్లాడి విషయసేకరణ చేయాలి. పరిష్కారం లభించాక పరిష్కారం వలన ప్రయోజనం సమాజానికి ప్రస్తుతం ఎంత మేలు చేస్తుంది, దీర్ఘకాలికంగా ఏదైనా ప్రతికూలప్రభావం సమాజంపై పడుతుందా? అనేది చాలా ప్రధానంశం.

మనసును సాధనచేత నియంత్రించడంతో కొందరి మాటలు బలంగా మనసుని తాకుతాయి. అందరికీ ఆదర్శంగా నిలిచిన వారి రచనలను చదవడం సాధనలో ఉపయోగకరంగా ఉంటాయి. మంచి మనసు గురించి తెలుగు పుస్తకం ఆన్ లైన్లో ఉచితంగా లభిస్తాయి. ఈ తెలుగుబుక్స్ ఫ్రీగా పి.డి.ఎఫ్. ఫార్మట్లో డౌన్లోడ్ చేసుకోవచ్చును. ఆన్ లైన్లో ఏదైనా బ్రౌజరు ద్వారా చదవవచ్చును. ఈ స్మామి వివేకానంద చెప్పిన కోట్స్ తెలుగు, ఆంగ్లములలో ఉండే తెలుగు బుక్ ను రీడ్ చేయడానికి ఇక్కడ టచ్ / క్లిక్ చేయండి.

ఇలా సమాజానికి అప్పటికి ఉపయోగపడుతూ దీర్ఘకాలంలో సమాజానికి చేటు చేసే విషయం అయితే మాత్రం వదిలి పెట్టేయాలి. ప్రస్తుతం ఉపయోగం కదా. భవిష్యత్తులో ఏమి జరిగితే నాకేమిటి అని వ్యవస్థాపరంగా నిర్ణయాలు చేయకూడదు. అలా చేస్తే భవిష్యత్తు తరాలవారు నిత్యం నిందిస్తూనే ఉంటారు. ఇప్పుడు ప్లాస్టిక్ ఉంది. అది సమాజంలో ప్రవేశించినప్పుడు అందరికి ప్రయోజనకారిగా వచ్చి, అంతటా ఉపయోగించబడుతుంది. కానీ ఇప్పుడు అదే ప్లాస్టిక్ వలన మానవజాతి మనుగడకు ముప్పుగా మారుతుంది. ప్లాస్టిక్ వాడుకను నియంత్రించడం చాలా జఠిలమైన సమస్యగా మారింది. ముందుగానే ప్లాస్టిక్ వలన మానవ మనుగడకు ముప్పు ఉందనే విషయం కనిపెట్టగలిగి ఉంటే, ప్లాస్టిక్ మనకు అలవాటుగా ఉండి ఉండేది కాదు. కాబట్టి ఏదైనా ఒక అంశం అందరికి ఉపయోగకరమైనా…దాని వలన పర్యావరణం కూడా ఏవిధంగా ప్రభావితం అవుతుందో ఆలోచించాలి. ప్లాస్టిక్ పై అవగాహన తెలుగుబుక్ డౌన్లోడ్ చేసుకోవడానికి ఇక్కడ టచ్ / క్లిక్ చేయండి. సామాజికంగా ఒక వ్యక్తి ఎలాంటి బాధ్యతతో ఉండాలి తెలియబడి ఉండాలి. అంతగొప్పగా మన మనసును నియంత్రించడానికి వివిధ సామాజిక వేత్తల గురించి కూడా తెలుగుబుక్స్ ద్వారా చదవడం మరింత ప్రయోజనం అంటారు.

పరిష్కార బుద్ది అలవాటు అయితే ఆ మనసుకున్న అవగాహన మేరకు పరిష్కారం చూపుతుంది.

అన్నింటికన్నా సరిలేరు నీకెవ్వరు సాటిరారు నీప్రతిభకు ఎవరు అని అనిపించుకోవాలంటే, ఎప్పటికీ అందరికీ ఆమోదయోగ్యమైన అంశంలో రాణించాలి. అవసరం బలమైనది, అటువంటి అవసరంలో ప్రాచుర్యం పొందిన రంగంలో ఉండే అసౌకర్యం గురించిన పరిష్కారం వలన దుర్వినియోగం జరగకుండా మరింత ఉపయుక్తంగా మారితే దాని వలన కూడా ఎక్కువమంది లబ్ది చెందుతారు. అప్పుడు ఆ పరిష్కారం చూపిన వ్యక్తిగా కీర్తింపడడం జరుగుతుంది. అయితే పరిష్కరించే శక్తి మనసుకు రావడానికి సాధన అవసరం. సాధన చేసే మనసుకు సాధన అంశం కూడా మనసే కావాలి. ఎందుకు అంటే నీవు ఏదైనా ఒక విషయంపై సాధన చేస్తే, ఆ విషయంలో సమస్యలేవి ఉండకపోవచ్చును. కానీ మనసుపై సాధన చేస్తే, ఆ మనసున్న మనిషి చుట్టూ ఉన్న సమస్యలలోనూ మనసుకు ఒక అవగాహన ఉంటుంది. కాబట్టి మనసుపై మనసే సాధన చేస్తున్నప్పుడు అన్ని విషయాలు అవగాహనకు వస్తాయి. సాధనలో పరిష్కార బుద్ది అలవాటు మనసుకు అవగాహన ఉన్నంతలో పరిష్కారం సూచిస్తూనే ఉంటుంది.

నీవు ముందుగా సాధన చేయవలసిన రంగంలో నీ బలమేమిటో తెలుసుకుని, నీ బలమును ఇంకా ఎక్కువగా పెంచుకోవాలి. ఎంతగా విజ్ఙానం పెంచుకుంటే, అంతకంటే ఎక్కువ వినయం, భూతదయ కలిగి ఉండాలి. అప్పుడే నీవు చేసే ఆలోచనలో పర్యావరణ పరిరక్షణ కూడా ఉంటుంది. దానివలన నీవు తాత్కలిక ప్రయోజనాల గురించి కాకుండా దీర్ఘకాలిక ప్రయోజనాలలో ప్రకృతికి మేలు చేసే అంశం దృష్టిలో పెట్టుకుని ఆలోచన చేయగలుగుతావు. కనుక సాధన చేస్తున్నప్పుడే సునిశిత పరిశీలన చేయడం అలవరుచుకోవాలి. ఫలితంపై దృష్టి కన్నా చేస్తున్న సాధనలో పట్టుదల ఉండాలి. ఫలితంపై ఆసక్తికన్నా చేస్తున్న ప్రయత్నంలో బలమైన విశ్వాసం కలిగి ఉండాలి.

సాధన చేస్తున్నప్పుడే మనసును పరిశీలన చేయడం చేయాలి. చిన్న చిన్న పనులు చేస్తున్నప్పుడే మనసు వేరొక విషయంవైపు వెళ్లుంటే, వెంటనే దానిని నియంత్రించాలి. చిన్న పనుల వలన చిన్న ఫలితం కాబట్టి చిన్న ఫలితం ప్రతికూలంగా వచ్చినా… పరిశీలన చేయగలుగుతుంది. సైకిలుపై వెళ్తున్నప్పుడు దారి ప్రక్కన ఉండే విషయాలు ఎక్కువగా గుర్తు ఉంటే, మోటారు సైకిలుపై వేగంతో వెళ్తునప్పుడు దారిప్రక్కగా ఉండే విషయాలు గుర్తించడం తక్కువ. సాధన చిన్న చిన్న విషయాలలో నిశిత పరిశీలనతో చేస్తూ, మనసును కూడా పరిశీలించాలి. అంటే మనసు చేస్తున్న పనిలో నిమగ్నమై ఉందా లేక ఇంకా ఇతర ఆలోనలు చేస్తుందా అనే గమనిక ఉండాలి. కాబట్టి నీవు సాధన చేసి నీ మనసుపై నీవు పట్టు సాధించిన తర్వాత మంచి సంకల్పం చేయి, మరలా ఆ సంకల్పం సాధన చేసి, ఆ సంకల్పానికి సంబంధించిన వారిద్వారా విశేష విషయ సేకరణ చేయి. మార్గం మంచిది ఎంచుకో. ఏది ఏమైనా అని చేయడం కన్నా ఏది అవసరమో? ఏది అందరికీ ఏది ఉపయోగమో అదే చేయడం మేలు.

సరిలేరు నీకెవ్వరు సాటిరారు నీప్రతిభకు కాలం కల్పించిన అవకాశమును సరిగా ఉపయోగించుకున్నప్పుడు, అలాంటి అవకాశము అందరికీ ఆమోదయోగ్యముగా ఉండి పలువురికి ఉపయుక్తమైనప్పుడు అని అంటారు. మనిషి మనసు పెడితే అసాద్యం అంటూ ఏమి లేదు అంటారు, అయితే అది అందరికీ ఆమోదయోగ్యమైన పని అయితే పలువురి మన్ననలు పొందుతుంది. తెలుగు మనమాతృభాష కాబట్టి మనం తెలుగులో మంచి పుస్తకాలు చదవడం చేత మనసుకు విజ్ఙానంతో బాటు శాంతికూడా ఏర్పడుతుంది అంటారు. తెలుగు సాహిత్యం చాలా గొప్పది కాబట్టి కొందరి జీవిత చరిత్రల తెలుగుబుక్స్ చదివితే, వారి జీవితంలో నుండి మనం తెలుసుకోవాలసిన విషయాలు బోధపడతాయి. కొందరి తెలుగురచనలు రీడ్ చేయడం ద్వారా వారి ఆలోచన దృక్పధంలోని సారం వలన మనకు ఊహాత్మకశక్తి ఏర్పడుతుంది. మనకున్న అవగాహనతో మనకు తెలిసిన విషయాలపై సరైన ఆలోచను కలిగే అవకాశం పుస్తకపఠనంతో ఉంటుంది అంటారు.

ధన్యవాదాలు – తెలుగురీడ్స్

అల వైకుంఠపురమువాసి తెలుగు పురాణ పుస్తకములు

అల వైకుంఠపురమువాసి తెలుగు పురాణ పుస్తకములు

కొందరు పురాణ తెలుగు పుస్తకములు చదివితే పుణ్యమంటారు, కొందరు పురాణ తెలుగు పుస్తకములు చదివితే విజ్ఙానం, వినయమంటారు, కొందరు పురాణ తెలుగు పుస్తకములు చదివితే మనసుకు శాంతి కలుగుతుంది అంటారు. కొందరు పురాణ పుస్తకములు చదివితే దు:ఖంలో ఉన్నవారి మనసుకు మేలు కలిగే ఆలోచనలు బుద్దిరూపంలో బయటపడతాయి అంటారు. ఏదైనా పుస్తకము చదువుట అంటే ఆపుస్తకంలోని అంశంతో ఏకాగ్రతతో పయనించడం అని అంటారు. ఇప్పుడు అల వైకుంఠపురమువాసి తెలుగు పురాణ పుస్తకములు శీర్షికన శ్రీమహావిష్ణువు గురించిన తెలుగు ఫ్రీబుక్స్ తెలియజేయడానికి ఈ పోస్టు వ్రాస్తున్నాను.

గమనిక: పురాణములు చదివేటప్పుడు కొన్ని నియమ నిబంధనలను ఆయా పురాణ పుస్తకములలోనే తెలియజేస్తారు. ముందుగా ముందుమాట చదివి రచయిత ఉపోద్ఘాతం మరియు పురాణం తెలియజేసే నియమనిష్టలు తెలుసుకుని, వాటిని అనుసరించి పురాణపఠనం చేయడం ఉత్తమమని అంటారు. కావునా మీరు పురాణ పుస్తకములు చదివేటప్పుడు అత్యంత శ్రద్ధతోనూ, మరియు ఉత్తమమైన ప్రదేశములో కూర్చుని, ప్రశాంత చిత్తముతో చదివితేనే పురాణసారం మనసు గ్రహించగలుగుతుంది.

పెద్దలచే త్రిమూర్తులు సృష్టి, స్థితి, లయ కు అధినాయకులు చెప్పబడతారు. సృష్టి అంటే పుట్టుక అది మనకు తెలియకుండానే జరిగే ప్రక్రియ, లయ అంటే ముగింపు(రోజు నిద్ర గురించి, దీర్ఘనిద్ర గురించి, సృష్టి అంతం గురించి చెబుతారు) అంటారు. ఇక స్థితి ఇది చాలా ప్రధాన విషయంగా కనబడుతుంది. స్థితి అంటే కరెంట్ స్టేటస్, ప్రస్తుతం అంటారు. సృష్టి, లయలలో అందరికి తెలిసేలా ఉండదు కానీ స్థితి మాత్రం ఉన్నవారందిరికి పరిచయమే. ఇప్పుడున్న స్థితిలో మీరు బాగున్నారా? అంటారు. ఇక్కడ అడిగినవారు, చెప్పినవారు ఇద్దరూ స్థితిలో ఉన్నవారే. ఈ స్థితికి శ్రీమహావిష్ణువు రక్షకుడుగా పండితులు చెబుతారు. వ్యక్తికి స్థితికారుని హృదయం తెలిసి ఉంటే, ఏ సమయంలో ఏమి చేయాలో ఖచ్చితంగా తెలియబడుతుందంటారు. స్థితికారుని గూర్చి తెలిపే పురాణములు విష్ణుపురాణము, హరివంశము, గరుడ పురాణము, శ్రీకృష్ణ లీలలు వివిధ గ్రంధములుగా మనకు తెలుగుబుక్స్ లభిస్తాయి.

స్థితికారుడు శ్రీమహావిష్ణువు కాబట్టి విష్ణుపురాణం మరి మిగిలిన గ్రంధాలు ఎందుకంటే, స్థితికారుడు అయిన వైకుంఠాధీశుడు ధర్మ సంస్థాపనార్ధం అవతారములు స్వీకరిస్తాడు. అందుకనే అన్ని అవతారములలోనూ వైకుంఠపురవాసి పురాణములు, ఇతిహాసముల గ్రంధములు, తెలుగు పుస్తకములు అనేకంగా ఉంటాయి. వైకుంఠాధీశుడు రామావతారం గురించి తెలిపే శ్రీరామాయణం ఒక ఇతిహాసమై ఉంది. శ్రీకృష్ణావతారం గురించి తెలిపే హరి వంశం, శ్రీకృష్ణ లీలలు తదితర తెలుగురచనలు ఉంటాయి. అలవైకుంఠపురంబున నివసించే శ్రీమహావిష్ణువు స్వయంగా గరుడునికి తెలియజేసిన పురాణం గరుడ పురాణంగా ఉంది. అల వైకుంఠపురవాసి దశావతారముల గురించి తెలియజేసే భాగవతం పోతనామాత్యులు మనకు తెలుగులో రచించారు. ఇంకా భాగవతం గురించి ఎన్నో తెలుగుబుక్స్ మనకు లభిస్తాయి.

అల వైకుంఠపురమువాసి తెలుగు పురాణ పుస్తకములు ఆన్ లైన్లో

పురాణములు చదవడానికి, వినడానికి ఎంతో పుణ్యఫలం ఉంటేనే సాధ్యమంటారు. ఇంకా అల వెకుంఠాధీశుని అనుగ్రహం ఉంటేనే గరుడపురాణం చదవే అదృష్టం కలగదు అని పండితులు చెబుతూ ఉంటారు. ఇంకా గరుడపురాణం గురించి ప్రవచనరూపంలో వినడం కూడా చాల ప్రశస్థమైన విషయంగా చెబుతారు. అలాంటి గరుడపురాణం తెలుగులో ఉచితంగా ఆన్ లైన్లో చదవడానికి లేక డౌన్లోడ్ చేయడానికి ఇక్కడ క్లిక్ / టచ్ చేయండి. గరుడ పురాణం గరుడుని ద్వారా శ్రీమహావిష్ణువు లోకానికి అందించి విశేష జ్ఙానముగా చెబుతారు, ప్రవచనకారులు. ఈ పురాణమును గూర్చి ఎంత శ్రద్ధతో వింటే అంత ఫలితం అని చెబుతారు. దీనిని గూర్చి బ్రహ్మశ్రీ సామవేదం షణ్ముఖశర్మ గారి ప్రవచనాలు వినడానికి ఇక్కడ క్లిక్ / టచ్ చేయండి.

శ్రీ హరివంశ పురాణమును ఎక్కువగా పిల్లలు లేనివారు ఈ పురాణ పఠనమును అత్యంత భక్తి శ్రద్ధలతో చేస్తూ ఉంటారు. ఈ పురాణ పుస్తకము చదివేవారు ఒక వ్రతదీక్షలాగా చేయాలని చెబుతారు. అకారణంగా ఎవరిని నిందించకూడదు, పవిత్ర హృదయముతో దయతో మౌనముతో నిత్యం సరళ స్వభావము కలిగి వినయభావనతో ఉంటూ ఈ శ్రీహరివంశ పురాణమను చదవాలంటూ చెబుతారు. ఎన్ని సార్లు ఎంత భక్తిశ్రద్ధలతో చదివితే లేక వింటే అంతగొప్ప ఫలితం ఉంటుంది అంటారు. మీరు శ్రీహరివంశ పురాణం తెలుగు ఉచిత పుస్తకం చదవడానికి ఇక్కడ క్లిక్ / టచ్ చేయండి. ఇంకా ఈ పురాణమును గూర్చిన ప్రవచనం బ్రహ్మశ్రీ సామవేదం షణ్ముఖశర్మగారి వీడియోలు వినడానికి ఇక్కడ క్లిక్ / టచ్ చేయండి.

శ్రీమహావిష్ణువు అల వైకుంఠపురమువాసి తెలుగు పురాణ పుస్తకములు శ్రీరామాయణం గురించిన తెలుగు పుస్తకములు ఆన్ లైన్లో ఉచితంగా లభిస్తున్నాయి. శ్రీనివాసుడు శ్రీరామునిగా భూమిమీద ఒక నరుడుగా నడిచిన ఇతిహాసం శ్రీరామాయణం. శ్రీరామనామం భక్తిశ్రద్ధలతో మననం చేసుకున్న పుణ్యమే అంటారు. అటువంటి పరమపవిత్రమైన రామాయణంలోని సుందరకాండ గురించి ఎక్కువగా తెలుగు పుస్తకాలు ఉంటాయి. ఇంకా సంపూర్ణ రామాయణం ఆరుకాండలతో కలిపి ఎక్కువగా మనకు లభిస్తాయి. సంపూర్ణ రామాయణం గురించిన వివిధ రచయితల తెలుగుబుక్స్ చదవడానికి, డౌన్లోడ్ చేసుకోవడానికి ఇక్కడ క్లిక్ / టచ్ చేయండి.

స్థితి అంటే ప్రస్తుతము కాబట్టి ప్రస్తుతం ఒకరికి దు:ఖంగా ఉంటే అదే ప్రస్తుతం మరొకరికి సు:ఖంగా ఉంటుంది. అటువంటి స్థితిలో ఒక మనిషి మనసుకు ఏర్పడే సుఖదు:ఖాలకు కారణం పురాణములు తెలియజేస్తాయి. నమ్మితే పురాణములు ప్రశాంతచిత్తమును ఇస్తాయి అంటారు. మనిషి ప్రశాంతంగా ఉన్నప్పుడే బాగా పనిచేయగలడని అందరూ అంటారు. ఈ విధంగా చూస్తే ప్రస్తుతంలో జీవితం గురించి సరైన అవగాహనతో సుఖదు:ఖాలను చూడడం అలవాటు అవసరం కాబట్టి పురాణపఠనం మంచిదనే పెద్దలు అంటారు. మీకు ఈ పోస్టు నచ్చితే షేర్ చేయండి.

ధన్యవాదాలు తెలుగురీడ్స్

తెలుగుకధలు అమ్మనోటితో పిల్లలకు చెబితే….

తెలుగుకధలు అమ్మనోటితో పిల్లలకు చెబితే

దేశభాషలందు తెలుగులెస్స అని శ్రీకృష్ణదేవరాయలు చెబితే, తెలుగు గురించి పూర్తిగా తెలిసి ఇతర భాషలందు కూడా అవగాహన ఉన్నవారు నిజమనే చెబుతారని అంటారు. మనకు తెలుగులో పరిజ్ఙానం లేకపోయిన తెలుగుకధలు అమ్మనోటితో పిల్లలకు చెబితే…. విన్నవి మాత్రం గుర్తుకు ఉంటాయి. అయితే తెలుగు భాషలో పట్టు అంటే తెలుగువ్యాకరణం తెలియాలి. కానీ మనకు కొన్ని తెలుగు పదాలకు మీనింగ్ కూడా తెలియదని అంటాం. ఆంగ్రపదాలను కూడా వాడుక తెలుగులో మాట్లేడూస్తూ ఉంటాం. తెలుగుకధలు అమ్మనోటితో పిల్లలకు చెబితే….

తెలుగులో మనకు మీనింగ్ తెలియని పదాలు ఎన్నో ఉంటాయి అంటారు. సహజంగా కొన్ని ఇంగ్లీషు పదాలను తెలుగులో మాట్లాడేటప్పుడు తెలుగువాడుక పదాలు అన్నట్టుగా మాట్లాడేస్తూ ఉంటాం. వీటిలో చాలా పదాలు ఇంగ్లీషువే ఉంటాయి. అంతెందుకు ఇంగ్లీషు భాషను తెలుగులో అయితే ఆంగ్లభాష అంటారు. ఆంగ్లము అనే పదము కన్నా ఇంగ్లీషు అనే పదము ఎక్కువమందికి తెలుసు అంటారు.

ఎక్కడైనా ఏదైనా నాటకం, సభ లాంటివి జరిగితే వాటి గురించి వివరించేటప్పుడు స్టేజి అనే పదం తెలుగులో మాట్లాడుతూనే వాడుతూ ఉంటాం. స్టేజికి తెలుగులో పదం రంగస్థలం అంటారు. తెలుగులోనే మాట్లాడేవారు స్టేజి పదం ఉపయోగించినంతగా రంగస్థలం అనే పదం ఉపయోగించరు అనే భావన కూడా బలంగానే ఉంటుంది. రంగస్థలం తెలుగు సినిమా కూడా వచ్చింది. అయినా కొంతమంది తెలుగు మాట్లాడేటప్పుడు స్టేజి అనే పలుకుతారు. సినిమా అంటే తెలుగు చలనచిత్రం. సినిమా అనే ఎక్కువమంది ఉపయోగిస్తారు.

తెలుగు పుస్తకాలు చదవడం వలన తెలుగుభాషపై పట్టుతో బాటు తెలుగు సాహిత్యంలో మనిషి జీవిత పరమార్ధమునకు సంబంధించిన విషయాలు బోధపడతాయి అని అంటారు. టి.వి. రాకముందు చిన్న పిల్లలకు అమ్మ చెప్పే చిట్టి చిట్టి కధలే అమ్మకు కాలక్షేపం, పిల్లలకు సరదా. టెలివిజన్ రాకముందు తాతయ్యలకు కూడా పిల్లలకు నీతి తెలుగు కధలు బోధించడమే ప్రధాన కాలక్షేపం. సాయంకాలం అయితే నాన్న చెప్పే తెలుగు కధలు వినడమే కొందరి పిల్లలకు ఇష్టం. పిల్లలకు కధలు చేప్పేకాలం టి.వి. వచ్చి మింగేసిందంటారు.

టి.వి. వచ్చాక తెలుగు పుస్తకాలు చదివే అలవాటు పోయి సీరియల్స్ చూసే వ్యసనం వచ్చేసింది. ఇక పిల్లలకు చెప్పడానికి నీతి కధలు ముందు పెద్దలకు తెలిసి ఉండాలి కదా అని కొందరు విమర్శించేవారు లేకపోలేదు. నీతి కధలు తెలుగులో చదివి ఉంటే, కొత్త నీతి కధను కల్పించే చెప్పగలిగే ఊహాశక్తి పెరుగుతుంది అంటారు. మన తెలుగు పుస్తకాలలో అంతటి శక్తి ఉందంటారు. తెలుగులో ఉండే కధలు కాలక్షేపంతో బాటు నీతిని కూడా ప్రబోధం చేయడం ప్రధాన లక్ష్యంగా ఉంటాయి.

పనిలేకుండా తిండి తింటూ ఉండేవారికి తెలుగులో ఎక్కువగా చెప్పే తెలుగుకధ తిండిబోతు దెయ్యం తెలుగు కధ. ముఖ్యంగా పెద్దలు ఎక్కువగా పిల్లలకు దెయ్యం అంటూ భయపెడుతూ చెబుతుంది అని అంటారు. పని చేయకుండా ఉంటే, మనసుకు పట్టే భావనను దెయ్యంతో పోలుస్తూ చెబుతారు. పనిలేనివారికి మనసు చేసే గోల దెయ్యాల గోలలాంటిదే అంటారు. అదే పని ఉంటే ఆ పనిద్వారా అలసిన శరీరం విశ్రాంతి కోరుతుంది. శరీరం పనిచేస్తున్నంతసేపు ఏకాగ్రతతో ఉన్న మనసులో స్వస్థతకు చేరుతుంది. తద్వారా మనిషికి ఆరోగ్యకరమైన విశ్రాంతి రాత్రివేళల్లో పొందుతుంది అంటారు. ఇలాంటి నీతిని ప్రభోదించే కధగా తిండిబోతు దెయ్యం అంటూ చాలా మంది పెద్దలు పిల్లలకు చెబుతూ ఉంటారు.

అమ్మ చెప్పే కధలు పిల్లల మనసుకు మరింత చేరువగా ఉంటాయి. మనసులో అమ్మపై ఉండే మమతతో అమ్మ చెప్పిన మాటలు మనసులో మరింత పదిలంగా ఉంటాయి. అమ్మ చెప్పిన కధలతో మనసు మమతతో మరింత మమేకం అవుతుంది. కావునా అమ్మ చెప్పే తెలుగు కధలలో ఉండే నీతి మనసులో ఎప్పటికి గూడు కట్టుకుని ఉంటాయి.

తెలుగుకధలు అమ్మనోటితో పిల్లలకు చెబితే….

అమ్మ నాన్న పిల్లలపై మమకారంతో ఉంటారు. అమ్మ అప్యాయంగా పిల్లలకు సేవ చేస్తూ ఉంటుంది. పిల్లలకు సమాజంలో గుర్తింపు వచ్చేవరకు పోషణకు నాన్న సంపాదిస్తూ ఉంటాడు. తమకోసం తాము పడిన కష్టం ఎక్కువ కష్టం పిల్లలు విషయంలో అమ్మా నాన్న పడడానికి సిద్దపడతారు. ఇంకా పిల్లలకు కొరకు మంచి మంచి నీతి కధలను కూడా అమ్మనాన్న చెబుతూ ఉంటారు. అలా వారు చెప్పే తెలుగు కధలలోని నీతిని పిల్లలు ఎప్పటికీ మరిచిపోరు.

సమాజంలో అమ్మా నాన్నల సామాజిక పరిస్థితిని బట్టే పిల్లలకు సమాజంలో ఒక గుర్తింపు ఏర్పడుతుంది. ఇంకా అమ్మానాన్నల పెంపకం వలననే పిల్లల ప్రవర్తన ఉంటుందని అంటారు. అమ్మానాన్నలు చూపే ప్రేమతోబాటు వారు ఆచరించి మార్గదర్శకంగా నిలిచినతీరును పిల్లలు పెరుగుతున్నప్పుడు గ్రహిస్తారు. కాబట్టి పిల్లల పెంపకంలో తల్లిదండ్రుల మాట ఒకమాటగానే ఉండాలి. ఒక సదాచారం అలవాటుగా ఉండాలి. మంచిని బోధించే తెలుగు పుస్తకాలు చదవాలి, నీతి కధలను పిల్లలకు బోధించాలి. నేటి పిల్లలు రేపటి పౌరులు కాబట్టి. పిల్లలను ఉత్తమ పౌరులుగా తీర్చిదిద్దడం అమ్మానాన్నల పాత్ర ప్రధానమైనదిగా చెబుతారు.

చిన్న పిల్లలకు చిట్టి చిట్టి కధలంటే ఆసక్తిగా వింటారు. తెలుగులో అనేక చిట్టి చిట్టి కధలు ఉంటాయి. చిట్టి పొట్టి చిన్న కధలలో చిట్టి చిలకమా పాట చాలా ప్రసిద్ది. ఈ పాట తెలియనివారు ఉండరు. టి.వి. వచ్చినా ఈ చిట్టి చిలకమ్మా పాట మాత్రం నిలబడిందంటే, ఆ పాట మనసును ఎంతగా ఆకర్షిస్తుందో అర్ధం అవుతుంది. చిట్టి చిలకమ్మా…అమ్మ కొట్టిందా… అంటు పిల్లలు పాడే పాట పెద్దవారికి కూడా వినాలనిపిస్తుంది. ఇలా కొన్ని పాటలు అయితే యూట్యూబ్ ద్వారా నేడు పిల్లలకు బాగా చేరువగా ఉన్నాయి.

గమనికగా మనం గమనించవలసిన విషయం ఏమంటే, పిల్లలకు యూట్యూబ్ వీడియోలో తెలుసుకున్న నీతి, ఆచరణలోకి వచ్చేటప్పటికి అమ్మానాన్నల మాటలు గుర్తుకు వచ్చినట్టుగా గుర్తుకురాదు అనే విషయం కూడా గమనించదగిన గమనికగా ఉంటుంది. ఇంకా అమ్మ నాన్నలు చెప్పే నీతిని ఆచరించలేదని అమ్మకి, నాన్నకి తెలిస్తే బాధపడతారనే భావన పిల్లలలో ఉంటుంది. కానీ యూట్యూబ్ వీడియో ద్వారా తెలుసుకున్న నీతి పాటించకపోతే, యూట్యూబ్ వీడియో బాధపడదు కదా… అందుకే యూట్యూబ్ వీడియో ద్వారా తెలియనివి తెలుసుకుని అమ్మానాన్నలే పిల్లలకు చిట్టి చిట్టి కధలుగా చెప్పాలని అంటారు.

తెలుగులో ఉండే తెలుగునీతి కధల తెలుగు పిడిఎఫ్ బుక్స్ డౌన్లోడ్ చేసుకోవడానికి ఇక్కడ ఇవే అక్షరాలను టచ్ / క్లిక్ చేయండి. నీతి కధలంటే మహాభారతంలోని గాధలనే ఎక్కువగా చెబుతూ ఉంటారు. ఇంకా చాలామంది రచించిన పుస్తకాలలో నుండి కూడా తెలియజేస్తూ ఉంటారు. అయితే ఒక రచయిత రచించన తెలుగు రచనలో అతని ఊహాత్మక కల్పన ఉండవచ్చు. కానీ మహాభారత, రామాయణం లాంటి ఇతిహాసములలోని కధలు చిట్టి పొట్టి కధలుగా చేసి రచంచిన తెలుగు బుక్స్ కూడా మనకు లభిస్తాయి. వాటి వలన యొక్క ప్రయోజనం అని అంటారు. మీరు ఫ్రీగురుకుల్ సైటు నుండి తెలుగు పిడిఎఫ్ బుక్స్ డౌన్లోడ్ చేసుకోవచ్చును.

డౌన్లోడ్ చేయబడిన పి.డి.ఎఫ్ తెలుగుబుక్స్ మీరు స్టోర్ చేసిన పేరును బట్టి మరలా ఓపెన్ చేసుకుని నెట్ లేని సమయంలో కూడా చదువుకోవచ్చును. తెలుగులో చదువుకుని తెలుగులో నీతికధలు చెప్పనివారుంటే, వారికి తెలుగుకధలు అమ్మనోటితో పిల్లలకు చెబితే…. బాగుంటందనే ఉద్దేశ్యం కలగాలని ఆశిస్తూ…ఈ వ్యాసం ముగిస్తున్నా…

ధన్యవాదాలు – తెలుగురీడ్స్

భగవద్గీత తెలుగులో వినడానికి చదవడానికి

భగవద్గీత తెలుగులో వినడానికి చదవడానికి కారణం

సందేహంలో ఉన్న దేహికి వచ్చే ఆలోచనకు అంతుండదు అంటారు. ఆ దేహి మనసులో వచ్చే ఆలోచనా ప్రవాహానికి అడ్డుకట్ట వేయకపోతే, ఆ దేహికి శాంతి ఉండదు అంటారు. అటువంటి దేహామును కలిగిన మనిషికి ధర్మం విషయంలో సంశయాత్మకమైన మనసు ఏర్పడితే, ఆ వ్యక్తికి భగవద్గీత పరిష్కారంగా చెబుతారు. తెలుగులో భగవద్గీత గురించి చేసిన రచనలు, చెప్పిన మాటలు అనేకంగా ఉంటాయి. భగవద్గీత తెలుగులో వినడానికి చదవడానికి ఆన్ లైన్లో ఉచితంగా వీడియోలు, ఆడియోలు, పుస్తకాలు ఉచితంగానే లభిస్తాయి.

మనకు రామాయణం, భాగవతం, పురాణములు చదవడానికి, వినడానికి ఉన్నా, వాటి సారాన్ని జీవిత పరమార్ధమును ప్రబోధం చేసే గ్రంధంగా భగవద్గీతను చాలామంది పెద్దలు చెబుతారు. భగవద్గీత భవసాగరమును దాటిస్తుందని చెబుతారు. అటువంటి భగవద్గీతను చదివే మనసుకు ఎటువంటి కష్టం ఎందుకు కలుగుతుంది? ప్రశ్న ఉదయించిన మనసుకు ఆ ప్రశ్నపై పరి పరి ఆలోచనలు కలుగుతాయి. కానీ సమాధానం లభిస్తే పొందే శాంతి అనిర్వీచనీయం.

ఒక వ్యక్తి మనసుకు ఏదైనా ఒక కష్టం కలిగితే వచ్చే ఫలితం తెలిసి ఉంటే, అటువంటి కష్టం వచ్చినప్పుడు మనసు ఆ కష్టాన్ని ఎదుర్కోవడంలో పోరాడుతుంది. తెలియని కష్టం వచ్చినప్పుడు తెలిసినవారిని అడిగి తెలుసుకోవడానికి ప్రయత్నిస్తుంది. జీవితంలో కలిగే కష్టాలు ఎలా ఉంటాయో కొంతమంది జీవిత చరిత్రలు చదివితే అవగాహన ఉంటుందంటారు. అలా మహాత్మగాంధీ గురించిన తెలుగు పుస్తకం చదవడానికి చేయడానికి ఇక్కడ క్లిక్ / టచ్ చేయండి.

భగవద్గీత చదవడానికి వినడానికి కష్టమే కారణమా?

సంఘజీవి అయిన మనిషికి తన ఉంటున్న ప్రాంతంలో తనతోటివారితో తెలిసిన విషయాలతో జీవనం సాగిస్తూ ఉంటారు. కానీ కాలం వలన వచ్చే పెద్ద కష్టంతో జీవితం ప్రభావం చెందుతుంది. కాలంలో ప్రతి వ్యక్తి జీవితం మార్పులకు గురి అవుతూ ఉంటుంది. సుఖంలో ఉండే ఆలోచన కన్నా కష్టంలో ఉండే ఆలోచనలు మనిషిని కుదుటపడనివ్వవు. కష్టం మనసుకు భగవద్గీత వినడానికి గాని చదవడానికి గాని కారణం కాగలదని అంటారు.

పెద్ద కష్టంలో ఓదార్పును తనకు తానే పొందవలసి వచ్చినప్పుడు మనసుకు మరింత కష్టమంటారు. ఒక్కోసారి ఎంతమంచివారు చెప్పిన మంచి మాటలు కూడా ఆ పెద్ద కష్టం బాధలో నుండి బయటపడవేయలేవు. సాదరణంగా ఏ మనిషికైనా మరణవేదన మాత్రం తనకుతానే ఎదుర్కొనవలసిన చాలా అతి పెద్ద కష్టం. కానీ కొందరికి అప్పుడప్పుడు మరణవేదనను తలపించేవిధంగా కష్టం చుట్టుముడుతూ ఉంటుంది.

కొందరి కష్టాలు కాయ(శరీరము)మును గాయపరిస్తే, కొందరికి మనసు వేదించే వేదనాపూరితమైన కష్టాలు కలుగుతూ ఉంటాయి. కష్టం కాయానికి వచ్చినా, మనిషి మదికి కలిగినా ప్రభావితం అయ్యేది మాత్రం మనిషి మనసే…. కారణం శరీరానికి కలిగిన గాయం బాధకు స్పందించేది మనసే, అలాగే ఏదైనా అప్పుల బాధ, లేక అయినవారికి శరీరానికి పెద్ద గాయం కలిగితే స్పందించేది…మనసే. మనిషికి కష్టం వచ్చింది అంటే అతని మనసు పొందే పరివేదనను బట్టి అతని చుట్టూ ఉన్నవారు ప్రభావితం అవుతారు.

ఎంతబలం ఉన్నా మనిషి అయినా కాలంలో మనసు ఎదుర్కొనే కష్టాన్ని బట్టి కదలికలు ఉంటాయి. అనుభజ్ఙులు అయినవారు తమ కుటుంబంలో ఉన్నవారికి ఏదైనా కష్టం గురించి పరిష్కారం తెలియజేయగలరు. ఎందుకంటే అటువంటి కష్టం తమ జీవితంలో ఎదుర్కొని ఉండి ఉండడం చేత, అటువంటి కష్టం మరొకరికి వస్తే పరిష్కారం తెలుపగలరు.

సమాజంలో చాలా విషయాలలో మనకు అనుభవం ఉన్నవారు కొత్తవారికి మార్గదర్శకులుగా నిలబడుతారు. అనే మోటారు వాహనాలు నడిపిన వ్యక్తి, కొత్తగా మోటారు వాహనం నడుపుతున్నప్పుడు, అతనికి జాగ్రత్తలు తెలియజేయగలడు. ఎలా వాహనం నడపాలో సూచనలు ఇవ్వగలడు. అలా అనేక విషయాలలో మనిషి అనేక మంది చేసిన సూచనలను తీసుకుంటూ, తను కూడా తాను చేస్తున్న పనులలో అనుభవం గడిస్తాడు. అయితే ఇదంతా సంఘజీవికి సహజంగా జరుగుతుంది.

సంఘంలో సంఘటిత జీవి అయిన మనిషి, తనకున్న బంధుమిత్ర సహకారంతో జీవిస్తాడు. అయితే అనుబంధాలతో మెసిలే మనిషి, తను తీసుకున్న నిర్ణయం తన చుట్టూ ఉన్నవారి జీవితాలను కూడా ప్రభావితం చేసేదిగా ఉన్నప్పుడు అతని మనసులో ఏర్పడేది సంశయమే అంటారు. సంశయమే సంఘర్షణ అయితే మరింతగా మనసు కుంగిపోతుంది అంటారు.

మనసులో ఏర్పడే సంఘర్షణకు ఆ మనిషి యొక్క మనసే సాక్షి. అటువంటి మనిషి అంతరంగం అతనికి మాత్రమే తెలుస్తుంది. అతని ప్రవర్తన వలన అతనితో కలిసి మెలిసి ఉండేవారికి కొంతవరకు తెలియవస్తుంది. ఏదైనా సంఘటనతో తన జీవితం ప్రభావితం చెందితే వచ్చే మానసిక సంఘర్షణకు సంఘం నుండి సానుభూతి వస్తుంది. కానీ తన అంతరంగంలో ఏర్పడే ఆలోచనలు నుండి తాను చేయబోయే నిర్ణయం మరొకరి జీవితం ప్రభావితం అయ్యేదిగా ఉన్నప్పుటి సంఘర్షణ అతను బయటికి చెబితేకానీ తెలియదు. ఒక్కోసారి అటువంటి ఆలోచనలు హాస్యాస్పదంగా కూడా మారుతూ ఉంటాయి.

భగవద్గీత పోగేట్టేది ఏమిటి?

సంఘంలో కొందరితో సహజీవనం చేసే మనిషికి ఆయా ప్రాంతంలో ఉండే వాతావరణం మరియు అతని తోటివారితో ఉండే అనుబంధం ఒక్కోసారి సుఖాలను తీసుకువస్తే, ఒక్కొసారి దు:ఖాలను తీసుకువస్తాయి. ఒక వ్యక్తికి అతని భార్య కోరికకు సరిపడా ధనం తన దగ్గర ఉన్నప్పుడే అతనికి అది సుఖం. కాకపోతే అతనికి అతని భార్య కోరికే దు:ఖదాయకం అవ్వవచ్చును. అలాగే అతని చుట్టూ ఉన్న బంధాలు నుండి వచ్చే విషయాలు అతని ఆర్ధిక స్థితికి, అతని ప్రవర్తనకు అనుకూలంగా ఉంటే అది సుఖం. కాకపోతే అయా బంధాల నుండి వచ్చే విషయాలు దు:ఖదాయకం.

ఏ మనిషికైనా తన చుట్టూ ఉన్నవారి జీవితాలను ప్రభావితం చేసే సంఘటనలు ఎదురైనప్పుడు ధర్మసందేహం ఏర్పడుతుంది. అప్పటికి కలగబోయే ఫలితాలపై మనసులో సంఘర్షణ ఏర్పడుతుంది. గాంధీగారు దేశంలో ఉద్యమాలకు నాయకత్వం వహించారు. అయనకు ఏర్పడే సంఘర్షణలకు భగవద్గీతే సమాధనపరిచింది అని పెద్దలు చెబుతూ ఉంటారు.

భగవద్గీత ఎందుకు చదవాలి అంటే దు:ఖం పోగొట్టుకోవడానికి అంటారు. ఎందుకు అంటే కురుక్షేత్రంలో తన బంధు వర్గములోని బంధువులను చూసి దు:ఖం పొందిన అర్జునుడి దు:ఖం భగవంతుని బోధతో పోయింది. కాబట్టి కాలంలో కలిగిన కష్టం వలన ఏర్పడిన దు:ఖంతో కర్తవ్య భంగం ఏర్పడినప్పుడు భగవద్గీత మనసుకు మందు అంటారు. హృదయంలో ఏర్పడే దు:ఖాన్ని అడ్డుకోవడానికి భగవద్గీతలోని ధర్మాలు తెలిసి ఉండడం ప్రధానమని చెబుతారు.

భగవద్గీత తెలుగులో వినడానికి చదవడానికి తెలుగు బుక్స్

ఇంకా పెద్ద పెద్ద కష్టాలు కాలంలో కలిగినప్పుడు పెద్దలు మాటలు ఉపశమనం కలిగించలేకపోయినా భగవద్గీత వలన కర్మయోగం కలిగితే ఉపశమనం కూడా కలుగుతుంది అంటారు. మరణవేదన ప్రతి మనిషికి తప్పనిసరి అటువంటి మరణవేదనలో కూడా మనసు తట్టుకుని నిలబడాలంటే, అంటే మోక్షానికి అర్హత సాధించాలంటే భగవద్గీతాసారం జీర్ణం చేసుకున్న మనసు వలననే సాధ్యం అంటారు.

అటువంటి భగవద్గీతలో ఏముంది అంటే అందులో మొదటగా అర్జునుడికి పుట్టే దు:ఖం కనిపిస్తుంది. ఆ దు:ఖంతో అర్జునుడికి కలిగిన విషాదయోగం మాటలు మారితే ఎలా ఉంటుందో కనబడుతుంది. బంధాలపై అమితమైన ప్రేమతో ఉండే వీరుడి మనసులోని పరివేదన కనబడుతుంది అని అంటారు. భగవద్గీత గురించి శ్రీచాగంటి కోటేశ్వరరావు గారి ప్రవచనం వినడానికి ఇక్కడ క్లిక్ / టచ్ చేయండి.

అర్జునుడి విషాదానికి చెదిరిన మనసుకు కర్తవ్యాన్ని బోధించే గురువుగా కృష్ణుడు మనకు భగవద్గీతో కనిపిస్తాడు. గురువు అయిన కృష్ణభగవానుడు శిష్యుడు అర్జుని చేసిన బోధ బాధలో ఉండే మనసుకు మందు అంటారు. దహింపడే దేహికి ఏర్పడే అజ్ఙానం తొలగించడానికి భగవానుడు పలికి వాక్కులు భగవద్గీతలో కనిపిస్తాయి.

ప్రవచనకారుల మాటలలో భగవద్గీత సారం అర్ధం కావడం వలననే జీవి తరించగలడనే మనకు వినిపిస్తాయి. బ్రహ్మశ్రీ సామవేదం షణ్ముఖశర్మగారు ప్రవచించిన ప్రవచనాలు ఆడియో రూపంలో ఉచితంగా తెలుగులో వినడానికి ఇక్కడ క్లిక్ / టచ్ చేయండి. బ్రహ్మశ్రీ సామవేదం షణ్ముఖశర్మగారి వీడియో తెలుగుప్రవచనాలు వినడానికి ఇక్కడ / టచ్ చేయండి. తెలుగులో ప్రవచనాలు వినడం వలన మనకు బాగా తెలిసి ఉన్న తెలుగు చదవడం చేత మన మనసుకు మాటలు బాగా అర్ధం అవుతాయి.

ప్రధానంగా భగవద్గీత వలన అజ్ఙానం తొలిగి జ్ఙానం వస్తుందనేది చెప్పబడుతుంది. జ్ఙానం వలన కలిగే ధైర్యం సంసారం నుండి బయటపడవచ్చు అని అంటారు. తాను ఎప్పుడూ వెళ్లని ఇంటికి ఒక వ్యక్తి రాత్రివేళో వెళితే, ఆ ఇంటిలోకి వెళ్లగానే కరెంటుపోయి చీకట్లు కమ్ముకుంటే ఆ వ్యక్తికి భయం కలిగి అడుగు అక్కడే ఉంటుంది. ఒక వేళ అడుగు వేసినా భయంతోనే వేస్తాడు. అదే ఇంట్లో అప్పటికే నివసిస్తున్నవారు మాత్రం ఆ చీకట్లో గబా గబా టార్చిలైటు కోసం వెతుకుతారు. అంటే వారికి ఆ ఇంట్లో వెలుగునింపే వస్తువులు ఎక్కడ ఉన్నాయో తెలిసి ఉండడం చేత, వారికి ఆ చిమ్మచీకట్లో అడుగులు సాదారణంగా వేస్తారు. కానీ కొత్తగా ఆ ఇంట్లోకి అప్పుడే వచ్చిన వ్యక్తి మాత్రం ఆ చీకటి భయహేతువు. భగవద్గీత వలన ఒక దేహి జీవన ప్రక్రియ ఎలా ఉంటుందో తెలియజేస్తుంది, అంటారు.

భగవద్గీత భవసాగరం దాటించే గ్రంధంగా చెబుతారు.

తెలుగువ్యాకరణం తెలిసినవారికి తెలుగుపద్యాలు చదవమంటే గణగణమంటూ చదవుతారు. అలా కాకుండా తెలుగు సరిగ్గా అర్ధం కానివారికి తెలుగుపద్యాలు చదవమంటే మాత్రం అక్షరాలు కూడబలుక్కుంటూ చదువుతారు. అలాగే భగవద్గీత సారం ఒంటబడితే, ఆజీవి జీవన పరమార్ధం చాలా సులభం అంటారు. తెలుగుతెలియనివారికి తెలుగు సాహిత్యం మాధుర్యం తెలియబడనట్టు భగవద్గీత లేక సత్సమాన గ్రంధం చదవకపోతే, జీవిత పరమార్ధం తెలియబడదు అంటారు.

మనిషికి తెలియనవి మనిషిని మరింత భయపెడతాయి అంటారు. ఏది తెలుసుకుంటే ఇక తెలుసుకోవలసిన అవసరం ఉండదో ఆ విషయాన్ని తెలుసుకోవడానికి ఏదైనా ప్రయత్నం ఉంటే, ఆ ప్రయత్నంలో ఏర్పడే సందేహం దేహికి సమస్యాత్మకం అంటారు. దేహి సందేహాలకు సమాధానం భగవద్గీత అని చెబుతారు. అటువంటి భగవద్గీత గురించిన తెలుగు రచనలు చదవడానికి ఇక్కడ క్లిక్ / టచ్ చేయండి. అనేకమంది తెలుగులో రచించిన భగవద్గీత గురించిన రచనలు మీరు ఉచితంగా పి.డి.ఎఫ్ బుక్స్ గా చదవవచ్చును.

భగవద్గీత తెలుగులో వినడానికి చదవడానికి తెలుగు ప్రవచనాలు, తెలుగు బుక్స్, తెలుగు వీడియోలు ఉచితంగానే లభిస్తాయి. అయితే భగవద్గీత చదవడానికి, వినడానికి కారణం కొంతమందికి కాలం వలన వచ్చే కష్టం కారణం కావచ్చును. భగవంతుని మీద భక్తి కావచ్చును. మోక్షం కారణం కావచ్చును. భగవద్గీత చదవడానికి అయినా వినడానికి అయినా కారణం ఏదైనా, అది జీవితాన్ని ఉద్దరించే గ్రంధంగా చెబుతారు.

ధన్యవాదాలు – తెలుగురీడ్స్

దీపాల వరుసతో దీపావళి పండుగ

దీపాల వరుసతో దీపావళి పండుగ

మీకు మీ కుటుంబ సభ్యులకు దీపావళి శుభాకాంక్షలు! దీపావళి అంటే దీపాలవరుస అని అంటారు. ఆవునెయ్యి, నువ్వులనూనే, కొబ్బరినూనే వంటి నూనేలతో దీపాలను వెలిగిస్తారు. అటువంటి కొన్ని దీపాలను వరుసలగా ఇంటిముందు వెలిగిస్తారు. కాబట్టి దీపాల వరుసతో దీపావళి పండుగ అని చెబుతారు.

ఇంటిముందు వాకిట్లో దీపాలను తైలంతో వెలిగించి, ప్రకృతి ఆరాధించే ప్రక్రియ దీపావళి పండుగలో ఉందంటారు. వినాయకచవితి లాంటి పండుగలు ఇంట్లో పత్రితో, తైలంతో ఆరాధించడంతో మంచి ప్రకృతిని మన చుట్టూ మనం ఏర్పరచుకుంటే, దీపావళికి ఇంటిముందు దీపాలతో చుట్టు ప్రక్కల కూడా మంచి వాతావరణం ఏర్పరచుకుంటాం అని అంటారు.

సనాతన ధర్మంలో పండుగలకు పెట్టిన ఆచారాలు ప్రకృతితో సత్సంబంధం పెంచుకునే విధంగా ఉంటాయనే అంటారు. ఆవు నెయ్యి దీపాలతో చుట్టూ గాలిలో మంచివాతావరణం ఏర్పరస్తూ ఉంటుంది. అటువంటి దీపాలను ఊరిలో అందరూ ఏర్పరిస్తే, ఆ ఊరి ప్రకృతి అంతా బాగుంటందని అంటారు.

దీపాల వరుసతో దీపావళి పండుగ చేసుకోవడ ప్రధానంగా పండుగయెక్క ప్రధాన ఉద్దేశ్యంగా ఉంటుందని అంటారు. ఇంటిముందు కొన్ని దీపాలతో కొన్ని దీపాలవరుసను ఏర్పరస్తూ దీపావళిపండుగ చేయడమే దీపావళి అంటారు.

ఇంకా ఔత్సాహికులు ఆలయాలలో కూడా అనేకమైన దీపాలవరుసలతో దీపాలను వెలిగించి దీపావళి పండుగను జరపడం ఈ పండుగలో విశిష్టం. దీపాలవరుసతో దీపావళి పండుగ చేయడం వలన వాతావరణానికి ఉపయోగం ఉంటే, పర్యావరణ పరిరక్షణగా కూడా చెప్పవచ్చును. తెలం కానీ ఆవు నెయ్యి కానీ ఈ దీపాలలో వాడుట ఆచారం అని అంటారు.

దీపావళి పండుగ గూర్చి బ్రహ్మశ్రీ చాగంటి కోటేశ్వరరావు గారి ప్రవచనములో వినడానికి ఇక్కడ ఇవే అక్షరాలను టచ్ / క్లిక్ చేయండి. ప్రవచనకారుల ప్రవచనములలో ఆచార సంప్రదాయాల గురించి పండుగలు గూర్చి వివరణలు ఉంటాయి. ఆనందంగా చేసుకునే పండుగలలో దీపావళి పండుగ మరింత ఆనందం ఇస్తుంది.

అటువంటి ఆనందదాయకమైన పండుగ ఆచరణ విధానంలో ప్రకృతిలోకి ఔషధ శక్తిని పంపించే ఆవునేతి దీపాలను వెలిగించడం సంప్రదాయంగా చెబుతారు. ఉన్నవారు ఉన్నతంతో ఆవునేతి దీపాలు లేక తైలంతో దీపాలను వెలిగించడం ఆనవాయితీగా వస్తుంది.

ఈ ఆనవాయితిని ఆచరించే సంప్రదాయం కలకాలం కొనసాగాలంటే మనం కూడా ఆచరిస్తూ, దీపావళి దీపాల వలన ప్రకృతికి ఏవిధంగా ఉపయోగమో పిల్లలకు తెలియజేయాలి అని పెద్దల ప్రవచనములలో వింటూ ఉంటాం. భక్తికోసం సత్యభామ, శ్రీకృష్ణుల నరకవధను గూర్చి తెలియజేయాలి అని కూడా అంటారు.

ఉపకారికి ఉపకారం చేయడం ప్రకృతి లక్షణంగా చెబుతారు, అలాంటప్పుడు దీపావళి ఆవునెయ్యి దీపాలతో ప్రకృతినే, ఆరాధిస్తే, ప్రకృతి నుండి ప్రత్యుపకారం ఉంటుందని కూడా అంటారు. ఆవునేతి / తెల దీపాల వరుసతో దీపావళి పండుగ జరుపుకోవడం మనకు సంతోషం, ప్రకృతికి మేలు కూడాను అని అంటారు.

ప్రమాదకరమైన వస్తువులతో ఆటలు కన్నా, వెలుగులు ఇచ్చే తైల దీపాల కాంతి మనకు మేలు అంటారు. అయితే ప్రధానంగా వీలైనన్ని దీపాలతో కొన్ని దీపాల వరుసలను తైలంతో కానీ, ఆవునేతితో కానీ వెలిగించి దీపావళి జరుపుకుందాం. మరొక్కసారి మీకు మీ కుటుంబ సభ్యులకు దీపావళి శుభాకాంక్షలు.

దీపావళి మీ జీవితంలో వెలుగులు నింపాలని ఆశిస్తూ……

ధన్యవాదాలు తెలుగురీడ్స్

ప్రముఖ ప్రవచనకర్తల తెలుగు ప్రవచనాలు ఆడియోలు వీడియోలు ఎక్కడ లభిస్తున్నాయి?

తెలుగు ప్రవచనాలు ప్రముఖ ప్రవచనకర్తలు శ్రీరామాయం, భాగవతం, భగవద్గీత

తెలుగుభాషలో తెలుగు పండితులు పలికే ఆ నాలుగు పలుకులు మనసుకు శాంతిని ఇస్తాయి, అంటారు. అలాంటి ప్రముఖ ప్రవచకర్తల తెలుగు ప్రవచనాలు అందిస్తున్న వెబ్ సైటులు, యూట్యూబ్ చానల్ వివరాలు తెలుసుకుందాం. అయితే ప్రవచనం ఎందుకు వింటారు అంటే?

కొందరు ఏమని అంటారు అంటే, ప్రముఖుల మాటలు మనిషికి ఆదర్శనీయంగా ఉంటాయి, కాబట్టి మంచి మాటలు ఎవరూ చెప్పినా వినాలనే తలంపుతో ఉండాలని కొందరు అంటూ ఉంటారు. మరికొందరు అంటారు కష్టం కలిగితే, అప్పుడు ఆ సమయంలో పెద్దల మాటలు ఓదార్పు తెస్తాయి, అంటారు. పెద్దలు ప్రవచించిన మాటలను ప్రవచనాలుగా చెబితే, ప్రముఖ ప్రవచనకర్తల తెలుగు ప్రవచనాలు ప్రపంచవ్యాప్తంగా తెలుగువారికి ఆన్ లైన్ ద్వారా అందుబాటులో ఉంటున్నాయి. అయితే ఇంకా ప్రవచనం ఆలోచన చూస్తే….

ఒక వ్యక్తికి కష్టంలో స్నేహితుని మాటలు ప్రభావం చూపుతాయి, కుటుంబ సభ్యుల మాటలు ఓదార్పును తెస్తాయి. సహచరుల పలకరింపు మాటలు కూడా మనసును కుదుటపరుస్తూ ఉంటాయి. చిన్న చిన్న కష్టాలలో వీటి వలన ఒక వ్యక్తి ఓదార్పు పొందుతూ ఉంటాడు. తనకు ఇంతమంది అండగా ఉన్నారనే ధైర్యంతో జీవనం సాగిస్తూ ఉంటారు. ఇలా సాదరణ స్థితిలో సాగే మనసు అనుకోని దు:ఖం చేత మరింత బాధను పొందుతుంది. అప్పుడు అందరి మాటలు అందినా, పుచ్చుకునే స్థితిలో మనసు ఉండదని అంటారు.

ఆటలో పాల్గొన్న వ్యక్తికి తను చేస్తున్న పొరపాటు తెలియదు, కానీ ఆ ఆటను చూస్తున్న మైదానం బయటివ్యక్తులకు తెలుస్తుంది. అలాగే పెద్ద కష్టం అనుభవిస్తున్న వారికి, దు:ఖం చేత వారి మనసు అదుపులో ఉండదు, సాదారణ సమయంలో మిత్రుల సలహాలు, బంధువుల మాటలు, ఇతరుల మాటలు వినే మనసు, ఈ సమయంలో వినదు, అంటారు.

అటువంటి దు:ఖ సమయంలోనే తోటివారి సలహా స్వీకరిస్తూ, తనకు తానే పరిస్థితుల నుండి బయటిపడే ఆలోచనను చేయగలిగే స్థితిలో మనసు ఉండాలి, కాబట్టి కష్టంతో కూడిన జీవితాలు చదివి ఉండడం, చరిత్రలు తెలుసుకుని ఉండడం, గొప్పవారి జీవిత చరిత్రలలోని కష్టకాల సంఘటనలను తెలుసుకుని ఉండడం వలన మనకు అటువంటి కష్టం వచ్చినప్పుడు, గతంలోని మాటలు గుర్తుకు వచ్చి మనసు కుదుట పడే అవకాశం ఎక్కువ అంటారు.

సాదారణంగా ప్రపంచవ్యాప్తంగా అయితే ప్రసిద్ధ పొందినవారి జీవిత చరిత్రలు చదువుతూ ఉంటారు. మన భారతీయలకు అయితే పురాణాలతో ఇటువంటి కష్టకాలం, ధర్మ సూక్ష్మాలు, మానసిక ప్రవర్తన, సమాజంలో సహజ మానసిక ధోరణిలు మనకు తెలియబడతాయి అని అంటారు. పని చేసుకునేవారు పురాణం చదవాల్సిన అవసరం లేకుండానే, పురాణాలలో కొన్న గాధలు సినిమాలుగా కూడా మనకు లభిస్తాయి. ఉదాహరణకు: లవకుశ తెలుగు చలన చిత్రం, దక్ష యజ్ఙం తెలుగు చలన చిత్రం, మాయాబజార్ తెలుగు చలన చిత్రం ఇలా పౌరాణిక తెలుగు సినిమాలు ఉన్నాయి.

అయితే సినిమాలలో ప్రేక్షకులను ఆకట్టుకునే విధంగా తీయబడడం వలన కొంత కల్పితం కూడా కలిగి ఉంటుంది అని అంటారు. అందుకని కొందరు పురాణ పుస్తకాలు చదువుతూ ఉంటారు. అయితే పురాణ పుస్తకాలు సంస్కృతంలోనూ, తెలుగు గ్రాంధిక భాషలోను ఉంటాయి. అంటే తెలుగులోనే తెలుగురచయిత రచనలు ఉన్నా అవి వాడుకభాషలో అన్ని తెలుగుపుస్తకాలు ఉండవు. కాబట్టి పురాణ, ఇతిహాసాలు చదివినవారి మాటలలో అనేక ధర్మ సందేహాలు, కష్టకాలంలో దైవ గుణం ఎలా ఉంటుంది? రాక్షస గుణం ఎలా ఉంటుంది? మానవత్వం ఏవిధంగా ప్రభావితం అవుతుంది? ఇలాంటి ప్రశ్నలకు ప్రముఖ ప్రవచనకర్తల తెలుగు ప్రవచనాలు ద్వారా తెలియబడతాయి అని అంటారు.

పురాణాలు చదివిన పండితులకు పురాణలలోని పాత్రల స్వభావం తెలుసుకుని ఉంటారు. ఇప్పుడు ఉన్న సామాజిక పరిస్థితులకు తగ్గట్టుగా సామాన్యులకు కూడా అర్ధం అయ్యే విధంగా మంచి మాటలు చెప్పడంలో ప్రవచనకారులు ప్రసిద్ది చెంది ఉంటారు. అలాంటి వారి మాటలు వినడం వలన దీర్ఘకాలిక కష్టాలు అనుభవించేవారికి కూడా తమ కష్టాలపై ఒక అవగాహన ఏర్పడి, మనసు కుదుటపడుతుంది అని అంటారు. అలా కుదుటపడిన మనసు యొక్క బుద్ది వికసిస్తుంది. బుద్ది వికాసంతో ఒక వ్యక్తి తన సమస్యకు తానే పరిష్కారం తెలుసుకోగలడు. లేకపోతే పరిష్కారం సూచించగలిగే వ్యక్తిని గుర్తుకు తెచ్చుకోగలడు అని అంటారు.

అయితే ప్రముఖుల తెలుగు ప్రవచనాలు వినడం వలన, గ్రాంధిక భాషలో ఉన్న మాటలు మనకు వాడుక భాషలో తెలియబడతాయి. ఇంకా ఆయా గ్రంధాలలో ఉన్న ధర్మ సూక్షమములు కూడా తెలియబడతాయి అని అంటారు. ఈ విధంగా ప్రవచనకర్తల తెలుగు ప్రవచనాలు ఇతిహాసములలోని సంగతులను తెలియజేస్తాయి.

తెలుగులో ప్రముఖ ప్రవచనకర్తల గురించి చూస్తే, అందరికి అర్ధం అయ్యే విధంగా మాట్లాడుతూ ప్రవచనాలు అందించే వారిలో బ్రహ్మశ్రీ చాగంటి కోటేశ్వరరావు గారు బాగా ప్రసిద్ధి. ఈయన పలికిన పలుకులు ఆన్ లైన్లో, సోషల్ మీడియాలో చక్కర్లు కొడుతూ ఉంటాయి. ఈయన చెప్పే మంచి మాటలు వినడానికి ఎప్పుడూ ప్రజలు ఆసక్తి ఎక్కువ చూపుతారు. గతంలో బ్రహ్మశ్రీ చాగంటి కోటేశ్వరరావు గారి ప్రవచనాలు ఉచితంగా ఒక వెబ్ సైటులో అందరికి అందుబాటులో ఉండేవి. అయితే ఇప్పుడు అవి గురువాణి వెబ్ సైటు ద్వారా విక్రయం సాగిస్తున్నారు. బ్రహ్మశ్రీ చాగంటి కోటేశ్వరరావుగారి ప్రచనాల ఆడియో పెన్ డ్రైవ్స్ కావాలంటే ఇక్కడ ఇవే అక్షరాలను టచ్ / క్లిక్ చేయండి.

బ్రహ్మశ్రీ చాగంటి కోటేశ్వరరావు గారు తమ ప్రవచనాలలో ఎక్కువగా పురాణములు, ఇతిహాసములలో నుండి దేవీ భాగవతం, పరమశివుడు, శ్రీరామాయణం, భాగవతం, హనుమ వైభవం, శ్రీవేంకటేశ్వర వైభవం, శ్రీశైలం మహాత్యం, గురు వైభవం, మహాభారతంలోని పాత్రలు, ధర్మము, కలియుగం తదితర వర్గాలలో చాలా ప్రసంగాలు చేసి ఉన్నారు. బ్రహ్మశ్రీ చాగంటి కోటేశ్వరరావుగారి ప్రవచనాలు ఆడియో రూపంలో వెబ్ సైటు ద్వారా వినడానికి ఇక్కడ ఇవే అక్షరాలను టచ్ / క్లిక్ చేయండి.

శ్రీరామాయణం గురించి బ్రహ్మశ్రీ చాగంటి కోటేశ్వరరావుగారి ప్రవచనాలు యూట్యూబ్ ద్వారా చూడడానికి సంపూర్ణ రామాయణం యూట్యూబ్ చానల్ విజిట్ చేయండి. ఈ చానల్ ద్వారా మీరు రామాయణం అంతా బ్రహ్మశ్రీ చాగంటి కోటేశ్వరరావుగారి మాటలలో వినవచ్చును. ఇక్కడ ఇవే అక్షరాలను టచ్ / క్లిక్ చేసి మీరు ఈ యూట్యూబ్ చానల్ విజిట్ చేయవచ్చును.

ఆధ్యాత్మిక అంశములలో బ్రహ్మశ్రీ చాగంటి కోటేశ్వరరావు గారి ప్రవచనాలు, ప్రత్యక్ష ప్రసారలు చూడాంటే, శ్రీగురువాణి యూట్యూబ్ చానల్ దర్శించండి. శ్రీగురువాణి యూట్యూబ్ చానల్ దర్శించడానికి ఇక్కడ ఇవే అక్షరాలను టచ్ / క్లిక్ చేయండి.

ప్రముఖ ప్రవచనకారులలో తెలుగు ప్రవచనకర్త బ్రహ్మశ్రీ సామవేదం షణ్ముఖశర్మ గారు సుప్రసిద్ధ తెలుగు ప్రవచనకర్త. ఈయన భగవద్గీత మొత్తం అన్ని శ్లోకాలపై ప్రవచనం చేశారు. ఇంకా ఈయన శ్రీరామాయణం, శ్రీ ఆంజనేయం, శ్రీరామవైభవం, శ్రీకృష్ణ కర్ణామృతం, కనకధార స్తోత్రం, గరుడపురాణం, విష్ణు పురాణం, శ్రీ లలితా లీల, శ్రీమద్భాగవతం తదితర ప్రవచనాలు చేసారు. బ్రహ్మశ్రీ సామవేదం షణ్ముఖ శర్మగారి ప్రవచనాలు ఆడియో రూపంలో వినాలంటే ఇక్కడ ఇవే అక్షరాలను టచ్ / క్లిక్ చేయండి.

ఇంకా మీరు ప్రముఖ తెలుగు ప్రవచన కర్తల వివరాలు మరియు వారి ప్రవచనాలు ఆడియో రూపంలో వినవచ్చును. వారిలో గరికిపాటి నరసింహారావుగారు, వద్ది పద్మాకర్ గారు లాంటి ప్రవచనకర్తల తెలుగు ప్రవచనాలు ఆడియో రూపంలో వినవచ్చును. ప్రముఖ తెలుగు ప్రవచనకర్తల లిస్టును మరియు వారి ప్రవచనాలకోసం ఇక్కడ ఇవే అక్షరాలను టచ్ / క్లిక్ చేయండి

చివరగా… ఈ పోస్టులో కేవలం ఆధ్యాత్మిక విషయాలు తెలుసుకునేవారికోసం, తెలుగు భక్తి విషయాలను చేరువ చేయడంలో ప్రవచకర్తల ప్రవచనాలు చాలా మేలు చేస్తాయి అంటారు కాబట్టి, తెలుగు ప్రముఖ తెలుగు ప్రవచనకర్తల ప్రవచనాల లింకులను షేర్ చేయాడానికి నాకు అనిపించిన నాలుగు మాటలు వ్రాయడం జరిగింది. ఏవిధంగా నమ్మితే లోకం ఆవిధంగా గోచరిస్తుంటారు. అలా చూసినప్పుడు లోకంలో మంచి మాటలను పెంచే ప్రయత్నం చేస్తున్న ప్రవచనకారులకు ధన్యవాదాలు…చెప్పాలి.

ధన్యవాదాలు – తెలుగురీడ్స్.

సాహోతో సాహసమే చేశారు

సాహో చాలాకాలంగా ఎదురు చూసిన ప్రభాస్ ఫ్యాన్స్ కు పండుగను తలపింపజేసింది. జాతీయంగా మంచి గుర్తింపు సంపాదించుకున్న హీరో, ఒక యువ దర్శకుడుతో పనిచేయడమే ప్రభాసం చేసిన సాహో సాహసం.

కధ బాగుంది, సీన్స్ బాగున్నాయి, కలపడంలో కొంత గందరగోళంగా సాదారణ ప్రేక్షకులకు అనిపించినా, సినిమా ముగింపు బాగుంటుంది. బాగోలేదు అనడం కన్నా ప్రయత్నం బాగా చేశారు. బాహుబలి సినిమా ప్రభావం ఈ సినిమా మీద పడడంతో, సినిమా అందరికీ తేలికగా అర్ధం అయ్యేలా ఉంటే మంచి టాక్ వస్తుంది. కానీ ఇక్కడ అందరికీ అర్ధం అయ్యేలా కాకుండా, కొందరికే అర్ధం అయ్యేలా అన్నట్టుగా అనిపిస్తుంది.

ఫ్యాన్స్ ఊహించినంతగానే, అంతే రిచ్ గా సినిమా ఉంటుంది. అయితే బాహుబలి చెట్టున పండిన పండైతే, సాహో కోసి ముగ్గేసిన పండులా ఉంటుంది. ఎంతైనా చెట్టున పండిన పండు రుచే వేరు, అలాగే బాహుబలి.

సినిమా బాగుంది, బోర్ కొట్టదు అలాగని అదేపనిగా అందరూ సినిమా ఆద్యంతం తదేకంగా కానీ యాక్షన్ సన్నివేశాల వలన. అందుకే కలెక్షన్లు బాగున్నా సినిమా బాహుబలి మించినది అన్న టాక్ సొంతం చేసుకోలేకపోయింది.

ధన్యవాదాలు – తెలుగురీడ్స్

అట్లతదియ అట్లతద్దిగా ఆశ్వాయుజ మాసంలో

అతివలు ఆడుతూ పాడుతూ ఆనందంగా జరుపుకునే పండుగ అట్లతద్ది అట్లతదియ

అట్లతదియ అట్లతద్దిగా ఆశ్వాయుజ మాసంలో వస్తుంది. తెలుగు తిధులలో తదియ తిధినాడు వచ్చే ఈ పండుగ అట్లతద్దిగా వాడుక భాషలో ప్రాచుర్యం పొందింది. ఇంకా అట్టతద్దోయ్ ఆరట్లు, ముద్దపప్పోయ్ మూడట్లు అనే పాట కూడా ప్రసిద్ధి. ఇలా ప్రసిద్ధి పొందిన ఈ తెలుగు పండుగ తెలుగింటి ఆడపడుచలకు మరింత ఆనందదాయకం కావడం విశేషం.

మన భారతదేశంలో హిందూ సనాతన ధర్మంలో పలు పండుగలు ఉంటాయి. వాటిలో కొన్ని ప్రాంతాలవారీగా విధానం వేరుగా ఉంటే, కొన్ని పండుగలు కొన్ని పాంతాలకే పరిమితం. అలా మన తెలుగువారికి అట్లతదియ అంటే అట్టతద్దిగా మనకు మాత్రమే పరిమితం. ఇంకా తెలుగు ఆడవారికి ప్రత్యేకం ఈ అట్లతద్ది పండుగ.

అతివలు ఆడుతూ పాడుతూ ఆనందంగా జరుపుకునే పండుగ అయితే అదీ మన తెలుగువారికి ప్రత్యేకంగా ఉన్న పండుగగా అట్లతద్ది, దీనిన అట్ల తదియ అంటారు. మన తెలుగునేలలో అట్లతో కూడిన నోము. ఉదయం నుండి ఉపవాసం ఉండి, సాయంకాలం పార్వతి పరమేశ్వరులను పూజించి, చంద్రోదయం జరిగాక, చంద్రదర్శనం చేసి బోజనం చేయడం ఉంటుంది. ఇంకా ఈ పండుగ గురించి అట్లతద్ది వ్రతవిధానంలో చెబుతారు.

అట్లతద్ది నోమును ఆరేళ్ల నుండి పెళ్లయినవారు కూడా చేసుకుంటూ ఉంటారు. పెళ్లికాని అమ్మాయిలు కూడా ఎక్కువగా అట్లతద్ది ఉండడం చేత ఆట పాటలు కూడా చేరినట్టుగా ఉండవచ్చు. ఉదయం నుండి సాయంకాలం వరకు ఆట పాటలతో ఆడే అమ్మాయిలు సాయంత్రం గౌరిదేవిని పూజించడంతో మంచి మొగుడు వస్తాడనేది ప్రసిద్ధి. ఇంకా ఇందులో అట్లతో పోసిన వాయనాలు ముత్తయిదువులకు ఇవ్వడం అట్లతదియ అట్లతద్దిగా ఆశ్వాయుజ మాసంలో వచ్చే ఈ పండుగలో మరో ప్రత్యేకత.

గౌరిదేవిని పూజించడానికి ఆడపిల్లలలో ఆసక్తి పెంచడానికే అన్నట్టు అట్లతద్ది పండుగ విధానం ఉన్నట్టుగా అని అంటారు. సర్వమంగళను పూజిస్తే, మంగళములు కలుగుతాయి కాబట్టి ఆ సర్వమంగళ అయిన పార్వతి మాతను పూజించడానికి ఆడపిల్లలకు ఆటపాటలతో కూడిన విధానం కలిగిన పండుగ కేవలం అట్లతద్ది మాత్రమే ఉంది.

ఆశ్వయుజమాసంలో దసరా తర్వాత వచ్చే తదియ తిదిని అట్లతదియగా పేర్కొంటే, అది అట్లతద్ది పండుగగా మనతెలుగు ఆడపిల్లలకు ఇష్టమైన పండుగ. అట్లతదియ అట్లతద్దిగా ఆశ్వాయుజ మాసంలో వచ్చే పండుగ గూర్చి యూట్యూబ్ వీడియోలో శ్రీమతి అనంతలక్ష్మి గారు చెప్పిన మాటలు చూడడానికి ఇక్కడ ఇవే అక్షరాలను తాకండి లేదా క్లిక్ చేయండి.

ధన్యవాదాలు – తెలుగురీడ్స్