సాహోతో సాహసమే చేశారు

సాహో చాలాకాలంగా ఎదురు చూసిన ప్రభాస్ ఫ్యాన్స్ కు పండుగను తలపింపజేసింది. జాతీయంగా మంచి గుర్తింపు సంపాదించుకున్న హీరో, ఒక యువ దర్శకుడుతో పనిచేయడమే ప్రభాసం చేసిన సాహో సాహసం.

కధ బాగుంది, సీన్స్ బాగున్నాయి, కలపడంలో కొంత గందరగోళంగా సాదారణ ప్రేక్షకులకు అనిపించినా, సినిమా ముగింపు బాగుంటుంది. బాగోలేదు అనడం కన్నా ప్రయత్నం బాగా చేశారు. బాహుబలి సినిమా ప్రభావం ఈ సినిమా మీద పడడంతో, సినిమా అందరికీ తేలికగా అర్ధం అయ్యేలా ఉంటే మంచి టాక్ వస్తుంది. కానీ ఇక్కడ అందరికీ అర్ధం అయ్యేలా కాకుండా, కొందరికే అర్ధం అయ్యేలా అన్నట్టుగా అనిపిస్తుంది.

ఫ్యాన్స్ ఊహించినంతగానే, అంతే రిచ్ గా సినిమా ఉంటుంది. అయితే బాహుబలి చెట్టున పండిన పండైతే, సాహో కోసి ముగ్గేసిన పండులా ఉంటుంది. ఎంతైనా చెట్టున పండిన పండు రుచే వేరు, అలాగే బాహుబలి.

సినిమా బాగుంది, బోర్ కొట్టదు అలాగని అదేపనిగా అందరూ సినిమా ఆద్యంతం తదేకంగా కానీ యాక్షన్ సన్నివేశాల వలన. అందుకే కలెక్షన్లు బాగున్నా సినిమా బాహుబలి మించినది అన్న టాక్ సొంతం చేసుకోలేకపోయింది.

ధన్యవాదాలు – తెలుగురీడ్స్

సైరా నరసింహారెడ్డి

తెలుగు వెర్షన్ లో పవన్ కళ్యాణ్ వాయిస్ తో సైరా నరసింహారెడ్డి సినిమా ప్రారంభం అవుతుంది. అనుష్క ఎంట్రీతో ఉయ్యాలవాడ నరసింహారెడ్డి పోరాటం గురించిన వివరణ ప్రారంభం అవుతూ ఆరంభం అధరగొడుతుంది.

నరసింహారెడ్డి జాతరలో ఎద్దుల భారీ నుండి ప్రజలను కాపాడడంతో బాటు ఎద్దుల ప్రాణాలను కూడా కాపాడడం చాలా ఆకట్టుకుంటుంది. బ్రిటిష్ దొర నరసింహారెడ్డి సహచరుడికి గుండు కొట్టించి పంపించడంతో, ఆ బ్రిటిష్ దొరను టైము చెప్పి చంపుతానని శపధం చేసి మరి ఊరి ప్రజలు చూస్తుండగా అతనిని చంపే యాక్షన్ సన్నివేశాలు బాగుంటాయి.

ఉయ్యాలవాడ నరసింహారెడ్డి లక్ష్మికి ఇచ్చిన మాట తప్పడంతో, లక్ష్మి ఆత్మహత్య చేసుకోవడానికి ప్రయత్నించేటప్పుడు నరసింహారెడ్డి మాటలు ఆకట్టుకుంటాయి. ఆ మాటలు స్పూర్తితో లక్ష్మి ఉద్యమ స్ఫూర్తిని అందరిలో నింపుతూ, తమిళ ప్రజల వరకు ఉద్యమాన్ని తీసుకువెళుతుంది.

ఊరిబాగు కోసం యజ్ఙంలో భాగంగా సిద్దమ్మ చిన్ననాడే ఉయ్యాలవాడ నరసింహారెడ్డితో తాళి కట్టించుకుని, అతనే లోకంగా బ్రతకుతుంది. మరలా సిద్దమ్మ, ఉయ్యాలవాడ నరసింహారెడ్డి ఒక్కటవటం కూడా ఊరి కరువు తీర్చే యజ్ఙంలో భాగంగానే జరుగుతుంది. ఇంకా ఉద్యమం కోసం కూడా వారు విడివిడిగా జీవించడానికి ఇష్టపడతారు. వీరిద్దరి మద్య ఈ సన్నివేశాలే ఉన్నా అవి మనసుని స్పందింపజేస్తాయి.

క్లైమాక్స్ ఈ సినిమాకు ఆయువుపట్టు, మనం తలతిప్పుకోకుండా నిడివి ఎక్కువైనా ఆ ఎమోషనల్ సీన్స్ ను చూస్తూనే ఉంటాం. తెలుగువాడి పౌరుషం నయవంచనకు గురి అయ్యి, అతని తల తెంచి, కోటగుమ్మానికి వ్రేలాడదీస్తే, కంటతడిపెట్టని తెలుగువాడు ఉండడు.

సుదీప్ చేసిన పాత్ర చాలా చాలా బాగుంటుంది. చిరంజీవి గురువుగా అమితాబ్ నటన, తమన్నా పాత్ర ఆకట్టుకుంటే, ఒక స్వాతంత్ర్య పోరాటయోధునిగా మెగాస్టార్ చిరంజీవి పాత్రలో ఒదిగిపోయాడు.

సమాజానికి స్పూర్తినిచ్చే సినిమాలు సమాజంలో అవసరం అనే విషయం సామాజిక వేత్తల అభిప్రాయంగా కూడా ఉంది. అవును మంచి సినిమాల ద్వారా ఇచ్చే సందేశం, చారిత్రక సినిమాల ద్వారా ఇస్తే దాని స్పూర్తి ప్రభావం మరింత ఉంటుంది. అటువంటి చారిత్రక సినిమాను తీసిన రామ్ చరణ్, మెగాస్టార్ చిరంజీవి టీమ్ ని ఖచ్చితంగా అభినందించాలి.

దేశభక్తి సినిమా అంటే అందరిలో దేశభక్తుడుగా ఒక పెద్ద హీరో ఎలా నటించాడో అన్న ఆత్రుత ఉంటుంది. ఆంగ్లేయులపై తిరగబడ్డ తొలి భారతీయుడు అనగానే ఇంకా ఆసక్తి ఎక్కువగానే ఉంటుంది. అటువంటి ఉయ్యాలవాడ నరసింహారెడ్డి పాత్రలో కనిపించిన మెగాస్టార్ చిరంజీవి, ఉయ్యాలవాడ నరసింహారెడ్డికి సపోర్టు ఇచ్చిన మిగిలిన పాత్రలను వెండితెరపై చూడడానికి రివ్యూతో పనిలేకుండానే చూడాలనే ఆసక్తి అందరికీ ఉంటుంది.

కుటిల రాజకీయాలు చేస్తూ, భారతీయుల పౌరుష పరాక్రమాలను తమకు అనుకూలంగా మార్చుకునే బ్రిటిష్ పాలన, మనదేశాన్ని పట్టి పీడించింది. అట్టి పాలకులను ఎదురించిన మన భారతీయుల చరిత్రను తిరిగి తెరపై చూడడమంటే ఎంతో సంతోషం.

ఫిక్షన్ స్టోరి అయిన బాహుబలి సినిమాతో అంతర్జాతీయ ఖ్యాతిని పొందిన సాధించన తెలుగు సినిమా ఇండస్ట్రీనుండి వచ్చిన మరో భారీ ప్రొజెక్టు ఈ సినిమా. ఇప్పుడు చారిత్రాక అంశంతో వస్తున్న సైరా నరసింహారెడ్డి సినిమా అందరూ చూసి, మన దేశ చరిత్ర గురించి తెలుసుకోవాలి.

తెలుగురీడ్స్ మొబైల్ యాప్ డౌన్ లోడ్ చేయండి

కె.వి. రెడ్డిగారి దర్శకత్వంలో పెద్దమనుషులు

పెద్దమనుషులను చూడడానికి ఇక్కడ తాకండి

వాస్తవాలకు దూరంగా అవసరాలకు అనుగుణంగా మాట ఎలా మారుతుందో ఆలోచన చేస్తే, పెద్ద మనుషుల ప్రవర్తన, వారి మాటలు ఇంకెంతలాగా అవసరానికి అనుగుణంగా వాస్తవాలను దాస్తాయో పెద్దమనుషులు సినిమా చూస్తే అవగతమవుతుంది.

దర్శకులలో మేటి దర్శకుడుగా కీర్తిగాంచిన కె.వి.రెడ్డిగారు దర్శకత్వం వహించిన పెద్దమనుషులు చిత్రం. ఒక ఊరిలో పెద్దమనుషుల కుటుంబాలలో ఉండే స్థితిని, ఇంటిబయట వారికి సమాజంలో ఉండే స్థితిని చాలా చక్కగా ఈ చిత్రంలో కనిపిస్తుంది. బయట సన్మానాలు సత్కారాలు, వారి మాటకు తిరుగు ఉండదు, ఇంట్లో వారి మాటకు విలువ ఉండదు. సమాజంలో అవసరానికి దణ్ణం పెడితో, ఇంట్లో అవసరం ఉన్నా పట్టించుకోని బంధాలతో సాగే పెద్దమనుషుల కధే ఈ చిత్రం.

ఒక ఊరిలో అయిదుగురు పెద్ద మనుషులలో నలుగురు పెద్దమనుషుల జీవితం పైన వివరించనట్టే ఇంటాబయటా కూడా అలానే ఉంటుంది. అయితే అందులో అయిదో పెద్దమనిషి మాత్రం ఇంటా బయటా గౌరవం ఉంటుంది. ఇంకా అతని చెంత ధనం కన్నా ధర్మం ఎక్కువగా ఉంటుంది. ఆ కారణం చేత అతని బీద కుటుంబం అయినా ఓ మధ్యతరగతి పెద్దమనిషిగా ఇంటాబయటా సమాన గౌరవం పొందుతూ తనపని తాను చేస్తూ ఉంటాడు. అతని పేరే రామదాసు, అతను భార్య, గుడ్డి కూతురితో కలసి తాను నిర్వహిస్తున్న పత్రికా ప్రింటింగ్ ప్రెస్ తో కూడి ఉన్న ఇంటిలోనే నివాసం ఉంటారు.

అయితే ఈ రామదాసు మాత్రం ఆ ఊరి చైర్మెన్ అంటే అభిమానం, నమ్మకం మరియు గౌరవం ఇంకా స్వామి భక్తి ఎక్కువ. ఎందుకంటే రామదాసు ఆద్యర్యంలో ఒక శరణాలయం నిర్వహణ జరుగుతూ ఉంటుంది. అయితే ఆ బాధ్యతలో ఎక్కడా తప్పుడు లెక్కలు చూపించకుండా, వచ్చిన విరాళపు సొమ్ము అంతా శరణాలయానికే ఖర్చు చేస్తూ ఉంటాడు. కానీ చైర్మెన్ ఇతర సహచరులు అయిన పూజారి, వ్యాపారి, కాంట్రాక్టరుతో ఎంతోకొంత సొమ్మును ఎప్పటికప్పుడు చైర్మెన్ గారికి చాటుమాటున చేరవేస్తూ ఉంటారు. వీరు ముగ్గురు చేసే వారి వారి వృత్తులలో లాభాలు అక్రమమార్గంలో అర్జించి, వాటిలో వాటాను మాత్రం చైర్మెన్ గారికి ఇస్తూ ఉంటారు. ఇదంతా రామదాసుకు తెలియదు. ఇంకా రామదాసు విషయంలో చైర్మెన్ ఏది అడగడు, అతను చెప్పినదానికి సరేనంటూ పైకి నటిస్తూ ఉంటాడు. అందుకే రామదాసు తన పత్రికలో రామదాసుగారి ప్రజాసేవ గురించి గొప్పగా వ్రాస్తాడు.

చైర్మెన్ గారికి ఒక తమ్ముడు ఒక చెల్లెలు, అతని ఇంట్లోనే ఉంటారు. తమ్ముడు తిక్క శంకరం ఎప్పుడూ అన్నయ్యని అల్లరి చేస్తూనే ఉంటాడు. అతను మేక వన్నె పులిగానే వర్ణిస్తూ..ఉంటాడు. వాస్తవానికి తమ్ముడుని పిచ్చోడు అని ముద్ర వేసి, చెల్లిని ఒక ముసలోడికిచ్చి వివాహం చేసి, ఆస్తిని తమ్ముడికి, చెల్లెలకు పంచే అవకాశం లేకుండా చైర్మెన్ తగు జాగ్రత్తలతో ఆస్తిని కాపాడుకుంటాడు. మొత్తమ్మీద చైర్మెన్ పైకి పెద్దమనిషి, లోపల చిన్న మనిషి. చిల్లరకు చాటుమాటున చేయి చాస్తూ, పైకి పెద్ద పెద్ద దానాలు చేస్తూ ఉంటాడు. ఇంకా చైర్మెన్ గారి కొడుకు పట్నంలో వైద్య విద్యను అభ్యసిస్తూ ఉంటాడు.

చైర్మెన్ గారి అబ్బాయికి అతని బాబయి తిక్క శంకరం, పత్రికా సంపాదకుడు రామదాసు, అతని ఫ్యామిలి అంటే బాగా ఇష్టం. అతని మద్య మద్యలో ఊరికి వచ్చినప్పుడు రామదాసుగారింటికి వెళ్లి వస్తూ ఉంటాడు. ఆ క్రమంలోనే రామదాసు కూతురుకి కళ్ళ ఆపరేషన్ చేయించడానికి పూనుకుంటాడు. ఒక్కసారి పట్నం తీసుకుపోయి పరీక్షలు చేయించి తీసుకువస్తాడు కూడాను.

ఇదిలా ఉండగా చైర్మెన్ గారి కారు డ్రైవరు, చైర్మెన్ విధవ చెల్లెలతో సరసమాడుతూ కనబడతాడు. వెంటనే చైర్మెన్ తన దగ్గర ఉన్న తుపాకితో ఆ కారు డ్రైవరుని కాల్చి చంపుతాడు. అక్కడే ఉన్న రామదాసు, చైర్మెన్ గారి చేతిలో తుపాకి తీసుకుని, కారు డ్రైవరు దగ్గరకు పరుగు పరుగున వెళతాడు. అందరూ అక్కడికి చేరతారు, కారు డ్రైవరు రామదాసు చేతుల్లోనే కన్నుమూస్తాడు. అక్కడికి చైర్మెన్ కూడా వస్తాడు. అప్పటికే వచ్చిన పోలీసులు ఇది ఎలా జరిగిందని అడగడంతో, రామదాసు నేనే పొరపాటున పిట్టను కాల్చబోతే, అది ఇతనికి తగిలిందని సమాధానం చెబుతాడు. రామదాసుకు కోర్టు కొంతకాలం కారాగార శిక్ష విధిస్తుంది. జైలులో రామదాసుని కలసిన చైర్మెన్, తాను నిజం చెప్పి పోలీసులకు లొంగిపోతానని నంగనాచి వినయం ప్రదర్శిస్తాడు. రామదాసు అది నిజమనుకుని, మీరు ఎట్టి పరిస్థితులలోనూ నిజం చెప్పవద్దు అని, మీరు ప్రజాసేవ చేయాలని చెబుతాడు.

ఇక రామదాసు జైలుకెళ్లడంతో చైర్మెన్ సహచరుల అరాచకాలు ఎక్కువ అవుతాయి. అనాధ శరణాయం నుండి కూడా దోపిడి చేస్తూ ఉంటారు. ఇంకా రామదాసు కూతురు, చైర్మెన్ గారి అబ్బాయిని వల్లో వేసుకుందని, చైర్మెన్ గారికి మాటలు ఎక్కిస్తారు. తరువాత రామదాసు భార్యని, అతని గుడ్డి కూతురుని అవమానించడంతో వారు ఊరు వదిలి వెళ్లిపోతారు.

రామదాసు జైలు నుండి వచ్చాక వారి ఆరాచకాలకు ఏవిధంగా అడ్డు వచ్చాడు. వారిని భగవంతుడు ఏవిధంగా శిక్షించింది? తెరపై చూడాలి. ఇంకా రామదాసు కూతురు చైర్మెన్ గారి అబ్బాయి ఒక్కటవటంతో కధ సుఖాంతం అవుతుంది. తిక్క శంకరయ్య సన్యాసం స్వీకరించడంతో సినిమాకు ముంగింపు పలకుతారు కె.వి. రెడ్డిగారు.

ధన్యవాదాలు – తెలుగురీడ్స్ మొబైల్ యాప్ డౌన్ లోడ్ చేయండి

సైరా నరసింహారెడ్డి చిత్రం అంచనాలు ఆకాశంలోకి….

మెగాస్టార్ చిరంజీవి చారిత్రాత్మక పాత్రలో నటించిన చిత్రం, సైరా నరసింహారెడ్డి తెలుగు చలన చిత్రం. ఈ భారీ చిత్రాన్ని రామ్ చరణ్ నిర్మిస్తుండగా బాలీవుడ్, టాలీవుడ్ ప్రముఖులు ఈ చిత్రంలో నటిస్తుండడం విశేషం. ఈ చిత్రం టీజరుకు కూడా ఒక్కొక్క భాషకు, ఆయా భాషలలో టాప్ హీరోస్ వాయిస్ అందించడం దేశవ్యాప్తంగా మరింత ఆసక్తి పెరిగింది. భారీ నిర్మాణం, భారీ తారగణం, చారిత్రాత్మక కధ ఇలా చాలా విషయములతో సైరా నరసింహారెడ్డి చిత్రంపై అంచనాలు మరింత పెరుగుతున్నాయి.

బ్రిటీష్ వారిపై తొలి తిరుగుబాటు చేసిన భారతీయుడు అయిన ఉయ్యాలవాడ నరసింహారెడ్డి జీవిత చరిత్ర ఆధారంగా ఈ చిత్ర నిర్మాణం చాలా ప్రతిష్టాత్మకంగా రామ్ చరణ్ చేపట్టారు. భారీ అంచనాలు సృష్టించిన సైరా నరసింహారెడ్డి సినిమా ఆక్టోబర్ 2న గాంధీ జయంతి రోజున ప్రేక్షకుల ముందుకు రాబోతుంది.

ఇప్పటికే టీజరుతో ఆకట్టుకున్న సైరా నరసింహారెడ్డి సినిమా ట్రైలర్ ఈరోజున విడుదల అయ్యింది. తెలుగు టీజరుకు పవన్ అందించిన వాయిస్ అందరిలోనూ ఇంకా ఆసక్తిని పెంచింది.

ఈ క్రింది వచనం పాతది.

Megastar Chiranjeevi Syeraa Narasimhareddy Teaser Release సైరా నరసింహారెడ్డి మెగాస్టార్ చిరంజీవి కధానాయకుడుగా మెగాపవర్ స్టార్ రామ్ చరణ్ నిర్మిస్తున్న ప్రతిష్టాత్మక తెలుగు చలన చిత్రం. అంగ్లేయులపై తిరగబడ్డ తెలుగు బిడ్డ ఉయ్యాలవాడ నరసింహారెడ్డి జీవిత చరిత్ర ఆధారంగా తెరకెక్కుతున్న ఈ చిత్రంపై అంచనాలు రోజు రోజుకి పెరిగేల ప్రాచుర్యం పొందుతుంది. ఆగష్టు 22 అనగా చిరంజీవి పుట్టిన రోజు సందర్భంగా ఈరోజు విడుదల అయిన సైరా నరసింహారెడ్డి తెలుగు మూవీ టీజర్. ఇప్పటికే విడుదల అయిన సైరా నరసింహారెడ్డి పోస్టర్స్ అందరిని బాగా ఆకట్టుకున్నాయి, సోషల్ మీడియాలో సదరు చిత్రాలు ఎక్కువగా షేర్ అవుతుంటే, ఇప్పుడు ఈ చిత్రం టీజర్ మరింత ఉత్సుకతను పెంచాయి.

ఎప్పటికప్పుడు గంటలలో విడుదల అంటూ పోస్టర్లు సోషల్ మీడియాలో హాల్ చల్ చేసి అభిమానుల్లో ఆత్రుత పెంచి విడుదల సైరా నరసింహారెడ్డి టీజర్ అంచనాల ప్రకారం వీడియో వీక్షణ రికార్డులు సృష్టిస్తుంది. ప్రసిద్ద భారతీయ చలనచిత్ర నటులు అమితాబ్ బచ్చన్, జగపతి బాబు, అల్లు అర్జున్, కన్నడ నటుడు సుదీప్, నయనతార తదితరులు నటిస్తున్న ఈ చిత్రంపై సర్వత్రా ఆసక్తి సృష్టిస్తుంది. సినిమా టీజర్ ఇంకా చిత్రంపై అంచనాలు భారీగా పెంచుతుంది. ‘Megastar Chiranjeevi Syeraa Narasimhareddy Teaser Release’

మీడియాలో వచ్చే విషయాల్లో విశేషం ఎక్కువ చలన చిత్రాల గురించే ఉంటే, ఇక మెగాస్టార్ చిత్రమంటే మరింత ఆసక్తి కలుగుతుంది. అభిమానుల్లో అంచనాలు పెంచేస్తున్న సైరా నరసింహారెడ్డి టీజర్ అందరిని ఆకట్టుకుంటుంది. చిరంజీవి 151వ చిత్రంగా వస్తున్న ఈచిత్రం టీజర్ ఆయన అభిమానులే కాకుండా అందరిని ఆకర్షించే విధంగా ఉండి, యూట్యూబ్లో లక్షల వీక్షణాలతో సంచలనం సృష్టిస్తుంది.
బాలీవుడ్ సంగీత దర్శకుడు అమిత్ త్రివేది సంగీతం అందిస్తుండగా సురేందర్ రెడ్డి దర్శకత్వం వహిస్తున్నారు. “Megastar Chiranjeevi Syeraa Narasimhareddy Teaser Release” ఉదయం 11.౩౦ నిమిషాలకి రామ్ చరణ్ నాయనమ్మగారి చేతుల మీదుగా విడుదల అయ్యి యూట్యూబ్లో అధిక వీక్షణలకు సాగుతుంది.

ధన్యవాదాలు

బలరామకృష్ణులు తెలుగుచిత్రం – పల్లెటూరి బంధాలు

బలరామకృష్ణులు తెలుగుచిత్రం – పల్లెటూరి బంధాలు చక్కగా చూపుతుంది. బలరామకృష్ణులు సినిమా చూడడానికి ఇక్కడ తాకండి

బలరామకృష్ణులు అలంపురం ఊరిలో ఇద్దరి అన్నదమ్ముల మద్య జరిగే కధలో ఒక యువజంట ప్రేమాయణం ఈ చిత్ర కధ. బలరామయ్య(శోభన్ బాబు) – కృష్ణమూర్తి(కృష్ణమూర్తి) అన్నదమ్ములు అయితే తండ్రి ఒక్కరే తల్లులు వేరు. కృష్ణమూర్తికి ఒక చెల్లెలు (కల్పన). మొదట్లో ఇద్దరు అన్నదమ్ములు చెల్లెలతో సంతోషంగా ఉన్నట్టు, గిట్టనివారు చెప్పుడు మాటలతో బలరామయ్య, తన తమ్ముడుని, చెల్లెల్ని దూరంగా పెట్టినట్టు చిత్ర ప్రారంభంలోనే రమ్యకృష్ణ ద్వారా తెలియజేస్తారు. బలరామయ్యకు పెళ్లీడుకొచ్చిన పూజ అను కూతురు ఉంటుంది.

వీర శివాజీ(జగపతిబాబు) పనికోసం అంటూ తన మేనమామ అయిన కృష్ణమూర్తి దగ్గరికి చేరతాడు. ఇద్దరి అన్నదమ్ముల మద్య చిచ్చు పెట్టే వ్యక్తిగా చెడిపోయిన కొడుకుకు తండ్రిగా చింతామణి (గొల్లపూడి మారుతీరావు) నటిస్తే, చింతామణి కొడుకుగా అంతర్వేది (తనికెళ్ల భరణి) నటించారు. అలంపురంలో సారాకొట్టు పెట్టి తీరాలని బావించే వ్యక్తిగా ఉగాది (రామిరెడ్డి) నటించారు. బలరామకృష్ణులు తెలుగుచిత్రం – పల్లెటూరి బంధాలు గురించి చదండి.

ఊరిపెద్దగా ఉండే బలగం బలరామయ్య అంటే ఆఊరి వారికి శాసనం అలాగే తమ్ముడు కృష్ణమూర్తికి కూడా బలరామయ్య అంటే ఎనలేని ప్రేమ. అన్న ద్వేషిస్తున్న, అన్న కుటుంబ క్షేమం కోసం ఆలోచించే వ్యక్తి కృష్ణమూర్తి నడుచుకుంటాడు. అయితే బలరామయ్య తన కూతురు పూజ-శివాజీల ప్రేమగురించి తెలిసి కోపంతో, తన కూతురు పూజని నీచుడు అయిన చింతామణి కొడుకు అంతర్వేదితో చేయాలని నిశ్చయం చేస్తాడు.

పూజ-శివాజీ ప్రేమ గురించి పూర్తిగా అవగాహన ఉన్న కృష్ణమూర్తి, వారి వివాహం చేయదలుస్తాడు. చివరికి శివాజీ-పూజల ప్రేమ ఎలా ఫలించింది? అన్నదమ్ములను చివరికి ఎలా ఒక్కటి అయ్యిందీ? చిత్రం చూసే కొలది ఆసక్తిగా ఉంటుంది. రాజశేఖర్ – రమ్యకృష్ణల కెమిష్ట్రి ఈచిత్రానికి బాగా ప్లస్ పాయింట్. శోభన్ బాబు-శ్రీవిద్య, జగపతిబాబు, గొల్లపూడి, తనికెళ్లభరణి నటన చిత్రకధను పట్టుతో నడిపిస్తాయి. బలరామకృష్ణులు తెలుగుచిత్రం – పల్లెటూరి బంధాలు పండించిన తెలుగు పాత సినిమా

తెలుగురీడ్స్

విక్టరీ వెంకటేష్ విభిన్న పాత్రలు

యూట్యూబ్ వచ్చాక మనకు నచ్చినా లేక మనం మెచ్చి ఎంపిక చేసుకున్న సినిమాలో స్మార్ట్ ఫోనులో కానీ లాప్ టాపులో కానీ చూడడానికి అవకాశం వచ్చింది. ఎక్కువగా కొత్తసినిమాలలో సమాజంలో ఉండే ట్రెండు, యూత్ ఆకర్షితులయ్యే విషయాల గురించే ఎక్కువగా ఉండడం లేదా ఏదైనా అసాధారణ సంఘటనల ఆధారంగా వస్తూ ఉంటాయి. అయితే ఇప్పటి ట్రెండును బట్టి వచ్చేసినిమాలో అందరికీ నచ్చకపోవచ్చును. ఎందుకంటే, సమాజం విభిన్న సంస్కృతులు, భిన్న మతాలు అలాగే భిన్నమైన తరాలు కలిపి ఉంటుంది. విక్టరీ వెంకటేష్ విభిన్న పాత్రలు

యూత్ ఇప్పటి తరం అయితే, మద్యవయస్సువారు నిన్నటితరం అయితే, ముదుసలివారు మొన్నటి తరం అయితే, సమాజం మూడుతరాలతో కలిసి ఉంటుంది. మూడు తరాలను మెప్పించే చిత్రాలు ఇప్పుడు వస్తున్న అన్ని చిత్రాలకు అసాద్యమే అవుతుంది. చిత్రవిచిత్రమైన విషయాలతో సాగే చలనచిత్రాలు సమాజంలో సగటు వ్యక్తి చిత్తముపై ప్రభావం చూపుతాయి. అలనాటి పాతచిత్రాలకు అభిమానులు కూడా మనకు ఎక్కువగానే ఉంటారు, అటువంటివారు యూట్యూబ్ ద్వారా పాతచిత్రాలను వీక్షించడానికి అవకాశం ఉంది.

స్మార్ట్ ఫోను కూడా పెద్దతెరను కలిగి ఉండడం వలన స్మార్ట్ ఫోనులోనే యూట్యూబ్ సినిమాలను వీక్షించడానికి అవకాశం ఉంది. అలాగే ఇప్పటి సాంకేతిక ట్రెండుననుసరించి స్మార్ట్ టివీల వాడకం కూడా పెరుగుతుంది. పాతటీవిల స్థానంలో స్మార్ట్ టివీల వినియోగం పెరగుతుంది. కారణం స్మార్ట్ టివీలలో కూడా బడ్జెట్ టివీలు రావడం కావచ్చు. ఏదైనా యూట్యూబ్ ద్వారా పాతచిత్రాలను ఎంపికచేసుకుని చూడడానికి అవకాశం ఉంది. విక్టరీ వెంకటేష్ విభిన్న పాత్రలు

విక్టరీ వెంకటేష్ విభిన్న పాత్రలు

సంక్రాంతి సినిమా చూడండి యూట్యూబ్ ద్వారా కోటిమంది ఈ చిత్రాన్ని చూశారు, అంటే ఫ్యామిలి విలువలను తెలియజేసే ఈ చిత్రాన్ని కోటిమంది చూడడం అంటే, కుటుంబవిలువలను గూర్చి తెలియజెప్పే చిత్రాలను ఆదరించడంలో ధియేటరకు వెళ్లి చూసే ప్రేక్షకులే కాకుండా, సోషల్ మీడియా ప్రేక్షకులు కూడా పెద్దపీట వేస్తున్నారు. సహజంగా సంక్రాంతి పండుగ కుటంబం అంతా కొత్త బట్టలు ధరించి, కొత్త వంటకాలు చేసుకుని, బంధువులను ఇంటికి ఆహ్వానించి, సంతోషంగా కుటుంబం అంతా గడిపే పండుగుగా ఉంటే, ఈ సంక్రాంతి సినిమా మాత్రం ఉమ్మడి కుటుంబంలో ప్రతిరోజు సంక్రాంతే అంటుంది.

చిన్న కుటుంబంలోకి చుట్టాలు వస్తే, ఆకుటుంబంలో ఆరోజు పండుగ వాతావరణం కనబడుతుంది. మరి ఉమ్మడి కుటుంబం అయితే, రోజు ఎక్కువమంది కలసి ఉండేవారు ఉండడం, రోజూ ఎవరో ఒకరి తరపు బంధువులు చుట్టపుచూపుకు ఇంటికి రావడం ఉంటే, ఆకుటుంబంలో రోజు పండుగా వాతావరణమే. వెంకటేష్, శ్రీకాంత్, శివబాలాజీ, స్నేహ, ఆర్తిఅగర్వాల్, సంగీత, శారద, చంద్రమోహన్ తదితరులు నటించిన సంక్రాంతి సినిమా, ఉమ్మడి కుటుంబంలో ఒకరిపైఒకరికి అవగాహన ఉంటే ప్రతిరోజూ సంక్రాంతే అంటుంది. సంక్రాంతి సినిమా యూట్యూబ్ ద్వారా చూడడానికి ఈ క్రింది వీడియోపై టచ్ చేయండి.

అమ్మను మించిన దైవమున్నదా అన్నట్టుగా అమ్మపై అంతులేని అభిమానాన్ని పెంచేసుకున్న పెంపుడు కొడుకుపై కపటప్రేమను చూపుతూ ఉండే తల్లి, ఆ ఇద్దరికి ఒకరికి భార్యగా, మరొకరికి కోడలుగా తెలివైన అమ్మాయితో సినిమా సన్నివేశాలు ఆకట్టుకుంటాయి. ఈ చిత్రం సెంటిమెంటు సన్నివేశాలతో బాటు, హాస్యసన్నివేశాలు కూడా ప్రేక్షకులను ఆకట్టుకుంటాయి. కధలో పట్టులేకపోతే ఆదరించని సమయంలో, మంచి కుటుంబకధాచిత్రంగా అందరిని ఆకట్టుకున్న తెలుగుచలనచిత్రం. సంక్రాంతి అంటే పైన ఉన్న పెద్దరికం నుండి ఆశీస్సులను పొందే పండుగ అయితే, ఈచిత్రంలో విషం ఇచ్చిన అమ్మలో కూడా అమ్మ ఆశీర్వాదాన్నే చూసిన ఉత్తమ భారతీయ కొడుకుగా అబ్బాయిగారు చిత్రం ఉంటుంది.

విక్టరీ వెంకటేష్ విభిన్న పాత్రలు

ధర్మచక్రం తెలుగు చలనచిత్రం తండ్రి దుర్మార్గానికి బలైన ఒక వ్యక్తికధ, కొన్ని చిత్రాల విశ్లేషణ కన్నా చూసి, తెలుసుకోవడమే బాగుంటుంది. అటువంటి చిత్రంగా ధర్మచక్రం తెలుగుచలనచిత్రం కూడా. తల్లితర్వాత కొడుకుకు తండ్రి మార్గదర్శకుడు అవుతాడు, అయితే ఈ ధర్మచక్రం సినిమాలో తండ్రి దుర్మార్గుడు, తల్లిదేవత, కొడుకు ఉత్తమ లక్షణాలను కలిగి ఉన్నవాడు. అటువంటి తల్లిదండ్రులకు, వారి యొక్క కొడుకు మద్య జరిగే సంఘర్షణ ఈచిత్రంలో కనబడుతుంది.

శోభన్ బాబు సోగ్గాడు

సోగ్గాడ్ సినిమా చూడడానికి ఇక్కడ తాకండి

శోభన్ బాబు, జయచిత్ర, జయసుధ జంటగా నటించిన తెలుగుచలనచిత్రం సోగ్గాడు చిత్రానికి బాపయ్య దర్శకుడు. Shobhanbabu Jayachitra Jayasudha Soggadu Telugu old movie. పొలం పని చేస్తూ పల్లెటూరిలో నివసించే శోభనాద్రి ఆ ఊరిలో సోగ్గాడుగా ప్రసిద్ది. అతని మామ పరమేశం (అల్లు రామలింగయ్య) కూతురు సరోజ(Jayasudha), శోభనాద్రి ఒకరినొకరు ఇష్టపడతారు. అయితే సరోజ పెద్ద చదువు పట్నంలో పూర్తి చేసుకుని, తిరిగి ఊరికి వచ్చాక, శోభనాద్రి (Shobhan babu)ఊరి పెద్దలతో అతని మామ పరమేశం ఇంటికి పెళ్లి సంబంధం మాట్లాడడానికి వస్తారు. సరోజ తండ్రి పరమేశం పట్నంలో చదువుకున్న నా కూతురుని పొలం పనులు చేసుకునే నీకు ఇచ్చి పెళ్లి చేయనని చెబుతాడు.

పరమేశం శోభనాద్రి – సరోజ(Jayasudha)ల పెళ్లి ప్రస్తావన కాదనడమే కాకుండా, నలుగురి ముందు నీలా మట్టి పిసుక్కోనేవాడిని ఏ అమ్మాయి పెళ్లి చేసుకోదని హేళనగా మాట్లాడతాడు. సోగ్గాడికి కోపం వచ్చి నీ కూతురు కంటే అందమైన చదువుకున్న అమ్మాయినే వివాహం చేసుకుంటానని చాలెంజ్ చేస్తాడు. తోటివారి ప్రోద్బలంతో ఒక్కడే పట్నం బయలుదేరతాడు, సోగ్గాడు శోభనాద్రి (Shobhanbabu). ‘Shobhanbabu Jayachitra Jayasudha Soggadu Telugu’

మరోప్రక్క జమిందారీ కుటుంబంలో పుట్టి పెరిగిన లత(JayaChitra)కి, తన మేనమామ భూపతి అంటే ఆమెకి మహాభయం. ఆ జమీను అంతటికి లత వారసురాలు కావడం వలన, లతని భూపతి (Satyanarayana)పెళ్లి చేసుకుని, ఆమె ఆస్తిని చేజిక్కించుకోవాలని అనుకుంటాడు. లతను చేసుకోవడానికి ఎవరూ ఇష్టపడడం లేదని, కావునా లతని నేనే పెళ్లి చేసుకుంటానని, భూపతి లత(JayaChitra) తల్లితో చెప్పి, పెళ్లి ముహూర్తం పెట్టిస్తాడు. సరిగ్గా పెళ్లి సమయానికి, పెళ్లికూతురుగా అలంకరించబడిన లత పట్నం పారిపోతుంది, ప్రసాదు సహాయంతో.

తన మామ కూతురు సరోజ కన్నా అందమైనా, చదువుకున్నా అమ్మాయి కోసం పట్నం బయలుదేరిన శోభనాద్రి, మేనమామతో పెళ్లి ఇష్టం లేని లత హైదరాబాదుకి ఒకే రైలులో ప్రయాణం చేస్తారు. హైదరాబాదు చేరుకున్న శోభనాద్రి, సన్యాసిరావు ద్వారా ఒక లాడ్జిలో దిగుతాడు. ప్రసాదు(Giribabu) తో రైలులో హైదరాబాదుకు బయలుదేరిన నగలు ధరించి ఉన్న లత(JayaChitra), రైలు హైదరాబాదు చేరుకునే సమయానికి ఒంటరిగా మిగులుతుంది.

Lata (JayaChitra) Shobhanadri (Shobhan Babu) Marriage in Lodge – Soggadu Movie.

శోభనాద్రిని హోటలుకి చేర్చిన సన్యాసిరావు మరలా లతని కూడా అదే హోటలుకు చేరుస్తాడు. శోభనాద్రి, లతలు ఒకే గదిలో చేరతారు, సన్యాసిరావు వలన. రైలులో లత నగలుతో ఊడాయించిన ప్రసాదు అదే హోటల్లో వేరే అమ్మాయితో లతకి కనబడతాడు. ఆ విషయం లత, శోభనాద్రికి చెప్పగానే, సోగ్గాడు శోభనాద్రి(Shobhan Babu) ప్రసాదుకి బుద్ది చెప్పి లత నగలను ప్రసాదు దగ్గర నుండి తిరిగి లతకి ఇప్పెస్తాడు. Shobhanbabu Jayachitra Jayasudha Soggadu Telugu

లత-శోభనాద్రిలు ఒకరంటే ఒకరు ఇష్టపడి, ఊరికి వెళ్లగానే పెళ్లి చేసుకునే ఉద్దేశ్యంతో, పెళ్లి సామానులు హోటల్ రూముకి తెచ్చుకుంటారు. అయితే ఆ హోటలుకి పోలీసులు రావడం వలన, అదే హోటల్లో లత మెడలో తాళి కట్టేస్తాడు, సోగ్గాడు శోభనాద్రి. ఇద్దరూ కలసి లత ఇంటికి వెళతారు. అక్కడ లత తల్లి వారిని ఆదరించినా, మోసగాడు అయిన లత(Jayachitra) మేనమామ, శోభనాద్రిని పోలిసులకు పట్టిస్తాడు.

దుర్మార్గుడు అయిన భూపతి, లత జీవితంలోనే కాకుండా, గతంలో శోభనాద్రి తల్లి జీవితంలో కూడా దుర్మార్గంగా నడుస్తాడు. జైలునుండి ఇంటికి తల్లి దగ్గరికి వచ్చిన శోభనాద్రి, తన తల్లి గతం తెలుసుకుని, కోపంతో రగిలిపోతాడు. దానికి తోడు భూపతి మోసం వలన లత-శోభనాద్రిల పెళ్లి చెల్లదని కోర్టు తీర్పు ఇస్తుంది. ఎలాగైనా లత(JayaChitra) ఆస్తిని కాజేయాలని భూపతి దుర్మార్గపు పధకాలు వేస్తూ ఉంటాడు.

గతంలో సోగ్గాడి శోభనాద్రి తండ్రిని చంపి, శోభనాద్రి తల్లి అయిదోతనాన్ని దూరం చేసిన భూపతి, ఇప్పుడు శోభనాద్రి భార్య లత జీవితానికి కూడా ప్రమాదంగా మారిన భూపతి ప్రోద్బలం పలన పరమేశం పధకం, అతని కూతురు సరోజ ప్రాణాలు తీస్తుంది. చెడుకు దగ్గరగా చేరితే, చెడు చేసే దారుణం ఎంత ప్రమాదకరమో పరమేశం జీవితం ఈచిత్రంలో కనబడుతుంది.

ఆస్తి కోసం మనిషి ప్రాణాలు తీసే భూపతిని శోభనాద్రి అంతం చేయడంతో ఈ చిత్రం ముగుస్తుంది. భూపతి, శోభనాద్రి తండ్రి ప్రాణాలు ఎలా తీసాడో, అదే విధంగా శిక్షింపబడి, చివరికి శ్రీకృష్ణ జన్మస్థానానికి వెళతాడు. రైతు పండించిన అన్నం తింటూ రైతులను పీడింపచేసే భూపతికి దగ్గరగా, ఊరి పెద్దగా ఉన్న పరమేశం జీవితంలో కూతురుని కోల్పోయాక సోగ్గాడిలాంటి రైతు విలువ ఏమిటో తెలుసుకుని, భూపతి గురించి పోలిసులకు తెలియజేస్తాడు. రైతులను, మంచివారిని పీడించిన భూపతి జైలుకు వెళితే, భూమిని నమ్ముకున్న సోగ్గాడు బంధువర్గంతో సంతోషంగా ఉండటం చిత్ర కధ ముగుస్తుంది.

లతగా నటించిన జయచిత్రకు తెలుగులో తొలి చిత్రం. శోభన్ బాబుకు, జయసుధకు, జయచిత్రకు మంచి విజమవంతమైన తెలుగుచలనచిత్రం. “Shobhanbabu Jayachitra Jayasudha Soggadu Telugu”

ధన్యవాదాలు
తెలుగురీడ్స్

అప్పుచేసిపప్పుకూడు తెలుగు పాత చలనచిత్రం

అప్పు చేసి పప్పు కూడు సినిమా చూడడానికి ఇక్కడ తాకండి

Appu Chesi Pappu Kudu Telugu 1959 Old Movie విజయ ప్రొడక్షన్స్ పతాకం పై ప్రసాద్ దర్శకత్వంలో వచ్చిన ఈ చిత్రంలో NT రామరావు, SV రంగారావు, సావిత్రి, కొంగర జగ్గయ్య, జమున, చిలకలపూడి సీతారామాంజనేయులు, రేలంగి వెంకటరామయ్య, గిరిజ, అల్లు రామలింగయ్య, ముక్కామల, రమణారెడ్డి, సూర్యకాంతం, తదితరులు నటించారు.

అప్పుచేసి పప్పుకూడు పరపతిని ఉపయోగించుకుని అప్పులు చేసే వ్యక్తి, ఆ అప్పులు తీర్చడానికి ఎన్ని ఇబ్బందులు గురి అవుతారో ఎందరి జీవితాలతో అడుకుంటారో ఈ చిత్రం ద్వారా కనబడుతుంది. రావు బహద్దూర్ రామదాసు పరపతితో అప్పులు చేయడం, ఇంకా తన కోడలుని కాదని ఇంకో జమిందారి సంబంధం కోసం ప్రాకులాడడంతో మొదలయ్యే చిత్రం, దివాన్ బహద్దూర్ ముకుందరావు తన మనవరాలికి మహారాజాతోనే పెళ్లి చేయాలనీ భావించండంతో చిత్రకధ అనేక మలుపులు తిరుగుతుంది. ‘Appu Chesi Pappu Kudu Telugu 1959 Old Movie’.

రావు బహుద్దూర్ రామదాసు జమిందారు అయితే నిండా అప్పుల్లో మునిగి ఉంటాడు. అతనికి ఒక రఘు అనే కొడుకు, పట్నంలో చదువు కుంటూ ఉంటాడు. రావు బహుద్దూర్ రామదాసు కింద గుమస్తాగా భజగోవిందం పని చేస్తూ ఉంటాడు. అయితే రావు బహుద్దూర్ రామదాసు తన కొడుకు రఘు రాజారావు చెల్లెలు లీలతో వివాహం జరిగి ఉంటుంది, అయితే విదేశాలకు చదువు నిమిత్తం రఘు, ఉద్యమంలో భాగంగా రాజారావు జైలు కి వెళ్ళినప్పుడు, డబ్బుపై పేరాశతో రావు బహుద్దూర్ రామదాసు లీల ఇంటినుండి గెంటివేస్తాడు. తరువాత లీల చనిపోయిందని విదేశాల్లో ఉన్న రఘుకి చెబుతాడు. అంతేకాకుండా సాటి జమిందారు అయిన దివాన్ బహుద్దూర్ ముకుందరావు మనవరాలు మంజరికి ఇచ్చి పెళ్లి చేస్తే వచ్చే సొమ్ముతో బాకీలు తీర్చివేయవచ్చు అని భావిస్తాడు.

భజగోవిందం, రాజారావు కలసి వేసే వేషాలతో కధకు ముగింపు

అలాగే దివాన్ బహుద్దూర్ ముకుందరావు దగ్గర పనిచేసే గుమస్తాకి రావు బహుద్దూర్ రామదాసు లంచం ఇచ్చి సంబంధం ఖాయం చేసేవిధంగా చూడమాని చెబుతాడు. స్వతంత్ర సమరంలో జైలుకి వెళ్లి జైలు నుండి విడుదల అయిన రాజారావు వచ్చేటప్పటికి భజగోవిందం, మంజరి జరిగిన విషయాలు రాజారావుకి చెబుతారు. ఇంటినుండి గెంటివేయబడిన లీలని మరల రామదాసు ఇంటిలో తీసుకువస్తాడు, రాజారావు. సుగుణవతి అయిన లీలని ఇంట్లో పని మనిషిగా అయితే ఉండు, నా ఇంటికోడలుగా కాదు అని ఒప్పిస్తాడు. రావు బహద్దూర్ రామదాసు. రావు రామదాసు గారికి గుణపాఠం చెప్పడానికి, మంజరి, లీలల జీవితాలను కాపాడడం కోసం రాజారావు ఒక జమిందారు గా వేషం వేసుకుని దివాన్ బహద్దూర్ ముకుందరావు గారి ఇంటికి వస్తాడు. విదేశాల నుండి రఘు చదువులు పూర్తీచేసుకుని వస్తాడు. రఘు వచ్చాక అతని భార్య అయిన లీలని పనిమనిషిగా పరిచయం చేస్తాడు. Appu Chesi Pappu Kudu Telugu 1959 Old Movie

కానీ ఆ పని మనిషే లీల అని రఘు తరువాత తెలుసుకుని, తను కూడా ఆ విషయం తెలియనట్టే రావు బహద్దూర్ రామదాసు దగ్గర నటిస్తూ ఉంటాడు. అయితే రాజారావు ఆడుతున్న రాజావారి నాటకం తెలుసుకున్న రావు బహద్దూర్ రామదాసు రాజారావు చెల్లెలుని తీసుకువచ్చి బెదిరించి, జమిందారు దగ్గర నుండి దివాన్ బహద్దూర్ దగ్గర నుండి పంపించేస్తాడు. అలాగే రావు రామదాసు దివాన్ బహద్దూర్ ముకుందరావు దగ్గరికి వచ్చి అతని మనవరాలు మంజరిని తన కొడుకు రఘుకి ఇచ్చి చేయమని, లేకపోతే దొంగ రాజాని ఇంట్లో పెట్టుకొని నాటకం సంగతి కోసం నలుగురి చెప్పి మనవరాలి మంజరి పెళ్లి జరగనివ్వనని బెదిరిస్తాడు. Appu Chesi Pappu Kudu Telugu 1959 Old Movie

ఇక భజగోవిందం సూచనతో రాజరావు మరలా సన్యాసి వేషం వేసి, దివాన్ బహద్దూర్ ముకుందరావు దగ్గరికి చేరతాడు. రాజారావుతోబాటు భజగోవిందం కూడా సన్యాసి వేషంతో రావు బహద్దూర్ రామదాసు ఆటలకు చెక్ పెడతారు. చివరికి లీల-రఘు, ఉష-భజగోవిందం, మంజరి-రాజారావు జంటలుగా పెద్దలు అంగీకరించడంతో చిత్రం ముగుస్తుంది. “Appu Chesi Pappu Kudu Telugu 1959 Old Movie”. దురాశ దుఃఖానికి చేటు, అయితే అయినవారి చొరవతో పెడదారి సరిచేయబడితే బుద్ది తెచ్చుకున్న ఒక పెద్దమనిషిచేత ప్రభావితమైనవారు వేసే వేషాలు ఈ చిత్రంలో ఆకట్టుకుంటే, పాటలు కూడా బాగుంటాయి.

ధన్యవాదాలు
తెలుగురీడ్స్

కలసి ఉంటే కలదు సుఖం తెలుగు చలన చిత్రం

కలిసి ఉంటే కలదు సుఖం సినిమా చూడడానికి ఇక్కడ తాకండి

కలసి ఉంటే కలదు సుఖం నందమూరి తారకరామారావు సావిత్రి జంటగా నటించిన కుటుంబ కధా చిత్రం. తెలుగు చిత్రాలలో కుటుంబ విలువలను అందులోను ఉమ్మడి కుటుంబ విలువలను గూర్చి చక్కగా చెప్పే పాత చిత్రాల్లో కలసి ఉంటే కలదు సుఖం ఒక మంచి చిత్రంగా ఉంది. స్వర్గీయ ఎన్టిఆర్ సావిత్రల కలియకలో ఎస్వి రంగారావుగారు, సూర్యకాంతం, రేలంగి తదితరుల అద్బుత నటనతో చిత్రం కుటుంబ ప్రేక్షకులను ఆకట్టుకుంది. NTR Savitri Kalasi Unte Kaladu Sukham Telugu Chitram Ummadi kutumbamlo bandhalu gurinchi venditerapai veligina chitrarajamu. ముద్దబంతి పూలు పెట్టి, మొగలి రేకులు జడను అంటూ సాగే పాట సూపర్ హిట్ సాంగ్. శ్రీ సారది స్టూడియోస్, బ్యానర్ పై రామరావు, రేలంగి, ఎస్విఅర్ సావిత్రి, గిరిజ హేమలత, రమాదేవి తదితరులు నటించిన తెలుగు చలనచిత్రం కలసి ఉంటే కలదు సుఖం చిత్రానికి తాపి చాణుక్య దర్శకత్వం వహించారు. ‘NTR Savitri Kalasi Unte Kaladu Sukham Telugu Chitram

రైతు సోదరులు పట్టాభిరామయ్యా, సుందరయ్య ఇద్దరూ ఒకే కుటుంబంగా వస్తున్న సంప్రదాయం ప్రకారం ఒకే ఇంట్లో పెళ్ళిళ్ళు అయ్యాక కూడా కలిసే ఉంటారు. పట్టాభిరామయ్య(SV Rangarao) భార్య పేరు సౌభాగ్యం (Suryakantam), సుందరయ్యా భార్యపేరు రమణమ్మ. అయితే పట్టాభిరామయ్య-సౌభాగ్యంలకు పిల్లలు పుట్టరు, కానీ తమ్ముడు సుందరయ్యా – రమణమ్మలకు ఇద్దరు మగసంతానం ఉంటుంది. అయితే పెద్ద కుమారుడు బాల్యంలో గాలిపటం కోసం కరెంటు స్థంభంపైకి ఎక్కి గాలిపటం పట్టుకోబోయి కరెంటు వైర్ పట్టుకోవడంతో ఆ బాలుడికి కరెంటు షాక్ వలన చేయి అవిటిగా మారుతుంది, ఆ బాలుడు పేరు కిష్టయ్య(NT Ramarao), మనసు బంగారంగా ఉంటుంది. కిష్టయ్యకి అతని కుటుంబ సభ్యులు అంటే మహా అభిమానం. అతనికి అమ్మ నాన్నలకు తోడు పెదనాన్న, పెద్దమ్మ ఒకే కుటుంబంలో ఉంటారు. అలాగే అతనికి ఒక తమ్ముడు మధు(Haranath) పట్నంలో చదుకుకుంటూ ఉంటాడు.

అనాదిగా వస్తున్న కుటుంబ సంప్రదాయంలో రంగూన్ నుండి వచ్చి చిచ్చు పెట్టిన రాజా

రమణమ్మ, సుందరయ్య, పట్టాభిరామయ్య (SV Rangaro), కిష్టయ్య(NT Ramarao) సౌమ్యంగా ఉంటే, సౌభాగ్యం మాత్రం కటువు మాటలతో గయ్యాళిగా ఉంటూ ఉంటుంది. సంక్రాంతి పండుగకు పట్టాభిరామయ్య అందరికి కొత్తబట్టలు కొని కుటుంబ సభ్యుల అందరికి ఇస్తాడు. తరువాత సంతకి వెళ్ళిన రమణమ్మకి సంతలో ఒక అనాధ అమ్మాయి కనబడుతుంది, పేరు రాధా (Savitri), ఆమెను తోడ్కొని ఇంటికి తీసుకువస్తుంది రమణమ్మ, పట్టాభిరామయ్యకి చెప్పి ఆమెను ఇంట్లోనే పెట్టుకుంటారు. సౌభాగ్యం అన్నగారి సంతానం అయిన  కొడుకు రంగూన్ రాజ (Relangi Narasimharao), కూతురు జానకి (Girija) ఇద్దరు అన్నాచెల్లెళ్ళు పట్టాభిరామయ్య ఇంటికి వస్తారు. అప్పటిదాకా ఒక సౌభాగ్యం తప్ప మిగతా అందరి సభ్యులతో ప్రశాంతతో కూడిన కుటుంబంలో ముసలం వచ్చినట్టుగా ఉంటుంది. NTR Savitri Kalasi Unte Kaladu Sukham Telugu Chitram.

పట్టాభిరామయ్య తన తమ్ముడి కొడుకు అయిన మధు(Haranath)కు పెళ్లి సంభందం తమ్ముడి సమక్షంలోనే ఖాయం చేస్తాడు. మధు(Haranath) పట్నం నుండి ఇంటికి రాగానే, పెళ్లి చేసేయాలని భావిస్తారు పట్టాభిరామయ్య, సుందరయ్యాలు. అయితే రంగూన్ రాజా(Relangi) వచ్చి రాగానే అత్తయ్య సౌభాగ్యంకు వేరు సంసారాల గురించి, పాశ్చాత్య దేశాల సంస్కృతి గురించి గొప్పగా చెబుతూ, సౌభాగ్యం(Suryakantam) మనసుపై ప్రభావం కల్పిస్తాడు. అయితే అతని ప్రవర్తనతో పట్టాభిరామయ్య, కిష్టయ్య, రాధలకు ఇబ్బందిగా ఉంటుంది. రమణమ్మ సుందరయ్యాల చిన్నకొడుకు మధు(Haranath) పట్నం నుండి ఇంటికి వస్తాడు. రంగూన్ రాజ చెల్లెలు జానకి (గిరిజ)ని చూసి మధు ఇష్టపడతాడు, ఇక ఇద్దరికి ఇష్టం కుదిరి, పెళ్లి చేసుకోవాలని అనుకుంటారు. అలాగే జరగాలని కోరుకునే సౌభాగ్యం (Suryakantam), రంగూన్ రాజా(Relangi) లు వారి చేతుల మీదుగానే పట్టభిమరామయ్య– సుందరయ్యాలను విడదీస్తారు. అస్తిపంపకాలు జరిపించి, ఇంటి మద్యలో గోడ కట్టిస్తారు.

జానకి-మధు, రాధా-కిష్టయ్యల వివాహాలు కష్టాలతో

తరతరాలుగా కలసి ఏకకుటుంబంగా వస్తున్న అన్నదమ్ముల సంప్రదాయం, కుటుంబ ఆచారాలు పాటించే కుటుంబం ఇప్పుడు రంగూన్ రాజా మాటలకూ తలవంచిన సౌభాగ్యం వలన విడిపోతే, జానకి(Girija) మీద ఇష్టంతో సుందరయ్య చిన్నకొడుకు మధు(Haranath) రంగూన్ రాజా మాటలు వింటాడు. ఆ మాటలు వలన కిష్టయ్య-మధుల వాటాలు కూడా పంచేసి, మధు(హరనాథ్)ని తమ దగ్గరే అట్టేపెట్టుకుంటారు, సౌభాగ్యం-రంగూన్ రాజాలు, పట్టాభిరామయ్య అచేతనంగా అసహనంగా భావన చెందుతాడు.. అన్నగారు అంటే అభిమానించే సుందరయ్య మంచాన పడతాడు.  ఆ సమయంలోనే పట్టాభిరామయ్య – సుందరయ్యలు కలసి  కుదిర్చిన పెళ్లిని కాదని, జానకి-మధులకు పెళ్లి చేసేస్తారు. నాన్నకు బాగోలేదని సుందరయ్య చావుబతుకుల మధ్య ఉన్నాడని కిష్టయ్య (NT Ramarao) బ్రతిమాలినా మధు అందుకు ఒప్పోకోడు. NTR Savitri Kalasi Unte Kaladu Sukham Telugu Chitram.

దుఃఖంతో నిండిన కుటుంబంలో కిష్టయ్య పెళ్లి ఒక సమస్యగా ఉంటుంది. అన్నకు పెళ్లికాకుండానే తమ్ముడు మధు పెళ్లిచేసుకోవడంతో రమణమ్మ – సుందరయ్యాలు ఆలోచనలో పడతారు. అయితే ఇంట్లోనే ఉంటున్న రాధతో కిష్టయ్య పెళ్లిచేస్తే బాగుంటుంది అనే రమణమ్మ ఆలోచనను కిష్టయ్య తోసిపుచ్చుతాడు. నీకే ఆడకూతురు ఉంటే, నాలాంటి కుంటివాడికి ఇచ్చిచేయడానికి ఒప్పుకుంటావా, నీ కూతురు అయితే ఒకలాగా వేరేవారి కూతురు అయితే ఒకలాగా ఆలోచన చేయవద్దని కిష్టయ్య చెబుతాడు. అయితే కిష్టయ్య మంచి మనసుని ఇంట్లోకి వచ్చినప్పటి నుండి గమనించిన రాధా కిష్టయ్యతో పెళ్ళికి ఒప్పుకుంటుంది. ఇక రాధా-కిష్టయ్యల పెళ్ళితో ఆ కుటుంబం కొంచెం కుదుటపడుతుంది.

రంగూన్ రాజా ప్రభావం పట్టాభిరామయ్య పచ్చని సంసారం పట్నం పాలు

సౌభాగ్యం, జానకి, మధులు పూర్తిగా రంగూన్ రాజా మాటల మాయలో ఉంటారు. మధుకు ఉద్యోగం రావడంతో, ఉద్యోగం నిమిత్తం మధు పట్నం బయలుదేరుతుంటే, రంగూన్ రాజా కూడా పట్నం బయలుదేరతారు. అయితే వెళ్ళేటప్పుడు సౌభాగ్యం దగ్గర పట్నంలో వ్యాపారం చేసి డబ్బు సంపాదించి తెసుకువస్తానని చెప్పి, పెద్దమొత్తంలో సొమ్ములు అడుగుతాడు. ఆ సొమ్ములు సౌభాగ్యం పట్టాభిరామయ్య గారిచే తనఖా సంతకం చేయించి అప్పు తీసుకుని రంగూన్ రాజాకి ఇచ్చి పంపుతుంది. NTR Savitri Kalasi Unte Kaladu Sukham Telugu Chitram.

జానకి-మధులకి ఒక బాబు పుడతాడు అలాగే తరువాత రాధాకిష్టయ్యలకు ఒక బాబు పుడతాడు. జానకి మధులు వారి బిడ్డకు తండ్రి పేరు పెట్టుకుని, ఆ నామకరణ ఉత్సవం పూర్తవ్వగానే ముగ్గురు పట్నం వెళ్తారు. కిష్టయ్య అవిటితనం నయం చేసే ప్రత్యేక వైద్యులు పట్నంలో ఉన్నారు అంటే రాధా కిష్టయ్యలు ఇద్దరు పట్నం వెళ్తారు. పెద్దమొత్తంలో సొమ్ములు తీసుకువెళ్ళిన రంగూన్ రాజా దగ్గరి నుండి ఉత్తరాలు వస్తూ ఉంటాయి కానీ సొమ్ములు రావు. అప్పుల వారి సతాయింపు కారణంగా సౌభాగ్యం తన అన్నకొడకు రంగూన్ రాజ కోసం పట్నం వెళ్తుంది. కొత్త కాపురం పెట్టిన జానకి మధులు, డబ్బు సంపాదనలో మోసపోయిన రంగూన్ రాజా అతని కోసం వచ్చిన సౌభాగ్యం, వైద్యం కోసం పట్నం వచ్చిన రాధా కిష్టయ్యలు పట్నంలో కష్టంలో కలుసుకుంటారు. కష్టం దాటాక కుటుంబ విలువలు తెల్సుకుని కుటుంబాన్ని అభిమానించి కిష్టయ్య, మానవత్వంలో అతని గొప్పతనం గ్రహించి అందరూ ఒక్కటి అవుతారు. చివరికి కిష్టయ్య కాలు చెయ్యి బాగుపడి, అందరిలో సంతోషం నిండుకుంటుంది. అక్కడితో చిత్ర కధ ముగుస్తుంది.

ఉమ్మడి కుటుంబం వలననే సంస్కృతి సంప్రదాయాలకు విలువలు పెరుగుతాయనే విషయం ప్రస్ఫుటం చేసే చిత్రం కలసి ఉంటే కలదు సుఖం.

కుటుంబంలో కర్మతో భాదపడేవారు ఉంటే వారికి సేవ చేసేవారికి మంచి జీవితం, వారిని హేళన చేసేవారికి కష్టాలు తప్పవు అని ఈచిత్రంలో కనబడితే, అవిటితనం ఉన్నా అది శరీరానికే గాని మనసుకు కాదని ఈ చిత్రంలో కిష్టయ్య పత్రంలో కనబడుతుంది. ఆత్మీయత అనుభందం కోరుకుంటే, స్వార్ధం బంధాలను తెంచుతుంది, మనసులని భాదిస్తుంది అని ఈ చిత్రం నిరూపిస్తుంది. ఈ చిత్రంలో ప్రధానంగా అంటే పట్టాభిరామయ్యగారి కుటుంబమే అన్నట్టుగా ఉంటుంది. పట్టాభిరామయ్యగా SV రంగారావు గారు నటన, కిష్టయ్యగా రామారావు నటన, రాధగా సావిత్రి, మధుగా హరనాథ్, రంగూన్ రాజాగా రేలంగి గయ్యాళిగా సూర్యకాంతం ఇలా ఎవరి పాత్రలో వారు కనిపిస్తూ చిత్రకధని కుటుంబ బంధాల మధ్య భావనలు చక్కగా చూపిస్తారు. ఒక తల్లికి పుట్టిన బిడ్డలే ఒక్కటిగా ఉండకబోతే, రకరకాల జాతుల, మతాల వారు ఎలా కలసి ఉండేది, భారతమాతను సంతోష పెట్టె కుటుంబ వాతావరణం ఎలా ఉంటుంది ? మంచి సందేశాత్మక చిత్రం ఉమ్మడి కుటుంబ గురించి గొప్పగా చెప్పిన చిత్రాల్లో కలసి ఉంటే కలదు సుఖం చిత్రం ఒకటి. “NTR Savitri Kalasi Unte Kaladu Sukham Telugu Chitram

ధన్యవాదాలు
తెలుగురీడ్స్

పవన్ కళ్యాణ్ మూవీస్

తెలుగు తెరపై అగ్ర కధానాయకుడుకి తమ్ముడుగా అక్కడ అమ్మాయి ఇక్కడ అబ్బాయి అంటూ వచ్చి గోకులంలో సీతతో జతకట్టి సుస్వాగతం అంటూ కొత్త సంవత్సరం ప్రారంభించి తొలిప్రేమతో ఆకట్టుకుని తమ్ముడుగా బద్రి ఖుషి చేసుకుని, జానీతో తననితానే కొత్తగా పరిచయం చేసుకుని గుడుంబా శంకర్ గా బాలు బంగారంతో అన్నవరంతో జల్సా చేసుకుని పులితో తీన్ మార్ చేసిన పవన్ పంజా గబ్బర్ సింగుతో తనకితానే సాటి అనిపించుకుని కెమెరామేన్ గంగతో రాంబాబుగా వచ్చి అత్తారింటికి దారేది గోపాలా గోపాల అన్న సర్దార్ గబ్బర్ సింగ్ కాటమరాయుడుల అజ్నతవాసిగా వచ్చి ప్రస్తుతం తెరనుండి కాకుండా నేరుగా ప్రజల్లో వెలుగుతున్న పవర్ స్టార్.

అక్కడ అమ్మాయి ఇక్కడ అబ్బాయి పవన్ ఫస్ట్ ఫిలిం.

మెగాస్టారు చిరంజీవి చినతమ్ముడు అయిన పవన్ కళ్యాణ్ అక్కడ అమ్మాయి ఇక్కడ అబ్బాయి తెలుగుచలనచిత్రంతో ఆంధ్ర-తెలంగాణా రాష్ట్ర ప్రజలకు తెరపై పరిచయం అయ్యారు. 1996 లో వచ్చిన అక్కడ అమ్మాయి ఇక్కడ అబ్బాయి చిత్రంలో చిరంజీవి సోదరుడు హీరో అయితే అక్కినేని నాగార్జున మేనకోడలు సుప్రియ హీరొయిన్ గా నటించారు. ఈ చిత్రానికి ఈవివి సత్యనారాయణ దర్శకత్వం వహించారు. కాలేజీ ప్రేమకధ ఊరిలో పెద్దల పట్టుదల మద్య ప్రేమికులుగా కళ్యాణ్ – సుప్రియలు నటించారు. ఈచిత్రానికి పవన్ పేరు కళ్యాణ్ గానే పరిగణించారు. అక్కడ అమ్మాయి ఇక్కడ అబ్బాయి చిత్రం పవన్ కళ్యాణ్ కి కళ్యాణ్ గా తొలి చిత్రం.

Power Start Pawan Kalyan Telugu Movies List

తమిళంలో హిట్టైన గోకులత్తిల్ సీత చిత్రం ఆధారంగా తెలుగులో పునర్మించిన చిత్రం గోకులంలో సీత, ఈ చిత్రానికి దర్శకుడు ముత్యాల సుబ్బయ్యగారు. పవన్ కళ్యాణ్ రెండవచిత్రంలో రాశి కధానాయకగా హరీష్ సహానటుడుగా నటించిన తెలుగు చలన చిత్రం. కేవలం సుఖాల వెంట తిరిగే వ్యక్తి, తన స్నేహితుడి కోసం పెళ్లిపీటల మీద నుండి అమ్మాయిని తీసుకువచ్చాక, స్నేహితుడు కాదంటే, ఆ అమ్మాయికి ఆశ్రయం కల్పించి, ఆ అమ్మాయి సహవాసంలో చెడుసావాసలకు దూరమయ్యే డబ్బున్నవ్యక్తిగా, ఆమెను ప్రేమించే వ్యక్తిగా పవన్ కళ్యాణ్ నటించారు.

పవన్ కళ్యాణ్ మూడవ తెలుగుచలనచిత్రంగా సుస్వాగతం తెలుగుచలనచిత్రం కొత్తసంవత్సరానికి స్వాగతం పలుకుతూ యువ ప్రేక్షకులకు ప్రేమసందేశాన్ని అందించారు. ఆకర్షణ అనో ప్రేమ అనో యువత సమయం వృదా చేసుకోరాదు, అలా చేసుకున్న యువకుడు జీవితం ఎలా ఉంటుందో ఈచిత్రం ద్వారా దర్శకుడు భీమినేని శ్రీనివాసరావుగారు చక్కగా చూపించారు. ప్రేమించే తండ్రి, ప్రాణమిచ్చే స్నేహితుల మద్యలో ఒక యువకుడు ఒక యువతి ప్రేమకోసం, ఆమె అంగీకారం కోసం నాలుగు సంవత్సరాలు వేచి ఉండే యువకుడు పాత్రలో పవన్ నటన చక్కగా ఉంటే, పాటలు మంచి ప్రజాదరణను పొందాయి. ఆలయాన హారతిలో ఆఖిరి చితిమంటలలో అంటూ చిత్రం ఆఖరున వచ్చే పాట కంటతడి పెట్టించే సన్నివేశాలతో ఉంటూ ఆకట్టుకుంటుంది.

తొలిప్రేమ ప్రేమకధా చిత్రాలలో ట్రెండ్ సెట్ చేసిన పవన్ కళ్యాణ్ సూపర్ హిట్ తెలుగుచలనచిత్రం

Power Start Pawan Kalyan Telugu Movies List

సుస్వాగతం చిత్రంతో యువతకు మంచి మెసేజ్ అందిస్తే, తొలిప్రేమ చిత్రంతో లక్ష్యం ఎంత గొప్పదో నిజమైన ప్రేమ ఏమి చేస్తుందో తొలిప్రేమ చిత్రం ద్వారా మధ్యతరగతి కుటుంబ భావనలతో సాగే చిత్రం యువతను బాగా ఆకర్షిస్తే, ఆ చిత్రం నిదానంగా సాధించిన విజయం ఇప్పటికి ఆ చిత్ర దర్శకుడుకి అంతటి స్థాయిలో పేరు తెచ్చిన చిత్రం మరేది రాలేదు. కుటుంబంలో అఖిరి కొడుకుగా నాన్నతో చివాట్లు తింటూ పెదనాన్న అభిమానంతో సరదాగా స్నేహితులతో గడిపేస్తూ ఉండే అబ్బాయి మదిలో అలజడి సృష్టించిన ఒక దీపావళి తెల్లవారుజాము అతని జీవితాన్నే ఏవిధంగా మలుపు తిప్పిందో చిత్రం చూస్తేనే బాగుటుంది. కొన్ని చిత్రాలకు విశ్లేషణ కన్నా వీక్షణ ఉత్తమం అలాంటి చిత్రాల్లో తొలిప్రేమ తెలుగుచలనచిత్రం ఒకటి. ఈచిత్రంలో పవన్ కళ్యాణ్, కీర్తిరెడ్డి, అలీ తదితరులు నటించగా ఏకరుణాకరన్ దర్శకత్వం వహించారు.

తమ్ముడు టైటిల్ కి తగ్గ పాత్రలలో నటించడం పవన్ చిత్రాల్లో మొదటి చిత్రం నుండి కనబడుతుంది. అలాగే తమ్ముడు చిత్రంలో కూడా ఆదర్శంగా ఉండే అన్నకి తమ్ముడుగా, అఖిరికి అన్నఆశయాన్ని నెరవేర్చే తమ్ముడుగా, ఎప్పుడు తండ్రితో తిట్లు తినే చిన్నవాడిగా ఉంటూ, చివరికి తండ్రి శభాస్ అనిపించుకునే కొడుకు పాత్రలో పవన్ నటన యూత్ కి అద్బుతంగా అనిపించింది. ఇంకా ఈ చిత్రంలో ప్రక్కనే ప్రేమ ఉన్నా పట్టించుకోకుండా పోకడలను పట్టుకుని ఆకర్షణని ప్రేమ అనుకుని తిరిగే కుర్రవాడిగా కూడా పవన్ చాలా చక్కగా నటించారు. చిరంజీవికి తగ్గ తమ్ముడుగా తమ్ముడు తెలుగుచలనచిత్రంతో పవన్ అందరితో అనిపించుకున్నారు. తమ్ముడు చిత్రానికి ఏఅరుణప్రసాద్ దర్శకత్వం వహించగా ప్రీతిజింగానియా, అదితి గోవిత్రికర్ హీరొయిన్లుగా నటించారు.

పవన్ కళ్యాణ్ బద్రి – ఖుషి సూపర్ డూపర్ హిట్ తెలుగు చిత్రాలు

Power Start Pawan Kalyan Telugu Movies List

బద్రి టైటిల్ ఓరియెంటెడ్ క్యారెక్టర్లో పవన్ నటనే హైలైట్ ఈచిత్రానికి. నువ్వు నందా అయితే ఎవడిక్కావాలి నేను బద్రి బద్రీనాథ్ అంటూ పవన్ డైలాగు పవర్ ఫుల్ డైలాగ్. ప్రకాష్ రాజు నందగా పవన్ బద్రిగా పోటిపడి నటించిన ఈ చిత్రానికి ప్రసిద్ద దర్శకుడు పూరి జగన్నాధ్ దర్శకుడుగా పరిచయం అయ్యారు. ఒక వ్యాపారం చేసుకునే వ్యక్తిగా, ప్రియురాలితో పందెం కట్టి ఇంకొక అమ్మాయితో ప్రేమ నాటకం మొదలుపెట్టి, ఆ అమ్మాయితో ప్రేమలో పడడంతో ఈ చిత్రం ముక్కోణపు ప్రేమ కధ చిత్రంగా మారుతుంది. రేణుదేశాయ్, అమీషాపటేల్, అలీ తదితరులు నటించిన ఈతెలుగుచలనచిత్రం చక్కటి ప్రజాదరణను పొందింది.

ఖుషి తెలుగుచలనచిత్రం చూస్తున్నంతసేపు ఖుషిగానే చిత్రకధనం సాగుతుంది. చక్కటి కాలేజీ ప్రేమ కధకు ఇగో ఉన్న అమ్మాయి పాత్రదారి అయితే ఆ ప్రేమికుడు పడే పాట్లు ఈచిత్రంలో చాల చక్కగా కనబడుతుంది. పవన్ కళ్యాణ్ భూమిక ప్రేమికులుగా ఈచిత్రం అందరిని అలరించి పవన్ కళ్యాణ్ బిగ్గెస్ట్ హిట్ చిత్రం నిలిచింది. ఫైట్లలో చిరంజీవి చిత్రాలు ప్రసిద్ది అయితే ఖుషి చిత్రం తరువాత చిరంజీవి తన చిత్రానికి కూడా ఫైట్ కంపోజ్ పవన్ కళ్యాణ్ చేయించుకోవడం విశేషం. ఈ చిత్రానికి దర్శకుడు ఎస్ జె సూర్య. పవన్ కళ్యాణ్ తారస్థాయిలో తీసుకువెళ్ళిన చిత్రం, ఖుషి తెలుగుచలనచిత్రం.

Power Start Pawan Kalyan Telugu Movies List

వరుస ఏడు హిట్ చిత్రాల హీరో పవన్ కళ్యాణ్ స్వీయ దర్శకత్వంలో భారి అంచనాల మద్య వచ్చిన జానీ తెలుగు చలనచిత్రం హాలీవుడ్ చిత్రానికి దగ్గరగా సగటు తెలుగు ప్రేక్షకులకు దూరంగా నిలబడి, పవన్ కళ్యాణ్ మరియు పవన్ ఫాన్స్ కి నిరాశపరిచింది. రేణుదేశాయ్ పవన్ జంటగా వచ్చిన ఈతెలుగుచలనచిత్రం హాలీవుడ్ చిత్రం తరహాలో కధనం సాగుతూ సగటు ప్రేక్షకుల సహనాన్ని పరీక్షించే విధంగా సన్నివేశాలు ఉంటూ భారిగా ఫెయిల్ అయిన చిత్రాల్లో చేరిపోయింది. ఖుషి వరకు ప్రతి చిత్రంతో అంచనాలు అందుకుంటూ అన్ని చిత్రాలతో అందరిని ఖుషి చేసిన పవన్ కళ్యాణ్ జానీ చిత్రం విడుదల తర్వాత అంచనాలు తలక్రిందులు చేసింది.

ఇక అటుతరువాత వచ్చిన గుడుంబా శంకర్ తెలుగుచలనచిత్రానికి వీర శంకర్ దర్శకత్వం వహించగా మీరాజాస్మిన్ జతగా నటించింది. ఈచిత్రం ఒక చిల్లర దొంగతనాలు చేసే దొంగగా, ఆపదలో ఉన్న అమ్మాయితో ప్రేమలో పడి, ఆ అమ్మాయి ఆపదను తొలగించడానికి ఆ దొంగ పడేపాట్లు ఈ చిత్ర కధాంశం. అయితే గుడుంబాశంకర్ చిత్రం పవన్ కి తగ్గ స్థాయిలో విజయం సాధించలేకపోయింది. కాని పాటలు ప్రాచుర్యం పొందాయి.

తొలిప్రేమ దర్శకహీరోల కాంబినేషన్ బాలు తెలుగుచలనచిత్రంతో పునరావృతం అయ్యింది. బాలు తొలిప్రేమచిత్రంలో పాత్రపేరు, అదే టైటిల్ ఆ చిత్రదర్శకుడుతో వచ్చిన బాలు చిత్రంలో శ్రియ, నేహ ఒబెరాయ్ జతగా నటించారు. పాటలు ప్రజాదరణ పొందాయి, చిత్రం విజయవంతం అయినా పవన్ పూర్వస్థాయిలో విజయం సాధించలేకపోయింది అప్పటికి, అయితే చిత్రం రెండవభాగం బాగా ఆకట్టుకుంటుంది. మొదటి భాగం హాస్యభరితంగా సాగిన రెండవ భాగం కధనం బాగుంటుంది. అమ్మాయి కోసం అన్ని చేసే పెట్టె ఒక యువకుడు అనే అర్ధం వచ్చే లా బాలు టైటిల్ ట్యాగ్ లైన్ ఉంటుంది.

Power Start Pawan Kalyan Telugu Movies List

పవన్ కళ్యాణ్ బాలు తరువాత బంగారంగా ప్రేక్షకుల వద్దకు వచ్చారు. ప్రేమంటే పడని పని అంటే పడిపడి చేసే ఒక యువకుడు, సాటి యువతి ప్రేమ కోసం యుద్దమే చేస్తాడు. తన అవసరం తీరిన తనదారిన తాను పోకుండా, ఉపకారం పొందిన ఇంటిపెద్దకి ఇష్టం లేకపోయిన ఆ ఇంటి కూతురు ప్రేమని రక్షించి బంగారంగానే నిలబడతాడు. పాటలు చక్కగా ఉంటాయి, పవన్ కళ్యాణ్, మీరా చోప్రా, రీమసేన్ ప్రధానంగా నటించారు. ఈచిత్రంలో కేవలం ఇంకొకరి ప్రేమకోసం పాటుపడే కధానాయకుడుగానే ఉంటాడు, ప్రేమకోసం కాకుండా పనికోసం పాటుపడే యువకుడుగా పవన్ నటన బాగుంటుంది. Pawan Kalyan’s Eleventh Movie is Bangaram. ఈ చిత్రానికి దర్శకుడు తమిళ చిత్రాల దర్శకుడు ధరణి దర్శకత్వం వహించారు.

అన్నగా అన్నవరం ప్రేమికుడుగా తీన్ మార్ చిత్రంలో పవన్ కళ్యాణ్

చెల్లెలుపై మిక్కిలి మమకారం ఉన్న అన్నగా అన్నవరం చిత్రంలో పవన్ కళ్యాణ్ సెంటిమెంట్ చిత్రంలో నటించారు. చెల్లెలు అంటే అమితమైన అభిమానం ఉన్న అన్నయ్యగా ఆమెకు పెళ్లి చేసి అత్తారింటికి పంపించి, అక్కడ చెల్లెలు కాపురానికి అడ్డుగా ఉన్నసామజిక పరిస్థితులపై పోరాటం చేసి, సంఘవిద్రోహ చర్యలకు పాల్పడే వ్యక్తులను అందుకు సహకరించే పెద్దమనుషులకు బుద్ది చెబుతాడు. సమాజంలో చెడు సాధారణ జీవితానికి ఎలా అడ్డంకిగా ఉంటుందో ఈ చిత్రంలో కనబడుతుంది. పవన్ కళ్యాణ్ అన్నగా నటిస్తే, అతడికి చెల్లెలిగా ప్రేమిస్తే ఫేం సంధ్య నటించింది. పవన్ కళ్యాణ్ కి జతగా అసిన్ నటించింది. సుస్వాగతం హీరోదర్శక కాంబినేషన్లో ఈతెలుగుచలనచిత్రం వచ్చింది. Annavaram Powerstar Pawan Kalyan’s Twelth Movie as hero.

Power Start Pawan Kalyan Telugu Movies List

Pawan Kalyan Thirteenth Film is Jalsa, Super Hit entertainer. త్రివిక్రమ్ శ్రీనివాస్ దర్శకత్వంలో అతడు చిత్రంలో నటించాల్సిన పవన్ కళ్యాణ్, త్రివిక్రమ్ శ్రీనివాస్ దర్శకత్వంలో జల్సా తెలుగుచలనచిత్రంలో నటించడం విశేషం. ఈచిత్రం పవన్ అభిమానులకు ఖుషిలాగా జల్సా తెచ్చింది. పునరావాసం పొందిన నక్శలైట్ , కాలేజీలో చదువుకునే స్టూడెంట్ పాత్రలో పవన్ నటించారు. ఒక పోలీసు అధికారికి ఉన్న ఇద్దరి అక్కచెల్లెలికి ఒకే ప్రేమికుడుగా ఈ చిత్రంలో పవన్ కళ్యాణ్ నటించారు. ప్రకాష్ రాజ్ పోలీసు అధికారిగా నటిస్తే, పోలీసు అధికారి కూతుళ్ళుగా  ఇలియానా, కమిలినిముఖర్జీ నటించారు. పార్వతి మెల్టన్ ఇలియానాకు స్నేహితురాలుగా పవన్ కళ్యాణ్ అభిమానిగా నటించారు. ఈ చిత్రంలో పాటలు ప్రజాదరణ పొందాయి.

ఖుషి కాంబినేషన్లో హీరోదర్శకులతో పులి తెలుగుచలనచిత్రం వచ్చింది. పవర్ ఫుల్ పోలీసు ఆఫీసు పాత్రలో పవన్ నటన బాగున్నా చిత్రం ఆశించనంత విజయం సాధించలేకపోయింది. ఎస్ జె సూర్య దర్శకత్వంలో వచ్చిన ఈ చిత్రంలో పవన్ కళ్యాణ్ కి జతగా నికిష పటేల్ నటించింది.

పులి తరువాత తీన్ మార్ చిత్రంలో పవన్ నటించారు. అమ్మాయితో మాట్లాడాలంటే సంవత్సరాల సమయం పట్టే కాలం, అమ్మాయితో రోజుల వ్యవధిలోనే తెగతెంపులు చేసుకునే కాలానికి పోల్చుతూ ఈ చిత్రంలో ఒకే సమయంలో రెండు తరాల ప్రేమకధలు కనిపిస్తూ కధనం సాగుతుంది. జయంత్ సి పరాన్జీ దర్శకత్వంలో త్రిష, కృతి కర్బందా పవన్ కళ్యాణ్ కి జతగా నటించారు. ప్రస్తుతంలో అందాలని ఆస్వాదిస్తూ ఉండే యువకుడు గడిచిన ప్రేమకధని వింటూ, తన జీవితంలో ప్రేమను పొందే యువకుడు కధగా ఈ చిత్రం ఉంటుంది. గతంలో ప్రస్తుతంలో ప్రేమకధలలో కధానాయకుడుగా పవన్ కళ్యాణ్ నటన బాగుటుంది. పాటలు బాగుంటాయి.

పవన్ పంజా గబ్బర్ సింగ్ చిత్రంలో

Power Start Pawan Kalyan Telugu Movies List

వివాదమైన న్యాయం ఉంటే ఆ వివాదానికి ప్రాచుర్యం లభిస్తుంది. పంజా చిత్రంలో ఒక క్రిమినల్ నిజాయతీ, అతని అంతరంగంలో ఉండే ఆవేదన చిత్రంలో పవన్ నటనలో కనబడుతుంది. యాక్షన్ త్రిల్లర్ గా విష్ణువర్ధన్ దర్శకత్వంలో వచ్చిన పంజా చిత్రం కమర్షియల్ విజయం సాధించలేకపోయిన హీరో నటనపరంగా ఆకట్టుకుంటుంది. పవన్ కళ్యాణ్, జాకిష్రాఫ్, సారా జేన్, అలీ తదితరులు నటించారు. జై పాత్రలో పవన్ నటనతో ఈచిత్రంలోమెప్పించారు. తనను చేరదీసిన యజమాని కొడుకు దురాగతాలను అడ్డుకోవడానికి, యజమానిపై ఉండే విశ్వాసానికి ప్రతీకగా ఒక నేరస్తుడు మదిలో మెదిలే సంఘర్షణ యాక్షన్ త్రిల్లర్ గా ఈ చిత్రంలో ఉంటుంది.

హిందీలో విజయవంతమైన చిత్రం ఆధారంగా ఒక తిక్క పోలీసు ఆఫీసర్ పాత్రలో పవన్ కళ్యాణ్ నటించారు. సూపర్ డూపర్ హిట్ చిత్రంగా నిలిచింది. ధియేటర్లో కూర్చున్న వ్యక్తి విరామం కోసం వేచి చూడకుండా దృష్టి తెరపైనే ఉంచగలిగే కధనం ఉంటే ఆ చిత్రం సూపర్ హిట్టే. గబ్బర్ సింగ్ చిత్రం చూస్తున్నంత సేపు చిత్రంలో లీనమవ్వడమే ఈ చిత్ర కధనం తిక్క పోలీసు ఆఫీసర్ నటన ప్రత్యేకత. పవన్ కళ్యాణ్, శృతిహసన్ జంటగా నటించిన ఈ చిత్రానికి హరీష్ శంకర్ దర్శకత్వం వహించారు. నాక్కొంచెం తిక్కుంది, దానికో లెక్కుంది డైలాగ్ ప్రసిద్ది చెందింది. పాటలు అన్ని ఆకట్టుకునే విధంగా చక్కగా ఉంటాయి. తిక్క పోలీసు ఆఫీసర్ ప్రేమ కధలో పవన్ నటన ఆకట్టుకుంటుంది.

Power Start Pawan Kalyan Telugu Movies List

కెమెరా మేన్ గంగతో రాంబాబుగా టివి విలేకరిగా పనిచేస్తూ సమాజ సేవ చేసే బాద్యత కలిగిన పౌరుడుగా పవన్ కళ్యాణ్ ఈ చిత్రంలో నటించారు. రాంబాబు పవన్ కళ్యాణ్ అయితే గంగగా తమన్నా నటించింది. ఒక ప్రతిపక్ష నాయకుడు కొడుకు ముఖ్యమంత్రి కావాలనే ఉద్దేశ్యంతో రాజకీయంగా అతని ఆకృత్యాలను అడ్డుకునే టివి విలేఖరిగా, చివరికి అతనిపై పోరాటానికి యువతలో చైతన్యం కలిపించి పోరాడే పాత్రలో పవన్ నటిస్తే, ప్రతిపక్ష నాయుకుడు కొడుకుగా ప్రకాష్ రాజ్ నటించారు. బద్రి దర్శకహీరో కాంబినేషన్లో కెమెరామేన్ గంగతో రాంబాబు చిత్రం రావడం విశేషం. సామాజికమైన అంశాలకు సహజంగా స్పందించే వ్యక్తిగా ఈ చిత్రంలో పవన్ కళ్యాణ్ నటించారు. ఇప్పుడు సమాజ సేవకోసం రాజకీయాలలోకి వచ్చి జనసేనపార్టికి నాయకత్వం వహిస్తున్నారు.

సూపర్ హిట్ చిత్రం అత్తారింటికి దారేది

అత్తారింటికి దారేది అంటూ అందరిని అలరించిన పవన్ కళ్యాణ్ చిత్రం సూపర్ డూపర్ హిట్ తెలుగుచలనచిత్రంగా నిలించింది. జల్సా దర్శకహీరో కాంబినేషన్లో ఈచిత్రం వచ్చి సూపర్ హిట్ అయ్యింది. ప్రేమకోసం ఇంటినుండి దూరంగా ఉంటున్న అత్తకోసం అల్లుడు పడేపాట్లు, అత్తకూతుళ్ళతో ఆటలు ఈచిత్రం సాగి, చివరికి సెంటిమెంట్ సన్నివేశంతో అందరిని ఆకట్టుకుంటుంది. అత్తగా నదియా నటిస్తే, మరదళ్ళుగా సమంతా, ప్రణీత నటించారు. ఒక మిల్లినియర్ పాత్రలో పవన్ నటన ఈ చిత్రానికి హైలైట్. పాటలు, కధనం, సెంటిమెంట్, కామెడీ అన్నింటితో అందరిని అలరించే అత్తారింటికి దారేది. నెట్లో సగం సినిమా లీక్ అయ్యిన సూపర్ హిట్ అయ్యిన చిత్రం.

Power Start Pawan Kalyan Telugu Movies List

పవన్ కళ్యాణ్ వెంకటేష్ కలయికలో వచ్చిన బహుతార తెలుగుచలనచిత్రం గోపాల గోపాల ఒక గోపాల భక్తుడు అయితే ఇంకో గోపాల దేవుడు. భక్తుడుగా వెంకటేష్ నటిస్తే, భగవానుడుగా పవన్ కళ్యాణ్ నటించారు. భక్తీ ముసుగులో కొంతమంది చేసే మోసాలను ఎండగడుతూ, పోరాడే ఒక భక్తుడు కోసం దిగివచ్చిన దేవుడుగా పవన్ ఈ తెలుగుచలనచిత్రంలో నటించారు. వెంకటేశ, శ్రియ భక్తులుగా నటించిన ఈ చిత్రంలో విష్ణువు అవతారం కృష్ణుడుగా పవన్ కళ్యాణ్ నటించి మెప్పించారు. హిందీ చిత్రం ఆధారంగా ఈ చిత్రాన్ని తెలుగులో పునర్నిర్మించారు.

గబ్బర్ సింగ్ చిత్రానికి అనుకరణ చిత్రంగా సర్దార్ గబ్బర్ సింగ్ చిత్రం వచ్చింది, కానీ గబ్బర్ సింగ్ స్థాయిలో ఈ చిత్రం విజయవంతం కాలేకపోయింది. ఎదురులేని ఒక వ్యక్తి నిర్మించుకున్న దుష్ట సామ్రాజ్యాన్ని కూల్చి, అతని నుండి ఒక రాజకుటుంబానికి చెందిన అమ్మాయిని, ఆమె ఆస్తిని రక్షించే పోలీసు పాత్రలో అలాగే ఆమెకు ప్రియుడుగా ఈ తెలుగుచలనచిత్రంలో పవన్ కళ్యాణ్ కనబడతారు. గబ్బర్ సింగ్ చిత్రంలో పండిన హాస్యం ఈచిత్రంలో ఉంటుంది. పవన్ కళ్యాణ్ కాజల్ జంటగా నటించిన ఈ చిత్రానికి కెఎస్ రవీంద్ర దర్శకత్వం వహించారు.

Power Start Pawan Kalyan Telugu Movies List

కాటమరాయుడు అత్తారింటికి దారేది చిత్రంలో పాట పల్లవి, అదే పేరుతో ఒక ఊరి పెద్దమనిషి పాత్రలో పవన్ నటించారు. ఆడవాళ్లంటే పడని వ్యక్తిగా తమ్ముళ్ళతో కలిసి ఉంటాడు. అయితే అతని తమ్ముళ్ళ తమ ప్రేమ ఫలించాలంటే అన్నకూడా ప్రేమలో పడాలని, భావించి, అతని జీవితంలోకి అవంతిక అనే అమ్మాయి వచ్చేలా చేస్తారు. అమ్మయాలంటే ఇష్టంలేని పెద్దమనిషికి అవంతికతో ఎలా ప్రవర్తించడం, ఆ అమ్మాయి కుటుంబ సమస్యని పరిష్కరించడం కోసం చూడడం ఉంటుంది. గబ్బర్ సింగ్ తర్వాత పవన్ కళ్యాణ్ శ్రుతి హసన్ జంటగా నటించిన తెలుగుచలనచిత్రం కాటమరాయుడు.

త్రివిక్రమ్ శ్రీనివాస్ దర్శకత్వంలో మూడుసార్లు నటించిన పవన్ కళ్యాణ్

జల్సా చేసి అత్తారింటికి దారేది అంటూ అందరిని ఆనందింప చేసిన కాంబినేషన్ అజ్ఞాతవాసి తెలుగుచలనచిత్రంతో అభిమానులను నిరాశపరిచారు. తన తండ్రిని చంపినవారి ఆచూకికోసం తన కంపెనీలోనే ఒక ఉద్యోగిగా చేరి, వారిని తుదమొట్టించడమే ఈ చిత్ర కధాంశం. పవన్ కళ్యాణ్ కి జతగా కీర్తిసురేష్, అను ఇమ్మాన్యుయేల్ నటించారు. త్రివిక్రమ్ శ్రీనివాస్ దర్శకత్వం వహించారు

ధన్యవాదాలు
తెలుగురీడ్స్ మొబైల్ యాప్ డౌన్ లోడ్ చేయండి

అల్లుఅర్జున్ అందరూ మెచ్చే మెగాహీరో – తెలుగురీడ్స్

మనకున్న మోస్ట్ పాపులర్ హీరోలలో అల్లు అర్జున్ అంటే అందరికి ఇష్టం, అల్లు అర్జున్ అభినయం, డాన్స్ అంటే ఎవరైనా మెచ్చుతారు. మెగాస్టార్ ఫ్యామిలీ నుండి వచ్చిన మోస్ట్ టాలెంటెడ్ మెగా హీరో మన అల్లు అర్జున్. అయితే అల్లు అర్జున్ నటించిన చిత్రాల గురించి క్లుప్తంగా మీకోసం తెలుగురీడ్స్...చదవండి.

అయితే కొత్తగా నిర్మితమవుతున్న అల్లు అర్జున్ సినిమా గురించి మొదటిగా చూసి, తర్వాత పూర్వపు చిత్రాల గురించి క్లుప్తంగా.

అల్లు అర్జున్ – త్రివిక్రమ్ శ్రీనివాస్ కాంబినేషన్లో వచ్చిన సన్ ఆఫ్ సత్యమూర్తి , జులాయి సినిమాలు రాగా, ఇప్పుడు వీరి కాంబినేషన్లో అల వైకుంఠపురములో రాబోతుంది. ఈ చిత్రంలో ఇంకా పూజా హెగ్డే, నివేదా పేతురాజు హీరోయిన్లుగా నటిస్తుండగా, టబు ప్రత్యేక పాత్రలో కనిపించనున్నారు.

తెలుగు చలనచిత్రాలు. విజేత, స్వాతిముత్యం చిత్రాల్లో బాలనటుడిగా తెలుగు తెరపై కనిపించిన అల్లు అర్జున్ మెగాస్టార్ చిరంజీవి డాడి చిత్రంలో డాన్సర్ గా కనిపించారు. గంగోత్రి చిత్రంతో హీరోగా తెలుగుతెరపై కనిపించి, మా అవార్డుగా ఉత్తమ నూతన నటుడు గెలుచుకున్నారు. అటు తరువాత అనుమెహతాతో వన్ సైడ్ లవర్ గా ఆర్యగా అల్లరి చేసి అందర్నీ అలరించిన బన్ని, తరువాత బన్నిగా గౌరీ ముంజల్ జోడీగా సూపర్ హిట్ అందుకున్నారు. అల్లు అర్జున్ ఆర్య చిత్రానికి నంది స్పెషల్ జ్యూరి పురష్కారం గెలుచుకున్నారు.

జెనిలియా డిసౌజాతో హ్యాపీగా వెండితెరపై డాన్సులు వేసిన అల్లు అర్జున్ సన్యాసినితో ప్రేమాయణం సాగించి దేశముదురుగా గుర్తింపు పొందారు. ఈ చిత్రానికి బన్నీకి ఉత్తమనటుడుగా ఫిలిం ఫేర్ పురష్కారం లభించింది. దేశముదురు చిత్రంతో క్యూట్ నటిగా గుర్తింపు పొందిన నటి హన్సిక మోత్వాని. అతిథి పాత్రలో శంకర్ దాదా జిందాబాదు చిత్రంలో కనిపించిన బన్నీ. తరువాత అల్లు అర్జున్ షీలాతో జతకట్టి పరుగుపెట్టి ఆర్య2, వరుడు, వేదం బద్రీనాథ్ జులాయి ఇద్దరమ్మాయలతో రేసుగుర్రంతో ఎవడు సన్ అఫ్ సత్యమూర్తికి రుద్రమదేవికి సరైనోడుగా దువ్వాడ జగన్నాధంతో నాపేరు సూర్య నాఇల్లు ఇండియా దాకా వచ్చారు.

అల్లు అర్జున్ (Allu Arjun) మూవీస్ వినోదంతో బాటు సందేశాత్మ చిత్రాలుగా కూడా ఉంటాయి. గంగోత్రి మూవీ మ్యూజికల్ హిట్ అయితే, ఆర్య ప్రేమిస్తూ ప్రేమించబడడం లేదనే వారికి ఓదార్పు సందేశంగా వన్ సైడ్ లవర్ల కోసమా అన్నట్టు ఉంటుంది. అలాగే అల్లుఅర్జున్ చిత్రాలలో నటనపరంగా చిన్న చిన్న పాత్రలు కూడా ఉన్నాయి. రుద్రమదేవిలో చిత్రంలో గోనగన్నారెడ్డి పాత్ర, వేదం చిత్రంలో ఒక పేదప్రేమికుడుగా అందరిని అలరిస్తే, ఆర్య2 చిత్రంలో అల్లు అర్జున్ నటన ఆకట్టుకుంటుంది. ఎలాగైనా డబ్బే ప్రధానమని భావించే రోజులలో విలువలు గురించి మాట్లాడే యువకుడి పాత్రలో అల్లుఅర్జున్ నటించి మెప్పించారు. సన్ అఫ్ సత్యమూర్తి చిత్రంలో.

అల్లు అర్జున్ గంగోత్రి సినిమా మ్యూజికల్ హిట్ అయితే ఆర్య చిత్రంతో యువతలో క్రేజ్ పెరిగింది. ఒక ప్రేమకధని విబిన్న రీతిలో చెప్పిన దర్శకుడు సుకుమార్. సున్నితమైన మనసు కలిగిన అమ్మాయితో ప్రేమించకపోతే చస్తాను అన్నా యువకుడిని సహజంగా ఆమె ఒప్పుకుంటుంది. అటువంటి బెదిరింపు ప్రేమ నిజమైనది కాదు అనే అంశంగా ఈ చిత్రం ముక్కోణపు ప్రేమ కధగా చూపుతుంది. పాటలు బన్ని నటన ఈ చిత్రానికి ప్రధాన ఆకర్షణగా ఉంటాయి.

Allu Arjun Telugu Movies అల్లు అర్జున్ హ్యాపీ, దేశముదురు, పరుగు చిత్రాలు

సమాజంలో ప్రజాసేవ చేసేవారు ఉంటే వారిని మోసం చేసేవారు ఎక్కువగా ఉంటారు. అటువంటి తీరులోనే బన్ని చిత్రం ఉంటుంది. రంగరాజు భూపతిరాజు పోలవరం ప్రాజెక్ట్ కోసం తన ఆస్తిని త్యాగం చేస్తాడు, అయితే అతని వెనుకనే ఉంటూ సోమరాజు మైసమ్మ సహాయంతో రంగరాజు భూపతిరాజుని హతమార్చి, ఆస్తిని హస్తగతం చేసుకుంటాడు. ఆ రంగరాజు భూపతిరాజు కొడుకే బన్ని. తన తండ్రి ఆశయం నెరవేర్చడానికి ప్రయత్నించి సఫలికృతుడౌతాడు.

చదువుకుని డాక్టర్ కావాలనే ఆశయంతో ఉండే మధుమతికి బన్ని పరిచయం ఆమె జీవితాన్నే మలుపు తిప్పుతుంది. తండ్రి చూసిన పెళ్లి చేస్తాను అంటే వద్దు చదువుకుంటాను అని చదువుని కొనసాగించే మధుమతి బన్నిని పెళ్లి చేసుకోవలసి వస్తుంది. లక్ష్యం మీద ధ్యాస ఉండే ఆమెకు, అమెపైనే ఆరాధన పెంచుకునే బన్నికి మధ్య జరిగిన కధే, హ్యాపీ చిత్రం ప్రేమకధా చిత్రం.

ప్రేమికుడుగా, మంచి డాన్సర్ గా గుర్తింపు తెచ్చుకున్న బన్నీ దేశముదురు చిత్రంతో ఏనార్జేటిక్ హీరోగా పాపులర్ అయ్యాడు. సిక్స్ ప్యాక్ బాడీతో డాన్సులు, ఫైట్లు, యాక్షన్ ఈ చిత్రం ప్రేక్షకులకు మంచి వినోదాన్ని ఇస్తుంది. కుటుంబ గొడవల్లో చిక్కుకున్న ఒక యువతి సన్యాసినిలతో కలిసి ఆశ్రమంలో ఉంటే, ఆ సన్యాసినిని చూసిన బన్నీ ప్రేమించడం మొదలుపెడతాడు. ఆమె వెంటపడడం, ఆమె వెనుక ఉన్న సమస్యకు కారణమైనవారిని తుదముట్టించి, ఆమెను పెళ్ళాడతాడు.

మెగాస్టార్ చిరంజీవి శంకర్ దాదా సీక్వెల్ చిత్రాలల్లో రెండవది అయిన శంకర్ దాదా జిందాబాదులో అతిథి పాత్రలో అల్లుఅర్జున్ కనిపిస్తాడు. ఆ తరువాత పరుగు చిత్రంలో నటించాడు.  ఎప్పుడు పరుగులు పెడుతూ ఉండే యువకుడు ఒక ప్రేమజంటకు పెళ్లి చేస్తాడు, సదరు పెళ్ళికూతురు తరపువారు అతడిని తీసుకువెళ్ళి బందిస్తారు. అక్కడ ఒక అమ్మాయని ప్రేమిస్తాడు అతడు. ఆ కుర్రాడి వలన ఆ కుటుంబలో ఏర్పడిన పరిస్థితులకు, ఆ కుర్రాడు చెల్లించిన మూల్యం ఏమిటి ? అనేది చిత్ర కధాంశం  చివరికి ప్రేమ గెలుస్తుంది. ముందు  వెనుకలు చూడకుండా ఆకర్షితులయ్యే యువతని దృష్టిలో ఉంచుకుని తీసినట్టు ఈ చిత్రకధ వలన తెలుస్తుంది.

ఆర్య డైరెక్టర్ సుకుమార్ ఆర్యకి కొనసాగింపు చిత్రంగా ఆర్య2 చిత్రీకరించారు, అయితే కధ కొత్తది, పాత కధకి సంభందం లేకుండా ఉంటుంది. ఒక యువకుడిలో ఒకేసారి ప్రేమ మరియు స్నేహం కోసం పడే తపన ఈ చిత్రం కధాంశం. తాను ప్రేమించిన అమ్మాయినే స్నేహితుడు ప్రేమిస్తే, అతని కోసం తన ప్రేమను త్యాగం చేయడానికి అవసరం అయితే ప్రాణాలను కూడా త్యాగం చేయడానికి సిద్ద పడే యువకుడి పాత్రలో అల్లుఅర్జున్ నటన హైలైట్ గా ఉంటుంది.

అల్లుఅర్జున్ వరుడు, వేదం, భాద్రినాథ్ స్టైలిష్ స్టార్ అల్లుఅర్జున్ నటించిన తెలుగు మూవీస్ – చలనచిత్రాలు

లేచిపోయి గుళ్ళోనో రిజిస్ట్రార్ ఆఫీసులోనో పెళ్లిచేసుకునే కాలంలో పాత పద్దతిలో పెళ్లిని అయిదు రోజుల పండుగలా చేయమని తల్లిదండ్రులను కోరే కొడుకుగా అల్లు అర్జున్ వరుడు చిత్రంలో కనబడతారు. అంతేకాకుండా తాళి కట్టే సమయం వరకు పెళ్లి కూతురుని చూడకుండా ఆమె ఎలా ఉన్నా చేసుకోవడానికి సిద్దపడతాడు. పెళ్లి పండుగలాగా చేసే పద్దతిలో చిత్రం సాగుతుంది.

గంగోత్రి, ఆర్య, బన్నీ, హ్యాపీ, దేశముదురు, పరుగు, ఆర్య2 వంటి విజయవంతమైన చిత్రాల్లో ప్రధాన హీరో అయినా వేదం చిత్రంలో ఒక పరిమిత క్యారెక్టర్లో అల్లు అర్జున్ నటించడమే కాకుండా, ఆ చిత్రం ప్రమోషన్ ప్రోగ్రామ్లో పాల్గొన్నారు. ఒక బీద యువకుడు, ఒక పెద్దింటి అమ్మాయిని ప్రేమించి, పెళ్లి చేసుకుని జీవితంలో సెటిల్ అవ్వాలనే భావించే పాత్రలో అల్లుఅర్జున్ నటించాడు.

బద్రినాథ్ గుడిని చూపిస్తూ, బద్రీనాథ్ చుట్టూ తిరిగే ప్రేమకధ బద్రీనాథ్ చిత్రం. ఇందులో అల్లు అర్జున్ బద్రీనాథ్ గురించి, వివరించే గైడ్ పాత్రలో కనిపించారు. పెళ్లి చేసుకోకుండా గుడిలో గురువుగారి దగ్గర జీవితాంతం ఉంటానని ప్రమాణం చేసిన యువకుడుగా అల్లుఅర్జున్ నటించారు.

కాలిగా తిరిగే యువకుడిని ఇంట్లో జులాయి అని అతని తండ్రి తిడుతూ ఉంటుంటే, ఉండబట్టలేక కొంత డబ్బు ఇవ్వండి సాయంత్రానికి నాలుగు రెట్లు ఎక్కువ చేసి చూపిస్తాను అంటాడు. డబ్బు తీసుకుని వెళ్ళిన యువకుడి జీవితమే మలుపు తిరుగుతుంది, ఒక అతిపెద్ద నేరంలో సాక్షిగా మారి, పోలీసుల పర్యవేక్షణలో నేరస్తుడిని పట్టుకోవడమే ధ్యేయంగా ఉండే యువకుడు పాత్రలో జులాయి చిత్రంలో అల్లుఅర్జున్ నటించారు.

ఒక అమ్మాయితో ప్రేమిస్తున్నట్టు ఉంటూ, తన అసలు ప్రేమ కధని తెలియజేస్తూ, ఆ ప్రేమ కధలో శత్రువులైన వారిని ఇప్పుడున్న అమ్మాయి ద్వారా పట్టుకుని శిక్షించడమే ధ్యేయంగా సాగే పాత్రలో అల్లుఅర్జున్ ఇద్దరమ్మాయలతో ప్రేమ కధ చిత్రంలో నటించారు.

పోలీసు ఆఫీసరుకి తమ్ముడుగా ఉంటూ, అల్లరి పనులు చేస్తూ, అన్నపై కోపాన్నే ప్రదర్శిస్తూ ఉండే తమ్ముడు పాత్రలో కనిపిస్తాడు. అయితే తన అన్నపై చేయబోయిన హత్యాప్రయత్నం తెలియగానే అన్న కోసం పోరాటం మొదలు పెడతాడు. రేసుగుర్రం చిత్రం యాక్షన్ కామెడీ ఎంటర్టైనరుగా ఉంటుంది.

ఎవడు చిత్రంలో కనిపించేది రామ్ చరణ్ అయినా ఆ కధకి మూలమైన పాత్ర అంతా అల్లు అర్జున్ నటించిన పాత్రదే. చావునుండి బ్రతికిన ఒక యువకుడు తన రూపం కోల్పోయి ఇంకో రూపాన్ని పొంది, తన చావుకోసం ప్రయత్నించిన వారిపై పగ తీర్చుకుంటాడు. చావుదాక వెళ్ళిన యువకుడి పాత్రలో అల్లు అర్జున్ నటించారు.

విలువలతో కూడిన ఆస్తులు అంతస్తుని గౌరవాన్ని పెంచుతాయి – సన్ అఫ్ సత్యమూర్తి

సన్ అఫ్ సత్యమూర్తి చిత్రం టైటిల్ కి తగ్గట్టుగానే సినిమా అంతా తండ్రి సత్యమూర్తి గారి ఆలోచనతో జీవించే యువకుడి కధ. తన తండ్రికి చిన్న మాట కూడా రావడం ఇష్టంలేని సత్యమూర్తిగారి అబ్బాయిగా దానికోసం ఎంతటి రిస్క్ అయిన చేసే యువకుడిగా అల్లుఅర్జున్ నటించారు. విలువలే ఆస్తులు, విలువలేని ఆస్తి వ్యర్ధం అంటూ చిత్రం సాగుతుంది.

గమ్మునుండవోయ్ అనే మానరిజం బాగా అక్కట్టుకుంటుంది ఈ రుద్రమదేవి చిత్రంలో అల్లు అర్జున్ పాత్ర. అనుష్క ప్రధాన పాత్రలో వచ్చిన రుద్రమదేవి చిత్రంలో గోన గన్నారెడ్డిగా ఒక పాత్రలో అల్లుఅర్జున్ నటన ఆకట్టుకుంటుంది.

సరైనోడు చిత్రంలో అల్లు అర్జున్ నటన చాలా ఎనర్జీటిక్ గా ఉంటుంది. విలన్ ఒక పవర్ ఫుల్ పాత్రలో ముఖ్యమంత్రి కొడుకుగా అక్రమాలు చేస్తుంటే, అతనిని అంతకన్నా డామినేట్ చేస్తూ ఉండే పాత్రలో అల్లుఅర్జున్ నటించారు. సరైనోడు టైటిల్ కి తగ్గ చిత్రంలో టైటిల్ కి తగ్గ పాత్రలో నటించిన చిత్రం అందరిని ఆకట్టుకుంటుంది.

ఒక బ్రాహ్మణ బాలుడుగా ఉన్నప్పుడు సమాజంలో ఎదురైనా సంఘటనలతో, సమాజంలో జరిగే చెడుని తొలగించాలి అని నిర్ణయించుకున్న బ్రాహ్మణ యువకుడు కధ. రహస్యంగా చెడు కార్యక్రమాలు చేసే వారిని శిక్షిస్తూ, వృత్తి రిత్యా పౌరోహిత్యం చేస్తూ ఉండే పాత్రలో అల్లు అర్జున్ దువ్వాడ జగన్నాధం చిత్రంలో నటించారు.

నాపేరు సూర్య నా ఇల్లు ఇండియా మిలిటరీ అధికారి కధ. అదుపులేని కోపం కలిగిన యువకుడు సైన్యంలో చేరి, కోపం వలననే సైన్యం నుండి తొలగించబడడం. మరలా అతను సైన్యంలో చేరడానికి చేసే ప్రయత్నాలే ఈ చిత్ర కధాంశం.

చిరంజీవి టైటిల్ రోల్ పోషిస్తున్న సైరా నరసింహారెడ్డి చిత్రంలో అల్లు అర్జున్ నటిస్తున్నారు. ప్రతిష్టాత్మకంగా రామ్ చరణ్ నిర్మిస్తున్న ఈ చిత్రంలో ఇంకా అమితాబ్ బచ్చన్, జగపతి బాబు, సుదీప్, నయనతార, విజయ్ సేతుపతి నటిస్తున్నట్లు సమాచారం. ఇది షూటింగ్లో ఉన్న ప్రస్తుత చిత్రంగా ఉంది, 2019లో విడుదల కానుంది.

ఇవి ఇప్పటివరకు స్టైలిష్ స్టార్ అల్లుఅర్జున్ నటించిన తెలుగు మూవీస్ – చలనచిత్రాలు

ధన్యవాదాలు
తెలుగురీడ్స్ యాప్ డౌన్ లోడ్ చేయండి

సంసారం ఒక చదరంగం కుటుంబకధా తెలుగు చలనచిత్రం

సంసారం ఒక చదరంగం కుటుంబకధా తెలుగు చలనచిత్రం అంటే సాగరం ఈదడం లాంటిది అంటారు. ఇక మధ్యతరగతి సంసారం అయితే నడి సముద్రంలో దిక్కులు చూస్తున్నట్టే ఉంటుంది. మనదేశంలో మధ్యతరగతి జీవనమే ఎక్కువ.  అలాగే ఎక్కువగా వ్యాపార సేవా వ్యవహారాలు కూడా మధ్యతరగతి సమాజంపైనే ఆధారపడి ఉంటుంది. ఒక ఉద్యోగి అతనిపై నలుగురు ఆధారపడి ఉండడం, లేక ఇద్దరు కన్నా ఎక్కువమంది పనిచేసే కుటుంబమైతే పలురకాల సమస్యలు వస్తూ సంసార తీరం మీద బెంగలేకుండా చేస్తూ ఉంటాయి. ఎప్పటికప్పుడు కొత్త బెంగలు పుట్టిస్తూ.

కుటుంబ బాద్యతలను మోస్తూ చివరి దశలో ఉన్న మధ్యతరగతి వ్యక్తి యొక్క కుటుంబ సభ్యుల భావనల చేత ప్రభావితమయ్యే కుటుంబం ఈ సంసారం ఒక చదరంగం చలనచిత్రం. గొల్లపూడి మారుతీరావు, అన్నపూర్ణ, శరత్ బాబు, సుహాసిని, రాజేంద్ర ప్రసాద్, ముచ్చెర్ల అరుణ తదితరులు నటించిన తెలుగు చలనచిత్రం. ప్రతిష్టాత్మకమైనా సంస్థ ఏవిఎం వారు ఎస్పి ముత్తురామన్ దర్శకత్వంలో నిర్మించారు.

సంసారం ఒక చదరంగం కుటుంబ కధ

గోదావరి (అన్నపూర్ణ)- అప్పల నర్సయ్యల(గొల్లపూడి మారుతీరావు)ది మధ్యతరగతి కుటుంబం, వారికి ముగ్గురు కొడుకులు ఒక కూతురు, పెద్ద కొడుకు ప్రకాష్ (శరత్ బాబు)ని బికాం చదివించారు, రెండవ కొడుకు రాఘవ(రాజేంద్ర ప్రసాద్)ని పనికి పంపించారు, చిన్న కొడుకు కాళిదాసు పది పరిక్షలు రాస్తూ ఫెయిల్ అవుతూ ఉంటాడు. పెద్ద కొడుక్కి భార్యగా ఉమా(సుహాసిని) వస్తే, కూతురు సరోజ(కల్పన)కి పెళ్లి సంభందాలు చూస్తూ ఉంటారు. ఆ ఇంటికి మొదటి నుండి ఉండే పనిమనిషి చిలకమ్మా(షావుకారుజానకి) ఉంటుంది.

కూతురు సరోజకి పెళ్లి సంభందం వస్తే అప్పటికప్పుడే ఆమె కాదని చెబుతుండగా, పెళ్లి చూపులకి వచ్చిన వారు వెళ్ళిపోతారు. తరువాత అప్పల నర్సయ్య ఆ పెళ్లి చూపులకు వచ్చిన వారింటికి వెళ్లి క్షమాపణ చెబుతాడు. పద్దతి నచ్చిన అతను అప్పల నర్సయ్య కొడుకికి తన కూతురు వసంతని చేసుకోవలసిందిగా కోరతాడు. అప్పల నర్సయ్య అంగికరించి ఇంటికి వచ్చేస్తాడు. అప్పలనర్సయ్యకు కూతురు సరోజ తన ప్రేమించిన పీటర్ గురించి చెబుతుంది. అలా కూతురు కొడుకు ఇద్దరి పెళ్ళిళ్ళు చేసేస్తాడు.

పెళ్ళిళ్ళు పూర్తయ్యాక అప్పలనర్సయ్య పెద్ద కోడలు పురిటికి పుట్టింటికి వెళుతుంది, ఆ సమయంలో కూతురు సరోజ భర్తతో తగవు పెట్టుకుని ఇంటికి వచ్చేస్తుంది, రెండవ కోడలు కొడుకు రాఘవతో గొడవపడి పుట్టింటికి వెళ్ళిపోతుంది, రెండు సంఘటనలు ఒకేసారి జరుగుతాయి. అలాగే ఎప్పుడు జమా ఖర్చులు లెక్కలు వేసుకునే ప్రకాష్, తన భార్య ఉమా ఇప్పుడు పుట్టింట్లో ఉంది కాబట్టి, తనవాటా ఖర్చు కింద ఎప్పుడు ఇంట్లో ఖర్చుకు ఇచ్చే మొత్తంలో నుండి సగం తగ్గించి గోదావరికి ఇస్తాడు.

అందరూ 10 నెలలకె పుడితే నీవు పది నెలల పదమూడు రోజులు కడుపులోనే పెరిగావు, అప్పుడు నేను లెక్కలు చూడలేదే అని గోదావరి కొడుకు ప్రకాష్ తో అంటే, అందుకున్న అప్పల నర్సయ్యతో ప్రకాష్ వాదం పెంచుకుంటాడు. ప్రకాష్ మాటలకి విసిగిన అప్పల నర్సయ్య ఇంటినుండి వెళ్ళిపోమంటాడు. ప్రకాష్ తాను ఇంతకుముందు పెళ్ళిళ్ళకి ఇచ్చిన సొమ్ము తిరిగి చెల్లిస్తే వెంటనే వెళ్ళిపోతాను అంటాడు. ఆ సంఘటనతో నట్టింట్లో అడ్డుగా గీత గీసుకుని, పెద్ద కొడుకు తండ్రి విడిపోతారు.

పురిటికి పుట్టింటికి వెళ్ళిన ఉమా వచ్చేటప్పటికి ఇంటి పరిస్థితిని చూసి, భాదపడి ఆ ఇంట్లో సమస్యగా మారినా విషయాలపై దృష్టి సారించి సరి చేస్తుంది. చివరికి ఉమా-ప్రకాష్ దంపతులు తమ పిల్లవాడితో ఇల్లు వదిలి బయటికి అద్దెకు సభ్యతతో వెళతారు. అందరి నటన పాత్రలపరంగా చక్కగా ఉంటుంది. సకుటుంబ సమేతంగా చూడదగిన సాంఘిక చిత్రాల్లో సందేశంతో కూడిన చిత్రంగా ఆకట్టుకుంటుంది.

ధన్యవాదాలు
తెలుగురీడ్స్

బంధాలు లేని అతడు పరిచయంలేని బంధువుల మధ్య అతడై ఉన్నాడు.

బంధాలు లేని అతడు పరిచయంలేని బంధువుల మధ్య అతడై ఉన్నాడు. సాదారణంగా టైటిల్ తగ్గ చిత్రంగా కొన్ని ప్రసిద్ద టైటిల్స్ విషయంలో అంచనాలు తప్పవచ్చు, కాని అతడు విషయంలో అంచనాలు లేకుండా బిన్నమైన టైటిలుతో విడుదల అయ్యాక ఎక్కువకాలం గుర్తుకు ఉన్న చిత్రం అతడు. సహజత్వానికి దగ్గరగా ఎక్కువమంది ఆలోచనలతో సరిపోలే విధంగా ఉండేవి నిదానంగా అందరి ఆలోచనల్లో మెదులుతూ ఉంటాయి. అతడిని ఒకరు కాదంటే ఇంకొకరు ఒప్పుకున్నారు, ఆ తరువాత అందరు ఒప్పుకున్నారు.

ప్రతిపక్షంలో కూర్చున్న రాజకీయ పార్టీ నాయకుడు శివారెడ్డి రానున్న ఎన్నికలలో ముఖ్యమంత్రి కావాలంటే ప్రజల సానుభూతి అవసరమని గ్రహిస్తాడు. ప్రజల సానుభూతి అంటే మరణం నుండి తప్పించుకున్న వ్యక్తి సహజంగానే ఉంటుంది, అదే పార్టీ నాయకుడు అయితే, అతడిని ముఖ్యమంత్రి చేసేంతగా ప్రజల్లో సానుభూతి పెరుగుతుంది. ఆ క్రమంలో శివారెడ్డి (బులెట్ గాయం అవుతుంది, శివారెడ్డి చావకూడదు) పాల్గొనబోయే సమావేశంలో హత్యాప్రయత్నం జరిగేల పధకం రచిస్తారు, ఆ పార్టీ ఉపనాయకులు బాజిరెడ్డి తదితరులు. అందుకు నందు, మల్లి ఇద్దరు ప్రొఫెషనల్ కిల్లర్స్ ని పురమాయిస్తారు.

కాని సమావేశంలో పధకం ప్రకారం శివారెడ్డిని నందు కాల్చే లోపులోనే, శివారెడ్డి ఇంకొక బులెట్ తగిలి నిజంగానే చంపబడతాడు. విషయం గ్రహించిన నందు బిల్డింగ్ పై నుండి ట్రైనుపైకి దూకి, ట్రైను లోపలకి ప్రవేశిస్తాడు. పోలీసులు కూడా ఆ ట్రైనుని అనుసరిస్తారు. బాల్యంలో చేసిన పొరపాటుకు ఊరినుండి పారిపోయిన పార్ధు, చాన్నాళ్ళ తర్వాత తిరిగి ఇంటికి అదే రైలులో ప్రయాణం చేస్తూ ఉంటాడు. ట్రైనుపై నుండి లోపలికి వచ్చిన నందు పార్ధు ఎదురుగానే కూర్చుంటాడు. ట్రైను తరువాతి స్టేజికి చేరాక పోలీసులు జరిపిన కాల్పుల్లో నందు స్థానంలో పార్ధు మరణిస్తాడు. పార్ధు విషయాలు విన్న నందు పార్ధు ఇంటికి పార్ధుగా వెళ్తాడు.

తనవలననే ప్రాణాలు కోల్పోయిన అతడి కుటుంబంలోకి అతడు.

ఇల్లు వెతుక్కుంటూ వచ్చిన అతడిని అందరు ఆదరిస్తారు వివరాలేమిటో అడగకుండానే అతడిని పార్ధుగా గుర్తిస్తారు. నేరం చేసి ట్రైనుపై దూకి పారిపోయిన అతడి కోసం కేసు సిబిఐకి వెళ్తుంది. పార్ధు స్నేహితులు, వచ్చి అతడిని కలిసి బాల్య విషయంలో బాల్యంలో అతడు చేసిన తప్పు ఏమిటో వివరిస్తారు. తన వల్లే చనిపోయిన పార్ధు కుటుంబానికి ఏదైనా సాయం చేయాలనీ భావించిన నందు, పార్ధు చిన్ననాడు చేసిన తప్పుకు బలైన మాస్టారుగారి అవసరం తీరుస్తాడు. అలాగే పార్ధు తాతగారి పొలం తగాదాని సరిచేస్తాడు. పార్ధు తాతగారి మనవరాలి పెళ్లిని తన ఖర్చుతో చేస్తాడు. పార్ధు మరదలు ప్రేమిస్తే, ఆమెను ప్రేమిస్తాడు. అలా అతడు పార్ధుగా మారిపోతాడు.బంధాలు లేని అతడు పరిచయంలేని బంధువుల మధ్య అతడై ఉన్నాడు.

అయితే సిబిఐ అధికారి ఆంజనేయ ప్రసాద్ ఇన్వెస్ట్ గేట్ చేసి పార్ధు స్థానంలో నందు చలామణి అవుతున్నట్టు కనుక్కుంటాడు. పార్ధు కుటుంబానికి సహాయం అందించడంలో నందు పని పూర్తయ్యేటప్పటికి, ఆంజనేయ ప్రసాదు ఆధారాలతో నందుని వెతుక్కుంటూ పార్ధు తాతగారి ఇంటికి వస్తాడు. గ్రహించిన నందు ఆంజనేయ ప్రసాదు వచ్చేటప్పటికి తప్పించుకుంటాడు. అధికారులు వెళ్లిపోయాక వచ్చి అతడు తిరిగి వచ్చి జరిగిన సంఘటనలలో తన భావన తెలియజేస్తాడు. తాతగారు అతడినే పార్దుగా ఆదరిస్తారు.

జరిగిన శివారెడ్డి హత్యలో భాగం బాజిరెడ్డికి ఉంటుందని గ్రహించిన నందు, బాజిరెడ్డి దగ్గరి నుండి నిజాన్ని రికార్డు చేసి, అసలు నేరస్తుడు మల్లిని చంపుతాడు. సిబిఐ అధికారి ఆంజనేయప్రసాదుకి తన దగ్గర ఉన్న ఆధారం అందజేస్తాడు. అదారంతో ఎదురుగా ఉన్న ఆంజనేయప్రసాదు ముందే బాజిరెడ్డి తననితనే కాల్చుకుని చనిపోతాడు. నేర ప్రవృత్తి ఉన్నా మంచి మనుషుల మద్య మనిషిగా మారిన అతడిని ఆంజనేయ ప్రసాద్ వదిలివేసి కేసు క్లోజ్ చేయడంతో అతడు కధ సుఖాంతం అవుతుంది.

త్రివిక్రమ్ శ్రీనివాస్ దర్శకత్వంలో వచ్చిన అతడు చిత్రంలో మహేష్ బాబు, రాజీవ్ కనకాల, బ్రహ్మాజీ, త్రిష, సోను సూద్, కోట శ్రీనివాసరావు, షియాజీ షిండే, నాజర్, ప్రకాష్ రాజ్, బ్రహ్మానందం, ధర్మవరపు సుబ్రహ్మణ్యం, సునీల్, అజయ్, గిరిబాబు, సుధ, తనికెళ్ళ భరణి, కె విశ్వనాధ్, గిరిధర్, చరణ్ రాజ్ తదితరులు నటించారు.

ధన్యవాదాలు
తెలుగురీడ్స్

అంతఃపురం చిత్రంలో అమ్మతనం ఆరాటపోరాటం బిడ్డడి భవిష్యత్తుకోసం

అంతఃపురం చిత్రంలో అమ్మతనం ఆరాటపోరాటం బిడ్డడి భవిష్యత్తుకోసం సాగిస్తుంది. తన బిడ్డడిని ఫాక్షనిస్టుల మధ్య నుండి దూరంగా తీసుకువెళ్ళడానికి ఆరాటపడుతూ కష్టంతో పోరాటం చేసే కన్నతల్లి ప్రయత్నం. ఏతల్లి అయినా బిడ్డడి క్షేమం కోరుతుంది, పోరాటం చేస్తుంది, ప్రాణాలకు తెగించి కూడా తల్లి పోరాడుతుంది అని ఈచిత్రం చూపుతుంది. విమర్శకుల ప్రసంశలు కొన్ని చిత్రాలకే దక్కుతాయి అలా ఈ చిత్రానికి ఈచిత్ర యూనిట్ కు కూడా దక్కాయి. అంతఃపురం అమ్మతనం ఆరాటం పోరాటం.

అమ్మగా సౌందర్య నటిస్తే, అమ్మ భర్తగా సాయి కుమార్ నటిస్తే అమ్మ భర్తకి తండ్రిగా అమ్మకి మామగా ప్రకాష్ రాజ్ నటన అందరిని ఆకట్టుకుంటే, సౌందర్య నటన అందరిని మెప్పిస్తుంది. అమ్మభర్తకి తల్లిగా ప్రకాశ రాజ్ భార్యగా సౌందర్యకు మద్దతు పలికే అత్తగా ఫ్యాక్షన్ ఫ్యామిలీలో ఇల్లాలులా శారద నటన ఉంటుంది. ఇలా అందరి నటన ఈ చిత్ర కధనం చిత్రాన్ని ఒక సచ్చిత్రంగా మలిచింది. ఈ చిత్రంలో అసలేం గుర్తుకు రాదు… అంటూ సాగే పాట బాగా ప్రాచుర్యం పొందింది.

ఫ్యాక్షన్ వాతావరణంలో ఉండలేక విదేశాల్లో నివసించే శేఖర్ (సాయికుమార్) అక్కడే స్థిరపడ్డ ఒక బిజినెస్ మేన్ కూతురు బానుమతి (సౌందర్య)ని వివాహం చేసుకుంటాడు. వారివురు అన్యోన్యమైన సంసార ఫలితంగా కలిగిన కొడుకుతో సంతోషంగా విదేశాల్లోనే ఉంటారు. అయితే ఊరినుండి వచ్చిన కబురుతో శేఖర్ ఫ్యామిలీతో సొంతఊరికి వస్తాడు. శేఖర్ తండ్రి ఊరిలో ప్రసిద్ద ఫ్యాక్షన్ నాయకుడు అతని పేరు నరసింహ, పేరుకు తగ్గట్టే అతని ప్రవర్తన ఉంటుంది. ఎప్పుడు దాడి ప్రతిదాడిలతో సాగే ఆ కుటుంబవాతావరణంలోకి బానుమతి తన బిడ్డడితో బిక్కుబిక్కుమంటూ ప్రవేశిస్తుంది.

నరసింహ ప్రత్యర్ధుల దాడిలో శేఖర్ తన ప్రాణాలు కోల్పోతాడు, భర్తని కోల్పోయిన భానుమతి తన బిడ్డడితో మరలా విదేశాలకు వెళ్ళడానికి ప్రయత్నిస్తుంది. భానుమతి మామ అయినా నరసింహా వారిని ఆప్ తండ్రిని చంపిన వారిపై కక్ష తీర్చుకునే భాద్యత నీ బిడ్డడిపై ఉంది, నీ బిడ్డడు నాకు వారసుడు అని భానుమతి ప్రయాణాన్ని అడ్డుకుంటాడు. తన మూర్ఖత్వాన్ని ఎదిరించిన భానుమతిని నరసింహ గదిలో బందించి ఉంచుతాడు.

అత్తగారి సహాయంతో భానుమతి బిడ్డడితో ఇల్లు దాటి బయటపడుతుంది, నరసింహ మనుషులు వెంటపడతారు. ఎలాగైనా వారికి దొరకకుండా బిడ్డడితో కొనసాగించే ప్రయాణ ప్రయత్నంలో భానుమతి పడే కష్టాలు ఎక్కువగానే ఉంటాయి. చివరికి జగపతిబాబు సహాయంతో ఆమె తన ప్రయత్నంలో విజయవంతం చేయగలుగుతుంది.

సహజత్వానికి దగ్గరగా కధనం నడిపించడంలో సన్నివేశాల్లో విబిన్నతను చూపే కృష్ణవంశీ ఈ చిత్రానికి దర్శకుడు. మంచి చిత్రాలకు ఆదరణ నిదానంగా వచ్చిన ఎక్కువ కాలం గుర్తుపెట్టుకుంటారు, అలా సందేశాత్మక చిత్రాలు, సామజిక ఇతివృత్తాలు ఉంటాయి. అంతఃపురం చిత్రం ముఠాకక్షల మద్య కుటుంబ వాతావరణం ఎలా ఉంటుందో చూపుతుంది. సౌందర్య, ప్రకాష్ రాజ్, సాయి కుమార్, శారద, జగపతి బాబు, చిన్నా, ఎంఎస్ నారాయణ, బాబు మోహన్ తదితరులు నటించారు.

ధన్యవాదాలు
తెలుగురీడ్స్

కర్తవ్యం వ్యవస్థలో విధులు కర్తవ్యతా దీక్షతో చేసే పోలీసు అధికారి

ఈ చిత్రంలో కర్తవ్యం, వ్యవస్థలో విధులు కర్తవ్యతా దీక్షతో చేసే పోలీసు అధికారి కధ కర్తవ్యం కధ. ఘటనా ఘటనలను తెలియజేస్తూ వాస్తవాలను సమాజానికి తెలియపరిచే సమాచార వ్యవస్థ ఒకటి ఉంటే పాల్గొనేవారి కర్తవ్యం ప్రజలకు వాస్తవాలు తెలియజేయడం. ప్రజల ఆరోగ్యాన్ని రక్షించాలి, రోగికి చికిత్స చేయాలి, రోగాలను అదుపు చేయాలనీ వ్యవస్థచే ఏర్పరచుకున్నది వైద్యవ్యవస్థ, ఇక్కడ రోగికి చికిత్స, రోగనివారణ మార్గాల సూచన ప్రధమ కర్తవ్యం. ఇలా పలురకాలుగా వ్యవస్థల్లో వివిధ రంగాలలో ప్రజాపనుల కోసం, సమాజ సేవలు కోసం  వ్యవస్థలు ఏర్పడడం, వ్యవస్థచే వ్యక్తులు నియమింపబడడం ఉంటుంది. ప్రభుత్వ రంగ సంస్థలు కొన్నిగా ప్రైవేటు రంగ సంస్థలుగా కొన్ని ఉంటే, అధికారికంగా ఉండే వ్యవస్థల్లో రక్షణ వ్యవస్థ ప్రధానమైనది, ప్రభుత్వపరమైన వ్యవస్థ.

ఏ రంగానికైనా సమయాలు ఉంటే రక్షణ వ్యవస్థ ఎప్పుడూ రక్షణ చేస్తూ ఉండాలి ఎందుకంటే ఆపదలు ఎప్పుడెప్పుడు ఎవరెవరికి వస్తాయో చెప్పలేరు. అలాంటి రక్షణ వ్యవస్థను అధికార రాజకీయవర్గాలు శాసిస్తూ ఉంటాయి. ప్రజలకు రక్షణగా ఉండే వ్యవస్థలో ఉద్యోగం చేయడం అంటే అది సమాజ సేవచేయడంలో ముందుండే వ్యక్తిత్వం ఉన్నవారికే ఉంటుంది. శక్తి ఉండి సమాజానికి సహాయకారిగా ఉంటే సమాజమే మెచ్చుతుంది, తెలివితో శక్తితో సమాజం నుండి పొందినా సమాజం సహకరిస్తుంది. ఏర్పరచుకున్న వ్యవస్థలో నియమ నిభందనలు ఉంటే, సమాజంలో వ్యక్తులు, వారి కుటుంబాలు, కులాలు, మతాలు వివిధ వ్యవస్థలు అన్ని అధికార అనధికార వ్యవస్థలుగా గుర్తింపు పొందినవిగా కొన్ని పొందనవిగా కొన్ని ఉంటాయి. ఒకరు ఒక రకంగా సేవ చేస్తూ ఉంటే, వారు మరొక రకంగా సేవను పొందుతూ ఉంటారు. సమాజం ద్వారా సేవ చేయడం, పొందడం ఉంటుంది.

స్వార్ధమనే విషయం పొందడంలో చూపిన చొరవ చేయడంలో చూపదు, అలాంటి స్వార్ధమే ఒక వ్యక్తిలో నిండిపొతే సదరు వ్యక్తి ప్రవర్తన పొందడంలోనే ఉంటుంది. దానికోసం ఇతర వ్యవస్థల లేక ఇతరుల కర్తవ్యానికి కూడా అడ్డుపడతారు. అలాంటివారు ముందుగా డబ్బు, తరువాత పదవి దాంతో అవసరమైన వ్యవస్థ అందులో అధికారులపై పట్టుబిగిస్తూ ఉంటారు. అధికారం అనగానే ముందుగా గుర్తుకు వచ్చేది రక్షణ వ్యవస్థే. రక్షణ వ్యవస్థలో కర్తవ్యతా భ్రస్టత ఏర్పడితే వ్యవస్థ చిన్నాబిన్నం అయ్యి సమాజంలో సమతుల్యత అదుపుతప్పుతుంది. అందుకే శాంతి భద్రతలను కాపాడే వ్యవస్థగా రక్షణ వ్యవస్థ పటిష్టంగా ఉంటుంది.

కర్తవ్యమే కార్యంగా పనిచేసే అధికారులు సమాజంలో తాత్కాలిక కష్టాలు ఉంటే

వ్యవస్థలో స్వార్ధపరుల ఆటకట్టించే రక్షణవ్యవస్థలో రక్షణాదికారిగా ఒక స్త్రీ పనిచేస్తే అది కర్తవ్యంతో చేస్తే ఎలా ఉంటుందో కర్తవ్యం చిత్రం చూపుతుంది. సమాజంలో స్వార్ధంతో పెద్దమనుషుల బలంతో అధికారంతో ఆటలాడే వ్యక్తుల గురించి చెప్పడంలో దర్శకుడు ఎ మోహన్ గాంధి సిద్దహస్తుడు.  పూజకు పనికిరాని పువ్వు, ఆడపడచు, న్యాయానికి సంకెళ్ళు, మౌనపోరాటం, జడ్జ్ మెంట్, పీపుల్స్ ఎన్కౌంటర్, ఆశయం, పోలీసు బ్రదర్స్, సంభవం, శంఖారావం లాంటి చిత్రాలకు దర్శకత్వం వహించారు. కర్తవ్యం చిత్రాన్ని నిర్మించింది ప్రముఖ నిర్మాత ఎ ఎం రత్నం. ఒకేఒక్కడు, ప్రేమికులరోజు, స్నేహం కోసం, బంగారం, ఖుషి, భారతీయుడు, పెద్దరికం లాంటి పలు చిత్రాలని నిర్మించారు.———————————–

తెలుగు చలన చిత్రం కర్తవ్యం కధలోకి వెళ్తే

మంత్రి బాబురావు (బాబుమోహన్) 32 ఫైళ్లపై అర్హతలు చూడకుండా సంతకం చేస్తే, ఆ ఫైళ్ల తాలూకా కుంభకోణం గురుంచి ప్రముఖ రాజకీయ వ్యక్తి దత్తు నిరాహారదీక్ష చేస్తాడు. మంత్రిబాబురావు సంతకాలు చేసిన ఫైళ్లలలో నగరంలో పెద్దమనిషి ముద్దుకృష్ణ (అట్లూరి పుండరీకాక్షయ్య) ఫైల్ కూడా ఉంటుంది. ఇదే విషయం అతనికి చెప్పి దత్తు సంగతి చూడమంటాడు మంత్రి. నేరాలు ఎదేచ్చగా చేస్తూ పోలీసు, న్యాయ వ్యవస్థలలో వ్యక్తులను డబ్బుతో లొంగదీసుకుంటూ ఉండే ముద్దుకృష్ణ దత్తుపై లారీని ఎక్కించేసి చంపించేస్తాడు. ఆ కేసుని CI కాశిపాతి, లాయర్ కలిసి అది ఆక్సిడెంట్ అని ఫైల్ క్లోజ్ చేస్తారు.

కర్తవ్యం, వ్యవస్థలో విధులు కర్తవ్యతా దీక్షతో చేసే పోలీసు అధికారి ఏఎస్పి వైజయంతి నిజాయితీ గల అధికారి ఆమె వచ్చి ఈ ఫైల్ కేసు తిరిగి విచారణ చేపడుతుంది. ముద్దుకృష్ణ డబ్బు అధికారంతో ఆ కేసుని గెలుస్తాడు. డ్రైవర్ తప్పతాగి ఆ ఆక్సిడెంట్ చేసారని నిరూపిస్తారు. CI కాశిపతి చేతిలో అవమానపాలు అయిన పోలీస్ కానీస్టేబుల్ కొడుకు సూరిబాబు కాశిపతిని చంపబోయి ఇంకో కానిస్టేబుల్ ని కాలుస్తాడు. దాంతో సూరిబాబు ఉద్యోగం పోగొట్టుకుని తిరుగుతూ ఉంటాడు. ఏఎస్పి వైజయంతి మారుటతల్లి కొడుకు ముద్దుకృష్ణ కొడుకుతో జతకట్టి అతనికోసం తప్పులు చేస్తూ ఉంటాడు. ఆ క్రమంలో పరీక్షా ప్రశ్న పత్రాలను దొంగిలించి అతనికి ఇస్తాడు. అలాగే వైజయంతి స్కూల్ మాస్టర్ గారి కూతురిని మానభంగం చేయడానికి ముద్దుకృష్ణ కొడుకుని అతని స్నేహితులు ప్రోత్సహిస్తారు. మానభంగానికి గురైన యువతి వెంటనే కోర్టుకి వెళితే, ముద్దుకృష్ణ కొడుకుని పోలీసులు కోర్టులో హాజరు పరుస్తారు.

CI కాశిపతి చెయ్యి విరక్కొట్టుకుని ఆ నేరం ముద్దుకృష్ణ కొడుకే చేసాడని నిరూపిస్తే, ఒకేవ్యక్తి ఒకే సమయంలో రెండు వేర్వేరు ప్రదేశాల్లో రెండు నేరాలు చేయలేడు, అలాగే మానభంగం కేసులో సరైన సాక్ష్యాధారాలు లేనందువలన కోర్టు ముద్దుకృష్ణ కొడుకుని కొద్దిపాటి శిక్ష విధిస్తుంది. ఈ నేరం విషయంలో వైజయంతి వదలదని భావించిన ముద్దుకృష్ణ తన కొడుకు పుట్టిన రోజుని ఘనంగా నిర్వహించి రాజకీయ యువ నాయకుడుగా మంత్రిచే చేయిస్తాడు. మానభంగం కేసులో శిక్ష తప్పించుకున్న ముద్దుకృష్ణ కొడుకుని కనుబొమలతో సహా గుండు గీసి బయటతిరగకుండా చేస్తాడు, సూరిబాబు. మండిపడ్డ ముద్దుకృష్ణ జైలులో ఉన్న సూరిబాబుని బయటకి లాక్కొచ్చి గొడవ సృష్టించి ఆ గొడవలో వైజయంతి కాళ్ళు విరిగేలాగా చేస్తాడు. కాళ్ళు విరిగినా మరలా కోలుకుని వృత్తిలో వచ్చిన వైజయంతి ముద్దుకృష్ణ అంతుచూస్తుంది. మానభంగం చేసేటప్పుడు ప్రోత్సహించిన ముద్దుకృష్ణ కొడుకు స్నేహితులు, అదే అమ్మాయికి తాళి కట్టేవిధంగా ప్రోత్సహించి, చేసిన తప్పు సరిదిద్దుకుంటారు.

అధికారి కర్తవ్యమే వ్యవస్థకు ఆధారం, సమాజానికి మేలు

వ్యక్తి కర్తవ్యం, వ్యవస్థలో విధులు కర్తవ్యతా దీక్షతో చేసే పోలీసు అధికారి తన కర్తవ్యం తను నిర్వహించడంలో కాళ్ళు పోగొట్టుకున్న నిరుత్సాహపడకుండా పోరాడడమే ఈ చిత్ర కధాంశం. తన స్వార్ధ కోసం ముద్దుకృష్ణ చేసే తప్పుడు పనులను కర్తవ్యం గాలికి వదిలేసి రక్షణ శిక్షణ అధికారులు అమ్ముడు అయ్యే అధికారులు, కర్తవ్యం కోసం ప్రాణాలను పణంగా పెట్టె అధికారులు ఈ చిత్రంలో కనబడుతారు. విజయశాంతి, వినోద్ కుమార్, సాయికుమార్, పిఎల్ నారాయణ, పరచూరి వెంకటేశ్వరరావు, చరణ్ రాజ్, నిర్మలమ్మ, బాబూమోహన్, నూతన్ ప్రసాద్, సాక్షి రంగారావు, పి.జె. శర్మ, సంజీవి, మోహన్, మీనా మొదలైనవారు నటించారు.

ధన్యవాదాలు
తెలుగురీడ్స్

విమర్శకుల ప్రశంశలు కలిగిన దృశ్యం సహజత్వానికి దగ్గరగా ఉంటుంది.

విమర్శకుల ప్రశంశలు కలిగిన దృశ్యం చిత్రం సహజత్వానికి దగ్గరగా ఉంటుంది. హై స్కూల్ చదువు పూర్తిచేయని ఒక సాదారణ వ్యక్తి పోలీసులకు దొరకకుండా పోలీసు కమిషనర్ కొడుకు హత్యని ఆక్సిడెంట్ కేసుగానే క్లోజ్ అయ్యేలా చేయడం ఈ చిత్ర కధాంశం. చూస్తూ చూస్తూ ఉండే మనసు చూసే వస్తువునే తలుస్తుందట అలాగే ఎప్పుడు కేబుల్ టివి యజమానికూడా సినిమాలు చూస్తూ తెలివితేటలతో తన కుటుంబం చేసిన హత్యని ఆక్సిడెంట్ కేసుగా చూపుతాడు.

కనిపించేదంతా దృశ్యంగా ఉంటే అందులో మర్మం చూసే దృష్టిని బట్టి ఉంటుంది. సినిమాల ద్వారా పోలీసుల దృష్టి ఎంతవరకు ఉంటుందో అవగాహనా పొందిన ఒక సినీ వీక్షకుడి నుండి వచ్చిన సస్పెన్స్ మూవీ దృశ్యం. కనిపిస్తున్నాయి కదా అని కానివి కోరుకుంటే కాయమే కోల్పోతామని మనసుని హెచ్చరించే దృశ్యమానందృశ్యంలో కనిపిస్తుంది. అన్ని అందుతుంటే సమయానికి సౌకర్యాలు సమకురుతూ సహజంగా ఇతరులను కూడా సౌకర్యవంతంగా మార్చుకోవడానికి ప్రయత్నించేవారు ఉంటారు. జీవితం విలువ తెలియకుండానే సౌకర్యాలు ఎక్కువైతే వచ్చే అనర్ధాలు జీవితాన్ని కోల్పోయేవరకు సాగుతాయి.

ఇక కధలోకి వెళ్తే రాజవరంలో రాంబాబు కేబుల్ టివి నిర్వహిస్తూ ఉంటూ, కేబుల్ ఆఫీసులో సినిమాలు చూస్తూ ఉంటాడు.రాంబాబు అతని భార్య ఇద్దరు ఆడపిల్లలతో ఆఫీసుకి దూరంగా కాపురం ఉంటూ ఉంటారు. అంజు ఇంటర్ చదువుతుంటే, చిన్నమ్మాయి స్కూల్ కి వెళుతూ ఉంటుంది. అంజు కాలేజీలోనే కమిషనర్ కొడుకు వరుణ్ చదువుతూ ఉంటాడు. ఇంటి సభ్యులతో గడుపుతూ సరదాగా కేబుల్ ఆఫీసులో సినిమాలు చూస్తూ గడిపే మధ్యతరగతి వ్యక్తి రాంబాబు జీవితంలోకి వచ్చే విషాదానికి కారణమే కమిషనర్ కొడుకు వరుణ్ కోరిక.

ఆకర్షణలకు లొంగితే అది జీవితాలతో ఆడుకుంటుంది.

అతి చాదస్తపు అలవాట్లు ఇంటిపట్టున ఉండేవారిని ఇబ్బంది పెడితే, మితిమీరిన సౌకర్యాలు సమయం కానీ సమయంలో కూడని విషయాలవైపు తీసుకువెళతాయి. తండ్రి అనుమతితో కాలేజీ టూర్కి వెళ్ళిన అంజు బట్టల మార్చుకునేటప్పుడు వీడియో చిత్రీకరించి, సదరు వీడియోతో అంజుని తన కోరిక తీర్చవలసినదిగా వరుణ్ బ్లాక్ మెయిల్ చేస్తాడు. గతిలేని అంజు అమ్మ జ్యోతితో చెబుతుంది. జ్యోతి అంజులు కల్సి వరుణ్ కి నచ్చజెప్పబోతే అతను జ్యోతినే కోరికను తీర్చమని అంటాడు, ఆ మాట విన్న అంజు అతని తలపై బలంగా కొట్టగానే వరుణ్ మరణిస్తాడు.

వరుణ్శవాన్ని వారు పాతిపెట్టి రాంబాబు వచ్చిన తరువాత విషయం చెబుతారు. అక్కడ నుండి రాంబాబు వేసే అడుగులు పోలీసులకు అంతుబట్టదు. వరుణ్ వాడిన కారు దొరకగానే చిత్రం ఇంకా సస్పెన్స్ గా సాగుతుంది. చివరకి కుటుంబం మొత్తాన్ని ఇంట్రాగేషణ్ చేసిన ప్రయోజనం ఉండదు. కమిషనర్ రాంబాబుని రిక్వెస్ట్ చేసిన పిదప జరిగిన విషయం చెప్పి, వారి కొడుకు చేసిన తప్పుని తెలియజేస్తాడు.

ధర్మంగా తనపని తాను చేసుకుంటూ ఉండే సాదారణ వ్యక్తి చేతిలో నేర్చుకునే వయసులో నేర్వడం మాని పెడద్రోవ పట్టిన యువకుడు గతిని కనుక్కోవడానికి కమిషనర్ వల్ల కూడా కాకపోవడం ఈ చిత్రంలో విశేషం. ఆకర్షణకు గురై పరిది దాటి ప్రవర్తించిన యువకుడి జీవితం ముగిస్తే, ఆ ప్రభావానికి ఒక కుటుంబం ఆవేదనకు గురిచేసింది, దృశ్యం చిత్రంలో.

చిన్న పిల్లలకు ఖరీదు అయిన స్మార్ట్ ఫోను ఇచ్చినా, బంతి ఇచ్చినా ఒకేలాగా విసిరేస్తూ, కింద మీద పడేస్తూ ఆడుకుంటాడు. చల్లని నీరు వేడి నీరు అయినా నిప్పు అయినా ముట్టుకుంటాడు. జీవితం విలువ తెలియనివారు ఇతరుల జీవితాలతో ఆడుకుంటారు, ఒక్కోసారి వారి జీవితం కోల్పోతారు. అలాంటి కోవలోకే వరుణ్ వెళ్ళాడు.

ఈ సినిమా విమర్శకుల ప్రశంశలు కలిగిన దృశ్యం చిత్రం సహజత్వానికి దగ్గరగా ఉంటుంది. కేబుల్ ఆపరేటర్ రాంబాబుగా వెంకటేష్, అతని భార్య జ్యోతిగా మీనా, వారి పెద్ద కూతురు అంజుగా (కృత్తిక జయకుమార్) చిన్న కూతురుగా ఎస్టర్, హెడ్ కానిస్టేబుల్ గా పరుచూరి వెంకటేశ్వరరావు, కమిషనర్ గా నదియా, కమిషనర్ భర్తగా నరేష్, వారి కొడుకు వరుణ్ గా రోషన్ బషీర్, కానీస్టేబుల్ వీరభద్రంగా రవి కాలే మొదలగు పాత్రల్లో ఇతరులు నటించారు.

ధన్యవాదాలు
తెలుగురీడ్స్

పుణ్యభూమి నాదేశం నమో నమామి ధన్యభూమి నాదేశం సదాస్మరామి

పుణ్యభూమి నాదేశం నమో నమామి ధన్యభూమి నాదేశం సదాస్మరామి అంటూ అన్న నందమూరి తారకరామారావుగారు మేజర్ చంద్రకాంత్ చిత్రంలో పాడితే, ఆ చిత్రంలో హీరోగా నటించిన మోహన్ బాబు పుణ్యభూమి నాదేశం అంటూ సందేశాత్మక చిత్రం తీసారు. రెండింటికి నిర్మాత కధానాయకుడు మోహన్ బాబుగారే.

నటినటులు: మోహన్ బాబు, మీనా, శుభశ్రీ, బ్రహ్మానందం, బాబూమోహన్, దాసరి నారాయణరావు,
దర్శకుడు: ఏ కోదండరామిరెడ్డి
నిర్మాణం: శ్రీ లక్ష్మి ప్రసన్న పిక్చర్స్,
నిర్మాత: మోహన్ బాబు

పుణ్యభూమి నాదేశ తెలుగు చలనచిత్ర కధ

స్వాతంత్ర్య సమరయోధుడు తాతాజీ తన మనవడు భరత్ అనే బాలుడుతో  తాతగారు పెన్షన్ కోసం పెన్షన్ ఆఫీసుకి వెళతాడు. అక్కడ భరత్ ప్రభుత్వ అధికారులతో గొడవపడితే తాతగారు ప్రభుత్వ అధికారికి క్షమాపణ చెప్పమని చెబుతాడు. అప్పటిదాక బాగా చదువుకునే భరత్ ఆ సంఘటనతో తన పంధా మార్చుకుంటాడు. స్కూల్ మానేసి స్నేహితులతో ఆటలు ఆడుతూ చెడు అలవాటులకు చేరువ అవుతాడు. ఆఖరికి తాతాజీ గారి ఇచ్చిన స్వాతంత్ర్య సమరయోధుడు తామ్రపత్రాన్ని కూడా తాకట్టు పెట్టి చెడు తిరుగుళ్ళు తిరుగుతూ ఉంటాడు. ఈ విషయాలు తాతాజీగారికి తెలిసి గుండెపోటుతో మరణిస్తాడు. భరత్ ని ఆమె తల్లి ఇంటి నుండి తరిమి కొడుతుంది.

అలా ఇంటినుండి వెళ్ళిన భరత్ బంగారయ్య అనే పిసినారి కొడుకుని కాపాడి అతని దగ్గర చేరతాడు. బంగారయ్యకి లక్ష్మి కాలనీ ఉంటుంది, ఆ కాలనీలో అద్దె వసూలు చేస్తూ అదే లక్ష్మికాలనీలో భరత్ పెరుగుతాడు. సమాజంలో చెడుపై స్పందిస్తూ పత్రికల్లో కధనాలు వ్రాస్తూ జర్నలిస్ట్ స్వాతి అదే కాలనీలో ఉంటుంది. చైతన్యవంతంగా ఆలోచన చేస్తూ సాదారణంగా కాలనీ తిరిగే భరత్ కి జర్నలిస్ట్ స్వాతికి వాదం జరుగుతూ ఉంటుంది. బంగారయ్య కొడుకు శ్రీపతి కూతురు ఇద్దరు ప్రేమించుకుంటారు. అయితే బంగారయ్య శ్రీపతి ఇద్దరూ బాల్యమిత్రులు, వారిద్దరి వివాహం కాయం చేస్తారు. బంగారు తనకొడుకుతో బాటు భరత్ పెళ్లికూడా చేయాలనీ చూస్తాడు.

శ్రీపతి ద్వారా లక్ష్మికాలనీ భూమి అంతా గనితో నిండి ఉందని, మంత్రికి, గుండా కాళీకి, ఆవులయ్యకి తెలుస్తుంది. ఎలాగైనా లక్ష్మికాలనీ కాళీ చేసి ఆ గనిని స్వాధీన పరుచుకోవాలని చూస్తారు. లక్ష్మి కాలనీ మతగొడవలు సృష్టించి, ఆ కాలనీ స్వాదీనపరచుకోవాలని చూస్తారు, అయితే భరత్ మాటలతో కాలనీ వాసులు తేరుకుని వచ్చిన ఆవులయ్య, మంత్రిని, పోలీసులని, శ్రీపతిని రాళ్ళతో కొట్టి వెనుకకు పంపిస్తారు. కాళి బంగారయ్యతో లక్ష్మికాలనీ తనకు అమ్మేసినట్టు పత్రాలు వ్రాయించుకుని బంగారయ్యని తన మనుషులతో చంపించేసి, లక్ష్మికాలనీలో చెట్టుకు వ్రేలాడదీస్తారు.

భరత్ కాళీ, శ్రీపతి, ఆవులయ్య మొదలైన దుర్మార్గులను కాల్చి చంపుతాడు, కోర్ట్ భరత్ కి ఉరిశిక్ష విధిస్తుంది. తనని నాలుగు గోడలమధ్య కాకుండా నలుగురి మద్య భగత్ సింగ్ మైదానంలో ఉరి తీయలవసినదిగా భరత్ ఆఖరికోరికగా తెలియజేస్తాడు. అందరు చూస్తూ ఉండగా ఉరి తీయబోతున్న సమయంలో కోర్టు వారు ఉరిశిక్ష రద్దు చేస్తున్నట్టు ప్రకటిస్తారు. కాని కాల్పులలో మరణించని కాళి మరలా తుపాకీతో అక్కడ దాడి చేస్తాడు. భరత్ కాళిని చంపడంతో చిత్రం ముగుస్తుంది.

సందేశాత్మక సామజిక ఇతివృత్తం పుణ్యభూమి నాదేశం చలనచిత్రం

మొండివాడు రాజుకంటే బలవంతుడు అని భరత్ ని చూసి అంటారు ఈ చిత్రంలో బంగారయ్య పాత్రలో దాసరి నారాయణరావు గారు. నీ మాటల తూటాలు, నీ మాటలతో విప్లవ జ్వాల వెలిగించు అని భరత్ ని చూసి అంటుంది జర్నలిస్ట్ స్వాతి. భరత్ ని మావయ్య అంటూ పిలిచి ఒక కుర్రవాడు కధ చెప్పమంటే, అందుకు భరత్ బ్రతకలేక చావడం చావలేక బ్రతకడం ఇదే పెద్ద కధ అని చెబుతాడు. అయితే భరత్ కాలనీలో అన్యాయాన్ని భరిస్తూ బ్రతికేవారిని చూస్తూ నవ్వుకుంటూ ఉంటాడు. కులమతాలను వాడుకుంటూ సమాజంలో రాజకీయం చేసే నాయకులంటే ఏవగింపుగా ఉండే భరత్ వారిని ఎదురించడంలో చూపించే ధైర్యం లక్ష్మికాలనీ వాసులకు మార్గదర్శకంగా ఉంటుంది.

కులం అనేది బంధాలను సక్రమంగా పెంచుకునే ప్రక్రియలో భాగంగా అనేక కుటుంబవ్యవస్థలను కలిగి వర్ణ వ్యవస్థగా ఏర్పడినది. అంతేకాని కులాన్ని అడ్డుపెట్టుకుని రాజకీయ వ్యాపారం చేయమని లేక కులాన్ని అడ్డుపెట్టుకుని చెడుని సమర్ధించమని కాదు. మతం అనేది జీవనమార్గంలో నిచ్చెన ఎక్కే సాధనా సంప్రదాయం కాని ప్రచారం చేసుకునే ప్రక్రియ కాదు, పారమార్ధిక ధర్మాలను పదిమందికి తెలియపరచడమే మతం అవుతుంది కానీ ఒకరి సిద్దాంతాలు ఇంకొకరిపై రుద్దడం మతం అవదు.

పుణ్యభూమి నాదేశం చిత్రం అంతా సమాజంలో ఉండే కులమత ఘర్షణలు వాటిపై అజ్ఞానంతో ఆలోచనచేసే లక్ష్మి కాలనీ వాసులను చూపుతూ ఉంటుంది. వాటిని చూస్తూ నవ్వుకునే భరత్ వారికోసమే దుష్టశిక్షణ చేస్తాడు. మతంపేరుతో మోసం చేసే వారు మోసపోయేవారు, భయం సమాజంలో ఎలా వ్యాపించి ఉందో, ఈ చిత్రం చూపుతుంది. భరత్ పాత్రలో మోహన్ బాబు, బంగారయ్యగా దాసరి నారాయణరావు, స్వాతిగా మీనా, శ్రీపతిగా గొల్లపూడి మారుతిరావు, అవులయ్యా గా ఏవిఎస్, భరత్ తల్లిగా అన్నపూర్ణ నటించారు.

ధన్యవాదాలు
తెలుగురీడ్స్

చిత్రం భళారే విచిత్రం ఆడుతూ పాడుతూ అప్పుల అప్పారావు

చిత్రం భళారే విచిత్రం ఆడుతూ పాడుతూ అప్పుల అప్పారావు కాసేపు కాలక్షేపం కోసం కామెడీ సినిమాలతో సరి పెట్టుకుంటే సరదాగా సమయం గడిచిపోతుంది. మనసు విశ్రాంతి కలుగుతుంది. కొంత సమయం సినిమా హాలులో కూర్చోబెట్టి, ఆ కొంత సమయంలోనే మధ్యలో విశ్రాంతి ఇస్తారు. ఒక గంటా పదిహేను నిమిషాలపాటు నిరంతరంగా పనిచేసే మనిషి ఇంద్రియాలకు విశ్రాంతి సమయం ఇచ్చి మరల ప్రారంభిస్తారు. డ్రామా సినిమా యాక్షన్ సినిమా అయినా భక్తీ చిత్రం అయినా కుటుంబ కధా చిత్రం అయినా ప్రేమ కధా చిత్రం అయిన చివరి హాస్య చిత్రం అయినా గంటదాటాక విశ్రాంతి మాములే.

నేడు చిత్రంగా పిల్లలు కూడా చదువు అని పుస్తకాలూ మోసి మోసి, చదివి చదివి ఒత్తిడిలోకి నెట్టబడడమే ఎక్కువగా ఉంటుంది అని అంటున్నారు. ఇలా చదువుకునే వారి దగ్గర నుండి కుటుంబ భాద్యత రిత్యా కష్టపడే కష్టజీవి అందరు ఎదో ఆర్ధిక సమస్య అనో, కుటుంబ సమస్య అనో, ఆరోగ్య సమస్య అనో ఒత్తిడికి లోనయ్యేవారి శాతం అధికమే. ఒత్తిడికి దూరంగా అంటే చతురతకు దగ్గరగా వెళ్ళడమే అంటారు. చతురత అంటే హస్యమంటారు.

హాస్య చిత్రాలలో హాస్యకధానాయకుడిగా కామెడీ చేసే హీరోలలో మనకి రాజేంద్ర ప్రసాదు గారి చిత్రాలు చాలానే చాలా మందిని సంతోషపెట్టాయి. కాసేపు కాలక్షేపం కోసం కామెడీ సినిమాలు ఆడే హాలుకు వెతుక్కుని మరి వెళ్లి చూసే వారి సంఖ్య ఎక్కువగానే ఉండేది. రాజేంద్ర ప్రసాద్ గారి కామెడీ చిత్రాలకు ఆదరణ సాదారణ ప్రేక్షకులతో బాటు ప్రముఖ వ్యక్తులు కూడా అభిమానులే అంటారు. చిత్రం భళారే విచిత్రం ఆడుతూ పాడుతూ అప్పుల అప్పారావు

యూట్యూబ్ – వీడియో వీక్షణలకు

ఇంతకుముందు కామెడీ చిత్రాలు చూడాలంటే ధియేటర్లకు వెళ్ళడం లేకపోతే CD/DVD ల ద్వారా వీక్షించడం ఉండేది. కానీ కాసేపు కాలక్షేపం కోసం కామెడీ సినిమాలతో సరి పెట్టుకోవడానికి కామెడీ కోసం కామెడీ సీన్స్ స్మార్ట్ ఫోన్లతో యూట్యూబ్ ద్వారా వీక్షించవచ్చు. హీరో రాజేంద్రప్రసాద్ చిత్రాలలో కామెడీ చిత్రాల గురించి సంక్లిప్త వివరణ.

చిత్రం భళారే విచిత్రం ఆడుతూ పాడుతూ అప్పుల అప్పారావు లాంటి హాస్య చిత్రాలు

అహనా పెళ్ళంటా

జంధ్యాల కలం నుండి జాలువారిన హాస్య కధనం అహనా పెళ్ళంటా చిత్రం. పిసినారితనాన్ని తారాస్థాయిలో చూపించిన కామెడీ మూవీ. కోటశ్రీనివాసరావు పిసినిగొట్టుతనానికి బ్రహ్మానందం ముఖ కవళికలు కామెడీగా ఆకట్టుకుంటాయి. ఒక ఆస్తిపరుడు కొడుకు ఈ పిసినారి కూతుర్ని ప్రేమించి, తండ్రితో పందెం కట్టి ఈ పిసినారి ఊరికి వచ్చి తను పిసినిగొట్టుతనంలో పండితుడుగా నటిస్తాడు. రాజేంద్ర ప్రసాద్, రజని, నూతన్ ప్రసాద్, రాళ్ళపల్లి, బ్రహ్మానందం, సుత్తి వీరభద్రరావు, సుత్తివేలు, శుభలేఖ సుధాకర్ తదితరులు నటించారు. జంద్యాలగారు దర్శకత్వం వహించారు.

బామ్మా మాట బంగారు బాట

రాజేంద్ర ప్రసాద్, గౌతమి, భానుమతి, నూతన్ ప్రసాద్, ఏవిఎం బ్యానర్ నిర్మించారు. రాజశేఖర్ దర్శకత్వం వహించారు. బామ్మా మీద కోపంతో అలిగి ఇంట్లోంచి వెళ్ళిపోయినా యువకుడు ఒక అమ్మాయిని పెళ్లిచేసుకుని పట్నంలో కాపురం పెడతాడు. బెంగపెట్టకున్న బామ్మా మంచాన పడుతుంది. అనుకోకుండా పట్నంపోయిన మనవడికి మగపిల్లవాడు పుట్టినట్టుగా విన్న బామ్మ తేరుకుని మనవడి దగ్గరికి ముని మనవడిని చూడడానికి వస్తుంది. ఆ అబద్దాన్ని నిజం చేయడానికి ఆ దంపతుల పాట్లు చిత్ర కధాంశం. కారుతో కామెడీ సన్నివేశాలు రాజేంద్ర ప్రసాద్, నూతన ప్రసాద్ల కామెడీ ఆకట్టుకుంటుంది.

చెట్టుకింద ప్లీడర్

వంశీ దర్శకత్వంలో వచ్చిన ఈ చిత్రం చక్కటి కామెడీతో బాటు చక్కని పాటలు కూడా ప్రేక్షకులను అలరిస్తాయి. ఒక డబ్బున్న గోపాల కృష్ణ అనే వ్యక్తి సుజాత అనే అమ్మాయిని ప్రేమించి పెళ్లి చేసుకుని చనిపోతే, అతని ఆస్తిని ఆమెకు దక్కకుండా సదరు బంధువులు ఆమెకు లాయర్ నోటిసు పంపిస్తారు. సుజాత – గోపాలకృష్ణలకు అసలు వివాహమే కాలేదు అని ఆమె ఆస్తి కోసం అబద్దం చెబుతుందని. బాలరాజు అనే వాదనలో అనుభవం లేని ప్లీడర్ సహాయంతో ఆమె తన ఆస్తిని తను దక్కించుకుంటుంది. రాజేంద్ర ప్రసాద్, కిన్నెర, ఊర్వసి, గొల్లపూడి మారుతీరావు, శరత్ బాబు, మల్లిఖార్జునరావు తనికెళ్ళ భరణి తదితరులు నటించారు.

రెండురెళ్ళు ఆరు

జంధ్యాల దర్శకత్వంలో వచ్చిన ప్రేమ కధా హాస్యచిత్రంలో రాజేంద్ర ప్రసాద్, చంద్ర మోహన్, రజని, ప్రీతి, సుత్తివీరభద్రరావు, శ్రీలక్ష్మి, సుత్తివేలు, తదితరులు నటించారు. బాల్యవివాహం జరిగిన ఇద్దరు బాలబాలిక జంట పెరిగి పెద్దయ్యాక కూడా పట్నంలో తామెవరో వివరం తెలియకుండానే వారిద్దరూ ప్రేమించుకుంటారు. అయితే ఇద్దరికీ చిన్ననాటి బాల్య వివాహం సమస్యగా ఉంటుంది. ఊరిలో పెద్దలు బాల్యవివాహాన్ని యువవివాహంగా చేయడానికి కబురుచేసే వారిరువురు తమతమ స్థానంలో ఇతరులను పంపిస్తారు. అలా వెళ్ళిన వారు ఏమయ్యారు, బాల్యవివాహం చేసుకున్న వారు ఎలా కలిసారు. అదే చిత్ర కధాంశం.

చలాకి మొగుడు చాదస్తపు పెళ్ళాం

రేలంగి నరసింహారావు హాస్య చిత్రదర్శకుల దర్శకత్వంలో వచ్చిన చలాకిమొగుడు చాదస్తపు పెళ్ళాం చిత్రంలో రాజేంద్ర ప్రసాద్, రజని,సీత నిర్మలమ్మ తదితరులు నటించారు. ఉద్యోగం చేసుకునే వ్యక్తి పెళ్లిచేసుకుని, ఆ దంపతులు కొత్త కాపురం ప్రారంభిస్తారు. పెళ్లికూతురికి ఉన్న బామ్మ తన చాదస్తపు ప్రభావం మనవరాలి కొత్త కాపురంపై ప్రభావం చూపుతుంది. చాదస్తపు అలవాట్ల్తతో ఉన్న భార్యతో చలాకిమొగుడు పాట్లు చిత్రకధాంశం.

బంధువులొస్తున్నారు జాగ్రత్త

శరత్ దర్శకత్వంలో వచ్చిన కుటుంబ కధా హాస్యచిత్రంలో రాజేంద్ర ప్రసాద్-రజని జంటగా నటించారు. చిన్నతనంలో తల్లిదండ్రులను పోగొట్టుకుని వంటరివాడుగా ఉండే చిట్టిబాబు బ్యాంకులో ఉద్యోగం చేస్తూ, బంధువులు అంటే అభిమానం పెంచుకుంటాడు. అలా ఉండే చిట్టిబాబు ఎక్కువమంది బంధువులు కలిగిన తన స్నేహితుడు సుధాకర్ ఇంటికి పెళ్ళికి వెళ్తాడు. అలా పెళ్ళికి వెళ్ళిన చిత్తబాబుకి, సుధాకరు చిన్నాన్న కూతురికి ప్రేమ పుడుతుంది. తత్ఫలితంగా వారు ఒకటై కొత్త కాపురం ప్రారంభిస్తారు. కొత్తకాపురంలో బంధువుల తాకిడి తగులుతుంది. బంధువులంటే అభిమానం ఎక్కువగా ఉండే చిట్టిబాబు సంసారంలో బంధువుల బాగోతమే ఈ చిత్ర కధాంశం.

లేడీస్ టైలర్

సుందరం తన చేస్తున్న దర్జీ పనిమీద దృష్టి పెట్టడం మానేసి జాతకాల మీద నమ్మకంతో అదృష్ట ప్రయత్నాలు చేస్తూ ఉంటాడు. అలాంటి వ్యక్తికి తొడపై పుట్టుమచ్చ ఉన్న అమ్మాయిని పెళ్లిచేసుకుంటే అదృష్టం కలిసి వస్తుంది. అని చెబుతారు. ఊరిలో బట్టలు అమ్మేవ్యక్తి బట్ల సత్యం సహాయంతో ఊరిలో పెళ్ళికాని అమ్మాయలకు ఎవరి తొడపై పుట్టుమచ్చ ఉందో వెతికే పనిలో పడతాడు. ఆ ప్రయత్నంలో ఊరిలో పాఠాలు చెప్పే ఉపాధ్యాయనితో ప్రేమలో పడతాడు. చివరికి పుట్టుమచ్చ ఉన్నది లేనిది అనే అంశం ప్రక్కన పెట్టి ఆమెనే పెళ్లి చేసుకుంటాడు. రాజేంద్ర ప్రసాద్, అర్చన, శుబలేఖ సుధాకర్ తదితరులు నటించారు, వంశి దర్శకత్వం వహించారు.

అప్పుల అప్పారావు

అందరి దగ్గర అప్పులు చేస్తూ అప్పులవాళ్ళతో ఇంటిదగ్గర క్యూ కట్టించుకునే అప్పారావు అప్పుల అప్పారావుగా ప్రసిద్ది. అతనికి అప్పు తీసుకోవడమే కానీ తీర్చడం ఉండదు. అలా అప్పారావుకి డబ్బు అప్పుగా ఇచ్చి తిరిగి ఇస్తాడా ఇవ్వడా అంటూ మంచమెక్కిన ఒక వ్యక్తి ఆసుపత్రి పాలు అవుతాడు. అప్పారావుకి అప్పునే తలుస్తున్న ఆ వ్యక్తి అప్పారావు చేతుల మీదుగా అప్పు తిరిగి తీసుకోగానే మరణిస్తాడు. సాదారణంగా అప్పులు తీసుకున్నవారు ఇబ్బంది పడితే, ఇక్కడ అప్పు తీసుకున్న అప్పారావు హ్యాపీగా అప్పులు చేస్తూ బ్రతికేస్తూ ఉంటాడు. అటువంటి అప్పారావు ప్రేమ కధ అనేక మలుపులు తిరిగి ఇద్దరి పెళ్ళాల పెళ్ళితో ముగుస్తుంది.

ఏప్రిల్ 1 విడుదల

వంశీ రాజేంద్ర ప్రసాద్ కాంబినేషన్ విలక్షణ కామెడీ హిట్ చిత్రాలుగా ఉంటాయి. అటువంటి వాటిలో ఏప్రిల్ 1 విడుదల. నెలరోజుల పాటు నిజమే చెప్పాలనే పందెం ఈ చిత్రం యొక్క కధాంశం. ఫంక్షన్లకు వీడియో షూటింగ్లు చేస్తూ, ఇంటికి కాసెట్లు అద్దెకు ఇచ్చే దివాకరం అందరితోనూ అబద్దాలే చెబుతూ ఉంటాడు. అయితే ప్రేమించిన అమ్మాయిని పెళ్లి చేసుకోవడం కోసం, తమ పందెం విషయం ఎవరికీ చెప్పకుండా కేవలం నిజాలే చెప్పడం మొదలుపెడతాడు. అలా నిజాలు చెప్పి ప్రాణం మీదకు తెచ్చుకుంటాడు. అయినా అబద్దం చెప్పడు. అతనిని వదిలించుకుందాం అని పందెం కాసిన ఆ అమ్మాయి అతని సిన్సియారిటికి అతన్ని పెళ్లి చేసుకోవడంతో చిత్రం ముగుస్తుంది.

మాయలోడు ఆ ఒక్కటి అడక్కు రాజేంద్రుడు గజేంద్రుడు ఆ n నలుగురు

మాయలోడు

వీధులలో గారడి చేసే వీరబాబు ఒక చిన్నపాప కళ్ళు తెప్పించడానికి అని పాటుపడుతూ ఉంటాడు. అయితే ఆ పాపా మేనమామే అప్పలకొండ ఆ పాపని చంపాలని చూస్తాడు. అలాగే వీరబాబుని హత్యకేసులో ఇరికిస్తాడు. జైలుకి వెళ్లిన వీరబాబు జైలులోనే ఉంటూ తన మాయ విద్యలతో అప్పలకొండ ఆట ఎలా కట్టించాడో ఈ చిత్ర కధాంశం. రాజేంద్ర ప్రసాద్, సౌందర్య, నిర్మల, గుండు హనుమంతరావు, బ్రహ్మానందం, అలీ బాబు మోహన్, పద్మనాభం తదితరులు నటించారు. ఎస్వి కృష్ణారెడ్డి దర్శకత్వం, స్క్రీన్ ప్లే, స్టొరీ, సంగీత దర్శకత్వం చేసారు. కామెడీ చైల్డ్ సెంటిమెంట్ చిత్రం సరదాగా ఉంటుంది.

ఆ ఒక్కటి అడక్కు

కష్టపడకుండా కోటీశ్వరుడు అవుదామని జాతకాన్ని నమ్మి సంవత్సరంలో నేనే కింగుని అనుకుంటూ కాళిగా తిరిగే అటుకుల చిట్టిబాబుని, కష్టపడి కోటీశ్వరుడు అయిన రొయ్యలనాయుడు కూతురు రంభ ప్రేమిస్తుంది. జ్యోతిష్కుడు కుడా రంభని పెళ్లి చేసుకుంటే కోట్లు కల్సి వస్తాయంటే, రంభని పెళ్లి చేసుకోవడానికి చిట్టిబాబు సిద్దపడతాడు. అయితే అప్రయోజకుడుగా తిరుగుతూ ఉండే అటుకుల చిట్టిబాబుతో పెళ్ళికి రొయ్యలనాయుడు ఒప్పోకోడు. రంభ ఆత్మహత్యా ప్రయత్నం చేయడంతో పగటి కలలు కనే చిట్టిబాబుని లక్ష కట్నం ఇచ్చి నా కూతుర్ని పెళ్లిచేసుకో అనిచెబుతాడు. లక్ష కట్నం కోసం చిట్టిబాబు ప్రయత్నాలే చిత్ర కధాంశం. రాజేంద్ర ప్రసాద్, రంభ, రావుగోపాలరావు, రాధాబాయి తదితరులు నటించారు.

రాజేంద్రుడు గజేంద్రుడు

రాజేంద్ర ప్రసాద్ రాజేంద్రుడుగా ఏనుగు గజేంద్రుడుగా ఈ చిత్రం హాస్యభరితంగా ఉంటుంది. ఇంటి అద్దెకూడా కట్టుకోలేని రాజేంద్రుడుకి గజేంద్రుడు బహుమతి లాటరీలో వస్తుంది. తనకే తిండికి గతిలేనిది తను ఏనుగుకి తిండి పెట్టడం ఎలా అనుకుంటూనే అదృష్టాన్ని నమ్మకుని ఏనుగుని ఇంట్లో పెడతాడు. a విషయంలో అద్దేవిషయంలో చెప్పినట్టే ఇంటి యజమానికి మాయమాటలు చెప్పి ఒప్పిస్తాడు. రాజేంద్రుడు గజేంద్రుడు ఎలా కలిసి సహజీవనం చేస్తారో ఈ చిత్రం చూడాల్సిందే. ఎస్వి కృష్ణారెడ్డి దర్శకత్వంలో వచ్చిన ఈ చిత్రంలో ఇంకా సౌందర్య, గుండు హనుమంతరావు, కోటశ్రీనివాసరావు, గుమ్మడి, బ్రహ్మానందం, అలీ, బాబుమోహన్ తదితరులు నటించారు.

ఆ నలుగురు

కామెడీ చిత్రాలతో నవ్వించే రాజేంద్ర ప్రసాద్ కొన్ని సందేశాత్మక చిత్రాలలో కూడా నటించారు. అటువంటి వాటిలో ఆనలుగురు విమర్శకుల ప్రశంశలు పొందిన చిత్రం. కుటుంబంపై ఎంత భాద్యత ఉందో సమాజంపై కూడా అంటే భాద్యతతో మెసిలే ఓ మాములు మధ్యతరగతి వ్యక్తి కధ. పత్రిక ఎడిటర్ గా ఉంటూ, సమాజంలో అందరి క్షేమం కోరుతూ వచ్చిన డబ్బుతో విలవలు కాపాడుకుంటూ జీవించిన వ్యక్తికి అతని కొడుకులు తలగోరివి పెట్టడడం కన్నా డబ్బే ప్రధానంగా భావిస్తే సమాజంలోంచి అతని కోసం వచ్చిన స్పందన చూసి తీరాల్సిందే. రాజేంద్ర నటన అద్బుతంగా ఉంటే, ఈ చిత్రానికి నంది అవార్డు వచ్చింది. ఈ చిత్రానికి దర్శకత్వం చంద్ర సిద్దార్ధ వహించారు.

మిస్టర్ పెళ్ళాం

రాజేంద్ర ప్రసాద్ – ఆమని జంటగా మధ్యతరగతి ఉద్యోగులుగా ఈ చిత్రం సరదాగా సందేశాత్మాకంగా సాగుతుంది. ఉద్యోగానికి వెళ్ళే భర్తకి ఇంట్లో ఇద్దరి పిల్లలకి సమయానికి సేవచేస్తూ భర్తని ఆఫీసుకి పిల్లలని స్కూలుకి పంపించే ఇల్లాలుగా ఆమని నటన అందరిని ఆకట్టుకుంటుంది. బ్యాంకు ఉద్యోగిగా ఉండే రాజేంద్ర ప్రసాద్ బ్యాంకు మేనేజర్ చేత మోసగింపబడి ఉద్యోగబ్రష్టుడు అవుతాడు. కుటుంబ భాద్యతగా ఆమని ఉద్యోగం చేయడం, రాజేంద్ర ప్రసాద్ వంటచేయడం జరుగుతుంది. ఆ పరిస్థితుల్లో ఇద్దరి మద్య వచ్చే చిన్న చిన్న తగాదాల ఫలితం ఏమిటి, చివరికి భర్త ఉద్యోగిగా మారడం చిత్ర కధాంశం. బాపు దర్శకత్వంలో వచ్చిన కుటుంబ కావ్యం.

ఇంకా రాజేంద్ర ప్రసాద్ కామెడీ మూవీస్ గోల్ మాల్ గోవిందం, ఎదురింటి మొగుడు పక్కింటి పెళ్ళాం, భలేమొగుడు, ఇద్దరు పెళ్ళాల ముద్దుల పోలీస్, బ్రహ్మచారి మొగుడు, అత్తింట్లో అద్దె మొగుడు, వద్దుబావా తప్పు,

దొంగకోళ్ళు, ఆలీబాబా అరడజను దొంగలు, పెళ్ళాం పిచ్చోడు, వాలుజడ తోలుబెల్ట్, పేకాట పాపారావు, తెనేటిగ, వివాహ భోజనంబు, జూలకటక, చిక్కడు దొరకడు, అల్ రౌండర్, కొబ్బరిబొండం, ఖుషి ఖుషిగా, క్షేమంగా వెళ్లి లాభంగా రండి, ముత్యమంత ముద్దు, శ్రీరామచంద్రులు తదితర చిత్రాలు కలవు.

చిత్రం భళారే విచిత్రం చంటబ్బాయ్ ఆడుతూ పాడుతూ

చిత్రం భళారే విచిత్రం

నగరంలో ఉద్యోగం లేని నిరుద్యోగులు, అద్దెకు ఉండే ఉద్యోగుల చిత్రంగా పడే పాట్లు విచిత్రంగా ఈ సినిమాలో కనిపిస్తాయి. మూవీ పేరు చిత్రం భళారే విచిత్రంగా ఆద్యంతం హాస్యభరితంగా సాగుతుంది. సుధాకర్, బ్రహ్మానందం స్నేహితుడుతో కలిసి గరుడాచలం ఇంట్లో అద్దెకు ఉంటుంటే వారికి తోడూ ఉద్యోగాల వేటకు రాజా రాఘవ వస్తారు. మద్యం సేవించి నానావాగుడు వాగినందుకు గరుడాచలం సుధాకర్ని అతని స్నేహితుల్ని ఇంట్లోంచి గెంటివేస్తాడు. అద్దె ఇల్లు కోసం రాజా ఆడవేషంలో వారు ఒక కుటుంబంలాగా అద్దింట్లో వారు పడే పాట్లు ఈ చిత్ర కధాంశం. జంధ్యాల దర్శకత్వంలో నరేష్, బ్రహ్మానందం, శుబలేఖ సుధాకర్, మహర్షి రాఘవ, కోట శ్రీనివాసరావు తులసి తదితరులు నటించారు.

చంటబ్బాయ్

చిరంజీవి హాస్యభరితంగా నటించిన చిత్రం చంటబ్బాయ్, ఈ చిత్రానికి జంధ్యాల దర్శకత్వం వహించారు. డిటెక్టివ్ ఏజెన్సీ కంపెనీలో డిటెక్టివ్ జేమ్స్ పాండ్(చిరంజీవి) గా పనిచేస్తూ, మర్డర్ చేసిన తమ కంపెనీ మేనేజర్ నేరాన్ని బయటపెట్టి ప్రమోషన్ పొందుతాడు. ఆ కేసులో పరిచయమైనా జ్వాల(సుహాసిని) స్నేహితురాలి(ముచ్చెర్ల అరుణ)అన్నయ్యని వెతికి పట్టుకునే కేసుని జేమ్స్ పాండ్ స్వీకరిస్తాడు. ఇన్వెస్ట్ గేటు చేసి ఒక వ్యక్తిని చంటబ్బాయ్ గా తీసుకువస్తే, ఇంకొకరు వచ్చి నేనే చంటబ్బాయ్ అంటాడు. చివరకి చంటబ్బాయ్ ఎవరు అనేది చంటబ్బాయ్ చేత కనుగొనబడడం ఈ చిత్ర విశేషం. చిరంజీవి, సుహాసిని, అల్లు అరవింద్, చంద్రమోహన్,ముచ్చెర్ల అరుణ, జగ్గయ్య తదితరులు నటించారు.

ఆడుతూ పాడుతూ

గోపి సొంతబస్సు ఉండి, కిరాయిలు దొరక్క ఇంటికి అద్దె కట్టలేక, నగరంలో స్థిరంగా ఉండే ఇల్లు లేక గోపి(శ్రీకాంత్) అతని స్నేహితుడు పాపారావు(సునీల్) ఇద్దరూ బాచిలర్స్ బస్సులోనే నివాసం ఉంటూ ఉంటారు. అలాంటిది వారి బస్సింట్లోకి అంతుబట్టని భాషలో మాట్లాడే అమ్మాయి వచ్చి చేరుతుంది. ఆ అమ్మాయని వదిలించుకునే ప్రయత్నంలో గోపి ఆ అమ్మాయితో ప్రేమలో పడడం జారుతుంది. దుబాయ్ వెళ్లాలనుకునే పాపారావు పాస్ పోర్ట్ కొట్టేసిన ఎలుకపై పాపారావు రివెంజ్ సన్నివేశాలు కామెడీగా ఉంటాయి. శ్రీకాంత్, సునీల్, గాయత్రి తదితరులు నటించారు.

ప్రముఖ హాస్య దర్శకుల చిత్రాలు చాలానే తెలుగులో ఉంటాయి. జంధ్యాల, ఈవివి సత్యనారాయణ లాంటి దర్శకుల నుండి అనేక కామెడీ చిత్రాలు ఉంటాయి. ఇక ఇప్పుడు ట్రెండ్ అయితే యాక్షన్ చిత్రాల్లో కూడా కామెడీ కలసి ఉండే విధంగా చిత్రాలు సాగుతున్నాయి. వాటిలో వెంకి, డి, రెడీ, రేసుగుర్రం, శంకర్ దాదా MBBS వంటి చిత్రాలు కామెడీ వంతు ఎక్కువగానే ఉంటుంది. చిత్రం భళారే విచిత్రం ఆడుతూ పాడుతూ అప్పుల అప్పారావు మొదలైన చిత్రాలు యూట్యూబ్లో వీక్షించవచ్చు.

ధన్యవాదాలు
తెలుగురీడ్స్

శుభసంకల్పం

ShubhaSankalpam Alpa vishayalaki Ateetamga untundi శుభసంకల్పం కమలహసన్, ఆమని, ప్రియారామన్, కె విశ్వనాధ్ ప్రధాన పాత్రలుగా ఉంటే, రాళ్ళపల్లి, నిర్మల, గొల్లపూడి తదితరులు నటించిన ఈ చిత్రం శ్రీ కోదండపాణి ఫిలిం సర్క్యూట్స్ పతాకంపై SP బాలసుబ్రహ్మణ్యం కె విశ్వనాథ్ దర్శకత్వంలో నిర్మించారు. ఎం ఎం కీరవాణి సంగీతం అందించారు, చిత్ర పాటలు మంచి ప్రజాదరణను పొందాయి.

రాయుడు (కె విశ్వనాధ్) సముద్రతీరాన నివాసం ఉండే ఉన్నత వ్యక్తిత్వం కలిగిన పెద్దమనిషి, అయన సంకల్పమే ఆచరణలో శుభసంకల్పంగా మన ముందుకి వచ్చింది. సముద్రంలోకి చేపలవేటకి వెళ్ళే మత్యకారులకు పడవలు చేయించి ఇస్తూ, వారి మంచిచెడులను చూసుకునే పెద్దమనిషి. రాయుడుకి ఒక కూతురు అల్లుడు అమెరికాలో ఉంటారు, ఆమె మనుమరాలు తాతయ్య అంటే ప్రేమ కొద్ది, ఆ పల్లెకి వచ్చి వెళుతూ ఉంటుంది. ఇంకా రాయుడుకి ఒక దత్తపుత్రుడు ఉంటే అతను చెడు అలవాట్లకు బానిసగా మారతాడు.

సముద్రంలోకి చేపలవేటకి వెళ్ళే మత్యకారులలో దాసు (కమలహాసన్) చాల తెలివైనవాడు. పేపర్ పెన్ను అవసరం లేకుండా ఎప్పటి లెక్కలు అయినా కావలసినప్పుడు చెప్పగలిగే జ్ఞాపక శక్తి కలిగిన వ్యక్తి, అయితే అతను ఏమాత్రం అక్షరజ్ఞానం లేని వ్యక్తి. దాసు అంటే రాయుడుగారికి ఎనలేని అభిమానం ఉంటుంది.

చెడు అలవాటులకు దగ్గరైన తన కొడుకుని డబ్బు వ్యవహారాలకు దూరంగా ఉంచడంతో చెడు అవసరార్ధం రాయుడు కొడుకు అయిన దత్తుడుజ, పట్నంలో ఒక వ్యక్తి దగ్గర (కోట శ్రీనివాసరావు) దగ్గర లక్షల కొద్ది అప్పు చేస్తాడు. ShubhaSankalpam Alpa vishayalaki Ateetamga untundi

గంగామహాలక్ష్మి – దాసుల వివాహం

పడవలు తయారుచేసే ఒక తాగుబోతు కూతురు అయిన గంగామహాలక్ష్మి (ఆమని) దాసు ఒకరినొకరు ఇష్టపడతారు. ఈ విషయం తెలిసిన రాయుడు వాళ్ళిద్దరికీ పెళ్ళిచేసి, మరలా దాసు – గంగామహాలక్ష్మికి పుట్టిన కొడుకుకి నామకారణం కూడా తన ఖర్చులతో చేయిస్తాడు.

పట్నంలో అప్పు చెల్లించవలసిన రాయుడు కొడుకు దత్తుడు, రాయుడు ఆఫీసులో లేని సమయంలో వచ్చి బలవంతంగా డబ్బు తీసుకుని వెళ్లిపోతుంటే, దాసు అడ్డుకుని ఆ లక్షల డబ్బుని తన ఇంట్లో దాస్తాడు. తరువాత విషయం ఊరిని నుండి వచ్చిన రాయుడికి వివరిస్తారు.

డబ్బుని దాసు ఇంటిలోనే ఉంచి, వ్యాపార వ్యవహారాలకు ఉపయోగించమని, మీ అందరికి తలా ఒకరికి ఒక ఇల్లు, ఒక పడవ సొంతంగా ఉండి, మీరు సంతోషంగా ఉండాలి అదే నా సంకల్పం అని రాయుడు అంటారు. తన సంకల్పానికి దాసుని సహకారంగా ఉండమని చెబుతారు. ఇక ఆ డబ్బు వ్యవహారాలు అన్ని దాసు గుడిస నుండి జరుగుతూ ఉంటాయి.

ఒకరోజు దాసు వేటకి అని సముద్రంలోకి వెళ్తాడు, అదును కోసం చూస్తున్న రాయుడి కొడుకు మనుషులు దాసు ఇంటికి వచ్చి దాడి చేస్తారు. ఆ డబ్బుని కాపాడే క్రమంలో దాసు నాయనమ్మ ప్రాణాలు కోల్పోతుంది. గుడిసె నుండి డబ్బుని తీసుకుని గంగామహాలక్ష్మి పడవమీద సముద్రంలోకి వెళ్తుంది, వెంటాడిన మనుషులకు డబ్బులు దక్కకుండా ప్రాణాలు పణంగా పెట్టి కాపాడుతుంది. ShubhaSankalpam Alpa vishayalaki Ateetamga untundi

వేటకు వెళ్ళిన దాసుకి డబ్బు గంగా మహాలక్ష్మి వలలో చిక్కుతారు, అయితే గంగా మహాలక్ష్మి ప్రాణాలు కోల్పోయి, డబ్బుని రక్షిస్తుంది. దాసు నాయనమ్మ మరణం చూసిన రాయుడికి గుండెపోటు వస్తుంది. రాయుడి ప్రాణరక్షణార్ధం గంగామహాలక్ష్మి బ్రతికే ఉన్నట్టు అబద్దం చెబుతాడు దాసు.

హాస్పిటల్ నుండి గంగ కోసం ఎదురుచూసే రాయుడు, తిరిగిరాని లోకాలకు తరలిపోయిన తనభార్య క్షేమంగా వస్తుంది అని రాయుడికి అబద్దం చెబుతూ దాసు పాత్ర విబిన్నంగా కనిపిస్తుంది. అందరూ ఉండి కూడా దాసు తన భార్యకు తన కొడుకుతో కలిసి అంత్యక్రియలు పూర్తి చేస్తాడు, రాయుడి ప్రాణ రక్షణకోసం. ఈ సన్నివేశాలు కంటతడిబెట్టిస్తాయి. చివరికి రాయుడికి గంగవిషయం తెలుస్తుంది, తరువాత రాయుడి కలల్ని దాసు నిజం చేస్తాడు.

నటన అంటే కమలహాసన్ చిత్రాలే సమాధానాలుగా చెబుతారు, అటువంటి నటనకి కె విశ్వనాధ్ గారి దర్శకత్వం తోడైతే ఆ చిత్రం నటన విశ్వరూపమే కనిపిస్తుంది. అటువంటి ఈ చిత్రం ఒక శుభసంకల్పాన్ని నెరవేర్చే పాత్రలో కమలహాసన్ నటన అద్బుతంగా ఉంటుంది. ఒక మంచి చిత్రం ఉంది అని చెప్పగలం కానీ ఆ మంచి చిత్రం గురించి గొప్పగా చెప్పడం కన్నా మంచి చిత్రాలే చూస్తేనే బాగుంటుంది.

ధన్యవాదాలు
తెలుగురీడ్స్

సౌందర్య – విక్టరీ వెంకటేష్ ల పవిత్రబంధం తెలుగుచిత్రం

PavitraBandham, ViktariVenkatesh, Soundaryala Telugu Chitram ayite Mutyala Subbaiah Director. పవిత్రబంధం ముత్యాల సుబ్బయ్య దర్శకత్వంలో వచ్చిన కుటుంబకదా చిత్రం. వెంకటేష్ – సౌందర్య హిట్ కాంబినేషన్లో వచ్చి తెలుగు మహిళల ఆదరణను పొందిన మంచి కుటుంబ కదా చిత్రంగా నిలిచింది. మారుతున్నా సామజిక పరిస్థితిలో భాగం ఎక్కువమంది ఉన్నత కుటుంబంలో తమ పిల్లల్ని ఇతరదేశాలలో చదివించడం పరిపాటి. అలా ఇతర దేశాలలో చదువుకుని ఇంటికి వచ్చి ఒక ఉన్నత కుటుంబ కుర్రాడుగా వెంకటేష్ నటిస్తే, సనాతన ధర్మం కల్గిన భారతదేశంలో సగటు మహిళగా, ఒక ఫాక్టరీలో ఉద్యోగిగా సౌందర్య చక్కగా నటించిన చిత్రం, పవిత్రబంధం.

సకుటుంబ సపరివారంగా చూడదగిన చిత్రాలలో పవిత్రబంధం ఒకటిగా ఉండి, భారతీయ స్త్రీమూర్తి సహనం, పతిసేవా తత్పరతను తెలియజేసే తెలుగు చలనచిత్రం పవిత్రబంధం. సెంటిమెంట్ చిత్రాల దర్శకులుగా పేరుపొందినవారిలో ముత్యాల సుబ్బయ్య గారు ఒకరు. గీతచిత్ర ఇంటర్నేషనల్ పతాకంపై పోసాని కృష్ణ మురళి కధ అందిస్తే, ఎంఎం కీరవాణి సంగీతం అందివ్వగా పవిత్రబంధం చిత్రాన్ని వెంకట రాజు – శివరాజులు ముత్యాల సుబ్బయ్య దర్శకత్వంలో నిర్మించారు. PavitraBandham, ViktariVenkatesh, Soundaryala Telugu Chitram.

జనతాగారేజ్ చిత్ర సమీక్ష చదవండి

విశ్వనాధ్(SP బాలసుబ్రహ్మణ్యం) ప్రముఖ పారిశ్రామికవేత్త, ఆస్తిపరుడైన అతనికి ఒక కొడుకు విజయ్(విక్టరివెంకటేష్) ఫారిన్లో చదువుపూర్తీ చేసుకుని స్వదేశానికి ఇంటికి వస్తాడు. అలా ఇంటికి వచ్చిన విజయ్ తో విశ్వనాధ్ పెళ్లి చేసుకుని బిజినెస్ వ్యవహారాలు చూసుకోవలసినదిగా కోరతాడు. స్వేచ్చగా స్వదేశం వదిలి విదేశంలో తిరగడం అలవాటు పడిన విజయ్ కేవలం సంతోషకరమైన విషయాలతో సంతోషిస్తూ ఉంటాడు.

రాధ (సౌందర్య) మధ్యతరగతి కుటుంబంలో పుట్టిన ఈమె తన కుటుంబ పోషణార్ధం విశ్వనాధ్ ఆఫీసులో విశ్వనాధ్ గారికి పర్సనల్ సెక్రటరీగా ఉద్యోగం చేస్తూ ఉంటుంది. రాధ (సౌందర్య) కుటుంబంలో అన్న నిరోద్యోగిగా ఉంటూ ఉంటే, పెళ్ళైన ఆమె అక్క జబ్బుతో బాధపడుతూ ఇంటిలోనే ఉంటుంది. పెళ్లికావాల్సిన చెల్లెలు ఉంటుంది. కుటుంబ పోషణ మొత్తం రాదే చూసుకుంటూ ఉంటుంది.

విజయ్ ఇంటికి వచ్చాక పాశ్చాత్య ధోరణిలో ఉంటూ క్లబ్బుల చుట్టూ తిరుగుతూ ఉంటాడు. పెళ్లి సంభందం గురించి మాట్లాడితే విజయ్ చెప్పిన మాటలకు విశ్వనాధ్ అవాక్కవుతాడు. నేను పెళ్లిచేసుకుంటాను కానీ ఆమెతో సంవత్సరం కాపురం చేసాక మా ఇద్దరికీ ఇష్టంగా ఉంటే కాపురం కొనసాగిస్తాం, ఒకవేళ సంవత్సరం తరువాత అలా ఇద్దరిలో ఎవరికి ఇష్టం లేకపోయినా విడిపోవటానికి అంగీకరించిన అమ్మాయి అయితే నాకు సరే అని చెబితే అవాక్కవ్వని తెలుగు తండ్రి ఉండడు. ఆ విధంగా కొడుకు ప్రవర్తనకు కారణం తల్లిలేకుండా ఉండడం ఒకటి, విదేశ సంస్కృతిలో అలవాటు పడి ఉండడం ప్రధాన కారణం అని గ్రహించిన విశ్వనాధ్.

విజయ్ (విక్టరివెంకటేష్) రాధ(సౌందర్య) అగ్రిమెంట్ వివాహం

ఆఫీసులో తనకు పర్సనల్ సెక్రటరీగా చేస్తున్న రాధను చూసి ఈమె అయితే తన కొడుకు విజయ్నిమార్చగలదు అని భావించి, ఆమెకు తన కొడుకుని పెళ్లి చేసుకోవలసినదిగా కోరతాడు. ఆత్మాభిమానం కలిగిన రాధ తన కుటుంబ కష్టాలు తీరాలంటే డబ్బు అవసరం, ఆ డబ్బు విశ్వనాధ్ గారి అబ్బాయి కండిషన్ తెలిసి, పెళ్లి తరువాత ప్రేమతో విజయ్ ని మార్చుకుంటాననే నమ్మకంతో ఆమె పెళ్ళికి ఒప్పుకుంటుంది. అయితే విశ్వనాధ్ గారి బరోస వలననే ఆమె తనపై తనకు గల నమ్మకంతో విజయ్ ని పెళ్లి చేసుకుంటుంది రాధ.

పెళ్లికి ముందే అగ్రిమెంట్ పత్రాలపై సంతకాలు చేసుకుంటారు కాబోయే భార్య భర్తలు. తర్వాత రాధవిజయులు అన్యోన్యంగా కలిసి ఉండడం ముచ్చటగా ఉంటూనే, మరోప్రక్క విజయ్ అగ్రిమెంట్ ఆసక్తిగా కధనం సాగుతుంది. రాధ కుటుంబ కష్టాలు విశ్వనాధ్ గారు తీర్చుతారు. రేచీకటితో బాధపడే సుధాకర్, బ్రహ్మానందం హాస్య సన్నివేశాలు మద్య మద్యలో వస్తూ ఉంటాయి.

సంవత్సరం గడిచేలోపు విజయ్ కి ఆక్సిడెంట్ అయ్యి ప్రాణాపాయ స్థితిలో రాధ అతనికి సేవలు చేసి అతనిని కాపాడుకుంటుంది. ఆ క్రమంలో వచ్చే పాట అపురూపమైనది అమ్మ ఆడజన్మ అంటూ సాగే సాంగ్ చిత్రీకరణ కధలో భాగమై సాగుతుంది. పాట పూర్తీ అయ్యేసరికి సంవత్సరం గడవడం అగ్రిమెంట్ ప్రకారం తనకు రాధపై ఫీలింగ్స్ లేవని వివాహం రద్దు చేసుకుందామని అంటే, విజయ్ తండ్రి బ్రతిమాలినా వినని విజయ్ విచిత్రంగా విడిపోవడానికి ఇష్టపడతాడు. విజయ్ ఇష్టప్రకారం రాధ తన పుట్టింటికి వెళుతుంది.

అలా పుట్టింటికి వెళ్ళిన రాధ లేని లోటు విజయ్ కి తెలిసి వచ్చి, ఆమెపై తనకి ఉన్న ప్రేమను గుర్తించి రాధ కోసం రాధ పుట్టింటికి వెళితే విజయ్ ని రాధ తిరస్కరిస్తుంది. ఎవరు చెప్పిన రాధ వినకుండా ఒంటరిగా ఉంటూ అందరి చేత మాటలు పడుతుంది. అలా ఎందుకు రాధ చేసింది అనేది చిత్రం చూడడమే బాగుంటుంది. చివరికి ఇద్దరు ఒకటవటంతో చిత్ర కధ ముగుస్తుంది. అయితే ఆద్యంతం కుటుంబ వాతావరణ సన్నివేశాలతో చిత్రం సాగుతుంది. రాధ పాత్రలో సౌందర్య నటన అద్బుతంగా ఉంటుంది, అలాగే వెంకటేష్ – సౌందర్యల మధ్య సన్నివేశాలు ఆకట్టుకుంటే, విశ్వనాధ్ పాత్రలో ఎస్పి బాలసుబ్రహ్మణ్యంగారి నటన సెంటిమెంట్ బాగా పండిస్తుంది. సకుటుంబ సపరివార సమేతంగా చూడదగిన పవిత్రబంధం చిత్రం, చాల పవిత్రమైన బంధం విలువని తెలియజేస్తుంది. PavitraBandham, ViktariVenkatesh, Soundaryala Telugu Chitram.

ధన్యవాదాలు
తెలుగురీడ్స్

జనతా గారెజ్

NTR & Mohanlal JanataGarrage Telugu Chalanachitram ఏ కుటుంబానికి కష్టం వచ్చినా అండగా నిలబడే ఓకే కుటుంబ కథ! జనతా గారేజ్ తెలుగు చలన చిత్రం. యంగ్ టైగర్ నందమూరి తారక రామారావు కధానాయకుడుగా నటించిన ఈ చిత్రంలో సమంతా, నిత్యమీనన్ హీరోయిన్స్ గా నటించారు. ఏ కుటుంబానికి కష్టం వచ్చినా అండగా నిలబడే కుటుంబ పెద్దగా మోహన్ లాల్ నటించారు. కొరటాల శివ దర్శకత్వం వహిచిన ఈ చిత్రానికి నిర్మాణం మైత్రి మూవీ మేకర్స్.

చంద్రశేఖర్ (సాయి కుమార్) శివ (రహమాన్) ఇద్దరు స్నేహితులు హైదరాబాదులో ఉంటారు. అయితే చంద్రశేఖర్ పోలీస్ ఆఫీసర్ గా పనిచేస్తూ ఉంటాడు. రహమాన్ ఊరిలో ఉన్న తన అన్న సత్యం (మోహన్ లాల్)ని కుటుంబంతో సహా హైదరాబాదుకి తీసుకువచ్చి అక్కడ అతనికి ఒక వర్క్ షాప్ పెట్టిస్తాడు. అయితే ఆ గారేజ్ ఒక స్థాయిలో వెళుతుంది.

సత్యం (మోహన్ లాల్) అన్యాయం జరిగిందంటూ ఎవరు వచ్చి అడిగి సహాయం చేయమన్న వెళ్లి సహాయం చేస్తూ ఉంటాడు. కొద్దిరోజులుగా తన షెడ్లో పనిచేసే పెద్దాయన రాకపోతే ఆయనింటికి వెళ్లి విషయం అడుగుతారు జనతా గారేజ్ పెద్ద మరియు అక్కడ పనిచేసే అతని గ్యాంగ్. తన కూతురిని మానభంగం చేసి చంపేశారని వాపోతాడు ఆ పెద్దాయన. ఈ విషయం గురించి జనతా గారేజ్ వ్యక్తులు అంతా కలిసి DSP చంద్రశేఖర్ (సాయికుమార్) దగ్గరికి వెళ్లి అడుగుతారు. నగరంలో ఒక పెద్దమనిషికి సంభందించిన వారు సాక్ష్యం లేకుండా ఆ తప్పు చేశారని, ప్రస్తుతం పోలీసులు చేతిలో ఏమి లేదని చెబుతారు.

NTR & Mohanlal JanataGarrage Telugu Chalanachitram

పోలీసుల సమాధానం విన్న జనతా గారేజ్ మనుషులు పెద్దాయన కూతుర్ని మానభంగం చేసిన నలుగురుని ఆక్సిడెంట్ గా చూపి చంపుతారు. ఇక ఆ సంఘటన తరువాత సిటీలో ఎవరికీ ఏ సమస్య వచ్చిన జనతా గారేజ్ వైపు చూడడం, వారికి వచ్చి విన్నవించుకోవడం జరుగుతూ ఉంటే, జనతా గారేజ్ గాంగ్ తమకు చెప్పిన సమస్యలను సరిచేస్తూ ఉంటారు. ఆ సమయంలోనే సత్యం (మోహన్ లాల్) తమ్ముడుకి పెళ్లి సంభందం వస్తుంది, పెళ్లి చేసుకుని ముంబై వచ్చేయమని (సురేష్ అనుయాయులు) పెళ్ళివారు అడిగినా రహమాన్ పెళ్లిచేసుకుని హైదరాబాదులో అన్నదగ్గరే ఉంటాడు. కొన్నాళ్ళకు వారికి ఒక బిడ్డకలుగుతాడు. అయితే జనందృష్టి ఎలా పడితే అలా ఎదగడం ఉండే సామజిక పరిస్థతిలో జనతా గారేజ్ గ్యాంగ్ అంటే మంచి చేసే గ్యాంగ్ గా పేరు గడిస్తుంది, అలాగే సిటీలో ఒక ప్రముఖ వ్యాపారవేత్తతో శత్రుత్వం కూడా సంపాదించుకుంటుంది. ఒకరోజు వారు గుడికి వెళుతుంటే జనతా గారేజ్ శత్రువులు కొందరు సత్యం (మోహన్ లాల్) తమ్ముడు రహమాన్ దంపతులపై దాడి చేసి చంపుతారు, వారి కొడుకు బతుకుతాడు.

ఆ ఇన్సిడెంట్ తరువాత DSP చంద్ర శేఖర్ వచ్చి ఈ పనులు మానేయమని ఇంతకుముందు మీకు చెప్పాను ఇప్పుడు చెబుతున్నాను అని చెబుతాడు. ముంబై నుండి వచ్చిన తమ్ముడు బావమరిది సురేష్ కి తమ్ముడి కొడుకుని వారికి ఇచ్చేసి మేమనే బందువులు ఉన్నట్టు చెప్పకుండా పెంచుకోండి, అని చెబుతాడు. అలా ముంబైకి చేరిన పిల్లవాడు ప్రకృతిపై అమితమైన ప్రేమను పెంచుకుంటూ ఉంటాడు. పిల్లవాడు మేనమామ అయిన సురేష్ కి ఒక పాప, ఇద్దరు పిల్లలు కలిసి పెరుగుతారు. అమ్మానాన్న గురించి అడిగితే మీ అమ్మ నాలాగా మీ నాన్న నీలాగా ఉంటుంది అని మాత్రమే సమాధానం చెబుతాడు సురేష్. పెరిగిన పిల్లవాడు ఆనంద్ (నందమూరి తారక రామారావు jr.), పాప బుజ్జి (సమంత).

కధానాయకుడి పరిచయ పాటలో అతని వ్యక్తిత్వం ప్రతిబింబించేలా ప్రకృతిని గురించి కధానాయకుడి ప్రణామం పాట చక్కగా ఉంటుంది. ప్రకృతిని ఇష్టానుసారం వాడుకునే వారు, పద్దతిగా వాడుకునేవారు ఎవరైనా పాటను వింటే ప్రకృతిపై ఇంకా గౌరవం పెరుగుతుంది.

NTR & Mohanlal JanataGarrage Telugu Chalanachitram

వాతావరణ కాలుష్యం గురించి ఆనంద్ (నందమూరి తారక రామారావు Jr.) ఎప్పుడు ఆలోచన సాగిస్తూ, ప్రకృతిని కాపాడుకోవాలి అని చూస్తూ ఉంటాడు. సురేష్ అప్పుడు ఆనంద్ జనతా గారేజ్ గ్యాంగ్ ఆలోచన చేసినట్టే ఆలోచన చేస్తున్నాడని అర్ధం అవుతుంది. తండ్రి కుటుంబ ఆలోచనలు ఇతనిలోను సాగుతాయి. ఆనంద్ ఆలోచనలు పెదనాన్నసత్యం(మోహన్ లాల్)లాగ సాగితే, సత్యం కొడుకు మాత్రం జనతా గారేజ్ విరోధితో చేతులు కలిపి తండ్రి దారి నుండి తప్పుకుని చెడు దారిలో ఆలోచనలు సాగుతూ ఉంటాయి.

సత్యం అతని అనుయాయులు ఎవరికీ ఏ సమస్య ఉందని జనతా గారేజ్ దగ్గరికి వచ్చిన వారి వారి సమస్యలను తీర్చుతూ సహాయపడుతూ ఉంటారు. అలా జనతా గారేజ్ వాహనాలను మనుష్యులను కూడా రిపేర్ చేయడం కొనసాగిస్తూ ఉంటుంది. సిటీలో ఉన్నా పేదవారి గుడిసెలు కలిచేసి హోటల్ కాంప్లెక్స్ కట్టి అభివృద్ధి చేసి పేదలకు కూడా వేరేచోట ఇల్లు కట్టిస్తామని ప్రభుత్వం దగ్గర ప్రపోజల్ తెస్తారు. సత్యం (మోహన్ లాల్) తిరస్కారంతో ఆ స్లం ప్రాజెక్ట్ ఆగిపోతుంది. జనతా గారేజ్ ఏమని చెప్పినా అదే కరెక్ట్ అనే అభిప్రాయం జనాలలో పెరుగుతుంది.

ప్రకృతిపై ప్రేమ కలిగిన ఆనంద్ ముంబైలో ప్రకృతిని పరిరక్షణకోసం అన్నట్టు చేసే ప్రయత్నంలో నిత్యమీనన్ పరిచయం అవుతుంది. బుజ్జి(సమంత), ఆనంద్ (నందమూరి తారక రామరావు Jr.)లు షాపింగ్ మాల్లో కలిస్తే చూసిన నిత్య ఎప్పుడు ప్రకృతి అని నసపెట్టే అతనితో ఏం ఫన్ ఉంటుంది, అంటే. డానికి ఆనంద్ నాతోరా అని నిత్యని తీసుకువెళతాడు ఎప్పుడూ తాను ఆనందంగా గడిపే ప్రదేశాలకి. మనకి ఆనందాన్ని ఇచ్చే ప్రకృతిని మనం కాపాడుకోవాలి అనే ప్రధాన ఉద్దేశ్యమే ఆనంద్లో ప్రస్పుటం అవుతుంది.

జనతా గారేజ్ యజమాని సత్యం (మోహన్ లాల్)కి ఆక్సిడెంట్ అవుతుంది, హాస్పిటల్ జాయిన్ అవుతాడు. ఆ ఆక్సిడెంట్ జనతా గారేజ్ శత్రువులే చేయించారని జాగ్రత్త అని DSP చంద్ర శేఖర్ మరలా హెచ్చరిస్తారు. ముంబైలో ఆనంద్ ఒక పార్క్ తీసీవేయలనుకున్న ఒక ఎంఎల్ఏ దేశ్ పాండేతో గొడవపడతాడు. ఒకసారి నేను హైదరాబాదు పరిశోదన నిమిత్తం వెళతాను అని అడిగిన ఆనంద్ని వద్దని ఆపేసిన (ఆనంద్ మావయ్య)సురేష్, ఇప్పుడు నీవు హైదరాబాదు వెళ్లి పరిశోదన చేసుకో అని చెప్పి హైదరాబాదుకి పంపించేస్తాడు.

NTR & Mohanlal JanataGarrage Telugu Chalanachitram

అయితే హైదరాబాదులో జనతా గారేజ్ యజమాని సత్యంగారికి ఆరోగ్యమ బాగా ఉండకపోవడం వలన వారి మంచి కార్యకలాపాలు కొంచెం తగ్గుతాయి. జనతా గారేజ్లో మిగిలినవారు సత్యంగారి ఆరోగ్యదృష్ట్యా సమస్యలు చెప్పుకునే వారు వచ్చిన కాదని వారిని పంపించేస్తూ ఉంటారు. జనతా గారేజ్ భాద్యతని తన కొడుకుని తీసుకోమని సత్యం(మోహన్ లాల్) అడిగితే కొడుకు కాదంటాడు. అంతే కాకుండా కొడుకు జనతా గారేజ్ విరోధి కూతుర్ని పెళ్లిచేసుకుని, అతని చేతిలో కీలుబొమ్మగా మారతాడు.

సత్యం(మోహన్ లాల్)గారి కొడుకు వలన హైదరాబాదులో ఒక చోట పర్యవరణం కాలుష్యం జరుగుతుంటే, జనతా గారేజ్ యజమాని కొడుకు అని ఎవరు ఆ విషయం జోలికి వెళ్ళరు, కానీ పరిశోదన నిమిత్తం అక్కడికి వచ్చిన ఆనంద్ వారిని కారణం అడిగి తెలుసుకుని, సత్యం(మోహన్ లాల్)గారి కొడుకుని అతని మనుషులతో గొడవపడతాడు. ప్రకృతిలో మనం ఒక బాగంగా వచ్చాము అద్దెకు వచ్చినట్టు, శుభ్రంగా వాడుకోవాలి కానీ, ఎలాపడితే అలా వాడి పర్యావరణం పాడుచేయకూడదు అనే కధానాయకుడి భావన ఒక సద్భావనగా ఉంటుంది.

సత్యం (మోహన్ లాల్) గారు తన కొడుకుతో గొడవపడ్డ ఆనంద్ని జనతా గారేజ్ కి తీసుకువచ్చి వాళ్ళ అబ్బాయి విషయంలో తగువు ఎందుకు అని తెలుసుకుంటాడు. తరువాత ఆనంద్ దగ్గరకి వెళ్లి చాన్నాళ్ళుగా ఈ జనతా గారేజ్ జనాలా సమస్యలు తీర్చింది, ఇప్పుడు నా వయస్సు మీరడం వలన సమస్యలు చెప్పి బాధపెట్టడం ఎందుకు అని వెనుతిరుగుతున్నారు, అందుకు నాకు చాల బాధగా ఉంది. నీవు వచ్చి జనతా గారేజ్ భాద్యతని తీసుకుని నడిపించమని అడుగుతారు, నీపైనే నమ్మకం ఉంది అని అంటారు. సుదీర్ఘ ఆలోచన తరువాయి జనతా గారేజ్ భాద్యతని ఆనంద్ స్వీకరిస్తాడు.

NTR & Mohanlal JanataGarrage Telugu Chalanachitram

సహాయం అడిగిన మంచివారికి సహాయం చేసే గుణం సత్యం గారికి, ప్రకృతి అమితమైన ప్రేమతో పర్యావరణ పరిరక్షణకు పూనుకునే తమ్ముడి కొడుకు ఆనంద్ కలయిక జనతా గారేజ్. కార్ల రిపేర్ తో బాటు మరలా మనుషుల రిపేర్ మొదలవుతుంది. జనతా గారేజ్ సహాయం కోసం వచ్చి వెనుతిరిగిన మొదటి వ్యక్తితో ఆ రిపేర్ మొదలవుతుంది. అలా వెళ్ళినా మొదటి వ్యక్తి ఒక ప్రభుత్వ ఉద్యోగి వికాస్. బిల్డింగ్ ప్లాన్ అప్రూవల్ ఇచ్చేఅధికారిగా వికాస్ (రాజీవ్ కనకాల) GHMCలో పనిచేస్తున్న ఉద్యోగిని డాకుమెంట్స్ సరిగా లేని బిల్డింగ్ అప్రూవల్ కోసం ఒక వ్యాపారస్తుడి మనుషులు బెదిరిస్తారు.

ఆనంద్ ఆ ఉద్యోగి వికాస్ ని జనతా గారేజ్ పిలిపించి అడిగినప్పుడు తన సమస్యను చెబుతారు, GHMC ఉద్యోగి(రాజీవ్ కనకాల). అప్పుడు ఆనంద్ (నందమూరి తారక రామారావు jr.) సంతకం పెట్టడానికి రేపు వారు గడువు ఇచ్చారని అంటున్నావు, ఈరోజు మేము మీతో మాట్లాడకుండా ఉండి ఉంటే రేపు మీరేం చేసేవారని అడుగుతాడు. డానికి బదులుగా రేపు ఆఫీసుకి వెళ్ళే లోపులోనే సూసైడ్ చేసుకునే వాడిని అని బదులిస్తారు. ఆ సన్నివేశంలో ఒక ఇద్దరు పిల్లలు, భార్య కలిగిన సిన్సియర్ ప్రభుత్వ ఉద్యోగి భావన ఆనంద్కి కనిపిస్తుంది వికాస్ ముఖంలో.

మరునాడు GHMC ఆఫీసులో ఆనంద్ మాటలు అక్కడి ఉద్యోగస్తులని కదిలిస్తాయి. అలాగే అక్కడికి ప్రభుత్వ ఉద్యోగి వికాస్(రాజీవ్ కనకాల) బెదిరింపుతో వచ్చిన మనుషుల్ని ఆనంద్ కొట్టి పంపిస్తాడు. అలా మొదలైన జనతా గారేజ్ అన్ని రిపైర్లు విజయవంతం అవుతాయి. మరలా DSP చంద్రశేఖర్ ఆనంద్ని కూడా హెచ్చరిస్తాడు, ఇలాంటి పనుల వలన సమస్యలు వస్తాయని. డానికి బదులుగా జననానికి జనతా గారేజ్ తో పనిలేకుండా మీరు హామీ ఇవ్వండి మేము మానేస్తామని చెప్పి, ఆనంద్(నందమూరి తారక రామారావు Jr.) జయహో జనతా గారేజ్ అనుకుంటూ తన బాద్యతను తను నిర్వహిస్తూ ఉంటాడు.

NTR & Mohanlal JanataGarrage Telugu Chalanachitram

అయితే DSP చంద్రశేఖర్ ఆనంద్ ఫ్యామిలీ గురించి ఎంక్వయిరీ చేసి, సత్యం (మోహన్ లాల్)బావమరిదిని సత్యంగారి ఇంటికి తీసుకువస్తాడు. అప్పటిదాక సత్యం (మోహన్ లాల్) గారికి ఆనంద్ తన తమ్ముడి కొడుకు అని, ఆనంద్కి సత్యంగారు పెదనాన్న అన్న విషయం తెలియదు. అయితే ఆనంద్ని ఇంటికి రప్పించడానికి మేనమామ నా కూతురు కావాలా? జనతా గారేజ్ కావాలా ? అని కండిషన్ పెడితే ఆనంద్ కూడా తన తండ్రిలాగానే జనతా గారేజ్ బాద్యతనే ఎంచుకుంటాడు.

ఎప్పుడు జనతా గారేజ్ గ్యాంగ్ ని మీ పనులు మానివేయండి అని సలహా చెప్పే DSP చంద్రశేఖర్ కూడా జనతా గారేజ్ కొచ్చి సమస్యను తీర్చమనే స్థితికి పోలీసులు రావడం, అలా జనతా గారేజ్ నడిపించే ఆనంద్ జనతా గారేజ్ ని వ్యతిరేకిస్తూ ఉండే మూల వ్యక్తిని మట్టుపెట్టడంతోనూ,ఎంత చెప్పినా వినకుండా చెడుమార్గంలో నడిచిన కొడుకుని సత్యంగారు మట్టుపెట్టడంతో, కధ సుఖాంతం అవుతుంది. సాదారణ మనిషి కష్టాలు విని వారి కష్టాలను పోగొట్టే వ్యక్తిగా సత్యం పాత్రలో మోహన్ లాల్ పాత్ర కధకి ఆయువుపట్టు. కొనసాగింపుగా ఆనంద్ పాత్రలో నందమూరి తారక రామారావు చాల బాగా నటించారు. ముఖ్యంగా ప్రకృతిని ప్రేమించాలి, ప్రకృతిని కాపాడాలి అనే ఆలోచనతోనే ఉండడం దానికోసం ఏమైనా చేయడం చిత్రం మంచి సందేశాత్మక చిత్రంగా ఉంటుంది.

శ్రీ వినాయక విజయం విజయవంతమైన చిత్రం చదవండి

ధన్యవాదాలు
తెలుగురీడ్స్