నిద్రకు మంత్రం మంచి మ్యూజిక్ మంచి మాటలు

నిద్రకు మంత్రం మంచి మ్యూజిక్ మంచి మాటలు. మంచి మ్యూజిక్ మైండుని రిలాక్స్ చేస్తుంది. మంచి మాట మనసును శాంతింపజేస్తుంది. మంచి మాటలు మంచి మిత్రుడి నుండి లభిస్తాయి. ఇంకా తల్లిదండ్రుల నుండి లభిస్తాయి. గురువుల బోధలో మేలైన మాటలు ఉంటాయి.

నిద్రకు మంత్రం మంచి మ్యూజిక్ మంచి మాటలు. మంచి మ్యూజిక్ మైండుని రిలాక్స్ చేస్తుంది. మంచి మాట మనసును శాంతింపజేస్తుంది. మంచి మాటలు మంచి మిత్రుడి నుండి లభిస్తాయి. ఇంకా తల్లిదండ్రుల నుండి లభిస్తాయి. గురువుల బోధలో మేలైన మాటలు ఉంటాయి.

మంచి మ్యూజిక్ వినడం మొదలు పెట్టిన మనసు, కొంత సమయానికి ఆలోచనల నుండి దూరం అయ్యి స్వస్థతకు వస్తుంది. మ్యూజిక్ చెవులను తాకగానే మనసు విశ్రమించడానికి ఉపక్రమిస్తుంది. మంచి మ్యూజిక్ ఓ మంత్రంలాగా మనసుపై ప్రభావం చూపుతుంది. ఆలోచనలతో సతమతం అయ్యే మనసును, ఆ ఆలోచనల నుండి మళ్ళించడానికి మంచి మ్యూజిక్ ఉపయోగపడుతుంది.

ఈ క్రింది యూట్యూబ్ లైవ్ వీడియో రిలాక్సింగ్ మ్యూజిక్ ప్రసారం చేస్తున్నారు. ప్రకృతి చిత్రాలను చూపుతూ, మనసును ఆకర్షించే మ్యూజిక్ లైవ్ వస్తూ ఉంటుంది. ఈ మ్యూజిక్ వింటూ ఉంటే, మనసు ఆలోచనల నుండి బయటకు వచ్చి, రిలాక్స్ అయ్యే అవకాశం ఉంటుంది.

నిద్రకు మంత్రం మంచి మ్యూజిక్ మంచి మాటలు

మనకు నిద్రను దూరం చేసే కారణాలు ఏమి ఉంటాయి? ఆలోచిస్తే ఒత్తిడికి గురయ్యే విధంగానే వేగవంతమైన జీవన విధానంలో పలు కారణాలు కనబడతాయని అంటారు. బోజనం కూడా ప్రశాంతతో చేయకుండా ఏవో విషయాలపై ఆలోచనలతోనో, మాటలతోనో బోజనం చేస్తే, ఏవిషయం గురించి మాట్లాడుతున్నామో, ఏ విషయం గురించి ఆలోచిస్తున్నామో… ఆ విషయమే మనసును మరింతగా ఆక్రమిస్తుంది. ఆలోచనలను మరింత పెంచుతుంది.

మనతోటివారితో మాటలు, మన మనసులో ఆలోచనలు ఈ రెండూ లేకుండా ఉండడం అసాధ్యం. అయితే ఈ రెండింటిలోనూ ఎటువంటి తరహా ఆలోచనలు, మాటలు సాగుతున్నాయి? ఇదే ప్రధానం… ఒకవేళ మాటలలో చెడుస్వభావం గురించి తలచుకుంటూ ఉంటే, అలాంటి చెడుతలంపులకు మనం అవకాశం ఇచ్చినవారమే కదా..

ముఖ్యంగా మన మాటలు, ఆలోచనలు పాజిటివ్ దృక్పధంతోనే సాగితే మేలు అని అంటారు.

నిద్రకు పోనీ మనసుకు ఆలోచనలు ఆగవు.

  • ఒకప్పుడు మనసు కదిలిపోవడం అంటే, బలమైన కారణం కావాలి. కానీ ఇప్పుడు మనకు నచ్చని అంశంలో వ్యతిరేకంగా ఏదైనా న్యూస్ కనబడవచ్చును. భవిష్యత్తు ప్రమాదం అంటూ ఏదైనా న్యూస్ రావచ్చును. లేదా ఏదైనా ఫేక్ న్యూస్ వ్యాప్తి చెందవచ్చును. ఇలా చేతిలో ఉంటే స్మార్ట్ ఫోను మన ఆలోచనలు ప్రభావితం చేస్తుంది. ఎక్కువగా ఆలోచనలను పెంచేవిధంగానే స్మార్ట్ ఫోను ఉంటుంది.
  • మనసులో ఏదో బలమైన కోరిక కోసం ఎక్కువ ఆలోచనలు రావడం.
  • వాదులాటలో పాల్గొనడం వలన కదిలిన మనసు స్వస్థతకు రావడం సమయం తీసుకుంటుంది.
  • తగాదా పడిన మనిషి మనసు కూడా వ్యగ్రతను పొంది ఉంటుంది. కొనసాగింపుగా ఆలోచనలు సాగితే, మరింత వ్యగ్రతకు గురి అయ్యే అవకాశం ఉంటుంది.
  • అనుకోకుండా నోరు జారడం.. ఇది అప్పుడప్పుడు కొందరికీ ఎదురయ్యే సమస్య. మాట్లాడుతూ ఉండగానే ఎదుటివారి మనసు నొప్పించేవిధంగా ఏదో ఒక మాట నోటి నుండి వచ్చేస్తుంది.
  • పని ఒత్తిడి, వస్తువు వలన ఒత్తిడి, అనుకోని ప్రవర్తనతో ఒత్తిడి… ఏదో ఒక విధంగా మనిషి మైండులో ఆలోచనలు పెరిగే విధంగా నేటి సమాజం తయారయ్యిందనేది కొందరి నిపుణుల మాట.
నిద్రకు మంత్రం మంచి మ్యూజిక్ మంచి మాటలు

ఇలా మనిషి నేటి సమాజంలో ఏదో ఒక రకమైన బలమైన కారణం కానీ లేక చిన్నపాటి విషయాలకు చలించే సున్నితమైన మనస్తత్వం లేక దీర్ఘకాలికంగా ఏదో ఒక సమస్య ఉండడం లేక ఎవరో ఒకరితో శత్రు భావన బలపడడం… మనిషి తనను తాను గమనించుకుని ఉండకపోతే, ఎక్కువ ఆలోచనలు పుట్టడానికి, పెరిగి ఒత్తిడిగా మారడానికి చాలా తక్కువ సమయమే పడుతుందని అంటారు.

మనిషి ఎంతటి ఒత్తిడిని అయినా జయించవచ్చును.

అదే మనిషి ఎంతటి ఒత్తిడిని అయినా జయించవచ్చును. ఎంతటి అసాధ్యమైన సాధించవచ్చును. కేవలం ఓపిక అనే గుణంతో విజయం సాధించవచ్చును. గాంధీజీ ఓపిక పట్టడం వలన ఎక్కువమంది స్వాతంత్ర్యపోరాట యోధులు ఏకం కాగలిగారు. యావత్తు దేశం ఒక్కతాటిపైకి రావడానికి గాంధీజీ కారణం కాగలిగారు. అంటే అసాధ్యం అంటూ ఏది ఉండని ఈ ప్రపంచంలో మన మనసును మనం ఒత్తిడి నుండి దూరం ఎందుకు చేయలేం. ఖచ్చితంగా ఒత్తిడిని జయించవచ్చును.

నిద్రకు మంత్రం మంచి మ్యూజిక్ మంచి మాటలు

ఎటువంటి మనిషి అయినా ఒత్తిడిని జయించడానికి, తనను తాను నియంత్రించుకోవాలి. అందుకు మనసుకు తనపై తనకు పరిశీలన అవసరం. తనను తాను పరిశీలన చేసుకోవడం ఒక మంచి స్నేహితుడి మాటలలో అర్దం అవుతుంది. మంచి మనోవిజ్ఙానం ఉన్న బుక్ వలన అవుతంది. పురాణ విజ్ఙానం మనసు గురించి, దాని క్రమం గురించి వివరిస్తాయి.

బౌతికంగా చూస్తే మనిషి శరీరమునకు తగినంత శ్రమ ఉంటే, అలసిపోయిన మనసు, శరీరము రెండూ విశ్రాంతిని కోరుకుంటాయి. మానసికంగా బలంగా ఉండడమంటే, తను జీవిస్తున్న పరిసరాల గురించిన పరిజ్ఙానం సరిగ్గా ఉండడం ప్రధానం.

తన చుట్టూ ఉండే పరిస్థితులపై అవగాహన ఉంటే, ఎప్పుడు ఎవరితో ఏ అవసరం వస్తుందో ఒక అవగాహన ఉంటుంది. ఎప్పుడు ఎవరికీ ఏ అవసరం పడుతుందో కూడా అవగాహన ఉంటుంది. తద్వారా తన చుట్టూ పరిస్థితులలో తను మెరుగైన ప్రవర్తనను చూపించవచ్చును.

తన గురించి, తన చుట్టూ ఉండే పరిస్థితుల గురించి సరైన అవగాహన ఉన్నవారికి ఆకస్మికంగా సమస్యలు అంతగా ఉండవు. ఇంకా తన ఆరోగ్య పరిస్థితి, తన ఆర్ధిక పరిస్థితిని గురించి కూడా ఖచ్చితమైన ఆలోచన ఉన్నవారికి సమస్యలు తక్కువగానే ఉంటాయి. వార అంతగా ఒత్తిడికి లోనయ్యే అవకాశం ఉండదు.

నిద్రపట్టకపోవడానికి అనేక కారణాలు వెతికే మనసు, నిద్రపోకపోతే ఆరోగ్యం దెబ్బతింటుందనే ఆలోచనను చేయదు. ముందుగా నిద్ర అవసరం తెలియకపోతే, నిద్రకు ప్రధాన్యతను తగ్గించడ స్వయంకృతం అవుతుంది. నిద్ర శరీరమునకు, మనసు కూడా ఆరోగ్యం…అయితే అది నిర్ధేశింపడిని రాత్రి వేళల్లో… పగటి నిద్ర పనికి చేటు.

రాత్రి పూట హాయిగా నిద్రపోవడానికి మనసు సమాయత్తం కాకపోతే… మంత్రంలాంటి మాటలు, మంత్రం లాంటి మ్యూజిక్ వినడమే మార్గం. ఇక మంత్రలాంటి మ్యూజిక్ అంటే యూట్యూబ్ వీడియోలలో లభిస్తాయి. పై వీడియోలు అన్నీ మ్యూజిక్ అందించే వీడియోలు…

మంత్రంలాంటి మాటలతో మన మనసు ఆలోచనల నుండి బయటకు వచ్చేస్తుంది. మనసు శాంతికి దగ్గరగా వస్తుంది. శాంతించిన మనసు విశ్రమించడానికి ఎంతో సమయం తీసుకోదు. అలా మంత్రం లాంటి మాటలు మంచి మిత్రుని వద్ద లభిస్తాయి. అమ్మానాన్న దగ్గర లభిస్తాయి. గురువులు మాటలలో ఉంటాయి.

కరోనా కాలం కాలక్షేపంగా తెలుగు వీడియోలు తెలుగులో

కరోనా కాలం కాలక్షేపంగా తెలుగు వీడియోలు తెలుగులో. మాయదారి కరోనా వైరస్ వచ్చింది, గ్యాప్ తెచ్చింది. కాసేపు కాలక్షేపం కోసం సినిమా చూసే అవకాశం లేదు. ఇక తెలుగు మూవీ చూడాలంటే, ఇంట్లోనే… టివిలో ప్రసారం అయ్యే సినిమాలే చూడాలి.

మాయదారి మహమ్మారి కరోనా వైరస్

మహమ్మారి కరోనా వైరస్ న్యూస్ ఏ ప్రాంతంలో ఎంతవరకు వచ్చిందో తెలుసుకోవడం వలన మనలోనూ జాగ్రత్త పెరుగుతుంది. అయితే అదే పనిగా చూడడం వలన ఆలోచనతో ఆందోళన కూడా ఉంటుంది. మైండుకు రిలాక్షేషన్ వెరీ నాచురల్… దానికి విరామం ఇవ్వకుండా ఒక పనిని చేయడం అంటే, ఒత్తిడిలోకి వెళ్ళడమే… అందుకే వ్యక్తికి విరామం ఇచ్చే విషయాలు అనేకంగా కనబడతాయి. మాయదారి మహమ్మారి కరోనా వైరస్ వలన విరామం లేకుండా ఇంట్లోనే ఉండాల్సిన ఆగత్యం ఏర్పడింది.

మాయదారి మహమ్మారి కరోనా వైరస్ వ్యాప్తి పెరుగుతుందనే న్యూస్ ఎక్కువగా ఉంటే, దాని నుండి మైండును మళ్ళించడం కూడా చేయాలి. ప్రభుత్వాలు సూచించిన సూచనలు పాటించడం చేయాలి. లాక్ డౌన్ నిబంధనలు ఉల్లంఘించకుండా, ఇంటికే పరిమితం కావాలి. అలా తగు జాగ్రత్తలు తీసుకుంటూ న్యూస్ తెలుసుకుంటూ, అదే ధ్యాస లేకుండా, వేరే ధ్యాసను పెట్టుకోవడం మేలు అంటారు. దృష్టి మళ్ళించడంలో వ్యక్తికి పుస్తకపఠనం మేలు మార్గంగా చెబుతారు.

​పుస్తకం విషయ విజ్ఙానంతో కూడి ఉంటుంది. చదివే శక్తి ఉండాలే కానీ విషయాలలో ఉండే ‘విష’మును తెలియజేయడంలో పుస్తకాలే సాటి అంటారు. ఆసక్తి ఉండాలే కానీ పుస్తకములు మంచి స్నేహితుడి మాదిరిగా మారతాయని అంటారు. కానీ చదవే ఆలోచన అంత తొందరగా పుట్టదంటారు. అందులోనూ మంచి జ్ఙానమును గురించిన తెలుగు పుస్తకాలు చదవాలనే ఆసక్తి అంత త్వరగా కలగదంటారు.

టెక్నాలజీ గురించిన తెలుగు వీడియోలను వీక్షించడం ద్వారా పరిజ్ఙానం మరింత పెంపొందించుకోవచ్చును.

ఇక ఏదైనా తెలుగులో విషయాలు తెలియజేసే తెలుగు వీడియోలను చూడడం వలన విషయ పరిజ్ఙానం పెంచుకోవచ్చును. మీరు ఎక్కౌంటెంటు అయితే ఎక్కౌంటులో సాంకేతికతను ఉపయోగం గురించిన తెలుగు వీడియోలను చూడవచ్చును. ఎక్కౌంటింగులో టెక్నాలజీ పెరుగుతున్న నేపధ్యంలో టెక్నాలజీ గురించిన తెలుగు వీడియోలను వీక్షించడం ద్వారా పరిజ్ఙానం మరింత పెంపొందించుకోవచ్చును. అలా ఏరంగంలో మీరు ఉంటే, ఆరంగంలోని టెక్నాలజీ తెలుగు వీడియోలను చూడడం ద్వారా టెక్నాలజీలో పరిజ్ఙానం పెంపొందించుకోవచ్చును.

ఎందుకు తెలుగు వీడియోలు టెక్నాలజీ పరంగా చూడాలి. అంటే నేడు టెక్నాలజీ అన్ని రంగాలలోనూ భాగం అయ్యింది. అలాగే మాయదారి మహమ్మారి కరోనా కారణంగా ఇంటికే పరిమితం అవుతున్నాం. ఇంకా వర్క్ ఫ్రమ్ హోమ్ చేయవలసిన ఆగత్యం ఉండే అవకాశం ఉంటుంది. ఇప్పటికే కొందరు వర్క్ ఫ్రమ్ హోమ్ చేస్తున్నట్టుగా ఉంది. ముందు ముందు ఇది ఇంకా పెరగవచ్చును.

వర్క్ ఫ్రమ్ హోమ్ కు ప్రధానంగా సాయపడేది. టెక్నాలజీనే…. ఇప్పటికే ఆఫీసు వర్కులో టెక్నాలజీ ఆక్రమించి ఉంది. ఆఫీసు వర్కు ఇంటినుండే చేయవచ్చును. అయితే కంప్యూటర్, ల్యాప్ టాప్ లాంటి సాంకేతిక పరికరాలు ఉపయోగించడం తెలిసి ఉండాలి. అందువలన టెక్నాలజీకి సంబంధించిన తెలుగు వీడియోలు ద్వారా టెక్నాలజీ పరిజ్ఙానం పెంచుకోవడం ఈ కరోనా కాలక్షేపంగా చేయడం మేలు.

ఆన్ లైన్ ఇపేమెంట్స్ తెలుగు వీడియోలు

ఇక ఆన్ లైన్ పేమెంట్ చేయడం, ఆన్ లైన్లో ఏదైనా ఇకామర్స్ వెబ్ సైటులో ఖాతా తెరవడం… ఇలాంటి తెలుగు వీడియోలు చూడడం ఎక్కుమందికి అవసరం. వర్క్ ఫ్రమ్ హోమ్ కన్నా ఎక్కువగా ఆన్ లైన్ ఆర్డర్స్ చాలానే ఉన్నాయి. ఇక ముందు ఆన్ లైన్ ఆర్డర్స్ మరింతగా పెరుగుతాయని అంటున్నారు. కాబట్టి ఆన్ లైన్లో మెయిల్ చూడడం, ఇకామర్స్ ఖాతాలు మెయింటైన్ చేయడం, పేమెంట్ చేయడం లాంటి తెలుగు వీడియోలను వీక్షించడం మేలు అంటారు.

జిపే ఇదొక పేమెంట్ మొబైల్ యాప్. గూగుల్ సంస్థ నుండి వచ్చిన మొబైల్ యాప్. దీని ద్వారా మీరు డబ్బులు ఇతరులకు పంపడం చాలా సులువు. చాలా మంది ఎక్కువగా వాడుతున్న మొబైల్ యాప్ కూడా ఇదే.. దీనిపై అవగాహన ఉండడం చాలావరకు ఉపయోగం అంటారు. ఎందుకంటే ఎక్కడ ఎక్కువగా వాడకం, ఉంటే అక్కడే మోసాలు జరుగుతాయి.

కాబట్టి ఎక్కువగా వాడే విషయాలలో మనకు జ్ఙానం అవసరం. మన ఉపయోగించేవేళలో మనం మోసపోకుండా ఉండడానికి ఉపయోగం. మనం గూగుల్ పే మొబైల్ యాప్ ద్వారా కరెంట్ బిల్స్ పే చేయవచ్చును. మిత్రులకు, ఇతరులకు తేలికగా మనీ ట్రాన్సఫర్ చేయవచ్చును. ఇతరత్ర బిల్లులు పే చేయవచ్చును. గూగుల్ పే మొబైల్ యాప్ లో బ్యాంక్ ఖాతను ఎలా యాడ్ చేసుకోవాలో ఈ క్రింది వీడియోలో చూడవచ్చును. ఈ కింది తెలుగులోనే ఉండే తెలుగు వీడియోలు చూడండి.

గూగుల్ యాప్ జిపేలో బ్యాంక్ ఖాతా యాడ్ చేయడం… తెలుగు వీడియో
జిపే గూగుల్ మొబైల్ యాప్ ద్వారా కరెంట్ బిల్ పే విధానం తెలుగు వీడియో
గూగుల్ జిపే మొబైల్ యాప్ ద్వారా నెలవారీ బిల్లులు పేచేయడం చూపే తెలుగు వీడియో

ఫ్లిప్ కార్ట్, అమెజాన్ ద్వారా ఆన్ లైన్ ఆర్డర్స్ తెలుగు వీడియోలు

ఫ్లిప్ కార్ట్ అతి పెద్ద ఇకామర్స్ వెబ్ సైట్లలో ఇది చాలా ప్రముఖమైన సంస్థ. ఫ్లిప్ కార్టులో పర్చేజ్ చేయడం, అది ఇంటికే చేరడం చాలా మంది చేస్తున్నారు. ముఖ్యంగా మొబైల్స్ వంటి గాడ్జెట్లు ఆన్ లైన్లో ఆర్డర్ చేయడం ప్రసిద్దికెక్కిన విషయం. ఆన్ లైన్ ఆర్డర్ చేయడంలో ఎక్కువమందికి తెలిసిన సంస్థలలో ఫ్లిప్ కార్టు చాలా ప్రసిద్ది. ఈ సైటులో కానీ యాప్ లో కానీ వస్తువులను ఆర్డర్ చేయడం తేలికే అంటారు. ముందు ముందు ఆన్ లైన్లో ఆర్డర్స్ ప్రధానం కానుండడంతో మనకు ఈ యాప్ ఉపయోగించాల్సిన అవసరం ఉండవచ్చును.

ఫ్లిప్ కార్ట్ ద్వారా వస్తువుల కొనుగలో చేయడం, ఫ్లిప్ కార్టు ద్వారా ఇఎంఐ లో వస్తువులు కొనుగోలు చేయడం ఎలా తెలుగు వీడియోలు ఈ క్రిందగా వీక్షించండి.

కరోనా కాలం కాలక్షేపంగా తెలుగు వీడియోలు తెలుగులో

మరొక ప్రసిద్ద ఇకామర్స్ సంస్థ అమెజాన్.. ఇది కూడా చాల ప్రసిద్ది చెందిన ఆన్ లైన్ వస్తువులను అమ్మకాలు జరిపే సంస్థ. అమెజాన్ ఇకామర్స్ సంస్థలో చాలా రకాల వస్తువులను అమ్మకాలు జరుగుతూ ఉంటాయి. ముందు ముందు ఫ్లిప్ కార్టు, అమెజాన్ లాంటి ఇకామర్స్ సంస్థల ద్వారా అమ్మకాలు, కొనుగోళ్లు ఎక్కుగా ఉంటాయని విశ్లేషకుల అభిప్రాయం. అమెజాన్ ద్వారా కూడా ఎలా వస్తువు కొనుగోలు చేయాలో తెలుసుకోవడం మేలు అంటారు. ఈక్రింది వీడియోల అమెజాన్ సంస్థ నుండి ఆన్ లైన్లో వస్తువను ఆర్డర్ చేయడం చూడండి.

కరోనా కాలం కాలక్షేపంగా తెలుగు వీడియోలు తెలుగులో

ఆన్ లైన్ ఆర్డర్, ఆన్ లైన్ పేమెంట్స్ చేయడంతో బాటు తెలుసుకోవలసినది. ఆన్ లైన్ మొబైల్ ద్వారా మెయిల్ చేయడం. ఎందుకంటే ఏదైనా పేమెంట్, ఆర్డర్ విషయాలలో పొరపాట్లు జరిగితే మెయిట్ చేయడం తప్పనిసరి అవుతుంది. ఆన్ లైన్ ద్వారా కొనుగోలు చేయడానికి సుముఖత చూపితే, మెయిల్ చేయడం అనే విషయం తప్పక తెలిసి ఉండాలి. మీరు ఆర్డర్ చేసిన వస్తువు కాకుండా ఇతర వస్తువులు మీకు డెలివరి అయితే మీరు రిటర్న్ చేయడానికి, రిటర్స్ స్టేటస్ తెలుసుకోవడానికి ఇమెయిల్ ఇంపార్టెన్స్ చాలా ఎక్కువ.

కాబట్టి మీ ఫోను ద్వారా మెయిల్ చేయడం మీరు తెలుసుకోవాలి. ఫోనుద్వారా మెయిల్ పంపించే తెలుగువీడియోలు ఈక్రిందగా ఉన్నాయి. చూడండి.

కరోనా కాలం కాలక్షేపంగా తెలుగు వీడియోలు తెలుగులో
కరోనా కాలం కాలక్షేపంగా తెలుగు వీడియోలు తెలుగులో

కరోనా మహమ్మారిపై పోరాటానికి భారతీయల సంకల్పం దీపకాంతులతో తెలియజేద్దాం

కరోనా మహమ్మారిపై పోరాటానికి భారతీయల సంకల్పం దీపకాంతులతో తెలియజేద్దాం ! కరోనా కట్టడికి ప్రధాని ఇచ్చిన పిలుపును విమర్శించేవారు ఉన్నారు అంటే అది వారి సామాజిక కాంక్ష. ఎందుకంటే వారికి ప్రజలపై ఉండే ప్రేమ. ప్రజలు కరోనా వలన ఏమైపోతారో అనే ఆందోళన… పరోక్షపద్దతి కన్నా ప్రత్యక్షపద్దతికి వారిచ్చే ప్రధాన్యత.

కరోనా మహమ్మారిపై పోరాటానికి భారతీయల సంకల్పం దీపకాంతులతో తెలియజేద్దాం ! డాక్టర్లు, పోలీసులు విశేష సేవలను అందిస్తున్నారు. కరోనాపై పోరాటం చేయడంలో యోధులుగా వ్యవహరిస్తున్నారు. మిగతా మీడియా వర్గం వారికి మద్దుతుగా ఉంటూ మనకు వివరాలు అందిస్తున్నారు. మనవంతు ప్రయత్నంగా మనంకూడా కరోనాను తరిమిగొట్టడంలో అందరూ ఆశిస్తున్న కీలకపాత్రను పోషిస్తూ ఉంటున్నాం అని తెలియజేయడానికి దీపం వెలిగిద్దాం.

కరోనా మహమ్మారిపై పోరాటానికి భారతీయల సంకల్పం దీపకాంతులతో తెలియజేద్దాం
కరోనా మహమ్మారిపై పోరాటానికి భారతీయల సంకల్పం దీపకాంతులతో తెలియజేద్దాం

ప్రధాని నరేంద్రమోదీగారు తెచ్చిన సంకల్ప భావనను మనమంతా మన మనసులో నింపుకుని దీపం వెలిగిద్దాం. రాష్ట్ర ప్రభుత్వాలు కూడా దీపం వెలిగించండి సంకల్పం తెలియజేయండి అని మోదీగారి మాటను సమర్ధించారు. మనం కూడా దీపంతో ఇందులో భాగస్వామ్యం అవుదాం. ఈరోజు ఆదివారం రాత్రి 9గంటకు 9నిమిషాల పాటు దీపకాంతులు ఇంటి ముంగిట్లో వెలిగిద్దాం. భారతీయల సంకల్పం దీపకాంతులతో దేశప్రజల ఐక్యతను చాటుదాం. ఒక దీపం వెలిగిస్తే మనకు వచ్చే నష్టం ఏంలేదు.

కరోనాపై పోరాటం చేస్తున్న అనేక మంది డాక్టర్లుకు, పోలీసులకు ఒక సంకేతం వెళుతుంది. ముందు ప్రజలంతా ఒకే భావనతో ఉన్నారు. కరోనాపై పోరాటానికి దేశప్రజలు బలంగా ఆకాంక్షిస్తున్నారనే భావన బలంగా ఉంటుంది. ఇక దీపం జ్ఙానానికి సంకేతం అంటారు. కష్టంలో మనసుకు దీపం ఒక ఆదర్శం అవుతుంది. అజ్ఙానపు చీకటిని దీపం తరిమికొట్టే కాంతి, మనసుకు ఆలోచనను ఇస్తుంది. ఉపాయం వెలుగు ప్రభావం ఎలా సమస్యను దూరం చేస్తుందో అలా చీకటిని ప్రారద్రోలిన కాంతి వెలుగులు మన కళ్ళకు చూపుతుంది. ఇంకా దీపం మనసు ఏకాగ్రతతో ఉండడానికి సాయపడుతుంది. కష్టంలో మనసు ఏకాగ్ర దృష్టితో ఉండడం వలన కర్తవ్యం దాటిపోదు. కర్తవ్యాన్నే పట్టుకుంటుంది. నేటి మన కర్తవ్యం ఏమిటి? నేటి భారతీయుల కర్తవ్యం ఏమిటి? భారతీయులే కాదు ప్రపంచవ్యాప్తంగా ప్రజల కర్తవ్యం ఏమిటి?

కరోనా మహమ్మారిపై పోరాటానికి భారతీయల సంకల్పం దీపకాంతులతో తెలియజేద్దాం
కరోనా మహమ్మారిపై పోరాటానికి భారతీయల సంకల్పం దీపకాంతులతో తెలియజేద్దాం

అందరూ మనకు చెబుతున్నది ఒక్కటే ఇంట్లోనే ఉండండి. ఇంట్లోనే ఉండి కరోనా కట్టడికి సహకరించండి. అనవసరంగా బయటకుపోయి కరోనా వ్యాప్తికి సహకరించకండి. కరోనా సోకకుండా ప్రభుత్వం ప్రకటించిన జాగ్రత్తలు పాటించండి. ఇదే అంతా మనకు చెబుతున్నారు. ప్రధానమంత్రి, ముఖ్యమంత్రులు మరయు ప్రభుత్వం ప్రతినిధులు చెబుతున్నారు. ఇంకా మీడియా చెబుతుంది. మీడియా ద్వారా సామాజిక ప్రముఖులు చెబుతున్నారు. సామాజిక విశ్లేషకులు చెబుతున్నారు. ఇంటికే పరిమితం కండి, సామాజిక దూరం పాటించండి. ప్రభుత్వ సూచనలు పాటించండి. లాక్ డౌన్ ఆశయ సాధనలో సహకరించండి అని.

ఇంత మంది ఇన్నిరకాలు కరోనా మహమ్మారిపై పోరాడుతున్నారు. రోజుకు అయిదు వందలు సంపాదించేవారు అయినా, రోజుకు అయిదువేలు సంపాదించేవారు అయినా బయటకు పోతే కరోనాకు అంతా సమానమే. మన మనసులో వ్యత్యాసాలు ఉండవచ్చును. కానీ కరోనాకు ఉండవు. కేవలం వ్యాప్తి చెందడమే దానికి తెలిసింది. తట్టుకునే శక్తి ఉన్న వ్యక్తి శరీరంలో తనపని తాను చేసుకుంటూ, అతను తాకిన వస్తువుకు కరోనా కూడా చేరుతుంది. అతను ముట్టుకున్న మనిషిని కరోనా కూడా కౌగిలించుకుంటుంది. అతను తుమ్మితే ఆ తుంపర్లలో నుండి గాలిలో కదులుతుంది. కాసేపు గాలిలో ఉంటుంది. వీలైతే అక్కడ ఉన్న వ్యక్తులకు వ్యాపిస్తుంది. అతను తాకిన చేతితో కరోనా కరచాలనం చేస్తుంది. కరోనాకు చిన్నా, పెద్దా అనే వ్యత్యాసాలు చూపకుండా అందరితో కలిసి పోతుంది. ఒకరినుండి మరొకరికి మరొక వస్తువుకు మరొక చోటికి కరోనా వ్యాపించడంలో తేడాపాడాలు చూపదు.

కాబట్టి ఇలా పాకుతూ పోయే కరోనా కట్టడికి మనం అవకాశం ఇవ్వకుండా ఇంటికే పరిమతం కావడం చాలా చాలా చాలా ప్రధానం. మరీ మరీ ముఖ్యమైన విషయం. పుస్తకాలు చదివి అందులో చదివిన విషయం మరిచినట్టుగా మనం మీడియాలో విని, విన్న విషయం మరిచి బయటకుపోతే ఒంటికి వచ్చేది కరోనా. ఇంటికి తెచ్చేది కరోనా, అందరితో మీకన్నా ఒక అడుగు ముందే ఉండేది కరోనా.. ఇంటిల్లిపాదితో సంసారం చేసే, తన సంసారాన్ని పెంచుకునేది కరోనా, కరోనా, కరోనా…. ఇక మిగిలిదే మనం కాదు మనబదులు కరోనా వ్యాప్తి…

దేశమంతా ఒకేకాలంలో ఖచ్చితంగా 05-04-2020 ఆదివారం రాత్రి 9గంటలకు 9నిమిషాల పాటు దీపాలు వెలిగించడం అంటే కోట్ల మంది భారతీయుల చేస్టితం ఒక్కటే అవుతుంది. అందరి ఐక్యతను ప్రకృతి పసిగడుతుంది. కనబడని కరోనాకు అందరి ఆత్మల సంకల్పశక్తి ఒక్కటే అయితే, కనబడని కరోనా శక్తి క్షీణించకపోతుందా…. ఎందుకు క్షీణించదు. కరోనా సోకిన అందరూ మరణశయ్యలపైకి పోవడం లేదు. ఇమ్యునిటీ పవర్ తక్కువగా ఉన్నవారు, అనారోగ్యపరులు, అజాగ్రత్తలు ఎక్కువగా తీసుకునేవారు, ఆహారపు అలవాట్లలో దోషం ఉన్నవారు ఇలా ఏదైనా శారీరక రుగ్మతలు లేక ఆందోళన అధికంగా ఉండేవారు పోతున్నారు. కానీ కరోనా సోకిన అందరూ చనిపోవడం లేదు. రోజు పాజిటివ్ కేసులు నమోదు అవుతున్నా, రివవరీ కేసులు కూడా నమోదు అవుతున్నాయి. అంటే కరోనా తట్టుకుని నిలబడుతుందీ మనిషే, కరోనాకు ప్రాణాలు కోల్పోతుంది మనిషే… అయితే శక్తిలో తేడా ఉంది. ఎంత శక్తిలో తేడా ఉన్న సంకల్పం గట్టిగా ఉంటే పోరాడి గెలిచినవారు సమాజంలో లేకపోలేదు. కేన్సర్ వచ్చినా సంకల్పం ద్వారా ఆయుష్సును కొన్నాళ్ళు పెంచుకునేవారు ఉన్నారు. సంకల్పశక్తితో ఎయిడ్స్ భారిన పడ్డవారు సాదారణ జనులు మాదిరిగా జీవించేవారు లేకపోలేదు. కరోనా కూడా వ్యాధే అది అంటువ్యాధి.

అయితే కరోనా రికవరీ కేసులు ఉన్నాయి అంటే రికవరీ అయిన వారి శారీరక శక్తి, వారి మానసిక దృక్పధం బట్టే ఉంటుంది. మీరే గమనించండి. ఒక్కసారి రోగం వచ్చిన వ్యక్తికి రోగతీవ్రత తెలియకపోతే సంతోషంగానే ఉంటాడు. రోగతీవ్రతకు కలవరపడితేనే, రోగంతో పోతానేమో అనే ఆందోళనతో సగం సంతోషం దూరం చేసుకుంటాడు. ఆపై ఆందోళనతో అందరి చూపు ప్రభావంతో ఇంకా దిగాలుపడతాడు. ఇలా మానసికంగా కృంగితేనే శారీకంగా కృంగిపోవడం ఉంటుంది. కానీ కొందరు ఇలా మనసులో ఆందోళన రానివ్వరు. కొందరు అందరి చూపులోని ఆంతర్యం తీసుకోరు. తనకు అనారోగ్యతీవ్రత తెలిసిన సంతోషం వదలకుండా తగు జాగ్రత్తలు తీసుకుని రోగాన్ని జయించి ఇంకొంత ఆయుష్సు పెంచుకుంటాడు. కాలంలో ఎప్పటికైనా మనిషకి మరణం ఉంటుంది. అతను చేసిన పనులకు కాదు. కాబట్టి కరోనాకు కంగారుపడి ప్రాణాలు వదిలితే, పోయాకా కరోనాను తట్టుకుని నిలబడ్డ వ్యక్తి మాటలు ఎలా ఉంటాయో… ఒక్కసారి ఊహించండి. నిద్రలే మహానుభావా… మనసును మేలుకోలుపు…. చేయి.

మనసు ఎక్కడిది? ప్రశ్న వేయి… మనసు దేని ఆధారం పని చేస్తుంది? ఆలోచన చేయి. నేను ఒక్కమాట చెబుతాను. మనిషి మరణిస్తే మనసు ఎటుపోతుంది? మనిషి పుట్టగానే పసిపాపలో కూడా అమాయక మనసు ఉంటుంది. అది ఎక్కడి నుండి వచ్చింది. ఆమనసుకు మూలస్థానం ఏదో అది నీకు పుట్టుకతోనే ఉంది. చనిపోయే కాలంలోనూ ఉంటుంది. సాక్షిగా ఉంటుంది. ఆ సాక్షిని అడుగు.. నీవు ఆసాక్షిని చూడలేకపోవచ్చును. కానీ కాసేపు మనసు ఏకాగ్రతతో ఉంటే, మనసుచేరే మూలమదే… ఆ మూలమే మనిషికి శక్తి… మనిషి పోకముందే ఆమూలాన్ని తెలుసుకోవాలనేది… అన్ని శాస్త్రాల మాట. ఇప్పుడు ఆమూలాన్ని చేరుకోవడం లక్ష్యం కాదు. బ్రతకడం లక్ష్యం. ఎందుకంటే నిన్ను కబలిస్తాను అంటూ కరోనా మహమ్మారి కమ్ముకుంటూ వస్తుంది. కరోనా కరోనా అనేగానే కంగారుపడేవారు ఆందోళనతో కరోనా సోకగానే భయంతో పోయేవారు ఉంటున్నారు. చికిత్స తీసుకుని తేరుకుంటున్నవారు తక్కువగా ఉంటున్నారంటే ఆందోళన అధికమవ్వడమే… కారణం…

ఆందోళనను జయించి మనసు దానికి మూలమైన సాక్షిగా ఉండే ఆత్మతో ఒక్కసారి అనుసంధానం మనిషికి తెలియకుండా అవుతుంది. కాబట్టి తన శక్తిని తాను పుంజుకుంటుంది. ఎలా అనుసంధానం అవుతుందో నీకు తెలియకపోవచ్చును. కానీ అనుసంధానం అవుతుందని ఎలా చెబుతారు అంటే నిద్రిస్తున్నప్పుడు కలతలేని నిద్రలో కలలేని సమయంలో శరీరమును ఏంతాకినా స్పర్శ తెలియని ఆ సమయంలో మనసు ఎక్కడికి వెళుతుంది. అనేది మాములుగా ఎరుకలో ఉండదు. కానీ మనసు కూడా నిద్రించడం అంటే, కాసేపు ఆత్మశక్తితో అనుసంధానం కావడమే… అయితే ఇదంతా ఆధ్యాత్మికలో అందరూ చెప్పేదే… అయితే దైవస్వరూపాలు వేరు వేరుగా చెబుతారు. వేరు వేరుగా అనేక విధానాలు చెబుతారు. అయితే ఇప్పుడు ఇవ్వన్ని అప్రస్తుతం… మనకు కావాల్సింది. మన ప్రాణరక్షణ, మనతోబాటు సమాజ భద్రత. ఇందుకు ప్రభుత్వ వ్యవస్థ, ఒక స్వచ్చంధ సంస్థ, ఒక వైద్య వ్యవస్థ కృషిచేస్తే సరిపోదు. ప్రతి మనిషి కృషి చేయాలి. ఎందుకంటే కరోనా అంటువ్యాధి. కాబట్టి కరోనాపై తగు జాగ్రత్తలు అవసరం. జాగ్రత్తగా ఉంటేనే సరిపోదు చెడును ఎదుర్కోవాలంటే మంచి సంకల్పమే కావాలి. అదీ దీపం ముందు చేయాలి. ఎందుకు దీపం. దీపం జ్ఙానానికి సంకేతం.

ఎవరైనా ఏదైనా చెబితే దానిపై మనసు అభిప్రాయం అనుకూలంగానో, ప్రతికూలంగానో స్పందిస్తుంది. ఇదే కరెక్టు మనసున్న మనిషిగా స్పందించడం సరైన విధానం కానీ కొందరు స్వార్ధపరులు ఏముందీ ఏది అనుకూలంగా అనిపిస్తే అదే మాటను అనుకూలంగా మార్చుకుంటారు. ఇలాంటివారి మాటలు వినే ముందు.. విమర్శలు పాలు అవుతున్న విషయం కానీ మద్దుత పొందుతున్న విషయం కానీ ఏదైనా దానిపై మీరు నమ్మిన వ్యక్తులను అడిగి చూడండి. ఆవిషయంలో మీకు క్లారిటీ ఇస్తారు. లేకపోతే ఇంటర్నెట్లో విషయంపై పరిశీలన చేయండి. ఆ విషయంపే మీకు సరైన సమాచారం దొరుకుతుంది. ఆవిధంగానే ప్రధాని నరేంద్ర మోదీగారు చెప్పిన సంకల్ప శక్తి గురించి వైద్యనిపుణులను అడగండి. లేదా ఇంటర్నెట్లో సెర్చ చేయండి. ఒకవేళ ఇంటర్నెట్లో ఇలాగే ఎవరైనా వ్రాసి ఉంటే, మానసిక శక్తి గురించిన వైజ్ఙానిక పుస్తకాలు చదవండి. వాటికి ప్రమాణాలు ఉంటాయి. లేదా మీ చుట్టూ ఉన్న వ్యక్తులను గమనించండి. నిత్యం దీపారాధన చేసేవారిని అడగండి. తెలసుకోండి. తెలసుకుని దీపం పెట్టండి. దీపశక్తి ఆత్మశక్తికి సంకేతం.

కరోనా మహమ్మారిపై పోరాటానికి భారతీయల సంకల్పం దీపకాంతులతో తెలియజేద్దాం
కరోనా మహమ్మారిపై పోరాటానికి భారతీయల సంకల్పం దీపకాంతులతో తెలియజేద్దాం

మనసుకు మూలం ఆత్మ. ఆత్మను గాలి ఏంచేయలేదు. అగ్ని ఏమిచేయలేదు. కత్తి ఏమిచేయలేదు. ఆత్మ అతీతమైన ఆలోచనకు ఆవల సాక్షిగా ఉంటుంది. అదీ ఏకాగ్రతగా ఉన్న మనసుకే ఉంటుంది. అయితే ఇంతటి శక్తి ఉన్న మనిషికి కరోనా ఏంచేయగలదు. అది సోకిన అందరూ చనిపోలేదు. కొందరు రికవరీ అవుతున్నారు. అన్ని దేశాలలోనే ఒకేరీతిలో ఒకగంటకు ఇన్ని కిలోమీటర్లు లెక్క అన్నట్టుగా అంతా వ్యాపించడంలేదు. మనిషి కదలికలు బట్టే కరోనా పెరుగుతుంది. గమనించండి మీరు కరోనా అంతటా వ్యాప్తి ఒకేలాగా లేదు. ఒక్కోదేశంలో ఒక్కోలాగా ఉంది. అంటే ప్రకృతిలో శక్తి దానికి అవరోదంగానే ఉంది కదా. కరోనా వస్తువుపైన కొంతసేపు జీవించగలదు. కానీ ఆవస్తువును పాడుచేయలేదు. ఎందుకంటే వస్తువు కదలదు. కదలని వస్తువుపై కరోనా కాసేపు కాపురం చేస్తుంది కానీ దానిని నాశనం చేయలేదు. అలాగే ఆందోళన లేని మనిషిని కూడా అంతత్వరగా పడగొట్టలేదు. బలంగా ఉన్నవ్యక్తి లోపలే దాక్కుంటుంది. కానీ ఏంచేయలేదు. వ్యాప్తి చెందడం మినహా.. అందుకే అందరూ ఇంట్లోనే ఉంటే, ఎక్కువమందికి వ్యాప్తి చెందదు అన్నారు.

ఇక ఒక కదలని వస్తువుపై కాసేపు ఉండే కరోనా వైరస్ కొంతసేపటికి ఏం అవుతుంది. ప్రకృతిలో నశిస్తున్నట్టే కదా… మరి నశించిపోయేది. కంటికి కనిపించని చిన్న కరోనా కణానికి కదిలిపోయే మనిషి నీలో కదలని ఆత్మశక్తిని ఒక్కసారి వేడుకో… మనసులో స్థైర్యం నింపుకో…. ప్రపంచమంతా స్ట్రిక్టుగా నిబంధనలు ఉన్నాయి. అయినా అక్కడ కరోనా వ్యాప్తి ఎక్కువగా ఉంది. ప్రాణనష్టం ఎక్కువగా ఉంది. మనకు మనదేశంలో వ్యాప్తి తక్కువగా ఉంది. ఇంకా మనదేశంలో నిబంధనలు ఇతరదేశాల మాదిరిగా కఠినంగా ఉండవు. అంటే మనదేశంలో సంకల్పశక్తి చాలా ఉంది. అయితే అది ఇప్పుడు మరింతకావాలి… ప్రపంచానికంతటికి కావాలి. ప్రపంచం ఇండియావైపు చూస్తుందంటే ఇండియాలో ఉన్న సంకల్పశక్తే…. ఈసంకల్పశక్తి అందరూ దీపంద్వారా తెలియజేయడమే ఇప్పుడు అవపరం. సాధించాక ఘనత చెప్పుకోవడానికి చూసేవారు ఉంటే వారికి దారి కనబడదు. సాధించడానికి ప్రయత్నంచేసేవారికి ఏదైనా మార్గమే.. కరోనాను ఎదుర్కోవడానికి కావాల్సింది సంకల్పశక్తి. అంతా ఇంటికే పరిమితం అయ్యాము. ఇప్పుడు మేము సంకల్పం చేసేది.. సామాజిక శ్రేయష్సుకోరి కష్టపడుతున్న అన్ని వర్గాలవారికీ సంఘీభావం తెలియజేస్తూ మనమంతా ఒక్కటే.. మనసంకల్పము ఒక్కటే… మానవ మనుగడ మేలుకోసమే… భారతీయల సంకల్పం దీపకాంతులతో మన సంఘీభావం తెలియజేద్దాం….

కరోనా మహమ్మారిపై పోరాటానికి భారతీయల సంకల్పం దీపకాంతులతో తెలియజేద్దాం

సంఘజీవిగా ఉండి, సంఘంకోసం కష్టపడేవారికి సంఘీభావం దేశమంతా చేయడం మేలైనదే అయితే అదేచేద్దాం. కష్టం చేసిన వ్యక్తి ఇంటికి వస్తే, ఆ ఇంట్లో పరామర్శించేతీరు ఆవ్యక్తికి శాంతినిస్తుంది. ఆ యొక్క శాంతి మనసుకు బలం అవుతుంది. మనం కూడా ఇలానే చేద్దాం.. సమాజ శ్రేయష్షుకోసం కంటికి కనబడని శత్రువతో పోరాటం చేస్తున్నవారికి సంఘీభావం తెలియజేద్దాం… పోయేదేముంది ప్రేమతో ప్రధాని పిలుపును ఆహ్వానించి భారతీయులంతా చేస్తే.. అది చూసిన డాక్టర్లకు, పోలీసులకు వివిధ ప్రభుత్వాధికారులకు కనీస మానసికమైన సంతోషం కలిగిస్తుంది… కదా మనసు సంతోషమే కదా కర్తవ్యం మరింత శ్రద్ధగా ఉంటుంది. ఇప్పుడు వారి కర్తవ్యమే కదా మనకు రక్షణ… మనజాగ్రత్తలు మనము ఎలాగో తీసుకుంటున్నాం. ఈ ఆదివారం రాత్రి 9గంటలకు 9నిమిషాలపాటు కొవ్వొత్తి కానీ దీపపు ప్రమెదలో కానీ దీపపు కుందెలో కానీ దీపం పెడదా.. దేశ ప్రధాని పిలుపు దేశప్రజల ఐక్యతను చాటుదాం… మనం ఓటేసి గెలిపించిన వారి మాట మనమే కాదంటే ఇక మన ఓటుకు మనం ఇచ్చే విలువ ఎంత?

గమనిక: కరోనా మహమ్మారిపై పోరాటానికి భారతీయల సంకల్పం దీపకాంతులతో తెలియజేద్దాం

ఈ పోస్టు వ్రాయడానికి కారణం నా ఆలోచనను పంచుకోవాడానికే కానీ ఎవరిని విమర్శించడానికి కాదు. ప్రధాని నరేంద్ర మోదీగారు ఇచ్చిన పిలుపులో సంకల్పం అనే మాట నామనసును తాకింది. అది కదిలింది… అక్షరాలు అల్లుకుపోయాయి. పదాలు పేరుకుపోయాయి… వ్యాక్యాలు వ్యక్తం అయ్యాయి. పేరాలు పోగయ్యాయి… అంతే అవే మీముందుకు ఇలా తెలుగురీడ్స్.కామ్ ద్వారా వచ్చేశాయి… పరాత్పరరావు.

ధన్యవాదాలు….

ఆడువారి భద్రత అందరి సామాజిక బాధ్యత

ఆడువారు అర్ధరాత్రి ఒంటరిగా నడవగలిగినప్పుడే భారతదేశమునకు నిజమైన స్వాతంత్ర్యం అని గాంధిగారు అన్నారు అంటే, ఆడువారు అందరూ కరాటే నేర్చుకుని ఫైటింగ్ చేస్తారని కాదు, ఆడువారి భద్రత అందరి సామాజిక బాధ్యత అని అందరూ గుర్తెరిగి ప్రవర్తించాలనేది ప్రధాన ఉద్దేశ్యంగా ఉంటుంది. కానీ దిశపై జరిగిన దారుణాలు, అంతకుముందు మహిళలపై జరిగిన దారుణాలు సామాజిక బాధ్యతను కొందరు పూర్తిగా విస్మరించారు అనిపిస్తుంది. అసలు వారికి వారి పెద్దలు కానీ స్నేహితులు కానీ అటువంటి ధర్మం గురించి బోధించి ఉండకపోవచ్చు.

ఈ రోజుల్లో పురుషులకు కూడా అందరికీ కరాటే వచ్చా? కొందరికే వచ్చి ఉంటుంది. ఇక మహిళలు అంతా కరాటే నేర్చుకుని తమని తాము రక్షించుకుంటారని కాదు, మహిళ సంరక్షణ సామాజిక బాధ్యతగా అందరూ గుర్తించాలి. సమాజంలో ఆడది అర్ధరాత్రి ఒంటరిగా నడిచినప్పుడే, అంటే ఆ ఆడపిల్ల ఎవరికి ఒంటరిగా కనబడితే, వారు ఆమెకు ఎటువంటి హాని తలపెట్టకుండా ఆమెను గమ్యానికి చేర్చడం వారి సామాజిక బాధ్యత. ఆడువారికి అటువంటి భద్రత కల్పించడం అనేది భారతీయ సంప్రదాయంగానే భావిస్తారు, అంటే మనల్ని ఇతరుల పరిపాలించకముందు మన సంప్రదాయం స్త్రీలను గౌరవించడం ప్రధానంగా ఉంది. లేకపోతే గాంధిగారు ఆమాట ఎందుకు వాడుతారు?

ఆడువారి భద్రత అందరి సామాజిక బాధ్యత బాలురకు చిన్నప్పటి నుండే తండ్రి తెలియజేయాలి.

పురుషుడు బాధ్యతతో ధర్మంవైపు న్యాయంగా నడవడమే పురుష లక్షణం అయితే అటువంటి పురుష లక్షణంతో ప్రవర్తించడం అతని ప్రధమ ప్రయత్నం కావాలి. భారతదేశ సంప్రదాయంలో చరిత్ర చూసుకుంటే స్త్రీలు ఎందరో చరిత్రకెక్కిన పురుషుల వెనుక ప్రోత్సాహం అందించినవారే ఎక్కువ. ఏ గొప్ప నాయకుడు అయినా, ఏ గొప్ప శాస్త్రవేత్త అయినా, ఏగొప్ప తత్వవేత్త అయినా, చివరికి భగస్వరూపులు అయిన రామకృష్ణ పరమహంస కానీ, వివేకానందస్వామి కానీ ఎవరైనా ఒక స్త్రీ కొంత సమయం జీవన్మరణ పోరాటం చేస్తేనే వారు ఈ భూమిపైకి వచ్చారు. స్త్రీ అటువంటి పవిత్రమూర్తిగా సామాజికంగా మేలై నాయకులను, మేలైన మార్గదర్శకులను సమాజానికి అందిస్తే, పురుషుల నండి సామాజికంగా ఎటువంటి బాధ్యత ఉండాలి? ఒక్కసారి మృగంగా మారబోయే పురుషుడు తన పుట్టుకకు కూడా ఒక స్త్రీ చావుబ్రతుకులతో పోరాటం చేస్తేనే, నేను ఇప్పుడు ఇలా ఉన్నాను అని ఆలోచిస్తే తప్పుడు పనులు చేయలేరు.

ఆడువారి భద్రత అందరి సామాజిక బాధ్యత అని సమాజంలో పరిణితి చెందినవారి స్పృహలో ఉండాలి, పరిణితి చెందుతున్నవారికి బోధిస్తూ ఉండాలి. కుడి చేతితో అన్నం తినిపిస్తున్న అమ్మ, ఎడం చేతితో ముడ్డి కడుగుతుంది. అమ్మగా మారే అటువంటి ఆడువారి గురించి, నడక నేర్పించే నాన్న ఖచ్చితంగా స్త్రీ అంటే గౌరవం కలిగేలాగా కొడుకుతో మాట్లాడాలి. అది తండ్రిగా తన బాధ్యత. సేవలు చేస్తున్న భార్యను పురుషుడు చూసే దృష్టి వ్యక్తిగతంగా ఉన్నా… పిల్లల ముందు స్త్రీని దుర్భాషలాడడం ఉండకూడదు. ముందు పురుషుడు పిల్లల ముందు, ఇతరుల ముందు తన భార్యకు గౌరవం తెచ్చేలాగా ప్రవర్తించాలి. ఇంకా ఇతర స్త్రీలపై ఎటువంటి భావనతో ప్రవర్తించాలో చిన్ననాటి నుండే బాలురకు నేర్పించాలి. ఆంటీ అంటే అర్ధం లేదు, అత్తయ్య, అక్కయ్య, పిన్ని, పెద్దమ్మ ఇలా అచ్చతెలుగు పలుకులే పలికించాలి. అందులో ఆత్మీయత ఆప్యాయత ఉంటుంది. ఆడువారి భద్రత అందరి సామాజిక బాధ్యత బాలురకు చిన్నప్పటి నుండే తండ్రి తెలియజేయాలి.

స్మార్ట్ పోన్లలో విజ్ఙానం ఎప్పుడు కావాలంటే అప్పుడే

అయేషా హత్య, దిశ మరణం, మహిళల మిస్సింగ్ ఇలా మహిళలపై ఎక్కడో ఒక చోట జరుగుతుందంటే సమాజంలో విలువలు ఏస్థాయికి పడిపోతున్నాయో ? ఆలోచించాలి. సాంకేతిక పెరిగి, స్మార్ట్ ఫోన్లు అందరికి అందుబాటులో ఉండడమే కాకుండా స్మార్ట్ పోన్లలో విజ్ఙానం ఎప్పుడు కావాలంటే అప్పుడే తెలుసుకునేలాగా అందుబాటులోకి వచ్చింది. అంతటి అవకాశం ఈ రోజుల్లో ఉంటే, స్మార్ట్ ఫోను ద్వారా తెలుసుకునే విషయాలు మన మైండులోకి చేరి అవే అమలు అవ్వడం కూడా జరిగిపోతుంది. ఎందుకంటే ఒక బుక్ రీడ్ చేస్తే, ఆబుక్ లో ఉన్న విషయంతో మనిషి కాసేపు ఏకాగ్రతతో ఉండడం చేత అ విషయాని మైండు బాగా పట్టుకుంటుది. ఆ విషయం అమలు చేయడమో లేక ఇతరులకు సలహా ఇవ్వడమో చేస్తాడు. అలాగే స్మార్ట్ ఫోనులో మనిషి ఒంటరిగా ఏమి చూస్తున్నాడో అదే చేయాలనే ఆలోచనలు మనిషి మైండుకు కలగడం సహజం, కాబట్టి మంచి విషయాలు, విజ్ఙాన విషయాలు, గొప్పవారి జీవిత చరిత్రలు తెలుసుకోవడం వలన సామాజిక బాధ్యత మనిషికి మరింత పెరుగుతుంది.

చెడు అలవాట్లు వ్యాదిలాంటివి వాటి గురించి ప్రత్యేకించి తెలుసుకోవాలసిన అవసరం అందరికీ అవసరం ఉండదు. వ్యాది సోకినప్పుడు మందేసినట్టుగా చెడు అలవాట్టు పరిచయమైనప్పుడు వాటి గురించి ఆలోచన చేసి, వాటి వలన ప్రయోజనంతో బాటు, సామాజికంగా మనిషిని ఏస్థాయిలో నిలబెడుతున్నాయో? ఆలోచనే చేస్తే వాటిపై నియంత్రణ మనిషి మైండుకు వస్తుంది. అంతే కానీ ప్రత్యేకించి వాటి గురించి ఆలోచిస్తే ఆ చెడుపని చేసేవరకు ఆరాటంతో దారి తప్పుతారు. పదవతరగతి ప్రతి విద్యార్ధికి విద్యాలయం ఇచ్చే పరీక్ష, పది కొందరు ఫెయిల్ అయినా ఫరవాలేదు కానీ యవ్వనం అనేది కాలం తెచ్చే పరీక్షాకాలం, ఆకాలంలో మనసుపై నియంత్రణతో నిలబడడమే పాస్ కావడం. మనసును అలవాట్లు నుండి రక్షిస్తూ, వ్యసనాలకు దూరంగా ఉండడమే యవ్వనంలో వ్యక్తి నేర్చుకోవాలసిన విషయం. అన్నం తినడం కూడా అలవాటే, అయితే అదేపనిగా రోజుకు పదిమార్లు తింటే, ఆ వ్యక్తిని తిండిబోతు అంటారు. అంటే సాదారణం కన్నా ఎక్కువమార్లు చేస్తే అది వ్యసనం, వ్యక్తి ఏ విషయంలోనూ వ్యసనపరుడు కాకుడదు. అవసరం అయితే అలవాటుని జయించే విధంగా ఉండాలి కానీ అవసరం లేకపోయినా ఇష్టం కదా అని అలవాట్లను వ్యసనాలుగా మార్చుకోకూడదు.

ప్రతి పురుషుడు తనని తాను నియంత్రించుకుంటూ సామాజిక బాధ్యతతో నడిచినరోజు ఆడది అర్దరాత్రి ఒంటరిగా కనిపించినా, ఆమెను గమ్యస్థానం చేర్చాలనే అలోచన ప్రధమంగా కనిపిస్తుంది. అదే యువతలో ప్రధానంగా పెరగాలి. పరస్తీ పరదేవతా స్వరూపంగా భావించి, నమస్కారం చేయడం మన భారతదేశ సంస్కృతి అంటారు. అటువంటి సంస్కృతికి భారతీయలంతా వారసులే, కాబట్టి ఆడువారి భద్రత అందరి సామాజిక బాధ్యత గా గుర్తించాలి.

స్త్రీని గౌరవప్రదంగా చూపించడం సినిమావారి కనీస సామాజిక బాధ్యత.

దిశపై జరిగిన దారుణం చాలా అమానుష చర్య, అయితే ఆచర్యకు ప్రతిచర్యగా అందరూ సామూహికంగా ప్రతిస్పందించారు. కానీ వ్యక్తిగతంగా స్త్రీపై సద్భావన అందరికీ ఉంటే, ఇటువంటి ప్రేరేపిత వ్యక్తులు సమాజంలో తయారు కారు. స్త్రీని గౌరవించడం అనే మాటలు సినిమాలో తగ్గిపోయాయి, ఫలితంగా యువతలోనూ తగ్గిపోతున్నాయి. స్త్రీని గౌరవప్రదంగా చూపించడం సినిమావారి కనీస సామాజిక బాధ్యత. ఎందుకంటే సినిమాలో ట్రెండ్ యువతకి ఫ్యాషన్ కాబట్టి సినిమాలో స్త్రీ యొక్క గొప్పతనం పెరిగే విధంగా ఉండాలి కానీ తగ్గేవిధంగా కాకుడదు. బాహుబలి సినిమాలో హీరో ఔన్నత్యం తల్లి పెంపకం వలననే పెరిగితే, అర్ధం చేసుకున్న భార్యవలన కాలం పెట్టిన పరీక్షలో ప్రాణాలను సైతం మనస్పూర్తిగా అర్పించగలిగాడు. అటువంటి స్త్రీపాత్ర ప్రతి పురుషుడి విషయంలో ఒక తల్లి రూపంలోనూ, భార్యరూపంలోనూ లభిస్తుంది. అటువంటి స్త్రీమూర్తిని పవిత్రమూర్తిగా చిత్రీకరించాలికానీ అసభ్యపదజాలం, లసభ్యకరమైన భంగిమలను కాదు. ఇది సినిమావారు గుర్తించాల్సిన విషయం. కొన్ని సినిమాలలో కాదు… అన్ని సినిమాలలోనూ స్త్రీల గురించి మంచినే పెంచాలి. స్త్రీలలోనూ చెడు ప్రవర్తన కలిగివారు లేకపోలేదు, కానీ అటువంటి వారిని హైలెట్ చేయడం వలన ప్రయోజనం కన్నా, ఇలా కూడా మారవచ్చనే సలహాను అందించినట్టే అవుతుంది కాబట్టి స్త్రీలలోని మంచినే చూపించాలి.

ధన్యవాదాలు – తెలుగురీడ్స్.కామ్

ప్రియాంకరెడ్డి మరణం టివీలో చూస్తుంటే…

ఒక కుక్కకు విశ్వాసం ఉంటుంది, తనకు తిండి పెట్టిన ఇంటి యజమాని ఇంటిని రక్షణ చేయడానికి తన ప్రాణాలను సైతం పణంగా పెడుతుంది. మరి పురుషుడైనా, స్త్రీ అయినా భూమిమీదకు రావాలంటే స్త్రీ గర్భం ధరిస్తేనే. స్త్రీ ప్రసవవేదన మరణవేదనతో సమానం అటువంటి స్త్రీకి చేతులు జోడించి నమస్కారం చేసిన మన సమాజంలో మగాడు మృగాడు అవ్వడం విశ్వాసఘాతుకమే అవుతుంది. ప్రియాంక రెడ్డి మరణం టివిలో చూస్తుంటే, మనిషికి జన్మినిచ్చే స్త్రీ ఎంత వేదనను పొంది ఉంటుంది?

స్త్రీ సహజంగానే పెద్ద పెద్ద త్యాగాలనే చేస్తుంది. ఒకటి వివాహం చేసుకుని తనకు అంతగా పరిచయం లేని అత్తవారింటికి వచ్చి, అందరిలో కలుస్తుంది. తనకు తాళి కట్టిన భర్తకు అన్ని సేవలు చేస్తుంది. తన అత్తవారింటి వంశం పెరగడానికి స్త్రీ తనకు మరణసదృశ్యమైన వేదనను పొందడానికి సిద్దపడుతుంది. అటువంటి స్త్రీపై ప్రియాంకరెడ్డి లాంటి దారుణ హత్యాచారాలు జరగడం, సమాజం ఏస్థితిక పోతుంది?

భారతీయ స్త్రిని గౌరవించడ మన సంప్రదాయం అని ఆర్ టి సి బస్సులలో వ్రాసుకోవడం జరిగిందంటే, అంతకుముందు మన పెద్దలు స్త్రీని ఎంతగా గౌరవించి ఉంటారు. అలాంటి మన సమాజం నుండి నేటి సమాజంలో స్త్రీపై దారుణాలు జరగడం చాలా దురదృష్టకరం, బాధాకరం, భయంకరం. ఇంక స్త్రీ ఎలా సమాజంలో తిరుగుతుంది. ప్రియాంకరెడ్డి మరణం టివీలో చూస్తుంటే… చూసిన స్త్రీ ఎటువంటి వేదన గురి అవుతుంది.

నిర్భయచట్టం ప్రభుత్వం తీసుకువచ్చినా ఇలాంటి దారుణాలు స్త్రీపై జరగడం అమానుషం, ఇలాంటి అమానుషాలు జరిగిప్పుడు అందరం కఠినంగా శిక్షించాలి అని రోదించడం ఒక్కటే ఉంటుంది. కఠిన శిక్షలు ఉంటే, ఇలాంటి మృగాళ్ళకు భయం పెరుగుతుందా? ఇలాంటి ప్రశ్నలకు పండితులు రివ్యూలు చదవడం ఉంటుంది. కానీ సమాజంలో మాత్రం మృగాళ్లకు ప్రియాంకరెడ్డి లాంటి స్త్రీలు బలి అవుతున్నారు. దారుణంగా సభ్యసమాజం సిగ్గుపడే విధంగా ఇలాంటి సంఘటనలు జరుగుతున్నాయి.

అసలు స్త్రీపై ఇలాంటి హత్యాచారాలు జరపడానికి, వారికి ప్రేరణ ఎక్కడ నుండి వస్తుంది. ఆ మృగాళ్ళకు తల్లిదండ్రులు చెప్పే నీతి ఏమైనా ఉందా? నీతి చెప్పలేక తల్లిదండ్రులు వదిలేస్తున్నారా? ఇలా మృగాళ్ల తల్లిదండ్రుల విషయంలో కొన్ని ప్రశ్నలు ఉంటే, వారి వారి స్నేహితులకు ఉండే అలవాట్లు ఏమిటి? మృగాళ్లు మరియు వారి స్నేహితులకు చోటిచ్చిన సమాజం, ఎలాంటిది? ఇలాంటి ప్రశ్నలకు సమాధానాలు వెతికితే మనం ఎలాంటి సమాజంలో ఉన్నాం? అనే భయంకర ప్రశ్న ఉదయిస్తుంది. ప్రియాంకరెడ్డి మరణం టివీలో చూస్తుంటే… వచ్చే సహజమైన ప్రశ్నలు ఇలా ఉంటే, ఇంతకుముందు టివిలలో వచ్చిన, స్త్రీలపై జరిగిన దారుణాలు గుర్తుకు వస్తుంటే మన సమాజం ఎటువైపు వెళుతుంది?

వంద మంది నేరస్తులకు శిక్షపడకపోయినా సరే ఒక నేరం చేయని వ్యక్తి శిక్ష పడకూడదనే న్యాయవ్యవస్థ వలననే మృగాళ్లు మరింతగా రెచ్చిపోతున్నారా? దారుణాలు చేయడానికి కారణం? కఠినశిక్షలు వెంటనే అమలు కావనే ధైర్యం మృగాళ్ళల్లో పెరుగుతుందనే భావన, ప్రియాంకరెడ్డి మరణం టివీలో చూస్తుంటే… బలపడుతుంది. దారుణం, అమానుషం, అన్యాయం అంటూ నినాదాలు చేసే ప్రజలు ప్రియాంకరెడ్డి లాంటి స్త్రీలపై జరిగినప్పుడు పెరుగుతున్నాయి. కానీ ఇటువంటి సంఘటనలు జరగడం సమాజికంగా భయంకరమైనది.

ప్రియాంకరెడ్డి మరణం లాంటి దారుణ మరణాలు మరలా జరగకుండా ఉండాలి. సమాజంలో యువతకు ధర్మం, న్యాయం, నీతి, స్త్రీ అంటే గౌరవభావం లేకుండా వలన ఇలాంటి దారుణాలు జరగడానికి ప్రేరణ మృగాళ్లకు పెరుగవచ్చును. యువతలో స్త్రీ గురించి చెడుభావన కాకుండా సద్భావన పెరగాలి. స్త్రీ ఒక జీవికి జన్మినిచ్చి సృష్టికర్తగా మారుతుంది. అటువంటి స్త్రీపై గౌరవభావన మరింత పెరగాలి.

ప్రియాంకరెడ్డి ఆత్మశాంతిని పొందాలని ఆశిస్తూ, ఇటువంటి మరణాలు మరే ఇతరస్త్రీకి జరగకూడదు అని కోరకుంటూ….ప్రభుత్వం సరైన రీతిలో మృగాళ్లకు ముచ్చెమటలు పట్టేవిధంగా చర్యలు తీసుకోవాలని కోరుకుంటూ…తెలుగురీడ్స్….. సారీ టు స్త్రీ….

సూర్య, మోహన్ లాల్, ఆర్యల బందోబస్త్

సూర్యకు తమిళమే కాకుండా తెలుగులోనూ మంచి హిట్ సినిమాలు ఉన్నాయి. గజినితో గుర్తింపు తెచ్చుకున్న సూర్య, యముడు, సింగం, సింగం2 సినిమాలతో తెలుగు ప్రేక్షకులకు బాగా పరిచయమే. సూర్య ప్రధాన పాత్రలో వచ్చిన సినిమా బందోబస్తు. ఇందులో సూర్యతో బాటు మోహన్ లాల్, ఆర్య, సయేషా సైగల్, సముద్రఖిని, పూర్ణ తదితరులు నటించారు.

దేశ ప్రధానమంత్రి చుట్టూ కధ తిరుగుతుంది, ప్రధానిని రక్షించే అధికారిగా రవికాంత్ (సూర్య) ఇందులో జీవిస్తాడు. లండన్ పర్యటనలో ఉన్న ప్రధానిపై ఎటాక్ జరగబోతుందనే ఇంటిలెజన్స్ రిపోర్టు ప్రకారం, రవికాంత్ లండన్లో ప్రధానిని రక్షిస్తాడు. అయితే ప్రధాని పి.ఏ. అంజలి రవికాంత్ ఉగ్రవాది అనుకుని పొరపాటు పడుతుంది. కానీ ప్రధానికి కాపాడాకా, అసలు విషయం తెలుసుకుని, ఆమె అతనికి దగ్గరవుతుంది. రవికాంత్ ఎన్.ఎస్.జి కమాండుగా నియమితుడవుతాడు. కానీ టెర్రరిస్టు విక్రమ్ మరో పధకం ప్రకారం కాశ్మీర్లో బాంబ్ బ్లాస్ట్ జరిపించి ప్రధాని చంద్రకాంత్ ని చంపించేస్తాడు.

తర్వాత చంద్రకాంత్ కొడుకు అభిషేక్(ఆర్య), దేశ ప్రధానిగా ప్రమాణస్వీకారం చేస్తాడు. కానీ కుర్రవాడు అయిన అభిషేక్ తనకు రాజకీయం అనుభవం లేకపోవడంతో, ఒకసారి తన తండ్రిని రక్షించిన రవికాంత్ ని పి.ఎస్.ఓ గా నియమించుకుంటాడు. మహదేవ్ అనే వ్యాపారవేత్త, గ్యాస్ కొరకు గోదావరి పరిసరాలలో భూమిని నాశనం చేయడం పనిగా పెట్టుకుంటాడు. తనకు ఎదురుతిరిగినవారిని, తనను ప్రశ్నించినవారిని అడ్డుతొలగించుకుంటూ ఉంటాడు. అటువంటి మహాదేవ్ కు, ప్రధాని అభిషేక్ అడ్డుపడతాడు. దాంతో మహాదేవ్ రియాక్షన్ ఎలా ఉండబోతుంది? దేశప్రధానిని చంపించాల్సిన అవసరం ఎవరికి? ఎందుకు? ఏ ఏ పధకాలు ప్రకారం కధ నడుస్తుందనే సస్పెన్స్ వెండితెరపై చూడాలి.

ధన్యవాదాలు – తెలుగురీడ్స్ మొబైల్ యాప్ డౌన్ లోడ్ చేయండి

గద్దలకొండ గణేష్ విడుదలకు ముందు వాల్మీకిగా ప్రచారం

మెగా ప్రిన్స్ వరుణ్ తేజ్ హీరోగా గద్దలకొండ గణేష్ సినిమా హరీష్ శంకర్ దర్శకత్వంలో ప్రేక్షకుల ముందుకు వచ్చి విజయవంతంగా ప్రదర్శింపడుతుంది. గతంలో గబ్బర్ సింగ్-1 చిత్రానికి దర్శకత్వం వహించిన హరీష్ శంకర్ కు ఆస్థాయిలో మరో హిట్ రాలేదు. కానీ ఇప్పుడు వరుణ్ తేజ్ హీరోగా వచ్చిన గద్దలకొండ గణేష్ చిత్రం అనూహ్య విజయంగానే అంచనా వేస్తున్నారు. అనూహ్య విజయాలు ఎప్పుడూ కొత్త రికార్డులవైపు వెళుతూ ఉంటాయి. అయితే వరుణ్ తేజ్ కు వచ్చిన హిట్ టాక్ ఏస్థాయిలో కనెక్షన్లు రాబడతాడో దానిని బట్టి సినిమా హిట్ రేంజ్ ఉంటే, ఇప్పుడు మాత్రం సినిమా హిట్ టాక్ తో దూసుకుపోతుంది.

వరుణ్ తేజ్ – పూజా హెగ్డే కలసి నటించిన ఈ చిత్రంలో కధానాయకుడి అభినయం ఆకట్టుకునే విధంగా ఉండడం సినిమాకి చాలా పెద్ద ప్లస్ పాయింటు. ఇంకా జతకట్టిన పూజాహెగ్డే తక్కువ సమయమైనా, జోడి వర్కవుట్ అయ్యింది. ప్రస్తుతం సైరా నరసింహారెడ్డి వచ్చేవరకు భారీ చిత్రాలు ఏమిలేవు కాబట్టి గద్దలకొండ గణేష్ గట్టి హిట్ నే సొంతం చేసుకోనున్నాడు.

వాల్మీకిగా ప్రచారం పొంది, గద్దలకొండ గణేష్ గా గట్టి హిట్ అందుకున్న వరుణ్ తేజ్, హరీష్ శంకర్.

3 నెలల్లో కోటికి పైగా వ్యూస్ ఉన్న రోషగాడు సినిమా కధ?

రోషగాడు సినిమా చూడడానికి ఈ అక్షరాలను తాకండి

వైవిధ్యం కన్నా కధలో పట్టు ఉండి, ఆశయం సామాజిక స్పృహను గుర్తిస్తే, ఆ విషయం సమాజంలో తొందరగా చేరుతుంది. అలాంటి ఒక చిత్రం రోషగాడు తెలుగులోకి డబ్బింగ్ చేయబడిన సినిమా. విజయ్ ఆంటోని నటించిన ఈ చిత్రం యూట్యూబ్లో ఒక కోటికి పైగా వ్యూస్ పొందింది.

యుక్తవయస్సులోకి మారే వ్యక్తి, తన చుట్టూ ఉండే సమాజంలో తన ఐడింటిటీని చెక్ చేసుకుంటాడు. తనను సమాజం ఏవిధంగా ఐడింటిఫై చేస్తుంది? సమాజంలో ఎలా ఉంటే మనం హీరోలాగా బ్రతకవచ్చు? ఈ రెండు ప్రశ్నలు యుక్త వయస్సుకు వస్తున్న బాలురలో అధికంగా ఉంటాయి.

బాలురలో చెడు ఆసక్తులు ఉంటే, సాదారణంగా అయినవారు వాటిని నివారించడానికి ప్రయత్నిస్తే, స్వార్ధపరులు వాటిపై ఇంకా వ్యామోహం పెంచి, తమ స్వార్ధానికి వాడుకుంటారు. అలాంటి ఒక కధే రోషగాడు సినిమా కధ.

బాబ్జీ అనే వ్యక్తి బాల నేరస్తులకు పెద్దగా శిక్షలు ఉండవు కాబట్టి, సిటిలో కొత్తగా వచ్చిన బాలురకు చెడు అలవాట్లను నేర్పించి, తర్వాత వారితో హత్యలు కూడా చేయిస్తూ ఉంటాడు. అతనికి సిటిలో పలుకుబడి అన్ని పెరగుతూ ఉంటాయి, అతని వలన సిటిలో చాలామంది యువకుల జీవితాలు నేర ప్రవృత్తి వైపు ఆకర్షితులవుతారు.

సమాజం అంతా నా బంధవులే అని ప్రేమించే ఒక పోలీసు అధికారి తమ్ముడు, అన్నపై కోపంతో అన్నను వదిలేసి, సిటికి పారిపోతాడు. తమ్ముడిని వెతుక్కుంటూ నగరానికి వెళ్లిన పోలీసు అధికారికి, తమ్ముడు ఒక నేరస్తుడుగా కనబడతాడు. తప్పని పరిస్థితులలో తన తమ్ముడిని తానే రోడ్డుపై కాల్చి చంపుతాడు. తర్వాత తన తమ్ముడికి పట్టిన గతి సిటిలో ఉన్న మరే ఇతర తమ్మునికి పట్టకూడదు, అని నిశ్చయించుకుంటాడు. అప్పటి నుండి బాబ్జీ అంతు చూసేవరకు అతను నిద్రపోడు. బాబ్జీ అంతు చూశాకా అతనే నిద్రకు ఉపక్రమిస్తాడు.

బాబ్జీ అంతు చూడడానికి ఆ పోలీసు అధికారి ఎంచుకున్న మార్గం మాత్రం సినిమాకు హైలెట్. ఏవిధంగా బాబ్జీ యువకుల దృష్టిలో హీరో అయ్యాడు, అదే విధంగా బాబ్జీ జీరో అయ్యేలాగా పరిస్థితులను తీసుకువస్తాడు. మంచి సందేశాత్మకంగా ఉంటుంది. విజయ్ ఆంటోని పోలీసు పాత్రలో ఒదిగిపోయాడు.

Jr.NTR తెలుగు సినిమాలు

బాలనటుడుగా బ్రహ్మశ్రీ విశ్వామిత్ర లో కనిపించి, బాలనటుడుగా ఉన్నప్పుడే ప్రధాన పాత్రలో రామాయణం తెలుగుసినిమాలో నటించి, నిన్ను చూడాలని చిత్రంలో యువ కధానాయకుడుగా వచ్చి స్టూడెంట్ నెం.1 తెలుగుమూవీతో అందరిని ఆకట్టుకుని, సుబ్బు తెలుగుచిత్రం తర్వాత ఆది, అల్లరి రాముడు నాగ తెలుగుసినిమాల్లో నటించి, సింహాద్రి తెలుగుచిత్రంతో సంచలనం సృష్టించి, ఆంధ్రవాల అంటూ సాంబ నాఅల్లుడు, నరసింహుడు, అశోక్ తెలుగు చిత్రాలతో అందరిని అలరించారు. రాఖి, యమదొంగ, కంత్రి, అదుర్స్ అంటూ బృందావనంలో శక్తిగా ఊసరవెల్లిలో దమ్ము చూపించి బాక్స్ఆఫీసు బాద్ షాగా అనిపించుకున్నారు. రామయ్య వస్తావయ్యగా రభస చేసి టెంపర్ గా నాన్నకు ప్రేమతో అంటూ జనతా గారేజ్ అన్న ఎన్టిఆర్ జైలవకుశ తెలుగు మూవీలో విబిన్న పాత్రల్లో కనిపించరు. అరవింద సమేత వీర రాఘవగా వచ్చి, ఎన్టిఆర్ రామ్ చరణ్ తో కలిసి మల్టీ స్టారర్ చిత్రంలో నటిస్తున్నారు.

బాలనటుడుగా ఉన్నప్పుడే ప్రధాన పాత్రలో రాముడుగా కనిపించి అందరి అభిమానాన్ని సంపాదించుకున్న ఎన్టిఆర్ నిన్ను చూడాలని చిత్రంలో హీరోగా పరిచయం అయ్యారు. Jr. NTR first movie is Ninnu Choodalani as a hero. కాని స్టూడెంట్ నెం.1 చిత్రంలో స్టూడెంట్ పాత్రలో చక్కగా నటించి అందరిని ఆకట్టుకున్నారు. ఈ చిత్రంలో పాటలు సూపర్ హిట్ అయితే ప్రపంచ ప్రసిద్ది పొందిన రాజమౌళి మొదటి తెలుగుమూవీ స్టూడెంట్ నెం.1 కావడం విశేషం.

సుబ్బు తెలుగుమూవీలో కూడా స్టూడెంట్ పాత్రలో కాలేజీ బ్యాక్ డ్రాప్ తెలుగుచిత్రంలో నటించిన ఎన్టిఆర్ ఆది తెలుగుచిత్రంతో అందరి దృష్టి బాగా ఆకర్షించారు. ఆది చిత్రంలో స్టూడెంట్ పాత్రలో కనిపించిన ఫ్యాక్షన్ కధలో వీరోచితమైన హీరోగా ఆకట్టుకున్నారు. అమ్మతోడూ అడ్డంగా నరికేస్తాను అనే డైలాగ్ ప్రచారం పొందితే, చిరంజీవితో ఠాగూర్ హిట్ చిత్రం తీసిన అగ్రదర్శకుడు వివి వినాయక తొలి తెలుగుసినిమా ఆది కావడం విశేషం.

రాజమౌళి దర్శకత్వంలో మూడు మూవీల్లో నటించిన ఎన్టిఆర్ స్టూడెంట్ నెం.1, సింహాద్రి, యమదొంగ

అల్లరి రాముడు తెలుగుచిత్రంలో అంచనాలు అందుకోని నాగ సింహాద్రి తెలుగు చిత్రంతో సంచలనమే సృష్టించారు. అప్పటికి అప్పటివరకు ఉన్న బాక్సాఫీసు రికార్డ్స్ బ్రేక్ అయ్యాయి. దర్శకుడు రాజమౌళికి రెండవ మూవీగా ఎన్టిఆర్ కెరీర్ కష్టకాలంలో సూపర్ హిట్ తెలుగు చిత్రంగా సింహాద్రి నిలవడం విశేషం.

అటు తర్వాత అందరిలో అంచనాలు పెంచిన ఆంధ్రావాల అంచనాలను అందుకోలేకపొతే, సాంబ తెలుగుచిత్రంతో సరిపెట్టుకుని నా అల్లుడుగా నరసింహుడుగా నటించిన ఎన్టిఆర్ కృష్ణ వంశీ దర్శకత్వంలో వచ్చిన రాఖి తెలుగుచిత్రంలో నటనతో ప్రేక్షకులని మెప్పించారు. తెలుగింటి ఆడపడచులకు అన్నగా, ఆడువారిపై దాడులు చేసే వారిపై ఎదురుదాడి చేసే సందేశాత్మక పాత్రను పోషించారు.

రాజమౌళి యమదొంగ తెలుగుచిత్రంలో యమయమగా యముడితో పోటి పడి విజయవంతం అయ్యారు. ఈ తెలుగుచిత్రం పోషియో ఫాంటసీ టైపులో యమలోకం బ్యాక్ డ్రాప్లో అందరిని ఆకట్టుకుంటుంది. కంత్రిలో కనిపించి అదుర్స్ తెలుగుచిత్రంతో అందరితో అదుర్స్ అనిపించుకున్నారు. వివి వినాయక్ దర్శకత్వంలో వచ్చిన తెలుగుచిత్రం కామెడీగా ఉండి, అందరిని అలరించింది.

బృందావనం కుటుంబ కధా చిత్రంలో నటించి మెప్పించిన ఎన్టిఆర్ ఊసరవెల్లి చిత్రంలో చాలా చక్కగా నటించారు. తరువాత వచ్చిన దమ్ము చిత్రం మంచి టైటిల్ చిత్రంగా మిగిలింది. రామయ్య వస్తావయ్య అంటూ రభస చేసినా టెంపర్ చిత్రాన్ని బాగా ఆదరించారు. టెంపర్ తెలుగుచిత్రంలో కేవలం డబ్బే ప్రధానమని భావించిన పోలీసు, మనిషి చుట్టూ మంచివారు ఉంటే, ఆ మనిషి ఎలా మంచిమనిషి గా మారిపోతారు అనే మాటకు అర్ధం వచ్చేలా నటించారు.

రాఖి, టెంపర్ తెలుగుచిత్రాలలో మంచి అన్నగా గుర్తింపు పొందిన ఎన్టిఆర్ నాన్నకు ప్రేమతో చిత్రంతో మంచి కొడుకుగా మంచి మార్కులు సాధించారు. తండ్రి కధ విని, దానిని కధగా కొట్టిపారవేయకుండా సాధించి చూపే యువకుడు పాత్రలో ఎన్టిఆర్ నటన అద్బుతంగా ఉంటుంది. ఒక కుటుంబం మంచి మార్గాన్నే ఎంచుకుని ఉంటే వారసులు కూడా సదరు మంచి గుణాలు పుణికి పుచ్చుకుంటారు అనే మాట మాదిరి జనతా గారేజ్ తెలుగుచిత్రం ఉంటుంది. సమాజానికి సేవ చేయడంలో వెనకడుగు వేయని కుటుంబ కధ జనతా గారేజ్ చిత్రం.

జై లవకుశ చిత్రంలో మూడు పాత్రల్లో విబిన్నంగా నటించిన ఎన్టిఆర్ ఇప్పుడు అరవింద సమేత వీరరాఘవగా త్రివిక్రమ్ శ్రీనివాస్ దర్శకత్వంలో వచ్చారు. ఆర్.ఆర్.ఆర్ సినిమాలో రామ్ చరణ్ తో మల్టి స్టారర్ సినిమాలో నటిస్తున్నారు.

ధన్యవాదాలు – తెలుగురీడ్స్