ఆశకు హద్దుండదు ఆలోచనకు అంతుండదు

జీవితం ఆశలు ఉంటే, ఆ ఆశలకు తగ్గట్టుగా ఆలోచనలతో కూడి ఉంటుంది. అయితే ఆశకు హద్దుండదు ఆలోచనకు అంతుండదు అంటారు. ఆశలేని జీవి ఉండరు. ఆశ పెరిగే కొద్ది ఆలోచన ఆగదు. అలవాటుకు కారణం ఆశ, అత్యాశకు కారణం అలవాటు అయితే ఆశకు హద్దుండదు, ఆలోచనకు అంతం ఉండదు

ఆశలు అందరికీ సహజం అయితే అవి తీరకపోతే మాత్రం ఆలోచనలు అంతం లేకుండా సాగుతాయి. ఆశ అసాధ్యం అయినప్పుడు ఇక ఆలోచనకు అంతుండదు. సాధారణ ఆశలు తీరే అవకాశం ఎంతగా ఉంటే, అసాధారణ ఆశలలో అయితే అవకాశాలు అంతగా ఉండవు.

ఆర్ధిక స్థితిని బట్టి ఆశ ఉంటే, అది తీరి మనసుకు సంతోషం. అత్యాశ అయితే అది దు:ఖదాయకం. సామాన్యుడు స్మార్ట్ ఫోను వాడాలని అనుకోవడం ఆశ అయితే, ఐఫోను కావాలనుకోవడం అత్యాశగా ఉండవచ్చును. సాధారణ స్మార్ట్ ఫోన్ ధర మంచి ఫీచర్లతో 8వేల నుండి లభస్తే, అవే ఫీచర్లు కలిగిన ఐఫోను ధర మాత్రం నాలుగైదు రెట్లు ఎక్కువగా ఉంటుంది.

సామాన్యుడు ఐఫోను కొనుగోలు చేయవచ్చను. కానీ అందుకు తగిన ధనార్జన లేకుండా ఉంటే, ఐఫోను ఆశ అత్యాశగానే ఉంటుంది. ఆర్ధిక స్థితిని బట్టే ఆశపడితే ఆలోచన తక్కువగా ఉంటుంది. ఆర్ధిక స్థితిని మించి ఆశలు పెంచుకుంటే, ఆలోచనలు పెరుగుతాయి. మొదట్లో బడ్జెట్ ఫోను వాడిన మనసు, తర్వాత కొత్తగా వచ్చిన ఫీచర్ ఫోను కావాలంటుంది. ఇక్కడ ఆశ మరలా రిపీట్ అయ్యింది.

సరే ఫోను పాతబడింది. కొత్త టెక్నాలజీ వచ్చింది. ఇక ఫోను మార్చాలనే ఆశకు ప్రకృతి పరంగా కూడా డిమాండ్ పెరిగింది. ఇక అవకాశం కోసం చూసిన ఆశ ఆలోచనలను వేగం చేస్తుంది. పాత ఫోను మార్చి కొత్త ఫోను కొనాలనే ఆసక్తి అధికం అవుతుంది. తగినంత ధనం ఉంటే, కొనాలనుకున్న ఫోను కొనేస్తాం. లేకపోతే ఆశనెరవేరేవరకు ఆలోచన చేసి, ధనం సమకూరగానే కొనుగోలు చేస్తాం.

మొదటి ఫోను కొన్న కొన్నాళ్ళకు కొత్త ఫీచర్లవైపు వెళ్లడానికి ఎక్కువ సమయం తీసుకుంటే, రెండవ ఫోను కొన్న కొన్నాళ్ళకు కొత్త ఫోను కొనాలనే ఆశ పుట్టడానికి ఎక్కువ సమయం అక్కరలేదు. సరే మూడవ ఫోను కొనడానికి డబ్బుంది, కొనేశాం… కానీ మూడవ ఫోను కొనుగోలు చేసేటప్పుడే, లేటెస్ట్ ఫీచర్లతో ఫోను ఉందా? లేదా?.. కొత్త ఫీచర్లు మరలా ఎప్పటికీ మారతాయి? అనే ప్రశ్నలతో మరొక ఫోను ఎప్పుడు కొనాలో కూడా మనసు ఫిక్స్ అవుతుంది. అలా ఆశకు హద్దుండదు.

ఆశకు హద్దుండదు ఆలోచనకు అంతుండదు. హద్దులేకుండా ఆలోచన చేసే మనసుకు అత్యాశ వైపు వెళ్ళడానికి కూడా అట్టే కాలం పట్టకపోవచ్చును. ఆశలు అధికం అయ్యేకొలది, ఆలోచనలు పెరుగుతాయి.

ఆశకు హద్దుండదు ఆలోచనకు అంతుండదు
ఆశకు హద్దుండదు ఆలోచనకు అంతుండదు

తోటివారి అనుభవిస్తున్న జీవితం మన జీవితంలో కూడా ఆశకు కారణం కాగలదు. మనకు తెలిసిన విషయజ్ఙానం మన ఆశలకు జీవం పోయవచ్చును. ఆశ పుట్టడానికి కారణం మనకున్న విషయ పరిజ్ఙానం కారణం కాగలదు.

ఆశకు హద్దుండదు ఆలోచనకు అంతుండదు. ఆశ పుట్టడానికి కారణాలు అనేకం ఉంటాయి.

ఎవరికి ఏ విషయంలో పరిజ్ఙానం ఉంటే ఆ విషయంలో ఆసక్తి ఉంటుంది. ఆ విషయానికి సంబంధించిన వస్తువులపై ఆశ పుట్టుకొస్తుంది. ఆశ పుట్టడానికి కారణాలు అనేకం ఉంటాయి. ఆశ నెరవేర్చుకోవాలనే తలంపుకు పరిస్థితులు బలం చేకూరిస్తే ఆశ నెరవేరుతుంది. పరిస్థితులు ప్రతికూలిస్తే, ఆశ నెరవేరదు.

ఆశపడడం, ఆశించిన వస్తువు అందడం అలవాటు అయితే ఒక్కసారి ఎప్పుడైనా నిరాశ ఎదురయితే భరించడం కష్టం. ఎప్పుడూ నిరాశే ఎదురయ్యేవారికి తీరని ఆశ ఏదో ఒకేసారి తీరినా అది అతనికి ఇబ్బందికర స్థితినే తీసుకువస్తుంది. కాబట్టి కాలం ఆశ నిరాశలనే కలిగిస్తూ, మనిషి జీవితాన్ని ఆశ-నిరాశల మద్యే తిప్పుతందని అంటారు.

ఆశ వ్యక్తిగతంగా ఉంటే, ఆ వ్యక్తి జీవితం స్వార్ధపూరితంగానే సాగే అవకాశం ఉండవచ్చును. ఆశ తనవారి కోసం అయితే, ఆవ్యక్తి జీవితం నలుగురిలో మంచిని సంపాదించగలుగుతుంది.

సమాజంలో తల్లీదండ్రుల ఆశ కుటుంబం కోసం ఉంటుంది. నాయకత్వం ఆశ తమకు పరిచయం ఉన్న కుటుంబాల ఆశలు నెరవేరాలన్న ఆశ ఉంటుంది. ఆశ అందరినీ ఆడిస్తుంది. తల్లిదండ్రులు పిల్లలు బాగా చదవాలని ఆశపడతారు. పిల్లలు బాగా చదువు పూర్తి చేసుకుంటే, మంచి ఉద్యోగం రావాలని ఆశిస్తారు. ఆపై వివాహం… అలా తల్లిదండ్రుల ఆశ మనవళ్ళను చూసేవరకు ఉంటుంది. ఆపై వారి ఆశలు ఆగి జీవిత పరమార్దం వైపు వెళ్ళవచ్చు.

అంటే ఒక వ్యక్తి ఆశ చిన్న చిన్న వస్తువులై ఆశపడడం, వాటిని నెరవేర్చుకోవడం. అలా వాటిని నెరవేర్చుకోవడంలో తల్లిదండ్రుల పాత్ర ఉంటుంది. ఇక తల్లిదండ్రుల ఆశలు, పిల్లల మనోభావాలు కలిసినప్పుడు… పిల్లల చదువులు, ఉద్యోగం, వివాహం కూడా సహజరీతిలో సాగుతాయి. పరస్పర భావాలు కలిగినప్పుడు మాత్రం ఏదో ఒక విషయంలో ఒకరి ఆశ మరొకరికి నిరాశ కావచ్చును.

ఒకరి ఆశ మరొకరికి నిరాశగా మారినప్పుడు

ఆశకు హద్దుండదు ఆలోచనకు అంతుండదు
ఆశకు హద్దుండదు ఆలోచనకు అంతుండదు

ఒకరి ఆశ మరొకరికి నిరాశగా మారినప్పుడు, దాని తీవ్రతను బట్టి మరొకరి మనోస్థితి మారుతుంటుంది. ఒకరిని నిరాశపరచి తన ఆశకు మాత్రమే ప్రధాన్యత ఇవ్వడం అలవాటు అయితే అటువంటి ఆశ పుట్టిన వ్యక్తి ఆశలకు హద్దుంటుందనే గ్యారంటీ ఉండదు. మరొకరికి నిరాశ కలుగుతుంది కాబట్టి ఈ ఆశను వదిలేస్తాను అని ఆశపై ఆలోచనను విరమించుకున్నవారికి జీవితంపై మంచి అవగాహన ఉంటుంది. వారికి ఆశపై హద్దు ఏర్పడుతుంది.

ఆశలపై హద్దు ఉంటే, ఆలోచనలు పరిమితం అవుతాయి. ఆలోచనలు పరిమితం అయితే మనిషి సంతోషంగా జీవితం గడుపుతాడు. ఆ మనిషితో బాటు ఉన్నవారికి కూడా ఆ జీవితం సంతోషదాయకమే అవుతుంది.

అయినా ఆశకు హద్దు ఉండాలనే ఆలోచన మనసుకు బాధ కలిగించేదిగానే ఉంటుంది. గారాభంగా పెరిగిన వారు ఉంటే వారి ఆశను నిరాశగా మారితే తట్టుకోలేకపోవచ్చును. గారాభం చేయడం అంటే పిల్లల స్వభావం అత్యాశవైపు నడిపించడం అయ్యే అవకాశం లేకపోలేదు.

అలవాటు అనే ఆలోచనా ప్రక్రియ మనసుకుంటే బలం మరియు బలహీనత… అన్నం తినడం మొదలెట్టిన బాల్యంలో అలవాటు అయిన రుచులు, పెరిగాక ఆవ్యక్తి ఆరోగ్యంపై చూపుతుంది. ఆకు కూరలు చిన్ననాటి నుండి తినడం అలవాటు అయితే ఆవ్యక్తికి, ఆ అలవాటు బలం. మాంసాహారి అయినా బలమే కానీ మసాలాలు మిళితమైన ఆహారం కొంతకాలానికి శరీరంపై ప్రతికూల ప్రభావం చూపుతుందని అంటారు. ఆ విధంగా కొంత కాలం అలవాటు బలం అయితే మరికొంత కాలం బలహీనత. అలా అలవాటు ఒక్కోసారి బలం అయితే మరోసారి బలహీనతగా మారుతుంది.

అటువంటి అలవాటు ఆశలు నెరవేర్చుకుంటూ వెళ్ళిపోతే, ఒక్కసారిగా నిరాశను ఫేస్ చేయడం కష్టమే అవుతుంది. అటువంటి జీవితం నరసింహ తెలుగు సినిమాలో నిలాంబరి(రమ్యకృష్ణ) పాత్రలాగా మారుతుంది.

అలవాటుని బట్టి ఆశ ఉంటే, ఆశలను బట్టి అలవాటులు మారుతూ ఉండవచ్చును. మొదట్లో అన్నం తినడం అలవాటు అవుతుంది. అమ్మ తినిపించిన ఆహారంలో కొన్ని రుచులు మనల్ని ఆకట్టుకుంటే, రిపీట్ అయిన రుచులు మనకు ఆశలను కల్పిస్తాయి. అమ్మ మరలా అటువంటి రుచి ఉన్న పుడ్ ఎప్పుడు పెడుతుంది, అనే ఆశ తెలియకుండానే పుడుతుంది. అమ్మ మనకిష్టమైన రుచిని కనుక్కొని పెట్టడం మొదలుపెడితే, తీరుతున్న ఆశ, ఆ రుచిపై ఆసక్తిని పుట్టించి, ఆరుచికి అలవాటు చేస్తుంది. ఇలా అలవాటు ఆశ రెండూ అవినాభావ సంబంధం కలిగి ఉంటాయి.

అలవాటు వలన ఆశకు హద్దుండదు ఆలోచనకు అంతుండదు.

అలవాటు వలన ఆశకు హద్దుండదు ఆలోచనకు అంతుండదు. ఎందుకంటే ఆశ ఆలోచనను పుట్టిస్తుంది. ఆ ఆశ నెరవేరుతుందా? లేదా? అనే సంకల్ప వికల్పమైన ఆలోచనలను ఆశ రేకిత్తిస్తుంది. అలవాటు, ఆశ ఈ రెండింటిని తప్పుబట్టరు. అయితే అవి అత్యాశగా మారితే మాత్రం తప్పుబడతారు.

ఆశకు హద్దుండదు, కానీ మనం ఆలోచించి హద్దులు పెట్టాలి. లేకపోతే మనసు ఆశను నెరవేర్చుకోవడానికి, హద్దు మీరడానికి కూడా ప్రయత్నిస్తుంది. అలా ఒక్కసారి మనసు హద్దు మీరితే, అదే అలవాటు విషయంలో మనసు మరలా హద్దు మీరుతుంది. అలా హద్దు మీరడం అలవాటు అయిన మనసు గాడి తప్పుతుంది. ఆశ అత్యాశగా మారుతుంది. అత్యాశ జీవితాన్ని పాడు చేస్తుంది. అటువంటి జీవితానికి విలువ ఉండదు.

జీవితం పరిశీలన చేస్తే ఆశతో అలవాటు అయి అలవాటు పడడం నుండి వ్యసనం వరకు వెళ్ళే అవకాశం ఎక్కువగా ఉంటుంది. వ్యసనం భారినపడితే జీవితం చేజారినట్టే… ఆశకు హద్దు పెడితే, అలవాటు నియంత్రించబడుతుంది. ఇటువంటి నియంత్రణ చిన్న చిన్న విషయాలలోనే పెట్టుకోవాలి. అప్పుడు అప్పుడు పెద్ద పెద్ద విషయాలలో కూడా ఆశ, నిరాశలు మనసు ప్రభావితం చేయవు. పరిస్థితులే ప్రభావితం చేస్తాయి. పరిస్థితులలో మంచి నిర్ణయం తీసుకునే అవకాశం ఉంటుంది.

ఆశ, అలవాటు మనిషి నిర్ణయక శక్తిని ప్రభావితం చేస్తాయని అంటారు. ఆశకు హద్దు పెట్టడం అంటే ఆలోచనకు చెక్ పెట్టడమే అవుతుంది.

తెలుగురీడ్స్ లోని గతపు పోస్టులు చదవడానికి ఈ క్రింది బటన్లను తాకడం లేక క్లిక్ చేయండి

తెలుగు ఉచిత బుక్స్ చదవడానికి ఈ క్రింది బటన్స్ తాకండి

పుస్తక జ్ఙానం విషయాల పరిజ్ఙానం

పుస్తక జ్ఙానం విషయాల పరిజ్ఙానం అయితే అన్నింటినీ పరిశీలించే మనసు, తననితానే పరిశీలన చేయడం మొదలు పెడితే, ఆ స్థితిన పండితులు అద్భుతం అంటారు. మనసు మనసుపై యుద్దం చేయడం అంటే, అందులో గెలవడం అంటే లోకాన్ని గెలిచినట్టే అంటారు.

సాధారణంగా ఒకరికి సుఖం అయితే మరొకరికి దు:ఖం అయ్యే సందర్భాలు ఉంటాయని అంటారు. కానీ సుఖాలు, కష్టాలు కలిగించే కాలం దీర్ఘకాలం కష్టాలు ఇవ్వడం కోసం కరోనాని తెచ్చింది. ఈ కరోనా వలన అందరికీ కష్టమే… కష్టానికి, సుఖానికి భావన పొందేది మనసే, దాని నియంత్రణకు అదే సహకరించాలని అంటారు. ఎలా?

పుస్తక జ్ఙానం విషయాల పరిజ్ఙానం
పుస్తక జ్ఙానం విషయాల పరిజ్ఙానం

లోకంలో అన్ని విషయాలను మనసు పరిశీలన చేస్తే ఆ విషయాల సారం మనసులోనే ఉంటుంది. మనసును మనసే పరిశీలన చేస్తే మనసులో దాగిన మర్మమేదో తెలియవస్తుంది. మనసును పరిశీలన చేయడం అద్భుతం అంటారు. దేనిపై దృష్టిపెడితే దానిపై ఆలోచన చేయడం మనసుకు అలవాటు అంటారు. ఆలోచనల ద్వారా అవగాహనను పెంచుకుంటుందని అంటారు.

అటువంటి మనసు తనని తానే పరిశీలన చేయడం అంటే అద్భుతం అంటారు. ఎందుకంటే లోకంలోని ఎన్నో విషయాలపై మనసు దృష్టిపడి ఉంటుంది. ఎన్నో విషయాలు మనసుకు తెలిసి ఉంటాయి. ఎన్నో విషయాలలో మనసుకు జ్ఙాపకాలుగా ఉంటాయి. కొన్ని విషయాల గురించి మరిచిపోలేని అనుభూతులు మనసులో ఉంటాయి.

నిత్యం ఏదో ఒక బంధంతో మాట్లాడే మాటల ఫలితాలు మనసులో నిక్షిప్తం అయ్యి ఉంటాయి. ఏదైనా వస్తువుతో ఏర్పడిన బంధం భావనలు మనసులో స్టోర్ అవుతాయి. మనసు ఏది చేస్తే అది గుర్తు పెట్టుకోవడం అలవాటుగా కలిగి ఉంటుంది. అది చేతలగా అలవాటు అయితే కొత్త విషయంపై పోతుందని అంటారు.

మనసొక అద్భుతంగా చెబుతారు పుస్తక జ్ఙానం విషయాల పరిజ్ఙానం
మనసొక అద్భుతంగా చెబుతారు పుస్తక జ్ఙానం విషయాల పరిజ్ఙానం

మనసొక అద్భుతంగా చెబుతారు. అటువంటి అద్భుతమైన మనసు మాత్రం నిత్యం ఏదో ఆలోచనను కలిగి ఉంటుందని అంటారు. అయితే దీనికి మరొక ప్రత్యేకత చెబుతారు. శ్రద్ధగా ఏదైనా పనిచేస్తున్నప్పుడు మాత్రం తదేక దృష్టితో ఉంటుందని.. అలా కష్టంలో ఇష్టంగా ఉండే మనసు ఆ మనిషికి మరింత మేలు చేయగలదని అంటారు.

కదిలే కాలం కదలనీయకుండా మనిషిని కూర్చోబెడితే, గంటలతరబడి కూర్చుని పనిచేసేవారికే మనసు ఒకే దృష్టిపై నిలబెట్టడం సాధ్యం అంటారు. అయితే అదుపు లేని మనసుకు బుక్ రీడింగ్ ఒక మందు అంటారు. ఎందుకు అంటే అది ఊహాత్మక లోకంలోకి తీసుకుపోతుంది. బుక్ లో వ్రాయబడిన విషయంతో మనసు మమేకం కావడంలో నిమగ్నం అవుతుంది.

అభిరుచిని బట్టి ఆయా విషయాలలో బుక్స్ పరిజ్ఙానం పెంచుతాయిని అంటారు.

అద్భుతమైన మనసుకు బుక్స్ మనకు మంచి అవగాహనను అందిస్తాయి అంటారు. అభిరుచిని బట్టి ఆయా విషయాలలో బుక్స్ పరిజ్ఙానం పెంచుతాయిని అంటారు. మనకు తెలిసి ఉన్న విషయంలో ఇంకా విశ్లేషణాత్మకమైన బుక్స్ చదివితే మనకు తెలిసిన విషయంలో మరింత అవగాహన పెరిగే అవకాశం ఎక్కువ.

పుస్తక జ్ఙానం విషయాల పరిజ్ఙానం

ఉదాహరణకు శ్రీరాముడు దశరధుడి కుమారుడు విల్లునెక్కిపెట్టి సీతమ్మను పరిణయమాడాడు. తండ్రి మాట ప్రకారం అడవులకు వెళ్ళాడు. సీతాపహరణ జరిగితే వాలీని చంపి సుగ్రీవుని చెలిమి చేశాడు. ఆంజనేయుని సాయంతో సీతమ్మజాడ తెలుసుకున్నాడు. ఆపై లంకకు పోయి రావణవధ చేశాడు… అని తెలుసు.

ఇక మనం రామాయణం పూర్తి బుక్ చదవడం మొదలు పెడితే, రామాయణంలో ఒక్కో ఘట్టం గురించి అవగాహన పెరుగుతూ ఉంటుంది. శ్రీరాముని ధర్మదీక్ష గొప్పతనం తెలియవస్తుంది. గురువుల గొప్పతనం తెలియవస్తుంది. కోపంతో కూడిన నష్టం గురించి అవగాహన ఏర్పడుతుంది. ధర్మాచరణ కష్టంతో కూడినా దాని కీర్తి ఏవిధంగా ఉంటుందో… తెలియబడుతుంది. ఓర్పు వలన ఏమి ఉంటుందో తెలియబడుతుంది. చూసే దృష్టిని బట్టి మనసుకు మరింత ధర్మావగాహన తెలియబడుతుందని అంటారు.

అదే యోగవాశిష్టం బుక్ రోజూ చదవడం మొదలుపెడితే… యుక్తవయస్సు ఏవిధంగా పోతుందో.. తెలియబడుతుంది. కోరికలకు మూలం ఏమిటో తెలియబడుతుంది. మనసుకు మూలం ఏమిటో తెలియబడుతుంది. మనసుకు ఏదో తెలిసినట్టుగా ఉంటుంది. కానీ దాని ఎరుకకు ఏదో చేయాలనే తపన పుడుతుంది. అసలు రాముడు అంతరంగం ఏమిటో తెలియబడుతుంది. రామాయణం తత్వం తెలియబడుతుందని అంటారు.

పుస్తక జ్ఙానం విషయాల పరిజ్ఙానం పెంపుకు దోహదపడతాయని అంటారు

ఇలా మనకు పుస్తక జ్ఙానం విషయాల పరిజ్ఙానం పెంపుకు దోహదపడతాయని అంటారు. ఏవిధమైన బుక్స్ రీడ్ చేస్తే అటువంటి భావనలు బలపడతాయి. మన వృత్తి రిత్యా సాంకేతిక నిపుణులమై ఉంటే, సాంకేతిక అభివృద్దిపైన ఉండే బుక్స్ చదివితే సాంకేతికపరమైన విషయాలలో మరింత విషయ పరిజ్ఙానం పెరుగుతుంది.

మనం వృత్తిరిత్యా వైద్యులమైతే వైద్యానికి సంబంధించిన బుక్స్ చదువుతుంటే, వైద్యశాస్త్రపు విషయాలలో పరిజ్ఙానం పెంపుకు బుక్స్ దోహదం అవుతాయి. ఇంటి ఇల్లాలు అయితే, వంటింటి చిట్కాలు గురించిన బుక్స్ చదివితే, మరింత అవగాహన ఏర్పడుతుంది. వంటింటి పొపుల డబ్బా వైద్యరహస్యం కూడా తెలిబయడతాయని అంటారు. విషయ పరిజ్ఙానం పెంచుకోవడానికి బుక్ రీడింగ్ సహాయకారి కాగలదని అంటారు.

బుక్ రీడింగ్ అంటే చదివిన పుస్తకంలోని విషయంపై ఒక స్వీయదృష్టిని పెంపొందించుకోవడం అంటారు. ఒక వ్యక్తి విషయపరిజ్ఙానం బుక్ రూపంలో విశ్లేషణగా ఉంటే, ఆ విశ్లేషణ రీడర్లో మరొక ఆలోచన సృష్టించవచ్చును. ఆ విషయంలో మరింత పురోగతికి దోహదం కావచ్చును. బుక్ రీడింగ్ విషయాల పరిజ్ఙానం పెంపుకు దోహదపడవచ్చును.

ఏదైనా బుక్ చదవుతుంటే ఆబుక్ లోని విషయం మన మనసులో చేరుతుంది. చేరిన విషయం గుర్తుగా ఉంటుంది. బుద్ది వికసిస్తే, ఆ విషయం అసరానికి గుర్తుకు వస్తుందని అంటారు. స్కూల్లో చదివిన విషయాలు, పని చేస్తున్న సమయంలో పనిని సులువుగా చేయడానికి గుర్తుకు వచ్చినట్టుగా… బుద్ది వికసించాలని అంటారు.

బుక్ రీడింగ్ మంచి అలవాటు అయితే అందులోని అంశం మనమదిగదిలో గూడు కట్టుకుంటుంది. ఆ మది గూటిలో మంచి విషయాలు చేరితే మంచి మనిషిగా పేరు వస్తుందని చెబుతారు. చిన్ననాడు చదివిన చందమామ కధల సారం మనమదిలో గూడు కట్టుకుని ఉంటాయి. ఏదో ఒక సందర్భంలో మనకు అవి గుర్తుకు వచ్చే అవకాశం ఉంటుంది.

నీతి కధలు ఎక్కువగా చదివి ఉంటే, అవినీతి పనులపై ఆసక్తి పెరగదు. ఆసక్తి లేని పనిని మనసు ఎప్పటికీ చేయదు. మనసుకు ఎటువంటి ఆలోచనలు ఎక్కువగా ఉంటే, అటువంటి పనులే చేస్తుందని… దానిని పరిశీలించిన పండితులు చెబుతారు.

పుస్తకాలలో పేజిలు, పేజిలో పేరాలు, పేరాలో వ్యాక్యాలు, వ్యాక్యంలో పదాలు, పదంలో అక్షరాలు అంతేగా.. మరి అలాంటి కూర్పులో ఉండి భావన బలమైనది మనిషికి విధానం తెలియజేస్తుంది. ఎటువంటి భావనలో కూడిన పుస్తకాలు అటువంటి భావనల మన మనసులో పెంచుతాయి.

మనసొక మంచి మిత్రుడు అనుకూల ఆలోచనలు పెరిగితే, మనసొక శత్రువు.. ప్రతికూల ఆలోచనలు పెరిగితే…

మనలో ఆలోచనలు బయటకు వస్తే, ఆ పనిని బట్టి మనకు పేరు వస్తుంది. ఎటువంటి ఆలోచనలు ఉంటే అటువంటి పేరు అయితే మంచి పేరు కోసం మంచి బుక్ లేక మంచి మిత్రుడు అంటారు. ప్రతికూల ఆలోచనలు పెరిగే మనసే ఓ శత్రువుగా మారే అవకాశం కూడా ఉంటుంది. అయితే ఈ శత్రు భావన ఎదుటివారికి ఆపాదిస్తూ, తను మననుండి తప్పించుకుంటుందని అంటారు. కోపం శత్రువైతే అది పుట్టడానికి కారణం మనసు, దాని ఆలోచనలే అంటారు.

మంచి మిత్రుడు మనకు ఎప్పుడూ పాజిటివ్ దృక్పధంతోనే మాట్లాడుతాడు. మనలో వచ్చిన నెగిటివ్ ఆలోచనకు స్వస్తి పలుకుతాడు. దారితప్పుతున్న మనసుకు మంచి ఆలోచనను చెబుతాడు… కానీ పాడైపోయే మిత్రుడికి మాత్రం నెగిటివ్ ఆలోచనలు చెప్పడు. అలా అవసర కాలంలో బుక్ కూడా మన మనసుకు మంచి ఆలోచనలను సృష్టించగలదు.

మనసు మంచి మిత్రుడు కావడానికి బుక్స్ దోహదపడతాయి. మన దృక్పదం సరిగా లేకపోతే మన మనసే మనకు ప్రతికూలంగా మారే ఆలోచనను కూడా పెంచుకోవచ్చును. కాబట్టి ఉత్తముల జీవితచరిత్రను ముందుగా మనకు తెలియబడాలి అంటారు. అపకారం చేసినవారికి కూడా ఉపకారం చేసిన మహానుభావులెందరో ఈ ప్రపంచంలో ఉంటారు.

అపకారికి ఉపకారం చేసిన మహానుభావుల జీవితచరిత్రలు మనకు మార్గదర్శకంగా ఉంటాయని అంటారు. కష్టకాలంలో వారి పాజిటివ్ దృక్పధం మన మనసులో కదలికలు సృష్టించగలవనే వాదన, వారి జీవితచరిత్రల బుక్స్ రీడ్ చేయడంవలన బలపడవచ్చును. బుక్ రీడింగ్ ద్వారా మన మనసును మనం ఓ మిత్రుడి మాదిరిగా మార్చుకోవచ్చును మంచి బుక్స్ రీడ్ చేస్తూ మనసొక మంచి మిత్రుడు లాగా మార్చుకోవచ్చును.

పుస్తక జ్ఙానం విషయాల పరిజ్ఙానం స్వీయ ఊహాశక్తిని పెంపొందించుకోవచ్చును.

సినిమా చూడడం అంటే దర్శకుని ఊహను ఫాలో అవ్వడం అయితే బుక్స్ రీడ్ చేయడం అంటే ఆ బుక్ లోని అంశంతో స్వీయ ఆలోచనకు మరింత పదును పెంచుకోడవం అంటారు.

ఒక సినిమాను సృష్టించిన దర్శకుడుకి బుక్ రీడింగ్ అనే అలవాటు ఉంటుందని అంటారు. పుస్తక జ్ఙానం వలన సామాజిక స్థితిపై అవగాహన ఉంటుంది. భవిష్యత్తు సమాజం గురించిన ఆలోచనలు పెరగవచ్చును. వ్యక్తి ప్రవర్తనకు పరిస్థితలు ప్రభావం గురించిన అవగాహన ఏర్పడవచ్చును. అవగాహన ఊహకు దారితీయవచ్చును. అనేక ఊహాలు కొన్ని సంఘటనలను ఊహించే వరకు సాగవచ్చును. బుక్స్ చదవడం వలన ఆ పుస్తక జ్ఙానం విషయాల పరిజ్ఙానం పెరిగి స్వీయ ఊహాశక్తిని పెంపొందించుకోవచ్చును అంటారు.

పుస్తక జ్ఙానం వలన ఏర్పడిన విషయాల పరిజ్ఙానం మనసులో ఊహను సృష్టించగలదు అంటారు. భక్తి బుక్స్ చదివి చదివి, భక్తుల గురించి తెలుసుకుని తెలుసుకుని, భగవానుడి గురించి ఆలోచన చేసి చేసి భగవానుడు ఎలా ఉంటాడో మనం చూసిన విగ్రహరూపం మదిలో మెదిలి మెదలి… ఆ విగ్రహరూపం మనతో మాట్లాడడం మొదలుపెడితే ఆభక్తి పరాకాష్టకు ప్రతీక అంటారు. ఇలా ఆద్యాత్మిక పుస్తక జ్ఙానం వలన ఏర్పడిన భక్తి విషయాల పరిజ్ఙానం ఆ భగవంతుని స్వరూపాన్నే నింగినుండి నేలకు దింపగలదని అంటారు.

పుస్తకం వలన ఏర్పడిన జ్ఙానం పుస్తకాల ద్వారా ఏర్పడిన పరిశీలన పరిజ్ఙానం మరొక బుక్ సృష్టించే శక్తిని కూడా పొందగలదని అంటారు. ఏ విషయంలో బుక్స్ ఎక్కువగా చదివితే ఆ విషయాల పరిజ్ఙానం ఫలితంగా స్వీయ ఊహాశక్తిని పెంపొందించుకోవచ్చును. సినిమా రంగంతో పరిచయం ఉంటే ఒక కొత్త సినిమా కధను కూడా సృష్టించే ఊహాత్మక శక్తి బుక్ రీడింగ్ ద్వారా ఏర్పడగలదని అంటారు.

తెలుగు బుక్స్ రీడ్ చేయడం ద్వారా అవగాహన ఎక్కువ

తెలుగు బుక్ రీడ్ చేయడం ద్వారా తెలుగులో మరింత విజ్ఙానం పొందవచ్చును. తెలుగు వ్యాకరణం బుక్స్ రీడ్ చేస్తే, వ్యాకరణ నైపుణ్యం సంపాదించవ్చని అంటారు. తెలుగు భక్తి బుక్స్ రీడ్ చేస్తే, భక్తి పరమైన పరిపక్వత పెరుగుతుందని అంటారు. సినిమా బుక్స్ రీడ్ చేస్తే సినిమా జ్ఙానం పెరుగుతుందని అంటారు.

ఇలా ఏవిషయంలో ఎక్కువగా తెలుగుబుక్స్ రీడ్ చేస్తు ఉంటే, ఆయా విషయాలలో పరిజ్ఙానం పెరగవచ్చును. తెలుగుబుక్స్ రీడ్ ద్వారా అనేక విషయాలలో మనకు అవగాహన పెరగవచ్చును. అయితే తెలుగుబుక్స్ రీడ్ చేస్తున్నప్పుడు ఏకాగ్రతతో కూడిన శ్రద్ద ముఖ్యమంటారు. ఏకాగ్రతతో చేస్తున్నప్పుడు మనసు దృష్టి చేస్తున్న పనిలో నిమగ్నమై ఉంటుంది. అది తెలుగుబుక్ రీడింగ్ అయితే ఆబుక్ లోని విషయంపై సరైన దృష్టితో ఉంటుంది. ఆబుక్ రీడ్ చేసిన ఫలితం పొందవచ్చుని అంటారు.

విషయం తెలుగులో ఉంటే, ఆ తెలుగుబుక్ ద్వారా మనకు అవగాహన తేలిక… కారణం మన మాతృభాష తెలుగు కాబట్టి.. అక్షరజ్ఙానంతో బాటు వాడుక భాష ద్వారా తెలుగులో అనేక పదాలకు అనుభవూర్వక ఆలోచనా శక్తి కూడా ఉంటుందని అంటారు. ఆవిధంగా తెలుగుబుక్ రీడ్ చేస్తుంటే, ఆ బుక్ లో ఉన్న విషయంపై మనకు మరింత అవగాహన ఏర్పడకపోదు.

మన వాడుక భాషలో బుక్ రీడ్ చేయడంద్వారా తెలుగులో అవగాహన బాగా ఉంటుంది. తెలుగుబుక్స్ అనేక వర్గాలలో మనకు లభిస్తాయి. గతంలో తెలుగుబుక్స్ రీడ్ చేయడానికి కొనుగోలుకు మరొక ప్రదేశానికి వెళ్ళవలసి ఉండేది. ఇప్పుడు కొన్ని వర్గాలలో ఉచితంగా తెలుగుబుక్స్ మనకు ఆన్ లైన్లో రీడ్ చేయడానికి ఉచితంగానే లభిస్తున్నాయి.

తెలుగులో బుక్స్ రీడ్ చేయడానికి ఆన్ లైన్ ద్వారా పిడిఎఫ్ బుక్స్ ఉచితంగా లభిస్తున్నాయి.

నీలోఇద్దరు తెలుగు ఫ్రీపిడిఎఫ్ బుక్.

వ్యక్తి మనసును అంచనా వేయడం ఎదుటివ్యక్తి మనోశక్తిని బట్టి ఉంటుంది. తన మనసును తానే అంచనా వేసుకోవడం వలన అది పెరుగుతుంది. మనోనిగ్రహం పాటించడానికి, తమ మనసులో ఉన్న మిత్రుడెవరు? శత్రువు ఎవరు? తెలియాలి. ఇలా ప్రతి మనిషిలో ఉండే రెండు మనస్తత్వాలను వివరించే బుక్ నీలోఇద్దరు తెలుగు ఫ్రీపిడిఎఫ్ బుక్.

ప్రతి మనిషి రెండు రకాల మనస్తత్వాలను కలిగి ఉంటారని చెబుతారు. ఒక మనసు ఒకలాగా ఆలోచన చేస్తే, మరొకటి వ్యతిరేఖంగా ఆలోచన చేస్తుంది. ఆలోచన చేయడం మాత్రం కామన్. కానీ ఆలోచన పరిస్థితులకు అనుకూలంగా ఉంటే మనసు ప్రశాంతత. పరిస్థితులకు ప్రతికూలంగా ఉంటే, మనసులో ఆశాంతి.

ప్రశాంతతో ఉండే మనిషి మనసు, ఎదుటివారి ఆలోచనలో ఆంతర్యం గ్రహిస్తుంది. అశాంతితో ఉండే మనిషి మనసు ఎదుటివారి ఆలోచనలకు ప్రభావితం అవుతూ ఉంటుంది.

నీలో ఇద్దరు‘ ఫ్రీ తెలుగుబుక్ లోని పరిచయం పేజి ఇమేజ్ ఈ క్రింద జతచేయబడింది, చదవండి.

నీలోఇద్దరు తెలుగు ఫ్రీపిడిఎఫ్ బుక్.
నీలోఇద్దరు తెలుగు ఫ్రీపిడిఎఫ్ బుక్.

పరిచయ పలుకులు వాడుక భాషలో చక్కగా ఉన్నాయి. ఇంకా పుస్తకం చదివితే మరింతగా మనసు పట్టుకుంటుంది.

ఎందుకు తెలుగు బుక్స్ చదవాలి?

ఒక తెలుగుబుక్ చదవగానే అందులో అంశం అర్ధం కాదు. ఆ బుక్ లో ఉన్న అంశంతో మనసు మమేకం కావాలి.

తెలుగుబుక్ లో ఉన్న అంశంపై ఆలోచన కలగాలి. ఆ ఆలోచన సవ్యదిశలో సాగాలి. అవగాహన ఏర్పరచుకున్న విషయంపైనే మనసుకు స్పష్టత వస్తుంది.

ఏదైనా ఒక తెలుగుబుక్ చదువుతుంటే, అందులో ఉన్న అంశం మనసుకు ఇష్టమా ? కాదా? అని సరిచూసుకోవాలి.

ఎందుకంటే మనసు ఇష్టపడితే, అందులోని అర్ధాన్ని తేలికగా గ్రహించగలదు. అందుకే మనసుకు ఇష్టమైన అంశం కలిగి ఉన్న తెలుగుబుక్ చదవాలి అంటారు.

ధర్మం గురించే తెలిపే బుక్స్, మనస్తత్తాన్ని గురించి విశ్లేషించే తెలుగుబుక్స్, సామాజిక స్పృహను కలిగించే తెలుగుబుక్స్ చదవడం వలన వ్యక్తిత్వం మెరుగుపడుతుంది, అంటారు.

ఎంతమందితో మనకు పరిచయం ఉంటే, అన్ని రకాల విషయాలు మన మనసులోకి చేరతాయి. ఎన్ని విషయాలు తెలిసి ఉంటే, అన్ని ఎక్కువ ఆలోచనలు ఉంటాయి. ఎంత ఆలోచన ఎక్కువగా ఉంటే, అంతలా మనసు అలసటకు గురవుతుంది.

ఆలోచనలు ఎక్కువగా ఉంటే, ఆ ఆలోచనలు నియంత్రించడం మనసుకు అసాధ్యం కాదు, కానీ చాలా కష్టమంటారు. ఎందుకంటే అలవాటు పడిన మనసు, అలవాటును మార్చుకోవడానికి చాలా సమయం తీసుకుంటుంది.

ఎప్పటికప్పుడు మనసు తనను తాను మార్చుకోవడానికి ప్రయత్నిస్తే, దానికి సమాజం నుండి వచ్చే ప్రతిస్పందన వలన మనసు మరలా ప్రభావితం అవుతూ ఉంటుంది.

అందుకే మనిషి మనసు ఏవిధంగా ప్రభావితం అవుతుంది. దాని బలహీనత ఏమిటి? దాని బలమేమిటి? అనే విషయంలో అందరికీ వారి మనసు గురించి వారికి తెలుసుండాలి అంటారు.

మనస్తత్వాల గురించి విశ్లేషణలు కలిగి ఉన్న తెలుగుబుక్స్ చదవడం వలన కొంతవరకు మనసుపై మనసు పరిశీలన చేసే అవకాశం ఉంటుంది.

ధన్యవాదాలు – తెలుగురీడ్స్