యూట్యూబ్ వీడియో ఎలా ప్రమోట్ చేయాలి? కొత్తగా ఛానల్ పెట్టినవారికి, కొత్తగా ఛానల్ పెట్టాలనుకున్నవారికి…. చాలామంది యూట్యూబర్లకు పుట్టే ప్రశ్న అయితే మరికొన్ని ప్రశ్నలు కూడా అవసరం అంటారు. అవి…

కొత్తగా రన్ చేస్తున్న లేదా క్రియేట్ చేస్తున్న ఛానల్ మెయిన్ కంటెంట్ ఏమిటి?

అలా ఎంచుకున్న కంటెంట్ పాపులర్? అంటే అందరికీ తెలిసినది మరియు ఎక్కువమంది ఆసక్తి చూపించేదేనా?

అప్పటికే అలాంటి కంటెంటుని అందిస్తున్న ఛానల్స్ ఎన్ని? అలా అందిస్తున్న ఛానల్స్ ఎన్ని సక్సెస్ అయ్యాయి? ఎన్ని ఫెయిల్ అయ్యాయి?

సక్సెస్ పొందినవారి అనుభవం కన్నా ఫెయిల్యూర్ పొందినవారి అనుభవం అక్కరకు వస్తుంది. ప్రధానంగా ఎటువంటి తప్పిదాలు చేయకూడదో బోధపడుతుందని అంటారు.

కొత్తగా వినూత్నంగా ఒక ఆలోచన ఉంది. అటువంటి ఆలోచన ఇప్పటివరకు ఏ యూట్యూబర్ అందించడం లేదు… మరి ఇలాంటప్పుడు పుట్టవలసని ప్రశ్నలు… అంటే ఏమి జాగ్రత్తలు తీసుకుంటే, కొత్త ఆలోచనను మంచి యూట్యూబ్ ఛానల్ గా విజయవంతం చేయగలము.

కొత్త కంటెంటు కాబట్టి దానికి ప్రచారం అందించాలి. ఎందుకంటే పాపులర్ కంటెంట్ అంటే అంతా యూట్యూబ్ సెర్చ్ చేస్తున్నారని అర్ధం. కాబట్టి పాపులర్ అయిన కంటెంటుకు సెర్చ్ లో వచ్చే విధంగా యూట్యూబ్ వీడియో డిష్కిప్షన్ వ్రాసుకుంటే సరిపోతుంది. కానీ పాపులర్ కంటెంటుపై యూట్యూబ్ ఛానల్ చేస్తే, అప్పటికే ఉన్న అన్ని ఛానల్స్ కన్నా మెరుగైన కంటెంటతో పాటు ఆసక్తికరంగా వీడియోలను రూపొందించవలసి ఉంటుంది. పోటీలో నిలబడాలంటే, కంటెంటు ఆసక్తికరంగా, విలక్షణంగా ఉండాల్సి ఉంటుందని అంటారు.

ఇక కొత్త కంటెంటు అయితే, ఆ యూట్యూబ్ ఛానల్ కు ప్రచారం అవసరం. నాణ్యమైన కంటెంట్ ఉండాలి.

కొత్తగా క్రియేట్ చేస్తున్న యూట్యూబ్ ఛానల్ వారిలో ఉండే సిబ్బంది ప్రధానం.

ఎందుకంటే, ఒక పదిమంది కలసి ఒక యూట్యూబ్ ఛానల్ సృష్టించాలని అనుకుంటే, ఆ పదిమందిలో ఉన్న టాలెంట్ ఏమిటి? ఎవరు ఎటువంటి ప్రయోజనాన్ని ఛానల్ కు అందించగలరు. వీరి బలాబలాలు తెలిస్తే, వారు ఆ ఛానల్ విజయవంతం చేయడంలో కీలకపాత్ర పోషించగలరని అంటారు.

ఉన్న పదిమందిలో అంతా కంటెంటుని రచించేవారు మాత్రమే ఉంటే, యూట్యూబ్ ఛానల్ కు అవసరమైనా సాంకేతికత ఎలా? ప్రమోషన్ బాద్యత ఎవరిది? ఛానల్ కు అవసరమైన ఎక్విప్ మెంట్ ? ఇలా ప్రశ్నలు అనేకం ఉంటాయి.

అదే పదిమందిలో ఒకరు ఛానల్ రన్ చేయడానికి ప్రారంభ దశలో డబ్బుని అందించగలిగే వారు ఉంటే, ఆ ఛానలకు అవసరమైన ఎక్విప్ మెంట్ సులభంగా తీసుకోవచ్చును. లేదా అంతా కలిసి వాటాలు ప్రకారం డబ్బును సమకూర్చుకోవాలి.

యూట్యూబ్ ఛానల్ కు అవసరమైన సాంకేతిక పరిజ్ఙానం తెలిసిన వారు కనీసం ఇద్దరు కన్నా ఎక్కువమంది ఉంటే, వారు ఛానల్ కు అవసరమైన మద్దతుని ఇవ్వగలదరు.

ఇంకా ఛానల్ ప్రమోట్ కావడానికి ఎస్ఇఓ తెలిసిన సాంకేతిక నిపుణుడు ఉంటే, ఇక ఛానల్ ప్రమోషన్ సులభం అవుతుందని అంటారు.

ఒక గుడ్ ఐడియాను ఒక విజయవంతమైనా యూట్యూబ్ ఛానల్ గా మార్చడానికి ఒక్కరి కృషి కన్నా కొంతమంది కృషి వలన యూట్యూబ్ ఛానల్ త్వరగా విజయవంతం చేయవచ్చును.

అయితే ఒక్కరు అయినా యూట్యూబ్ ఛానల్ విజయవంతం చేయవచ్చును. కానీ ఆ ఒక్కరికి ఎక్కువ పరిజ్ఙానం తెలిసి ఉండడమే కాకుండా దీర్ఘకాలం ఫలితం కోసం వేచి చూడవలసి వస్తుంది. పోటీ ప్రపంచంలో ఉన్నప్పుడు ఒక్కడిగా విజయం సాధించాలంటే ఎక్కువ సహనం ఉండాలంటారు.

ఇప్పుడు యూట్యూబ్ ఛానల్ అంటే అదో పెద్ద ప్రపంచం.. ఎక్కువ పోటీ ఉన్న ప్రపంచం.

ఒక్కడిగానే యూట్యూబ్ ఛానల్ పెట్టి దీర్ఘకాలంలో విజయవంతం చేయాలంటే?

ముందుగా ఎంచుకున్న కంటెంటుకి సంబంధించిన ఛానల్స్ ఏమిటి?

ఎంపిక చేసుకున్న కంటెంట్ పై యూట్యూబ్ విజిటర్స్ ఆసక్తి ఎంతవరకు ఉండవచ్చును?

సెలెక్టు చేసుకున్న కంటెంటు, ఆన్ లైన్ ప్రసంచంలో ఎంతకాలం ట్రెండ్ గా ఉండే అవకాశం ఉంటుంది?

పాపులర్ కంటెంటు ఎంచుకుంటే, అందులో ఎంత పోటీ ఉంటుంది?

సరే కంటెంట్ ఎంచుకుంటే… అలా ఎంపిక చేసుకున్న కంటెంటులో వీక్షించే జనులు ఎటువంటివి ఎక్కువగా వీక్షిస్తున్నారు? అంటే…. గాసిప్స్ టైపా? లేదా వాస్తవాల? అనేది.

ఇంకా ఎంచుకున్న కంటెంట్ వలన లీగల్ ప్రోబ్లంస్ ఉంటాయా?

ఇటువంటి అనేక ప్రశ్నలకు సమాధానం లభించాకా? యూట్యూబ్ ఛానల్ లో ఎన్ని వీడియోలు? వీడియో నిడివి? వీడియోలో చెప్పబోతున్న కంటెంటు యొక్క ఆవశ్యకత? వీటిపై కూడా దృష్టి పెట్టాలి.

ఇంకా ఎంతకాలం యూట్యూబ్ వీడియోలు పెడుతూ ఉంటే, ఛానల్ ద్వారా డబ్బు సంపాదించగలం?

ఎక్కువ ఊహించుకుని భంగపడడం వలన మనసుకు కష్టంగా అనిపిస్తుంది. తక్కువగా ఊహించుకుని పనిని చేయడం వలన అది అసంపూర్ణంగా ఉండవచ్చును. కావునా వాస్తవికతకు దగ్గరగా ఆలోచన చేయాలి.

తయారు చేయబడిన వీడియోలో సరైన కంటెంటు ఉండి, అది అందరూ యూట్యూబ్ లో వెతుకుంటూ ఉంటే, ఆ వీడియోకు ప్రమోషన్ అవసరంలేదు. కానీ అలాంటి వీడియోలు అనేకం ఉంటే, ప్రమోషన్ కోసం ఎస్ఇఓ వంటివి చేయాలి. లేదా పెయిడ్ ప్రమోషన్ పై ఆధారపడాలి.

ముఖ్యంగా సోషల్ మీడియాలో ఉన్న సర్కిల్ ఎంతవరకు ఉపయోగపడగలదో సరైనా అంచనా ఉండాలి.

ఒక యూట్యూబ్ వీడియో క్రియేట్ చేసి, అది ఎప్పటికైనా పాపులర్ అవుతుందని నమ్మకం ఉంటే, కేవలం దాని డిష్క్రిప్షన్ లో కంటెంట్ గురించి ఖచ్చితమైన సమాచారం వ్రాస్తే సరిపోతుంది. కాదు అది ఎక్కువమందికి చేరాలంటే, మనకున్న సోషల్ మీడియా నెట్ వర్కులో షేర్ చేయాలి. ఇంకా త్వరగా ప్రమోట్ కావాలంటే, మన స్నేహితులకు షేర్ చేయమని సూచించాలి. ఇంకా ప్రమోషన్ అవసరం అయితే పెయిడ్ ప్రమోషన్ చేయాలి.

ఏదైనా జాబ్ చేస్తూ, యూట్యూబ్ ఛానల్ రన్ చేస్తూ ఉంటే, దీర్ఘకాలంలో మాత్రమే పలితాన్ని పొందగలరు. పెయిడ్ ప్రమోషన్ లేకుండా కేవలం మనకున్న సోషల్ మీడియా సర్కిల్ ద్వారా మాత్రమే ఛానల్ ప్రమోట్ చేయదలచినా… ఎక్కువకాలం పాటు ఫలితాలు రావడానికి సమయం పడుతుందని అంటారు.