రేడియో గురించి తెలుగులో వ్యాసం రాయండి. గాలిలో ప్రయాణం చేస్తూ ఉండే శబ్ధ సంకేతాలను మనకు మాటలు లేక పాటలు రూపంలో వినిపించే సాధనాన్ని రేడియో అంటారు.
విద్యుత్ అయస్కాంత తరంగాల ప్రయాణం గురించి గతంలో మ్యాక్స్ వెల్, హెర్ట్ జ్ మరియు బ్రాన్లీ వంటివారు ప్రయోగాలు చేస్తే, చివరికి మార్కోని ప్రయోగాల అనంతరం రేడియో ఆవిష్కరణ జరిగినట్టు చరిత్ర చెబుతుంది.
1907 సంవత్సరంలో బ్రిటిష్ నావికాదళంలో ఒక ఓడ నుండి మరొక ఓడకు వారి జాతీయగీతం రేడియో ద్వారా ప్రసారం చేసుకున్నట్టు, 30 మైళ్ళ దూరం రేడియో ప్రసారాలు మార్కోని పంపినట్టు చరిత్ర.
100 వాట్ల సామర్ధ్యం గల రేడియో ప్రసార కేంద్రం 1922 లో లండన్లో స్థాపించబడింది. అటు తరువాయి 1923 మేలో జెకోస్లావేకియాలోనూ అదే సంవత్సరంలో జర్మనీలోను రేడియో ప్రసార కేంద్రాలు స్టాపించబడ్డాయి.
మనదేశంలో రేడియో ప్రసార కేంద్రం అల్ ఇండియా రేడియోగా ఉంది. దీనికి ఆకాశవాణి పేరు ఉంది. ప్రపంచంలో అతి పెద్ద రేడియో వ్యవస్థల్లో ఇది ఒక్కటి.
మన దేశంలో రేడియో ఆకాశవాణి గా పరిచయం
ఆకాశవాణి ప్రసారములలో వ్యవసాయ పనులకు సంభందించిన కార్యక్రమములు ఉండేవి. పంటలగురించి, కొత్తరకాల వంగడాలు, సస్యరక్షణ, వ్యవసాయ పద్ధతులగురించి కార్యక్రమములు రైతులకు సాయపడేవి.
ఇంకా పశు సంరక్షణ, పాడి, పశువులు గురించి రేడియో ప్రసార కార్యక్రమములు రైతులకు చక్కగా వివరించేవారు.
అలాగే వార్తలను శబ్ద రూపంలో ఏరోజూకారోజు సాయం వేళల్లో రేడియో ద్వారా ప్రసారం చేసేవారు. రేడియోకు ముందు వార్తలు కేవలం దినపత్రికల ద్వారా మాత్రమే చదువుకునేవారికి పరిమితం.
కానీ రేడియో వచ్చాక అక్షరజ్ఞానం లేనివారు కూడా వార్తలు వినడానికి అవకాశం ఏర్పడింది. తద్వారా సమాజంలో జరిగే విశేషాలు దేశంలో ఎక్కువమంది తెలుసుకునే అవకాశం రేడియో ద్వారా ఏర్పడింది.
ప్రజా వినోదార్ధం సంగీత కార్యక్రమాలు, సినిమా పాటల ప్రసారం వంటి వినోదాత్మక ప్రసారాలు రేడియో ద్వారా జరిగేవి.
రేడియో వినోదాత్మక, వివరణాత్మక కార్యక్రమములు పాటల, మాటల రూపంలో ప్రజలను ఆకట్టుకునేవి.
నాటికలు, నాటకాలు, సినిమాలు కూడా మాటల, పాటల రూపంలో ప్రసారాలు ప్రజలను ఆకర్షించేవి.
మొదట్లో పెద్దగా ఉండే రేడియోలు చిన్న పరిణామంలోకి మారి ఎక్కువమందికి రేడియో చేరువైంది.
కాలంలో రేడియో, రేడియో మరియు టేప్ రికార్డర్ గా కూడా అందుబాటులోకి వచ్చింది. టి‌విలు వచ్చేవరకు రేడియో ప్రసారాలు విశేషంగా ప్రజలను ఆకర్షించేవి.
మరిన్ని తెలుగురీడ్స్ వ్యాసాలు
విద్యను అభ్యసించడంలో అర్జునుడి ఎలా ఆదర్శం?
జీవితంలో కర్తవ్య బోధకులు ఎవరు?
పాఠశాల గురించి తెలుగులో వ్యాసం, పాఠశాలకు ఎందుకు వెళ్లాలి?
పిల్లలు తప్పు చేస్తే ఎలా స్పందించాలి?
తెలుగు పదాలు పర్యాయ పదాలు అర్ధాలు
ఆవిర్భవించింది అనే పదానికి అర్ధం ఏమిటి?