మనిషి ఆరోగ్యంగా ఉండాలంటే, సమయానికి తిండి, సమయానికి నిద్ర, సమయానికి పని మూడు ఉంటే…. ఆరోగ్యంగా ఉండే అవకాశం ఉంటుంది. ప్రతిరోజు కాయకష్టం చేసే వ్యక్తి, వేళకి తింటారు. వేళకి నిద్రిస్తారు… ఏదైనా కల్తీ వలన కానీ ఏదైనా అంటువ్యాది సోకితే, ఆనారోగ్యంపాలు అవుతారమో కానీ వారి శరీరం వలనే వారికి ఆనారోగ్యం కలగదు… కారణం కష్టం చేసే కాయంలో వృధా కొవ్వు ఉండదు. వేళకి తినడం, నిద్రించడం ఉంటుంది. ఇలా వ్యక్తికి కాయకష్టం లేకపోతే, ఆరోగ్యంగా ఉండాలంటే ఏం చేయాలి?
వ్యక్తి ఆరోగ్యం వ్యక్తికి ఆహారపు అలవాట్లు, నిద్రకుపక్రమించే వేళలు, నిద్ర మేల్కోనే వేళలు మరియు నిద్రించు సమయం…. వీటిపై ఆధారపడి ఉంటే, ప్రతిరోజు చేసే వ్యాయమం చేయడం వలన శరీరారోగ్యమును కాపాడుకోవచ్చును… ఇంకా వాకింగ్ చేయడం కూడా చెబుతారు.
మొదటి నుండి అలవాటుగా ఉన్నవాటిని అకస్మాత్తుగా మార్చుకుంటే, శారీరక మానసిక ఇబ్బందులు తప్పవని అంటారు. కాబట్టి ప్రస్తుతం వ్యక్తికి ఉన్న ఆహారపు అలవాట్లలో దోషములు ఎంచాలి. ఇక నిద్రించు సమయం, నిద్రించు వేళలు, నిద్ర మేల్కొను వేళలు… ఎంతవరకు అవసరమో బేరీజు వేసుకోవాలి… ఆపై వైద్యుని సలహామేరకు ఆహారపు అలవాట్లలో మార్పును తీసుకురావాలని అంటారు.
మనిషికి అలవాటు అయిన పనులలో అతని మనసు నిమగ్నం కాకపోయినా అతని శరీరం యాంత్రికంగా చేసుకుపోతుంది… అటువంటి అలవాట్లు మార్చుకునేటప్పుడు పూర్తిగా మనసును సిద్దం చేసుకుని మార్పులు మొదలు పెట్టాలి… కానీ ఆరంభశూరత్వం లాగా అలవాట్లు మార్చుకుంటే, మనసు ఎదురుతిరుగుతుందని అంటారు.
కావునా అనారోగ్య లక్షణాలు ఉన్నవారు ఆరోగ్యంగా ఉండాలంటే ఏం చేయాలి అని ఆలోచిస్తూ… మనసులో ఆవేదనను కలిగించుకోరాదు… ముందు అనారోగ్య లక్షణాలకు మూలం తెలుసుకోవాలి. అనారోగ్య లక్షణాలకు మూలం తెలియజేయగలిగేది… వైద్యుడే కాబట్టి వైద్యుడిని సంప్రదించి, ఎంతవరకు అలవాట్లలో మార్పులు తీసుకురాగలమో… ఆలోచన చేసుకుని… మార్పుకు నాంది పలకాలని చెబుతారు.
మరిన్ని తెలుగురీడ్స్ పోస్టులు
విద్యను అభ్యసించడంలో అర్జునుడి ఎలా ఆదర్శం?
జీవితంలో కర్తవ్య బోధకులు ఎవరు?
పాఠశాల గురించి తెలుగులో వ్యాసం, పాఠశాలకు ఎందుకు వెళ్లాలి?
పిల్లలు తప్పు చేస్తే ఎలా స్పందించాలి?
తెలుగు పదాలు పర్యాయ పదాలు అర్ధాలు
ఆవిర్భవించింది అనే పదానికి అర్ధం ఏమిటి?