లక్ష్య సాధనకు ఏకాగ్రత అవసరం తెలుగులో వ్యాసం. ఏదైనా లక్ష్యం సాధించాలంటే, ఆ యొక్క లక్ష్యంపైన సరైన అవగాహనతో పాటు ఏకాగ్రత ముఖ్యం.
ఏదైనా లక్ష్యం ఏర్పాటు అయినప్పుడు, ఆ లక్ష్యం చేరడానికి కృషి, పట్టుదల ప్రధానం. అటువంటి లక్ష్యంపై పట్టుదల పెరగడానికి దానిపై ఉండే అవగాహన మూలం అవుతుంది.
ఎంత అవగాహన ఉంటే అంత త్వరగా లక్ష్య సాధనవైపు మనసు పరుగులు పెడుతుంది.
అయితే లక్ష్యం చాలా సులభంగా కనబడవచ్చు. కానీ అప్పుడు నిర్లక్ష్యం చూపిస్తే, అదే లక్ష్యానికి శత్రువు అవుతుంది. మధ్యలోనే లక్ష్యం చెదిరే అవకాశాలు ఎక్కువ.
ఏర్పరచుకున్న లక్ష్యం చెదిరిపోవడానికి ప్రధాన కారణం. మనసులో లక్ష్యంపై దృష్టితో బాటు ఇతర విషయాలు కూడా ఉండడం.
పబ్లిక్ పరీక్షలలో మంచి మార్కులు రావాలి! అనే లక్ష్యం ఉన్న విద్యార్ధికి టి‌వి చూడడం అనే అలవాటు ఉంటే, అతని మనసులో టి‌విలోనూ కార్యక్రమములు కనబడుతూ ఉంటాయి.
మరొక విద్యార్ధికి ఆటలంటే ఇష్టం కానీ అతనికి పబ్లిక్ పరీక్షల లక్ష్యం ఉంది. అయితే అటలంటే ఆసక్తి ఉన్న అతని మనసుకు మాత్రం ఆడుకోవడానికి రెడీగా ఉంటుంది.
దేనిపై ఎక్కువ ఆసక్తి ఉంటే దానివైపు మనసు వేగంగా మరలిపోతుంది అంటారు.
మనసులో లక్ష్యం సాధనకు కృషి చేయాలన్న తలంపు బలంగా ఉండాలి!
మరలిపోవడం మనసు యొక్క గుణం అయితే, ఆ గుణాన్ని అదుపు చేయడం యువతకు బలం అవుతుంది. అటువంటి బలం యువత ఎంత పెంచుకుంటే, అంత త్వరగా లక్ష్య సాధనకు మనసులో ఏకాగ్రత ఏర్పడుతుంది.
మన చుట్టూ ఎప్పుడూ అనేక విషయాలు ఉంటూనే ఉంటాయి. అవి మనం పుట్టి పెరిగిన లేక నివసిస్తున్న ప్రాంతం మరియు మిత్రుల బట్టి ఉంటాయి. అయితే మనం పుట్టి పెరిగిన లేక మన మిత్రుల మద్య మనం హీరో కావాలంటే మన మనసుపై మనకు నియంత్రణ ముఖ్యం.
తన చుట్టూ అనేక విషయాలు ఆకట్టుకునే విధంగా ఉంటూ, తన సమయం వృధా చేయడానికి ప్రయత్నిస్తూ ఉంటాయి. అని ఎవరు విషయాలపై అవగాహనతో ఉంటారో, వారు వ్యక్తులపై ఆగ్రహం తెచ్చుకోరు. విషయాల వ్యాపకం తగ్గించుకోవడంలో జాప్యం చేస్తున్న మనసుపై ఆగ్రహిస్తారని అంటారు.
ఎందుకంటే విషయాలే మనసులో ఉంటాయి. విషయాలే ఆలోచనలకు కారణం అవుతాయి. విజ్ఞాన వేదికగా ఉండాల్సిన మనసు వినోద వేదికగా మారుతుంటే, విజ్ఞులు ఒప్పుకోరు అంటారు.
విజ్ఞానమును వంటబట్టించుకునే సమయంలో ఏర్పడే అవరోధాలకు విషయాలు కారణం అయితే, అటువంటి విషయాలవైపు వెళ్లకుండా ఉండడానికి మనసులో ఏకాగ్రత ముఖ్యం.
ఏకాగ్రతతో ఉండే మనసు తన ముందు ఉన్న పనిని చాలా చాలా చక్కగా చేయగలదని పెద్దలు చెబుతారు. అందుకు ఉదాహరణగా వేకువజామునే చేసే పనులు చెబుతారు.
కాబట్టి అనేక విషయాలు మనసును పట్టుకుని దానిని ఆకర్షించే పనిలో ఉంటాయి. కానీ లక్ష్యం చేరాలంటే వాటిని నియంత్రించాలి. అటువంటి విషయాలను నిరోధించడానికి మనసుకు బలం ఏకాగ్రత. ఏకాగ్రతగా మనసును ఒక విషయం వైపు మరలిస్తే, అది లక్ష్య సాధనకు ఉపయోగపడుతుంది.
నేర్చుకునే వయసులో జీవితానికి ఉపయోగపడే ప్రతి విషయంలోనూ శ్రద్ద చూపుతూ, లక్ష్యాన్ని చెదరగొట్టే విషయాలపై నియంత్రణ కలిగి ఉంటూ ముందుకు సాగాలి…
మరిన్ని తెలుగురీడ్స్ వ్యాసాలు
విద్యను అభ్యసించడంలో అర్జునుడి ఎలా ఆదర్శం?
జీవితంలో కర్తవ్య బోధకులు ఎవరు?
పాఠశాల గురించి తెలుగులో వ్యాసం, పాఠశాలకు ఎందుకు వెళ్లాలి?
పిల్లలు తప్పు చేస్తే ఎలా స్పందించాలి?
తెలుగు పదాలు పర్యాయ పదాలు అర్ధాలు
ఆవిర్భవించింది అనే పదానికి అర్ధం ఏమిటి?