Telugu Reads

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

సమస్యల మయమైన సమాజంలో పరిష్కార దృష్టిని

Leave a reply

సమస్యల మయమైన సమాజంలో పరిష్కార దృష్టిని కలిగి ఉంటే, అలా సమస్యకు పరిష్కారం ఆలోచించేవారి చుట్టూ లోకం తిరుగుతుంది. సమస్య కలిగిన వారు పరిష్కారం సూచించగలిగేవారి మధ్య ఉండడానికి ప్రయత్నిస్తూ ఉంటారు. సమాజంలో సమస్యలకు కొదువ ఉండదు. సమస్య లేని జీవితం ఉండదు. కాబట్టి పరిష్కారం చుట్టూ సమస్య ఉన్నవారి ఆలోచన ఉంటుంది.

డాక్టర్ చుట్టూ రోగి తిరిగినట్టుగా, పరిష్కారం చుట్టూ సమస్య తిరుగుతూ ఉంటుంది. సానుకూలంగా ఆలోచించగలిగే తత్వంలోనే పరిష్కారపు ఆలోచనలు తడతాయని అంటారు. ఒక విద్యార్ధి సానుకూల దృక్పధంతో వైద్యశాస్త్రమును సావధానంగా పరిశీలించి, పరిశోధించి సాధన చేస్తే, మంచి డాక్టర్ కాగాలగినట్టుగా సమస్యలను సానుకూల దృక్పదంతో అలోచించి వాటిని అధిగమించే ప్రయత్నం చేయాలని అంటారు.

చదువులలో సారం గ్రహించి, సమాజంపై పరిశీలన చేసి, గ్రూప్ పరిక్షలలో ఉత్తమ ఫలితాలు సాధించినవారు గొప్ప అధికారిగా మారినట్టు, సమాజంలో సమస్యలపై అవగాహన ఏర్పరచుకుని, ఆ సామజిక సమస్యలపై తన చుట్టూ ఉన్నవారికి అగవగాహన కల్పిస్తూ, ప్రజలకు మంచి భవష్యత్తు కోసం, ప్రజలను తమ సమస్యల పరిష్కారం కోసం పోరాడే విధంగా ప్రోత్సహించగలిగేవారు నాయకులుగా ఎదగగలరు.

ఏదైనా పరిష్కార ధోరణితో ప్రతి సమస్యను పరిష్కరిస్తూ ఉండేవారి చుట్టూ లోకం తిరుగుతుంది. చాణక్య నీతి ఇప్పటికీ ప్రసిద్ది… వాటిని అనుసరించి ఆలోచన చేయడం ద్వారా పరిష్కార ధోరణి అలవాటు అవుతుంది అంటారు.

ఆలోచన ఊహగా ఉంటే, ఆచరణ ఫలితం ఇస్తూ ఉంటుంది. ప్రతి ఆలోచన ఆచరణ సాద్యం కాకపోవచ్చు. ప్రతి ఆలోచన పరిష్కారం కాకపోవచ్చు… కానీ ఆచరించే ఆలోచన మాత్రం సమస్యను సృష్టించేది కాకూడదని అంటారు.

డబ్బు సంపాదన కొరకు వ్యక్తులు, వ్యవస్థలు

లోకం డబ్బు చుట్టూ తిరిగితే, డబ్బు కోసం కష్టం చేసేవారు ఎక్కువ. డబ్బు సంపాదన కొరకు వ్యక్తులు, వ్యవస్థలు కృషి చేస్తూ ఉంటారు. ఎందుకంటే డబ్బు అవసరాలు తీరుస్తుంది. సరదాలు తీరిస్తుంది. సౌకర్యాలు అందిస్తుంది. డబ్బుతో కూడిన జీవితం సౌకర్యవంతంగా సుఖవంతంగా ఉంటుంది. అయితే ఆ సంపాదన మార్గాన్ని సమాజం గమనిస్తూ ఉంటుంది.

సమాజంలో వ్యక్తికి పని ఉంటె, ఆ వ్యక్తి చేసిన పనికి ప్రతిఫలంగా ధనం లభిస్తుంది… అలా సంపాదించిన ధనంలో కొంత ధనం తిరిగి ఖర్చు పెడుతూ ఉంటే, వ్యక్తి అవసరాలకు తగిన సరుకులు సేవలు అందించేవారు వ్యాపారం నిర్వహిస్తారు. అలా ఖర్చు పెట్టేవారు, సరుకులు, సేవలు అందించేవారు ఎక్కడ ఎక్కువగా ఉంటే, అది పెద్ద మార్కెట్ అవుతుంది. అక్కడ బాగా వ్యాపారం జరుగుతుంది.

వ్యాపారం వలన ఒకరికి సరుకులు, సేవలు అందితే, వాటిని అందించినవారికి లాభం ముడుతుంది. సమాజంలో ఎక్కడైతే తగినంత సమయం కష్టం చేస్తూ, ధనార్జన చేస్తూ, తిరిగి తమ తమ అవసరాలు తగినంత ఖర్చు చేస్తూ ఉంటారో అక్కడక్కడ సమాజం ఆర్ధికంగా పుష్టిగా ఉంటుంది. అంటే ధనం ఒక వాహకంగా ఉండడం వలన సమాజంలో అవసరాలు, సౌకర్యాలు, సేవలు సక్రమంగా సాగుతూ ఉంటాయి. అయితే ఇక్కడ లాభాపేక్ష పెరిగి స్వార్ధంతో వ్యవస్థను పీడించేవారు ఉండవచ్చు… అలాంటి వారి వలన వ్యవస్థ మరియు వ్యవస్థలో వ్యక్తులకు సమస్యలు తప్పవు… ఇవి కాకుండా ప్రకృతి వలన వచ్చే కష్టనష్టాలు వ్యక్తికి సమస్యలతో సతమతం కాక తప్పదు…. కారణం పర్యావరణం కాలుష్యం కావడం… కాబట్టి లోకంలో సమస్యలు ఎప్పుడు ఉంటానే ఉంటాయి.

దీర్ఘకాలిక సమస్యలు సమాజంలో ఉంటూనే ఉంటే, వ్యక్తి చుట్టూ తిరిగే సమస్యలు

దీర్ఘకాలిక సమస్యలు సమాజంలో ఉంటూనే ఉంటే, వ్యక్తి చుట్టూ తిరిగే సమస్యలు పుడుతూ ఉంటాయి. కాలంలో ఏళ్లతరబడి సమాజంలో సమస్యలు కొన్ని ప్రాంతాన్ని బట్టి ఉంటూ ఉండవచ్చు… ఆయా ప్రాంతాలలో ఆయా సామజిక పరిస్థితులలో జీవించే వ్యక్తికి అతనికి సమస్య ఉన్నా లేకపోయినా అక్కడి సామజిక సమస్య మాత్రం అతని చుట్టూ ఉండే అవకాశం ఉంటుంది.

ఒక ప్రాంతంలో నీటిఎద్దడి ఉంది. ఆ ప్రాంతంలో నివసించే వ్యక్తికి మాత్రం ఇతర సమస్యలు ఎలా ఉన్నా, నీటి సమస్య మాత్రం అందరితో బాటు అతనికి కూడా ఉంటుంది.

అలాగే ఒక ప్రాంతంలో కరెంట్ కట్టింగ్ ఉంది… ఆ ప్రాంతంలో నివసించే వ్యక్తికి అతని సమస్యతో బాటు కరెంట్ కట్టింగ్ కూడా అందుబాటులో ఉంటుంది.

ఇంకా ఒక ప్రాంతంలో నెట్ సిగ్నల్ సరిగ్గా లేదు… ఆ ప్రాంతంలో నివసించే వ్యక్తికీ కానీ అక్కడికి వచ్చిన వ్యక్తికీ కానీ అక్కడి నెట్ వర్క్ సమస్య వస్తుంది… అంటే సమాజంలో దీర్ఘకాలికంగా ఏదైనా సమస్య ఉంటె, ఆ సమాజంలో నివసించేవారికీ కానీ అక్కడికి నివాసం ఉండడానికి వచ్చినవారికి కానీ ఆ సామజిక సమస్య కూడా తోడు అయ్యే అవకాశం ఉండవచ్చు

ఇలా సమాజంలో దీర్ఘకాలిక సమస్యలకు పరిష్కారం చూపగలిగేది ప్రభుత్వం అయితే, అందులో పరిష్కారం చూపించేవారు వ్యక్తులే ఉంటారు… అలాంటి వ్యక్తిగా ఎదిగేవారు చిన్న నాటి నుండే సామజిక సమస్యలపై దృష్టి సారిస్తూ ఉంటారు.

కొన్ని వ్యవస్థలు సమస్య పరిష్కారం చూపించడానికి ఏర్పడుతూ ఉంటాయి… ప్రభుత్వం తరపు కూడా న్యాయవ్యవస్థ ఉంటుంది.

పరిష్కారం కోసం సమస్య ఉన్నవారు చూస్తూ ఉంటారు. పరిష్కారం చూపే వారి కోసం సమస్యలకు పరిష్కారం అందించే సంస్థలు ఎదురు చూస్తూ ఉంటాయి. అప్పటికే ఉన్నవారు ఉన్నా కొత్తవారి కోసం చూడడం ఉంటుంది.

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

తపించి తపించి పట్టుదలతో కృషి చేస్తే, సాధించలేనిది ఏముంటుంది?

Leave a reply

సాహిత్యం గురించి చదువుతూ చదువుతూ అది అలవాటుగా మారి చదివి చదివి అది ఒక తపస్సు అయితే, అలా చదివినవారు మరొక పుస్తకం సృష్టించే స్థాయికి చేరగలరు… లేదా ఒక విషయాన్ని విపులంగా అర్ధవంతంగా పదిమందికి వివరించి ప్రసంగించగలరు. చదవడం ఒక తపస్సు అయితే, అలా తపస్సు చేసినవారు గురువుగా మారగలరు.

ఒక విషయంలో తపించి తపించి పట్టుదలతో కృషి చేస్తే, ఆ విషయం ఆ వ్యక్తి చేత సాధించబడుతుంది.

సమాజంపై ప్రభావం చూపించే అనేక వస్తువుల సృష్టికి ముందు… ఆ వస్తువు యొక్క తయారీ విధానం ఒక ఆలోచనగా ఒక వ్యక్తి మెదడులో మెదిలితే, అలా మొదలైన ఆలోచన గురించి ఆ వ్యక్తి తపిస్తే, ఆ ఆతపన వలన ఆ ఆలోచన ఆచరణకు వస్తే, ఇప్పటి కాలంలో అనేక వస్తువులు సౌకర్యవంతంగా ఉంటున్నాయి. అలాంటి వాటిలో రేడియో, టి‌వి, ఫోన్ వంటి వస్తువులు ఎన్నో ఉంటాయి.

అందరూ తపించి తపించి వస్తువు కనిబెడితే, మరి వాటిని వినియోగించేది ఎవరు?

ఇలాంటి ప్రశ్నకూడా పుట్టే అవకాశం ఉంటుంది. అది సహజమే కాలం మనల్ని ప్రశ్నించేవరకు సాధారణంగా అలవాటు అయిన జీవితాన్నే కొనసాగించడం మనసుకు ఉండే అలవాటు అంటారు. కానీ కాలం ప్రశించేవరకు అంటే, మనం కాలం మములుగానే ఖర్చు అయిపోయినట్టే…

జీవితంలో సరదాలు కోల్పోతామనేది బ్రమ మాత్రమే. ఎందుకంటే చిన్నప్పుడు మన పోషణ కొరకు కష్టపడే తల్లిదండ్రులు మనకున్నట్టే… ఒక సినిమా వెళ్దాం అని ప్రోత్సహించేవారు మన చుట్టూ ఉంటారు.. కాబట్టి సినిమాకు వెళ్లాలనే సరదా కోసం తాపత్రయపడనవసరం లేదు. అలాంటి చిన్న చిన్న సరదాల కోసం ప్రోత్సహించేవారు లేదా అలాంటి సౌకర్యాలు అందించే వ్యవస్థలు కూడా ఉన్నాయి.

అంటే సినిమాకు వెళ్లాలంటే ఒకరు ముందుగా టికెట్ తీసుకోవడానికి థియేటర్ కు వెళ్లకుండా ఆన్లైన్ ద్వారా టిక్కెట్స్ ఆడించే వ్యవస్థలు కూడా ఉన్నాయి. వ్యక్తికి సరదాలు అందించే విషయంలో మన చుట్టూ వ్యక్తులే కాదు వ్యవస్థలు కూడా ఉన్నప్పుడు, జీవితంలో సరదాలు కోల్పోయే బ్రమ అవసరం లేదని అంటారు.

దేని కోసం తపన ఉండాలి? ఇదే ప్రధాన ప్రశ్న అయితే

జీవితపు లక్ష్యం కొందరికి చిన్నప్పుడే బలపడితే, దాని సాధనకు వారు చదువుకునే వయస్సు నుండే ప్రేరిపింపబడుతు ఉంటారు… అంటే స్కూల్లో టాపర్ గా ఉంటూ కాలేజీ చదువులలో కూడా అదే ఫలితాలు రాబుడుతూ చదువును పూర్తి చేసుకునేవారు తమ తమ ఆర్ధిక, సామాజిక లక్ష్యాలను అందుకుంటూ ఉంటారు.

అలాగే కొందరికి వృత్తి నేర్చుకునేటప్పుడు లక్ష్యం ఏర్పడుతూ ఉంటుంది… పట్టుదలతో తాము నేర్చుకుంటున్న వృత్తిలో శ్రద్దాశక్తులు కనబరుస్తూ తమ జీవిత లక్ష్యానికి మార్గం సుగమం చేసుకుంటూ ఉంటారు.

కొందరు చదువుకునే వయసులో ఆటలతో కాలం గడిపి, ఒక వయసు వచ్చాక అవసరాల కోసం ఆర్జన చేసే సమయంలో లక్ష్యం ఏర్పడే అవకాశం ఉంటే, ఆ వయసులో వారు తమ జీవన లక్ష్యం కోసం పాటుపడతారు…

ఇలా జీవితంలో ఎప్పుడైనా తమ జీవితపు లక్ష్యం ఏర్పడుతూ మనిషిని తన ఉన్న స్థితి నుండి ఉన్నత స్థితికి లక్ష్యం తీసుకెళుతుందని అంటారు.

ఒకరి జీవితపు లక్ష్యం ఒక వ్యవస్థగా మారవచ్చు. ఒకరికి కలిగిన అసౌకర్యం ఒక వ్యవస్థను సృష్టించే విధంగా ఆలోచనను కలిగించవచ్చు.

ఆలపాటి రామచంద్రరార్రావు ఆర్ధికంగా ఎదుగుదల జీవితపు లక్ష్యం అయితే, ఇప్పుడు అది అంబికా దర్బార్ అనే వ్యవస్థ.

ఊరి ప్రయాణం కోసం కలిగిన అసౌకర్యం ఒక వ్యక్తికి ఆలోచనను కలిగిస్తే, అది ఆన్లైన్ టికెట్ బుకింగ్ సంస్థ… రెడ్ బస్ టికెట్ బుకింగ్…

ఇలా జీవితపు లక్ష్యం చిన్నప్పుడే ఉంటే, అది చదువు నుండి కొనసాగవచ్చు… ఒక్కోసారి జీవితపు మద్యలో లక్ష్యం ఏర్పడవచ్చు… కానీ అది ఆ వ్యక్తిలోను, సమాజంలోను మార్పుకు నాంది కాగలదని అంటారు.

దేనినీ గుడ్డిగా నమ్మకు కానీ నమ్మకమే ప్రధానం

దేనినీ గుడ్డిగా నమ్మకు కానీ నమ్మకమే ప్రధానం. ఒకేసారి రెండు భావనలు అంటే అద వ్యతిరేక భావనగా భావింపడుతుంది. అయితే కొన్ని కొన్ని విషయాలలో మాత్రం ఆలోచన వివిధ కోణాలలో ఉండాలని అంటారు.

నిజాన్ని అబద్దం అల్లుకుని ఉంటే, అబద్దమునకు ఆర్భాటం ఎక్కువ కాబట్టి కళ్ళకు ముందుగా అబద్దమే కనిపించవచ్చును. చెవులకు ముందుగా అబద్దమే వినబడవచ్చును. పదే పదే అబద్దమే చూడడం లేదా వినడం వలన మననోటి నుండి కూడా అబద్దమే బహిర్గతం అవుతుంది. సహజంగా నిజమంటే ఇష్టపడేవారు కూడా అబద్దమునకు ప్రచారం కల్పించే అవకాశం ఉంటుంది. ఈ తీరున ఆలోచన చేస్తే ఒక విషయమును గానీ ఒక అంశమును గాని గుడ్డిగా నమ్మరాదు. నమ్మకం లేకుండా ఉండరాదు. మూలమేదో నిజమే అయ్యుంటుంది కానీ మన దరిచేరుతున్న విషయంలో ఏది మనం గ్రహిస్తున్నామనేది చాలా ప్రధాన విషయం.

ప్రకృతి అందమైనది. ప్రకృతి సహజ సౌందర్యంగా ఉంటుంది. అటువంటి ప్రకృతిలో అద్బుతమైన శక్తి ఉంది. అందమైన ప్రకృతిలోనూ వికృతి ఉంటుంది. వికృతి భయానకంగా ఉండే అవకాశం ఎక్కువ.

పరీక్షలు వ్రాసిన 10thక్లాస్ స్టూడెంట్

Leave a reply

పరీక్షలు వ్రాసిన 10thక్లాస్ స్టూడెంట్ మనసు ఫలితం కోసం ఎదురుచూస్తారు. ఫలితంఎప్పుడూ కూడా మనం చేసిన సాధన ఆధారంగానే ఉంటుంది. ఈ విషయం చాలా బాగా గుర్తించాల్సిన విషయం. కొంతమంది ఫలితం అనుకూలంగా రాలేదు. ఆశించిన ఫలితం రాలేదు. నేను చాలా కష్టపడ్డాను, నా కష్టానికి ఫలితం దక్కలేదు. అను ఆలోచనలతో మధనపడుతూ ఉంటారు… అతి ఆలోచనతో మనసును ఇక్కట్లుపాలు చేసుకుంటూ ఉంటారు. కానీ గుర్తించాల్సిన విషయం ఫలితం మనం చేసిన సాధనను బట్టే ఉంటుంది. 10th క్లాస్ స్టూడెంట్స్ పబ్లిక్ పరీక్షలు ఈ సంవత్సరం మే నెలలో వ్రాశారు. ఇప్పుడు జూన్ నెలలో ఫలితాలు వచ్చే వేళయ్యింది. ప్రతి 10th క్లాస్ స్టూడెంట్ అండ్ పేరెంట్ వెయిట్ చేస్తున్న సమయం నేడు వచ్చింది. ఇప్పుడు ఫలితాలు ఎలా ఉంటాయి?

పబ్లిక్ పరీక్షలు వ్రాసిన 10thక్లాస్ స్టూడెంట్ ?

పదవ తరగతి పబ్లిక్ పరీక్షలు వ్రాసిన పదవ తరగతి స్టూడెంట్, తనకు మంచి ఫలితం వస్తుందని ఆశిస్తాడు లేక ఆశిస్తుంది. కొందరు అయితే ఎన్ని మార్కులు వస్తాయో కూడా అంచానా వేస్తుంటారు. తమ తమ స్నేహితులతో పోల్చుకుని మరీ లెక్కలు వేసుకుంటారు. ఏ ఏ సబ్జెక్టులో ఎన్నెన్ని మార్కులు వస్తాయో… 10th క్లాస్ స్టూడెంట్స్ అంచనా వేసుకుంటూ ఉంటారు. పరీక్షల ఫలితం ఆన్ లైన్లో చూసుకుంటారు. కొందరు 10th క్లాస్ స్టూడెంట్స్ ఆనందంగా ఉంటారు. కొందరు 10th క్లాస్ స్టూడెంట్స్ బాధపడతారు. కొందరి ఇంకా బెటర్ మార్కులు రాలేదని మధనపడతారు. విజయం సాధించినవారు సంతోషంగా ఉంటారు. అంచనాకు మించిన ఫలితం వచ్చినవారు ఆనందంగా ఉంటారు. అంచనాలకు చేరువకానీ ఫలితం వచ్చినవారు ఆలోచనలో పడతారు. ఫెయిల్ అయివారు బాధపడతారు. అందరికీ ఒకే ఫలితం ఉండదు. కొందరికి ఒకేలాగా ఫలితం కనబడవచ్చును. కానీ ఏది ఏమైనా విద్యార్ధి పరీక్షలలో వ్రాసినదాని బట్టే మార్కులు వస్తాయి. ఫలితం ఎలా ఉంటుందో అంచనా వేసుకుని, ఆ అంచనా అందుకోలేనప్పుడు మనసు చిన్నబుచ్చుకుంటుంది. కానీ గుర్తు పెట్టుకోవాలసిన విషయం మన ఎలా సాధన చేశాము? ఎలా పరీక్షలు వ్రాశాము? మన దస్తూరి ఎలా ఉంది? ఇలాంటి ప్రశ్నలు పుట్టకుండా, నాకు మార్కులు తక్కువ వచ్చాయి. నేను పాస్ కాలేదు… ఇలా మధన పడడం మాత్రం శ్రేయష్కరం కాదు. అంచనా అందుకోలేకపోయాము అని ఆలోచనలు పెంచుకుంటే, మిగిలేది దు:ఖమే. కాబట్టి ఎందుకు అంచనా అందుకోలేకపోయాము? అనే ప్రశ్న నిజాయితీగా వేసుకోవాలి. కానీ తోటివారు పాస్ అయ్యారు. నేను పాస్ కాలేదని భావనకు లోను కాకుడదు. మనం పరీక్షలలో వ్రాసిన సమాధాన పత్రముని బట్టే మనకు మార్కులు వస్తాయి. పరీక్షలు వ్రాసే ముందు సరిగ్గా సాధన చేయకుండా ఉండి ఉంటే, పరీక్షలలో సమాధానాలు సరైనవిగా ఉండవు. సరైన సమాధానములు వ్రాయలేనప్పుడు, మార్కులు కూడా పొందలేరు. అందుకున్న ఫలితం ఎటువంటిదైనా దానిని జీర్ణించుకోవడమే అప్పటికి మేలైన ఆలోచన. అలా కాకుండా వచ్చన ఫలితం చూసుకుని మధనడితే మనసులో అశాంతి పేరుకుపోతుంది కానీ ప్రయోజనం ఏముంటుంది?

జీవితంలో తొలి ఫలితం తెలిసే రోజు 10th క్లాస్ పబ్లిక్ పరీక్షలు ఫలితాలు వెలువడే రోజునే

ఆరోజున 10th క్లాస్ విద్యార్ధులకు తమ జీవితంలో తొలి ఫలితాన్ని చూడగలుగుతారు. గత పది సంవత్సరాల కాలంలో తాము చేసిన సాధనకు ఫలితం ఎలా ఉంటుందో? ఆ ఫలితం పాజిటివ్ గా ఉంటే, అతను అతని తల్లిదండ్రుల ఆనందానికి అవధులు ఉండవు. కానీ ఫలితం తారుమారు అయితే మాత్రం వారి ఆనందం ఆవిరి అవుతుంది. మంచి ఫలితం పొందిన పదవ తరగతి విద్యార్ధి జీవితం, తొలి ఫలితంతో సంతోషంతో మరొక ఎగువ తరగతికి చదువులు కొనసాగించడానిక ప్రయత్నిస్తారు. ఫైయిల్ అయిన విద్యార్ధికి మాత్రం, తాను తొలిసారి చవిచూసిన పరాజయం మనసుకు కష్టాన్నే కలిగిస్తుంది. అయితే ఇక్కడ గుర్తెరగాల్సిన విషయం. తాను దువుతున్న కాలంలో ఎలాంటి సాధన చేశారో? తమను తాము ప్రశ్నించుకోవాలి? ఇంకా పరీక్షలలో తెలిసిన ప్రశ్నలకు ఎలాంటి సమాధానములు వ్రాశామో ? కూడా ప్రశ్నించుకోవాలి. కొందరు బాగా చదువుతారు. కానీ పరీక్షల వేళల్లో వ్రాయడానికి మాత్రం సమాధానములు జ్ఙాపకానికి రావు. మరి అటువంటివారు ఎలా పాస్ కాగలరు?

జీవితంలో తొలి ఫలితం అనుకూలంగా లేనప్పుడే

విద్యార్ధి దశలో తొలి అంకం 10th క్లాస్ ఫలితం వచ్చినప్పుడే. అయితే ఆ రోజు అనుకూల ఫలితం రానప్పుడు… తొలి ఓటమిని స్వీకరించాలి. మరలా పబ్లిక్ పరీక్షలు వ్రాయడానికి సిద్దపడాలి. తోటివారిలాగా తాను పాస్ కాలేదని బాధను కసిగా మార్చుకుని, తిరిగి సాధన చేసి అంతకన్నా ఎగువ క్లాసులో తోటివారి కన్నా మంచి మార్కులు తెచ్చుకోవాలనే సంకల్పం బలంగా ఏర్పరచుకుంటే, మరలా 10th క్లాస్ పరీక్షలు వ్రాసి పాస్ కావడానికి మనసు సిద్దపడుతుంది. ధృఢసంకల్పం చేసుకుని, సాధన చేస్తే, మరల మరలా మంచి ఫలితాలను ప్రతీ పరీక్షలలోనూ సాధించవచ్చును. జీవితంలో ఉన్నత స్థితికి వెళ్లడానికి ధృఢసంకల్పమే సాయపడుతుంది. మొదటి ఫలితం ప్రతికూలం అయినా నిలబడి సాధన చేసి తరువాయి ప్రయత్నంలో విజయం సాధించినవారెందరో ఉంటారు. పదవ పరీక్షలు ఫలితాలు వ్రాయబడిన సమాధాన పత్రాలకు గీటురాయి కానీ మీ టాలెంటుకు కాదు. మీ టాలెంటుకు గీటు రాయి మీ జీవితమే అవుతుంది. జీవితం అందరికీ ఒకే విధంగా సాగదు. కొందరికి సుఖంగా సాగిపోతుంటే, కొందరికి కష్టాలతో సాగుతుంది. కష్టాలను ఎదుర్కొని నిలబడేవారి జీవితానుభవం మరొకరికి మార్గదర్శకం కాగలదు. అలాగని కష్టాలు కోసం వెంపర్లాడకూడదు. జీవితమే మనకు కొన్ని పాఠాలు నేర్పుతుంది. ఒకే ఒక్క ఫలితం జీవితాన్ని శాసించలేదు. ఒకే ఒక్క ఫలితం నీ మనసులో బలమైన అభిప్రాయం ఏర్పరచగలదు. కానీ ఆ ఫలితంతోనే జీవితం ముడి పడి ఉండదు. మరింత సాధనతో మరిన్ని ఉత్తమ ఫలితాలు పొందడానికే తొలి ప్రయత్నం ప్రతికూలంగా ఉండవచ్చును. కాబట్టి తొలి విజయం దక్కనప్పుడు, జీవితంలో మంచి స్థాయికి వెళ్ళాలనే ధృఢసంకల్పం కోసం మరింత సాధన చేయడానికి మనసుని సమాయత్తం చేసుకోవాలి. కానీ తొలి పరాజయం పలకరిస్తే కృంగిపోకూడదు.

ఒక ఫెయిల్యూర్ ఎదురయ్యిందంటే, గమనించదగిన అంశం ఏంటంటే

ఒక ప్రతికూలం ఫలితం వచ్చిందంటే, ప్రయత్నలోపం ఉందనేది గమనించదగిన అంశం. మన చేసిన ప్రయత్నంలో ఏదో దోషం ఉండి ఉంటుంది. చదివుతున్నా గుర్తులేకపోవడం కావచ్చును. లేదా చదువుతున్న అంశం మనసులోకి చేరకుండా ఉండడం. ఏదో సాధనపరమైన అంశంలో ప్రయత్నలోపం సరిచూసుకుంటే, మలి ప్రయత్నంలో మంచి ఫలితం రాబట్టవచ్చును.

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

స్వీయ ప్రతిభకు గుర్తింపు వచ్చేవరకు సాధన

Leave a reply

మనలోని స్వీయ ప్రతిభకు గుర్తింపు వచ్చేవరకు సాధన చాలా అవసరం. మన పుట్టుక ఏమో కానీ మన బ్రతుకు మనకు తెలిసే ఉంటుంది. మన పుట్టుకకు మనకు కారణం తెలియకపోవచ్చును కానీ మన ఎదుగుదల మన ఆలోచనలకు అనుగుణంగా సాగుతుంటే, మన బ్రతుకుతున్న విధానం మనకు తెలిసే ఉంటుంది. ఊహ తెలియని బాల్యంలో అందరి సంరక్షణలో మంచి విషయాల చుట్టూ తిరుగుతూ ఉంటాము. అలాంటి బాల్యదశలో విన్న మంచి విషయాలపై ఆలోచనలు పెంచుకుంటే, మంచి మనిషిగా ఎదుగుదల ఉంటుందని అంటారు.

తల్లిదండ్రులు, గురువులు, స్నేహితులు, తోటివారు అలా మన చుట్టూ అలుముకుని ఉన్న బంధాలు మంచి చెడులను పరిచయం చేస్తూ ఉంటారు. వారిలో మన శ్రేయోభిలాషులే ఎక్కువగా ఉంటారు. ప్రతి చెడు విషయాన్ని ఖండిస్తూ, మంచి విషయాలపై మన మనసు మళ్చించుకునే విధంగా మాటలు చెబుతూ ఉంటారు. విన్నవారు మంచి గుణములను పుణికి పుచ్చుకునే అవకాశం ఉంటుంది.

స్వీయ ప్రతిభకు గుర్తింపు వచ్చేవరకు సాధన అవసరం

అన్ని మొక్కలకు మూలం మట్టే, కానీ ప్రతి మొక్కకు దేనికదే ప్రత్యేకం. అయితే మొక్క తన ప్రభావం చూపించడానికి అది చెట్టుగా మారాలి. అప్పుడే అది అందరికీ తన ప్రభావం చూపగలదు. వృక్షంగా మారిన మర్రిచెట్టు నీడగా ఉండగలదు. పెద్ద చెట్టుగా మారిని మామిడి మొక్క, మామిడి పండ్లు అందిస్తుంది. అలా ప్రతి వ్యక్తి ఉండే తమ స్వీయ ప్రతిభను తమ చుట్టూ ఉండే పరిస్థితులలో ప్రతిబింబించే విధంగా జీవించాలంటే, ముందుగా అనేక విషయాలలో మనసు నియంత్రణగా ఉంటూ, తమ స్వీయ ప్రతిభను మరింత మెరుగుపరచుకోవాలి. అప్పుడే బాగా పెరిగిన వృక్షం వలె, ఫలాలను తోటివారికి అందించగలం.

అలా ఒక విద్యార్ధిని మంచి ఫలాలను అందించే ఒక వృక్షంలాగా మార్చే ప్రయత్నం విద్యార్ధి చుట్టూ ఉండే సంరక్షకులు, శిక్షకులు చేస్తూ ఉంటారు. అయితే మహావృక్షం వలె మారి ఏళ్ళ తరబడి నీడనిచ్చే భారీ వృక్షంగా మారాలంటే మాత్రం విద్యార్ధి స్వీయ సంకల్పం, స్వీయ సాధన, పట్టుదల చాలా ప్రధానం.

స్వీయ ప్రతిభకు గుర్తింపు వచ్చేవరకు సాధన అవసరం

తామరపువు బురదలో పడుతుంది. కానీ వికసించిన పద్మము మాత్రం అందరి దృష్టిని ఆకర్షిస్తుంది. అలాగే మనం ఎక్కడ పుట్టామో అనే దాని కన్నా మనలో ఉన్న చైతన్యము. మనలో ఉన్న ప్రతిభకు గుర్తింపు తెచ్చుకునే విధంగా సాధన చేయాలి. వికసించిన తామరపువ్వు అందంగా కనబడినట్టే, సాధన చేసిన స్వీయ ప్రతిభ కూడా అందరి దృష్టిలో ప్రత్యేకంగా నిలబడుతుంది.

మన టాలెంటును ముందుగా మనం గుర్తించాలి

మనలో ఉన్న ప్రతిభను ముందుగా మనం గుర్తించకపోతే, అది మనకు నష్టమే. బాల్యంలోనే మనలోని ప్రతిభ మనకు తెలిస్తే, దానిపై పట్టు సాధించుకుని, విశేష సాధన చేత మరింతగా ప్రతిభను మెరుగుపరచుకోవచ్చును. అది యవ్వనంలో మరింతగా ఉపయోగపడుతుంది.

ఒకరికి చక్కగా పాడే గొంతు ఉంటుంది. ఒక్కరికి చక్కగా నర్తించే శక్తి ఉంటుంది. ఒక్కొక్కరికి నాయకత్వ లక్షణాలు ఎక్కువగా ఉంటాయి. ఒక్కొక్కరికి శోధించే ఆలోచనాతీరు ఉంటుంది. ఒక్కొక్కరికి పనితీరుని ఇట్టే పట్టుకునే శక్తి ఉంటుంది. ఒక్కొక్కరికి సామాజిక స్పృహ బాగా ఎక్కువగా ఉంటుంది. ఏదో ఒక రంగంలో కానీ ఏదొ ఒక అంశంలో కానీ ప్రతి వ్యక్తి స్వీయ ప్రతిభ ఉంటుంది.

సొంత టాలెంటును మరింతగా పెంచుకుంటే, మంచి ఫలితాలను పొందవచ్చును.

ఎందుకు సొంత టాలెంటును పెంచుకోవాలి?

మనకు చూసి నేర్చుకుంటూ, పనిచేయగలిగే శక్తి ఉంటుంది. కానీ కొన్ని విషయాలలో మాత్రం ఆ శక్తి మరింత మెరుగ్గా ఉంటుంది. ఎలాంటి పరిస్థితులోనైనా ఆ విషయాలలో మన మనసు స్థిరంగా నిలబడగలదు. అలా ఎలాంటి స్థితిలోనైన మన మనసు స్థిరంగా పని చేయగలుగుతుందో, ఆ పనికి సంబంధించిన మూల విషయంలో మనకు సొంతటాలెంటు ఉంటుందని అంటారు.

కొందరికి మల్టీ టాలెంటు ఉంటుంది. కొందరికి ఏదో ఒక విషయంలో మాత్రమే టాలెంటు ఉంటుంది. కానీ సాధన చేయడం ద్వారా మన టాలెంటుని మెరుగుపరుచుకుంటూ, ఇతర విషయాలలో కూడా ప్రతిభను పెంచుకోవచ్చు అంటారు.

స్వీయప్రతిభకు మెరుగుపరచుకోవడానికి అనుషంగిక సాధనములు ప్రధానం

మనలోని స్వీయప్రతిభకు మనకు అందుబాటులో ఉండే సాధనాలు చేతన సాధన చేయడం వలన మన ప్రతిభ మెరుగుపడుతుంది. మన ప్రతిభకు తోడుగా అనుషంగిక విషయాలలో కూడా ప్రతిభ ఉండడానికి సాధనములు ఉపయోగపడతాయి. ఒక వ్యక్తికి చక్కటి చేతివ్రాత ఉంది. కేవలం చేతివ్రాత చక్కగా ఉంటే సరిపోదు.

చేతివ్రాతతో బాటు, ఎక్కౌంటింగ్ నాలెడ్జ్ కూడా ఉంటే, రెండు విషయాలు అతనికి బాగా ఉపయోగపడతాయి. కృష్టి చేస్తే ఎక్కౌంటింగ్ రంగంలో అతను ఒక పుస్తకం వ్రాసే శక్తిని పెంచుకోవచ్చును.

ఒక్కరికి టైపింగ్ వచ్చు కానీ అతనికి ఏ విషయంలో టైపింగ్ చేయాలి? తెలియదు. కావునా అతను కేవలం ఒక డేటా ఎంట్రీ ఆపరేటర్ మాత్రమే పని చేయగలడు. అదే బాగా టైపింగ్ చేయగలిగిన వ్యక్తికి, ఒక వెబ్ సైట్ తయారు చేసే, కోడింగ్ తెలిసి ఉంటే, అతను ఒక వెబ్ సైటుని తయారు చేయగలడు. ఒక వెబ్ సైటులో కంటెంటుని సృష్టించగలడు.

బాగా డ్రైవింగ్ తెలిసిన వ్యక్తికి ఇతర భాషలలోనూ పట్టు ఉంటే, అతను దేశంలో ఎక్కడైనా డ్రైవింగ్ చేయగలడు. అలాగే అనేక విశేషాలను చూడగలడు. జీవితాన్ని ఒక మంచి అనుభవంగా మార్చుకోగలడు.

సాఫ్ట్ వేర్ తయారు చేయగలిగే శక్తి ఉన్న వ్యక్తికి, సమాజంపై అవగాహన లేకపోతే, అతని శక్తి కేవలం ఒక యజమాని వద్ద ముగిసిపోతుంది. అదే సాఫ్ట్ వేర్ ఇంజనీరుకి సమాజంపై మంచి అవగాహన ఉంటే, అతను సమాజానికి ఉపయోగపడే కొత్త సాఫ్ట్ వేర్ సృష్టించే అవకాశం ఉండవచ్చును. కావున స్వీయప్రతిభకు మెరుగుపరచుకోవడానికి అనుషంగిక సాధనములు ప్రధానం అంటారు.

తెలుగులో అనేక విషయాలపై అవగాహన ఉండి, సామాజిక స్పృహ బాగా ఉన్నవ్యక్తికి సామాజిక విషయాలపై విశ్లేషణాత్మక తెలుగు వ్యాసాలు వ్రాయగలడు.

మన సొంత టాలెంటు మెరుగుపరచుకోవడానికి పరికరాలు ప్రధానం.

కోడింగ్ బాగా వ్రాయగలిగే వ్యక్తికి కంప్యూటర్ అందుబాటులో లేకపోతే, అతను కేవలం ఒక డవలపర్ గా ఉండే అవకాశం ఉంటుంది. కేవలం పనిచేసే చోట మాత్రమే కంప్యూటర్ అందుబాటులోఉంటే, అతను ఒక సాఫ్ట్ వేర్ గా మాత్రమే ఉండగలడు. అదే అతనికి కంప్యూటర్ ఎప్పుడూ అందుబాటులో ఉంటే, అతను తన సొంత ఆలోచనకు అనుగుణంగా ఒక సామాజిక ప్రయోజనం నెరవేర్చగలిగే కంప్యూటర్ ప్రోగామ్ ని సృష్టించే అవకాశం ఉంటుంది.

సొంత టాలెంటు మరియు దానికి ఉపయోగపడే మరికొన్ని విషయాలలో టాలెంటు మెరుగుపరచుకోవడానికి పరికరాలు కూడా ప్రధానం. శరీరమే సాధన అయితే, శరీరంతో సాధన చేయడానికి కూడా కొన్ని ఉపకరణాలు అవసరం అవుతాయి.

చక్కగా పాడే శక్తి ఉన్నవారికి, వారి గొంతు వారికి ఉపకరణం అయితే, బాహ్య వస్తువులు కూడా మరింత సాధనకు ఉపయోగపడతాయి.

అలాగే బాగా ఆటలు ఆడేవారికి ఆట స్థలంతో పాటు, ఆడడానికి వస్తువులు కూడా ప్రయోజనమే అవుతాయి.

స్వీయప్రతిభకు గుర్తింపు ఎంత ముఖ్యమో, దానికి పోత్సాహం కూడా ప్రధానమే!

మనలోని స్వీయప్రతిభను మనం గుర్తించడం ప్రధానం. అలాగే దానికి ప్రోత్సాహం కూడా ప్రధానమే. మనం గుర్తించిన మన ప్రతిభకు సాధన చేయకుండా మిన్నకుండడం మన ప్రతిభకు మనమే ప్రోత్సహించకుండా ఉండడం అవుతుంది. ముందుగా స్వీయప్రతిభకు మనమే విలువనివ్వాలి. దానిని మరింత పెంచుకునే క్రమంలో, అది చుట్టూ ఉన్నవారి వద్ద గుర్తింపును తెచ్చుకుంటుంది.

అలా మన చుట్టూ ఉండేవారి మద్య గుర్తింపు సాధించిన ప్రతిభను మరింత మెరుగుపరచుకుంటే, అది ఇంకా వ్యాప్తి చెంది, కీర్తికి కారణం కాగలదు. అందుకు మన చుట్టూ ఉండేవారి ప్రోత్సాహం కూడా ప్రధానమే అవుతుంది.

మన చుట్టూ ఉండేవారిలో కారణం లేకుండా మనల్ని నిరుత్సాహపరచివారికి దూరంగా ఉండడమే మేలు అంటారు. ఎందుకంటే మనమంటే ఇష్టంలేనివారికి మన ప్రతిభ తెలియబడినా, దాని వలన పెద్ద ప్రయోజనం ఉండదు. ఇంకా మన ప్రతిభకు సరైన ప్రోత్సాహం లభించకు, అది మరుగునపడే అవకాశం ఉంటుంది. కావునా వ్యక్తి స్వీయప్రతిభకు ముందుగా ఆ వ్యక్తి చేత గుర్తింపబడడం ప్రధానం అలాగే అతని చుట్టూ ఉండేవారి ప్రోత్సాహం కూడా లభిస్తే, అతను తారాస్థాయికి చేరినా ఆశ్చర్యపడనవసరం లేదని అంటారు.

మన స్వీయప్రతిభ వికసిస్తే, అది ఆకాశమే హద్దుగా కీర్తి ప్రభంజనం కాగలదు!

ఒక బాలుడు సైన్సులో మార్కులు బాగా వస్తుంటే, అతనికి సైంటిఫిక్ విషయాలలో ప్రతిభ ఉన్నట్టే. అయితే అతను సైన్సుకు సంబంధించిన విషయంలోనే ఏవిధమైన రంగంలో రాణించగలడు. దానికి సంబంధిత స్కూల్ టీచర్ల ప్రోత్సాహం లభిస్తే, అతను ఒక గొప్ప వైద్యుడు కావచ్చును. ఒక గొప్ప శాస్త్రవేత్త కావచ్చును.

సోషల్ విషయాలతో బాటు సోషల్ సబ్జెక్టులో మంచి పట్టు ఉన్న బాలుడుకి మంచి ప్రోత్సాహం లభిస్తే, అతను ఒక సామాజిక వేత్తగా మారవచ్చును. మంచి వకీలు కావచ్చును. మంచి ఐఏఎస్ అధికారి కావచ్చును.

విద్యార్ధి దశలోనే విద్యార్ధి స్వీయప్రతిభ గుర్తింపబడి, అందుకు తగిన సాధన, ఆ సాధనకు సరైన ప్రోత్సాహం లభిస్తే, అతను జీవితంలో ఉన్నత స్థితికి చేరడంలో ఏమాత్రం అతిశయోక్తి ఉండదు.

మన జీవితానికి మనమే నాయకత్వం వహించాలి.

మన జీవితానికి మనమే నాయకుడు. అయితే ఆ నాయకత్వం స్వీకరించే సమయానికి మనం నేర్చుకున్న విద్య ఒక ఉపకరణంగా మారగలదు.

మనం ఉండే ప్రదేశంలో, చుట్టూ రకరకాలు స్వభావం ఉన్నవారు ఉంటే, వారి వారితో మనం ప్రవర్తించే, వ్రవర్తన వారి వారిలో మనపై ఒక అభిప్రాయం ఏర్పడుతుంది. అదే సమయంలో మన ప్రవర్తనను బట్టి మనమంటే ఇష్టపడేవారు, మనమంటే ఇష్టపడనివారు ఉంటారు. మనమంటే ఇష్టపడేవారు మన ప్రతిభ కన్నా మన శ్రేయస్సు ప్రధానంగా ఆలోచిస్తారు. అందుకోసం మన ప్రతిభకు ప్రోత్సాహం అందిస్తారు. అయితే మనమంటే గిట్టనివారు మాత్రం మన మాటకు అడ్డుతగులుతారు. అటువంటప్పుడు మనకున్న స్వీయప్రతిభ వారిని కట్టడి చేయగలదు.

ఎలాంటి స్థితిలోనూ మన అంతరాత్మ మనకు శ్రేయస్సునే అందిస్తుంది. అయితే అంతరాత్మ మాటను వినని మనసుకు మంచి మిత్రుల మాట అంతరాత్మ మాటగా ఉపయోగపడుతుంది. లేదా మన బంధువుల మాటలు కూడా మన మనసుని గాడిలో పెట్టగలదు. అయితే అది వేరొకరిపై ఆధారపడడమే అవుతుంది.

మన చుట్టూ ఉండే మన పెద్దలు మనల్ని మాటలు ద్వారా మార్చే ప్రయత్నం చేస్తూ ఉంటారు. మనపై కఠినమైన మాటలతో మన మనసుపై ప్రభావం చూపుతారు. ఎందుకంటే కష్టంలో మనకు మనమే నిలబడి పరిష్కారం వైపు మన మనసుని మళ్లించాలనే ప్రయత్న చేయడానికి మనం ఒంటరి అనే భావన వచ్చే విధంగా కొంత కఠినంగా మాట్లాడే అవకాశం ఉండవచ్చును. సమస్యని ఒంటరిగా పరిష్కరించినప్పుడే మనపై మనకు ధృఢమైన నమ్మకం ఏర్పడుతుంది. ధృఢమైన స్వీయనమ్మకం స్వీయప్రతిభను బాగా ప్రతిబింబింపజేయగలదు. మన జీవితానికి మనమే నాయకుడుగా ఉంటే, మన తోటివారికి కూడా మన మార్గము మార్గదర్శకము కాగలదు.

మనలోని స్వీయ ప్రతిభకు గుర్తింపు వచ్చేవరకు సాధన

మన స్వీయ ప్రతిభకు గుర్తింపు వచ్చేవరకు సాధన చేయడం వలన, మనకున్న ప్రతిభ మనపై విశ్వాసం పెంచగలదు. మనకున్న ప్రతిభకు మనం చేసిన సాధన బలమై, అది మరింత వెలుగులోకి రాగలదు. మన చుట్టూ ఉన్నవారికి మనపై మరింత విశ్వాసం పెరగడంలో మన స్వీయప్రతిభ చాలా కీలకంగా మారగలదు. మన జీవితానికి మనమే నాయకుడుగా మారడానికి స్వీయప్రతిభ ఎంతగానో ఉపయోగపడవచ్చును. కావునా మన టాలెంటుకి మరింతగా మెరుగుపరచుకుంటూ, నలుగురిలో ఒక్కరిగా గుర్తింపు తెచ్చుకుంటూ, మంచి జీవితానికి మార్గము వేసుకోవాలి.

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

కలలు కనండి వాటిని సాకారం చేసుకోండి!

కలలు కనండి వాటిని సాకారం చేసుకోండి! ఇది మన మాజీ రాష్ట్రపతి అబ్దుల్ కలాం గారి వ్యాఖ్య. మంచి లక్ష్యం గురించి కలలు కనడం, ఆ లక్ష్య సాధనకు కృషి చేయడం… జీవితంలో ఉండాలని అంటారు.

పగటి కలలు కనడం తప్పు అయితే, ఏదైనా సాధించాలనే తపనతో కూడిన కలలు జీవితంలో ఎదుగుదలకు తోడ్పడతాయని అంటారు. కేవలం కలలు కంటూ ఉండడం ముమ్మాటికి తప్పనే అంటారు. కానీ ఒక మంచిలక్ష్యం ఏర్పరచుకుని, ఆ లక్ష్యం సాధిస్తాననే కల కనడంలో తప్పులేదు అంటారు.

ఏదో ఒక రంగంలో ఏదో ఒక అంశంలో నలుగురికి ఉపయోగపడుతుందనే పనిని సాధించడానికి ఒక లక్ష్యం ఉంటే, ఆ లక్ష్య సాధనకు కలలు కనడంలో తప్పులేదు కానీ వాటిని నెరవేర్చుకోవడానికి కృషి చేయకపోవడం అసలు ప్రయత్నమే చేయకపోవడం తప్పు. ప్రయత్నించే గుణం లేనప్పుడు కలలు కనడం అనవసరం అంటారు.

హైస్కూల్ చదువుతున్నప్పుడే ఒక ఐఏస్ అధికారిగా కలలు కనడం తప్పులేదు కానీ అందుకు తగ్గట్టుగా సరైన సాధన చేయకుండా, డిగ్రీ సాధించడానికి తగినంత కృషి చేయకపోవడం తప్పు….

ఒక ఐఏస్ అధికారిగా, ఒక ఐపిఎస్ అధికారిగా, ఒక డాక్టరుగా, ఒక ఇంజనీరుగా కలలు కంటూ, అవి పొందడానికి తగినంత కృషి చేయాలి. చదువులతో కాలం గడుస్తున్న కొలది, చదువులో పురోగతి ఉండాలి. వాటిని సాధించడానికి కృషి చేస్తూ ముందుకు సాగాలి.

కొందరు భారీ లక్ష్యమును పెట్టుకుంటారు. ముందుగానే పెద్ద లక్ష్యం పెట్టుకుని, దానిని సాధించలేక నిరుత్సాహపడేవారు ఉంటారు. కాబట్టి పెద్ద లక్ష్యం ఏర్పడకముందే, చిన్న చిన్న లక్ష్యాలు చేధించాలి.

పదవ తరగతికి రాకముందు శాస్త్రజ్ఙుడు కావాలని కలలు కనడం చేస్తూ…. పదవతరగతిలోనే పాస్ కాకపోతే, మరింత నిరుత్సాహం పొందే అవకాశం ఉంటుంది. కాబట్టి జీవితంలో విద్యాపరంగా ఎటువంటి భారీ లక్ష్యం చేధించడానికైనా కీలకం పదవతరగతి ఫలితాలు మనసులో బలాన్నిస్తాయి. కావునా భారీ లక్ష్యం గురించి ఆలోచన ఉన్నా, దాని గురించి కలలు కనేముందు, పదవ తరగతి చదువులో తమ తమ శక్తి ఏపాటిదో గ్రహించాలి. మంచి ఫలితాలు ఎలా సాధించడానికి కృషి చేయాలి. పదవతరగతి ఫలితాలు విద్యావృద్దిపై ప్రభావం చూపుతాయి. కాబట్టి పది పాస్ కావడానికి వీలైనంతగా కృషి చేయాలి…. ఆపై జీవితపు లక్ష్యం కలలు నెరవేరడానికి అవకాశాలు ఎక్కువగా ఉంటాయి.

కన్న కలలు నెరవేర్చుకోవడంలో పదవ తరగతి ఉత్తమ ఫలితాలు ఉపయోగపడతాయని అంటారు. కాబట్టి కలలు కనండి వాటిని సాకారం చేసుకోండి! కానీ ముందుగా పబ్లిక్ పరీక్షలు బాగా వ్రాయండి.

Telugureads

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

దర్శకధీరుడు రాజమౌళి సినిమాల ప్రత్యేకత గురించి

దర్శకధీరుడు రాజమౌళి సినిమాల ప్రత్యేకత గురించి చూసి, రాజమౌళి నుండి గ్రహవించవలసినదేమిటి? దర్శకేంద్రుడి శిష్యుడు దర్శకధీరుడు రాజమౌళిని అంతా జక్కన అంటారు. ఎందుకంటే, ఆయన సినిమా తీస్తే, ఓ శిల్పం చెక్కినట్టుగా ఉంటుంది. చక్కగా చెక్కబడిన శిల్పం ఎలా ఆకర్శిస్తుందో? రాజమౌళి దర్శకత్వంలో వచ్చే సినిమా కూడా అంతే.

రాజమౌళి సినిమా దర్శకుడిగా పరిచయం అయ్యింది…. ఎన్టీఆర్ సినిమాతోనే… అదే స్టూడెంట్ నెం-1. ఆ సినిమా సూపర్ డూపర్ హిట్… ఆ తర్వాత సింహాద్రి, సై, చత్రపతి, విక్రమార్కుడు, యమదొంగ… ఇలా రాజమౌళి ఆకట్టుకున్నాయి….

కధాపరంగా నటీనటుల నుండి రాజమౌళి రాబట్టే నటనకు విజువల్ గ్రాఫిక్స్ తోడైతే ఎలా ఉంటుందో మగధీర సినిమాతో తెలుగు ప్రేక్షకులకు తెలిసింది… అప్పట్లో అంత బడ్జెట్ సినిమా? అన్న ప్రశ్న వచ్చినా…. సినిమా లాభాల్లోకి వెళ్ళింది…. ఆ తర్వాత ఈగ, బాహుబలి-1, 2, ఇప్పుడు ఆర్ఆర్ఆర్… సినిమాలు ప్రపంచవ్యాప్తంగా ఖ్యాతి పొందుతున్నాయి…

దర్శకధీరుడు రాజమౌళి ప్రత్యేకత?

నటీనటులు ఎవరైనా రాజమౌళి సినిమాలో నటించాకా వారు మాత్రమే ఆ పాత్ర పోషించగలరు. అని భావించగలిగే విధంగా సినిమా తీయడం రాజమౌళి ప్రత్యేకత. ఎందుకంటే, ఇంతటి ఖ్యాతి సంపాదించిన రాజమౌళి సినిమాలను వదులుకున్న నటులు ఉన్నారు.

రాజమౌళి సినిమా ఛాన్స్ వదులుకున్న నటులు

విక్రమార్కుడు సినిమా హీరోగా పవన్ కళ్యాణ్ అనుకున్నారు… కానీ ఆ సినిమా రవితేజతో జక్కన సినిమా తీశాడు… ఆ సినిమా చూశాక… ఆ సినిమాలో రవితేజ రెండు పాత్రలకు వేరు నటులను ఊహించే ప్రయత్నం చేయరు. అంటే స్టార్ హీరో కాదన్నా… నటిస్తున్న హీరో నుండి తనకు కావాల్సిన ఫలితాన్ని రాబట్టడంలో రాజమౌళి పట్టువదలడు….

అలాగే సింహాద్రి సినిమాకు బాలకృష్ణ హీరోగా అనుకున్నారు. కానీ ఎన్టీఆర్ తో ఆ సినిమాను రాజమౌళి తెరకెక్కించారు… ఆ సినిమా చూశా… యమదొంగ పాత్రలో మరొక హీరోనూ ప్రేక్షకుడు ఊహించరు.

బాహుబలి భల్లాల దేవ పాత్రకు వివేక్ ఒమేరాయ్, జాన్ అబ్రహం అనుకున్నారు… కానీ ఆ పాత్రలో రాజమౌళి రానాను నటించజేశారు. బాహుబలి చూశాకా ఆ పాత్రలో మరొక హీరోని ఊహించాల్సిన అవసరం ఉండదు. అలాగే కట్టప్ప పాత్రకు, శివగామి పాత్రకు కూడా ఇతరులను అనుకున్నారు. కానీ ఆయా పాత్రలను తెరపై చూశాకా… ఇతరులైతే ఎలా ఉంటుంది? అనే ఆలోచనే కలగదు.

ఏమిటి? దర్శకధీరుడు రాజమౌళిని చూసి గ్రహించవలసినది?

ఏమిటంటే…. శ్రద్ద. తను తీస్తున్న సినిమాలో పాత్రల స్వభావం గురించి సరైన అవగాహన ఉంటే, అందుకు తగ్గట్టు నటీనటుల నుండి నటనను రాబట్టడం… ఒక్కసారి ఆ నటనను ప్రేక్షకుడు తెరపై చూశాకా…. ఆ పాత్రకు ఆ నటుడు చాలా బాగా చేశారు…. అనే భావన బలపడుతుంది. ఒక సినిమాలు ఎక్కువ పాత్రల నటన బాగుంటే, సినిమా సహజంగా ఆకట్టుకుంటుంది. దానికి తగ్గట్టు కధనం కలిస్తే, అది సినీ అభిమానులకు విందు భోజనమే అవుతుంది.

రాజమౌళి దర్శకత్వం అంటే ఒక తపస్సు లాగానే ఉంటుంది. అందులో నటీనటులు కూడా తపస్పు చేయాల్సి ఉంటుంది… నిపుణులు కూడా… ఇలా అందరి కష్టం ఒకరి నేతృత్వంలో సాగితే, అది మంచి విజయానికి మార్గం అవుతుంది.

తను సినిమాగా మలుస్తున కధపై నమ్మకం. తీస్తున్న సినిమాలో పండించవలసని సన్నివేశాల రూపకల్పనకు ఎంత ఖర్చు అయినా పెట్టించి, నాణ్యమైన సినిమాగా తీయడం రాజమౌళి ప్రత్యేకతగా ఉంటుంది.

కాబట్టి చేస్తున్న పనిని ప్రేమిస్తే, ఆ పని వలననే సమాజంలో మంచి కీర్తిని దక్కించుకోవచ్చును…

ఎస్ఎస్ రాజమౌళి భారీ సినిమాలకు ఓ బ్రాండ్ వంటివారు. అపజయం ఎరుగని సినిమా దర్శకుడు… ఇంకా ఈయన ప్రత్యేకత ఏమిటంటే…? అవకాశాలు వచ్చినా ఇతర భాషలలో సినిమాలు చేయకుండా…. తన భాష అయినా తెలుగు భాషలోనే సినిమాలు తీసి వాటికి అంతర్జాతీయ స్థాయిలో గుర్తింపు వచ్చేవిధంగా నాణ్యమైన సినిమాలు తీయడం… ఈయనకే సాధ్యం అయ్యింది.

Telugureads

మంచి భవిష్యత్తుకు క్రమశిక్షణ పునాది

మంచి భవిష్యత్తుకు క్రమశిక్షణ పునాది అంటారు. ఒక వ్యక్తికి ఆర్ధిక క్రమశిక్షణ ఉంటే, ఆ వ్యక్తి ఖర్చులు అదుపులో ఉంటాయని అంటారు. అలా ఒక వ్యక్తి ఏ విషయంలోనైనా క్రమశిక్షణ ఉంటే, ఆ విషయంలో ఉత్తమ స్థితిని పొందవచ్చని అంటారు. కావునా క్రమశిక్షణ మంచి భవిష్యత్తుకు పునాదిగా చెబుతారు.

విచ్చలవిడిగా ప్రవర్తించే స్వభావం రాకుండా ఉండాలంటే, విద్యార్ధి దశలోనే మంచి క్రమశిక్షణ అవసరం ఉందని అంటారు. క్రమశిక్షణ లేకుండా పెరిగిన వ్యక్తులు, భావావేశాలకు లోనైనప్పుడు, తమపై తాము నియంత్రణ కోల్పోయే అవకాశం ఉండవచ్చు. కావునా సరైన క్రమశిక్షణ లేని వ్యక్తికి స్వీయ నియంత్రణ ఉండదని అంటారు.

బాల్యం నుండే సమయపాలన పాటించడం. పెద్దలయందు మనసును అదుపులో పెట్టుకుని మాట్లాడడం. చదువులయందు శ్రద్ధ కలిగి ఉండడం. ఉత్తమ ఫలితం సాధించడానికి కృషి చేయడం… శరీరమునకు తగినంత వ్యాయామం చేయడం…. మానసికంగానూ, శారీరకంగానూ ధృఢంగా మారడంలో ఒక నియమబద్దంగా కృషి చేయడానికి తగు శిక్షణ బాల్యం నుండే ఉంటుంది.

మంచి భవిష్యత్తుకు క్రమశిక్షణ పునాది పడాలంటే మార్గదర్శకులు

సుశిక్షితులైన విద్యార్ధుల మనసు మంచి విషయాలపై అవగాహన ఏర్పరచుకుంటూ, ఉత్తమ సాధనను చేయడానికి సమాయత్తమవుతుందని అంటారు. అలా ఉత్తమ సాధనను చేసుకుంటూ, మంచి భవిష్యత్తు కోసం కలలు కని, వాటిని నెరవేర్చుకోవడానికి మార్గాన్వేషణ చేయడం వలన తమ జీవితం తమ నియంత్రణలో ఉంచుకోగలిగే మనోశక్తి ఏర్పరచుకోగలదని అంటారు.

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

మార్గ దర్శకులు అని ఎవరిని అంటారు?

మార్గ దర్శకులు అని ఎవరిని అంటారు? వ్యాసం రూపంలో తెలియజేయండి! మనకు మార్గ దర్శకులు అనగానే సామాజిక ప్రయోజనాల కోసం తమ తమ జీవితాలను త్యాగం చేసినవారిని, సామాజిక సమస్యలపై పోరాడినవారిని, సామాజిక శ్రేయస్సుకొరకు నిత్యం తపించేవారిని మనకు మార్గ దర్శకులుగా చెబుతూ ఉంటారు.

ఇంకా ఏదైనా గొప్ప గొప్ప పనులను చేసినవారిని, ఏదైనా విషయం కనిపెట్టినవారిని ఆయా విషయాలలో, ఆయా పనులలో మార్గ దర్శకులుగా చెబుతారు.

మార్గదర్శకులు ప్రయత్నాలు

పాఠ్యాంశములలో కొందరి మార్గ దర్శకుల ప్రయత్నాలను వివరిస్తూ ఉండవచ్చును. అప్పుడు అలా వివరించబడిన వారిని, ఏదైనా సాధించాలనే పట్టుదల గలవారికి మార్గ దర్శకులుగా చెబుతూ ఉంటారు. అలాగే కొన్ని కొన్ని పాఠ్య పుస్తకాలలో ప్రసిద్దిగాంచిన జీవిత చరిత్రలను కూడా అందిస్తూ ఉంటారు. జీవితంలో ఎలా ఉండాలనే సంశయం ఉన్నవారికి ప్రసిద్ద వ్యక్తుల జీవిత చరిత్రలు చదవమని సూచన చేస్తూ ఉంటారు.

మార్గ దర్శకులు చేసిన ప్రయత్నం విజయవంతమై, అది సమాజానికి ఉపయోగకరంగా ఉంటూ ఉంటే, అటువంటి ప్రయత్నం చేసినవారిని మనకు మార్గ దర్శకులుగా కాలమే చూపిస్తూ ఉంటుంది. ఇలా చాలామంది శాస్త్రజ్ఙుల ప్రయత్నాలు మనకు పుస్తకాలలో లభిస్తూ ఉంటాయి.

అలాగే ఏదైనా సామాజిక సమస్య విషయంలో సమాజంలోని అధికార వ్యవస్థతో పోరాడిన వారి జీవితం కూడా మార్గ దర్శకమని సూచిస్తూ ఉంటారు. ఒకప్పటి బ్రిటీష్ పాలకుల విషయంలో మన భారతీయులు చేసిన స్వాతంత్ర్య పోరాట యోధుల జీవితాలను మనకు పుస్తక రూపంలో లభిస్తాయి. సమాజం కోసం ఎటువంటి బాధ్యత ఉండాలో కొందరి జీవిత చరిత్రలు చదివితే అవగతం అవుతుందని అంటారు.

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

పదవ తరగతి తరువాత ఆలోచన ఎలా?

పదవ తరగతి తరువాత ఆలోచన ఎలా? ఏం చేయాలి?. పదవ తరగతి చదువుతుండగానే, తర్వాతి చదువుల గురించిన ఆలోచన ఉండడం వలన ఏమి చదవాలో, అందుకు ప్రవేశ పరీక్షలు ఏమిటి? అవి ఎప్పుడు జరుగుతాయి? వాటికి ఎప్పటిలోగా దరఖాస్తు చేయవచ్చును…. వంటి విషయాలు తెలుసుకోగలుగుతాము. పదవ తరగతి పూర్తయ్యాక ఆలోచన చేద్దామనే భావన ఉంటే, అది కాలం వృధా కావడానికి కారణం కావచ్చును.

హైస్కూల్ చదువుతుండగానే ప్రతి విద్యార్ధికి, తన బలమేమిటో తనకు తెలియవస్తుంది. ఆ బలంతోనే ముందుకు సాగడానికి మనసు సిద్దపడుతుంది. ముఖ్యంగా పఠ్యాంశములలోనే ఏదో ఒక సబ్జెక్టు అంటే ఇష్టముగా ఉంటుంది. ఆ సబ్జెక్టుకు సంబంధించిన రంగంలో చదువు ముందుకు సాగే విధంగా ప్రణాళిక వేసుకోవడం వలన, పది పూర్తయ్యాక చేయవలసిన పనులపై సరైన అవగాహన ఏర్పడవచ్చును.

ఏదో పెద్దవారు చదివిస్తున్నారు. మనం చదివేస్తున్నాము. పది పరీక్షలు వ్రాసేసి, ఆపై ఆలోచన చేద్దామనుకుంటే మాత్రం పప్పులో కాలేసినట్టే… కారణం కొన్ని ప్రవేశ పరీక్షలకు సమయం మిగలకపోవచ్చును. మన ఆలోచనలు పూర్తయ్యి, ఏదైనా డిప్లొమా చేద్దామనుకుంటే, దానికి దరఖాస్తు గడువు ముగిసిపోయి ఉండవచ్చును. లేదా ఏదైనా ఎంట్రన్స్ ఎగ్జామ్ వ్రాద్దామనుకుంటే, దానికి గడువు దగ్గరపడి ఉండవచ్చును…. ప్రిపేర్ కావడానికి సమయం ఉండకపోవచ్చును…. ఇలా ఒక సంవత్సర కాలం మనకు నచ్చిన కోర్సులో జాప్యం ఏర్పడవచ్చును…. కావునా పదవ తరగతి తరువాత ఆలోచన? మనసులో ముందునుండే ప్రణాళిక అవసరం.

చదువుతున్న కాలంలోనే ఆసక్తి ఏమిటి? క్రీడలంటే ఆసక్తి ఉంటే, ఆసక్తి ఉన్న క్రీడలలో ఉత్తమ సాధన చేయడం… ఆ క్రీడలలో పాల్గొనడం మొదటి నుండి ఎలా అవసరమో… ఏదైనా ఒక రంగంలో ఉన్నత స్థానానికి వెళ్ళడానికి, ఆ రంగానికి సంబంధించిన చదువులో విశేష కృషి కూడా అంతే అవసరం.

కాబట్టి ఎందుకు చదువుతున్నాము? ఏమిటి చదివితే మన జీవితంలో మనం ఉన్నత స్థితికి చేరగలం… అసలు మన ఆసక్తి ఏమిటి? ఈ ప్రశ్నకు సమాధానం లభిస్తే, పదవ తరగతి పూర్తయ్యాక తరువాత ఆలోచన ఏమిటనేది ప్రస్ఫుటం కావచ్చును.

ముఖ్యంగా మాథ్స్, ఫిజిక్స్, కెమిస్ట్రీ వంటి సబ్జెక్టులలో మార్కుల శాతం ఎప్పుడూ బాగుంటే, ఇంజనీరింగ్ రంగం, లేకపోతే పోటీ పరీక్షలకు సిద్దపడడానికి అనుకూలమైన గ్రూపుల గురించి అవగాహన అవసరం. డిప్లొమా కోర్సుల గురించి, ఒకేషనల్ కోర్సుల గురించి, ఇంటర్మీడియట్ గ్రూపుల గురించి…

పదవ తరగతి తరువాత ఉండే ఇంటర్మీడియట్ గ్రూపులు

ఇంటర్మీడియట్ బోర్డు రకరకాలు కాంబినేషన్లలో సుమారు 85 గ్రూపులను రూపొందించింది. అయితే ఇందులో కొన్ని కాంబినేషన్లలో మాత్రమే చాలామంది విద్యార్థులు చేరుతున్నారు. వివిధ కాలేజీలూ వాటిపైనే దృష్టి సారిస్తున్నాయి. ఇవి చాలా పాపులర్ గ్రూపులు.

ఎంపీసీ (మ్యాథ్స్, ఫిజిక్స్, కెమిస్ట్రీ)
బీపీసీ (బోటనీ, జువాలజీ, ఫిజిక్స్, కెమిస్ట్రీ)
సీఈసీ (కామర్స్, ఎకనమిక్స్, సివిక్స్)
ఎంఈసీ (మ్యాథ్స్, ఎకనమిక్స్, కామర్స్)
హెచ్ఈసీ (హిస్టరీ, ఎకనమిక్స్, సివిక్స్)

ఇంజనీరింగ్ రంగంలో స్థిరపడాలనే నిశ్చయం ఉన్నవారు… ఎంపిసి గ్రూపును ఎంపిక చేసుకుంటారు. సివిల్, మెకానికల్, ఎలక్ట్రికల్, ఎలక్ట్రానిక్స్, కంప్యూటర్స్, ఏరోనాటిక్స్, అగ్రికల్చర్/ ఇండస్ట్రియల్ వంటి వివిధ రంగాలలో ఇంజనీరింగ్ చేయవచ్చునని అంటారు. ఐఐటిలో ప్రవేశించడానికి ఎంపిసి గ్రూపులో ప్రదమశ్రేణి మార్కులు అవసరం.

వైద్యరంగంలో స్థిరపడాలనే నిశ్చయం ఉన్నవారు… బైపిసి గ్రూపును ఎంపిక చేసుకుంటారు. బయోటెక్నాలజీ, బయోకెమిస్ట్రీ, మైక్రోబయాలజీ, ఫార్మసీ, జెనెటిక్స్, అగ్రికల్చర్, ఆక్వాకల్చర్, ఆస్ట్రానమీ, బయోఇన్ఫర్మాటిక్స్, బయోస్టాటిస్టిక్స్, ఎన్విరాన్‌మెంటల్ సైన్స్, ఫుడ్‌టెక్నాలజీ అండ్ ప్రాసెసింగ్, ఫారెస్ట్ రేంజర్, జియాలజీ, హార్టికల్చర్, హోంసైన్స్, మాలిక్యులార్ బయాలజీ, ఓషనోగ్రఫీ, ప్లాంట్‌పాథాలజీ వంటి రంగాలలో అవకాశాలు ఉంటాయి.

చార్టెర్డ్ అకౌంటెంట్లు, కంపెనీ సెక్రెటరీలు, కమర్షియల్ లాయర్లు, బ్యాంకు మేనేజర్, చార్టెర్డ్ ఫైనాన్షియల్ అనలిస్ట్, ట్యాక్స్ ఆడిటర్ వంటి వివిధ రంగాలలో స్ధిరపడాలనే ఆసక్తి ఉన్నవారు సిఇసి, ఎంఇసి వంటి గ్రూపులు ఎంచుకుంటారు. సీఏ, ఐసీడబ్ల్యూఏ, బిజినెస్ మేనేజ్‌మెంట్, కంప్యూటర్ రంగాల్లో ఉన్నత విద్యను అభ్యసించడానికి ఈ గ్రూపులలో చదవడం వలన అవకాశాలు బాగుంటాయని అంటారు.

ఇంక ఆర్ట్స్ గ్రూపులలో చేరడం ద్వారా పోటీ పరీక్షలకు ప్రిపేర్ అవుతూ ఉంటారు. యూపీఎస్‌సీ పోటీ పరీక్షలలో నెగ్గి మంచి ఉద్యోగ ప్రయత్నాలు చేయడానికి అవకాశాలు ఉంటాయి.

ఒకేషనల్ కోర్సులలో అయితే వృత్తివిద్యా కోర్సులు ఉంటాయి. ఇంజినీరింగ్ అండ్ టెక్నాలజీ, హెల్త్ అండ్ పారామెడికల్, బిజినెస్ అండ్ కామర్స్, వ్యవసాయ-వ్యవసాయాధారిత, హోంసైన్స్ తదితర రంగాల నుంచి మొత్తం 29 రకాల కోర్సులను అందిస్తున్న వృత్తులలో నచ్చినది ఎంపిక చేసుకుని, వృత్తి విద్యా లేదా ఒకేషనల్ కోర్స్ చదవవచ్చును.

2 ఇయర్స్ ఒకేషనల్ కోర్సులు పదవ తరగతి తరువాత ఆలోచన

అగ్రికల్చర్ అండ్ వెటర్నరీ సైన్స్: పట్టుపరిశ్రమ (సెరికల్చర్), క్రాప్‌ప్రొడక్షన్ మేనేజ్‌మెంట్, డైరీయింగ్, ఫిషరీస్.

బిజినెస్ అండ్ కామర్స్ : మార్కెటింగ్ అండ్ సేల్స్‌మేన్‌షిప్, ఆఫీస్ అసిస్టెంట్‌షిప్, అకౌంట్స్ అండ్ టాక్సేషన్, బ్యాంకింగ్ అండ్ ఫైనాన్షియల్ సర్వీసెస్, ఇన్స్యూరెన్స్ అండ్ మార్కెటింగ్.
హ్యుమానిటీస్ అండ్ అదర్స్ : టూరిజం అండ్ ట్రావెల్ టెక్నిక్స్.
ఇంజినీరింగ్ అండ్ టెక్నాలజీ: కంప్యూటర్ సైన్స్, ఎలక్ట్రానిక్స్ ఇంజినీరింగ్ టెక్నీషియన్, ఆటోమొబైల్ ఇంజినీరింగ్ టెక్నీషియన్, రూరల్ ఇంజినీరింగ్ టెక్నీషియన్, వాటర్‌సప్త్లె అండ్ శానిటరీ ఇంజినీరింగ్, ఎలక్ట్రికల్ వైరింగ్ అండ్ సర్వీసింగ్ ఆఫ్ ఎలక్ట్రికల్ అప్లయన్సెస్, కన్‌స్ట్రక్షన్ టెక్నాలజీ, కంప్యూటర్ గ్రాఫిక్స్ అండ్ యానిమేషన్, డీటీపీ అండ్ ప్రింటింగ్ టెక్నాలజీ.
హెల్త్ అండ్ పారామెడికల్: మెడికల్ ల్యాబ్ టెక్నీషియన్ (ఎం.ఎల్.టి.), మల్టిపర్పస్ హెల్త్ వర్కర్ (ఫీమేల్), ఫిజియోథెరపీ, ఆప్తాల్మిక్ టెక్నీషియన్, డెంటల్ టెక్నీషియన్, డెంటల్ హైజీనిస్ట్.
హోంసైన్స్ : కమర్షియల్ గార్మెంట్ అండ్ డిజైన్ మేకింగ్, ఫ్యాషన్ గార్మెంట్ మేకింగ్, ప్రీస్కూల్ టీచర్ ట్రైనింగ్, హోటల్ ఆపరేషన్.

3 ఇయర్స్ డిప్లొమో కోర్సులు

సివిల్ ఇంజినీరింగ్, ఆర్కిటెక్చరల్ అసిస్టెంట్‌షిప్, మెకానికల్, ఆటోమొబైల్, ప్యాకేజింగ్ టెక్నాలజీ, ఎలక్ట్రికల్ అండ్ ఎలక్ట్రానిక్స్, ఎలక్ట్రానిక్స్ అండ్ కమ్యూనికేషన్, అప్త్లెడ్ ఎలక్ట్రానిక్స్ అండ్ ఇన్‌స్ట్రుమెంటేషన్, కంప్యూటర్ ఇంజినీరింగ్, ఐటీ, మైనింగ్ ఇంజినీరింగ్, కెమికల్ ఇంజినీరింగ్ (సుగర్ టెక్నాలజీ), ప్రింటింగ్ టెక్నాలజీ, కంప్యూటర్ అండ్ కమర్షియల్ ప్రాక్టీస్.

3.5 ఇయర్స్ డిప్లొమో కోర్సులు

మెటలర్జికల్, టెక్స్‌టైల్ టెక్నాలజీ, కెమికల్, కెమికల్(ఆయిల్ టెక్నాలజీ, పెట్రోకెమికల్, ప్లాస్టిక్స్ అండ్ పాలిమర్స్), సిరామిక్, లెదర్ టెక్నాలజీ, లెదర్ గూడ్స్ అండ్ ఫుట్‌వేర్ టెక్నాలజీ.

ఎలక్ట్రానిక్స్‌లో స్పెషల్ డిప్లొమా కోర్సులు

ఎంబెడెడ్ సిస్టమ్స్, కంప్యూటర్ ఇంజినీరింగ్, కమ్యూనికేషన్ ఇంజినీరింగ్, ఇండస్ట్రియల్ ఎలక్ట్రానిక్స్, ఎలక్ట్రానిక్స్ అండ్ వీడియో ఇంజినీరింగ్, టీవీ అండ్ సౌండ్ ఇంజినీరింగ్, బయోమెడికల్ ఇంజినీరింగ్.

డిప్లొమా పూర్తి చేశాకా ఉద్యోగ అవకాశాలు ఉండే రంగాలు అంటూ ఈ క్రింది విధంగా చెప్పబడుతున్నాయి.

సివిల్ ఇంజినీరింగ్: నీటిపారుదల, పబ్లిక్ హెల్త్, రోడ్లు, భవనాలు, రైల్వే, సర్వే, డ్రాయింగ్, నీటిసరఫరా, తదితర ప్రభుత్వ/ ప్రైవేటు రంగాలు.
ఆర్కిటెక్చరల్ అసిస్టెంట్‌షిప్: డిజైన్, డ్రాయింగ్ శాఖలు, మునిసిపాలిటీల్లో లైసెన్స్ డిజైనర్, డ్రాఫ్ట్స్‌మెన్.
మెకానికల్ ఇంజినీరింగ్: మెషినరీ, ట్రాన్స్‌పోర్ట్, ప్రొడక్షన్ యూనిట్లలో వర్క్‌షాపులు, గ్యారేజీల్లో అవకాశాలు.
ఆటోమొబైల్ ఇంజినీరింగ్: ఏపీఎస్ఆర్టీసీ, రవాణా రంగం, ఆటోమొబైల్ షోరూమ్‌లు, రోడ్ ట్రాన్స్‌పోర్ట్ అథారిటీ.
ప్యాకేజింగ్ టెక్నాలజీ: ఫార్మాస్యూటికల్, ఫుడ్, బెవరేజ్, పేపర్, ప్లాస్టిక్ తదితర రంగాల్లో ప్యాకేజింగ్ విభాగాల్లో అవకాశాలు.
ఎలక్ట్రికల్ అండ్ ఎలక్ట్రానిక్స్ ఇంజినీరింగ్: ఏపీజెన్‌కో, ఏపీట్రాన్స్‌కో, డీసీఎల్ లాంటి సంస్థల్లో ఉపాధి.
ఎలక్ట్రానిక్స్ అండ్ కమ్యూనికేషన్ ఇంజినీరింగ్: ఆలిండియా రేడియో, దూరదర్శన్, కమ్యూనికేషన్, ఎలక్ట్రానిక్స్ పరిశ్రమల్లో అవకాశాలు.
అప్త్లెడ్ ఎలక్ట్రానిక్స్ అండ్ ఇన్‌స్ట్రుమెంటేషన్: ప్రాసెస్, ఎలక్ట్రానిక్ పరిశ్రమల్లో.
కంప్యూటర్ ఇంజినీరింగ్: కంప్యూటర్ మెయిన్‌టెనెన్స్, సాఫ్ట్‌వేర్ డెవలప్‌మెంట్, కంప్యూటర్ ట్రెయినింగ్ తదితర రంగాల్లో.
ఇన్ఫర్మేషన్ టెక్నాలజీ: అన్ని సాఫ్ట్‌వేర్ డెవలప్‌మెంట్ కంపెనీల్లో.
మైనింగ్ ఇంజినీరింగ్: గనులు, ఎస్.సి.సి.ఎల్., ఎన్.ఎం.డి.సి., తదితర సంస్థల్లో.
కెమికల్ ఇంజినీరింగ్ (సుగర్ టెక్నాలజీ): పేపర్, సుగర్, పెట్రో కెమికల్, ప్లాస్టిక్స్, ఫుడ్ ప్రాసెసింగ్ పరిశ్రమల్లో.
ప్రింటింగ్ టెక్నాలజీ: కంపోజింగ్ డీటీపీ, ఫిల్మ్ మేకింగ్, ప్రింటింగ్ రంగాల్లో.
కమర్షియల్ అండ్ కంప్యూటర్ ప్రాక్టీస్: ప్రభుత్వ, ప్రైవేటు కార్యాలయాల్లో స్టెనో, టైపిస్ట్, కంప్యూటర్ ఆపరేటర్; రీటైల్ వ్యాపార రంగంలో వకాశాలు.
ఎలక్ట్రానిక్స్‌లో స్పెషల్ డిప్లొమా కోర్సులు
ఎంబెడెడ్ సిస్టమ్స్: ఎలక్ట్రానిక్ ఐసీ సర్క్యూట్ల తయారీ రంగం.
కంప్యూటర్ ఇంజినీరింగ్: కంప్యూటర్ మెయిన్‌టెనెన్స్, సాఫ్ట్‌వేర్ డెవలప్‌మెంట్, కంప్యూటర్ శిక్షణ సంస్థల్లో.
కమ్యూనికేషన్ ఇంజినీరింగ్: ప్రాసెస్, ఎలక్ట్రానిక్స్ పరిశ్రమలు.
ఇండస్ట్రియల్ ఎలక్ట్రానిక్స్: ఎలక్ట్రానిక్ ఐసీ సర్క్యూట్స్ తయారీ రంగం, ప్రాసెస్, ఎలక్ట్రానిక్ పరిశ్రమలు.
టీవీ అండ్ సౌండ్ ఇంజినీరింగ్: ఆలిండియా రేడియో, దూరదర్శన్, ప్రైవేటు టీవీ ఛానెళ్లు, ప్రభుత్వ-కార్పొరేట్ హాస్పిటళ్లలో.
బయోమెడికల్ ఇంజినీరింగ్: మెడికల్ రిసెర్చ్ సంస్థలు, హాస్పిటళ్లు.
మెటలర్జికల్ ఇంజినీరింగ్: ఫౌండ్రీలు, స్టీల్ ప్లాంట్స్, ఫోర్జ్ షాప్స్, రోలింగ్ మిల్లులు, హీట్ ట్రీట్‌మెంట్ షాప్స్,
టెక్స్‌టైల్ టెక్నాలజీ: టెక్స్‌టైల్ మిల్లులు, వస్త్రాల ఎగుమతి పరిశ్రమల్లో.
కెమికల్ ఇంజినీరింగ్: కెమికల్, రిఫైనరీ, పెట్రోకెమికల్ పరిశ్రమలు. కెమికల్ ఇంజినీరింగ్ (ఆయిల్ టెక్నాలజీ): రిఫైనరీ, పేపర్, సుగర్, పెట్రోకెమికల్, ప్లాస్టిక్స్, ఫుడ్ ప్రాసెస్ పరిశ్రమలు. కెమికల్ ఇంజినీరింగ్ (పెట్రో కెమికల్): రిఫైనరీ, పెట్రో కెమికల్, కెమికల్ పరిశ్రమలు. కెమికల్ ఇంజినీరింగ్ (ప్లాస్టిక్స్ అండ్ పాలిమర్స్): కెమికల్ పాలిమర్, ప్లాస్టిక్ పరిశ్రమలు.
సిరామిక్ టెక్నాలజీ: రిఫ్రాక్టరీ, ఇటుకబట్టీలు, సిమెంట్, గ్లాస్, సిరామిక్, శానిటరీ వేర్ తదితర రంగాలు.
లెదర్ టెక్నాలజీ: ట్యానరీ, ఫుట్‌వేర్ పరిశ్రమలు.
ఫుట్‌వేర్ టెక్నాలజీ (లెదర్): ఫుట్‌వేర్ మాన్యుఫాక్చరింగ్ అండ్ లెదర్ టెక్నాలజీ.

APRJC

ఆంధ్రప్రదేశ్ రెసిడెన్షియల్ జూనియర్ కళాశాలల్లో ప్రవేశ పరీక్షలు జరుగుతాయి. దీనిలో ప్రవేశించగలిగితే, ఆ సంస్థే విద్యార్ధికి నాణ్యమైన చదువును అందిస్తుంది. వసతి సౌకర్యం కూడా కల్పిస్తుంది.

చదివే ఆర్ధిక స్థోమత తక్కువగా ఉన్నవారు పదవతరగతి తరువాత వెంటనే ఉపాధి అవకాశం కోసం ఎదురుచూసేవారు ఎంచుకునేది ఐ.టి.ఐ. ఇది రెండేళ్ళ కోర్సు… కోర్స్ పూర్తయ్యాక అప్రెంటీస్ పూర్తి చేస్తే, వివిధ పరిశ్రమలలో ఉపాధి అవకాశాలు ఉంటాయి. ఐటిఐ పూర్తి చేసుకుని కూడా డిప్లొమో చదవుకోవచ్చును… ఉద్యోగం చేస్తూ… ఆ ప్రయత్నం చేయవచ్చును.

ఐటిఐ ట్రేడులు

అటెండెంట్ ఆపరేటర్ (కెమికల్), డ్రాఫ్ట్స్‌మన్ (సివిల్), డ్రాఫ్ట్స్‌మన్ (మెకానికల్), ఎలక్ట్రీషియన్, ఎలక్ట్రానిక్ మెకానిక్, ఎలక్ట్రానిక్స్ అండ్ కమ్యూనికేషన్ సిస్టం, ఫిట్టర్, ఇన్ఫర్మేషన్ టెక్నాలజీ అండ్ ఎలక్ట్రానిక్స్ సిస్టం మెయిన్‌టెనెన్స్, ఇన్‌స్ట్రుమెంట్ మెకానిక్, ల్యాబ్ అసిస్టెంట్ (కెమికల్), రేడియో-టీవీ మెకానిక్, మెషినిస్ట్, మెషినిస్ట్ (గ్రైండర్), మెయిన్‌టెనెన్స్ మెకానిక్ మిషన్ టూల్, మెరైన్ ఫిట్టర్, మోటార్ వెహికల్ మెకానిక్, టర్నర్, వెజల్ నావిగేటర్, వైర్‌మన్, ఇన్‌స్ట్రుమెంట్ మెకానిక్ (కెమికల్), మెకానిక్ కంజ్యూమర్ ఎలక్ట్రానిక్స్, రెఫ్రిజిరేషన్ అండ్ ఎయిర్ కండిషనర్ మెకానిక్. పెయింటర్ (జనరల్), మెకానిక్ (డీజిల్), మౌల్డర్, ప్లాస్టిక్ ప్రాసెసింగ్ ఆపరేటర్, శానిటరీ హార్డ్‌వేర్ ఫిట్టర్, సైంటిఫిక్ గ్లాస్ అండ్ నియాన్ సైన్స్, షీట్‌మెటల్ వర్కర్, వెల్డర్ (గ్యాస్ అండ్ ఎలక్ట్రానిక్), బుక్‌బైండింగ్, కార్పెంటర్, కంప్యూటర్ ఆపరేటర్ అండ్ ప్రోగ్రామింగ్ అసిస్టెంట్, కటింగ్ అండ్ స్యూయింగ్, డ్రెస్‌మేకింగ్, హార్టికల్చర్, లిథో- ఆఫ్‌సెట్ మెషిన్ మైండర్, మాసన్, మెడికల్ ట్రాన్స్‌క్రిప్షన్, ప్లంబర్, ప్రి ప్రిపరేటరీ స్కూల్ మేనేజ్‌మెంట్ (అసిస్టెంట్), స్టెనోగ్రఫీ (ఇంగ్లిష్), వెల్డింగ్ (గ్యాస్ అండ్ ఎలక్ట్రిక్). ఎలక్ట్రికల్, ఎలక్ట్రానిక్స్, హాస్పిటాలిటీ, ఇన్‌ఫర్మేషన్ టెక్నాలజీ, ప్రొడక్షన్ అండ్ మాన్యుఫాక్చరింగ్, ఆటోమొబైల్స్, ప్లాస్టిక్ ప్రాసెసింగ్, ఇన్‌స్ట్రుమెంటేషన్, కెమికల్, లెదర్, అపెరల్, రిఫ్రిజరేషన్ అండ్ ఎయిర్‌కండిషనింగ్, ఫ్యాబ్రికేషన్ (ఫిట్టింగ్, వెల్డింగ్), ఫుడ్ ప్రాసెసింగ్, అగ్రికల్చర్ మెషినరీ, కన్‌స్ట్రక్షన్ ఉడ్ వర్కింగ్, ప్రాసెస్ ప్లాంట్ మెయిన్‌టెనెన్స్, ఎంటర్‌ప్రెన్యూర్‌షిప్, టూరిజం, బ్యాంబూ, ఇండస్ట్రియల్ ఆటోమేషన్, టెక్స్‌టైల్ టెక్నాలజీ.

జీవితంలో ఉత్తమ స్థితికి ఎదగడానికి పదవ తరగతి పునాది అయితే, పదవ తరగతి చదివేటప్పుడే మనము ఏమి కావాలో నిశ్చయం అయి ఉంటే, చదువు ఎంపికలో ఆ నిశ్చయం మార్గనిర్ధేశం చేయగలదని అంటారు. కావునా మన ఆసక్తి ఏమిటో మనం గుర్తించాలి. చెప్పేవారు చెబుతూ ఉంటారు. అలాగే మన మనసు కూడా చెబుతూ ఉంటుంది. అది ఆసక్తి రూపంలో తెలియబడుతుంటే, అది ఏమిటో గుర్తించి, దానికనుగుణంగా సాధన చేస్తే మంచి స్థితికి వెళ్ళడానికి అవకాశాలు ఉంటాయి…

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

మంచి మాటలు నీతి వాక్యాలు పిల్లలకు మంచి అలవాట్లు

మంచి మాటలు నీతి వాక్యాలు పిల్లలకు మంచి అలవాట్లు అబ్బే అవకాశం ఉంటుందా? చెడ్డవారు సైతం, వారికి రోజూ నాలుగు మంచి మాటలు చెబుతూ ఉంటే, వినగా వినగా మంచి పనులు చేయడానికి వారి మనసు అంగీకరిస్తుందని అంటారు. కాబట్టి పిల్లలకు పెద్దలు చెప్పిన మంచి మాటలు లేదా నీతి వ్యాక్యాలు నుండి కొన్ని మాటలు తల్లిదండ్రులు చెప్పడం మేలు.

మార్గదర్శకంగా నిలిచిన మహనీయులంతా తల్లిదండ్రుల నుండి కానీ గురువుల నుండి కానీ మంచి మాటలు విన్నవారేనని అంటారు. మహనీయులుగా మారినవారు సైతం వారి జీవితంలో ఎవరో ఒకరిని మార్గదర్శకంగా భావించే అవకాశం ఉంటుంది. అంటే ఒక గొప్పవ్యక్తిని చూసి, అతనంతా గొప్పస్థాయికి చేరాలనే లక్ష్యం ఏర్పరచుకోవడం అంటారు.

ఒకరి జీవితం నేర్పిన అనుభవంలో నుండి పుట్టే ఆలోచనలు మాటలుగా మారితే, అవి మరొకరి పరాకుగా మారతాయి. కాబట్టి అనుభవశాలి మాట్లాడే మాటలు పరిగణనలోకి తీసుకోవాలని పండితులు సూచిస్తారు.

పిల్లలు ముందు పెద్దలు మాట్లాడే మాటలు, పిల్లలు ఆలకిస్తూ, వాటిని అనడానికి అనుకరిస్తారు. అలా అనుకరించే పిల్లలు ముందు అసభ్య పదములను వాడుట తప్పుగా చెబుతారు. ఎందుకంటే అవే అసభ్య పదములు పిల్లలకు అలవాటు అయితే, వాటినే వారు తిరిగి ప్రయోగిస్తారు. కాబట్టి పిల్లలకు మంచి మాటలు చెప్పడమే కాదు… వారి ముందు అసభ్యపద జాలమును ప్రయోగించరాదని పెద్దల సూచన.

మంచి మాటలు విన్న పిల్లలు గొప్పవారిగా మారతారనడానికి రుజువు ఏమిటి?

మంచి మాటలు నీతి వాక్యాలు పిల్లలకు చెప్పడం మొదలు పెడిటే, అవి మంచి అలవాట్లుగా మారడానికి అవకాశం ఉంటుంది. ఛత్రపతి శివాజీ తల్లి చెప్పిన మంచి మాటలు, తల్లి ద్వారా విన్న నీతి వ్యాక్యాలు… అతనిని గొప్పవానిగా చరిత్ర ఇప్పటికీ చెప్పుకుంటుంది. స్త్రీల పట్ట ఛత్రపతి శివాజీ భావనలు మనకు పాఠ్యాంశములుగా ఉన్నాయంటే, అతని స్వభావం ఎంత గొప్పదో అర్ధం అవుతుంది. అటువంటి స్వభావానికి పునాది, ఛత్రపతి శివాజీ తల్లి చెప్పిన మంచి మాటలే కారణం అయితే….

మరి మన పిల్లలకు మనం రోజుకో మంచి మాట అయినా చెప్పాలి. మంచిని నేర్చుకోవడానికే కదా విద్యాలయానికి వెళ్ళేది… మరలా మనం కూడా చెప్పాలా? అంటే అమ్మ నాన్న ప్రేమగా పలికే పలుకులు పిల్లల హృదయంలో నిలుస్తాయని అంటారు. కావునా పిల్లలకు నాలుగు మంచి మాటలు చెప్పడానికి ప్రయత్నించాలి.

నచ్చిన మంచి మార్గదర్శకుడి జీవితం గురించి తెలియజేస్తూ ఉండాలి…. అంటే అబ్దుల్ కలాం, సర్వేపల్లి రాధాకృష్ణ, ఛత్రపతి శివాజీ, భగత్ సింగ్ వంటి వారు కావచ్చును. సాహిత్య పరంగా పోతన, తిక్కన వంటి మహానుభావుల గురించి ఇలా ఏదైనా పిల్లలకు ఇష్టమున్న రంగంలో గొప్పవారి గురించి చెప్పడం వలన వారి మనసులో ఒక గొప్ప లక్ష్యం పుట్టవచ్చును…

మంచి పుస్తకాలు చదవండి. మంచి వ్యక్తుల గురించి తెలుసుకోండి. మంచి మాటలు వినండి. మంచి లక్ష్యం కోసం జీవించాలనే సత్యం తెలుసుకోండి. మంచి భవిష్యత్తు కోసం తపనపడండి… అంటూ పెద్దలు చెప్పే మంచి మాటలు… పెద్దలు సూచించే సూచనలు పరిగణనలోకి తీసుకోవడం వలన శ్రేయష్కరం అంటారు.

పెద్పెద్దలు చెప్పే మంచి మాటలు మనకు రుచించకపోవచ్చును. కానీ కాలంలో అవి అనుభవంలోకి వచ్చినప్పుడు వాటి విలువ తెలియబడుతుంది. ఎప్పుడూ పెద్దలు పిల్లల భవిష్యత్తు కొరకు మంచి మాటలు మాట్లాడుతారే కానీ, పిల్లలు సాధించాలనే దృక్పధం కాదని చెబుతారు.

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

శ్రీరాముడు వనవాసం వెళ్లడానికి కారణాలు

శ్రీరాముడు వనవాసం వెళ్లడానికి కారణాలు చూస్తే, కాలం కర్మ వెంటాడినా, వద్దని వారించినా, శ్రీరాముడి పట్టుదలే ప్రధాన కారణంగా కనబడుతుంది. శ్రీరామదృష్టి కోణం ధర్మమునే చూడడం వలన శ్రీరాముడు, ధర్మము ప్రకారం శ్రీరాముడు వనవాసం చేయడానికి సిద్దపడ్డాడనే భావిస్తారు.

అయోధ్యాధీశుడైన దశరధ మహారాజు, శ్రీరాముడికి పట్టాభిషేకం చేస్తానని సభలో సభికులతో చెబుతారు. సభలో అందరూ హర్షిస్తారు. శ్రీరామ పట్టాభిషేకానికి ప్రజలు కూడా సుముఖంగా ఉన్నారని తెలుసుకున్న దశరధుడు, శ్రీరాముడిని పిలుపించుకుంటాడు. పట్టాభిషేక విషయం శ్రీరాముడితో దశరధుడు స్వయంగా చెబుతాడు. శ్రీరాముడు సరేనంటాడు. పట్టాభిషేక మహోత్సవమునకు అయోధ్య ముస్తాబు అవుతుంది. అదే సమయంలో కైకేయి మనసులో మంధర మాటలు నాటుకుంటాయి.

మంధర మాటలకు ప్రభావితురాలు అయిన కైకేయి…గతంలో దశరధుడు తనకు ఇచ్చిన వరాలు కోరడానికి నిశ్చయించుకుంటుంది. తత్ఫలితంగా కైకేయి దశరధుడుని తనకు ఇచ్చన వరాలు తీర్చమని చెబుతూ….. శ్రీరామ వనవాసం కోరుకుంటుంది. భరతుడి పట్టాభిషేకం కోరుకుంటుంది. హతాశుడైనా దశరధుడు శ్రీరాముడుని అడవులకు పంపడానికి ఇష్టపడడు…

మరునాడు శ్రీరాముడు పట్టాభిషేకానికి సిద్దపడి దశరధుడి వద్దకు వస్తాడు… అయితే కైకేయి చెప్పిన మాటలు విన్న శ్రీరాముడు, అడవులకు వెళ్ళడానికి సిద్దపడతాడు. కాలంలో కర్మ ఒక్కరోజులో ఎలా తిరిగినా తండ్రి మాట నిలబడాలంటే, అడవులకు వెళ్ళడమే కర్తవ్యమని శ్రీరాముడు భావించాడు. కర్తవ్య నిర్వహణలో శ్రీరాముడు పట్టుదల గలవాడు… కాబట్టి దశరధుడు ఇచ్చిన వరాలు కారణంగా కైకేయి మాటనే, దశరధుడి ఆజ్ఙగా శ్రీరాముడు స్వీకరిస్తాడు.

ముఖ్యంగా శ్రీరాముడు వనవాసం వెళ్లడానికి కారణాలు

కైకేయికి దశరధుడు ఇచ్చిన వరాలు

మంధర వాటిని గుర్తు చేస్తూ కైకేయికి మాటలు నూరిపోయడం

దశరధుడు వరములుగా మంధర మాటలే మారడం

తన కోరికలే దశరధుడి మాటగా శ్రీరాముడుకి కైకేయి చెప్పడం

ప్రధానంగా కారణమైతే, శ్రీరాముడి కర్తవ్యతా దృష్ఠి… తండ్రి ఆజ్ఙను పాలించాలనే ధర్మదీక్ష… కారణంగా శ్రీరాముడు వనవాసం చేయడానికి కాలం కదిలించిన పరిస్థితులుగా చెబుతారు.

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

అర్ధనాశం గృహమందలి దుశ్చరితం వంచనం పరాభవం

కుటుంబ పరంగా కానీ, వ్యక్తిగతంగా కానీ కొన్ని విషయాలలో తస్మాత్ జాగ్రత్తగా పెద్దలు మంచి మాటలు చెబుతూ ఉంటారు. వాటిని వినడం వలన వ్యక్తి జీవితంలో ఎలా ప్రవర్తించాలో? ఎలా ప్రవర్తించకూడదో తెలుసుకుంటాడని పెద్దలు అంటారు. ముఖ్యంగా అర్ధనాశం గృహమందలి దుశ్చరితం వంచనం పరాభవం వంటి విషయాలలో తస్మాత్ జాగ్రత్త అంటారు.

అర్ధనాశం:

అర్ధము అంటే సంపాదించినది… అది ధనము కానీ దాన్యము కానీ వస్తువు కానీ ఏదైనా అర్ధముగా మారుతుంది. మన అవసరాలకు తీరడానికి ఉపయోగపడేది డబ్బు కాబట్టి, డబ్బు ద్వారా కావాల్సిన వస్తువులు తదితర వి అటువంటి అర్ధము ఒక్కసారి మనకు కలిగినది అని నలుగురిలో గుర్తింపు పొందాకా…. ఆ గుర్తింపు వలననే సమాజంలో మనకు స్థాయి ఏర్పడుతుంది. ఒక్కసారి గుర్తింపు పొందిన అంశంలో నష్టపోతే, అది నలుగురికి తెలిస్తే, ఆ అంశంలో చులకన బావం ఏర్పడుతుంది. కాబట్టి సంపాదించిన అంశములో కూడా తగు జాగ్రత్తలు అవసరం అయితే ముఖ్యంగా డంభము ఉండరాదని సూచిస్తారు. ధన విషయంలో పైకి కనబడేవిధంగా ప్రవర్తించరాదు…

మనస్తాపం:

ఒక కంప్యూటర్ కు కానీ ఒక మొబైల్ కానీ ఆపరేటింగ్ సిస్టమ్ ఎలానో… మనిషికి మనసుల అలానే పని చేస్తుందని అంటారు. ఓఎస్ కరెప్ట్ అయితే కంప్యూటర్ పనిచేయదు. అలాగే ఓఎస్ వైరస్ బారిన పడితే ఆ మొబైల్ కానీ కంప్యూటర్ కానీ పనితీరులో మార్పు ఉంటుంది… అలాగే మనస్తాపం చెందిన వ్యక్తి ప్రవర్తనలో కూడా మార్పు ఉంటుంది. ఇది ఎంత తీవ్రంగా ఉంటే, అంత వ్యగ్రతకు వ్యక్తి లోనవుతాడు… అయితే విశిష్టమైన మనసు ఎప్పుడూ తననితాను మార్చుకునే శక్తిని కలిగి ఉంటే, దానిని సద్వినియోగపరచుకుంటే, మనసులో కలిగే అలజడులకు మనసే అడ్డుకట్ట వేయగలదని అంటారు. ఈ మనసు పడే దు:ఖ భావనల బహిర్గతం అయినా చులకన భావం ఏర్పడే అవకాశం ఉంటుంది.

గృహమందిలి దుశ్చరితం:

భారతీయ సంస్కృతి అంటేనే కుటుంబ వ్యవస్థ అని గొప్పగా చెబుతారు. కారణం కుటుంబంలో వివిధ రకాల స్వభాలు కలిగినవారు సైతం కలిసి మెలిసి ఉండడమే… ఇంకా ఆ కుటుంబ యజమాని నిర్ణయాలకు అనుగుణం ప్రవర్తించడం మన కుటుంబ వ్యవస్థలో విశిష్ట లక్షణం. అటువంటి కుటుంబం సమాజంలో మంచి గుర్తింపు పొందుతుంది. అయితే కుటుంబంలో ఎవరైనా చెడుగా ప్రవర్తించి ఉంటే, దానిని ముందుగానే నియంత్రించాలి. చెడు నడువడిక గలవారి విషయం బహిర్గతం కాకముందే, వారిని సన్మార్గములో పెట్టాలి… అలా కాకుండా అది నలుగురికి తెలిస్తే, ఆ కుటుంబము పై అభిప్రాయం మారే అవకాశం ఉంటుంది.

వంచనం

మోసపోయేవారుంటే, మోసంచేసేవారికి కొదువ ఉండదని అంటారు. కాబట్టి మోసపోయామని బయట పడడమే, మరొకరికి మోసం చేసే అవకాశం కల్పించనట్టవ్వొచ్చు…. వంచనకు గురిచేసేవారితో జాగ్రత్తగా ఉండాలి. వంచనచేసేవారి నుండి, వంచింపబడకుండా వారినుండి తప్పించుకోవాలి. అంతేకానీ మోసోతూ బహిల్పడుతూ ఉంటే, మరొకరు మోసానికి పాల్పడే అవకాశం ఉండడం చేత జీవితం కష్టాలు పాలు అవుతుంది…

పరాభవం

పరాజయం విజయానికి మెట్లు అంటారు. అయితే నలుగురికి తెలిసేలా పొందే పరాభవం మనసును బాధిస్తాయి… వ్యక్తిగతంగా ఏదైనా ప్రయత్నంలో పరాజయం అయినా ఫరవాలేదు కాని, నలుగురి ముందు ప్రదర్శించే అంశంలో పరాభవం పొందరాదు. నలువైపులా పరాభావ ప్రకంపనలు మనసును చుట్టు ముడతాయి. ఇంకా ఏదైనా ప్రయత్నంలో పొందిన పరాజయం గురించి ఇతరులకు చెప్పరాదు… అందుకు తప్పిదాలు తెలుసుకోవాలనే కానీ పరాజయం పాలైన సంఘటనలు గురించి చెప్పుకోకూడదని అంటారు.

అర్ధనాశం గృహమందలి దుశ్చరితం వంచనం పరాభవం వంటి విషయాలలో వ్యక్తి సరిచూసుకుని ప్రవర్తిస్తూ ఉండాలి. ఆప్తుల దగ్గర తప్పించి ఇటువంటి విషయాలు ఇతరులకు చేరేవిధంగా ప్రవర్తించరాదనేది పెద్దల మాట…

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

భారతీయ జీవన విధానానికి రామాయణం మార్గదర్శకమా?

భారతీయ జీవన విధానానికి రామాయణం మార్గదర్శకమా? శ్రీరామాయణం మనకు మార్గదర్శకమని నమ్మినవారు, శ్రీరామాయణం గురించి రచనలు చేశారు. శ్రీరామాయణం మనకు మార్గదర్శకమని నమ్మినవారు, శ్రీరామాయణం గురించి ప్రవచనాలు చెప్పారు… చెబుతున్నారు. ఇంకా అనేకమంది పెద్దలు శ్రీరామాయణం రీడ్ చేస్తూ, శ్రీరామదర్శనం కోసం పరితపించారు…. శ్రీరామదర్శనం చేసుకుని తరించారు… మన భారతీయ జీవన విధానం మోక్షానికి మార్గమని భావిస్తే, అందుకు శ్రీరామాయణం కన్నా మార్గదర్శకమైన గ్రంధం ఏముంటుంది?

ఎందుకంటే కాలాన్ని ఎలా అనుసరించాలో… కర్మను ఏవిధంగా చూడాలో శ్రీరామ దృష్టి మార్గదర్శనీయం. భర్తని ఎలా అనుసరించాలో, సీతమ్మ దృష్టి మార్గదర్శనీయం. చెప్పుడు మాటలు వింటే, ఎలా చులకనగా మారతామో కైకేయి పాత్ర సందేశంగా కనబడుతుంది. అనవసరపు కోరికలు ఎంత ప్రమాదకరమో, బంగారు జింకను చూసిన సీతమ్మ తల్లి కోరిక చూపుతుంది. అన్నను అనుసరించడంలో భరత, లక్ష్మణులు ఎవరికివారే పోటీపడతారు…. ఇలా రామాయణంలోని పాత్రలు భారతీయ జీవన విధానంలో కుటుంబంలోని వారికి మార్గదర్శకంగా ఉంటాయని భావిస్తారు.

భారతీయ జీవన విధానానికి రామాయణం మార్గదర్శకం

శ్రీరాముడు తండ్రి వద్ద కానీ, గురువుల వద్ద కానీ వినయంగా వ్యవహరిస్తాడు. తండ్రి మాట ప్రకారం గురువుగారితో అడవులకు వెళ్ళాడు. గురువు ఆజ్ఙ మేరకు రాక్షస సంహారం చేశాడు. గురువు ఆనుజ్ఙ మేరకు శివధనుస్సు ఎక్కుపెట్టాడు… తండ్రి అనుజ్ఙ అయ్యాక, సీతను శ్రీరాముడు వివాహమాడాడు….

దశరధుడు చక్రవర్తి అయితే, శ్రీరాముడు చక్రవర్తి తనయుడు… అయినా దశరధుడు శ్రీరాముడిని యువరాజుగా ప్రకటించేముందు ప్రజాభిప్రాయం తీసుకున్నాడు…. ప్రజలందరికీ శ్రీరామపట్టాభిషేకం ఇష్టమని గ్రహించాకా సంతోషించాడు… ఆపై శ్రీరాముడికి తెలియజేశాడు.

పట్టాభిషేకం చేస్తానని శ్రీరాముడితో దశరధుడు స్వయంగా చెబితే, సరేనన్నాడు…. పట్టాభిషక్తుడు కావడానికి సిద్దపడ్డాడు. అడవులకు వెళ్ళమన్నారని పినతల్లి చెబితే, సరేనంటూ అడవులకు బయలుదేరడానికి సిద్దపడ్డాడు. కాలం అత్యంత ప్రభావంతమైనది… దానిని అనుసరించడం ప్రధానమని భావించాడు కానీ తండ్రి మాట తప్పాడు… అని భావించలేదు…. శ్రీరాముడు.

తన పిన తల్లికి తన తండ్రి ఇచ్చిన మాట కొరకు శ్రీరాముడు అడవులకు వెళ్ళాడు… కానీ తండ్రి మరణించాడు. అని వార్త తెలియగానే, తండ్రి మాటను విడిచి పెట్టలేదు. తండ్రి ఇచ్చిన మాట ప్రకారం 14 సంవత్సరాలు అడవులలో జీవించడానికే శ్రీరాముడు ఇష్టపడ్డాడు… కానీ రాజ్యాధికారం కోసం ప్రీతి చూపలేదు.

కుటుంబంలో అందరికీ శ్రీరాముడంటే, మహా ప్రీతి… అందులో కైకేయి కూడా ఉంటుంది. కానీ మందర మాటలు విని, వాటిని ఆచరణలో పెట్టి అందరి దృష్టిలో చులకనగా మారిపోయింది… చెప్పుడు మాటలు ఎంత చేటుని చేస్తాయో… కెకేయి పాత్ర ద్వారా తెలియబడుతుంది.

అడవులలో సీతాన్వేషణలో ఉన్న శ్రీరాముడు, సుగ్రీవునితో స్నేహం చేశాడు కానీ అధర్మపరుడు అయిన వాలితో కాదు. సుగ్రీవునికి సాయపడి, తర్వాత సుగ్రీవుని ద్వారా సీతాన్వేషణ జరిగింది….

యుద్ద సమయంలో ఎదుటివారి బలంలో సగబలం లభించే వరం ఉండడం చేత, వాలిని యుద్దంలో ఓడించడం ఎవరితరం కాదు…. కానీ వాలి అధర్మ ప్రవర్తన వలన, జంతువు వేటకు బలయినట్టుగా శ్రీరామబాణానికి వాలి హతుడయ్యాడు.

సముద్రమును దాటి సీతాన్వేషణ చేయడం అందరికీ అసాద్యమే అనిపిస్తే, తనకు సాధ్యమేనని మాట మాత్రం పలకలేదు… నువ్వే సాధించగలవు… అని తోటివారి ప్రోత్సాహంతో సముద్రాన్ని దాటేశాడు… యుద్దంలో లక్ష్మణుడు ప్రాణాలను కాపాడడానికి, సంజీవిని పర్వతమునే పెకలించి తీసుకువచ్చాడు. తన శక్తిని అవసరానికి ఉపయోగించాడు…. అసాధ్యాలను సుసాధ్యం చేసే ఆంజనేయుడు.

మహాబలురు ఎంతోమంది రావణాసురుడికి అండగా ఉన్నారు. ఇంద్రుడుని జయించిన ఇంద్రజిత్తు సైతం రావణాసురుడి కొడుకు… కానీ రావణుడి అధర్మ ప్రవర్తన మూలంగా మొత్తం కుటుంబం… ఆ కుటుంబాన్ని ఆశ్రయించి ఉన్నవారు పతనమయ్యారు.

కుటుంబ జీవన విధానంలో శ్రీరామాయణంలోని పాత్రలు సందేశంగా ఉంటాయి.

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

పాఠ్య పుస్తకాలే కాదు పాఠ్యేతర పుస్తకాలు చదవాలి

పాఠ్య పుస్తకాలే కాదు పాఠ్యేతర పుస్తకాలు చదవాలి… మంచి పుస్తకాలు కూడా చదవాలి. మంచిని తెలియజేసే మంచి తెలుగు పుస్తకాలు చదవడం ఒక అలవాటుగా మారాలి. ఇంకా సామాజిక అవగాహన కల్పించే వారపత్రికలు, వార్తాపత్రికలు కూడా చదవాలి… పిల్లలకు చదవడం బిగ్గరగా చదవడంతో అనర్ఘలంగా చదివే శక్తి పెరగాలనే ఉద్దేశ్యంతో ప్రభుత్వాలు పాఠశాలల్లో రీడ్ కార్యక్రమం నిర్వహిస్తున్నాయి.

ఆసక్తి ఉన్న మనసు తన ఆసక్తి నెరవేర్చుకోవడం బహు శ్రద్ద చూపుతుంది. అంటే… ఆసక్తి అంటే ఏమిటి?

సినిమా చూడాలనే ఆసక్తి ఉందనుకోండి… సినిమాకి వెళ్లడానికి అనుమతి కావాలి. ఆ అనుమతి కోసం ఇంట్లో ప్రయత్నించడం… సినిమా చూడడానికి డబ్బులు, ఆడబ్బు ఎలా సంపాదించాలి? ఇలా సినిమా ఆసక్తి ఉంటే, సినిమా చూసేదాకా మనసు ఊరుకోదు… అలాగే పుస్తకాల పఠనంపై కూడా ఆసక్తి ఉంటే, మనసు ఏదో పుస్తకం చదవాలనే వ్యాపకంతో ఉంటుంది.

అయితే పుస్తకం పఠనం ఎందుకు?

ఎందుకంటే పుస్తక పఠనం మనసుకు విషయ పరిచయం చేస్తుంది. విషయంపై వివరణ అందిస్తుంది. ముఖ్యంగా జ్ఙానం పుస్తకాలలో నిక్షిప్తం అయి ఉంటుంది. కాబట్టి పుస్తక పఠనం మనసుకు మేలు చేస్తుందని అంటారు. కాబట్టి పుస్తకాలు చదవడం ఒక అలవాటుగా ఉండాలని అంటారు. మంచి పుస్తకం మంచి ఆలోచనలను సృష్టిస్తుందని అంటారు. అలాగే భక్తి పుస్తకాలు మనసులో భక్తిని పెంచుతాయి. మనసులో భక్తి ఉంటే, సమాజంలో శాంతికారకులు కాగలరని అంటారు. కావునా ఏదైనా ఒక మంచి పుస్తకం చదవడం ఒక అలవాటుగా ఉండడం శ్రేయష్కరంగా చెబుతారు.

ఎప్పుడూ పాఠ్య పుస్తకాలే అయితే, అవి చదవడం, వాటిలోని విషయం వ్రాయడం, వాటిలోని విషయం అప్పజెప్పడం… యాంత్రికంగా అనిపించవచ్చును. అదే అప్పడప్పుడు కొంత సమయం పాఠ్యేతర పుస్తకాలు కూడా చదువుతుంటే, మనసులో చదవడంలో ఆసక్తి పెరగవచ్చును. ఇంకా చదివే పుస్తకాలను బట్టి ఇతర విషయాల గురించి కూడా అవగాహన ఏర్పడవచ్చును.

వార్తాపత్రికలు చదువుతుంటే, సామాజిక అవగహన ఏర్పడుతుంది. సమాజంలో రాజకీయ పరిస్థితులు, రాజకీయ నాయకులు గురించి… ఒక అవగాహన ఉంటుంది.

అలాగే ఇతర సాహిత్యం చదువుతుంటే, మరింత విషయవిజ్ఙానం పరిచయం అవుతుంది. ఇక ఏ అంశంలో మనసుకు ఆసక్తి పెరిగితే, ఆ అంశంలో పుస్తకాల వేట మనసు కొనసాగిస్తుంది. ఆ ఆంశంలో పరిశోధనాత్మక దృష్టి ఏర్పడే అవకాశం కూడా ఉంటుంది. కాబట్టి పాఠ్యేతర పుస్తకాలు చదవాలి అనే ఆలోచన మంచి ఆలోచనగా పరిగణింపబడుతుంది.

ఎప్పుడూ పాఠ్య పుస్తకాలే కాదు పాఠ్యేతర పుస్తకాలు చదవాలి… పాఠ్య పుస్తకాలు చదువుతూ పాఠ్యేతర పుస్తకాలు కూడా చదవడం చేస్తూ ఉండాలి.

పాఠశాలల్లో రీడ్ కార్యక్రమం విజయవంతం చేసి, జీవితంలో విజయవంతం అయ్యే విషయాలను పుస్తకాలలోంచి గ్రహించి, విజయవంతమైన మార్గమునకు పునాదులు వేసుకుందాం. పుస్తకాల పఠనం చేద్దాం… మంచి విషయాలను గ్రహిద్దాం. పాఠ్య పుస్తకాలే కాదు పాఠ్యేతర పుస్తకాలు చదవాలి తెలుగు సాహిత్యంలో వివిధ పుస్తకాలు రీడ్ చేయడాలి.

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

మోజులో పడి జీవితం కోల్పోకు

మోజుగా ఉన్నప్పుడు మనసంతా మోహమే కమ్ముకుని ఉంటుంది. కాబట్టి తప్పొప్పులు కూడా విచారించకుండా మనసు మోజులో పడిపోతుంది. మోజు పడ్డ మనసు, వ్యసనం బారిన పడిన వారి మాదిరిగా ప్రవర్తిస్తుంది… కావునా మోజులో పడి జీవితం కోల్పోకు, జీవితం చాలా విలువైనది… ప్రపంచంలో వెలకట్టలేని మెషీన్ ఉందంటే, అది మనిషి శరీరమే… దానిని మోజులో పడి పాడు చేయకు…

ఈమోజు ఒక వస్తువుపై కలగవచ్చును. పురుషుడికి స్త్రీపై, స్త్రీకి పురుషుడిపై మోజు కలగవచ్చును… మితిమీరిన మోహం కలిగితే, మోజుపడ్డవాటి నుండే, జీవితం ప్రమాదంలోకి జారుతుంది. మోజులో పడ్డ మనసు మోహంతో చేసే మాయలో పడకు….

సభ్యసమాజంలో క్రమశిక్షణతో ఉండేవారికి గౌరవం లభిస్తుంది. ఇష్టారీతిని ప్రవర్తించేవారి యందు చులకన భావన కలిగి ఉంటుంది. చిత్రమైన విషయం చులకన బావన ఉన్నవారికైనా క్రమశిక్షణతో ఉండేవారియందు ప్రీతి ఉంటుంది…. అంటే క్రమశిక్షణతో కూడిన జీవితం సమాజంలో మంచి గుర్తింపును పొందుతుంది. కావునా వ్యామోహాలలో పడి జీవితాన్ని ఇక్కట్లుపాలు చేసుకోకూడదు.

ఏదో ఒక విషయంలో ప్రతివారికి మక్కువ ఎక్కువగా ఉండవచ్చును… కానీ అది మితి మీరిపోకుండా చూసుకోవాలి…. స్మార్ట్ ఫోన్ వచ్చినప్పుడు… సెల్ఫీ మోజులో పడి ప్రమాదవశాత్తు ప్రాణాలు కోల్పోయినవారి గురించి వార్తాపత్రికలలో చూస్తున్నాము… మోజులో పడ్డ మనసు కుడితిలో పడ్డ ఎలుకవలె అంతరంగంలో తన్నుకులాడుతుంది…

ఒక వస్తువుయందు కానీ ఒక వ్యక్తి యందు కానీ మితిమీరిన ఇష్టం పెంచుకుంటే, ఆ వస్తువు ద్వారా కానీ ఆ వ్యక్తి ద్వారా కానీ బాధింపబడతారని అంటారు… మన మనసే మనకు శత్రువుగా మారడానికి అటువంటి మోజే కారణం కాగలదు. లేదా మోజులో పడి ఏదో ప్రమాదం కొనితెచ్చుకునే తీరు మనసులో ఉంటుంది.

కావునా మనసులో మెదిలే మోజులను నియంత్రించడం ప్రధానం. జీవితం చాలా అందమైనది… సభ్యసమాజంలో సంప్రదాయం ప్రకారం చేజిక్కించుకున్నవి… ఇచ్చేటంత ఆనందం… మోజుపడి తెచ్చుకున్న వాటిలో ఉండదు.

మోహంతో మోజు పెంచుకోకు, మనసును మోజులోకి జారనివ్వకు, మోజులో పడి జీవితాన్ని నాశనం చేసుకున్నవారి గురించి రోజు వచ్చేవార్తలు మనకు పరాకు చెబుతూ ఉంటాయి. విషయాలయందు ఆసక్తి ఉండాలి కానీ మోహం పెంచేసుకుని మోజులో పడిపోకూడదని అంటారు.

అల్లరి చేసే వయస్సులో అల్లరి చేయడం సహజమే కానీ అల్లరిపాలు కావడం జీవితానికి చేటు. అలాగే చదువుకునే వయస్సులో చదువుకోవడం ప్రధానం కానీ జీవితమంతా చదువే ఉండదు. అలాగే మోహం పుడుతుంది… మోజు తీరాక పోతుంది… ముందే మోజుపడితే, జీవితం పతనం వైపు పోతుంది.

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

మనిషి జీవితం ఎలా ఉంటుంది!

సాధించుకుంటే చాలా గొప్పగా ఉంటుంది. సాదించకుంటే అంత గొప్పగా ఉండదు. సమాజంలో మనిషి జీవితం ఎలా ఉంటుంది? మనిషికి తన చుట్టూ ఏర్పడి ఉన్న పరిస్థితులు, ఆ పరిస్థితులో తన లక్ష్యం… తన లక్ష్యానికి ఉపయోగపడే వనరులు… కాలాన్ని సద్వినియోగం చేసుకుంటూ, అంది వచ్చిన అవకాశం అందుకుంటే అందలమైనా అందుతుందని అంటారు.

వ్యక్తి జీవితం అతని స్వభావం… దాన్ని బట్టి సమాజం నుండి స్పందన, సామాజిక స్పందనను బట్టి వ్యక్తి ప్రతిస్పందన… ఇరువురి ప్రతిస్పందనల మద్య మనసు పొందే భావనలతో మనిషి జీవితం కొనసాగుతూ ఉంటుంది.

మనిషి ఎదుగుదలకు మనిషి ఆలోచనలే కారణం అయితే మనిషి పతనానికి మనిషి ఆలోచనలే కారణం కావచ్చునని అంటారు. యద్భావం తద్భవతి అన్నట్టుగా… మనిషి బలమైన భావనే, అతనిపై ప్రభావం చూపుతుందని అంటారు.

హద్దు మీరి ప్రవర్తిస్తే, జీవితమే తలక్రిందులు అవుతుంది. హద్దులలో ఉండి జీవిస్తే, జీవితం సుఖవంతం అవుతుంది. ప్రతివారి జీవితంలోనూ…. వారి వారి ప్రాంతాలలో వారి వారి కుటుంబ స్థితిని బట్టి పరిమితులు, హద్దులు ఏర్పడుతూ ఉంటాయి…. తన పరిధిలో తన కర్తవ్యం తాను నిర్వహిస్తూ… ఇతరుల జోలికి పోకుండా ఉన్నన్నాళ్లు వ్యవస్థలు బాగా ఉపయోగపడతాయి… కానీ హద్దు దాటి మితిమీరిన పనులు చేస్తే, వ్యవస్థలో జీవితం పతనానికి దారితీస్తుంది.

పుట్టగానే తెలిసిందేమి ఉండదు…. పెరుగుతూ నేర్చుకునే విషయాలు మరలా తిరిగి అతని మనసుపై ప్రభావం చూపుతాయి… ఇక ఎదిగే వయస్సులో చుట్టూ ఉన్నవారి ప్రభావం కూడా ఉంటుంది…. ఈవిధంగా సమాజం నుండి ప్రభావితం అవుతూ, సమాజంపై ప్రభావం చూపుతూ…. మనిషి జీవితం సాగుతుంటుంది… అయితే తన కార్యాచరణ మరియు తన శక్తిసామర్ద్యాలను బట్టి సమాజంలో ఒక గుర్తింపు ఏర్పడుతుంది. అది జీవితంలో వెన్నంటి ఉంటుంది.

మనిషి – సమాజం పరస్పర ప్రభావితం

ఇలా సమాజంలో ప్రభావితం అవుతూ, ప్రభావం చూపుతూ మనిషి ఒక సంఘజీవిగా మారతాడు… అయితే ఏవిదంగా మారామో… అనేది మనిషి స్వభావమును బట్టి ఉంటుంది.

కాలంలో కష్టనష్టాలు కలగడం సహజమే… కష్టనష్టాలలో తనను తాను నియంత్రించకుంటూ ఉండడమే మనిషి సాధించే విజయం అని అంటారు. తనపై తాను పూర్తి నియంత్రణ గలవారి జీవితం ఎంతో ప్రశాంతంగా సాగుతుందని అంటారు.

పుట్టకముందు జీవన ప్రయాణం ఎలా ప్రారంభం అయిందో తెలియదు…. పుట్టాక మాత్రం ఇక్కడి నుండి ఏదో తాపత్రయంతో జీవన ప్రయాణం ప్రారంభం అవుతుంది. గ్రహించిన విషయ పరిజ్ఙానం ఆధారంగా లక్ష్యం…. ఏర్పడుతుంది….

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

మంచి విద్యార్థికి ఉండవలసిన లక్షణాలు

మంచి విద్యార్థికి ఉండవలసిన లక్షణాలు కొన్నింటిని…. మంచి విద్యార్ధిగా ఉన్నప్పుడు మంచి లక్షణాలు ఉండడం చేత ఉపాధ్యాయుని వద్ద మంచి గుర్తింపు వస్తుంది. ఇంకా ఉపాధ్యాయుడు మంచి లక్షణాలు గల విద్యార్ధులకు పాఠాలు చెప్పడంలో ఆసక్తి చూపుతారు. అంటే ఒక విద్యార్ధికి మంచి లక్షణాలు ఉంటే, అవి తోటివారికి కూడా సాయపడతాయి… అనుకరణలో విద్యార్ధులు ఒకరిని చూసి మరొకరు చేస్తూ ఉంటారు… కాబట్టి మంచి లక్షణాలు పెంపొందించుకోవడానికి ప్రయత్నం చేయాలి.

విద్యార్ధి తమ వైఖిరి పట్ల తాము సానుకూల దృక్పధంతో ఉండాలి.

లక్ష్య సిద్ది కోసం కృషి చేయడం

పరిశీలనాత్మక దృక్పధం

నేర్చుకునే అంశాల పట్ల శ్రద్దతో వ్యవహరించడం

స్వీయ ఆలోచనతో పనిచేసే సామర్ధ్య పెంపొందించుకోవడం

సాధనలో పట్టుదల కలిగి ఉండడం

సమయ పాలనలో క్రమశిక్షణ తప్పకుండా ఉండడం

మంచి దస్తూరి కొరకు సాధన చేయడం

అవసరమైన ఆంగ్లభాషలో పట్టు సాధించడం

కలిసిమెలిసి వ్యవహరించడం

నాయకత్వ లక్షణాలను పెంపొందించుకోవడం

విద్యార్ధి తమ వైఖిరి పట్ల తాము సానుకూల దృక్పధంతో ఉండాలి.

ఎప్పుడూ తనపై తాను నమ్మకం కోల్పోయి ఉండకూడదు. తనపై తనకు పూర్తి విశ్వాసం కలిగి ఉండాలి. ఎప్పుడూ టీచర్ ముందు నిలబడితే, విశ్వాసంతో నిలబడే ప్రయత్నం చేయాలి…. వినయంతో ఉంటూ, తనకు తెలిసిన పాఠ్య విషయం గురించి, తనతోటి వారి ముందు నిర్భయంగా బహిర్గతం చేయగలగాలి. తనమీద తనకున్న నమ్మకం మంచి లక్షణంగా పరిగణింపబడుతుంది.

లక్ష్య సిద్ది కోసం కృషి చేయడం

నేర్చుకునే వయస్సులోనే నేర్చుకుంటున్న చదువులో ఒక లక్ష్యం ఉండాలి. ఆయొక్క లక్ష్యం సాధించడానికి కృషి చేయాలి…. అలా చదువులో ఏర్పరచుకున్న చిన్న చిన్న లక్ష్యాలు నెరవేర్చుకోవడం వలన జీవితంలో అతి పెద్ద లక్ష్యం నిర్ధేశించుకునే సమయానికి సరైన లక్ష్యం ఏర్పడే అవకాశం ఎక్కువ. కావునా నిర్ధేశించుకన్న లక్ష్యాలను సాధించడానికి కృషి చేయాలి. లక్ష్యం ఉండడం మంచి లక్షణంగా పరిగణింపబడుతుంది.

పరిశీలనాత్మక దృక్పధం

పరిశీలన చేయడం వలన విషయాలపై అవగాహన పెరుగుతుంది. కేవలం విని ఊరుకోవడం వలన జ్ఙానం వృద్దికాలు… పాఠ్యపుస్తకంలో ఉండే అక్షరాలే మీ మెండులోనూ ఉంటాయి. దాని వలన ఫలితం పరీక్షలలో ఆ అక్షరాలను వ్రాయడం వరకే పరిమితం… కానీ పరిశీలనాత్మక దృక్పధం వలన విషయ విజ్ఙానం వృద్ది చెందుతుంది. కొంగ్రొత్త విషయావిష్కరణకు పరిశీలనాత్మక దృష్టి నాంది… అంటారు. విచారించే గుణం మంచి లక్షణంగా పరిగణింపబడుతుంది.

నేర్చుకునే అంశాల పట్ల శ్రద్దతో వ్యవహరించడం

చదివిస్తున్నారు కాబట్టి స్కూలుకెళ్ళడం… స్కూలుకొచ్చాము కాబట్టి క్లాసులో కూర్చోవడం. క్లాసులో కూర్చున్నాము కాబట్టి పాఠాలు వినడం… విన్నాము కాబట్టి పరీక్షలలో రాయడానికి ప్రయత్నించడం… ఇది యాంత్రికం… కానీ ఉత్తమ విద్యార్ధి మాత్రం స్కూలుకు శ్రద్దతో వస్తాడు… నేర్చుకోవాలనే తపనతో క్లాసులో కూర్చుంటాడు. వింటున్న పాఠాలను ఆసక్తితో వింటాడు. చదివేటప్పుడు శ్రద్ద పెడతాడు… నేర్చుకునే విషయంలో తనకొక మంచి లక్ష్యం నిర్ధేశించుకుంటాడు…. శ్రద్ద వలన మంచి లక్ష్య సిద్ది ఏర్పడుతుంది. శ్రద్దాసక్తులు మంచి లక్షణంగా పరిగణింపబడుతుంది.

స్వీయ ఆలోచనతో పనిచేసే సామర్ధ్య పెంపొందించుకోవడం

ఒకరు చెబుతుంటే, వినాలి కానీ తిరస్కరించకూడదు… ఒకరు చెబుతుండగా అనుసరణీయంగా పనులు చేయడం కన్నా స్వయంగా ఆలోచించి స్వీయశక్తితో పనులు చేయడానికి విద్యార్ధి దశ నుండే ప్రారంభించాలి. అంతేకానీ ఒకరి పర్యవేక్షణలో పదే పదే పనులు చేయడానికి అలవాటు పడకూడదు. స్వశక్తితో కార్యాచరణ మంచి లక్షణంగా పరిగణింపబడుతుంది.

సాధనలో పట్టుదల కలిగి ఉండడం

పట్టుదలలో విక్రమార్కుడిలాగా ఉండాలని అంటారు. నిర్ధేశించుకున్న లక్ష్యం చేరడంలో అలసత్వం ప్రదర్శించకుండా ఉండాలి. లక్ష్యం చేరడంలో ఆటంకాలు ఏర్పడినా, పట్టుదలతో ప్రయత్నించాలే కానీ నీరుగారిపోకూడదు… పట్టుదల ఉంటే, సాధ్యం కానిదేదిలేదని అంటారు. ప్రయత్నలోపం లేకుండా పట్టుదలతో సాధన చేయాలి. పట్టుదల మంచి లక్షణంగా పరిగణింపబడుతుంది.

సమయ పాలనలో క్రమశిక్షణ తప్పకుండా ఉండడం

విద్యార్దిగా ఉన్నప్పుడే సమయాన్ని సరిగ్గా వినియోగంచుకోవడం అలవాటు అవ్వాలి… లేకపోతే కార్యములందు భంగపాటు తప్పదని అంటారు…. కావునా నిర్ధేశించుకున్న సమయానికి చదువుకోవడం. నిర్ధేశించుకున్న సమయానికి ఆడుకోవడం, నిర్ధేశించుకున్న సమయానికి తినడం, నిర్ధేశించుకున్న సమయానికి నిద్రించడం, నిర్ధేశించుకున్న సమయానికి మేల్కోవడం… క్రమం తప్పకుండా స్కూలుకు సమయానికి చేరుకోవడం… ఇలా సమయపాలన విషయంలో ఎంత క్రమశిక్షణతో ఉంటే, అది జీవితంలో అంత సహాయకారి అవుతుందని అంటారు. సమయపాలన మంచి లక్షణంగా పరిగణింపబడుతుంది.

మంచి దస్తూరి కొరకు సాధన చేయడం

రైటింగ్ బాగుంటే, మనం వ్రాసినది అందరికీ అర్ధం అవుతుంది. రైటింగ్ బాగోకపోతే, మనం వ్రాసినది మనకు కూడా అర్ధం కాకపోవచ్చును. రైటింగ్ బాగుండే, పరీక్షలలో మంచి ఫలితాలు వస్తాయి. కాబట్టి ప్రతిరోజు రైటింగ్ స్కిల్స్ డవలప్ చేసుకోవాలి.

అవసరమైన ఆంగ్లభాషలో పట్టు సాధించడం

ఇప్పుడు ఆంగ్లభాష తప్పనిసరి. కారణం ప్రపంచమంతా ఆన్ లైన్ ద్వారా ఒక ఊరు మాదిరిగా మారిపోయింది… ఒకప్పుడు వేరు ప్రాంతానికి వెళ్ళినప్పుడే, అక్కడి భాషతో అవసరం ఉంటే, ఇప్పుడు ఉన్న చోట నుండే ఇతర భాషలు మాట్లాడేవారితో మాట్లాడవలసిన అవసరం ఏర్పడుతుంది. అందులో ముఖ్యంగా ఆంగ్లభాష ప్రధానంగా ఉంటుంది. సో స్పోకెన్ ఇంగ్లీష్ ఇంప్రూవ్ మెంటు ఉండాలి.

కలిసిమెలిసి వ్యవహరించడం

ముభావంగా ఉండడం మంచి పద్దతి కాదని అంటారు. అందువలన మనసు కూడా అలజడిగా ఉండే అవకాశం ఉంటుంది. ఎప్పుడూ తోటివారితో స్నేహంగా మెసులుకుంటూ ఉండడం శ్రేయష్కరం అంటారు. కలిసిమెలిసి ఉండడం వలన ఒకరి జ్ఙానం మరొకరికి చేరే అవకాశం కూడా ఉంటుంది. తెలియని విషయాలు కూడా సరదాగా తెలుసుకునే అవకాశం ఉంటుంది. కలిసిమెలిసి వ్యవహరించడం మంచి లక్షణంగా పరిగణింపబడుతుంది.

నాయకత్వ లక్షణాలను పెంపొందించుకోవడం

నాయకుడు ముందుండి మార్గదర్శకుడుగా నిలబడతాడు. అలాంటి నాయకత్వ లక్షణాలు విద్యార్ధి దశ నుండే అలవరచుకోవడానికి ప్రయత్నం చేయాలి. భవిష్యత్తులో పనిచేసే చోట కార్యనిర్వహణ సామర్ధ్యం పెరగడానికి నాయకత్వ లక్షణాలు కీలకం కాబట్టి చదువుకునే వయస్సులోనే మార్గదర్శకుడిగా మారే ప్రయత్నం చేయాలి.

ఇలా వివిధ రకాలుగా మంచి విద్యార్థికి ఉండవలసిన లక్షణాలు చెబుతూ ఉంటారు. పై లక్షణాలన్నీ అందరికీ అబ్బుతాయని చెప్పలేరు… కానీ ప్రయత్నిస్తే అవి పెరిగే అవకాశం ఉంటుంది. ప్రయత్నించడానికే కదా విద్యార్ధి దశ… ఆ దశలోనే మంచి లక్షణాలు అలవరచుకోవడం వలన జీవితంలో ఉన్నత స్థితికి చేరే అవకాశాలు ఉంటాయని అంటారు.

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

నేర్చుకోవాలి అనే తపన ఉంటే

నేర్చుకోవాలి అనే తపన ఉంటే, అదే మన వృద్దికి కారణం కాగలదని అంటారు. తపించే స్వభావం, తాపత్రాయం నెరవేరేదాకా ఊరుకోదు. తపనే లేనప్పుడు ఎవరూ, ఏమి చేయలేరు. విద్యార్ధికి నేర్చుకోవాలనే తపన బలంగా ఉంటే, కరోనా కాలంలో కూడా ఆన్ లైన్ క్లాసుల ద్వారా విద్యను అభ్యసించడానికి కృషి చేస్తారు… ఆ తపన లేకుంటే మాత్రం, ఎలా స్కూల్ కు సెలవు పెట్టాలనే తలంపు తలుస్తారు. తపను ఉంటే అందుకు అనుగుణంగా తలంపులు పుడతాయి.

నేడు నేర్చుకోవాలనే తాపత్రయం ఉంటే, నేర్చుకోవడానికి ఆటంకాలు ఉండని స్థితి… కారణం ప్రతి సబ్జెక్టు గురించి, కానీ ప్రతి విధానం గురించి కానీ ప్రతి పెద్ద సమస్యల గురించి కానీ వివరణలు, సమాధానాలు ఆన్ లైన్ నందు లభిస్తున్నాయి… కేవంల తపన ఉంటే, నేర్చుకోవడాని స్మార్ట్ ఫోనులో ఎన్నో అంశాలు ఉంటాయి.

జీవితం అనుభవించడానికే ఉంది. కాబట్టి ఉన్నంతకాలం జీవితాన్ని సుఖంగా గడిపేయ్… అనే భావన మంచిదే కానీ ఎల్లకాలం ఎప్పుడూ జీవితం సుఖంగానే సాగదు… కష్లాలు కూడా కాలంలో కలసి వస్తాయి… అప్పుడు వ్యక్తి నిలబెట్టేది… వ్యక్తికున్న విశేష ప్రతిభే….

కాబట్టి జీవితానికి అవసరమైన ప్రతిభను పెంపొందించుకోవడానికి వ్యక్తి కృషి చేయాలి…. ఎంత నేర్చుకుంటే, అంతలా మన చుట్టూ ఉన్నవారి మద్య మన ఐడెంటిటి పెరుగుతుంది. ఎంత తక్కువ ప్రతిభ ఉంటే, అంత తక్కువగానే మనపై గుర్తింపు ఉంటుంది.

అవసరాలకు ధనాదాయం అవకాశాలు వస్తూ ఉంటాయి. కోరికలకు అవకాశాలు వస్తూ ఉంటాయి… కానీ జీవితంలో ఉన్నత స్థితికి చేరే అవకాశం మాత్రం అరుదుగానే వస్తుందని అంటారు. అలాంటి అవకాశం వచ్చినప్పుడు అంది అందుకుని అందలం ఎక్కాలంటే, మన దగ్గర అందుకు తగ్గ పరిజ్ఙానం ఉండాలనేది పెద్దల భావన… కాబట్టి నేర్చుకోవాలనే తపనను కొనసాగిస్తూ ఉండాలి. ఆ తపను ఉన్నన్నాళ్ళు కూడా విషయ విజ్ఙానం వృద్ది చెందుతూ ఉంటుంది.

నాకు తెలుసు అనే భావన బహిర్గతం కాగానే, చెప్పేవారు చెప్పడం మానేస్తారు.

ఒకరు మరొకరికి ఏదైనా ఒక విషయం గురించి వివరిస్తున్నప్పుడు, వింటున్నవారు అడ్డుపడి, అది నాకు తెలుసు అనగానే చెప్పేవారు తమ వివరణను వీలైనంత త్వరగా ముగించేస్తారు… అలాగే నాకు అన్నీ తెలుసు అనే భావన మనసులో ఎక్కువగా ఉంటుంటే, తెలుసుకోవాలనే తపన నుండి మనసు మళ్ళుతుంది…. తెలిసిన విషయం చెప్పవలసిన చోట చెప్పగలగడానికి ప్రయత్నించాలి… కానీ నాకు తెలుసులే అనే నిర్లిప్తత శ్రేయష్కరం కాదని అంటారు.

కావునా అంతర్గతంగా అంతర్లీనంగా ఉండే తపనను విషయ పరిజ్ఙానంలో విజ్ఙానం పెంపొందించుకునేందుకు కొనసాగించాలి…. నేర్చుకోవాలి అనే తపన ఉంటే, జీవితంలో ఎటువంటి విషయమును అయినా నేర్చుకోగలం. అందుకు తగ్గ పట్టుదల ఉండాలి. సాధన చేసే సమయంలో నిరుత్సాహం లేకుండా ఉంటే, నేర్చుకోవడానికి నేడు అనేక మార్గాలు ఆన్ లైన్ ద్వారా లభిస్తాయి.

వీడియోలు చూసి విజ్ఙానం సంపాదించుకోవచ్చును. వీడియోల ద్వారా మనోవిజ్ఙానం తెలుసుకోవచ్చును. వీడియలో ద్వారా పాఠ్యాంశాలలో సందేహాలు తీర్చుకోవచ్చును… ఇలా ఆన్ లైన్ వీడియోల ద్వారా తాపత్రయం ఉంటే, నేర్చుకోవడానికి అనేక అంశాలు వీడియో ట్యూటోరియల్స్ గా మనకు లభిస్తాయి.

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

అటువంటి అంశాలు తాత్కలిక కాలంలో ప్రభావం చూపనట్టుగా ఉంటూ, తర్వాతి కాలంలో ప్రభావం చూపుతాయి…. అంటే రహస్యంగా మనపై నిఘా పెట్టిన వ్యక్తి మనతో మాములుగానే మాట్లాడుతూ ఉంటూ, మనకు సంబంధించిన అంశాలలో వారికి అవసరమైన విషయం తెలిసేవరకు ఓపిక పట్టినట్టుగా దీర్ఘకాలిక ప్రభావం చూపే అంశాలు కూడా మొదట్లో వాటి ప్రభావం చూపక, ఆపై ప్రభావం చూపిస్తూ ఉంటాయి….

తెలివిగా ఉంటే, మనతో మాట్లాడే వ్యక్తి స్వభావం కనిపెట్టవచ్చును అలాగే దీర్ఘకాలిక ప్రభావం చూపించే అంశాలను కూడా గమనించవచ్చును… కానీ నిర్లక్ష్య ధోరణి లేక పట్టించుకోకపోవడం వలన అటువంటి అంశాలు మొదట్లోనే గుర్తించడం జరగదని అంటారు.

ఉదా: మొబైల్ ఫోన్ వలన రేడియోషన్ ప్రభావం ఉంటుంది… ఆ రేడియేషన్ వలన మనిషి ఆరోగ్యానికి హానికరం.. ఈ విషయం మొబైల్ ఫోన్ వచ్చిన కొత్తల్లో సమాజంలో మొబైల్ వినియోగదారులదందరికీ తెలియదు… కానీ వార్తాపత్రికల కధనాల వలన మొబైల్ వలన వచ్చే రేడియోషన్ ఆరోగ్యానికి హానికరం అనే విషయం బహిర్గతం అయింది… అయితే మొబైల్ పరికరం అందించే అద్భుతమైన ఫీచర్, ఎక్కడో దూరంలో ఉండే వ్యక్తితో ఎక్కడి నుండైనా మాట్లాడే సౌకర్యం… ఈ సౌకర్యమే మొబైల్ ఫోన్ ద్వారా దీర్ఘకాలిక ప్రభావం చూపే రేడియేషన్ గురించి గమనించే స్పృహను దూరం చేసిందని అంటారు. అంటే ఆసక్తి కూడా ఆలోచనను ఆవహిస్తుంది.

ఇలా ఏదైనా దీర్ఘకాలిక ప్రభావం చూపించే అంశాలు మొదట్లో మనకు ఆసక్తికరంగానో లేకా ఏమి నష్టం చేయని విషయంగానో పరిచయం అయి, తర్వాతి కాలంలో వాటి ప్రభావం పరోక్షంగా మనపై చూపగలవు. పరోక్షంగా జరిగే సష్టం గురించి పెద్దగా ఆలోచించని ఈ కాలంలో మనిషిపై మానసిక ఒత్తిడిని పెంచేవి కూడా పరోక్షంగా ప్రభావం చూపే అంశాలే ఎక్కువ.

దీర్ఘకాలిక ప్రభావం చూపే అలవాట్లు కూడా

అలవాటు మనిషికి ఏదైనా ఒక విషయంలో ఓ పద్దతిగా మారి ఉంటుంది… ఒకటికి పదిసార్లు చేస్తున్న పని అలవాటుగా మారి అది మనిషిలో యాంత్రికతను తీసుకువస్తుంటుంది…. అంటే మనసు ప్రత్యేకించి శ్రద్ద పెట్టక్కరలేకుండా… అలవాటును శరీరమే నిర్వహించగలగడం అంటారు. మనసుకు శరీరంపై అటువంటి నియంత్రణ ఉంటుందని అంటారు.

నడిచే అలవాటు కూడా యాంత్రికమైతే, నిద్రలో లేచి నడిచేవిధంగా శరీరం సిద్దపడితే, నిద్రలో నడవడం కూడా ఒక అలావాటుగా మారుతుంది.

కీ బోర్డ్ టైపింగ్ కూడా చేతి వేళ్ళకు యాంత్రికంగా అలవాటు అయి ఉంటాయి. టైపింగ్ చేసేటప్పుడు దృష్టి కీబోర్డుపై ఉండదు…. కానీ చేతి వ్రేళ్లు మైండు ఆజ్ఙలమేరకు అక్షరాలను ప్రెస్ చేస్తూ ఉంటాయి… ఈవిధంగా చేతి వ్రేళ్లు యాంత్రికతను… టైపు నేర్చుకునే సమయంలో యాంత్రికంగా మారతాయి… అలా వాటిని మార్చగలిగే శక్తి మనిషి మైండుకు ఉంటుంది… కానీ మొదట్లో టైపు చేయడానికి వ్రేళ్ళు తడబడతాయి… అంటే ఒక మనిషికి ఒక అలవాటు అయిందంటే, అది తాత్కాలికంగా ఎక్కువమార్లు నిర్వహించబడిన పని అయి ఉంటుంది….

టైపింగ్ చేసే వ్యక్తి కూడా అదేపనిగా ఆ పనిని ఒకే విధానంగా కూర్చుని చేస్తే, ఆ వ్యక్తికి ఆనారోగ్యం కలిగి అవకాశం ఉంటుంది. అయితే అలా జరగకుండా సంస్థ తీసుకునే చర్యలు, వ్యక్తి కార్యాచరణ శక్తిని కాపాడతాయి… అయితే చెడు అలవాట్లు అయితే, మనపై నియంత్రణ ఉండే అధికారి ఉండరు… కాబట్టి చెడు అలవాట్ల విషయంలో చాలా దూరంగా ఉండాలి.

ఇలా నేర్చుకునే అంశాలలో అలవాట్లు జీవనోపాధికి ఉపయోగపడితే, చెడు అలవాట్లు జీవన పతనానికి నాంది అవుతాయి… చెడు అలవాట్లు ఆకర్షణీయంగా ఉంటూ… మొదట్లో మురిపిస్తూ…. ఆపై దీర్ఘకాలిక ప్రభావం మనసుపై చూపుతూ ఉంటాయి.

అంటే అలవాటు కూడా మొదట్లో తాత్కాలికంగా ఎటువంటి ప్రభావం చూపుతున్నట్టుగా ఉండకపోవచ్చును. కానీ అది అలవాటుగా మారాకా, దీర్ఘకాలంలో శరీరం ఒక యాంత్రికంగా మారితే, అది వ్యసనంగా మారితే, వ్యసనంగా ఉన్నప్పుడే అలవాటు యొక్క విశ్వరూపం కనబడుతుంది.

సినిమాలలో కూడా చూస్తూ ఉంటాము… వెన్నంటి ఉంటూ తర్వాతి తమ విశ్వరూపం చూపే పాత్రలు….

మన సినిమాలలో కొన్ని పాత్రలు ముందుగా ఒకరికి వెన్నంటి ఉంటూ, చాలా విశ్వాసంగా ఉన్నట్టే కనబడతారు. కానీ సమయం వచ్చేసరికి, సదరు వ్యక్తి తన స్వరూపం బయటపెడతాడు… కానీ మొదట్లో చాలా నమ్మకంగానే ఉంటాడు… కానీ దీర్ఘకాలంలో తన లక్ష్యం నెరవేరే సమయం వచ్చేసరికి, తన విశ్వరూపమే చూపించగలడు…

అంటే దీర్ఘకాలిక ప్రభావం చూపే అంశాలు మొదట్లో మనల్ని నమ్మించే ప్రయత్నం కూడా చేయవచ్చును. అందుకే పెద్దలంటారు… ఒక కొత్త వస్తువు వస్తే, దాని ప్రయోజనాలు దీర్ఘకాలంలో ఎలా ఉంటాయని? ప్రశ్నిస్తారు.

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

తెలివి అంటే ఏమిటి తెలివి తేటలు ఏవిధంగా ఉపయోగపడతాయి?

తెలివి అంటే ఏమిటి తెలివి తేటలు ఏవిధంగా ఉపయోగపడతాయి? తెలివి అంటే తెలిసి ఉన్న విషయ పరిజ్ఙానంతో చురుకుగా ఆలోచిస్తూ, పనిని సులభంగా పూర్తి చేయడం… పనితనంలో తెలివి అయితే, తెలిసిన విషయ విజ్ఙానంతో అప్పటికప్పుడు అవసరమైన మాటలు మాట్లాడడం మాటకారి… లేదా తెలివిగా మాట్లాడుతారని అంటారు.

ఎరుకతో వ్యవహరించడం అంటే మేట్కోని ఉండడం తెలివిగా వ్యవహరించడం… ఏదైనా మెదడు పనితీరుకు తెలివి తార్కాణంగా నిలుస్తుంది. అప్పుడు ఒక్కొక్కరు ఒక్కో అంశంలో గొప్ప తెలివిని ప్రదర్శించగలరు. అందరూ అన్నింటా, అన్ని వేళలా తెలివిగా వ్యవహరించకపోవచ్చును… కానీ మనసుకు బాగా ఇష్టమైన విషయములో వారు తమ తమ తెలివితేటలు బాగుగా చూపగలరు.

అయితే తెలివిగా వ్యవహరించడానికి జ్ఙాపకం చాలా కీలకమైన విషయం. మరిచిపోయే గుణం ఉండి, మంచి మాట్లాడే మాటతీరు ఉన్నా ప్రయోజనం తక్కువగా ఉంటుంది. అదే మంచి మాటకారికి జ్ఙాపకశక్తి బాగుంటే, చాలా తెలివిగా మాట్లాడి కార్యములు సాధించగలరు.

అలాగే చదువుకునే విద్యార్ధులకు కూడా జ్ఙాపకశక్తి బాగుగా ఉంటే, అంతబాగా విషయ విజ్ఙానం పెంపొందించుకుంటూ ఉండగలరు.

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

కోవిడ్ కారణంగా చదువు అయితే

కోవిడ్ కారణంగా చదువు అయితే, ఆగుతుంది…. నడుస్తుంది… కానీ పూర్తి విద్యా సంవత్సరం కొనసాగింపు కావడంలేదు… కారణం కరోనా వైరస్…. కాబట్టి ఒక విద్యా సంవత్సరం నిర్విరామరంగా పూర్తి అయ్యే అవకాశం ఉన్నప్పుడే, విద్యాభ్యాసం బాగుంటుందని అంటారు.

అయితే కోవిడ్ కారణంగా చదువును వాయిదా వేయడం విద్యార్ధిగా తప్పు చేసినట్టే… ఎందుకంటే…. ఈ తెలుగు వ్యాసంలో చదువు వలన ఏమి తెలుసుకుంటాము? పరీక్షలెందుకు? అవగాహన చేసుకుందాం….

ఆటలంటే ఆసక్తి ఉంటే, ఖాళీ లభించినప్పుడు ఆటలు ఆడడం ఆరోగ్యదాయం అంటారు. కానీ కోవిడ్ కారణంగా పరీక్షలు జరగడంలేదనే బాధ ఉన్నవారు అయితే, దానికి దిగులుపడడం కన్నా, మనం చదువులో ఏమి నేర్చుకున్నామో? మనకు మనమే పరీక్షించుకోవడం మేలు అంటారు.

మనం పుస్తకాలు చదివి మరియు పాఠాలు విని, మరలా పుస్తకాలలో మేటర్ చదివి అవగాహన చేసుకోవడం వలన ఆయా సబ్జెక్టులలో విజ్ఙానం పెరుగుతుంది. అయితే పరీక్షలు ఎందుకు?

తెలిసిన విషయం ఎంతమందిలో మనకు ఎంతవరకు తెలుసు? ఎంత బాగా తెలుసు? ఎంత చక్కగా వ్రాయగలుగుతున్నాము? అదే హైస్కూల్ వరకు అయితే, ఇంకా ఎగువ తరగతులలో ప్రాక్టికల్ గా కూడా టెస్టులు ఉంటాయి. ఎంతవరకు ఎంత నాణ్యంగా నేర్చుకున్నామో? తెలియజేసి, తర్వాత ఫలితం తెలుసుకోవడానికి….

పరీక్షలు కేవలం మనం చదువులో ఎంతవరకు అవగాహన

అంటే పరీక్షలు కేవలం మనం చదువులో ఎంతవరకు అవగాహన ఏర్పరచుకున్నామో…. తెలుసుకోవడం కోసమే… ఇంకా మన చుట్టూ ఉన్నవారిలో ఎంత బాగా తెలుసుకున్నామో? ఎంత బాగా తెలియజేయగలమో? ఇంకాస్త ముందుకు వెళితే ఒక ప్రాంతంలో ఉన్న విద్యార్ధులందరిలో మనం ఎంతబాగా అవగాహన చేసుకున్నామో…. మనకు పరీక్షా ఫలితాల వలన తెలియబడుతుంది… ఇంకా సమాజంలో కూడా మనకు ఒక ఐడెంటిటి తీసుకువస్తుంది… ఆ ఐడెంటిటి ఉన్నత చదువులకు… ఆపై ఉద్యోగ ప్రవేశానికి అర్హత అవుతుంది… కానీ పని చేయడానికి పరీక్షలలో వచ్చిన ఫలితాలు కాదు… మన మైండులో నిక్షిప్తం అయిన విషయ పరిజ్ఙానమే…. మన వెంట ఉంటుంది.

దీనిని బట్టి చూస్తే పరీక్షలు మనకు ఒక కాలంలో ఒక ప్రాంతంలో మన చదువు యొక్క అవగాహనా స్థితిని తెలియజేస్తాయి… అందులో పదవతరగతి మొదటి మెట్టు….

ఆపై మరిన్ని మెట్లు… అన్నింటిలోనూ ప్రతి ఏడాది… పరీక్షలలో మంచి ఫలితాలు అవసరమే… అయితే అవి కేవలం ఉన్నత చదువుకు అర్హత కొరకు… ఆపై ఉద్యోగ ప్రవేశానికి అర్హత వరకు ఉపయోగపడితే, ఉద్యోగములో పనిని సమవర్ధవంతగా చేయడానికి మన మనసు గ్రహించని విషయసారమే….ఉపయుక్తమవుతుంది.

కాబట్టి కోవిడ్ కారణంగా చదువు అయితే ఆగదు… పరీక్షలు ఆగవచ్చును…. విద్యాభ్యాసంలో విద్య నేర్చుకునే తపన ఉన్నంతవరకు విద్యతో మనసు మమేకం అవుతునే ఉంటుంది…. అయితే కోవిడ్ కారణంగా చదువులో వచ్చే గ్యాప్… అనవసర విషయాలవైపు మళ్ళకుండా చూసుకోవాలి.

ఉద్యోగంలో పనితీరు బాగుంటేనే ఉద్యోగిగా మంచి గుర్తింపు

పనిచేసే సంస్థలో ఉద్యోగం చేసేచోట పనితీరు బాగుంటేనే ఉద్యోగిగా మంచి గుర్తింపు లేకపోతే ఉద్యోగం ఉంటుంది… కానీ సరైన వృద్ది ఉండదు.

మన స్మార్ట్ ఫోన్ పనితీరు బాగోకపోతే, మరియొక మంచి ఫోన్ కోసం చూస్తాం… అలాగే పనితీరు బాగాలేని ఉద్యోగి విషయంలో కూడా సంస్థలు అలాగే ఆలోచిస్తాయి…

కాబట్టి పనితీరు మెరుగ్గా ఉండడం అంటే, చేసే పనిలో సరైన అవగాహన కలిగి ఉండడమే.

పనిలో సరైన అవగాహన అంటే విషయ పరిజ్ఙానం బాగుండాలి.

విషయ పరిజ్ఙానం కొరకు పాఠ్య విషయాలు పరిచయం అయ్యేది… విద్యార్ధి దశ నుండే….

భాషాపరంగా తెలుగు, హిందీ, ఇంగ్లీషు విషయాలు మనకు పరిచయం అవుతాయి.

సాంఘిక విజ్ఙానం సామాజిక పరిస్థితుల గురించి, చరిత్ర గురించి తెలియజేస్తూ ఉంటాయి.

లాజిక్స్ మాథ్స్ ద్వారా పరిచయం అవుతూ ఉంటాయి.

బౌతిక, రషాయినిక విషయాలను సైన్స్ పరిచయం చేస్తూ ఉంటుంది…

ఇలా ప్రాధమికంగా… ఇంకా లోతుగా పాఠ్య విషయాలు వివిధ రకాలుగా పరిచయం విద్యార్ధి దశలో అవుతుంటాయి. ఉన్నత చదువులలో వాటిలో మరింత అవగాహన ఏర్పరిచే విజ్ఙానం వృద్ది చెందుతూ ఉంటుంది.

అంటే పరియమవుతున్న పాఠ్య విషయాలలో శ్రద్ద వహిస్తే, వాటిని పరిశీలించే సమయంలో ఆయొక్క శ్రద్ద మనకెంతగానో ఉపయుక్తమవుతుంది.

విద్యాభ్యాసం సమయంలో విద్యార్ధుల శ్రద్ద చదువుపై

అటువంటి విద్యాభ్యాసం సమయంలో విద్యార్ధుల విలువైన సమయం వృధా చేయరాదు… ఎందుకంటే ప్రాధమికంగా ఏర్పడే అవగాహన జీవిత పర్యంతము ఉంటుంది…. కావునా చదువంటే ఆసక్తి పెంచుకునే విద్యార్ధులు ముందుగా విషయాలపై అవగాహన ఏర్పరచుకోవాలి.

విద్యాభ్యాసం సమయంలో విద్యార్ధుల శ్రద్ద చదువుపై ఉండాలి…. కానీ పరీక్షలలో ఎన్ని మార్కులు వస్తాయో అనే భావన మీద కాదు… అవును తోటివారితో పోల్చుకునేటప్పుడు మన మార్కులు తక్కువ కాకుండా ఉండాలంటే, చదివే పాఠాలపై శ్రద్ద పెట్టాలి…. వినే పాఠాలను శ్రద్దగా వినాలి….

అందరి ఆలోచనా ఒకే విధంగా ఉండదు… అందరి దృష్టి కూడా ఒకే విధంగా ఉండదు… కాబట్టే సమాజంలో ఎన్నో వినూత్న మార్పులు చూస్తున్నాము… అలాంటి మార్పులు తెచ్చేవారిలో విద్యార్ధి దశ నుండి ఎంతకొంత గ్రహించన విషయ పరిజ్ఙానం ఉంటుంది… కొందరు ఆదశలోనే తమ లక్ష్యం ఏర్పరచుకుని ఉంటారు… కూడా.

కావునా కరోనా కారణంగా పరీక్షలు వాయిదా పడితే బాధకుండా, ఎంతవరకు మనకు విషయ పరిజ్ఙానం ఉందో మనమే పరీక్షించుకుంటే, తర్వాతి సంవత్సరంలో విషయ పరిజ్ఙానంలో మనం ఎంత శ్రద్ద వహించాలో ఒక అవగాహన ఉంటుంది.

మహానుభావులంతా ఒక్కటో ర్యాంకు వారే అయ్యుంటారా?

సమాజంలో ప్రసిద్ద నాయకులంతా ఒక్కటో ర్యాంకు సాధించినవారేనా? అంటే కాదనే అంటారు… సాదారణ ఫలితాలు సాధించినవారు కూడా ఉన్నత స్థితిని పొందనివారుంటారు. అంటే విషయ పరిజ్ఙానంలో వారికున్న అవగాహనే వారి ఉన్నతికి కారణం అవుతుంది.

ఈ పత్రికా వార్త చూడండి….

ఇంకా పరీక్షలు కాదు జ్ఙానం ప్రధానం ఆర్టికల్ రీడ్ చేయండి.

పరీక్షలు ఒక గ్రూపు విద్యార్ధులలో ప్రధముడుని చూపించి, చదువులో అప్పటికి అతడిని ఆదర్శంగా చూపడానికి…. ఇతర విద్యార్ధులలో విద్యపై అవగాహన పెంచడానికి అయితే, తక్కువ మార్కులు వచ్చినవారు ఇంకాస్త శ్రద్ద పెంచడానికే అయినప్పుడు…. పరీక్షలు కోసం చదవడం కన్నా… విషయాలలోని విజ్ఙానం గ్రహించడానికి చదవాలి.

చదువుతున్న పాఠ్య విషయాలలో అవగాహన కోసం తపించాలి…. అవగాహనకు రానివాటి గురించి టీచర్ల దగ్గర అడిగి తెలుసుకోవాలి… తెలిసినవారి దగ్గర అడిగి తెలుసుకోవాలి… అవగాహన చేసుకునే కొలది విద్య మరింతగా వృద్ది చెందుతుంది.

అటువంటప్పుడు కోవిడ్ కారణంగా చదువు అయితే పరీక్షలుండవనే ఉద్దేశ్యంతో చదువునే సమయంలో పాఠాలు సరిగ్గా వినకపోతే, పాఠాలపై శ్రద్ద పెట్టకపోతే, అది ఆ స్టూడెంట్ భవిష్యత్తుకు అడ్డంకిగా మారవచ్చును….

కోవిడ్ కారణంగా పరీక్షలు జరిగినా, జరగకపోయినా… పాఠాలలో శ్రద్ద వహించడం విద్యార్ధిగా మన కర్తవ్యం… కర్తవ్యతా భ్రష్టత్వం చెందరాదనేది పెద్దల మాట. కాబట్టి పరీక్షల కోసం మనం చదువుకోవడం లేదు… జీవితంలో ఉన్నత స్థితికి చేరే క్రమంలో ఒక లక్ష్యం ఈ చదువులు వలన ఏర్పడవచ్చును. జీవితం ఉన్నత స్థితికి ఎదిగాక, ఈ చదువులలో గ్రహించిన విషయ పరిజ్ఙానమే ఉపయుక్తం కావచ్చును… కాబట్టి మన చదువుల ప్రధానంగా మనలో పరిజ్ఙానం పెంచడానికి కావునా పాఠ్యవిషయాలలో అవగాహనను పెంచుకోవడానికి కృషి చేస్తూ ఉండాలి…

జీవితంలో నా లక్ష్యం గురించి

మనిషి జీవితంలో నా లక్ష్యం గురించి ఒక వ్యాసం వ్రాయడానికి… మనకు లక్ష్యం ఖచ్చితంగా మనం ఏర్పరచుకున్నదో లేక పెద్దలు చెప్పగా విని మనం ఏర్పరచుకోవడమో… ఏదో ఒక విధంగా లక్ష్యం ఏర్పడుతుంది.

అయితే ప్రతి వ్యక్తి జీవితంలో ఏదో ఒక లక్ష్యం ఏర్పడుతుంది. అది ఆర్ధికంగా బాగా ఎదగాలి అని కొందరికి ఉంటే, మంచి ఉద్యోగం సంపాదించాలి. మంచి స్థాయిగల ఉద్యోగం పొందాలి. క్రీడలలో అగ్రస్థానం సంపాదించాలి… ఏదో ఒక రకంగా ఏదో ఒక రంగంలో ప్రతివారికీ లక్ష్యం ఉంటుంది.

కానీ లక్ష్యం గురించి వ్యాసం వ్రాయడానికి ఆలోచించాలంటే… ముందుగా ప్రతివారు కూడా పెద్దలు నుండి కొన్ని మాటలు విని ఉంటారు. అలా విన్న మాటలు మనం ఇలా ప్రస్తావిస్తూ వ్యాసం వ్రాయడానికి ప్రయత్నించవచ్చును. ఈ క్రింది విధంగా పెద్దల మాటల ప్రకారం సాదారణ జీవితంలో లక్ష్యం ఎలా ఏర్పడుతుందో… వ్యాసం వ్రాయడానికి…

జీవితంలో నా లక్ష్యం ఏర్పడడానికి పెద్దల మాటల ప్రభావం

”లక్ష్యం లేని జీవితం నిరర్ధకం” అంటూ పెద్దలు పలుమార్లు ప్రస్తావించడం నేను విన్నాను. ముఖ్యంగా మనిషిగా జన్మించడం ఒక వరం అయితే, దాని సార్ధకతకు సరైన లక్ష్యం లేకపోవడం దురదృష్టకరం… అంటూ పెద్దలు పలికే పలుకులు నా మనసులో మెదులుతూనే ఉంటాయి.

అలాంటి పెద్దల మాటలు నన్ను ఆలోచింపచేశాయి. దాంతో చిన్ననాడే నా జీవితంలో నాకొక లక్ష్యం ఉండాలి, అని నిర్ణయించుకున్నాను. అయితే అసాధ్యమైన లక్ష్యం ఏర్పరచుకుని సాధించలేకపోవడం వలన నైరాశ్యం ఏర్పడుతుందనే మాటలు మరలా నన్ను ఆలోచింపజేశాయి.

అవును నేను ఉన్న స్థితిలో నా కుటుంబ స్తోమతను బట్టి సాద్యాసాద్యాలు అంచనా వేసుకోకుండా అసాధ్యమైన భారీ లక్ష్యం ఏర్పరచుకోవడం జీవితానికి అంత మంచిది కాదు. అది సాధించలేకపోయినప్పుడు కలిగే నిరాశ, నిస్పృహల వలన జీవితంలో చాలా ఇబ్బందులు ఎదుర్కోవాలి… కాబట్టి నా లక్ష్యం నా ఆర్ధిక స్థితిని బట్టి, నాకు లభించే వనరులను బట్టి ఎంచుకోవాలనే తలంపు పెద్దల మాటల వలన కలిగింది.

ఎందుకంటే వారు అనుభవంతో జీవితంలో ఎదురయ్యే సమస్యల గురించి మాట్లాడుతూ ఉంటారు. అలాంటివారి మాటలు మనం మన లక్ష్యం ఎంచుకోవడం ఉపయోగపడతాయని నాకు నా జీవితంలో లక్ష్యం ఎంచుకునే ప్రక్రియలో తెలియబడింది.

ఇప్పుడు నేను చదువుకుంటున్నాను. క్లాసులో మంచి మార్కులు సాధించే మొదటి పదిమందిలో నేనూ ఒకడిని. కావునా నేను మరింత కృషి చేయడం ద్వారా ప్రధాన పోటీ పరీక్షలలో ప్రధమ స్థానం చేరుకోగలను.

నా జీవితంలో ప్రధమ లక్ష్యం మంచి మార్కులతో నా చదువును పూర్తి చేయడం. ఆ తర్వాత పోటీ పరీక్షలలో సరైన ఫలితం సాధించి, మంచి ఉన్నత స్థానానికి చేరడం… ఆర్ధికపరమైన నా రెండవ లక్ష్యం.

నన్ను పెంచి పోషిస్తున్న నా కుటుంబ సభ్యులందరికీ చేదోడు వాదోడుగా ఉండడంలో వెనుకాడకుండా ఉండాలి. నన్ను నమ్మి నా జీవితంలోకి ప్రవేశించబోయే, నా జీవిత భాగస్వామితో కలిసి ధర్మాచరణలో నాకర్తవ్యం నేను నిర్వహిస్తూ ఉండడం నా ప్రధాన జీవిత లక్ష్యం…

ఆర్ధిక సంపాదన ధర్మబద్దంగా ఉండడమే నిజమైన సంపాదన అని పెద్దలు చెబుతూ ఉంటారు. కావునా నేను సంపాదించే ప్రతి రూపాయి నా కష్టార్జితమే ఉండాలని భావిస్తాను.

జీవితంలో నా లక్ష్యం ఐఏఎస్ అయితే వ్యాసం

నా జీవితంలో నాకు ఐఏఎస్ అధికారి కావాలనే ఆశయం ఎలా ఏర్పడిందో… వివరిస్తాను. నేను పుట్టినది మద్యతరగతి కుటుంబం. కానీ నేను బాగా చదవాలని, మానాన్నగారు నాతో చెబుతూ ఉండేవారు.

అయితే నేను పదవతరగతి చదువుతున్న సమయంలో, ఒకరోజు మానాన్నగారు పిలిచి నాతో మాట్లాడారు…

”ఓరేయ్… కృష్ణా… నేను మంచి ప్రభుత్వ ఉద్యోగం సంపాదించాలని ప్రయత్నించి, దానిని సాధించలేకపోయాను….అప్పుడు నేను నిశ్చయించుకున్నాను… నాకొడుకుని ఖచ్చితంగా ప్రభుత్వ ఉద్యోగిని చేయాలని… ఇప్పుడు నీవు చదువుతున్నది పదవతరగతి… ఈ తరగతిలో నీకు వచ్చిన మార్కులు నీ చదువుకు పునాదిగా మారతాయి… నీవు బాగా చదువుకుంటే, నీకు ప్రభుత్వ ఉద్యోగానికి అవసరమైన చదువు లేదా అంతకన్నా ఎక్కువ చదువు అయినా సరే… నేను నిన్ను చదివిస్తాను… మంచి మార్కులు తెచ్చుకో… ” అని నాతో మాట్లాడిన మానాన్నగారి మాటలు నన్ను ఆలోచనలో పడేశాయి.

మానాన్నగారు బాగా చదువుకునేవారని మాతాతగారు చెబుతూ ఉండేవారు. కానీ మానాన్నగారు ప్రభుత్వ ఉద్యోగం సంపాదించలేకపోవడానికి ఏదో ఆర్ధికపరమైన అడ్డంకి కావచ్చును… అటువంటి అడ్డంకులు లేకుండా ప్రభుత్వం ఉద్యోగం సంపాదించాలంటే మంచి ప్రతిభ ఆధారంగా వచ్చే ఉద్యోగాలకు ప్రయత్నించాలి… మంచి హోదా కలిగిన ఉద్యోగం సంపాదించాలి… అని నిశ్చయించుకున్న… నాకు మా టీచర్ గారి మాటలు నా లక్ష్యం ఏది కావాలో నాకు సూచించాయి.

”చూడండి… జీవితంలో పొజిషన్ చాలా ఇంపార్టెంట్… మనం ఎటువంటి పొజిషన్ కు వెళ్ళాలని ఎంత బలంగా భావిస్తామో, మనం జీవితం కూడా ఆ పొజిషన్ వైపుకు పరుగులు పెడుతుంది. పొజిషన్ అంటే… పని చేయడం, పని చేయించడం, పని చేయించేవారిని కూడా నియంత్రించే అధికారం కలిగి ఉండడం… ఇలా రకరకాలుగా హోదాలు ఏర్పడుతూ ఉంటాయి. పని చేయడానికి పని తెలిసి ఉంటే, చాలు ఎవరో ఒకరి వద్ద పనికి కుదురుకోవచ్చును… కానీ పని చేయించాలి అంటే విధి విధానాలు తెలిసి ఉండాలి…. ఆయా రంగాలలో నైపుణ్యతను సాధించాలి… అందుకు అవసరమైన విద్యను అభ్యసించాలి… ఇంకా వివిధ రంగాలలో పనిని చేయించే అధికారులను సైతం నియంత్రించే ఒక ప్రాంతం మొత్తానికి శాసనాధికారిగా మారాలంటే, గ్రూప్ 1 వంటి పరీక్షలలో ఉత్తమ ఫలితాలు సాధించాలి… మన లక్ష్యం, మన పట్టుదల, మన సాధన మన జీవితాన్ని శాసిస్తాయి… నిర్ణయించుకోండి… భవిష్యత్తులో ఎటువంటి జీవితం కావాలనుకుంటున్నారో….” ఈ మాటలతో నాకు బలమైన నిశ్చయమే కలిగింది… అదే ఐఏఎస్ అధికారి కావాలనే కాంక్ష మొదలైంది…

జీవితపు లక్ష్యంపై మన జీవితంలో మన చుట్టూ ఉండేవారి ప్రభావం ఉండవచ్చు

జీవితంలో నా లక్ష్యం గురించి నాకు ఒక అవగాహన ఉంది. దానికి ప్రతిపాదిక ఫలానా సమయంలో ఫలానావారి మాటలు నా ఆలోచనలకు ఊతం ఇచ్చాయి… అంటూ కొందరు నిర్ధేశించుకున్న తమ జీవిత లక్ష్యం గురించి మాట్లాడుతూ ఉంటారు.

అంటే ప్రతి వ్యక్తి జీవితంలోనూ… తమ చుట్టూ ఉండేవారి ఆలోచనలు వలన కానీ బలమైన సంఘటనల వలన కానీ లక్ష్యం ఏర్పడవచ్చును… జీవితంలో ఏ లక్ష్యము లేకుండా తిరిగేవారిలో కూడా ఎవరో ఒకరి ప్రభావం వలన వారికి లక్ష్యం ఏర్పవచ్చును.

సహజంగానే లక్ష్యం లేకుండా జీవితం ఉండదు… అలా ఉందంటే ఆ జీవితం నిరర్ధకం అంటూ పెద్దలు సంబోదిస్తూ ఉంటారు.

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

స్వశక్తి చేత ఏ పనులనైనా సాధించవచ్చునా?

స్వశక్తి చేత ఏ పనులనైనా సాధించవచ్చునా? అవును స్వశక్తి చేత పనులను సాధించుకోగలమని పెద్దలు చెబుతూ ఉంటారు. తనను తాను నమ్మిన వ్యక్తి, తన శక్తిపై తనకు సంపూర్ణ అవగాహన కలిగి ఉంటారు. అవగాహనా రాహిత్యం లేకపోవడం వలన కార్యములు విజయవంతంగా ప్రారంభించగలరు.

తనకు తెలిసి ఉన్న విషయములలోనే తనకున్న పరిజ్ఙానం చేత, తను చేయగల పనులను ప్రారంభించడంతో కార్యసాధనకు బీజం పడుతుందని అంటారు.

ఒక వ్యక్తి బాగా లెక్కలు చేయగలడు… అంటే అతనికి లెక్కలు గురించి మంచి అవగాహన ఉంది… లెక్కలు గట్టడంలో అతను తప్పు చేయడు… ఇంకా లెక్కలుగట్టే అంశంలో తన స్వంత అభిప్రాయానికి ప్రాదాన్యతనిస్తాడు… తద్వారా తన నిర్ణయం అమలు చేసి విజయవంతం అయ్యాక, మంచి గుర్తింపును పొందగలడు.
లెక్కలు గట్టడం అతని స్వశక్తి…

మరొకరు బాగా పాడగలడు. తన గొంతుతో ఎందరినో మెప్చించగలడు… తనకున్న శక్తికి మరింత సాధనను జోడించడం ద్వారా… అతను గొప్ప గాయకుడు కాగలడు.
పాడడం అతని యొక్క స్వశక్తి

ఇలా ఎవరైనా సరే ఏదో ఒక రంగంలో ఏదో ఒక అంశంలో స్వతహా మంచి నైపుణ్యతను కలిగి ఉంటారు. ఆ నైపుణ్యతే అతనికి స్వశక్తిగా ఉంటుంది. అయితే అటువంటి స్వశక్తికి సాధన తోడైతే, తన స్వశక్తి చేత తాను జీవితంలో ఉత్తమ స్థితికి చేరగలడని అంటారు.

స్వశక్తిని గుర్తించడం చేత, తన ప్రయత్నంతో మంచి ఫలితాలు పొందగలరు.

ప్రతి వ్యక్తికి ఒక నైపుణ్యత ఉంటే, ఆ వ్యక్తి తన శక్తి ఏమిటో తెలుసుకోగలగడం ప్రధానమైన అంశం.

ఏదో ఆలపనగా పాడేవారు… ఉంటారు. యాధాలాపంగా పాడుతూ పనులు చేసుకుంటూ ఉంటారు. తమకు పాట పాడగలిగే శక్తి ఉందని తెలుసుకోవడం కన్నా, వారు పాడుతూ ఆనందంగా తమ పనులను సమకూర్చుకుంటూ లేదా తమ దైనందిన జీవనం సాగిస్తూ ఉంటారు. అటువంటి వారు తమ పాడడంలో ఎందుకు సాధన చేయకూడదు? అనే ప్రశ్న ఉదయిస్తే, అతని శక్తి అతను గుర్తించినట్టేనని అంటారు.

కొందరు సునిశితంగా పరిశీలించగలరు. కొందరు బాగా పరుగెత్తగలరు. కొందరు బాగా ఉపన్యసించగలరు. కొందరు బాగా వివరిస్తూ విషయాన్ని విశిదీకరించగలరు. కొందరు బాగా ఆడగలరు…. ఇలా తమ తమ స్వశక్తిని యాధాలాపంగానే ఉపయోగిస్తూ ఉంటారు…. తమకున్న ప్రత్యేకతను తాము గుర్తించి, ఆ ప్రత్యేకతకు సాధన తోడైతే, మరింత మంచి ఫలితాలు పొందవచ్చని అంటారు.

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

కుటుంబంలో మనమనే భావన బలమవుతుంది

కుటుంబంలో మనమనే భావన బలమవుతుంది. అలా కాకుండా మనమనే భావన కొరవడితే, అది కుటుంబంలో బంధాలను బలహీనపరుస్తుంది. కావునా కుటుంబంలో సభ్యులందరిలోనూ మనమనే ఏక భావన ఉండడం, ఆ కుటుంబానికి శ్రేయష్కరం అంటారు.

మనమనే ఐక్యతా భావన ఒక కుటుంబానికి బలమైన భావనగా చెబుతారు. కుటుంబ సభ్యులంతా కుటుంబ పెద్ద మాటకు కట్టుబడి ఉండడం వలన, సదరు కుటుంబానికి సమాజంలో ఆకుటుంబ పెద్దకు మంచి విలువ ఉంటుంది. ఇంకా ఆ కుటుంబంలో సభ్యులంతా మనమనే భావనతో ఉండడం చేతనే, ఒకరి మాటను సభ్యులంతా మన్నిస్తారని అంటారు. అంటే కుటుంబంలో మనమనే ఐక్యతా భావన కుటుంబానికి సమాజంలో మంచి గుర్తింపును సాధించగలదు.

మన అనే భావన వలన అందరికీ అది మనోధైర్యం కూడా కాగలదని అంటారు. అది ఎలా ఉంటుందంటే…. పది ఎండు కట్టెలను కలిపి కట్టిన మోపును అలానే విరిచివేయడానికి కష్టం కానీ పది ఎండు కట్టెల మోపును ఊడదీసి విడి విడిగా ఒక్కొక్క కట్టెను సులభంగా విరిచివేయవచ్చును… కాబట్టి కుటుంబంలో మన అనే భావన కుటుంబంలోని అందరికీ రక్షణగా ఉంటుంది… అదే బలమవుతుంది.

అలా కాకుండా ఎవరికివారే యమునా తీరు అన్నట్టుగా అంతా మన అనే భావనకు విలువ ఇవ్వనప్పుడు… అదే కుటుంబానికి బలహీనమవుతుంది. ప్రత్యర్ధులు చాలా సులభంగా కుటుంబంలోని వ్యక్తులను లక్ష్యంగా చేసుకుని విజయం సాధించడానికి అవకాశం ఎక్కువగా ఉంటుంది.

కాబట్టి కుటుంబంలో మన అనే ఐక్యతా భావన ఆ కుటుంబానికి మంచి బలం అగుతుంది. అలా కాకుండా ఎవరి మాటకు వారు పంతం పట్టి ఉంటే, ఆ కుటుంబ పెద్ద మాటకు ఆ కుటుంబంలోనూ విలువ ఉండదు… అదేవిధంగా సమాజంలోనూ కుటుంబ పరపతి తగ్గుతూ ఉంటుందని అంటారు.

ఇంకా కుటుంబంలో పెద్దవారిని చూసి పిల్లలు అనుసరించే స్వభావం గలిగి ఉంటారు. కావునా కుటుంబంలో అంతా ఒక మాటకు కట్టుబడి లేకపోతే, భవిష్యత్తులో పిల్లలకు కూడా స్వతంత్ర భావాలు బలంగా పెంచుకుంటారు. అయితే అవి చెడు స్వభావాలు అయితే, పిల్లల భవిష్యత్తు, కుటుంబ భవిష్యత్తు కూడా ఆగమ్యగోచరంగా మారుతుంది.

కావునా ఏదైనా ఒక కుటుంబంలో సభ్యులంతా మన అనే భావనను కలిగి ఉండాలని అంటారు. కుటుంబ పెద్ద మాటకు కట్టుబడి ఉంటూ, సమాజంలో తమ కుటుంబ పరపతి పెరగడానికి కుటుంబ సభ్యుల కృషి అవసరం అంటారు.

దీర్ఘకాలిక ప్రణాళికలు తాత్కాలికంగా కాలహరణం

దీర్ఘకాలిక ప్రణాళికలు తాత్కాలికంగా ఇచ్చే ఫలితాలు ఉండవు. కాలహరణం కూడా చేస్తాయి. విమర్శలుపాలు అవుతాయి. ఇలా ముందుగానే నెగటివ్ ప్రభావాన్ని దీర్ఘకాలిక ప్రణాలికలు పొందే అవకాశం కూడా ఉంటుంది.

దీర్ఘకాలిక ప్రణాలికల ఫలితం తొలుత చిన్న ప్రకాశం మాదిరిగానే కనబడుతుంది. ప్రయత్నం చేయగా, దీర్ఘకాలంలో ప్రకాశం ఎందరికో వెలుగును చూపగలదు.

మారుతున్న కాలంలో వేగంగా ఫలితాలను పొందుతున్న రోజులలో దీర్ఘకాలిక చర్యలు అందరికీ సంతృప్తికరంగా అనిపించకపోవడంలో ఆశ్చర్యపడనవరం లేదని అంటారు.

అయితే అన్నింటిలోనూ దీర్ఘకాలిక చర్యలు తగదని కూడా చెబుతారు. అవసరమైనా తాత్కాలిక చర్యలు తప్పవని, అనసరమైన చోట తాత్కాతిక చర్యలతో సరిపెట్టుకోవడం వలన దీర్ఘకాలిక ఫలితాలు ప్రభావం చూపలేవని కూడా చెబుతారు.

వ్యక్తి సాదారణ జ్వరం వస్తే, తాత్కాలిక ఉపశమనం కోసం అందుబాటులో ఉన్న సాదారణ వైద్యుడి దగ్గరకు వెళ్ళడం పరిపాటి… ఆ వైద్యుడి వైద్యం వలన జ్వరం తగ్గే అవకాశాలు ఎక్కువ. అయితే వ్యక్తికి తరచూ జ్వరం రావడం అంటే, అది దీర్ఘకాలికంగా శరీరంపై ఏదో దుష్ప్రభావం చూపనుందని గ్రహించక, సాదారణ వైద్యంతో తాత్కాలికంగా మందులు వాడుతూ ఉండడం వలన దీర్ఘకాలంలో శరీరం అస్తవ్యస్తతకు గురయ్యే ప్రమాదముంటుంది.

అందుకే అవసరం, అవకాశం, సమస్య తీవ్రతను బట్టి చర్యలు తాత్కాలికమా… దీర్ఘకాలికమా అని అంచానా వేసుకోవాలని పెద్దలంటారు.

సైకాలజీ ప్రకారం చూసినా ఒక వ్యక్తికి దీర్ఘకాలిక ప్రణాళిక ఉండడం

ఎప్పుడూ ఇన్ స్టంట్ రిజల్ట్స్ అలవాటు పడిన మనసుకు వెయిట్ చేయవలసిన సమయంలో వెయిట్ చేయడానికి ఒప్పుకోదు అంటారు. ఇలా సైకాలజీ ప్రకారం చూసినా ఒక వ్యక్తికి దీర్ఘకాలిక ప్రణాళిక ఉండడం వలన వెయిట్ చేయడం లేదా ఓపిక పట్టడం లేదా సహనంతో ఉండడమనే గుణం పెరిగే అవకాశం ఉంటుందని పెద్దలు అంటారు.

కానీ దీర్ఘకాలిక చర్యలు లేదా ప్రణాళికలు ఎప్పుడూ తాత్కాలిక ఫలితాల సమయం అంతా హరిస్తున్నట్టుగానే కనబడతాయి. కానీ దీర్ఘకాలంలో ఫలితాలు అందిస్తున్నప్పుడు మాత్రం అవి విరివిగా అందిస్తాయి.

మామిడి మొక్కలు, కొబ్బరి మొక్కలు మొక్కలుగా ఉన్నప్పుడు కాయలు కాయడం అరుదు… అవి చెట్లుగా ఎదిగాకా మాత్రం దీర్ఘకాలంపాటు ప్రతి ఏడాది కాయలు కాయడం జరుగుతుంది. దీర్ఘకాలిక ఆదాయంగా కూడా ఉంటాయి. కానీ కొంతకాలం పాటు వాటికి సమయం కేటాయించాలి… నీరు, ఎరువులు వాటికి అందించాలి.

ఆసక్తిని బట్టి వార్తలు వస్తున్నాయా?

నేటి నీ కృషి రేపటికి నీకు

ఆంధ్రప్రదేశ్ ఉప ముఖ్యమంత్రి ఎవరు?

అబద్దం చెప్పిన వారి విలువను తగ్గిస్తుంది?

అభివృద్దికి ఆటంకాలు అంటే ఏవి?

అసత్య ప్రచారాలు వాస్తవాలు గురించి

వ్యక్తి వ్యక్తిత్వం అంటే ఏమిటి

వ్యక్తి వ్యక్తిత్వం అంటే ఏమిటి ! అంటే వ్యక్తి యొక్క తత్వమును తెలియజేయునదిగా చెప్పబడుతుంది. సమాజంలో వ్యక్తి తన యొక్క తత్వముతో ప్రభావం చూపుతూ ఒక గుర్తింపును పొందుతూ ఉంటే, ఆ తత్వమును అతని యొక్క వ్యక్తిత్వముగా చెబుతూ ఉంటారు.

వ్యక్తిత్వంలో వ్యక్తి యొక్క లక్షణాలు, గుణాలు, అభిరుచులు మొదలైనవి మిళితమై ఉంటాయి. వ్యక్తి తనకు ఉన్న విశిష్టమైన లక్షణాల వలన, గుణాలు వలన, అభిరుచుల వలన తన యొక్క ప్రవర్తనతో వివిధ పరిస్థితులలో వివిధ విధాలుగా గుర్తింపు పొందుతూ ఉంటాడు. అయితే వ్యక్తి అన్ని చోట్లా అన్ని వేళలా శోభించే గుణాలు, లక్షణాలు అతని యొక్క స్వభావముగా గుర్తింపు పొంది, అది ఆ వ్యక్తి యొక్క విశిష్ట తత్వముగా గుర్తింపు పొందుతుంది.

మనిషి యొక్క వ్యక్తిత్వమును పూర్తిగా ప్రభావితం చేసే అతని యొక్క మనసు మాత్రమే. ఎవరి మనసు వారి యొక్క ప్రవర్తనకు కారణం కాగలదని అంటారు. మనసులో ఏర్పడిన భావాలు, మనసులో గుర్తుగా మారిన సంఘటనలు, మనసులో గుర్తించబడిన విషయాలు, మనసులో కదులుతు ఆలోచనలు కలిసి సంఘర్షణగా మారుతుంటే, మనిషి యొక్క చేతలు తదనుగుణంగా ఉంటూ ఉంటే, తత్పరిణామ ఫలితమే మనిషికి ఒక గుర్తింపు పొందగలగడంలో మనసు తన ప్రత్యేకతను చాటుతుంది. ఇందుకు ఆ మనిషి చుట్టూ ఉంటే పరిస్థితలు, వ్యక్తులు కూడా బాగస్వామ్యం కాగలవు.

వ్యక్తి వ్యక్తిత్వం పై ప్రభావం

గుర్తింపు పొందిన వ్యక్తి యొక్క మనసు తన గుర్తింపును కొనసాగించడానికి ఆలోచనలు చేస్తుందని అంటారు. అలాగే అతనికి గుర్తింపును ఆపాదించినవారు కూడా సదరు ఆలోచనలకు కారణం కాగలరు. మొత్తానికి వ్యక్తి యొక్క వ్యక్తిత్వం పెరుగుతున్న పరిస్థితులలో నేర్చుకున్న విషయ పరిజ్ఙానం, స్నేహం చేస్తున్న వ్యక్తుల, సంరక్షణ చేస్తున్న వ్యక్తుల ప్రభావంతో పాటు తన మనసు యొక్క స్పందనలు అనుసరించి… వ్యక్తిత్వం ఏర్పడుతూ… ఉంటుంది.

ఒక్క పూటలోనూ… ఒక్క నెలలోనూ వ్యక్తిత్వం ఏర్పడదు… అది పెరుగుతున్న వయస్సు నుండి… తన చుట్టూ ఉన్న వ్యక్తుల మరియు పరిస్థితుల ప్రభావం ప్రకారం ప్రతిస్పందిస్తున్న తీరు బట్టి వ్యక్తిత్వం ఏర్పడుతుంది. ఒక్కసారి గుర్తింపు పొందిన వ్యక్తిత్వం జీవితకాలంపాటు కొనసాగుతుంది.

ఆసక్తులు, ఆశలు, కోరికలు, కోరికలు తీర్చుకోవడానికి సహకరిస్తున్నవారు, కోరికలు తీర్చుకోవడంలో భాగస్వాములు అవుతున్నవారు, కోరికలకు కారణం అవుతున్నవారు… ఆశలు కల్పిస్తున్నవారు… ఆశలు సృష్టిస్తున్న పరిస్థితులు, ఆశలకు కారణం అవుతున్నవారు… ఇలా ఏదైనా ఒక స్వభావం వృద్ది చెందడానికి వ్యక్తి మనసుతో బాటు సమాజం కూడా కారణం కాగలదు.

వ్యక్తిని బట్టి సమాజం దృష్టి, సమాజం తీరుని బట్టి వ్యక్తి

లోకంలో వ్యక్తిని బట్టి సమాజం దృష్టి, సమాజం తీరుని బట్టి వ్యక్తి ప్రవర్తన ఉంటుందని అంటారు. సమాజంలో వ్యక్తి జీవించాలి. కాబట్టి సమాజంలోని పోకడలు గమనిస్తూ, తన అవసరాల కొరకు తను మాట్లాడవలసినవారితో మాట్లాడుతూ, పనిచేయవలసిన చోట పని చేస్తూ, పని చేయించవలసిన చోట పని చేయిస్తూ… సమాజంలో తన యొక్క మనుగడకు తను ప్రవర్తించే ప్రవర్తన ఆధారంగా గుర్తింపు పొందే వ్యక్తి స్వభావం లేదా వ్యక్తిత్వంగా ఉంటుంది.

మనసుకు బాగా దగ్గరగా మెసిలేవారికి వ్యక్తి యొక్క పూర్తి వ్యక్తిత్వం తెలియబడుతుంది. ఎక్కువమందికి వ్యక్తి యొక్క వ్యక్తిత్వంలో కొన్ని గుణాలు మాత్రమే తెలియబడతాయి.

ఒక సినిమా హీరో నటనా చాతుర్యం ఒక విశిష్ట గుణం అయితే, అది సినిమా ప్రేక్షకులందరికీ తెలియబడుతుంది. కానీ ఆ సినిమా హీరోయొక్క వ్యక్తిత్వం గురించి మాత్రమే అతనికి బాగా దగ్గరగా మెసిలే మనుషులకే తెలియబడుతుంది.

పాపులారిటీని బట్టి వ్యక్తి యొక్క వ్యక్తిత్వం పూర్తిగా అంచనా వేయలేం…. అలాగే వ్యక్తిని బాగా దగ్గరగా పరిశీలించేవారికి మాత్రమే పూర్తి స్థాయి వ్యక్తిత్వం తెలియబడుతుంది. వారికే అతని యొక్క మంచి మరియు చెడు ఆలోచనల తీరు తెలియబడుతుంది.

ఒక వ్యక్తి వ్యక్తిత్వం మరొక వ్యక్తి వ్యక్తిత్వం

లోకంలో ఒక వ్యక్తి వ్యక్తిత్వం మరొక వ్యక్తి వ్యక్తిత్వం ఒకదానితోఒకటి ప్రభావం చూపగలవు.

ఇద్దరు వ్యక్తులు: ఏ అను ఒక వ్యక్తి, బి అను మరొక వ్యక్తి ఉన్నారనుకుంటే.

ఏ అను వ్యక్తి మనసులో పుట్టిన ఒక ఆలోచన బి అను వ్యక్తి మనసుపై ప్రభావం చూపింది. అప్పుడు బి అను వ్యక్తి యొక్క మనసు ప్రతిస్పందించడంలో వలన ఏ అను వ్యక్తి మనసు ప్రభావితం అవుతుంది. మరలా ఏ అను వ్యక్తి ప్రతిస్పందిస్తే, తిరిగి బి అను వ్యక్తి ప్రతిస్పందించడం జరుగుతుంది. ఇలా… ఇద్దరు వ్యక్తుల మద్య స్పందనలు ఉండవచ్చును.

అలా సమాజంలో ఇద్దరు వ్యక్తుల మద్య సంబంధాలు ఉంటాయి. ప్రతి వ్యక్తికి వివిధ వ్యక్తులతో బంధమేర్పడి ఉంటుంది. ఒక వ్యక్తికి… అన్న లేక తమ్ముడు, అక్కా లేకా చెల్లెలు, బావ లేక బావమరిది, మేమమామ, మేనత్త, మామగారు, అల్లుడుగారు, చిన్నాన్న, పెదనాన్న, పిన్నమ్మ, పెద్దమ్మ… ఇలా రకరకాల బంధాలతో వ్యక్తి మనసు ఎదుగుతూ… తను గ్రహించిన విషయాల వలన, తను గుర్తు పెట్టుకున్న సంఘటనల వలన, తనపై ప్రభావం చూపిన పరిస్థితులతో బాటు… నేర్చిన విద్యాబుద్దుల వలన వ్యక్తి వ్యక్తిత్వం ప్రభావితం అవుతూ ఉంటుంది.

మనసు ఒక సముద్రం అయితే, సముద్రపు నీరు ఉప్పగా ఉంటుంది. సముద్రపు అలలు ఆనందాన్నిస్తాయి. సముద్రపు లోతు ఎరుగము. సముద్రం పౌర్ణమినాడు పోటెత్తుతుంది. సముద్ర పొంగితే, అది వికృత ప్రభావం చూపుతుంది… అలా సముద్రం గురించి చెబుతూ ఉంటారు. అలా ఒక మనిషి గురించి చెప్పేటప్పుడు అతనికి విశిష్టంగా వ్యక్తిత్వం అను సర్టిఫికెట్ లభిస్తుంది.

మన చుట్టూ మనకో మార్గదర్శకుడు

మన చుట్టూ మనకో మార్గదర్శకుడు ఉంటారు. ఈ వ్యాక్యం ఆధారంగా ఒక వ్యాసం వ్రాయాలంటే, మన చుట్టూ ఉండే పరిస్థితుల గురించి మనకో అవగాహన ఉండాలి. మన చుట్టూ ఉండే పరిస్థితులలో, ఆ పరిస్థితులను ప్రభావితం చేసేవారు ఎవరెవరు ఉన్నారో తెలిసి ఉండాలి. ఇంకా ఎవరెవరు ఎటువంటి ప్రభావం చూపుతున్నారో తెలియబడి ఉండాలి. ఇలా మన చుట్టూ ఉన్న స్థితి మనకు అవగాహన ఉంటే, మన చుట్టూ మనకో మార్గదర్శకుడు కనబడతారు.

ఒక వ్యక్తి చుట్టూ ఒక అనేక పరిస్థితులు ఏర్పడుతూ ఉంటాయి. అనేకమంది వ్యక్తుల ప్రభావం ఒక వ్యక్తిపై పడుతూ ఉంటుంది. చాలామంది మాటలు ఒక వ్యక్తి మనసులో మెదులుతూ ఉంటాయి.

సాదారణ జనులలో మార్గదర్శకుడు

ఎప్పుడైనా ఎక్కడైనా ఒక ప్రాంతంలోనైనా ఒక ప్రదేశంలోనైనా సాదారణ జనులు ఉంటారు. చెడు ప్రవర్తన కలిగినవారుంటారు. ఇంకా సత్ప్రవర్తన కలిగినవారుంటారు. అలాగే విద్యార్ధులు ఉంటారు. విద్యార్ధులు అంటే అభ్యసిస్తూ, గమనిస్తూ, పరిశీలనలో అనేక విషయాలలో విజ్ఙాననమును సముపార్జించుకుంటారు. అలా గమనించే విద్యార్ధుల దృష్టిలో ఎటువంటివారు ఎక్కువగా మెదులుతూ ఉంటారో, అటువంటి ఆలోచనలే విద్యార్ధుల మదిలో మెదులుతూ ఉంటారు.

సాదారణ జనులకు ఉండే లక్ష్యాలు కుటుంబ లక్ష్యాలే ఉంటాయి. తమ తమ కుటుంబం బాగుకోసం పాటుపడేవారు ఉంటారు.

ఇంకా సమాజంలో మంచి స్థితిని పొందినవారుంటారు. వారు ధనం వలన కానీ అధికారం వలన కానీ మంచి గుర్తింపు పొంది ఉంటారు. వారిని చూడడం వలన కలిగే ఆలోచనలు కూడా అలాగే ఉంటాయి. అంటే ఒక ధనవంతుడిని చూస్తే, ధనం ఉండడం వలన సమాజంలో ఎటువంటి స్థితి? ఉంటుందో తెలియబడుతుంది. అలాగే ఒక అధికారిని గమనిస్తే, ప్రభుత్వ అధికారం ఉంటే, సమాజంలో ఎటువంటి గుర్తింపు ఉంటుందో తెలియబడుతుంది. ఇలా సమాజంలో వ్యక్తికి ఏదో స్థితిని పొంది ఉంటారు.

దేశంలో ఒక కాలంలో ఒకరే ప్రధాని ఉంటారు. అలాగే ఒక రాష్ట్రములో ఒక కాలంలో ముఖ్యమంత్రిగా ఒకరే ఉంటారు. ఇలా పెద్ద పెద్ద స్థాయి కలిగినవారిని మార్గదర్శకంగా పెట్టుకుంటే అదే అసాధ్యంగానే అనిపిస్తుంది. అయితే క్రమశిక్షణతో తోటివారిలో ముందు మంచి గుర్తింపు పొందడం వలన జీవితంలో ఉత్తమ స్థానానికి వెళ్ళవచ్చును.

సాధ్యమయ్యే లక్ష్యాలలో మన చుట్టూ మనకో మార్గదర్శకుడు ఉంటారు.

క్రమశిక్షణ కొరకు అయితే మనతో ఉండే సహవాసంలో కనబడవచ్చును.

ఆచారంలో మన ఇంటి పెద్దలలో కనబడవచ్చును.

చదువులో మన తోటివారిలో కనబడవచ్చును.

వినయం అంటే మన చుట్టూ మంచివానిగా గుర్తింపు పొందినవారిలో చూడవచ్చును.

ఇలా రకరకాల విషయాలలో మన చుట్టూ మనకు మార్గదర్శకుడు కనబడతారు.

మన చుట్టూనే ఉండేవారిలోనే మనకొక మార్గదర్శకుడుని ఎంచుకుంటే

ముందుగా నరేంద్రమోదీగారినే మనం ఒక మార్గదర్శకులుగా పెట్టుకుంటే, ఆయన అనుభవాలు తెలుసుకోవాలనే తాపత్రయం మొదలు అవుతుంది. అప్పుడు నరేంద్రమోదీగారినే అడిగి తెలుసుకోవాలంటే, ఆయనను కలవడం అందరికీ సాద్యం కాదు.

అదే మన చుట్టూనే ఉండేవారిలో మంచి గుణములు కలిగి ఉన్నారనే కీర్తి కలిగినవారినే మార్గదర్శకంగా భావిస్తే, మనకు అందుబాటులోనే ఉంటారు…. కాబట్టి పరిచయస్తుల ద్వారా మనం మనము ఎంచుకున్న మార్గదర్శకులను కలిసి మాట్లాడవచ్చును. అనేక విషయాలు తెలుసుకోవచ్చును. ఇంకా పెద్ద విషయం ఏమిటంటే, ఇద్దరూ ఒకే ప్రాంతం వారు కావడం వలన సామాజిక పరమైన అనుభవసారం కూడా తెలియబడుతుంది.

అందుకే తాత్కాలికంగా మన చుట్టూ మనకో మార్గదర్శకుడు ఉండాలని అంటారు.

సమయం ఎందుకు వృధా చేసుకోకూడదు

సమయం ఎందుకు వృధా చేసుకోకూడదు. సమయం అంటే కాలం. కదిలే కాలం చాలా విలువైనది. ఎంత విలువైనది అంటే మనకొక నానుడి కూడా ఉంది. అదేటంటే కాలం కాంచన తుల్యం అని అంటారు. అంటే క్షణ కాలం అయినా బంగారంతో సమానమని అంటారు.

సంపాదించేవారు ఎప్పుడూ సమయానికి ప్రాధన్యతనిస్తారు. వారు చేసే దినచర్య ఎట్టి పరిస్థితుల్లోనూ సరైన సమయపాలనను పాటిస్తారు. అందుకే వారు కాలాన్ని ధనముగా మార్చగలరు.

ఏది చేయాలన్నా మనకున్న కాలంలోనే సాధ్యం. మనం లేని కాలంలో ఏంజరుగుతుందో మనకు తెలియదు. మనము ఉన్న కాలంలో మనము కాలాన్ని ఎలా సద్వినియోగం చేసుకుంటామో…. ఆ తర్వాత కాలంలో కూడా మన జ్ఙాపకాలు మిగిలి ఉంటాయని అంటారు.

ప్రధమశ్రేణికి కోసం ప్రయత్నించే విద్యార్ధి ప్రతీ క్షణమును విద్యలోని విషయాల గురించి ఆలోచన చేస్తూ ఉంటాడు.

ఏదైనా ఆటలో ఉన్నత స్థితిని కోరుకునేవారు, ప్రతిక్షణం సాధనకోసం వినియోగిస్తూ ఉంటారు.

ఒక శాస్త్ర పరిశోధనలో నిమగ్నమైనవారు, ప్రతిక్షణం కూడా పరిశోధనాత్మ దృష్టితోనే ఉంటారు.

వ్యవసాయదారుడు నిత్య పంటపొలాల పర్యవేక్షణకు ప్రధాన్యతనిస్తారు….

ఇలా సమయాన్ని తగువిధంగా ఉపయోగించుకున్నవారు, తమ జీవితంలో తాము అనుకున్న ప్రతిఫలం పొందుతారు. అందువలననే సమయాన్ని వృధా చేసుకోకూడదని అంటారు.

రైతు తనకున్న సమయాన్ని సరిగ్గా సద్వినియోగం చేయడం వలన పంటను బాగా పండిస్తాడు. అలా ఎక్కువమంది రైతులు ఈ విధంగా తమ సమయాన్ని సద్వినియోగం చేయడ వలన తగిన ఆహార పదార్దాలు సమాజంలో సమృద్దిగా లభిస్తాయి.

ఒక శాస్త్రజ్ఙుడు తనకున్న సమయాన్ని సరిగ్గా సద్వినియోగం చేయడం ద్వారా ఒక కొత్త విషయాన్ని సమాజానికి పరిచయం చేయగలడు.

అలాగే ఒక ఆటగాడు తనకున్న సమయాన్ని వృధా చేయకుండా వినియోగించుకోవడం వలన తన ఆటలో తాను ప్రపంచస్థాయి గుర్తింపు పొంది, తను కీర్తి గడించగలడు. అలాగే తన కుటుంబ సభ్యులకు కూడా గౌరవం అందించగలడు.

ఈ విధంగా కొందరు తమ తమ సమయాలను సరిగ్గా ఉపయోగించుకోవడం వలన వారు కీర్తిని గడించడమే కాకుండా తమతో కలిసి ఉండేవారికి కూడా గౌరవమును, గుర్తింపును తీసుకురాగలరు. కావునా కాలం కాంచన తుల్యం అంటారు. అందుకే సమయం వృధా చేసుకోకూడదు అంటారు.

జీవనశైలి వ్యక్తి ఆరోగ్యం ఉంటుంది

జీవనశైలి వ్యక్తి ఆరోగ్యం ఉంటుంది. ఎందుకంటే సమయానికి శ్రద్దతో ఆహారం స్వీకరించేవారు శక్తివంతులుగా ఉంటారు. సమయానికి ఒత్తిడి కారణంగా ఆహారం స్వీకరించక ఉండేవారు బలహీనతను కొని తెచ్చుకుంటారు.

జీవనశైలి వలన వచ్చు వ్యాధులు, వ్యక్తికి వచ్చు వ్యాధులు వ్యక్తి జీవనశైలిని బట్టి ఉంటుందని అంటారు. ఆరోగ్యానికి మంచి ఆహారం తీసుకునేవారి జీవనశైలితో వారు సంతోషంగా ఉండగలరు. ఒత్తిడికి తలొగ్గి కనీస సమయపాలన కూడా పాటించిన జీవనశైలి గలవారు అనారోగ్యవంతులు అవుతారని అంటారు. అంటే ఎవరి ఆరోగ్యం వారి జీవనశైలిని బట్టి ఉండవచ్చును.

మాములూగానే గాలి వలన కొన్ని వ్యాధులు కలగవచ్చును. అంటే అంటువ్యాధులు ప్రభలినప్పుడు గాలి ద్వారా వ్యాదిసోకే అవకాశం ఉంటుంది. రకరకాల వ్యాధులు సమాజంలో పుడుతూ, పెరుగుతూ ఉంటాయి. కారణం కాలుష్యం ఎక్కువ అవుతుంది కాబట్టి. కావునా మనిషి తన జీవనశైలి సరిగ్గా ఉండకపోతే, వ్యాధులతో బాధపడవలసని ఆగత్యం ఏర్పడుతుందని అంటారు.

ఆరోగ్యం గురించి వ్యాసం మీద వ్యాసం వ్రాస్తూ ఉంటారు. ఎందుకంటే ఆరోగ్యమే మహాభాగ్యం అన్నారు. మనిషి ఆరోగ్యంగా ఉంటే, తన పనులు తాను చేసుకుంటూ, మరొకరికి ఇబ్బందిగా మారడు. ఇంకా స్వశక్తితో తను ఆర్దికపరమైన ఉన్నతికి కృషి చేయగలడు. కాబట్టి సమాజంలో ఆందరికీ ఆరోగ్యం గురించి అవగాహన ఉండాలని ఔత్సాహికులు, సామాజిక శ్రేయోభిలాషులు వ్యాసరచన చేస్తూ ఉంటారు.

ఎవరి జీవనశైలి ఎలా ఉంటుందో, దానిననుసరించి వారి ఆరోగ్యస్థితి ఆధారపడి ఉంటుందని అంటారు.

సమాజంలో సంక్రమణ వ్యాధులు వంటివి ఉంటాయి. గాలి వలన కలిగే వ్యాధులు ఉండవచ్చును. కలుషిత నీటి వలన వ్యాధులు ఉంటాయి. నిల్వ ఉన్న ఆహారం వలన వ్యాధులు రావాడానికి ద్వారాలు తెరిచినట్టేనని అంటారు. వ్యాధులు రావడానికి అనేక మార్గములు ఉంటాయి. రక్షణకు మాత్రం స్వీయ సాధన అవసరం.

నిల్వ ఉన్న ఆహారం వలన వ్యాధులు రావాడానికి ద్వారాలు తెరిచినట్టేనని అంటారు.

ప్రధానంగా వ్యక్తి జీవనశైలి ఆరోగ్యంగా ఉండడానికి చూడాలి. ఉద్యోగంలో ఒత్తిడి ఉంది. లేక వ్యాపారంలో ఎమర్జెన్సీ ఉంది. లేక కుటుంబ అవసరాలు ఎక్కువ… ఏవో కారణాలు ఉంటూనే ఉంటాయి. అనేక సమస్యలు ఉంటాయి. కానీ ఏ సమస్య పరిష్కరింపబడాలన్న, ముందుగా మనం ఆరోగ్యంగా ఉంటే, ఆయా సమస్యలను ఎదుర్కొనవచ్చును. సమస్యల పరిష్కారం కోసం పాటుపడవచ్చును. సమస్యలను చేదించవచ్చును. కానీ ఆరోగ్యంగా ఉండడం చాలా చాలా ప్రధానం.

ఆరోగ్యంగా ఉండడం అంటే…

ఉల్లాసంగా ఉండగలగడం.

తిన్నది జీర్ణం చేసుకోగలగడం.

మలబద్దకం లేకుండా ఉండడం.

పనిచేయడానికి తగిన శక్తిని కలిగి ఉండడం… చాలా చాలానే చెబుతారు.

కానీ ఏదో సమస్య అంటూ, ఏదో కారణం అంటూ మానసికంగా ఒత్తిడికి గురికావడం కరెక్టు కాదు.

ముందుగా సమయానికి తిండి తినడం ప్రధానం.

ఇంకా వ్యాయామం, యోగ వంటి అంశాలు వ్యక్తి జీవనశైలిలో భాగమై ఉంటే, మెరుగైన ఫలితాలు సాధించవచ్చును అంటారు.

వ్యక్తి జీవనశైలిలో మార్పు అనివార్యం అయితే

ఆరోగ్యం కోసం వ్యక్తి జీవనశైలిలో మార్పు అనివార్యం అయితే, జీవనశైలిలో మార్పు తెచ్చుకోవాలి.

ఉరుకులు పరుగులతో డ్యూటీలకు వెళ్లడం, ఆహారం ఆదరా బాదరగా తినడం. అరిగిందో లేదో కూడా పట్టించుకోకుండా ఉంటూ ఉద్యోగాలు చేసేవారు ఉంటారు. అలా వారు అలవాటు పడితే, ఇక వారి పిల్లలకు కూడా ఉరుకులు పరుగులతో స్కూల్ కెళ్ళడం, వేగంగా తినేయడం వంటివి జరుగుతుంటే, అన్నం మీద శ్రద్ద, ఆహారం మీద గౌరవం కూడా తగ్గిపోతుంది. అన్నం తినడం కూడా యాంత్రికమైపోతుంది.

అంటే పిండిమరలో బియ్యం పోసేస్తూ ఉంటే, బియ్యం పిండిగా మారి వచ్చేస్తూ ఉంటుంది. అలాగే ఆకలైనప్పుడు నాలుగు మెతుకులు నోట్లో పడేస్తూ ఉంటే, ఎప్పటికో అదే అరుగుతుంది. తిండి ధ్యాసే లేకుండా, ఒత్తిడితో ఉండడం, ఒత్తిడిలో తినడం, ఏదో సాధించాలనే తపనతో ఆన్నం మీద ధ్యాస లేకపోవడం వలన శరీరానికి మేలు కలగదు.

అంటే తిండికోసం బ్రతకమని కాదు కానీ తింటున్న తిండి వంటబట్టాలి. తింటున్న తిండి ఒంట్లో శక్తిగా మారాలంటే, అన్నం మీద శ్రద్ద ఉండాలి. తినేటప్పుడు శ్రద్దతో తినాలి. ప్రేమతో అన్నం తినాలి. అదే కదా అమ్మ అన్నం పెడితే, ఇట్టే అరిగిపోతుంది.

ముందుగా వ్యక్తి తన జీవనశైలిలో వేగంగా అన్నం తినడం, ఒత్తిడిలో ఆలోచిస్తూ ఆహారం స్వీకరించడం చేయకూడదు…. ఇదే పెద్ద సమస్యగా మారకుండా తుగ జాగ్రత్త తీసుకోవాలని అంటారు.

వ్యాధులు, రోగాలు, జబ్బులు ఏదైనా ఒక్కటే కానీ ఒంటికి వస్తే, వచ్చినవారికి అవస్థ, అతని బంధువులకు తిప్పలు తప్పవు… ఆర్ధిక నష్టం… ఎన్నో నష్టాలకు మూల కారణం వ్యక్తి అనారోగ్యం అయితే, మనసు ఒత్తిడిలోకి నెట్టబడడం మరొక కారణం అవుతుంది.

మానసిక ఒత్తిడి నుండి మనిషి బయట పడాలి. ఆరోగ్యవంతుడుగా ఉంటూ, తన జీవన లక్ష్యంపైపు నడవాలి.

సంతృప్తిగా జీవించడం ప్రధానం వివరిస్తూ కోరికలే దు:ఖానికి మూలం ఎలాగో తెలియజేయండి.

సంతృప్తిగా జీవించడం ప్రధానం వివరిస్తూ కోరికలే దు:ఖానికి మూలం ఎలాగో తెలియజేయండి.

సంతృప్తిగా జీవించడం ప్రధానం. ఎందుకు సంతృప్తిగా జీవించాలి? ప్రశ్న వేసుకుంటే… ఒక వ్యక్తి తల్లిదండ్రుల సంరక్షణలో పెరుగుతూ ఉంటాడు. అతను పుట్టగానే తనకు ఆకలి తీర్చుకోవడం ఒక్కటే తెలుసు… మిగిలినవి అన్నీ తల్లిదండ్రులను చూసి లేక తల్లిదండ్రుల అలవాటు చేసిన దానిని బట్టి నేర్చుకుంటూ ఉంటాడు. ఇంకా ఎదిగే కొలది బంధువుల పిల్లల, స్కూల్లో సహవాసం ప్రభావం చూపుతూ ఉంటాయి. ఈకాలంలో వ్యక్తి ఖచ్చితమైన అభిప్రాయం ఉండదు… కేవలం అనుసరించడంలోనే శరీరంతో బాటు మనసు కూడా ఎదుగుతుంది.

బాల్యంలో అన్నింటిని సమకూర్చేది తల్లిదండ్రులు…

అంటే ఒక వ్యక్తికి బాల్యంలో అన్నింటిని సమకూర్చేది తల్లిదండ్రులు… కాబట్టి వారు వారు వారి వారి బిడ్డలకు ఏమైతే మంచి జరుగుతుందో ఆలోచించి, వాటిని తమ తమ పిల్లలకు సమకూరుస్తూ ఉంటారు. ఈ కోణంలో పిల్లవానికి తల్లిదండ్రుల నుండి ఏమి అందాలో అది అందుతుంది. అంటే ఇక్కడ తల్లిదండ్రుల మాట పిల్లలు వింటే, బాల్యం అంతా వారి సంరక్షణలో సాగిపోతుంది… కానీ ఏదో ఒక కోరిక ఇతరులను చూసి ఏర్పరచుకుంటే, అది పెద్ద కోరిక అయితే జీవితాన్ని కూడా ప్రభావితం చేస్తుంది. చిన్న చిన్న కోరికలు అయితే చిన్నపాటి సంఘర్షణల ఏర్పడుతూ ఉంటాయి.

సంతృప్తిగా జీవించడం ప్రధానం వివరిస్తూ కోరికలే దు:ఖానికి మూలం ఎలాగో తెలియజేయండి.

తల్లిదండ్రులపై ఆధారపడి తల్లిదండ్రుల మాట మేరకు చదువును పూర్తి చేసినవారికి వేరు కోరికల జోలికి పోకుండా ఉండడం వలనే చదువు విజయవంతంగా పూర్తి చేయగలుగుతారు. అంటే విద్యార్ధి దశలో అనవసరపు కోరికలకు లొంగి, వాటిని తీర్చమని తల్లిదండ్రులపై పదే పదే ఒత్తిడి చేయడం వలన చదువు మద్యలో ఆగిపోవచ్చును. అప్పుడు అసంపూర్ణ చదువు జీవితంలో దు:ఖమును తీసుకువస్తూ ఉంటుంది. అదే తల్లిదండ్రుల పెంపకంలో వారి మాటకు విలువ ఇస్తూ అనవసరపు కోరికలకు తావివ్వకుండా, తల్లిదండ్రుల అందిస్తున్న సౌకర్యాలతో తృప్తిగా చదువు పూర్తిచేసుకున్న విద్యార్ధులు ధన్యులు.

చదువు పూర్తయ్యాక వచ్చిన ఫలితాలను బట్టి సమాజంలో ఒక స్థాయి ఉద్యోగం లభించవచ్చును. లేదా ఒక స్థాయి వ్యాపారంలో నిమగ్నమై ఉండవచ్చును. ఏదైనా సమాజంలో తమకు లభించిన స్థాయిని బట్టి అవసరాలు తీర్చుకుంటూ, కోరికలను నియంత్రించుకుంటూ ఉండేవారు తమ తమ పిల్లలకు మంచి భవిష్యత్తును అందించగలరు. అలా కాకుండా అనవసరపు కోరికలు లేకా వ్యామోహాలకు గురైతే, ఆకోరికలు, వ్యామోహాలు దు:ఖానికి మూలం అవుతాయి.

అంటే ఒక వ్యక్తికి బాల్యం నుండి తనకంటూ ఒక జీవిత భాగస్వామి లభించేటంతటి వరకు తల్లిదండ్రుల ద్వారా అనేక సౌకర్యాలు లభించే సంప్రదాయం మనకు ఉంది. అనవసరపు కోరికలు, వ్యామోహాలకు తావిచ్చినప్పుడే తల్లిదండ్రుల నుండి అందవలసినవి అందకుండా పోయే అవకాశం ఉంటుంది. తల్లిదండ్రుల సంరక్షణలో సంతృప్తికి పెద్దపీఠ వేస్తే, జీవితంలోనూ సంతృప్తిగా జీవించడానికి అలవాటుపడతారు. కాబట్టి తృప్తిగా జీవించే అలవాటును చిన్ననాటి నుండే అలవాటు చేసుకోవాలి. జీవితం ఏర్పడ్డాకా సమస్యలు వ్యక్తి జీవితంపై ప్రభావం చూపుతూనే ఉంటాయి.

కోరికలే దు:ఖానికి మూలం

కారణం కోరిక తీరగానే మరలా మరొక కోరిక మన ముందుకు వస్తుంది. మరలా వచ్చిన కోరిక తీరగానే ఇంకొక కోరిక వస్తుంది. అదీ తీరగానే మొదట్లో తీరిన కోరిక మరలా మన ముందుకు వస్తుంది. కావునా కోరికలే దు:ఖానికి మూలం.

వంకాయ కూర అంటే ఇష్టం అది తినగానే తృప్తిగా ఉన్నట్టు ఉంటుంది. మరలా రెండు రోజులకు వంకాయ కూర తినాలనిపిస్తుంది. అదే పనిగా ఇష్టమని వంకాయ కూరను ఎక్కువగా తింటే, దాని వలన శరీరంపై దుష్ప్రభావం పడే అవకాశం ఎక్కువ. ఒక్కసారి దుష్ప్రభావం శరీరంపై పడితే, మరలా అది కంటిస్యూ అయ్యే అవకాశం ఉండడం చేత, వంకాయకూర తినాలనే కోరిక దు:ఖమునకు మూలం అవుతుంది. అంటే వంకాయ కూర ఇష్టం కదా అని వంకాయ కూర కోరిక కాబట్టి వంకాయ కూర దు:ఖానికి కారణం కాగలదు కాబట్టి వంకాయ కూర తినడం మానేయమని కాదు…. అది లభించినప్పుడు తినడం తృప్తి అయితే, దానిని తెచ్చుకుని వండించుకుని తినడం కోరిక తీర్చుకోవడం అవుతుంది. కావునా ఇష్టానికి కోరికలు తీర్చుకోవడం కన్నా ఇష్టమైనవి లభించేదాకా వెయిట్ చేసి, వాటిని తినడం వలన తృప్తి చెందడానికి అవకాశం ఉంటుంది.

ఇష్టమును కోరికగా మార్చుకోవడం వలననే ఇబ్బందులు

మనకున్న ఇష్టమైన విషయం లభించినప్పుడు అనుభవిస్తే తృప్తి. అదే మనకున్న ఇష్టము కొరకు ప్రయత్నించి సాధించుకుంటే అది కోరిక కానీ కొన్ని కోరికలు పదే పదే రిపీట్ అయితే అవే ప్రాణాంతకము లేక జీవనగతిని మార్చివేసేవిగా మారతాయి.

ఒకరికి స్మార్ట్ ఫోన్ కొనుక్కోవాలి అనిపించింది. అలా అనిపించిన ఆలోచన పెరిగి స్మార్ట్ ఫోన్ అంటే ఇష్టంగా మారింది. ఇష్టంగా మారిన విషయం బయటకు పొక్కింది. అది కోరికగా పరిణితి చెందింది. ఆ కోరికను తీర్చమని అడగడంతోనే, ఎందుకు అనే ప్రశ్న పుడుతుంది. దానికి కారణం ఉండదు. ఎందుకంటే తనతోటి వారు వాడుతున్నారు కాబట్టి స్మార్ట్ ఫోన్ పై ఆశ పుట్టింది. అదే స్మార్ట్ ఫోన్ ఇప్పుడు అవసరం కాదు… అవసరమైనప్పుడు అది నేను కొనుక్కుంటారు. నేనిప్పుడు చదువుకోవడం నా ప్రధమ కర్తవ్యమని భావిస్తే, స్మార్ట్ ఫోన్ వాడాలనే ఆశ ఇష్టంగానే ఉంటుంది కానీ కోరికగా బయటపడదు.

అదే కోరిక ఎందుకు బలహీనపరుస్తుందంటే?

కేవలం ఇష్టం మనసులోనే ఉంటే, అది అతనిలోనే ఉంటుంది. అదే ఇష్టం గురించి ఆలోచన మొదలు కాగానే ఇష్టమును తీర్చుకోవాలనే తపన పుడుతుంది. దాని గురించి తల్లిదండ్రులను అడగగానే, తల్లిదండ్రుల ముందు విద్యార్ధి లోకువ అవుతాడు. కారణం… చదువుకుంటున్న వయసులో చదువుకు సంబంధించిన అనేక అవసరాలు ఉండగా, స్మార్ట్ ఫోన్ పై దృష్టి ఎందుకు పడిందనే ప్రశ్న తల్లిదండ్రుల మనసులో ఏర్పడుతుంది. తర్వాత చదువుపై దృష్టి లేదనే అవగాహన తల్లిదండ్రులకు ఏర్పడే అవకాశం కూడా ఉంటుంది. ఆ విధంగా చదువుకునే విద్యార్ధి అనవసరపు కోరిక కోరితే, తన చదువు విషయంలో బలహీనంగా ఉన్నట్టు లోకంలో కనబడుతుంది. కోరిక మనిషిని బలహీనుడుగా చూపెట్టడానికి ప్రయత్నిస్తుంది.

అందరికీ స్మార్ట్ ఫోన్ అవసరం అయినప్పుడు అది అందవలసిన సమయంలో అందుతుంది. ఎలా అంటే… ఒక స్కూల్లో అందరికీ స్మార్ట్ ఫోన్ ఉండాలనే నియమం పుట్టిందనుకో, ఆ స్కూల్లో చదివే విద్యార్ధికి స్మార్ట్ ఫోన్ అడగవలసిన అవసరంలేకుండా, స్మార్ట్ ఫోన్ అందుతుంది. కానీ స్మార్ట్ ఫోన్ ఏ వయసు వారికి ఎంతవరకు అవసరమో స్కూల్ యాజమాన్యానికి మరియు తల్లిదండ్రులకు తెలుసు… వారు ఒక కోరికను నియంత్రిస్తున్నారంటే, అందులో ఏదో పరమార్ధం ఉంటుందనే విషయం విద్యార్ధులు గ్రహించాలి. వయసురిత్యా అన్ని విషయాలపై విపులంగా వివరించరు.

ఇష్టమును కోరికగా మలచుకుని తీర్చుకోవడం వలన కోరిక మరలా మరలా రిపీట్ కావడం వలన మన చుట్టూ ఉన్నవారి మనసులో కూడా మన బలహీనతను నోటీస్ చేసినవారమవుతాము. ఆ తర్వాత వారి వారి అవరసరాలకు మన బలహీనతను ఎరగా చూపి, వారి అవసరాలు తీర్చుకోవడం జరుగుతుంది. కావునా కోరిక మనల్ని బలహీనపరిచే అవకాశం ఉంటుంది. కాబట్టి అనసరపు కోరికలకు తావివ్వకుండా తృప్తిగా జీవించడానికి అలవాటు పడాలని పెద్దలంటారు.

అనసరపు కోరికలకు తావివ్వడం అంటే దు:ఖాన్ని ఆహ్వానించడానికి ద్వారాలు తెరిచినట్టేనని అంటారు.

కోరికలే దు:ఖానికి మూలం అన్నారు కదా అని కోరికలు చంపుకుని బ్రతకమని కాదు. అలా చేస్తే అది మరింత ప్రమాదకరం అంటారు. కావునా కోరికలు కోసం వెంపర్లాడకుండా, లభించిన దానిలో తృప్తిని చూడాలి. ఒక వ్యక్తి ప్రకృతి నుండి ఏమి లభించాలి… అది వారి వారి స్థాయిలో లభిస్తుంది. లభించిన దానితో తృప్తిగా జీవిస్తూ, జీవితపు లక్ష్యాన్ని చేరుకోవచ్చని పెద్దలు అంటారు. అలా కాకుండా కోరికలే ప్రధానంగా జీవిస్తే, జీవనపు ప్రధాన లక్ష్యం నెరవేరదని పెద్దలు అంటారు.

వ్యక్తికి కావాల్సిన కనీస సౌకర్యాలు చిన్ననాటి చుట్టూ ఉండేవారి ద్వారా లభిస్తాయి.

జీవితంలో లభించేవి అన్నీ మన చుట్టూ ఉండేవారి నుండి లభించేవే. పుట్టినప్పుడు తల్లిదండ్రుల ప్రేమానురాగాలు నుండి ప్రారంభం అయ్యే జీవితం, ఎదుగుతున్న కొద్దీ చుట్టూ చేరే వ్యక్తులు అందించే సహాయ సహకారాలు వలన చాలా వరకు అవసరమయ్యేవి అన్నీ సమకూరుతూ ఉంటాయి. కారణం తల్లిదండ్రుల సామాజిక స్థాయిని బట్టి మన జీవితంలో వీరంతా ప్రభావం చూపుతూ ఉంటారు. కావునా సహజంగా లభించే అవసరాలను తీర్చుకుంటూ అనవసరపు కోరికలకు తావివ్వకుండా జీవించే అవకాశం ప్రతిజీవికి కుటుంబ వాతావరణం కల్పిస్తుంది. కాబట్టి వ్యక్తే అనసరపు కోరికల కోసం ప్రాకులాడి లభిస్తున్న సౌకర్యాలకు అడ్డంకులు తెచ్చుకుని, తర్వాత దు:ఖిస్తూ ఉంటారు.

మనసుని కోరికల నుండి ఎలా కాపాడుకోవాలి?

ముందు మనసులో పుట్టిన ఆలోచన బయట ఎవరికైనా ఉందా? లేదా ? చూసుకోవాలి. ఒకవేళ అటువంటి ఆలోచనను బయట పెట్టినవారి గతి ఎలా ఉంది? ఇదే ప్రధానం మనకు మన ఆలోచనను కొనసాగించాలా? వద్దా? అనే ప్రశ్నకు సమాధానం… ఈ యొక్క అవగాహనపైనే ఆధారపడి ఉంటుంది. కానీ ఆలోచన ఫలితంగా ఏవిధంగా ఉందో వాస్తవంగా తెలుసుకోవాలి. అవాస్తావాలు, అపోహలను విని, నిర్ణయించుకుంటే, అబాసుపాలు కాకతప్పదు.

మీ తరగతిలో ఎవరికీ స్మార్ట్ ఫోన్ లేదు. మీకు స్మార్ట్ ఫోన్ పై ఆశ కలిగింది. కారణం ఎవరో ఇంటి ప్రక్కన ఉండే స్టూడెంట్ స్మార్ట్ ఫోన్ వాడుతుంటూ మీకు కనిపించింది… మీకు కూడా దానిపై దృష్టిపడింది. కాబట్టి స్మార్ట్ ఫోన్ ఉంటే బాగుండు అనే ఆలోచన కలిగింది. ఒక్కసారి గుర్తుకు తెచ్చుకోండి స్మార్ట్ ఫోన్ కొంటే ఎలా ఉంటుంది?

అలా మీ తరగతిలోనే ఒక విద్యార్ధి స్మార్ట్ ఫోన్ క్లాసులోకి తీసుకువచ్చాడు. అప్పుడు టీచర్ అతని దగ్గర నుండి స్మార్ట్ ఫోన్ తీసుకుని, తల్లిదండ్రులకు రిపోర్ట్ చేయడం, తల్లిదండ్రులు వచ్చి హెడ్ మాస్టర్ ముందు దోషిలాగా నిలబడితే, హెడ్ మాష్టర్ ఆ పిల్లవానికి, ఆపిల్లవాని తల్లిదండ్రులకు క్లాస్ తీసుకోవడం జరిగింది. అతని తల్లిదండ్రుల హెడ్ మాష్టర్ వలె సంఘంలో గౌరవ ప్రతిష్టలు ఉన్నాయి. కానీ తన స్థాయివారి ముందే తలదించుకునే పని అతని కొడుకు చేయడం వలనే కదా… ఈస్థితి.

ఇప్పుడు మీరు ఆ సంఘటన గుర్తుకు తెచ్చుకుంటే, మీ తల్లిదండ్రులపై ప్రేమను బట్టి మీకు మీ స్మార్ట్ ఫోన్ పై కోరిక కలగదు. అలా మార్పు ఆలోచచ మనసులో మొదలైతే, మనసు ఇలా మారే అవకాశం ఉంటుంది. ఎప్పటికైనా మంచి ఫోన్ సంపాదించుకునే స్థాయికి వెళ్ళాలనే లక్ష్యమేర్పడుతుంది కానీ ఎలాగైనా మా నాన్నతో స్మార్ట్ ఫోన్ కొని దొంగచాటుగా క్లాసులోకి తీసుకువెళ్లాలనే కోరిక కలగదుకాక కలగదు.

అంటే దీనిని బట్టి లోకంలో కొన్ని సంఘటనలు కొన్ని కోరికల వైపు వెళితే ఎటువంటి అవమానకరపు స్థితిలోకి తప్పు చేయని తల్లిదండ్రులు కూడా లాగబడతారో ఒక అవగాహన వస్తుంది. ఆ అవగాహన అనసరపు కోరికలను అదుపు చేస్తుంది. మీపై మీకు పూర్తి నియంత్రణ వస్తుంది.

మనిషి సంఘజీవి కావునా మనసుకు నచ్చిన పనులన్నీ చేసుకుంటూ పోతే వాటిని అనుసరించి పాడయ్యేవారు కూడా ఉంటారు. కావునా మనసుకు నచ్చే పనులను ఆచి తూచి నిర్ణయించుకుని చేయాలి.

మనిషి మనసుకు నచ్చినది, నచ్చనది రెండూ మనిషి చుట్టూ

మనసుకు నచ్చినది, నచ్చనది రెండూ మనిషి చుట్టూ ఉంటాయి. వాటి విషయంలో మనసు చేసే అల్లరి మీకు మాత్రమే తెలిస్తే, మీకు మీపై నియంత్రణ అదే బయటకు కూడా తెలిస్తే, మీపై లోకానికి నియంత్రణ ఉండే అవకాశం ఉంటుంది.

తోచినది చేసేయడం కన్నా తోచినదాని వలన ఫలితం ప్రయోజనమెంతో ఆలోచన చేయడం వలన మంచి పనులనే ఎక్కువగా చేయడానికి ఆస్కారం ఉంటుంది.

కోరికలే దు:ఖానికి మూలం అవుతాయి. వ్యక్తిని బలహీనపరుస్తాయి. విద్యార్ధి దృష్టిని దారి మళ్లిస్తాయి. అనవసరపు కోరికల జోలికి వెళ్ళే విధంగా కోరికలు మనసును ప్రేరేపింపజేస్తాయి. కావునా కోరికలను తీర్చుకోవడానికి ప్రాకులాడడం కన్నా లభించినప్పుడు అనుభవించడం ఆస్వాదించడం మేలు అంటారు.

వేళకానీవేళలో నచ్చిన కూర వండించుకుని తినాలంటే, వేళకానీవేళలో కూరకు సంబంధించిన సరకులు తేవడానికి యజమానికి శ్రమ, వేళకానీవేళలో వంట చేసేవారికి శ్రమ… కానీ వేళకానీవేళలో నచ్చిన కూర వండి ఉంటే, దాని తృప్తి వేరు. అటువంటి తృప్తి లభించినప్పుడు ఆస్వాదించాలి…. లభించనప్పుడు వెంపార్లడకూడదని అంటారు..

మహాభారతం తెలుగు పుస్తకం రీడ్ చేయడం వలన కలుగు ప్రయోజనం?

మహాభారతం తెలుగు పుస్తకం రీడ్ చేయడం వలన కలుగు ప్రయోజనం? తింటే గారెలు తినాలి, వింటే భారతం వినాలి, అనే నానుడి చాలా ప్రసిద్ది… మినప గారెలు మనకాయమునకు బలము అయితే మహాభారతం మన మనసు జవము అంటారు.

అంటే మనం మహాభారతం రీడ్ చేయడం వలన మన మనసును మరింత శక్తివంతం చేయవచ్చనే భావన పై నానుడి వలన కలుగుతుందని చెప్పవచ్చును. కారణం మినపగారెలు రుచిగా ఉంటాయి… అవి తిని అరిగితే, వాటి మన శరీరమునకు బలము చేకూరుతుంది. అలాగే మహాభారతం కూడా మనసుకు ఆసక్తిగా ఉంటుంది… వింటే దాని వలన మన మనసుకు మరింత బలమనే భావన ఉంటుంది.

భావనలే మనసుకు బలం అయితే మనసులో సద్భావం ఉన్నప్పుడు తన చుట్టూ ఉన్నవారితో సత్ప్రవర్తన కలిగి ఉంటుంది. అదే మనసు చికాకుగా ఉంటే, ఆ వ్యక్తి చుట్టూ ఉన్నవారితో ప్రవర్తన కూడా చికాకుగానే ఉంటుంది. కాబట్టి మనసుకు భావనలు బలం అయితే మంచి ఆలోచనలు ద్వారా సద్భావన పెరగడానికి మహాభారతం దోహదం చేయగలదని పెద్దలు చెబుతూ ఉంటారు.

మహాభారతం మనసులో ఆసక్తి పెరుగుతుంది

మహాభారతం తెలుగు పుస్తకం రీడ్ చేయడం కలుగు ప్రయోజనం ముందు మనసులో ఆసక్తి పెరుగుతుంది. మరే ఇతర గ్రంధం అయినా ఆసక్తి అందరికీ ఏర్పడుతుందా లేదో తెలియదు కానీ మహాభారతం అంటే అందరికీ సులభంగా ఆసక్తిని కలిగిస్తుందని పెద్దలు అంటారు. ఇంకా ఆసక్తిచేత మహాభారతం పుస్తకం రీడ్ చేయడం జరిగితే, అందులోని వివిధ పాత్రలు వివిధ సందేశాలను అంతర్లీనంగా కలిగి ఉంటాయని, వాటిని అర్ధం చేసుకోవడం వలన వ్యక్తికి ప్రయోజనం చేకూరుతుందని పెద్దలు అభిప్రాయపడుతూ ఉంటారు.

కేవలం పాండవులు – కౌరవుల చర్రిత కాకుండా వారి పూర్వికులు, వారి వారి పూర్వికుల గురించి మహాభారతంలో చెప్పబడుతుంది. ఇంకా కర్మప్రభావం వలన వ్యక్తి అయినా దేవత అయినా ఎలా కాలానికి కట్టుబడి ఉంటారో మహాభారతంలో తెలియజేయబడుతుందని అంటారు.

ధర్మము, ధర్మమును ఆచరించుట వలన కలుగు ప్రయోజనములు, మనసు, మనసుయొక్క లీలలు మహాభారతంలోని వివిధ పాత్రల ద్వారా తెలియజేయబడుతుందని అంటారు.

ఇక్కట్లు కలిగినప్పుడు మనిషికి బలం అయినవారి అనురాగం అయితే, మహాభారతం కూడా ఒక మంచి స్నేహితుని వలె అనిపిస్తుందని అభిప్రాయపడుతూ ఉంటారు.

అందుకే తింటే గారెలు తినాలి, వింటే భారతం వినాలని పెద్దలు చెబుతూ ఉంటారని అంటారు.

శ్రీరామాయణం చదవడం వలన ప్రయోజనం?

శ్రీరామాయణం చదవడం వలన ప్రయోజనం? వ్యక్తికి శ్రీరామాయణం చదవడం వలన ప్రయోజనం ఏమిటి? వ్యక్తులందరూ శ్రీరామాయణం చదవడం వలన సమాజానికి ప్రయోజనం ఏమిటి? శ్రీరామాయణం రీడ్ చేయడం వలన కలుగు మేలు ఏమిటి?

ఎన్ని ప్రశ్నలు సంధించుకున్నా, ఆ ప్రశ్నకోణంలోనే, తగు సమాధానం మనసులో ధ్యోదకం అయ్యేలాగా శ్రీరామాయణం చేయగలదని పండితులు అంటారు. ఎన్ని సార్లు చదివినా కొత్తగా చదువుతున్న అనుభూతి కలగడంతో బాటు శ్రీరామాయణం చదవడం వలన శ్రద్ధాసక్తులు పెరుగుతాయని అంటారు.

ప్రధానంగా ధర్మము తెలిసి ఉండడం గొప్పకాదు. తెలిసిన ధర్మమును ఆచరించడం గొప్ప అని శ్రీరామాయణం చదవడం వలన తెలియబడుతుంది. ఎందుకంటే శ్రీరామాయణంలో శ్రీరాముడు తెలుసుకున్న ధర్మము అనుష్టించి తరించాడు. రాక్షసుడైన రావణుడు ధర్మశాస్త్రములు ఎక్కువగా తెలిసి ఉన్ననూ తను ఆచరించడంలో నిర్లక్ష్యపు ధోరణి కనబడుతుంది.

శ్రీరాముడు ధర్మమును అన్ని వేళలా పాటించాడు. రావణుడు తన వ్యక్తిగత అభిప్రాయాలకే పెద్దపీఠ వేశాడు. ఇంకా పరస్త్రీని వాంఛించాడు… శ్రీరామాయణంలో రావణుడు పాత్ర ద్వారా గ్రహించవలసినది ఏమిటి అంటే, పరస్త్రీలయందు కామమోహితుడు కాకుడదని తెలియబడుతుంది.

తెలిసిన ధర్మమును ఇతరులకు చెప్పడానికి ముందు తను ఆచరించాలనే స్వభావం శ్రీరాముడుది… ఇంకా శ్రీరాముడు ఏపనిచేసినా శాస్త్రప్రకారం నిర్వహించాడని పెద్దలు అంటారు. అదే రావణుడు అయితే తన అభీష్టము నెరవేర్చుకోవడానికి ఎవరినైనా బాధిస్తాడు. అందుకే రావణుడుది రాక్షస ప్రవృత్తిగా పరిగణించబడుతుంది.

ఇలా శ్రీరామాయాణంలో దర్మమునకు అదర్మమునకు గల వ్యత్యాసము కనబడుతుంది. అందువలన శ్రీరామాయణం రీడ్ చేయడం వలన అధర్మమునందు అనాసక్తి, ధర్మమునందు ఆసక్తి పెరుగుతుంది. అలా అందరు వ్యక్తులు శ్రీరామాయణం రీడ్ చేయడం వలన సమాజంలో అందరూ తమ తమ కర్తవ్య నిర్వహణలో ఉంటారు. ఎందుకంటే ధర్మము ఎప్పుడూ కర్తవ్యమునే బోదిస్తుంది.

అందువలన శ్రీరామాయణం అందరూ చదవడం వలన సమాజంలో శాంతియుత పరిస్థితులు ఎక్కువగా ఉంటాయి. పరధనం మీద, పరస్త్రీల మీద వ్యామోహం లేకుండా ఉండడమే మనోశాంతికి మంచి మార్గము అంటారు. కాబట్టి శ్రీరామాయణం చదవడం వలన దురలవాట్లు అలవరకుండా ఉంటాయి.

మీకు తెలిసిన మంచి గుణాలు కలిగిన ఒకరిని గురించి అభినందన వ్యాసం

తెలుగు వ్యాసం పండుగలు ప్రాముఖ్యత అవి ఎలాంటి ప్రభావం చూపుతాయి

ఇంటర్నెట్ ఉపయోగాలు నేడు నెట్ లేకపోతే జీవితం ముందుకు సాగదు

ఆన్ లైన్ విద్య ఎలా ఉపయోగించుకోవచ్చు? తెలుగులో వ్యాసం

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

డొనాల్డ్ ట్రంప్ గురించి తెలుగులో తెలుగు వ్యాసం వ్రాయండి

రాహల్ ద్రవిడ్ క్రికెట్ ఆటగాడు మిష్టర్ డిపెండబుల్ గా ఖ్యాతిగాంచారు

చరిత్ర గురించి తెలుగు వ్యాసం గతం గురించి తెలిపే చరిత్ర

కరోనా వైరస్ నివారణ చర్యలు వ్యాసం కోవిడ్ 19 వైరస్ గురించి వివరించండి

ప్రముఖ ప్రసిద్ధ దేవాలయాలు విశిష్టమైనవి, దేవాలయాల గురించి తెలుగులో

Telugulo Vyasalu

మంచి నాయకుడు ప్రజలు మెచ్చిన నాయకుడు ఆదర్శవంతమైన మార్గం

ప్రకృతి వైపరీత్యాలు వ్యాసం తెలుగులో ప్రకృతి విపత్తులు

స్త్రీల అభ్యున్నతికి తీసుకోవలసిన జాగ్రత్తలు తెలుగులో వ్యాసం

మనం మన పరిశుభ్రత మనకు రక్షణ మనతోబాటు సామాజిక సంరక్షణ

తెలుగులో వివిధ విషయాలపై వివిధ రకాల తెలుగు వ్యాసాలు

డిజిటల్ చెల్లింపులు స్మార్ట్ ఫోన్ వినియోగం తెలుగు వ్యాసం

వృత్తిని ప్రేమించేవారు ఆరంగంలో ఉన్నతస్థితిని సాధించగలరు తెలుగులో వ్యాసం

నీ చుట్టూ ఉన్న పరిసరాలలో కనిపించే బాలకార్మిక వ్యవస్థపై

నేటి సమాజంలో స్త్రీలు ఎదుర్కొంటున్న సమస్యలను విశ్లేషిస్తూ తెలుగులో వ్యాసం

కాలుష్యంతో నిండిపోతున్న నేటి నగర వాతావరణాన్ని గురించి వ్యాసం రాయండి.

వృద్యాప్యంలో ఉన్నవారికి వారసులు తోడుగా ఉండాలి వ్యాసం

తెలుగువ్యాసాలు TeluguVyasalu

సామాజిక ఆస్తుల పరిరక్షణ విషయంలో బాధ్యతను గుర్తెరగడం

నేటి రాజకీయాల పై మీ అభిప్రాయం మీ మాటల్లో వివరించండి

స్త్రీల పట్ల గౌరవ భావన స్త్రీల పట్ల మర్యాదపూర్వకమైన

దైనందిన జీవితంలో పరోక్షంగా నష్టం చేసే విషయాలు వార్తాపత్రికల ద్వారా

TeluguVyasalu Read Cheyadaniki

తల్లిదండ్రుల కష్ట సమయంలో ఉన్నప్పుడు పిల్లలు ఏమి చేయాలి

మంచి వ్యక్తులతో ఎందుకు స్నేహం చేయాలి? మంచివారి స్నేహం వల్ల ప్రయోజనాలు ఏమిటి?

నగర జీవితం పట్ల ప్రజలు ఆకర్శితులు కావడానికి కారణాలు

సివి రామన్ గురించి ఆర్టికల్ చరిత్రలో ఒక రోజు రామన్ రోజుగా లిఖితమయ్యింది.

మీకు తెలిసిన మంచి గుణాలు కలిగిన ఒకరిని గురించి అభినందన వ్యాసం

ఓటు విలువైనది పవిత్రమైనది అమూల్యమైనది

ఓటు విలువైనది పవిత్రమైనది అమూల్యమైనది అంటూ ఓటు గురించి వింటూ ఉంటాము. అవును ఓటు చాలా విలువైనది. ఓటు అతి పవిత్రమైనది. ఓటు అమూల్యమైనది. కానీ అయిదు సంవత్సరాలకొక్కమారు వచ్చే ఓటు హక్కు అయిదు సంవత్సరాల కాలంపాటు అధికారాన్ని ఒకరికి అప్పగించడమే. మన ప్రజా స్వామ్యంలో మన భవిష్యత్తు ఏవిధంగా ప్రభావితం అవుతుంది?

ఓటు వేయడం అంటే అయిదు సంవత్సరాల కాలంపాటు ఒకరికి అధికారాన్ని అప్పగించడం. ఓటు అనేది మన సమాజం కోసం మనన్ని పరిపాలించడానికి మనం అందించే అధికారం.

రెండు లేక అంతకన్నా ఎక్కువ రాజకీయ పార్టీలు ఇంకా ఇద్దరూ లేక అంతకన్నా ఎక్కువ అభ్యర్దులు ఎన్నికలలో పోటీపడుతూ ఉంటారు. ప్రజాసేవ చేయడానికి ఉత్సుకత చూపుతారు. వారు ఎలాంటివారో మీడియా అనునిత్యం ప్రజలకు తెలియజేస్తూ ఉంటారు. ప్రజాస్వామ్యంలో ప్రజలకు ప్రజానాయకుల గురించి తెలియజేయడం మీడియా బాధ్యతగా చూస్తారు.

సామాజిక స్థితి రాజకీయ పార్టీల ప్రభావం

సామాజిక పరిస్థితులు సామాజిక సమస్యలు నాయకుల తీరు తెన్నులు, పార్టీల ప్రభావం, ప్రభుత్వాల విధానం, ప్రతిపక్షాల ప్రభావం ఇలా సమాజంలో ఎవరి పాత్ర ఎలా ఉందో, ఉంటుందో విశ్లేషణాత్మకంగా వివరించడం, సామాజిక సమస్యలపై ఆయా పార్టీల లేక నాయకుల స్పందనను ప్రజలకు తెలియజేసే కర్తవ్యమును మీడియా చేస్తూ ఉంటుంది.

తమ ప్రాంత ప్రజలు అభివృద్ది కోసం, తమ ప్రాంతములోని సమస్యల కోసం ప్రజల తరపున ప్రాతినిద్యం వహించడానికి సిద్దపడుతూ ప్రజా జీవితంలో వచ్చే నాయకులు, ప్రజల కొరకు పనిచేయడం మొదలు పెడతారు. అందుకు వారు స్వతంత్రంగా ప్రజా నిర్ణయం కోసం ప్రజల ముందుకు వస్తారు. లేదా ఏదైనా రాజకీయ పార్టీ తరపున ప్రజల ముందు నిలబడతారు.

రాజకీయ పార్టీ అధికారములోఉంటే సామాజిక అభివృద్ది కోసం నిర్ణయాలు తీసుకుంటూ కార్యచరణలో నిమగ్నమై ఉంటుంది. అదే రాజకీయ పార్టీ ప్రతిపక్షంలో ఉంటే, ప్రభుత్వం తీసుకుంటున్న నిర్ణయాల ప్రభావం ప్రజలపై ఏవిధంగా ఉంటుందో తెలియజేయడానికి ప్రయత్నిస్తుంది.

ఇలా రాజకీయ పార్టీలు, రాజకీయ నాయకులు, రాజకీయ విశ్లేషకులు మరియు మీడియా సామాజిక భవిష్యత్తును నిర్ణయిస్తూ ఉంటారు. ఎవరు ఎలాంటి నిర్ణయం తీసుకున్నా దానికి పరోక్షంగానో ప్రత్యక్షంగానో ప్రజల అమోదం ఉన్నట్టే ఉంటుంది.

ప్రజా వ్యతిరేకత ఓటింగ్ సమయంలో ప్రస్ఫుటం అవుతుంది.

ఎందుకంటే నిర్ణయం తీసుకుంటున్న ప్రభుత్వం ఒక రాజకీయ పార్టీ. ఆ రాజకీయ పార్టీకి అధికారం రావడానికి కారణం ప్రజాతీర్పు. ప్రజాతీర్పు ఎలా అంటే, ఎక్కువ మంది ఓటు వేసి గెలిపించుకున్న నాయకుల ద్వారా ఎన్నుకోబడిన ముఖ్య నాయకుడు నిర్ణయాలు ప్రజలకు అమోదయోగ్యంగా భావింపబడే అవకాశం ఉంటుంది. అయితే అటువంటి నిర్ణయాలకు ప్రజల నుండి వ్యతిరేకత వస్తే అది రాజకీయ నిర్ణయంగా ఉండిపోతుంది కానీ ప్రజా నిర్ణయంగా మారదు.

అలా ఏదైనా నిర్ణయమును ప్రజల నిరసన ద్వారా ప్రభుత్వమునకు తెలియజేస్తారు. ప్రజావ్యతిరేక నిర్ణయాలు ఎక్కువగా తీసుకున్న రాజకీయ పార్టీ ఎన్నికలలో ప్రజల ఓటును రాబట్టుకోలేదు. ప్రజల మన్నన పొందలేదు.

మన ప్రజా స్వామ్యంలో ప్రజలు నిరసన లేదా ఓటు హక్కును వినియోగించుకుని సామాజిక భవిష్యత్తుకు కారణం కాగలగుతారు. అంటే ఓటు హక్కును సద్వినియోగం చేసుకోవడం అంటే మన భవిష్యత్తుకు మనమే నిర్ణయాక శక్తిని ఒకరికి అప్పగించడమే అంటారు.

ఓటు మన సామాజిక భవిష్యత్తును శాసిస్తుంది.

ఓటు విలువ అంటే మన సామాజిక భవిష్యత్తు అంటారు. మన రాబోయే తరాలకు మంచి భవిష్యత్తు ఉండాలని భావిస్తూ డబ్బు సంపాదిస్తాము. సమాజంలో పలుకుబడి పెంచుకుంటాము. బంధాలను కలుపుకుంటూ వెళ్లాము. మనతోబాటు అందరూ బాగుండాలని ఆశిస్తూ, గుడులకు వెళ్తాము. పూజలు చేస్తాము. ప్రకృతిని పరిరక్షించుకుంటూ ఉంటాము. అలాగే ప్రకృతిని సమాజాన్ని శాసించే అధికారాన్ని మంచి నాయకులు చేతిలో పెట్టి మంచి భవిష్యత్తు కోసం తపిస్తాము.

అలా శాసనాధికారాన్ని కట్టబెట్టే ప్రక్రియలో ఓటు అమూల్యమైనది. ఓటు కీలకమైనది. ఓటు అద్భుతమైన ప్రజాయుధం.

ఓటుతో ఒక రాజకీయ పార్టీ భవిష్యత్తును మార్చేయవచ్చును. అలాగే మన సామాజిక భవిష్యత్తుపై శాసనాధికారాన్ని ఒక పార్టీకి కట్టబెట్టవచ్చును. కాబట్టి ఓటు పరమ పవిత్రమైనది… చాలా విలువైనది.

మంచి నాయకుడు మంచి దార్శినికత ఉంటుంది. మంచి దార్శనికుడు మార్గద్శకంగా నిలుస్తాడు. మంచిని పెంచే ప్రయత్నంలో సామాజికపరమైన నిర్ణయాలు చేస్తూ, సామాజిక భవిష్యత్తు కోసం పాటు పడుతూ ఉంటాడు. అలాంటి నాయకుడుని ప్రజలు ఎన్నుకునే ప్రక్రియలో ఓటు చాలా విలువైనది మరియు పవిత్రమైనది కూడా.

బాలల దినోత్సవం బాలలకు భరోసగా ఉండేవారు

బాలల దినోత్సవం బాలలకు భరోసగా ఉండేవారు నిత్యం వెన్నంటి ఉంటారు. ప్రతివారికి బాల్యం భగవంతుడు అందించిన వరం. అనుకరించడంలో డిగ్రీ పుచ్చుకున్నట్టుగా అనుసరించడంలో ముందుండే బాలల చుట్టూ రక్షణ వలయంలాగా సమాజం ఉంటుంది.

ఇంట్లో అమ్మా, నాన్న అన్నయ్య, అక్క, ఇంటి చుట్టూ ఇరుగుపొరుగు, ఇంటి బయట బంధువులు, ఊరికెళితే అత్తయ్య, మామయ్య, అమ్మమ్మ, తాతయ్య చదువుకుంటున్న వేళల్లో బోధకులు ఇలా నిత్యం బాలల వెన్నంటి బాలల శిక్షణకు, బాలల ఉత్తమ క్రమశిక్షణ కోసం పాటుపడే వ్యవస్థ మన సమాజంలో బాలలకు వరం వంటిది.

స్కూలుకు వెళ్ళిన బాలలు ఇంటికి తిరిగిరాకపోతే ఇంటి నుండి పెద్దల ఆరా… స్కూల్ నుండి ఇంటికి బయలుదేరిన పిల్లలు ఇంటికి క్షేమంగా చేరడానికి ప్రయత్నించే స్కూల్ సిబ్బంది…. ఇలా బాలల చుట్టూ బాలల కోసం పాటుపడేవారు తమ వంతు సేవ చేస్తూనే ఉంటారు.

సమాజంలో ఎక్కడన్నా రాజీపడి తప్పును క్షమిస్తారేమో కానీ బాలల విషయంలో తప్పుకు తావివ్వరు. అలా రక్షణాత్మక దోరణి బాలలపై చూపుతారు. అటువంటి బాల్యం అందరికీ వరమే. బాలల దినోత్సవం బాలలకు భరోసగా ఉండేవారు అనేకమంది వారి చుట్టూ ఉంటారు.

బాలల దినోత్సవం సందర్భంగా బాలలకు శుభాకాంక్షలు.

ప్రతి యేడాది నవంబర్14 బాలల దినోత్సవం. ఆ సందర్భంగా బాలలకు శుభాకాంక్షలు. బాలలు మీది నేర్చుకునే వయస్సు ఆ వయస్సులో మీరు ఏమి నేర్చుకుంటున్నారో అది మీ జీవితము మొత్తము మీకు తోడుగా ఉంటుంది. కాబట్టి మంచి విషయ పరిజ్ఙానం పెంపొందించుకోవడానికి నిత్యం పాటుపడాలి. ఎందుకంటే నిత్యం మీ వెన్నంటి ఉండేవారి తపన అదే కాబట్టి.

ఇక బాల్యంలో బాలలు ఏమి అలవాటు చేసుకుంటూ ఉంటే, ఆ అలవాట్లే జీవితము అంతా ప్రభావం చూపుతూ ఉంటాయి. కారణం అనుసరించే గుణం కలిగిన మనసుకు అనుసరించి, అనుసరించి అలవాటుగా మార్చేసుకుంటుంది. కాబట్టి మీరు మీ బాల్యంలో మంచి అలవాట్లను అలవరచుకుంటే, అవి మీకు జీవితము మొత్తము మంచి కీర్తి ప్రతిష్టలను సాధించడానికి దోహదపడతాయి. ఎందుకంటే నిత్యం మీ వెన్నంటి ఉండేవారి చిరకాల కోరిక అదే కాబట్టి.

ఎదిగే వయస్సులో అల్లరి ఉంటుంది. అదే అలవాటుగా అయిపోతే నలుగురిలో మీరు అల్లరిపాలు అయ్యే అవకాశం ఉంటుంది. కాబట్టి అల్లరి సరదా దగ్గర ఆగిపోవాలి. మంచి అలవాట్లతో మనసుపై నియంత్రణ కలిగి ఉండడం అలవాటు చేసుకోవాలి.

బాలల దినోత్యవం సందర్భంగా బాలలు తమకు తాము గమనించవలసిన విషయాలు

పైన చెప్పుకున్నాము… బాలలుగా ఉన్నప్పుడు బాలల చుట్టూ ఒక రక్షణ వలయంగా ఇంటి దగ్గర నుండి స్కూల్ వరకు రక్షణాత్మక దోరణి ఉంటుందని.

అలా ఏర్పడిన రక్షణ వలయంలో ఉన్నవారంతా మీ క్షేమము కొరకే ఆలోచిస్తూ ఉంటారు. అందులో భాగంగా కొన్ని కొన్ని సార్లు కొంతమంది విద్యార్ధులను టీచర్లు మందలించడం కానీ ఇంట్లో పెద్దలు మందలించడం కానీ జరుగుతుంది. అలా మందలించబడిని విద్యార్ధులు తమ తప్పులు తాము తెలుసుకుని వాటిని సరిదిద్దుకునే మార్గం ఇంట్లో పెద్దవారిని కానీ స్కూల్లో టీచర్లను కానీ అడిగితే అక్కడే మీ మనసుపై మీకు విజయం సాధించే అవకాశాన్ని అందుకుంటున్నట్టే లెక్క.

ఇలా విద్యార్ధులు కొన్ని కొన్ని తప్పులు అల్లరితో వచ్చేవిగా ఉన్నట్టు ఉన్నా…. ఎక్కడైనా స్వభావం దోషంగా కనబడితే అటువంటి బాలల విషయంలో పెద్దలు కానీ టీచర్లు కానీ గమనించగానే బాలలను హెచ్చరించడం, మందలించడం సహజం…. కాబట్టి బాలలూ మిమ్మల్ని టీచర్లు మందలిస్తే, ముందు అలా మందలించడానికి కారణం కనుక్కోవాలి. అలా కనబడిన కారణంలో మీ తప్పును మీరు తెలుసుకోగలగాలి. తప్పును సరిదిద్దుకోవడానికి మార్గం ఆలోచించాలి. అలాంటి తప్పులు జరగకుండా జాగ్రత్తపడాలి.

బాలలుగా ఉన్నప్పుడు పెద్దల మందలింపు చర్యలను తప్పు బట్టడం కన్నా ముందు ఆమాటలను పాజిటివ్ దృక్పదంతో ఆలోచించడం అలవాటు చేసుకోవాలి.

బాలలుగా ఉన్నప్పుడే ప్రధాన విషయాలలో వినడం ప్రధానం.

మొక్కగా ఉన్నప్పుడు ఒంగని మొక్క పెరిగి మానై అంటే పెద్ద చెట్టుగా పెరిగాకా ఒంగుతుందా? ఈ సామెతే బాలలకు బాగా వర్తిస్తుందంటారు.

బాల్యంలో వినడం మానేసి ఇష్టానుసారంగా వ్యవహరించే పిల్లలలు పెరిగి పెద్దయ్యాక కూడా అదే ప్రవర్తన కలిగి ఉంటారు. అటువంటి ప్రవర్తన వలననే సమాజంలో ఎప్పుడో ఒకసారి నలుగురిలో నవ్వులపాలు అవుతూ ఉండడం జరగవచ్చును. అదే బాల్యంలో క్రమశిక్షణకు అలవాటు పడితే మాత్రం ఆ క్రమశిక్షణ జీవితాంతము ఉంటుంది.

ప్రధానోపాధ్యాయులు కానీ ఉపాధ్యాయులు కానీ విద్యార్ధులను దండించారు అంటే దానికి కారణం మాత్రం క్రమశిక్షణను ఉల్లంఘించారనే భావన బలపడడమే అవుతుంది.

కాబట్టి బాలలుగా ఉన్నప్పుడు క్రమశిక్షణను ఉల్లంఘించరాదు. పొరపాటున క్రమశిక్షణ ఉల్లంఘించినా మరలా అది రిపీట్ కాకుడదు.

సమాజంలో ప్రధాన దరిద్రం ఏమిటంటే, కొన్ని వీడియోల ద్వారా ప్రేక్షకులను ఆకర్షించడం కోసం కామెడీ ప్రయత్నంలో బాగంగా క్రమశిక్షణను హేళన చేయడమే ప్రధాన ధ్యేయంగా ఉండడం.

కాబట్టి క్రమశిక్షణ ఉల్లంఘించడం అంటే గొప్పకాదు. అది మీకు మీరే నష్టం చేసుకుంటున్నట్టే.

బాలలుగా ఉన్నప్పుడే ప్రధాన విషయాలలో వినడం ప్రధానం. ప్రధాన విషయాలలో అంటే క్రమశిక్షణ, పాఠ్యాంశాలు చదివే తీరు, అవగాహన ఏర్పరచుకోవడం. పెద్దల మాటను గౌరవించడం. విన్నదానిలో విషయ సంగ్రహణం. ఎటువంటి విషయాలను వెంటనే వదిలిపెట్టాలి. ఎటువంటి విషయాలలో పట్టింపులు ఉండాలి. ఎటువంటి విషయాలలో పట్టుదల చూపాలి… ఇవ్వన్ని ఎప్పటికప్పుడు పెద్దల ద్వారా బాలలకు చెప్పబడుతూనే ఉంటాయి. విని మంచిని స్వీకరిస్తూ, పాజిటివ్ కాన్సెప్టును మైండులో బాగా వృద్ది చేసుకోవాలి….

బాలల దినోత్సవం బాలలకు భరోసగా ఉండేవారు ఎల్లప్పుడూ బాలల చుట్టూ ఉంటారు… బాలలుగా ఉన్నవారు పెద్దల కష్టం గుర్తించి, వార కష్టాన్ని వృధా కానీవ్వకుండా… నేర్చుకోవాలసిన విషయాలలో దృష్టి కేంద్రికరించడం ప్రధాన కర్తవ్యం.

పుస్తక పఠనం వలన ఉపయోగాలు

పుస్తక పఠనం వలన ఉపయోగాలు చాలానే ఉంటాయని అంటారు. పుస్తకాలు చదవడం వలన జ్ఙానం పెరుగుతుంది. పుస్తకాలు చదవడం వలన విషయాలలో సారం అర్ధమవుతుంది. ఎందుకంటే పుస్తకాలలో వివిధ విషయాల సారం వివరించబడి ఉంటుంది. పుస్తకాలలో వివిధ విధానాల గురించి లేక పద్దతుల గురించి వివరించబడి ఉంటుంది.

పుస్తకాలు చదవడం వలన ఒక విధానం గురించి అర్ధం అవుతుంది. అది వస్తు తయారీ విధానం కావచ్చును. సంస్కృతి సంప్రదాయం కావచ్చును. ఏదైనా ఒక పద్దతి గురించి అక్షర రూపంలో వివరించబడి ఉంటే అది పుస్తకంలోనే నిక్షిప్తం అయి ఉంటుంది కాబట్టి మరలా అటువంటి పద్దతి భవిష్యత్తులో తెలుసుకోవాలంటే పుస్తక పఠనం వలన సాధ్యపడుతుందని అంటారు.

వ్యక్తి పుట్టిన నాటి నుండి తల్లి కొన్ని విషయాలు తెలియజేస్తూ వస్తుంది. తండ్రి కొన్ని విషయాలు తెలియజేస్తూ వస్తాడు. గురువు ఎన్నో విషయాలు తెలియజేయడానికి చూస్తాడు. స్నేహితుడు కొన్ని విషయాలు తెలియబడడానికి కారణం కాగలడు. జీవితపు భాగస్వామి మరికొన్ని విషయాలు తెలియబడడానికి కారణం కాగలడు. ఇలా ఎంతో మంది ఎన్నో రకాలుగా ఒక వ్యక్తికి విషయ పరిజ్ఙానం అందించే క్రమంలో సాయపడుతూ ఉంటారు. అయినను జిజ్ఙాసులకు విషయ పరిజ్ఙానం అవసరం అయితే పుస్తక పఠనమే సాయపడగలదని అంటారు.

ఎన్ని పుస్తకాలు చదవడం వలన అర్ధం కానీ విషయసారం గురువు మాటలలో అర్ధం అవుతుంది. అయితే తెలుసుకోవాలనే ప్రేరణ గురువు వద్ద పొందవచ్చును. లేక పుస్తకం చదువుతున్నప్పుడు పొందవచ్చును. లేక స్నేహితుడి ద్వారా కలగవచ్చును లేక కుటుంబ సభ్యుల వలన కలగవచ్చును.

ఆసక్తి బట్టి పుస్తక పఠనం, గ్రహించే శక్తికొలది నైపుణ్యత

మనకుండే ఆసక్తి మనకు పుస్తక పఠనం వైపు మనసు వెళుతుంది. పుస్తక పఠనంలో గ్రహించేశక్తిని బట్టి విషయాలలో నైపుణ్యత పెరుగుతుంది.

వ్యక్తికి ఉండే ఆసక్తిని బట్టి పుస్తకాలు చదవాలనే ఆకాంక్ష ఉంటుంది. కొందరికీ శాస్త్ర పరిశోధనా పుస్తకాలు చదవాలనిపిస్తే, పరిశోధనాత్మక ఊహాశక్తి పుస్తక పఠనం వలన ఏర్పడే అవకాశం ఉంటుంది.

కొందరికి సాహిత్యం అంటే ఆసక్తి ఉంటే, తెలుగు సాహిత్యపు పుస్తక పఠనం చేయడం వలన సాహిత్యంలో నైపుణ్యతను పెంపొందించుకోవచ్చును. ఇలా ఎవరి ఆసక్తిని బట్టి అటువంటి పుస్తకాలు చదివితే, ఆ ఆసక్తిని అనుసరించే జీవితములో ఏదైనా సాధించాలనే లక్ష్యం ఏర్పడవచ్చును.

టివికి కళ్ళగప్పగిస్తే ఎవరో రచించిన రచనకు దృశ్యరూపం మన కళ్ళముందు కనబడుతుంది. అదే పుస్తకాలు చదవడం వలన పుస్తకంలోని అంశము మన మనసులో ఒక ఊహాత్మక ఆలోచనను సృష్టించగలదు. సాధన చేస్తే మనమే దృశ్యరూపం ఇచ్చే శక్తిని పొందవచ్చునని అంటారు.

అంటే పుస్తకాలు చదవడం వలన ఊహాశక్తిని పెంపొందించుకోవడంలో అవి సాయపడతాయని అర్ధం అవుతుంది.

లోకంలో గడిచిన కాలంలో జరిగిన చారిత్రకత అంతా అక్షరరూపంలోకి మార్చితే అది పుస్తక రూపంలో నిక్షిప్తం అయి ఉంటుంది. అలాగే గతంలో గతించిన గొప్పవారి జీవితాలు కూడా అక్షరరూపంలోకి మారితే, అవి కూడా పుస్తకాలుగా మనకు లభిస్తాయి. అంటే పుస్తకాలు చదవడం వలన గతకాలపు సామాజిక పరిస్థితుల గురించి అవగాహన తెచ్చుకోవచ్చును.

పుస్తక పఠనం చేయడం వలన ఉపయోగాలు

చరిత్ర గురించి తెలుసుకోవచ్చును.

గొప్ప గొప్పవారి జీవిత చరిత్రలు తెలుసుకోవచ్చును.

జీవితంలో కష్టాలు ఎదురైనప్పుడు గతంలో ఎవరు ఎలా ఆ కష్టాలను గట్టెక్కారో? ఒక అవగాహన పుస్తక పఠనం వలన ఏర్పడుతుందని అంటారు.

వస్తు తయారీ విధానం తెలుసుకోవచ్చును

ప్రకృతి వైద్యం గురించి, నేటి ఆదునిక వైద్యం గురించి తెలుసుకోవచ్చును.

ఆచార వ్యవహారాల గురించి సవివరంగా పుస్తక పఠనం ద్వారా తెలియబడుతుందని అంటారు.

విజ్ఙానం పెంపొందించుకోవడం పుస్తకం కన్నా మంచి సహవాసం ఉండదని అంటారు.

కాలము కలము ఒకే అక్షర రూపంగా కనిపించే వీటిని ఉపయోగించుకుంటే

కాలము కలము ఒకే అక్షర రూపంగా కనిపించే వీటిని ఉపయోగించుకుంటే జీవితమే అద్భుతము అంటారు. ఒక దీర్ఘము తేడా రెండు పదాలలోనూ అక్షరాలు ఒక్కటే, వాటిని ఉపయోగించకుంటే ఉన్నత స్థితికి చేరవచ్చును అంటారు. కలంతో చైతన్యవంతమైన విషయమును పంచుకోగలం… కాలం ఉపయోగించుకుంటే, అంతకన్నా బంగారం ఉండదు.

కలం ఉపయోగిస్తూ కాలంలో కరిగిపోనీ కీర్తిని గడించవచ్చును… అందుకు తగిన సాధన అవసరం అంటారు.

కలము అంటే పెన్ను. కత్తి కంటే కలము గొప్పది అనే నానుడి ప్రసిద్ది. అంటే మారణాయుధం కన్న కలము గొప్పది. కత్తి ఇతరులలో భయాన్ని సృష్టించగలదు. ఆందోళన రేకిత్తంచగలదు. కానీ కలము ఇతరులలో ఆలోచన కలిగించగలదు. సమాజంలో మార్పుకు నాంది కాగలదు. విషయమును వివరించడంలో కలము కన్నా గొప్ప ఆయుధము ఏముంటుంది. మనిషి మాటకుండే శక్తి అక్షరరూపంలో మార్చాలంటే ఉపయోగపడేది కలమే…

నేర్చుకున్న పాఠ్యాంశముల సారమును ప్రశ్నాపత్రములలో వ్రాయడానికి కలమే ఉపయోగపడుతుంది. కలము లేకుండా కాగితముపై ఏమి చేయలేము. కాబట్టి కలమును సద్వినియోగం చేసుకోవడంలోనే విద్యార్ధి దశలో రెండింటిని సద్వినియోగం చేసుకున్నట్టు అవుతుంది. కలం బాగా ఉపయోగిస్తున్నాము అంటే నేర్చుకున్న అంశములో సాధన బాగా చేసినట్టే అయితే, ఆ సాధన చేయడంలోనే కాలం కూడా సద్వినియోగం అవుతుంది. అంటే కలమునకు కాలమునకు ఒక దీర్ఘమే తేడా ఫలితం మాత్రం రెండు కలిస్తేనే సరైన సమయంలో కలమును కరెక్టుగా ఉపయోగిస్తే, భవిష్యత్తు కాలంలో మరింత ప్రయోజనం పొందగలం.

యువతలో కాలహరణం చేసే అవకాశం

యువతగా మారుతున్న వారిలో ముందుగా కాలక్షేపం కోసమని ప్రారంభించే సంభాషణల మద్య కాలహరణం చేసే విషయాలు వచ్చి చేరుతూ ఉంటాయి. వాటి వలన కాలం హరించుకుపోతుంది. నేర్చుకునే వయసులో నేర్చుకోవాలసిన విషయాలు మరుగునపడతాయి. యువత విషయంలో ఎక్కువగా జరిగే కాలహరణము నివారించుకోగలిగితే, ఆ యువత తమ జీవితాన్ని అద్భుతంగా మరల్చుకోగలరని అంటారు.

ఎప్పుడూ చదువేనా కాసేపు అటవిడుపు ఉండాలి అంటూ విశ్రాంతిగా ప్రారంభం అయ్యే ఆటలు కానీ కాలక్షేప కబుర్లు కానీ నిర్ణీత సమయంలో ముగించకపోవడం వలన జరిగే కాలహరణం వలన తగిన మూల్యం చెల్లించవలసినది అలా కాలహరణం చేసినవారే.

ఒకేలాగా కాలమే ఉండదు అలాంటప్పుడు మనిషి మనసు ఎలా ఉంటుంది? అయితే అటువంటి సమాజంలోనే అటువంటి కాలంలోనే గొప్పతనం పొందిన నాయకులు కానీ, స్పూర్తినిచ్చే మహానుభావులు కానీ పుస్తకాలలోకి ఎక్కిన జీవిత చరిత్రలు కానీ పరిశీలిస్తే, వారు తమ జీవితంలో కాలాన్ని సరిగ్గా సద్వినియోగం చేసుకున్నారనే పాఠం తెలియబడుతుంది.

మనిషి జీవితపు కాలము పరిమిత కాలము అది ఎంతకాలము అనేది ఎవరికీ తెలియనిది. కానీ ఏమి సాధించాలనే లక్ష్యము మాత్రము ఎవరికివారే నిర్ధేశించుకోవలసి ఉంటుందని పెద్దలంటారు. అలా నిర్ధేశించుకున్న మంచి లక్ష్యాన్ని చేరుకోవడానికి తగిన కృషి చేయడానికి కాలమును సరిగ్గా ఉపయోగించుకోవడంలోనే జీవితపు లక్ష్యం నెరవేరగలదు.

ఇలా కాలము కలము ఒకే అక్షర రూపంగా కనిపించే వీటిని ఉపయోగించుకుంటే మాత్రం జీవితంలో ఉత్తమ లక్ష్యాలను సాధించవచ్చని అభిప్రాయపడుతూ ఉంటారు.

మంచి చెడులను ఆలోచించి నిర్ణయాలు తీసుకోవాలి ఎందుకు చర్చించండి

మంచి చెడులను ఆలోచించి నిర్ణయాలు తీసుకోవాలి ఎందుకు చర్చించండి? ముందుగా ఇది అందరికీ ఉపయోగపడే ప్రశ్న. అన్ని అంశములలోనూ మంచి చెడుల గురించి సరైన రీతిలో ఆలోచన చేయాలి. లేకపోతే నష్టం ఎక్కువగా ఉంటుంది.

ఒక మంచి స్నేహితుడు మంచే చెబుతూ ఉంటాడు. కానీ ఆలోచించకుండా త్వరపడి చెడు అభిప్రాయానికి వస్తే, మంచి స్నేహితుడు దూరం అయ్యే అవకాశాలు ఉంటాయి.

బంధువు గురించి చెడు అభిప్రాయం ఏర్పరచుకుంటే, ఆ బంధం అట్టేకాలం కొనసాగదు.

సహచరుల విషయంలో చెడు అభిప్రాయానికి వస్తే, సహచరులతో మనగలగడం గగనం అవుతుంది. ఇలా ఏ బంధంలోనైనా మంచి చెడులు యోచించకుండా నిర్ణయాలు తీసుకుంటే, జీవితంలో నష్టం ఎక్కువగా ఉంటుందంటారు.

మాములుగానే కొంతమంది ఒక విషయం చెబుతూ ఉంటారు. అదేమిటంటే ‘మంచి చెప్పేవారి కంటే, చెడు విషయాలను చేరవేసేవారు ఉంటారని’ అంటారు. ఇక మంచి చెడుల విచారణ లేకపోతే మనిషి చుట్టూ చెడు విషయాలు మేటవేసుకుంటాయి.

ఒక వ్యక్తి ఒక నిర్ణయం తీసుకుంటున్నాడంటే, ఆ నిర్ణయం తీసుకున్న వ్యక్తి చుట్టూ ఉన్న సమాజం అతని నిర్ణయాన్ని ప్రశ్నిస్తూ ఉంటుంది. ఇక నిర్ణయం గురించి విమర్శిస్తూ ఉంటుంది. ఇంకా తీసుకున్న నిర్ణయం గురించి విచారణ చేస్తుంది. అంటే నిర్ణయం తీసుకున్న వ్యక్తి యొక్క ఆలోచనా తీరు తన చుట్టూ ఉన్న సమాజానికి నిర్ణయం ద్వారా తెలియపరచడం జరుగుతూ ఉంటుంది. లోకం దృష్టితో చూసినప్పుడు మాత్రం ఎప్పుడూ మంచి నిర్ణయాలకే ప్రధాన్యతను ఇవ్వడం వలన లోకంలో విలువ పెరుగుతుంది.

మంచి మాములుగా ఉంటే, చెడు చెలరేగిపోతుందట.

సమాజంలో మంచి సైకిలు వేగంతో ప్రయాణం చేస్తే, చెడు రైలు వేగంతో ప్రయాణం చేస్తుందని అంటారు. అంటే ఒక వ్యక్తి చుట్టూ చెడు చేరినంత వేగంగా మంచి విషయాలు చేరవు. స్వయంగా మంచి విషయాలపై ఆసక్తి చూపితేనే మంచిని ప్రబోదించే పండితులు ఉంటారని అంటారు.

మంచి చెడులను ఆలోచించి నిర్ణయాలు తీసుకోవాలి ఎందుకు చర్చించండి

చెడు విషయాల గురించి ఆసక్తి లేకపోయినా అవి కంటికి కానవస్తూనే ఉంటాయి. చెడు విషయాల గురించి వినడానికి ఆలోచించకపోయినా వీనులకు వినబడే అవకాశాలు ఎక్కువగా ఉంటాయి. కానీ మంచిని మాత్రం ఆసక్తి చూపిన చోటే పెంచగలం అంటారు.

వ్యసనాలకు బానిస కాకుడదు అని ప్రబోదించడంలోనే వ్యసనం అంటే ఏమిటో తెలుసుకోవాలన్న ఆసక్తి పెరిగితే చాలు చెడు విషయాలు మనిషి చుట్టూ అల్లుకుపోతూ ఉంటాయి. అదే మంచి విషయాలు ఏమిటి ఆని చూస్తే, అవి మనిషి మనసులో మరుగునపడి ఉంటాయి.

కాబట్టి మంచి చెడులను ఆలోచించి నిర్ణయాలు తీసుకోవాలని అంటారు.

నిర్ణయం వ్యక్తి నిబద్దతను తెలియజేస్తుంది. నిర్ణయం వ్యక్తి స్వభావాన్ని ప్రస్ఫుటం చేస్తుంది. నిర్ణయం వ్యక్తి యోగ్యతను తెలియజేస్తుంది. నిర్ణయం వ్యక్తి జీవితాన్నే మార్చేయగలదు. అటువంటి నిర్ణయాలు తీసుకునేటప్పడు తొందరపాటు పనికిరాదని అంటారు.

మంచి చెడులు విచారించకుండా నిర్ణయాలు తీసుకుంటే, జీవితం తలక్రిందులు అవుతుంది. మిత్రులు దూరం అయ్యే అవకాశం ఉండవచ్చును. కొలువు కోల్పోయే అవకాశం ఏర్పడవచ్చును. బంధం దూరం అయ్యే అవకాశం ఏర్పడవచ్చును. నిర్భంధించబడే స్థితి ఏర్పడవచ్చును. ఇలానిర్ణయం వ్యక్తి జీవితంపై విశేషమైన ప్రభావం చూపగలదు కాబట్టి మంచి చెడులను ఆలోచించి నిర్ణయాలు తీసుకోవాలి.

ఒక రంగం వృద్ది చెందితే, అనుబంధంగా మరికొన్ని రంగాలు ఎలా?

ఒక రంగం వృద్ది చెందితే, అనుబంధంగా మరికొన్ని రంగాలు ఎలా అర్ధికంగా వృద్ది చెందుతాయి? ఒక రంగానికి అనుషంగికంగా ఉండే మరికొన్ని రంగాలు వృద్ది చెందుతాయి.

ప్రపంచంలో ఒక రంగం వృద్ది చెందితే

క్రికెట్ పోటీలు జరిగే వేళ టివీ రంగం ఆర్ధిక ప్రయోజనం కలుగుతాయి. అదే సమయంలో టివి ప్రకటనలు ఇచ్చే సంస్థలకు ఆర్ధిక ప్రయోజనం కలుగుతుంది. టివి ప్రకటనలలో వచ్చే వాణిజ్య ప్రకటనదారు కంపెనీల అమ్మకాలు పెరగవచ్చును. ఇలా అనుబంధంగా ఉండే సంస్థలకు ఆర్ధిక ప్రయోజనం కలుగుతుంది.

ఇంటర్నెట్ అందించే సంస్థలు 4జి స్థాయికి వృద్దిని సాధించారు. తత్ఫలితంగా ప్రముఖ మొబైల్ తయారీ కంపెనీలకు అమ్మకాలు పెరిగాయి. విపరీతంగా 4జి స్మార్ట్ ఫోన్స్ అమ్మకాలు పెరిగాయి. 4జి అమ్మకాలు పెరగడంతో వివిధ యూట్యూబ్ ఛానల్స్ ఆదాయం పెరిగింది. వ్యాపార ప్రకటనలు మనిషి మరింత చేరువయ్యాయి. స్మార్ట్ ఫోన్ వినియోగం పెరగడంతో, స్మార్ట్ ఫోన్ రిపేరింగ్ షాపులు, స్మార్ట్ ఫోన్స్ స్పేర్స్ అందించే షాపులకు ఆదాయం బాగుంటుంది. ఇంకా ఆన్ లైన్లో వివిధ విక్రయాలు జరిపే సంస్థలకు 4జి వినియోగం వలన ప్రయోజనాలు కలిగాయి. ఇలా ఏదైనా ఒక రంగం బాగా వృద్ది చెందితే, అనుబంధంగా మరికొన్ని రంగాలు ఆర్ధిక వృద్దిని సాధిస్తాయి.

అంటే ఒక సేవ ప్రారంభిస్తే, ఆ సేవను ఉపయోగించుకోవడానికి పరికరాలు అవసరం అవుతాయి. అలా ఒక సేవకు ఆదరణ పెరిగితే, ఆ సేవను ఉపయోగించుకోవడానికి అనువుగా ఉండే పరికరాలకు డిమాండ్ పెరుగుతుంది.

ఒక కొత్త వస్తువు ఆవిష్కరింపబడితే, ఆ వస్తువుకు ఆదరణ పెరిగనప్పుడు ఆ వస్తువు యొక్క విడి భాగాల అవసరం ఏర్పడుతుంది. ఆ వస్తువు యొక్క విడి భాగాలను తయారు చేసేవారికి డిమాండ్ పెరుగుతుంది. వాటిని విక్రయించేవారికి ఆదాయం ఉంటుంది. ఇలా ఒక వస్తువు బాగా ప్రసిద్ది చెందినప్పుడు ఆ వస్తువు పని విధానం తెలియజేస్తూ కూడా ప్రయోజనం పొందే అవకాశం నేడు మీడియా వ్యవస్థలో ఉంటుంది.

కావునా ఏదైనా ఒక రంగం కొత్తగా వృద్ది సాధిస్తుంటే, దానికి అనుబంధంగా ఉండేవాటి వలన కూడా ప్రయోజనాలు ఉన్నప్పుడు ఆయా అనుబంధ రంగాలలోనూ వృద్ది ఉంటుంది.

ఆత్మకథ అంటే ఏమిటి వివరించండి

ఆత్మకథ అంటే ఏమిటి వివరించండి ! వ్యక్తి తన యొక్క జీవిత ప్రయాణంలో ఎదుర్కొన్న కష్టనష్టాలు, స్వానుభవం, చవి చూసిన అనుభవాలు, ఇంకా వారి స్వ జ్ఞాపకాలు గురించి తనకు తానుగా నిజాయితీగా రచన చేసిన కధను ఆత్మకథ అంటారు. అంటే వ్యక్తి జీవిత చరిత్రను కూడా ఆత్మకధగా చెబుతారు. ప్రధానం ప్రముఖులు ఆత్మకధలు సాధారణ వ్యక్తులలో ప్రేరణ పుట్టిస్తాయి. విద్యార్ధులకైతే ఏదైనా సాధించాలనే లక్ష్యము ఏర్పడగలదు.

తన జీవితములో తాను ఎదుర్కొన్న పరిస్థితులు వాస్తవిక దృష్టితో అర్ధవంతంగా ఇతరులెవరినీ నొప్పించకుండా ఉండడానికి ప్రధాన్యత ఇస్తారని అంటారు. వాస్తవిక దృష్టితో ఉండడం వలన సదరు నాయకుడు లేదా ప్రముఖులు జీవించిన కాలంలోని సామాజిక స్థితి గతుల గురించి భవిష్యత్తు తరానికి కూడా ఒక అవగాహన ఏర్పడే అవకాశం ఉంటుంది.

తమ జీవితములో తాము సాధించిన విజయాలు, పొందిన పరాజయాలు… విజయానికి తోడ్పాటు అందించినవారు, పరాజయానికి స్వీయ తప్పిదాలను వాస్తవంగా విచారిస్తూ వివరించే ప్రక్రియ ఆత్మకధలో కొనసాగుతుందని అంటారు.

మహాత్మగాంధీ గారు తన ఆత్మకధను సత్యశోధన అనే పేరుతో రచించారు. ఆ పుస్తకం ఇప్పుడు చదవడం వలన నాటి స్వాతంత్ర్యపు కాలం నాటి పరిస్థితులు ఎలా ఉండేవో మనకు ఊహాత్మక ఆలోచనలు కలిగే అవకాశం ఉంటుంది.

వింగ్స్ ఆఫ్ ఫైర్ అంటూ అబ్దుల్ కలాం రచించిన ఆత్మకధ పుస్తకం చదివితే, పరిశోధన గురించిన అవగాహన ఏర్పడే అవకాశం ఉంటుంది. ఇంకా జీవితానికి ఒక లక్ష్యం ఏర్పడే అవకాశం ఉంటుంది.

ఈ విధంగా సమాజంలో పేరు ప్రఖ్యాతులు పొందినవారు తమ తమ జీవితంలో ఎదురైనా పరిస్థితులు గురించి తెలియజేయడం వలన అవి భవిష్యత్తులో మరికొందరికి ప్రేరణ కలిగించగలవు.

గడ్డు పరిస్థితులలో ప్రముఖులు చూపించిన తెలివితేటలు ఆత్మకధగా ఒక పుస్తక రూపంలో ఉంటే, అటువంటి పరిస్థితుల గురించి ఒక అవగాహన ఎప్పటికీ పుస్తక రూపంలో భద్రపరచబడి ఉంటుంది. అటువంటి పరిస్థితులు భవిష్యత్తులో ఎదురైనవారికి ఉపయుక్తం కాగలవు.

ఆర్ధిక క్రమశిక్షణ ఆవశ్యకత వివరించండి!

Leave a reply

ఆర్ధిక క్రమశిక్షణ ఆవశ్యకత వివరించండి. చాలా ప్రధాన విషయము. చాలా ముఖ్యమైన విషయము. అందరూ తెలుసుకోవలసిన అంశము. అందరికీ అవగాహన ఉండాల్సిన అంశము. ఎందుకు ఇంత ముఖ్యం? ఇంత ప్రధానం అంటూ అవే పదాలు రిపీట్ చేయడం?

వ్యక్తి ఉన్నతికి ఆర్ధిక క్రమశిక్షణ దోహదపడుతుంది.

ఒక వ్యక్తి సామాజిక స్థితిని ఆర్ధిక పరిస్థితి శాసిస్తుంది.

సమాజంలో గౌరవం వ్యక్తి యొక్క ఆర్ధిక స్థితి ఆధారంగా ఉంటుంది.

కుటుంబ జీవనంలో ఆర్ధిక వనరులు కీలక పాత్ర పోషిస్తాయి.

సామాజిక అభివృద్ది అయినా వ్యక్తి అభివృద్ది అయినా ఆర్ధిక వనరులు, ఆర్ధిక సంపాదన వలననే సాద్యపడుతుంది… ఇంకా ఎన్నో అవసరాలు ఆర్ధిక స్థితి ఆధారంగా తీరుతూ ఉంటాయి. అటువంటి ఆర్ధిక రంగంలోనే మోసానికి తావు ఉండేది. ఏరంగం అయినా స్థాపించబడే ప్రధానంగా ఆర్ధిక ప్రయోజనాలు కోసమే అయితే కొన్ని సేవా రంగాలు కూడా ఆర్ధిక స్థితి బాగుంటేనే అవి మనగలవు. కాబట్టి ఆర్ధిక క్రమశిక్షణ అనేది అందరికీ అవసరం.

ఆలోచిస్తే ఆర్ధిక క్రమశిక్షణ ఒక వ్యక్తికి జీవిత పర్యంతము ఉంటే, అతని సంపాధన అతనిపై ఆధారపడినవారికి సరిగ్గా అందుతుంది.

ఒక సంస్థ కట్టుదిట్టమైన ఆర్ధిక క్రమశిక్షణను కలిగి ఉంటే, ఆ సంస్థ దీర్ఘకాలం కార్యకలాపాలు సాగించి, ఆ సంస్థను నమ్ముకున్నవారికి సరైన న్యాయం చేయగలదు. ఇలా వ్యక్తి అయినా సంస్థ అయినా ఆర్ధికపరమైన విషయాలలో క్రమశిక్షణను కలిగి ఉంటే ఎక్కువకాలం సమాజంలో మనగలవు. ఆర్ధిక అవసరాలలో తమవంతు సాయం చేయగలవు.

ఆర్ధిక క్రమశిక్షణ వలన ఆర్ధిక అవసరాలపై పట్టు ఉంటుంది.

కష్టం చేసేవారికి ఆర్ధిక క్రమశిక్షణ ఉంటుంది. కష్టపడి కూడా ఆర్ధిక క్రమశిక్షణ లేకపోతే, జీవితంలో పడ్డ కష్టానికి విలువ పోగొట్టుకున్నట్టే… అవుతుంది.

ధనం సంపాదించేవారికే ధనం ఖర్చు చేసే అధికారం అంటారు. కష్టపడ్డవారికే తెలుసు కష్టం విలువ. ఆ కష్టం ద్వారా వచ్చిన ధనం విలువ.

కూర్చుని తినేవారికి ఏమి తెలుసు? డబ్బు కేవలం వినోదాలకు ఖర్చు చేయడమే అవసరం అనే అజ్ఙానంతో ఉంటారు. ఇలాంటి వారి చేతికి ధనం వచ్చినా అది విలాసాలకు లేదా మరొకరి జీవితాన్ని పాడు చేయడానికి ఉపయోగపడుతుంది.

ఆర్ధిక పరిస్థితి బాగున్న కుటుంబంలో కుటుంబ యజమాని ఆర్ధిక క్రమశిక్షణ దాగి ఉంటుంది. అదే కుటుంబంలో సభ్యుడు ఆర్ధిక క్రమశిక్షణ లేకపోతే, ఆ కుటుంబ ఆర్ధిక పరిస్థితి భవిష్యత్తులో పడిపోయే అవకాశం ఉంటుంది. ఆర్ధిక స్థితి కుంటుపడితే, కుటుంబ గౌరవం కూడా సన్నగిల్లడం ప్రారంభం అవుతుంది. అలాగే సంస్థ అయినా సరే!

ఈ ఆర్ధిక క్రమశిక్షణ అంటే ఏమిటి?

వ్యక్తికి అయినా వ్యవస్థకు అయినా ప్రస్తుత అవసరాలు, భవిష్యత్తు అవసరాలు, గతానికి సంబంధించిన ఖర్చులు… మూడు కాలంలో కలుగుతూ ఉంటాయి.

ప్రస్తుత అవసరాలు

అంటే నిత్య జీవనంలో మనిషి, మనిషిపై ఆధారపడిన వారి పోషణకు సంబంధించినవి.

భవిష్యత్తు అవసరాలు

కుటుంబ ప్రయోజనాలు, ఒక ఇల్లు కట్టుకోవడం, పిల్లల చదువులకు, పిల్లల ఉపాధికి సంబంధించిన అంశాలలో ధనం అవసరాలను గుర్తెరిగి ఉండడం

గడిచిన విషయాలు

గడిచిన కాలంలో ఇచ్చిన మాట ప్రకారం కానీ, ప్రణాలిక చేసుకున్న పధకం ప్రకారం కానీ వర్తనమానంలో కానీ భవిష్యత్తులో కానీ ఖర్చు పెట్టవలసిన సమయానికి ఖర్చు చేయకపోతే అది వ్యక్తి నమ్మకం కానీ సంస్థ గౌరవం కానీ తగ్గిపోతుంది.

ప్రస్తుత ఖర్చులలో వర్తనమాన, భూత, భవిష్యత్తును దృష్టిలో పెట్టుకుని కుటుంబం లేదా సంస్థ యొక్క శ్రేయస్సు కోసం వ్యక్తిగత ప్రయోజనాలకు కానీ స్వార్ధ ప్రయోజనాలకు కానీ విలువ ఇవ్వకుండా ఖర్చుల నిర్వహణ చేయడం ఆర్ధిక క్రమశిక్షణ అయితే అది అందరికీ అవసరం అంటారు.

డబ్బును చాలా జాగ్రత్తగా ఖర్చు చేయడమే ఆర్ధిక క్రమశిక్షణ

జీవితంలో డబ్బు మనిషి మనుగడకు ఆక్సిజన్ వంటిది. ఒకానొక సందర్భంలో ప్రాణవాయువు కూడా డబ్బు పెట్టి కొనుక్కోవాలసిన ఆగత్యం వ్యక్తి ఏర్పడుతుందంటే అర్ధం చేసుకోవచ్చును… డబ్బు వ్యక్తి జీవితంలో ఆక్సిజన్ వంటిదని.

ఒక వ్యక్తి డబ్బును సక్రమంగా ఖర్చు చేయడం వలన, ఆ వ్యక్తిని అనుసరించేవారు కూడా డబ్బును సక్రమంగా ఖర్చు చేయాలనే ఆలోచనను కలిగి ఉంటారు.

ఏదైనా సంస్థ డబ్బు విషయంలో సక్రమమైన విధానమును కలిగి ఉంటే, అందులో ఉద్యోగులు కూడా ఆ సక్రమమైన విధానమునే అనుసరించే అవకాశం ఉంటుంది.

సహజంగా అవసరాల కోసం పనిచేసే చిన్న వయస్సు నుండి లేక ఇష్టం కోసం పనిచేసే బాల్యం నుండే డబ్బు అనే ఆలోచన పుడుతూ ఉంటుంది. అయితే అది సక్రమమైన పద్దతిలో సంపాదించే ఆలోచనకు పునాది ఎక్కడంటే సక్రమంగా ఖర్చు పెట్టడం నుండే అంటారు.

మనసుకు అలవాటుగా మారుతున్న అంశాన్ని

Leave a reply

మనసుకు అలవాటుగా మారుతున్న అంశాన్ని అడ్డుపెట్టుకుని, మనసుపై పట్టు సాధించడం వలన స్వీయ నియంత్రణ పెరుగుతుందని అంటారు. మనిషికి మనసే బలం మనసే బలహీనత అంటారు.

విద్యార్ధి దశలో చిన్న చిన్న పొరపాట్లే అలవాట్లుగా మారకుండా జాగ్రత్తపడాలి. నేర్చుకుంటూ ఏవో కొన్ని విషయాలను అలవాటుగా మార్చుకునే గుణం మనసుకు విద్యార్ధి దశలో ఉంటే, మంచి విషయాలలో ఆసక్తి అలవాటుగా మారితే, అవి జీవితానికి ఉపయోగపడతాయని అంటారు.

రోజూ ఆడుకోవడం ఇష్టం కాబట్టి ప్రతిరోజూ ఆట ఆడుకునే సమయానికి మనసు ఆడుకోవడానికి దృష్టి సారిస్తుంది. ఎప్పుడూ ఫ్రెండ్స్ ఆడుకుందామని అంటారో అనే భావనను మనసు రోజూ ఆడుకునే వేళకు పొందుతూ ఉంటుంది. ఇలాంటి భావనలు పుట్టే సమయంలో మనసును ఎలా నియంత్రించుకుంటే మేలు కలుగుతుందో? పెద్దలు చెబుతూ ఉంటారు.

ప్రతిరోజూ ఒక సమయానికి ఆడుకోవడం అలవాటు అయితే, అదే సమయానికి చదువు విషయంలో రోజువారీ డైరీ ప్రకారం ఉండే పెండింగ్స్ క్లియర్ చేసుకునే విధంగా మనసుకు అలవాటు చేయడం వలన చదువులో వెనుకబడే అవకాశం తక్కువ. ఇంకా ఆటలు ఆడి అలసిపోయాక చదువులో పెండింగ్స్ విషయం బాధించదు. లేకపోతే ఆటలు అలసిపోయాక చదువులో పెండింగ్స్ గుర్తుకు వచ్చి మనసు నిరుత్సాహం పొందే అవకాశం కూడా ఉంటుంది.

అలాగే పిల్లలకు కూడా టివి చూడడం టివిలో సీరియల్స్ కు అలవాటు అవ్వడం జరిగిపోతుంది. ఇంట్లో టివి పెద్దలు చూస్తూ ఉంటే వారితోపాటు వీరు టివి చూస్తూ సీరియల్స్ లేక ప్రాయోజిత కార్యక్రమముల వీక్షణకు అలవాటు అవ్వడం సహజంగా చేసే పొరపాటు అయితే అది అలవాటుగా మారి చదువుకు ఇబ్బంది కలుగజేస్తుంది. అదే టివి సీరియల్ చూసే ముందు చదువులో పెండింగ్స్ పూర్తి చేయాలనే కండిషన్ మీకు మీరుగా పెట్టుకుంటే, చదువులో విజయవంతంగా ముందుకు సాగవచ్చును అంటారు.

ఇలా ఏదైనా చిన్న చిన్నగా అలవాటు అవుతున్నప్పుడే ఆ అలవాటును ఆసరాగా తీసుకుని చదువులో ఉపయోగపడే అంశాన్ని సాధించడానికి ప్రయత్నిస్తే, చదువు సాగుతుంది. మనసుకు కూడా వినోదాత్మకంగానే ఉంటుంది. మనసు ఇష్టపడితే కష్టం కూడా ఇష్టంగా అనిపిస్తుందంటారు. మనసుకు కష్టంగా అనిపిస్తే, సులభమైన పనికూడా భారమవుతుందని అంటారు.

అలవాటును ఆసరాగా మనసుతో మనసుపై పట్టు ఉండడమే స్వీయ నియంత్రణ అయితే చదువుకునే వయస్సులోనే అలవాట్లకు సంభందించిన అంశాలలో పరిశీలన అవసరం.

పిల్లలలో ఇలాంటి అలవాట్లను పెద్దలు గుర్తించి హెచ్చరిస్తూ ఉంటారు. టీచర్లు పరాకు చెబుతూ ఉంటారు. అప్పుడు ఒక్కసారి మన మనసును మనం పరిశీలిస్తే, విద్యార్ధి దశ నుండే స్వీయనియంత్రణ కలిగి ఉండడం జరుగుతుందని అంటారు.

చదువుతూ ఫోనులో సబ్జెక్టు సెర్చ్ చేయడం

పాఠ్య పుస్తకం చదువుతూ ఫోనులో సబ్జెక్టు సెర్చ్ చేయడం ఎంతవరకు సమంజసం అంటే సమంజసం కాదు… పాఠశాలలు ప్రత్యేకించి క్రమపద్దతిలో పాఠ్యాంశాలు బోధించడానికి ఉంటే, స్మార్ట్ ఇష్టానుసారం విషయ సంగ్రహణం చేసే అవకాశం ఉంటుంది. కాబట్టి పిల్లలకు స్మార్ట్ ఫోన్ తగదని అంటారు. కానీ కొన్ని పరిస్థితులలో హోమ్ వర్క్ నేపధ్యంలో స్మార్ట్ ఫోన్ వినియోగిస్తే… ఎంతవరకు దానిని వాడుకోవాలి?

కొందరు విద్యార్ధులు పాఠ్య పుస్తకం చదువుతూ ఫోనులో సెర్చ్ చేయడం చేస్తూ ఉంటారు. కూడికలు చేయడానికి క్యాలిక్యులేటర్ వాడినట్టు, ఫోనులో వెతుకుతూ పాఠ్య ప్రశ్నలకు సమాధానాలు వ్రాయడం అలవాటుగా చేసుకోరాదు. అయితే ఆసక్తికి తగ్గట్టుగా విషయ పరిశీలన చేయవచ్చును కానీ సాధన మాత్రం స్వతహా అభివృద్ది చేసుకోవాలని అంటారు.

అంటే ఒక పాఠ్య పుస్తకంలో అంశంపై వ్యాసం వ్రాయాలి… అయితే వ్యాసం ఎలా వ్రాయాలి? వ్యాస రచన అంటే ఏమిటి? వ్యాస ప్రక్రియ ఎలా ఉంటుంది? వ్యాసం వలన విషయం ఎలా వివరించగలం? వంటి ప్రశ్నలకు సమాధానాలు స్మార్ట్ ఫోను వినియోగించి తెలుసుని, వ్యాసం వ్రాసేటప్పుడు మాత్రం ఫోనులో చూసి పుస్తకంలో వ్రాయడం తప్పుగానే పరిగణిస్తారు.

ఏదైనా ఒక రచనా దృష్టి మనసుకు అలవాటు పడాలంటే, రచనలే చదవాలి అయితే సాధన స్వయంగా చేయాలి.

సబ్జెక్టు ఫోనులో సెర్చ్ చేయడం

‘ధర్మరాజు గారి శాంత స్వభావం గురించి మీ మాటలలో వ్రాయండి’ అనే ప్రశ్న హోమ్ వర్క్ అనుకోండి.

అప్పుడు ధర్మరాజు గారి గురించి పాఠ్య పుస్తకంలో ఉన్నది మనసుకు ఎక్కలేదు… అప్పుడు ధర్మరాజు గారి గురించి మీకు మాటలు వ్రాయడానికి మనసులో మెదలకపోవచ్చును. అలాంటప్పుడు స్మార్ట్ ఫోను వాడకం అలవాటు ఉంటే, స్మార్ట్ ఫోనులో ధర్మరాజు గారి గురించి తెలుసుకోవడం వలన మీ మనసులో పాఠ్యంశమే వెళుతుంది. ఆ తర్వాత ధర్మరాజు గారి గురించి మీరు ఆలోచించి, మీ స్వంత మాటలు వ్రాయగలిగితే మాత్రం మీకు స్మార్ట్ ఫోన్ నుండి మంచి విషయం అందుతున్నట్టే… కానీ స్మార్ట్ ఫోనులో విషయం వింటూ, వ్యాక్యాలు మార్చి వ్రాస్తూ… కాఫీ చేస్తే మాత్రం స్మార్ట్ ఫోన్ నుండి మీకు చదువుపరంగా ఎటువంటి ప్రయోజనం కలగదు.

పాఠ్య పుస్తకంలోనే అంశమే చదివినప్పుడు కానీ విన్నప్పుడు కానీ బుర్రకెక్కలేదు… అప్పుడు స్నేహితుడిద్వారా పాఠ్యపుస్తకంలోని అంశం గురించి చర్చించడం ఉత్తమమైన పని. ఎందుకంటే మీరు మీ స్నేహితుడిని అడిగిన సబ్జెక్టు అతనికి కూడా ఒకసారి రివ్యూ అవుతుంది. అందువలన అతని మనసులో ఆ పాఠ్యాంశం ఎక్కువగా గుర్తులో ఉంటుంది. అలా మీరు ఏదైనా పాఠ్యాంశం గురించి మీ స్నేహితుడిని అడగడం వలన అతనికి మీరు మేలు చేసినవారే అవుతారు.

కొందరికి ఎవరు చెప్పినా ఎక్కదు… అప్పుడు ఖచ్చితంగా వారు గురువుగారినే అడిగి తెలుసుకోవాలి. ఎందుకంటే పెద్దలు చెప్పిన మాట వినకపోవడం, స్నేహితుని మంచి మాటలు రుచించకపోవడం తగదని అంటారు.

స్మార్ట్ ఫోన్ ద్వారా మరింత చదువును వృద్ది చేసుకోవానికే కానీ స్మార్ట్ ఫోన్ ఉపయోగిస్తూ మన మైండును బ్రష్టు పట్టించుకోవడానికి కాదు…

తల్లిదండ్రుల కష్టాలకు బాధ్యత తీసుకునే పిల్లలు

Leave a reply

తల్లిదండ్రుల కష్టాలకు బాధ్యత తీసుకునే పిల్లలు ఉంటే, వారిని సమర్ధులుగా లోకం కీర్తిస్తుంది. కానీ వీరు ఎవరో గుర్తిస్తారని తల్లిదండ్రుల కష్టాలను తొలగించే ప్రయత్నం చేయరు. తమ తల్లిదండ్రులపై వారికి గల ప్రేమకొలది, తమ తల్లిదండ్రులకు సహాయకులుగా మారతారు.

మనదేశంలో వ్యవసాయ ఆధారిత ఉపాధి ఎక్కువగా ఉంటుంది. ఇంకా ఆర్ధికంగా మద్యతరగతి కుటుంబీకులు సాదారణ ఉద్యోగస్తులుగా జీవన సాగిస్తూ ఉంటారు. ఇంకా ఆర్ధికంగా దిగువ మద్యతరగతి కుటుంబాలలో భార్యభర్తలిరువురు కుటుంబ పోషణకు జీవనోపాధి కోసం పాటు పడుతూ ఉంటారు. అలాంటి కుటుంబాలలో చేతికి అందివచ్చన పిల్లలు ఆసరాగా నిలబడగలరు.

కుటుంబంలో తల్లిదండ్రులకు ఆసరాగా నిలబడే వయస్సు యుక్తవయస్సువారే… అయితే ఈ యుక్త వయస్సు ఎటువంటిది అంటే…. శక్తివంతమైనది… బలహీనపడడానికి మార్గములు ఎక్కువగా కలిగే వయస్సు…. కాబట్టి ఇలాంటి వయస్సులో వ్యామోహాలను, వ్యసనాలను దరిచేరనీయకుండా నిలబడ్డవారు సమర్ధులుగా పిలవబడతారు. ఇక సమర్ధులు ఎప్పుడూ తమ కుటుంబ పరిస్థితులకు తగ్గట్టుగా మెసులుకోగలరని అంటారు.

తమను తాము నియంత్రించుకుంటూ, అమ్మానాన్నలకు ఆసరాగా మారే పిల్లలు తమ మనసును తామ నియంత్రించుకోవడంలో తిరుగులేని సమర్ధతను చూపించగలరు. ఇటువంటి వారిని లోకం కీర్తిస్తూ ఉంటుంది. చిత్రమైన విషయం యుక్త వయస్సులో చెడు ఆలోచనలు కలగడానికి విషయ పరిచయం లోకం ద్వారానే కలుగుతుంది. అది ఫ్రెండ్స్ లేదా తమ కళ్ళముందు ప్రవర్తించేవారు లేదా సాంకేతిక పరికరాల ద్వారా గానీ చెడు విషయాలు తెలిసేది లోకం ద్వారానే…. కానీ వాటిలో చెడు విషయాల వైపు ఆకర్షితులు కాకుండా నిలబడితే అదే లోకం కీర్తిస్తుంది….

తల్లిదండ్రుల కష్టాలను తొలగించడంలో

తల్లిదండ్రులు కూడా పిల్లలను పెంచడానికి పడే కష్టాలకు పెద్దగా కృంగిపోరు… కానీ చెడు వ్యసనాలకు బానిసైన పిల్లలు ఉంటే మాత్రం కృంగిపోతారు. ఇంకా అది వారి ఆరోగ్యమును కూడా శాసించే స్థాయికి వెళ్ళవచ్చును. తల్లిదండ్రుల కష్టాలను తొలగించడంలో యుక్తవయస్సువారి ప్రధాన కర్తవ్యం చెడు వ్యసనాలకు దూరంగా ఉండడమే… చెడు వ్యసనాలకు దూరంగా ఉంటే, సహజంగా కుటుంబ బాధ్యతలవైపు దృష్టి వెళుతుంది.

తమను తాము నియంత్రించుకుంటూ, తమ కుటుంబ ఆర్ధిక పరిస్థితులకు తగ్గట్టుగా తాము చేయవలసిన పనిని పూర్తిచేసే పిల్లలకు తమ తల్లిదండ్రులకు ఆసరగా నిలబడగలరు. ఆ విధంగా తల్లిదండ్రుల కష్టాలకు బాధ్యత తీసుకునే పిల్లలుగా మారగలరు.

కన్నవారి కష్టాలు గుర్తించడం పిల్లలుగా చేయదగిన మంచి పని అయితే ఎదుగుతున్న కొలది తమ కుటుంబ అవసరాలకు తగ్గట్టుగా మనసును నియంత్రించుకోవడం మరింత శ్రేయష్కరం అంటారు.

జీవితంలో చదువుకు ఎంత విలువ? చదువు ఎందుకు అవసరం?

Leave a reply

జీవితంలో చదువుకు ఎంత విలువ కలదు అది ఎంత ముఖ్యమో తెల్పండి. ముఖ్యంగా మనకు చదువు ఎందుకు అవసరం. చదువుకోవడం వలన ఉపాధి అవకాశాలు ఎక్కువగా ఉంటాయి. వృత్తి పని వచ్చినా, ఆ వృత్తి పనికి తగిన డిమాంట్ ఉంటేనే, వృత్తి పని ద్వారా వ్యక్తి జీవనం బాగుంటుంది. కేవలం వృత్తి పనితో బాటు తగిన చదువు ఉంటే, వ్యక్తి తనకు వచ్చిన పనితోనైనా జీవనం కొనసాగించగలడు. లేదా ఇతర కార్యాలయములలో ఉపాధి అవకాశాలు చూసుకోగలడు. కావునా ఈరోజులలో మనకు చదువు చాలా అవసరం. ఇంకా ఏవైనా చదవగలిగే జ్ఙానం అలవరుతుంది. ఇంకా వివిధ అంశాలలో విషయ విజ్ఙానం పెరుగుతుంది.

చదువు ఎందుకు అవసరం జీవితంలో చదువు విలువ ఎంత?

చదువు వల్ల కలిగే లాభాలు చాలా ఉంటాయి. సమాజంలో సహజంగా చదువుకున్న వ్యక్తికి కలిగే లాభాలు… పైన చెప్పినట్టు చేతిపని తెలిసినవారికి చదువు కూడా ఉండడం వలన ఆ పనిలో ఉన్నత స్థితికి వెళ్ళగలడు. లేదా తనకు తెలిసిన పనిని ఇంకా ఎక్కువ మందికి తెలియజేయడానికి చదువు ఉపయోగపడుతుంది. తనకు తెలిసిన పనిని మరింత నాణ్యతతో కొత్త పద్దతులలో చేయడానికి చదువు ఉపయోగపడే అవకాశం ఎక్కువ.

జీవితమును తమకు నచ్చినట్టుగా మార్చుకునే అవకాశాలు మెరుగుపడతాయి.

ఆర్ధిక పరిస్థితిని మరింత మెరుగుపరుచుకోవడానికి అవకాశాలు ఎక్కువగా ఉంటాయి.

ముందుగా మరొకరిపై ఆధారపడవలసిన అవసరం తక్కువగా ఉంటుంది. ముఖ్యంగా ప్రయాణం చేసే సందర్భాలలో…

ప్రయాణాలలో తెలిసి వస్తుంది. చదువు ఎందుకు అవసరం? అని

అక్షర జ్ఙానం లేకపోతే ప్రయాణించవలసిన ఊరు పేర్లు కూడా చదవలేము. అదే చదువుకుని ఉండడం వలన ప్రయాణపు మార్గముల గురించి ఒకరిపై ఆధారపడకుండా తెలుసుకోగలము. ఇది చదువుకోవడం వలన వ్యక్తికి కలిగే ప్రాధమిక ప్రయోజనం.

అక్షరజ్ఙానం ఉంటే ప్రయాణంలో ఒక బస్సు వెళ్ళే రూటు గురించి వివరాలు కోసం మరొకరిపై ఆధారపడనవసంలేదు. విషయ విజ్ఙానం ఉంటే లోకంలో మనగలగడానికి మార్గం ఉంటుంది.

ఇంకా చదువుకుని ఉండడం వలన వివిధ ప్రాంతాలలోని విషయ పరిజ్ఙానం గురించి పుస్తకాల ద్వారా తెలుసుకోవచ్చును. చదువు వలన వ్యక్తి నిత్యవిద్యార్ధిగా ఉండవచ్చును.

మరీ ముఖ్యంగా చదువుకున్న వ్యక్తులు తమ పిల్లల పెంపకంలో కీలక పాత్రను పోషించగలరు.

ఉపాధి అవకాశాలు మెరుగుపరచుకోవచ్చును. ఉపాధిని సృష్టించవచ్చును. ఎంత వ్యాపారం చేసినా, కనీస అక్షరజ్ఙానం అవసరం ఉంటుంది.

ఇంకా పరిశోధనాత్మకమైన తెలివితేటలు గల బాలుడికి సరైన చదువు తోడైతే, అతను ఒక శాస్త్రవేత్తగా మారే అవకాశాలు ఉంటాయి.

గత సామాజిక పరిస్థితులు, ఇప్పటి వర్తమాన పరిస్థితులు, భవిష్యత్తు సామాజిక పరిస్థితుల విశ్లేషణలు గ్రహించే శక్తి చదువుకుని ఉండడం తెలియబడుతుంది.

జీవితంలో చదువుకు ఎంత విలువ? అది జీవితాలను మార్చగలిగే శక్తిని అందించగలదు.

చదువు ఎందుకు పదిగోవులు కాసుకుంటే పాడి ఉంటుంది… గోవులు వృద్ది చెందుతాయి. ఆర్ధికాభివృద్ది ఉంటుంది… చిన్నతనం నుండి పని అలవాటు అవుతుంది. అనేవారు ఉంటారు.

అవును చిన్నతనం నుండి పనిచేయడానికి అలవాటు పడినవారు బద్దకించరు. చిన్నతనం నుండి సుకుమారంగా పెరిగినవారు, కష్టాలకు కుదేలు అయ్యే అవకాశం ఉంటుంది. కానీ కష్టపడి రూపాయిలు సంపాధించినా అవి ఖర్చు చేయడానికి కూడా నేటి రోజులలో అక్షరజ్ఙానం అవసరం ఉంది.

ఇంకా పది గోవులు కాసుకుని పాడిని వృద్ది చేసుకునే వారు చదువుకుని ఉంటే, పాడి పంటలు, పశువుల పెంపకంలో మరిన్ని విషయ పరిజ్ఙానం పెంపొందించుకోవచ్చును. ఇంకా పాడిపంటలు ద్వారా మరింత ఆర్దికాభివృద్ది సంపాదించి, మరికొంతమందికి ఉపాధి ఇవ్వవచ్చును. అంటే దీనిని బట్టి కష్టానికి చదువు తోడైతే, అది ఒక సంస్థగా మార్చుకునే శక్తి వ్యక్తి ఏర్పడగలదు. కాబట్టి చదువు మనిషికి మేలు చేస్తుంది.

ఇలా ఒక వ్యక్తి జీవితంతో చదువు యొక్క ప్రాముఖ్యత ఎంతగానో ఉంటుంది. చదువుకోని వారిని నేటి రోజులలో చూస్తుంటే, వారి సాంకేతిక పరికరాల విషయంలో ఇతరులపై ఆధారపడవలసి వస్తుంటుంది.

నేటి రోజులలో పెరిగిన డిజిటల్ చెల్లింపులు అంటే ఖర్చులు చేయడం అంటారు. అంటే ఖర్చు పెట్టాలన్న కనీస అక్షరజ్ఙానం అవసరం. ఇంకా సాంకేతిక పరికరాలలో డబ్బును కాపాడుకోవలన్నా, విద్య నేడు చాలా ముఖ్యం.

చదువు ఎందుకు అవసరం? క్రమశిక్షణతో కూడిన చదువు

శ్రద్దాసక్తులు పెరిగితే కార్యదక్షత పెరుగుతుంది. కార్యదక్షత వలన కార్యాలయములలో అధికారం లభిస్తుంది.

ఇప్పుడు అయితే స్మార్ట్ ఫోన్, ట్యాబ్ అంటూ అందరిచేతిలో సాంకేతికత సహాయంగా ఉంటే, దానిని ఉపయోగించుకోవడానికి ఎంతోకొంత చదువు ఉంటే, సాంకేతికత బాగా ఉపయోగించుకోవచ్చును.

అదే సాంకేతికతకు నాణ్యమైన చదువు ఉంటే, సాంకేతికతలో అద్భుతాలు సృష్టించవచ్చును. ఏదైనా చదువుకుని ఉండడం వలన వ్యక్తి ఉన్నతికి ఉత్తమమైన మార్గాలు ఎక్కువగా ఉంటాయి.

లోకంలో మంచిమాటలు ప్రాచుర్యంలో ఉంటాయి. అలాంటి మాటలలో ఒక్కటి.. ధనం దొంగిలించగలరు కానీ విద్యను దొంగిలించలేరని… విద్య వలన వ్యక్తికి ఉపాధి అవకాశాలు మెరుగు అవుతాయి.

వ్యక్తి చదువుకుని ఉంటే, అది అతని ఉన్నతికి మరింత ఊతం ఇచ్చినట్టే ఉంటుంది. కాబట్టి చదువు చాలా విలువైనది… కాలం చాలా చాలా విలువైనది. అలాంటి కాలాన్ని తగురీతిలో సద్వినియోగం చేసుకోవడంలో చదువు బాగా ఉపయోగపడుతుంది.

అక్షరజ్ఙానం, విషయ విజ్ఙానం జీవితానికి ఎంతో అవసరం ఉంది. ఇంకా సాంకేతికపరమైన వృత్తులు ఎక్కువగా పెరుగుతున్న నేపధ్యంలో చదువులు లేకుండా మనుగడ అసాధ్యమే.

కొత్త ఎప్పుడు సరికొత్త సంతోషం మనసులో

Leave a reply

కొత్త ఎప్పుడు సరికొత్త సంతోషం మనసులో కలిగిస్తే, కొత్త ఉత్సాహాన్ని అందిస్తే, అదే మనసుకు బలం అంటారు. అందుకేనోమో కొత్త బట్టలు కట్టుకున్నప్పుడు సరికొత్తగా అనిపిస్తుంది. కొత్త వస్తువు వచ్చినప్పుడు సరికొత్తగా ఉంటుంది. అందుకేనోమో మన పెద్దలు పండుగలకు కొత్త బట్టలు, కొత్త కానుకలు సిద్దం చేసేవారు.

ఏదైనా కొత్త అనేది సరికొత్తగా అనిపిస్తుంది… ఒక ఉత్సాహాన్ని అందిస్తుంది… మనసులో కొత్త ఆలోచనలు కూడా మొదలవుతాయి అంటారు.

ఒక తెలుగు సామెత లేదా జాతీయం ఉంది… కొత్త ఒక వింత పాత ఒక రోత.

అంటే కొత్త ఒక వింతగా అనిపిస్తే పాత ఒక రోతగా అనిపిస్తుందని అంటారు. పాత పరిచయస్తులు ఉన్నప్పుడు కొత్త పరిచయస్తులతో కలిసిపోతూ ఉంటుంటే అలంటి సందర్భాలలో ఇలాంటి మాటలు వాడుతూ ఉంటారు. అంటే పరిచయం అయిన కొత్తది ఒక వింత భావనను కలిగించే అవకాశం ఉంటుంది.

సరే వాడుతున్న వస్తువు స్థానంలో కొత్త వస్తువు తెచ్చుకున్నప్పుడు ఎంతో ఉత్సాహం ఉంటె, అసలు తొలిసారి కొత్త వస్తువు కొనుక్కునేటప్పుడు ఇంకెంత ఉత్సాహం ఉంటుంది?

స్మార్ట్ ఫోన్ వాడుతూ ఉండేవారు కొత్త స్మార్ట్ ఫోన్ కొనేటప్పుడు సంతోషంగా ఉంటె, మరి మొదటి స్మార్ట్ ఫోన్ కొనేటప్పుడు ఎంత ఉత్సాహంగా ఉంటారు?

ఈ ప్రశ్నలకు జవాబు ఆలోచిస్తే, కొత్త ఎప్పుడు సరికొత్త సంతోషం మనసులో కలిగిస్తుందనే భావన బలపడుతుంది.

సెలవులలో చదువుపై ధ్యాస తగ్గకుండా

Leave a reply

సెలవులలో చదువుపై ధ్యాస తగ్గకుండా చూసుకోవాలి! దసరా సెలవులు అయితే దసరా సెలవులకు ముందు వ్రాసిన పరీక్షలు ఎలా వ్రాయసమో? ఒక్కసారి ప్రశ్నించుకుని ఆలోచిస్తే, చదువులో మనం ఎంత ముందున్నమో మనకు ఒక అవగాహన వస్తుంది.

అలా కాకుండా పరీక్షలు అయ్యాయి కదా మరలా స్కూల్ తెరిచాక చూద్దాం అంటే, సంవత్సం అంతా సాదరణమే. ప్రతి విద్యా సంవత్సరంలో మద్య మధ్య జరిగే పరీక్షలు మనం గ్రహించిన విషయ పరిజ్ఞానం ఏమిటో తెలియబడుతుంది. కాబట్టి అలా దసరా ముందు, సంక్రాంతి ముందు వ్రాసిన పరీక్షలలో వచ్చిన ఫలితాలే సంవత్సరాంతంలో జరిగే పరీక్షలలో ప్రతిబింబించే అవకాశం ఎక్కువ.

సంవత్సరాంతంలో వేసవి సెలవులు ఎక్కువ రోజులు ఉంటాయి. కారణం వేసవి తాపం పిల్లలను ఇబ్బంది గురి చేస్తుంది… ఇంకా విద్యా సంవత్సరం కూడా మారుతుంది… కాబట్టి కొంత గ్యాప్ ఇవ్వడం వలన విశ్రాంతి పొందిన విధ్యార్ధి మరలా విద్యా సంవత్సరం ప్రారంభం కాగానే… నూతనోత్సాహంతో విద్యాభ్యాసం చేయడానికి పూనుకుంటాడు.

నేర్చుకునే వయసులో నేర్చుకోవడంపై ఆసక్తి పెంచుకున్న విధ్యార్ధి తర్వాతి తన విద్యాభ్యాసం గురించిన తలంపులే కలిగి ఉండడం వలన తదుపరి విద్యా సంవత్సరం కార్యాచరణపై దృష్టి పెడతాడు… ఇలాంటి విధానం అందరిలో అలవాటు కావడానికి కొద్ది రోజుల సెలవులలో సాధన చేయడం అలవరచుకోవాలి.

కాబట్టి దసరా లేదా సంక్రాంతి సెలవులలో పరీక్షలలో అసలు ఏఏ సబ్జెక్టులలో ఏఏ ప్రశ్నలకు సమాధానాలు ఎంతవరకు ఖచ్చితంగా వ్రాయగలిగాము… అనే ఆలోచన ఉత్తమమైన ఆలోచన… అది ఆచరిస్తే సదాచారం అంటారు.

మనసు సాధన సెలవులలో చదువుపై మరింత శ్రద్దగా

మన మనసు, దానికి బాగా నచ్చిన విషయంలోనూ లేదా బాగా సాధన చేసిన విషయంలోనూ గుర్తు ఎక్కువగా పెట్టుకుంటుంది.

మనసుకు నచ్చిన విషయం ఒక్కోసారి బలం అవ్వవచ్చు. ఒక్కోసారి అదే బలహీనత అవ్వవచ్చు. ఎలా అంటే తీపి బాగా ఇష్టమైతే… తీపి ఎక్కువగా తింటే అనారోగ్యం బలహీనతగా మారిపోతుంది. కానీ అదే తీపి పదార్ధం ఒక పని చేసిన తరువాత పరిమితంగా తినాలనే నియమం పెట్టుకుంటే, అదే బలం అవుతుంది.

అలా అలవాటు బలం కావచ్చు బలహీనత కావచ్చు… అయితే మనం చేసే సాధన మనసును మరొకవైపు మరలుతుంది. నేర్చుకునే వయసులో చదువుపై మరింతగా శ్రద్దపెట్టడమే… మనసుకు మంచి సాధన అంటారు.

ఇటువంటి సాధన మనసుకు అలవాటు చేస్తే, అలవాటుపడిన మనసు చదువుపై ఉత్తమ ఫలితాలు సాధించే వరకు సాగుతూనే ఉంటుంది.

ఒక్కొక్కొరికి ఒక్కో సమస్య చదువులో ఉండవచ్చు.

ఒకరికి రైటింగ్ బాగా ఉండదు.

మరొకరికి బాగా వ్రాయగలరు… కానీ చదివింది గుర్తు ఉండదు.

ఇంకొకరికి బాగా వ్రాయగలరు, బాగా చదవగలరు, బాగా అప్పజెప్పగలరు… కానీ ఒత్తిడిలో వ్రాయలేకపోవచ్చు.

ఒక్కొక్కరి పరీక్ష పేపరు చూడగానే అన్నీ గుర్తుకు వచ్చినట్టు వచ్చి… వ్రాస్తున్నప్పుడు మరిచిపోవచ్చు…

మరొకరు నిదానంగా వ్రాస్తూ ఉండడం వలన సమయం గడిచిపోవచ్చు..

ఒకరు ఏదో ఒక సబ్జెక్ట్ అంటే భయపడుతూ ఉండవచ్చు…

ఇలా ఒక్కో సమస్యను కలిగి ఉండవచ్చు… అలాంటి సమస్య ఉంటే, ఖచ్చితంగా భయపడకుండా క్లాస్ టీచర్ ను అడిగి ఆ సమస్యలను ఎలా అధిగమించాలో తెలుసుకుని వారి సూచనలను పాటించాలి… అలా చదువులో మనకుండే లాంగ్ టర్మ్ ప్రాబ్లమ్స్ రెక్టిఫై చేసుకోవడానికి దసరా, సంక్రాంతి సెలవులు ఉపయోగపడతాయి.

ప్రతి సంవత్సరం ప్రారంభం గత సంవత్సరం ముగింపులో మనం సాధించిన ఫలితాలను బట్టి టీచర్ల దృష్టి మనపై ఉంటుంది. బాగా చదవడం లేదనే దృష్టి మనపై ఉండడానికి కారణం మనకు వచ్చే మార్కులే… కాబట్టి మార్క్స్ ఎక్కువగా తెచ్చుకోవడానికి మార్గం… టెక్స్ట్ బుక్ తరువుగా చదవడమే… క్లాస్ లెసన్స్ సరిగ్గా వినడమే…

సెలవులలో మనకు మన చదువులో ఉన్న అసలైన నాలెడ్జ్ ఏమిటో తెలుసుకోవాలి.

దసరా సెలవులకు ముందు రాసిన పరీక్షాపత్రం మన దగ్గర ఉంటుంది. ఆ పరీక్షా పత్రం తీసుకుని… దానిని మరలా మనకు మనమే పరీక్ష పెట్టుకుని సమాధానాలు వ్రాస్తే, అప్పుడు మనకున్న నాలెడ్జ్ ఏపాటిదో మనకు సరిగ్గా అర్ధం అవుతుంది.

సాదరణంగా స్కూల్లో జరిగే పరీక్షలప్పుడు మనం అప్పటికప్పుడు చదివేయడం లేదా ముఖ్యమైన ప్రశ్నలను బట్టీబట్టడం వంటి పనులతో పరీక్షలలో మంచి మార్కులు రాబట్టవచ్చు… బట్టీ బట్టడం సోషల్ వంటి సబ్జెక్టులలో బాగుంటే, మరి ఇతర సబ్జెక్టులలో అలా కాదు కదా… వాటికి సాధన అవసరం… సొంతంగా ఆలోచన అవసరం.

సంవత్సరంలో రోజులతరబడి చదువులోనే దృష్టి పెడుతున్న మనకు టెక్స్ట్ బుక్స్ లోని సారాంశం కానీ క్లాస్ టీచర్లు చెప్పే పాఠాలు కానీ ఎంతవరకు అర్ధం అవుతున్నాయో… అవి ఎప్పటికీ మనసులో గుర్తుకు ఉంటాయి… మరలా మనం వ్రాసిన పరీక్షాపత్రం పట్టుకుని వాటికి సమాధానాలు వ్రాయడం మొదలుపెడితే అప్పుడు అర్ధం అవుతుంది. ఎందుకంటే పరీక్షలు వ్రాశాక మైండ్ విశ్రాంతి తీసుకుని ఉంటుంది. అప్పటికప్పుడు ఒకసారి చదివినవి మరుగునపడితే, క్లాస్ రూంలో శ్రద్దగా విన్న పాఠాలు, శ్రద్దగా టెక్స్ట్ బుక్ చదివిన పాఠాలు, చేసిన సాధన మాత్రం మైండులోనే ఉంటాయి.

అంటే సెలవులలో మరలా మనకి మనమే మరో టెస్ట్ పెట్టుకుంటే, చదువులో మన నాలెడ్జ్ ఎలా ఉందో తెలుస్తుంది… అప్పుడు ఇంకా ఎంత బాగా శ్రద్ద పెట్టాలో ఒక అవగాహన ఉంటుంది… ఇంకెంత బాగా పాఠాలు వినాలో అర్ధం అవుతుంది…

వచ్చిన సెలవులలో ప్రతిరోజు సరదాగా ఉంటూ తగినంత విశ్రాంతి తీసుకోగా ఇంకా సమయం మిగిలుతుంది. అటువంటి సమయంలో సరిగ్గా దృష్టి పెడితే విద్యా విషయాలపై సాధన చేయడానికి తగినంత అవకాశం ఉంటుంది… ఆ సమయంలో సరైన సాధన చేస్తే, సెలవులలో కూడా విద్యా విషయాలు మనసులో బలపడతాయి.

రోజంతా చదువులతో సమయం గడిపి ఒక్కసారిగా సెలవులు దొరకగానే మనసు మరలుతూ ఉంటుంది… అటువంటి మనసు సరదాల వైపు పోనిచ్చి మరలా చదువువైపు దృష్టిని మరల్చడమే అసలైన ప్రయత్నం అంటారు. రోజంతా చదివి ఒక గంట ఆడుకుంటే ఆ సరదా వేరు అలాగే సెలవులలో రోజంతా ఆడుకుని కాసేపు చదువుపై శ్రద్ద పెడితే మాత్రం అది మరింత ప్రయోజనం చేకూరుస్తుందని అంటారు.

విధ్యార్ధి దశలో చదువు ప్రధాన అంశం అయితే అనుషంగిక ప్రయోజనలు ఆట పాటలు కాబట్టి ప్రధానమైన అంశములో మనసులో సరైన అవగాహనతో ఉంటూ దానిపై ధ్యాసను తగ్గకుండా చూసుకోవాలి… కాలంలో వచ్చే తీరిక మనసును మరొక అంశంపై దృష్టి మరలేటట్టు చేస్తే, అది అసలు ప్రయోజనమును మోసం రాకూడదు.

ఇష్టపడి మనసు చేసే పని లేదా ఇష్టం కోసం కష్టమైన పనిని కూడా సునాయసంగా చేసే మనసును గమనిస్తే, మనకున్న ఇష్టమే మనకు ఆయుధం అవుతుంది… మనసును మంచి విషయం వైపు మరాల్చడానికి….

నవ సమాజ నిర్మాణంలో నవ యువత

Leave a reply

నవ సమాజ నిర్మాణంలో నవ యువత పాత్ర ! నేటి యువత అనుసరించే ఆచరణలు భవిష్యత్తు సమాజంపై ప్రభావం చూపుతాయి. అయితే అప్పటికే లోకంలో ఉన్న ఆచరణలు అనుసరిస్తూ, కొన్నింటిని మార్పులతో ఆచరిస్తూ ఉండడం కాలగమనంలో పరిపాటి అంటూ ఉంటారు.

అయితే మన భారతీయ సమాజంలో అనేక కులాల ఆచార వ్యవహారాలు, మతాచారాలు, ప్రాంతీయ భావాలు ఉంటూ అవి మన సమాజంపై ప్రభావం చూపుతూ ఉంటాయి. ఒకప్పుడు ఇప్పుడు మరొకప్పుడు ఎప్పుడైనా ఆచారం మంచి అభిప్రాయంతో ఉంటే మంచే జరుగుతుందని అంటారు.

ఇలా ఆచారాలు మన సమాజంలో మిళితమై ఉంటే, అమితమైన ప్రభావం చూపించే రంగాలు కూడా సమాజాన్ని మార్పు చేస్తూ నేటి యువతపై ప్రభావం చూపుతూ ఉంటాయి.

అలా ప్రభావితం చేసే వ్యవస్థల్లో రాజకీయ రంగం, సినిమా రంగం, మీడియా రంగం… యువతపై ప్రభావం చూపుతూ ఉంటాయి. నవ సమాజ నిర్మాణంలో నవ యువత అనుసరించే పోకడ ప్రధానం అయితే ఆ పోకడను యువతపై ప్రభావం చూపించేలా చేసే రాజకీయ, సినిమా, మీడియా రంగాలు కీలకం.

ఓటు హక్కు పొందుతున్న యువత మదిలో సమాజంపై ఎటువంటి అభిప్రాయం కలుగుతుంది? అంటే అది యువత నివశిస్తున్న ప్రాంతం. ఆ ప్రాంతంలో ఉన్న రాజకీయ నాయకుల ప్రభాల్యం. అక్కడి మీడియా ప్రభాల్యం… ఇంకా సినిమాలలో చూపించే కధనాలు…. ఇలా ఒక ప్రాంతంలో ఉండే యువతలో సామాజిక అభిప్రాయం ఏర్పడడంలో కీలకంగా ఉంటాయని అంటారు.

ప్రజలందరికీ ఉండ్ ఆయుధం ఓటు అయితే, ఆ ఓటుతో అధికారం ఒకరి ఉంది మరొకరికి మార్చే శక్తి ప్రజలకు వస్తుంది. అయితే ఆ ప్రజలందరికీ సామాజిక అభివృద్దిని ఆకాంక్షిస్తూ ఓటు వేస్తే, సామాజిక అభివృద్ది దోహదపడవచ్చు. లేకపోతే ఎవరో ఒకరి అజెండా అమలు చేసుకోవడానికి దోహదపడవచ్చు.

అలాంటి ఓటు హక్కు వినియోగించుకునే యువత చాలా కీలకం. తమ భవిష్యత్తుని నిర్దేశించగలిగె శక్తి యువతలోనే ఉంటుంది. ఒక సమస్యపై పోరాడాలన్నా… ఒక సమస్యపై ఎలుగెత్తి ప్రపంచ దృష్టికి తీసుకురావాలన్న… సామాజిక మార్పును తీసుకురావాలన్నా యువతకు సాద్యపడుతుంది.

అయితే అటువంటి యువత మదిలోకి ఎటువంటి విషయాలు చేరుతున్నాయనేది ప్రధానం. కుల మత రాజకీయ సినిమా టి‌వి మీడియా ఇలా ఏదో ఒక రకంగా యువత మనసు ప్రేరేపించబడుతూ ఉంటుంది.

కులమనేది బందుత్వం వరకు, మతమనేది వ్యక్తి పరమార్ధిక ప్రయోజనం కొరకు సినిమా కేవలం వినోదం కొరకు, మీడియా లోకం తీరు తెలుసుకోవడం కొరకు అని మన సమాజంలో ఉండే భావనలను వేరుచేసుకుని చూస్తూ అసలు మన సమాజం భవిష్యత్తులో కూడా బాగుండాలంటే ఎటువంటి నాయకత్వం మనకు అవసరం అనే సోషల్ ఏవేర్నెస్ ఉండాలి. సమాజంలో ఏదో ఒక అంశంతో మమేకం అయితే, అదే అంశం మనసులో ఉండి, సామాజిక ప్రయోజనాలు ప్రక్కద్రోవ పడతాయి.

వర్తమానంలో గతకాలపు యువత తీసుకున్న నిర్ణయాలు, వారు మార్చుకుంటూ వచ్చిన అనుసరణలు ప్రభావం ఉంటే, మరి నేటి యువత ఎటు వైపు మళ్లుతుంది? లేదా మళ్లించబడుతుందా? అనేది వారికే అవగాహన ఉండాలి.

లోకంలో జరుగుతున్న మార్పులు యువత గమనించాలి. సమాజంలో ఎటువంటి సమస్యలు ఉన్నాయి? యువత దృష్టి పెట్టాలి. చదువుకుంటున్న వయసు నుండే సమాజాన్ని ఒక కంట కనిపెడుతూ ఉండాలి. ఎందుకంటే చదువులు పూర్తయ్యాక అదే సమాజంలో జీవించాలి. అదే సమాజంలో జీవన పోరాటం చేయాలి. అదే సమాజంలో తన కుటుంబ ఆచారాలను పాటించాలి. అదే సమాజంలో తన కొత్త జీవితానికి పునాది వేసుకోవాలి. అదే సమాజంలో ఇప్పటికే ఉన్న తన పెద్దలను అనుసరించాలి. అటువంటి సమాజంలో మనగలగడానికి ఆయుధం మనసే అయితే, ఆ మనసుకు పదును పెట్టుకోకపోతే, సమాజంలో ఎలా జీవించాలి?

నవ సమాజ నిర్మాణంలో నవ యువత ప్రధాన పాత్ర పోషించాలంటే, వారు నేర్చుకునే వయసు నుండి సామాజిక అవగాహన, సామాజిక పరిస్థితులు, సామాజిక అంశాలు, సామాజిక సమస్యలపై దృష్టిసారించాలి.

తెలుగు వ్యాసం పండుగలు ప్రాముఖ్యత అవి ఎలాంటి ప్రభావం చూపుతాయి

ఇంటర్నెట్ ఉపయోగాలు నేడు నెట్ లేకపోతే జీవితం ముందుకు సాగదు

ఆన్ లైన్ విద్య ఎలా ఉపయోగించుకోవచ్చు? తెలుగులో వ్యాసం

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

డొనాల్డ్ ట్రంప్ గురించి తెలుగులో తెలుగు వ్యాసం వ్రాయండి

రాహల్ ద్రవిడ్ క్రికెట్ ఆటగాడు మిష్టర్ డిపెండబుల్ గా ఖ్యాతిగాంచారు

చరిత్ర గురించి తెలుగు వ్యాసం గతం గురించి తెలిపే చరిత్ర

కరోనా వైరస్ నివారణ చర్యలు వ్యాసం కోవిడ్ 19 వైరస్ గురించి వివరించండి

ప్రముఖ ప్రసిద్ధ దేవాలయాలు విశిష్టమైనవి, దేవాలయాల గురించి తెలుగులో

Telugulo Vyasalu

మంచి నాయకుడు ప్రజలు మెచ్చిన నాయకుడు ఆదర్శవంతమైన మార్గం

ప్రకృతి వైపరీత్యాలు వ్యాసం తెలుగులో ప్రకృతి విపత్తులు

స్త్రీల అభ్యున్నతికి తీసుకోవలసిన జాగ్రత్తలు తెలుగులో వ్యాసం

మనం మన పరిశుభ్రత మనకు రక్షణ మనతోబాటు సామాజిక సంరక్షణ

తెలుగులో వివిధ విషయాలపై వివిధ రకాల తెలుగు వ్యాసాలు

డిజిటల్ చెల్లింపులు స్మార్ట్ ఫోన్ వినియోగం తెలుగు వ్యాసం

నీ చుట్టూ ఉన్న పరిసరాలలో కనిపించే బాలకార్మిక వ్యవస్థపై

కాలుష్యంతో నిండిపోతున్న నేటి నగర వాతావరణాన్ని గురించి వ్యాసం రాయండి.

వృద్యాప్యంలో ఉన్నవారికి వారసులు తోడుగా ఉండాలి వ్యాసం

తెలుగువ్యాసాలు TeluguVyasalu

సామాజిక ఆస్తుల పరిరక్షణ విషయంలో బాధ్యతను గుర్తెరగడం

నేటి రాజకీయాల పై మీ అభిప్రాయం మీ మాటల్లో వివరించండి

స్త్రీల పట్ల గౌరవ భావన స్త్రీల పట్ల మర్యాదపూర్వకమైన

దైనందిన జీవితంలో పరోక్షంగా నష్టం చేసే విషయాలు వార్తాపత్రికల ద్వారా

TeluguVyasalu Read Cheyadaniki

తల్లిదండ్రుల కష్ట సమయంలో ఉన్నప్పుడు పిల్లలు ఏమి చేయాలి

నగర జీవితం పట్ల ప్రజలు ఆకర్శితులు కావడానికి కారణాలు

సివి రామన్ గురించి ఆర్టికల్ చరిత్రలో ఒక రోజు రామన్ రోజుగా లిఖితమయ్యింది.

మీకు తెలిసిన మంచి గుణాలు కలిగిన ఒకరిని గురించి అభినందన వ్యాసం

ఒకప్పుడు ఇప్పుడు మరొకప్పుడు ఎప్పుడైనా

Leave a reply

ఒకప్పుడు ఇప్పుడు మరొకప్పుడు ఎప్పుడైనా అవగాహన ఉన్నవారికి, తాము ఏమి చేస్తున్నామో ప్రణాళిక ఉంటుంది. ఏమి చేయాలో సరైన ఆలోచనా విధానం ఉంటుంది.

ఒకప్పుడు అవగాహనా విధానం కుటుంబంలో పిల్లలు ఎదుగుతున్నప్పుడే ఏర్పడుతూ ఉండేది… ఎందుకంటే కుటుంబ పెద్దలలో సరైన అవగాహన ఉండేది.

ఇప్పుడు అవగాహన లోపించిన కుటుంబం ఉంటే, ఆ కుటుంబంలో ఎదుగుతున్న పిల్లల్లో అవగాహన కంటే ఆందోళన ఎక్కువగా ఉండే అవకాశం ఉంటుంది. ఎందుకంటే అవగాహన లేని బంధం మద్యలో ఆందోళనకరమైన స్థితి ఉంటుంది….

మరి మరొకప్పుడు అవగాహన ఎలా ఉంటుందంటే… అప్పుడు కాలంలో లోకం తీరుని బట్టి ఉంటుంది. ఒకప్పుడు ఇప్పుడు మరొకప్పుడు ఎప్పుడైనా సరే లోకం తీరు అవగాహన చేసుకోవడం ప్రధానం. ఎందుకంటే మనిషి సంఘజీవి కాబట్టి.

ఒకప్పుడు ఒక వ్యక్తికి వ్యాపారంపై అవగాహన ఏర్పడాలంటే, ఆ వ్యక్తి మరొక వ్యాపారి దగ్గర చేరాలి. సదరు వ్యాపారి లక్షణాలను గమనించాలి… కానీ నేడు వ్యాపార రహస్యాలు బహిర్గతం….

ఎప్పుడో నేర్చుకుంటాను. తర్వాత ఏదో చేస్తాను. అనే భావనలో ఉంటే, లకంలో వెనుకబడినట్టే…. నేర్చుకుంటున్న విషయంలో పరిశీలనాత్మక దృష్టి చాలా అవసరం. ఐతే ఆ పరిశీలనాత్మక దృష్టి సరైన అవగాహనతో కూడి ఉండాలి.

ఎంత అవగాహన చేసుకుంటే అంతా ఆలోచన శక్తి వ్యక్తికి వృద్ది చెందుతుంది. భారతం వింటూ భారతం అవగాహన చేసుకుంటూ పరిశీలనాత్మక దృష్టి పెంపొందించుకుంటే, మహా భారతం ప్రవచించే శక్తిని మహా భారతం వినడం ద్వారానే సంపాదించవచ్చు.

చదువుతున్న పుస్తకంలో ఒక వస్తువు తయారీ విధానం వ్రాయబడి ఉంటే, ఆ పుస్తకం చదివి అవగాహన చేసుకుంటే, అలా పుస్తకం చదివినవారి దృష్టి నుండి మరొక కొత్త వస్తు తయారీ విధానం సృష్టించబడవచ్చు.

ప్రధానమైన విషయం ఏమిటంటే, విషయంపై సరైన అవగాహన ఉండాలి కానీ అవగాహనా రాహిత్యం ఉండరాదు. అవగాహన రాహిత్యం వలన అనార్ధాలు సంభవిస్తాయి.

ఒకప్పుడు ఇప్పుడు మరొకప్పుడు ఎప్పుడైనా మనసుకు తొందరపాటు అనేది ఉంటుందని అంటారు.

తొందరపాటు వలన అవగాహనా రాహిత్యం ఏర్పడే అవకాశం ఉంటుంది. మనిషి మనసుకుండే తొందరపాటు ముందు మాటలలో కనబడితే, ఆ పై పనులలో కూడా ప్రతిబింబిస్తుంది. కానీ ఆ తొందరపాటు ఉందని గుర్తిస్తే, సాధన చేత తొందరపాటును సరిదిద్దుకోవచ్చు… కానీ తొందరపాటు చర్యలను కప్పి పుచ్చుకోవాలని ప్రయత్నించడం అంటే తననితాను మోసం చేసుకోవడమే అంటారు.

అవగాహనా రాహిత్యం ఏర్పడడానికి తొందరపాటు కారణం కాగలదు.

ఇంకా ఆలోచన చేయకుండా ఉండడం కూడా అవగాహనా రాహిత్యం పెరిగే అవకాశం ఉంటుంది. అంటే ఒక విధానం అనుసరిస్తూ ఉంటూ, దాని పరిశీలన చేయకుండానే దానిని పదే పదే అనుసరించడం వలన ఆయొక్క విధానం గురించి అనుసరిస్తున్నవారికి అవగాహన ఏర్పడకపోవచ్చు…. కానీ పరిశీలన దృష్టితో విషయ విధానం చూస్తూ ఉంటే సరైన అవగాహన ఏర్పడే అవకాశం ఉండవచ్చు.

అండర్ స్టాండింగ్ ఈజ్ మోస్ట్ ఇంపార్టెంట్… అవగాహన విషయాలలో సరైన అవగాహన వలన విషయ విజ్ఞానం వృద్ది చెందుతుంది. వర్తమానంలో విషయ విజ్ఞానం తెలియబడుటవలన లోక తీరు – లోకం పోకడపై అవగాహన ఏర్పడుతుంది.

రాజకీయం గురించి వార్తలు తెలుసుకుంటే, వర్తమానపు రాజకీయ నాయకుల గురించి, సామాజిక స్థితి గురించి అవగాహన ఏర్పడుతుంది.

సినిమా విశేషాల వార్తలు తెలుసుకుంటే, నేటి సినిమా హీరోలు, హీరోఇన్లు, రాబోవు సినిమాలు ఇలా సినిమా విజ్ఞానం పెరుగుతుంది.

ఎటువంటి విషయాలలో పరిశీలనాత్మక దృష్టి విషయావగాహన ఏర్పరచుకుంటే, అటువంటి విషయాలలో విజ్ఞానం వృద్ది చెందుతుంది.

[qsm quiz=1]

తెలుగు వ్యాసం పండుగలు ప్రాముఖ్యత అవి ఎలాంటి ప్రభావం చూపుతాయి

ఇంటర్నెట్ ఉపయోగాలు నేడు నెట్ లేకపోతే జీవితం ముందుకు సాగదు

ఆన్ లైన్ విద్య ఎలా ఉపయోగించుకోవచ్చు? తెలుగులో వ్యాసం

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

డొనాల్డ్ ట్రంప్ గురించి తెలుగులో తెలుగు వ్యాసం వ్రాయండి

రాహల్ ద్రవిడ్ క్రికెట్ ఆటగాడు మిష్టర్ డిపెండబుల్ గా ఖ్యాతిగాంచారు

చరిత్ర గురించి తెలుగు వ్యాసం గతం గురించి తెలిపే చరిత్ర

కరోనా వైరస్ నివారణ చర్యలు వ్యాసం కోవిడ్ 19 వైరస్ గురించి వివరించండి

ప్రముఖ ప్రసిద్ధ దేవాలయాలు విశిష్టమైనవి, దేవాలయాల గురించి తెలుగులో

Telugulo Vyasalu

మంచి నాయకుడు ప్రజలు మెచ్చిన నాయకుడు ఆదర్శవంతమైన మార్గం

ప్రకృతి వైపరీత్యాలు వ్యాసం తెలుగులో ప్రకృతి విపత్తులు

స్త్రీల అభ్యున్నతికి తీసుకోవలసిన జాగ్రత్తలు తెలుగులో వ్యాసం

మనం మన పరిశుభ్రత మనకు రక్షణ మనతోబాటు సామాజిక సంరక్షణ

తెలుగులో వివిధ విషయాలపై వివిధ రకాల తెలుగు వ్యాసాలు

డిజిటల్ చెల్లింపులు స్మార్ట్ ఫోన్ వినియోగం తెలుగు వ్యాసం

నీ చుట్టూ ఉన్న పరిసరాలలో కనిపించే బాలకార్మిక వ్యవస్థపై

కాలుష్యంతో నిండిపోతున్న నేటి నగర వాతావరణాన్ని గురించి వ్యాసం రాయండి.

వృద్యాప్యంలో ఉన్నవారికి వారసులు తోడుగా ఉండాలి వ్యాసం

తెలుగువ్యాసాలు TeluguVyasalu

సామాజిక ఆస్తుల పరిరక్షణ విషయంలో బాధ్యతను గుర్తెరగడం

నేటి రాజకీయాల పై మీ అభిప్రాయం మీ మాటల్లో వివరించండి

స్త్రీల పట్ల గౌరవ భావన స్త్రీల పట్ల మర్యాదపూర్వకమైన

దైనందిన జీవితంలో పరోక్షంగా నష్టం చేసే విషయాలు వార్తాపత్రికల ద్వారా

TeluguVyasalu Read Cheyadaniki

తల్లిదండ్రుల కష్ట సమయంలో ఉన్నప్పుడు పిల్లలు ఏమి చేయాలి

నగర జీవితం పట్ల ప్రజలు ఆకర్శితులు కావడానికి కారణాలు

సివి రామన్ గురించి ఆర్టికల్ చరిత్రలో ఒక రోజు రామన్ రోజుగా లిఖితమయ్యింది.

మీకు తెలిసిన మంచి గుణాలు కలిగిన ఒకరిని గురించి అభినందన వ్యాసం

ఆరోగ్యకరమైన ఆలోచన విజయానికి సుమార్గం

Leave a reply

ఆరోగ్యకరమైన ఆలోచన విజయానికి సుమార్గం. ఆరోగ్యకరమైన ఆలోచన ఉన్నత శిఖరాలకు విశిష్టమైన వారధి. తక్కువ ఆలోచన చేసే ఎక్కువపని చేసే శక్తి కలిగి ఉంటే, సవ్యదిశలో ఆలోచించేవారు సక్రమ పనివిధానం కలిగి ఉంటే, మంచి ఆలోచన చేసేవారు మంచి పనులే చేస్తారు. మంచి పనులే మనిషిని ఉన్నత స్థితికి చేరుస్తాయి.

మనిషికి సహజంగా వచ్చేది ఆలోచన. ఏదో ఒక అంశంలో దీర్ఘ ఆలోచనలు కలిగి ఉండడం ఉంటుంది. అలాగే రోజువారీ స్థితిలో ఎలా ప్రవర్తించాలో కొంత ఆలోచన ఉంటుంది. వివిధ రకాలుగా ఆలోచనలు మనిషి మనసులో ఉంటే, కొన్ని ఆలోచనలు మాత్రం పక్కదారి పట్టిస్తాయి. అవే వ్యతిరేక భావనలో ఆలోచనలు.

అపసవ్య దిశలో ఆలోచనలు పనులకు అడ్డంకిగా మారతాయి. అటువంటి ఆలోచనలే పెరిగితే, అవి మానసిక అనారోగ్యానికి కారణం కాగలదు. అపసవ్య ఆలోచనలు మనో రుగ్మతలను సృష్టించగలవు కాబట్టి అపసవ్యదిశలో ఆలోచన దృష్టిని పెట్టరాదని అంటారు.

సవ్య దిశలో ఆలోచనలు సాగితే, పనులలో మంచి ఫలితాలు ఉంటాయని అంటారు. సవ్యదిశలో ఆలోచన ఆరోగ్యకరమైన ఆలోచన అవుతుందని అంటారు.

ఆలోచన ఎందుకు సవ్య దిశలో(పాజిటివ్ థింకింగ్) సాగాలి? అంటే

సవ్యమైన ఆలోచన నియంత్రణలో ఉంటే అపసవ్యమైన ఆలోచన నియంత్రణను చెడగొడుతుంది. సవ్యమైన ఆలోచనలు సరైన విధానంతో సాగి, సమస్యకు పరిస్కారం చూపించగలవు అంటారు. అయితే అపసవ్యమైన ఆలోచన ప్రభావం ఊహాతీతంగా ఉండవచ్చు. అటువంటి ఫలితాలు కూడా తీవ్రంగా ఉండవచ్చు.

ఉపయోగిస్తున్న స్మార్ట్ ఫోన్ ఎలా పడితే అలా టచ్ చేస్తూ వాడవచ్చు. ఇంకా స్మార్ట్ ఫోన్ మాడ్యూల్ ప్రకారం కూడా స్మార్ట్ ఫోన్ ఉపయోగించవచ్చు. స్మార్ట్ ఫోన్ ఎలా వాడిన ఉపయోగపడే విధంగానే ఉండవచ్చు కానీ నిర్దేశించబడిన విధానం ప్రకారం స్మార్ట్ ఫోన్ వినియోగిస్తే, ఆ స్మార్ట్ ఫోన్ ఎక్కువకాలం సమర్ధవంతంగా పనిచేసే అవకాశాలు ఉంటాయి.

స్మార్ట్ ఫోన్ తయారీదారు… దానిని తయారు చేసే సమయంలో టెస్టింగ్ పర్పస్ లో ఒక నిర్ధిష్ట ఎత్తు నుండి క్రిందపడేసి టెస్ట్ చేయవచ్చు… కానీ కొనుగోలు చేసిన వినియోగదారుడు మాత్రం ఫోన్ కొనుక్కుని అది పగులుతుందో లేదో తను టెస్ట్ చేయడు… దాని మాడ్యూల్ ప్రకారం దాని వినియోగానికి ప్రయత్నిస్తాడు. అలా స్మార్ట్ ఫోన్ వినియోగం ఒక విధానం ప్రకారం వాడుతూ ఉండడానికి ఆలోచించడం సవ్య దిశ అయితే, అది పగులుతుందో లేదో చూడాలని ఆలోచించడం అపసవ్య దిశ కావచ్చు.

ఒక విధి విధానం అనుసరిస్తూ, విధానంలో లోపాలను కనుగొనడం సవ్య దిశ అయితే, ఒక విధి విధానం అనుసరించక ముందే దాని లోపల గురించే పదే పదే ఆలోచన చేస్తూ అక్కడే ఆగిపోవడం అపసవ్య దిశ కావచ్చు…

ఆలోచన – మనసు – శరీరం

ఆలోచన మనసుని కదిలిస్తే, కదిలిన మనసు శరీరంపై ప్రభావం చూపగలదని అంటారు. అది సవ్యమైన ఆలోచన అయితే శరీరంపై మంచి ప్రభావం చూపించవచ్చు కానీ ఆలోచన అపసవ్య దిశలో సాగితే, శరీరంపై దుష్ప్రభావం చూపించవచ్చు… ఆలోచనల వలన ప్రభావితం అయ్యే మనసు కచ్చితంగా శరీరంపై ప్రభావం చూపగలదు. అది ఎటువంటి ప్రభావం అనేది… మదిలో మేడలు కట్టిన ఆలోచనలను బట్టి ఉంటుంది.

ఆరోగ్యకరమైన ఆలోచన విధానం వలన మనసు ప్రశాంతతో ఉంటుంది. ప్రశాంతంగా ఉన్న మనసు పనిపై చక్కటి తీరుని చూపించగలదు. మంచి గుర్తింపు తెచ్చుకోగలదు.

చదువుతున్నప్పుడే మనసు ఎలా ఆలోచిస్తుందో పరిశీలిస్తే, పనిచేసే కాలానికి మనసుని సన్మార్గంలో ప్రయాణం చేసే విధంగా దానిని శాసించవచ్చు.

తెలుగు వ్యాసం పండుగలు ప్రాముఖ్యత అవి ఎలాంటి ప్రభావం చూపుతాయి

ఇంటర్నెట్ ఉపయోగాలు నేడు నెట్ లేకపోతే జీవితం ముందుకు సాగదు

ఆన్ లైన్ విద్య ఎలా ఉపయోగించుకోవచ్చు? తెలుగులో వ్యాసం

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

డొనాల్డ్ ట్రంప్ గురించి తెలుగులో తెలుగు వ్యాసం వ్రాయండి

రాహల్ ద్రవిడ్ క్రికెట్ ఆటగాడు మిష్టర్ డిపెండబుల్ గా ఖ్యాతిగాంచారు

చరిత్ర గురించి తెలుగు వ్యాసం గతం గురించి తెలిపే చరిత్ర

కరోనా వైరస్ నివారణ చర్యలు వ్యాసం కోవిడ్ 19 వైరస్ గురించి వివరించండి

ప్రముఖ ప్రసిద్ధ దేవాలయాలు విశిష్టమైనవి, దేవాలయాల గురించి తెలుగులో

Telugulo Vyasalu

మంచి నాయకుడు ప్రజలు మెచ్చిన నాయకుడు ఆదర్శవంతమైన మార్గం

ప్రకృతి వైపరీత్యాలు వ్యాసం తెలుగులో ప్రకృతి విపత్తులు

స్త్రీల అభ్యున్నతికి తీసుకోవలసిన జాగ్రత్తలు తెలుగులో వ్యాసం

మనం మన పరిశుభ్రత మనకు రక్షణ మనతోబాటు సామాజిక సంరక్షణ

తెలుగులో వివిధ విషయాలపై వివిధ రకాల తెలుగు వ్యాసాలు

డిజిటల్ చెల్లింపులు స్మార్ట్ ఫోన్ వినియోగం తెలుగు వ్యాసం

నీ చుట్టూ ఉన్న పరిసరాలలో కనిపించే బాలకార్మిక వ్యవస్థపై

కాలుష్యంతో నిండిపోతున్న నేటి నగర వాతావరణాన్ని గురించి వ్యాసం రాయండి.

వృద్యాప్యంలో ఉన్నవారికి వారసులు తోడుగా ఉండాలి వ్యాసం

తెలుగువ్యాసాలు TeluguVyasalu

సామాజిక ఆస్తుల పరిరక్షణ విషయంలో బాధ్యతను గుర్తెరగడం

నేటి రాజకీయాల పై మీ అభిప్రాయం మీ మాటల్లో వివరించండి

స్త్రీల పట్ల గౌరవ భావన స్త్రీల పట్ల మర్యాదపూర్వకమైన

దైనందిన జీవితంలో పరోక్షంగా నష్టం చేసే విషయాలు వార్తాపత్రికల ద్వారా

TeluguVyasalu Read Cheyadaniki

తల్లిదండ్రుల కష్ట సమయంలో ఉన్నప్పుడు పిల్లలు ఏమి చేయాలి

నగర జీవితం పట్ల ప్రజలు ఆకర్శితులు కావడానికి కారణాలు

సివి రామన్ గురించి ఆర్టికల్ చరిత్రలో ఒక రోజు రామన్ రోజుగా లిఖితమయ్యింది.

మీకు తెలిసిన మంచి గుణాలు కలిగిన ఒకరిని గురించి అభినందన వ్యాసం

డబ్బు ఖర్చు చేసి ఏమిటి చేస్తున్నాం? అలాగే కాలం ఖర్చు చేసి ఏమిటి ?

Leave a reply

డబ్బు ఖర్చు చేసి ఏమిటి చేస్తున్నాం? అలాగే కాలం ఖర్చు చేసి ఏమిటి చేస్తున్నాం? వస్తువు కోసం డబ్బు ఖర్చు చేస్తే, మరి కాలం దేని కోసం ఖర్చు చేస్తున్నాం?

తన దగ్గర ఉన్న డబ్బు ఖర్చు చేసి వస్తువు కొనుగోలు చేసే హక్కు ఆ డబ్బు సంపాదించినవారికే ఉంటుంది. మరి కాలం ఖర్చు చేసేవారికి ఆ కాలం ఎలా వచ్చింది? మనకున్న పరిమితమైన కాలం మనకు ఎలా వచ్చింది? ఈ ప్రశ్న పుడితే, కాలం విలువ తెలుస్తుంది.

వస్తువు కొనలాంటే డబ్బు అవసరం. డబ్బు కావాలంటే, ఒంట్లో శక్తిని ఉపయోగించి తమకు ఉన్న పరిమిత కాలంలో పని చేయాలి. అప్పుడే డబ్బు వస్తుంది. దానితో అవసరం అయిన వస్తువును కొనుగోలు చేస్తాం… అయితే కాలం ఖర్చు దేనికి చేస్తున్నాం?

ఇది పెద్ద ప్రశ్నలాగా కనబడక పోవచ్చు కానీ సమాధానం మాత్రం పేజీలకు పేజీలే ఉండవచ్చు.

కారణం కాలం అనేది ఒక వరం. ఒక ఆస్తి… కానీ అది కచ్చితంగా పరిమితమైనదే… కొంత కాలమే మనిషికి ఉంటుంది. ఆ కొంత కాలం ఎలా ఖర్చు చేస్తే, అలా జీవితం మారుతూ ఉంటుంది.

వినడానికి కాలం ఖర్చు చేస్తే, విషయవిజ్ఞానం ఏర్పడుతుంది. విజ్ఞానం మనిషికి ఉపాధిని తీసుకువస్తుంది. ఉపాధి జీవిత అవసరాలకు ఉపయోగపడుతుంది. కుటుంబ బాధ్యతలకు ఉపాధి ఉపయోగపడితే, ఆ కుటుంబంలో ఉండేవారికి మంచి జీవితం ఏర్పడుతుంది… అలా కాలం వినే వయసులో వినడానికే ఖర్చు చేస్తే, చెప్పే వయసులో సరైన రీతిలో చెప్పగలరు. వినే వయసులో చెప్పడానికి ప్రాధాన్యత ఇస్తే, చెప్పే వయస్సులో చెప్పడానికి విజ్ఞానం ?

ఫీజు చెల్లించి వినడానికి మాత్రమే నిర్ధేశించిన ప్రదేశాలలో కూర్చుని, ఏదో చెప్పడానికి ఆసక్తిని కనబరచడం మూర్ఖత్వం అవుతుందని అంటారు. నేర్చుకునే వయసులో నేర్చుకుంటూ… తమకు అవకాశం లభించినప్పుడు మాత్రమే తమకు తెలిసిన విషయంపై తమను ప్రశ్నించినప్పుడే చెప్పడానికి ప్రయత్నం చేసేవారు ఉత్తమ విద్యార్ధి అంటారు.

డబ్బు ఖర్చు చేసి ఏమిటి చేస్తున్నాం? అలాగే కాలం ఖర్చు చేసి ఏమిటి ?

డబ్బు ఖర్చు చేసి ఏమిటి చేస్తున్నామో అవగాహన ఉన్నప్పుడు ఆ ఖర్చు చేసే డబ్బుకు ఒక విలువ ఉంటుంది. అలాగే కాలం ఖర్చు చేసి ఏమిటి చేస్తున్నామో ఆలోచన ఉంటే, ఆ ఆలోచనకు విలువ ఉంటుంది. అది మంచి ఆలోచన అయితే ఉత్తమ ఆలోచనగా ఉంటుంది.

వింటూ ఉన్నంతకాలం లోకం చెబుతూ ఉంటుంది.

వినడానికి సిద్దపడితే, చెప్పడానికి సిద్దపడతారు. వింటూ ఉన్నంతకాలం లోకం చెబుతూ ఉంటుంది. అయితే వినడం ఆపితే చెప్పడం తగ్గుతుంది. ఎంతకాలం వినాలి?

జీవితంలో వ్యక్తి నిత్యవిద్యార్ధి అంటారు. జీవితం పాఠాలు చెబుతూనే ఉంటుంది. జీవితం పాఠాలు ఎప్పుడు చెబుతుంది?

స్కూల్లో టీచర్ చెప్పే పాఠాలు వినకపోతే, పాఠాలు అర్ధం కావు. సబ్జెక్టులపై సరైన అవగాహన ఉండదు. పరీక్షల తర్వాత వచ్చే ఫలితాలు నిరాశను కలిగిస్తాయి… జీవిత ప్రారంభంలో విద్యార్ధి దశ కీలకం అయితే, ఇక్కడ వినడమే ప్రధానం… వినయంతో వినడం అత్యంత కీలకమైన విషయం.

ఇంట్లో వినడం మానేస్తే, తల్లిదండ్రులు చెప్పడం తగ్గిస్తారు. వినకపోవడం వలన ఉండే నష్టం జీవితపర్యంతం వెంట ఉంటుందని అంటారు.

కొందరు వినకపోవడం వలన చదువు దారి తప్పుతుంది. కొందరు వినకపోవడం వలన అసలు స్కూల్ కు వెళ్ళే అవకాశం కూడా కోల్పోతారు. కొందరు వినకపోవడం వలన మంచి మంచి సలహాలు కోల్పోతూ ఉంటారు. ఇక వీడు వినడు… అనుకుంటే, వాడితో మాట్లాడేవారు తగ్గుతూ ఉంటారు.

వినాలనే భావన ఎప్పుడు ఉంటుంది?

డబ్బు ఖర్చు చేసి ఉండడం వలన వినడానికి వచ్చామన్నా భావన ఉంటే చాలు… వినాలనే ఆలోచనతోనే మనసు ఉంటుంది. కాలం ఖర్చు చేసి విద్య గురించి వినాలనే భావన బలపడుతుంది.

ఎవరు చెప్పినా వింటూ ఉండేవారు కొందరు ఉంటారు. విన్నది ఆచరించినా ఆచరించక పోయినా ముందు ఎదుటివారు చెప్పేది ఆలకిస్తూ ఉంటారు.

స్కూల్లో కానీ ఇంట్లో కానీ స్నేహితుడు కానీ గుడిలో కానీ ఎక్కడ ఎవరు చెప్పినా వినడం ఎక్కువగా చేస్తూ ఉండేవారు ఉంటారు.

తమలో ఏదో కొత్త విషయం తెలుసుకోవాలనే తపనకు, వింటూ ఉండడం కూడా అవసరమే అనే భావన బలంగా ఉండడం వలన కావచ్చు… ఎక్కువగా వింటూ ఉంటారు. విన్న విషయంలో తమకు తెలిసిందేమిటి? అనే ప్రశ్న పుడుతూ ఉంటుందీ.

ఇంకా తమకు తెలియవలసినది ఏదో ఉంది. అనే ఆలోచన మనసులో ఉన్నప్పుడు మాత్రం, మనసు వినడానికే ఎక్కువ ప్రాధాన్యతను ఇస్తుంది.

కొందరు అన్ని విషయాలలోను వినరు. కొన్ని విషయాలలో మాత్రమే శ్రద్దగా వింటూ ఉంటారు. బహుశా తమ లక్ష్యానికి దగ్గరగా ఉండే అంశాలలో మాత్రమే వినాలనే ఆసక్తిని కలిగి ఉంటారు.

ఇక ఎవరైనా తమ తమ ఆసక్తి మేరకు వింటూ ఉండడం సహజమే కానీ ఒక లక్ష్యము పెట్టుకున్నవారు మాత్రం, తమ లక్ష్య సిద్దికి అవసరమైన అంశాలలో వినడానికి అత్యంత శ్రద్దను చూపుతారు.

ఇది లక్ష్యానికి చేరువ అయ్యేవారిలో ఉండే గొప్ప గుణం.

అయితే ఒక లక్ష్యం కానీ కాకపోతే అలవాటు అయిన ఆసక్తి కానీ వినాలనే ఆలోచనను మనసులో కలిగిస్తూ ఉంటాయి.

లక్ష్యం నిర్దేశించుకుంటే ఏర్పడుతుంది. లేకపోతే లేదు.

అలవాటు అయిన ఆసక్తి అంటే…. బాల్యం నుండి వారి చుట్టూ ఉండే విషయాలలో ఉండే పరిశీలనా ప్రభావం చేత, మనసులో సహజంగా ఏర్పడే ఆసక్తి… అలవాటుగా మారి, ఆ ఆసక్తి చేత వినాలనే భావన కూడా పెరగవచ్చు. తద్వారా కొన్ని విషయాలలో వింటూ ఉంటారు.

వినకూడదనే భావన ఎప్పుడు ఉంటుంది?

తమకు తెలుసు అనే భావన ఉన్నప్పుడు వినడం తక్కువగా ఉంటుంది.

చెప్పడమే అలవాటుగా ఉన్నవారికి కూడా వినాలనే ఆసక్తి తక్కువగా ఉంటుంది. చెప్పడంలోనే సరదా ఉంటుంది.

ఎక్కువగా మాట్లాడేవారు కూడా మాట్లాడేస్తూ, చెప్పేవారిని చెప్పనీయకుండా మాట్లాడే అలవాటు కలిగి వినాలనే ఆసక్తి తక్కువగా కలిగి ఉండవచ్చు.

నాకు తెలుసు అనే భావన ఎప్పుడు పుడుతుంది? మనకి తెలిసిన విషయాలు మన తోటివారితో చెబుతున్నప్పుడు, వారు అలా చెప్పబడిన విషయాలతో ఏకీభవించినప్పుడు… నాకు తెలుసు అనే భావన బలపడుతూ… నాకు అన్ని తెలుసు అనే ఆలోచన కలిగి, ఇక వినాలనే ఆలోచన కన్నా చెప్పాలనే భావనే బలపడవచ్చు.

ఇక సహజంగానే ఎక్కువగా మాట్లాడుతూ ఉండేవారు, ఎదుటివారికి మాట్లాడే అవకాశం కల్పించకుండా తమకు తెలిసినది తెలియజేస్తూ… ఉండడం కూడా వినాలనే ఆసక్తి అడ్డంకి.

వినడంలో ఎదుటివారికి తెలిసిన విషయం మనకు తెలిసే అవకాశం ఉంటే, చెప్పడంలో మనకు తెలిసిన విషయం ఎదుటివారికి తెలిసే అవకాశం ఉంటుంది.

ఫీజు చెల్లించి వినేవారు వినడం ప్రధానం అయితే, ఫీజు తీసుకుని చెప్పేవారు చెప్పడం ప్రధానం.

మనసులో అనవసర విషయాలకు ప్రాధాన్యత పెరిగితే

మన మనసులో అక్కరలేని విషయాలకు విలువనిస్తూ ఉంటే, అవసరమైన విషయాలలో వినాలనే ఆసక్తి తగ్గుతుంది. అనవసర విషయాలలో మాట్లాడాలనే సరదా పెరుగుతుంది. ఆ సరదా కాస్త సమయాన్ని వృధా చేస్తుంది.

డబ్బు ఖర్చు అయితే, మరలా సంపాదించవచ్చు… కానీ గడిచిన కాలం మాత్రం తిరిగిరాదు.

జీవితములో ‘కాలము’ అనే ఆస్తి అందరికీ ఉంటుంది. ఆ కాలము కొందరితో ముడిపడి ఉంటుంది. అటువంటి కాలము మనిషికి ఒక ఆస్తి…. ఆ ఆస్తిని ఊరికే ఖర్చు చేస్తే, జీవితం శూన్యం.

మనం డబ్బు ఖర్చు చేస్తే, దానికి ఏదో ఫలితంగా వస్తువును పొందుతాం లేకపోతే సేవను పొందుతాం…. మరి కాలమును ఖర్చు చేసి ఏమిటి పొందుతున్నాం?

ఈ ప్రశ్న ఉంటే, ముఖ్యంగా నేర్చుకునే వయస్సులో ఈ ప్రశ్న పుడితే, వారి విద్య ఉత్తమ ఫలితాలకు దారి తీస్తుంది.

డబ్బు సంపాదించేవారికి దానిని ఖర్చు చేసే హక్కు ఉంటుంది. మరి కాలం ఎలా సంపాదించామో అన్న ప్రశ్న పుడితే, కాలం యొక్క గొప్పతనం తెలియబడుతుంది.

గడిచిన కాలము అంటే, మనకు ఉన్న పరిమిత కాలం ఖర్చు చేసినట్టే. ఆ గడిచిన కాలములో గడించినది ఏమిటి?

ఈ ప్రశ్న పుడితే, అదే కాలమును సద్వినియోగపరచుకోవడాకి మార్గం అన్వేషించగలదు.

తెలుగు వ్యాసం పండుగలు ప్రాముఖ్యత అవి ఎలాంటి ప్రభావం చూపుతాయి

ఇంటర్నెట్ ఉపయోగాలు నేడు నెట్ లేకపోతే జీవితం ముందుకు సాగదు

ఆన్ లైన్ విద్య ఎలా ఉపయోగించుకోవచ్చు? తెలుగులో వ్యాసం

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

డొనాల్డ్ ట్రంప్ గురించి తెలుగులో తెలుగు వ్యాసం వ్రాయండి

రాహల్ ద్రవిడ్ క్రికెట్ ఆటగాడు మిష్టర్ డిపెండబుల్ గా ఖ్యాతిగాంచారు

చరిత్ర గురించి తెలుగు వ్యాసం గతం గురించి తెలిపే చరిత్ర

కరోనా వైరస్ నివారణ చర్యలు వ్యాసం కోవిడ్ 19 వైరస్ గురించి వివరించండి

ప్రముఖ ప్రసిద్ధ దేవాలయాలు విశిష్టమైనవి, దేవాలయాల గురించి తెలుగులో

Telugulo Vyasalu

మంచి నాయకుడు ప్రజలు మెచ్చిన నాయకుడు ఆదర్శవంతమైన మార్గం

ప్రకృతి వైపరీత్యాలు వ్యాసం తెలుగులో ప్రకృతి విపత్తులు

స్త్రీల అభ్యున్నతికి తీసుకోవలసిన జాగ్రత్తలు తెలుగులో వ్యాసం

మనం మన పరిశుభ్రత మనకు రక్షణ మనతోబాటు సామాజిక సంరక్షణ

తెలుగులో వివిధ విషయాలపై వివిధ రకాల తెలుగు వ్యాసాలు

డిజిటల్ చెల్లింపులు స్మార్ట్ ఫోన్ వినియోగం తెలుగు వ్యాసం

నీ చుట్టూ ఉన్న పరిసరాలలో కనిపించే బాలకార్మిక వ్యవస్థపై

కాలుష్యంతో నిండిపోతున్న నేటి నగర వాతావరణాన్ని గురించి వ్యాసం రాయండి.

వృద్యాప్యంలో ఉన్నవారికి వారసులు తోడుగా ఉండాలి వ్యాసం

తెలుగువ్యాసాలు TeluguVyasalu

సామాజిక ఆస్తుల పరిరక్షణ విషయంలో బాధ్యతను గుర్తెరగడం

నేటి రాజకీయాల పై మీ అభిప్రాయం మీ మాటల్లో వివరించండి

స్త్రీల పట్ల గౌరవ భావన స్త్రీల పట్ల మర్యాదపూర్వకమైన

దైనందిన జీవితంలో పరోక్షంగా నష్టం చేసే విషయాలు వార్తాపత్రికల ద్వారా

TeluguVyasalu Read Cheyadaniki

తల్లిదండ్రుల కష్ట సమయంలో ఉన్నప్పుడు పిల్లలు ఏమి చేయాలి

నగర జీవితం పట్ల ప్రజలు ఆకర్శితులు కావడానికి కారణాలు

సివి రామన్ గురించి ఆర్టికల్ చరిత్రలో ఒక రోజు రామన్ రోజుగా లిఖితమయ్యింది.