భక్తి వచ్చుటకు భక్తి కలిగిన విషయాలు తెలుసుకోవడం ముఖ్యమంటారు. మనిషి మనసు విషయవాంఛలయందు మమేకం అయి ఉంటుంది. ఏదో ఒక వాంఛ తీరుతుంటే, కొత్త విషయం, కొత్త వాంఛ పుడుతుంది… వాంఛలు వస్తూ ఉంటాయి… కానీ భక్తి వచ్చుటకు మార్గం కనబడదు. భక్తి వచ్చుటకు అవకాశం ఏర్పడదు.
విషయవాంఛలయందు మమేకం కాకుండా ఉండలేరని అంటారు. ఎందుకంటే విషయవాంఛలు మనసుకు అంతగా అలావాటు అయి ఉంటాయి. కావునా మనసు మార్గం భక్తిమార్గం కావాడానికి సమయం పడుతుందని అంటారు. కోరికతో తహతహలాడే తనువు కోరిక తీర్చుకోవడంలో తలమునకలవుతుంది. కోరిక తీరిన తర్వాత మరలా కోరికతో తనువు తయారు అవుతుంది… మనసు పడే తపన తనువుతో తీరుతుంది….
మనసు తృప్తికి తనువు సాయపడితే, వ్యక్తి తనువు తరించాలంటే మనసులో భక్తి ఉండాలి. మోహంలో ఉన్నప్పుడు మనసు మాట వినదు. మోహంవీడిన మనసు విజ్ఙానం వైపు వెళుతుంది. కా
తనువు వలన సుఖమెరిగే మనసుకు తనువును ఉపయోగించుకోవడంలో చూపే చొరవ తనువును నియమాలకు కట్టడి చేయడంలో మాత్రం వెనుకాడుతుంది. కానీ దానికి ప్రయత్నం చేస్తే మాత్రం క్రమశిక్షణ మనసుకు అలవాటు అవుతుంది. క్రమశిక్షణతో మనసు తననుతాను నియంత్రించుకుంటుంది.
ఇంతటి శక్తివంతమైన మనసులో భక్తి వచ్చుటకు సద్భక్తి కలిగిన బుక్స్ రీడ్ చేయడం ఒక మార్గం అయితే, భక్తి కలిగిన వారితో స్నేహం మరీ మంచిదని అంటారు. ఇంకా సులభంగా మనసులో భక్తి వచ్చుటకు భక్తి భావనతో మంచి మాటలు వింటూ ఉండడం అని కూడా అంటారు.
అలా భక్తి వచ్చుటకు భక్తి కలిగిన విషయాలు తెలుసుకోవడం వలన మనసులో భక్తి భావన బలపడుతుంది. భక్తి విషయాలు చదవాలనే ఆసక్తి, వినాలనే తాపత్రయం పెరుగుతాయి.
ముక్కోటి ఏకాదశి పరమ పవిత్రమైన పర్వదినం. ముక్కోటి ఏకాదశి తిధిన తలంపులన్నీ భగవంతుడి కోసం. పుట్టిన ప్రతి ప్రాణీ గిట్టక తప్పదు. గిట్టిన ప్రతి ప్రాణీ పుట్టక తప్పదు. జీవనయాత్రలో ఎన్నో పుట్టుకలు, మరెన్నో మరణాలు అయితే జనన మరణ సమయాలలో తీవ్రమైన బాధను భరించవలసి ఉంటుంది. జీవి యాత్రలో మరణం లేని దశకు చేరే అవకాశం మనిషిగా పుట్టిన ప్రతి వ్యక్తి ఉంటే, అది ఏకాదశి తిధి రోజున సార్ధకం చేసుకునే అవకాశం ఎక్కువగా ఉంటుందని అంటారు.
ఏకాదశి తిధి సరైన పద్దతిలో ఆచరిస్తూ శ్రద్దాసక్తులన్నీ భగవంతుడి కోసమే అయితే, ఆ భగవంతుడి అనుగ్రహం లభిస్తుందని అంటారు. దశమి రోజు ఒంటిపూట భోజనం, ఏకాదశి తిధి రోజు నిరాహారం, ద్వాదశి తిధిలో భుజించడం…. ఇలా ఏకాదశి నియమాలు చెబుతారు.
https://www.youtube.com/watch?v=bTGka9A4t90
దేవతలంతా విష్ణుమూర్తితో కలిసి భూలోకంలో వైష్ణవ దేవాలయాలలో ఉండేతిధి ముక్కోటి ఏకాదశి తిధి అంటారు. ఈ తిధి రోజు ఉత్తర ద్వార దర్శనం మోక్షప్రదాయకం అంటారు.
శ్రీమహావిష్ణువు ఇష్టమైన తిధి ఏకాదశి తిధి… అందులో ముక్కోటి ఏకాదశి తిధి అంటే మనందరికీ మరింత ప్రీతికరం… ఈ రోజు విష్ణుభగవానుడిని తలవని హిందువు ఉండడు.
ఆ భాగవత ప్రియుడు శ్రీకృష్ణ భగవానుడి గురించి గుర్తు చేసుకోని హిందువు ఉండడు. దేవదేవుడు ఇచ్చిన జ్ఙానంతో ఆదేవదేవుడిని చేరే మార్గంలో శుభకరమైన తిధులు మనకు బాగా ఉపయోగపడతాయి. అలా మనకు ముక్కోటి ఏకాదశి తిధి అత్యంత పవిత్రమైనది.
https://www.youtube.com/watch?v=7IOr61etsmo
https://www.youtube.com/watch?v=LVK-jcp06iI
ముక్కోటి ఏకాదశి పరమ పవిత్రమైన పర్వదినం
https://www.youtube.com/watch?v=Yo0qrCLHpVk
సకల జీవ రాశులలో మనిషి ప్రత్యేకమైన జీవి. ఎందుకంటే కర్మ చేసే అధికారం ఉంటుంది. అందుకు అవసరమైన జ్ఙానం ఉంటుంది. అందుకు అవసరమైన వనరులు కుటుంబ స్థితిని బట్టి ఏర్పడుతూ ఉంటుంది. మనోబలం కోసం పెద్దల ప్రవచనాలు తోడుగా ఉంటాయి…
మనిషిగా పుట్టి మహనీయుడుగా మారితే సమాజం గుర్తు పెట్టుకుంటుంది…. అది కర్మఫలితం.
ముక్కోటి ఏకాదశి మనసు నిత్యమూ భగవన్నామస్మరణ చేయడమే
మానవ జన్మ సార్ధకం చేసుకోవడం అంటే, మోక్షం సంపాదించడమేనని అంటారు. అటువంటి మోక్షం సాధించాలంటే, నమ్మి భగవంతుడిని మనసులో నింపేసుకోవడమేనని అంటారు. మనసు నిత్యమూ భగవన్నామస్మరణ చేయడమే కీలకమని చెబుతూ ఉంటారు.
భగవన్నామస్మరణకు అలవాటు పడిన మనసు పరమపవిత్రమైన తిధులలో కూడా భగవన్నామస్మరణ చేస్తుంది. అలా పరమపవిత్రమైన ముక్కోటి ఏకాదశి తిధిన భగవన్నామస్మరణ చేస్తూ ఉండడం మనకు శ్రేయస్సును అందిస్తుందని అంటారు.
సర్వవిషయములలోనూ భగవద్దర్శణం చేయగలగడం గొప్ప విషయంగా చెప్పబడుతుంది.
భగవధ్యాస పెంచుకోవాలంటే, ఆ భగవంతుడి అనుగ్రహం కావాలి. ఆ భగవంతుడి అనుగ్రహం ఉంటేనే భక్తి మార్గంలో మనసు నిలబడుతుందని అంటారు. అటువంటి భక్తిమార్గంలో మనసు ఎల్లవేళలా నిలబడడానికి భగవంతుడి అనుగ్రహం సంపాదించడంలో ఏకాదశి తిధి బాగా ఉపయోగపడుతుందని అంటారు. ఇక ముక్కోటి ఏకాదశి తిధి అయితే మోక్షాన్నే అందిస్తుందని అంటారు.
పరమ పవిత్రమైన ముక్కోటి ఏకాదశి తలంపులన్నీ ఆ దేవదేవుడిని గురించే
మనసు ఆలోచనలతో కూడి ఉంటుంది. కోరికల కారణంగా కావచ్చును. ఆశల కోసం తాపత్రయం వలన కావచ్చును. కర్తవ్య నిర్వహణలో భాగంగా భాద్యతల వలన కావచ్చును… మనసు ఆలోచనల ప్రవాహాంలో ఉంటుంది… ఆ ఆలోచనల నుండి మనసును మళ్ళించి, ఒకే చోట స్థిరపరచడం వలన మనసు మరింత శక్తివంతం అవుతుందని అంటారు. అలా ఏకీకృత దృష్టితో ఉండే మనసు ఎంతకాలం ఏకాగ్రతతో ఉంటుందో, అంతటి శక్తిని పొందగలదని అంటారు.
పరమ పవిత్రమైన ముక్కోటి ఏకాదశి తలంపులన్నీ ఆ దేవదేవుడిని గురించే
అలా మనసును ఒక చోట కేంద్రీకృతం చేయడం కృతకృత్యులు కావడానికి పెద్దలు భక్తి మార్గమే శ్రేయష్కరం అని అంటారు. ఎందుకంటే ఒక వస్తువుకు మార్పు చెందే గుణం ఉంటుంది. అలాగే చాలా విషయాలు ఒకదాని ముందు ఒకటి వస్తూ పోతూ ఉంటాయి… కానీ ఎప్పటికీ ఉండే ఏకతత్వంగా ఉండే ఆ శక్తిని దేవదేవుడి భగవంతుడిగా తలంపులోకి తెచ్చుకుంటే, వాడు ఎప్పటికీ ఉండేవాడని శాస్త్రములు చెబుతున్నాయి.
మన మనసును మనం స్వాధీనపరచుకుంటూ, దానిని భగవంతుడి పాదలపై పెట్టడమే శ్రేయష్కరం అయితే, కొందరు ఆ మనసుపై నియంత్రణ కూడా ఆ భగవంతుడికే వదిలి, అన్నింటా భగవంతుడినే దర్శించి తరించారని పెద్దలంటారు.
జీవన ప్రయాణంలో మనసు విషయాలవైపు వెళుతూ విషయ లౌల్యం పొందుతూ ఉంటే
మన మనసు మనలోనే ఉంటూ అనేక విషయాలను తరచి చూస్తుంది. ఒక్కసారి తరిచి చూసిన విషయంపై అది మక్కువ పెంచుకుంటే, అదే విషయాన్ని మరలా కోరుకుంటూ ఉంటుంది…. అలా మనసు కోరుకునే విషయాలలో భగవన్నామ స్మరణ చేర్చేయడమే తెలివైన పని అంటారు.
మనలో ఉండే మనసుకు కొన్ని విషయాలు అంటే ఆసక్తి ఉంటుంది. కొన్ని విషయాలపట్ల నిరాసక్తత ఉంటుంది. కొన్ని విషయాలు అంటే అమితమైన ఇష్టముంటుంది… అమితమైన ఇష్టమును నెరవేర్చేముందు భగవంతుడిని గురించి తలంపులు గుర్తు చేసుకోవడం ద్వారా మనసును మెల్లమెల్లగా భగవంతుడివైపు తిప్పవచ్చును అని అంటారు.
ఇంకా పదే పదే భగవంతుడి గురించిన ప్రవచనాలు వినడం ద్వారా భగవంతుడిపై ఆలోచనలను మనసులో సృష్టించవచ్చును. భగవంతుడి గురించిన తలంపులు తలచుకోవడానికి ప్రవచనాలు మనకు బాగా ఉపయోగపడతాయి.
సోమవారం వచ్చిందంటే శివుడు గురించి వినడం, మంగళవారం వచ్చిందంటే ఆంజనేయుడి గురించి వినడం, బుధవారం వచ్చిందంటే శ్రీరాముడి గురించి వినడం, గురువారం వచ్చిందంటే దక్షిణామూర్తి గురించిన ప్రవచనాలు వినడం, శుక్రవారం వచ్చిందంటే దుర్గమ్మతల్లి గురించి వినడం, శనివారం వచ్చిందంటే శ్రీవేంకటేశ్వరస్వామి గురించి వినడం, ఆదివారం వస్తే సూర్యభగవానుడి గురించి వినడం… ఇంకా పండుగలలో ఆయా దేవతల గురించి పెద్దల మాటలు వినడం… ఇలా వినడమనే తపస్సున చేయడం ద్వారా భగవంతుడి తలంపులు మనసులో పెంచుకోవచ్చును.
మనసును విషయలౌల్యం నుండి భగవంతుడు అనే బలమైన భావనతో నింపేసుకోవడం భక్తిలో ప్రధానమని అంటారు.
చీకట్లో చిన్ని చిన్ని దీపాల వరుసతో దీపావళి పండుగ ప్రారంభం చేయడం లక్ష్మీ పూజ భక్తిశ్రద్దలతో ఆచరించడం అలక్ష్మిని దూరం చేయడం దీపావళితో సంతోషాల పర్వం మనసులో నూతనోత్తేజం దీపారాధన చేయడంతో ప్రారంభం…
చిన్ని చిన్ని దీపాల వరుసతో తైల దీపాలను వెలిగిస్తూ, భక్తితో భగవంతుడికి నమస్కరించడంతో చుట్టూ ఉండే పరిసరాలలోని గాలిలోకి మంచి గాలి తోడు అయ్యే విధంగా పూర్వపు దీపాల వరుస ప్రకృతికి మేలు చేయడానికే అన్నట్టుగా మన పెద్దలు చెబుతూ ఉంటారు. అంటే మన పండుగలలోనే ఆరోగ్యకరమైన ఆచారం మనకు అలవాటు చేశారు. ఉన్నంతలో చుట్టూ ఉన్న పరిసరాలలో తైల దీపాలను వెలిగించడం శ్రేయష్కరమైన కార్యముగా చెబుతారు.
దీపాల వరుసలుగా దీపాలను వెలిగిస్తూ, అగ్నిని ఆరాధించడంతో బాటు దైవరాధన చేయడంతో మనసులో సరికొత్త ఉత్తేజం వస్తుందని పెద్దల విశ్వాసం. ఆ యొక్క విశ్వాసాన్ని కంటిన్యూ చేస్తూ వచ్చిన మన పెద్దలకు కృతజ్ఙతలు తెలియజేయాలి. లేకపోతే ఈ దీపావళి మనకు ఎలా అలవాటు అవుతుంది. వారు చేయబట్టి వారి నుండి మనకు ఈ దీపావళి పండుగ ఒక అలవాటుగా వచ్చేసింది. అందుకు మన పూర్వికులందరికీ ధన్యవాదాలు తెలియజేసుకోవాలి.
దీపావళి అమావాస్య రోజున చిమ్మ చీకటిగా
దీపావళి అమావాస్య రోజున చిమ్మ చీకటిగా ఉంటుంది. అలాగే అజ్ఙానం ఉన్న మనసు చుట్టూ కూడా మాయ ఉంటుందని అంటారు. అటువంటి మాయ మనసు నుండి పోవాలంటే, జ్ఙానదీపం వెలగాలని అంటారు. అలాంటి జ్ఙానదీప సాధనకు దీపావళి పర్వదినాన దీపాలను వెలిగించి దైవారాధన చేయడంతో మనలో సాధనకు పునాది పడుతుంది. దీపావళి పండుగ రోజ నాటి నుండి కార్తీక మాస పర్యంతము నిత్య దీపారాధన వలన మన మనసుకు మేలు జరుగుతుందనేది పెద్దల భావన. అటువంటి భావన బలపరుస్తూ వచ్చిన మన పెద్దలకు ధన్యవాదాలు మరొక్కసారి తెలియజేయాలి.
మన భక్తి జ్ఙాన తత్వం ఎవరో చెబితే తెలుసుకునే స్థితిలో మనం ఉండేలాగా లేము మనము. మన పెద్దల దయ వలన మనకు భక్తి జ్ఙానం మనకు మన ఆచారంలోనే మనకు ఒక అలవాటుగా వచ్చేసింది. కాబట్టి కొత్తగా నేర్చుకోవలసినది ఏముంది? మన కుటుంబంలో మన పూర్వికులు చేసిన దైవారాధననే మనము చేస్తున్నాము…. చేస్తాము. అలా మనకు మన భక్తి జ్ఙానమును ఆచారములో మనకు ఒక అలవాటుగా అందించేసిన మన పూర్వికులందరికీ మనస్పూర్తిగా కృతజ్ఙతలు.
దీపావళి రోజున ఇంటి గుమ్మంలోనే దీపాలను వెలిగించడం మాత్రమే కాదు మన మనసులో గూడు కట్టుకుని ఉండే ఆజ్ఙానమును జ్ఙానదీపంతో తరిమివేసే సాధనకు పూనుకోవడం చేయాలని పెద్దలంటారు.
అటువంటి పరమ పవిత్రమైన దీపారాధన మీ ఇంటిల్లిపాది జీవితపర్యంతము చేయగలిగే శక్తి, అష్టైశ్వర్యాలు ఆ యొక్క లక్ష్మీదేవి మీకు కలుగజేయాలని ప్రార్ధిస్తూ… మీకు మీ కుటుంబ సభ్యులకు మరియు మీ మిత్రులకు దీపావళి శుభాకాంక్షలు.
భక్తి భావం బలమైనది మనసుకు శాంతిని అందిస్తుంది. భక్తి భలే మందు మనుసుకు. భక్తిభావన చేత మనసు శాంతికి దగ్గరగా అశాంతికి ఆమడ దూరంగా ఉంటుంది.
భక్తి భావనలు… భక్తి భావన బలమైనది
దైవంపై మనసుకు ఏర్పడే భక్తి భావన ఎంత బలంగా ఉంటే, అంతటి మనోశక్తి అంటారు. విగ్రహం ముందు నిగ్రహం మనలో మనోశక్తికి మూలం అంటారు.
ఎవరికి ఇష్టమైన దైవం, వారి వారి మనసు మూలంలో ఉంటారు. కానీ మనసు తనకు తాను ఏర్పరచుకునే విషయలాలస వలన మూలలోనే మిగిలిపోతుంది.
మనసు ఏర్పరచుకునే విషయాలు, అలవాటుగా మారి ఉంటాయి. అలా అలవాటులు మనసులో ఉన్న భక్తి భావనను తొక్కి పెడతాయి. బలమైన అలవాటులు శక్తిని హరిస్తూ ఉంటే, మనసు మాత్రం అలవాటుకు లొంగుతుంది.
నియంత్రణ ప్రధానంగా ఆచారం ఉంటే, కేవలం మన మనసును విషయవాసనల నుండి దూరం చేయడానికే ఆచారం యొక్క ప్రధాన ఉద్దేశ్యం అయితే, ఆచరించడం మనసుకు మందు వేయడం వంటింది.
సమాజంలో మనిషి చుట్టూ ఉండే విషయాలు మనసులో గూడు కట్టుకుని ఉంటాయి. మదిగదిలో మెదిలే ఆలోచనలు కేవలం విషయాలవైపు మాత్రమే వెళితే, ఆ మనసుకు వ్యాపకాల పరంపర అంటే అమిత ఇష్టం ఏర్పడుతుంది.
విషయాలను చూస్తూ, విషయాల సృష్టికి ఆధారమైన వాడిని తలుస్తూ ఉండడం వలన మనసులో మూలలో దాగి ఉన్న భక్తి పైకి వచ్చే మార్గం కూడా ఏర్పడుతూ ఉంటుంది.
మనకు భక్తి భావం బలమైనది మనసుకు శాంతి అందించడంలో భక్తి భావం ముందుంటుంది. కారణం కష్టాలకు చలించిపోకుండా మనసుకు దైవమున్నాడనే భావన మనసులో చేరిన ఆందోళనను చెరుపుతుంది. ఆందోళన లేని మనసు అది శాంతిగా ఉంటుంది. దాని చుట్టూ ఉండేవారిని శాంతితో ఉండనిస్తుంది. కాబట్టి భక్తి భావం మనసుకు శాంతిని అందిస్తుంది.
బలమైన మనసుకు బలహీనతే అద్దంకి. బలహీనత కూడా బలంగా మార్చగలిగే శక్తి దైవానికి ఉందని పెద్దలంటారు. కానీ భక్తి భావన బలంగా లేకపోవడం వలననే, మనసు ఆందోళనకు దగ్గరగా, అశాంతిని అనుకుని ఉంటుంది.
ప్రతి విషయంలోనూ ఎదురవుతున్న అనుభవాలు అనుభవిస్తూ, మనసులో మరో మూలన పడిన భక్తి భావనను పైకి తీసుకువచ్చే ఆలోచనలకు కూడా అవకాశం ఇవ్వడమే భక్తి భావన బలపడడానికి మార్గం అంటారు.
జీవితంలో కష్టసుఖాలు కామన్. కానీ కష్టం కూడా ఇష్టంగా మారుతుంది. ఇష్టపడి పనిచేస్తే, కష్టం తెలియకుండా పని పూర్తి అవుతుంది. అది కూడా మనసు వలననే అంటారు.
అలాంటి మనసుకు భక్తి భావనను కూడా పెంచే విధంగా ఆలోచనలకు అవకాశం ఇవ్వడమే భక్తి భావన పెరుగుదలకు బీజం పడుతుంది.
విగ్రహం ముందు నిగ్రహం వహించడం నియంత్రణలో ప్రాధమిక ప్రయత్నం
విగ్రహం ముందు నిగ్రహం వహించడం నియంత్రణలో ప్రాధమిక ప్రయత్నం అయితే, భక్తి భావన బలపడడానికి అది ఆది ప్రయత్నం అవుతుంది.
మనకు అనేక మతాలు, అనేక దైవాలు, దేవతలు ఉన్నారు. మన సమాజంలో మత స్వేచ్చ ఉంది. దైవనామ స్మరణకు, దైవారాధనకు షరతులు లేవు.
మనసు ఉండాలే కానీ మార్గములు అనేకం. భక్తి అనే భావన మనసులో మెదలాలి కానీ దేవతలకు కొదువలేదు.
ఒక దైవం అనుకుని. ఆ దైవంపై నమ్మకం ఉంచుకుని, ఆ దైవ నామస్మరణ చేయడం. ఆ దైవ స్వరూపమును మనసులో ముద్రించుకోవడం ప్రధానం అయితే అందుకు విగ్రహారాధన మొదటిమెట్టు అంటారు.
దైవ స్వరూపమును మనసులో బలంగా ముద్రించుకోవడానికి మార్గం విగ్రహం ముందు నిగ్రహంతో ఉండడం.
నిగ్రహం అలవాటు కావడానికే విగ్రహం ముందు కూర్చుని నియమాలతో ఉండడం. స్తోత్రం చేయడం, దైవ సేవ చేయడం అంటారు.
