తెలుగు ఓల్డ్ భక్తి మూవీస్ తెలుగులో లిస్టు. భక్తి సినిమాలు భక్తి భావనలను మరింత బలపరుస్తాయి. ఏదైనా దీక్షలో ఉన్నప్పుడు కేవలం భక్తి సినిమాల లిస్టు మాత్రమే ఒక్క చోట ఉంటే, అది భక్తులకు ఉపయోగకరంగా ఉంటుందని, భక్తి సినిమాల లిస్టు, మూవీ వీడియో లింకులతో ఈ పేజిలో జతచేయడం జరిగింది. ఇందులో చూపించబడిన డేటా పబ్లిక్ డొమైన్లలో ఉచితంగా లభిస్తుంది. అలా ఉచితంగా లభిస్తున్న డేటా ఆధారం ఈ లిస్ట్ చేయడం జరిగింది.
భక్తి తెలుగు పాత సినిమాలలో అలనాటి మేటి తెలుగు భక్తి ఓల్డ్ మూవీస్ మరియు లేటెస్ట్ భక్తి తెలుగు మూవీస్ జాబితాగా చేయడం జరిగింది. అయ్యప్పస్వామి జన్మ రహస్యం తెలుగు భక్తి మూవీ, అయ్యప్పస్వామి మహాత్యం తెలుగు భక్తి మూవీ, శ్రీకృష్ణుడిపై గల భక్తి తెలుగు మూవీస్, పౌరాణిక తెలుగు భక్తిరస మూవీస్, జానపద తెలుగు మూవీస్ ఇక్కడ లిస్ట్ చేయబడింది.
దక్షయజ్ఙం, శ్రీవేంకటేశ్వర స్వామి మహాత్యం, సోమవార వ్రత మహాత్యం, అన్నమయ్య, శ్రీరామదాసు ఓల్డ్ భక్తి మూవీస్, శ్రీరామదాసు న్యూ భక్తి మూవీ, సతీ అనసూయ, సతీ సుకన్య, సతీ సక్కుభాయి, శివలీలలు, జగన్నాత, దేవీ నవగ్రహ నాయకి, భక్త తుకారం, భీష్మ వంటి తెలుగు భక్తి మూవీస్ ఈ క్రిందగా ఉన్న చిత్రములకు ఆయా వీడియోల లింకులు జతచేయబడ్డాయి…. ఆయా ఫోటోలపై క్లిక్ చేసి, ఆయా భక్తిరస తెలుగు మూవీస్ చూడవచ్చును.
తెలుగు మూవీస్ లిస్టు హీరోల వారీగా ఇంకా కామెడీ మూవీస్, జానపద మూవీస్, పౌరాణిక మూవీస్, హిట్ మూవీస్ వంటి లిస్టులతో కూడిన మూవీమాయ మొబైల్ యాప్ ఉచితంగా ప్లేస్టోర్లో లభిస్తుంది. డౌన్ లోడ్ చేయడానికి ఈ క్రింది బటన్ తాకండి.
బాల నాగమ్మ తెలుగు ఓల్డ్ మూవీ. ఎన్.టి. రామారావు, ఎస్వీ రంగారవు, రేలంగి, సి.యస్.ఆర్. అంజలీదేవి, రాజసులోచన, సూర్యకళ, హేమలత తదితరులు నటించారు.
వేదాంతం రాఘవయ్యగారు బాలనాగమ్మ తెలుగు మూవీకి దర్శకత్వం వహించారు.
బాల నాగమ్మ తెలుగు ఓల్డ్ మూవీ
రాజదంపతులకు పిల్లలు లేక బాధపడుతుండగా, ఒక సన్యాసి వచ్చి వారికి సంతానయోగం కలిగే అవకాశం ఉందని, వెంటనే ఈశ్వరుడిని ప్రార్ధించమని చెబుతాడు. దానితో మహారాణి ఆలయానికి వెళ్లి పరమభక్తితో పరమేశ్వరుడిని పూజిస్తుంది.
సంతోషించిన ఈశ్వరుడు ”ఈశాన్య దిక్కున ఒక చెట్టు ఉంది, ఆ చెట్టు ఫలాలు ఆరగించు, ఇతోదకమైన సంతానం కలుగుతుంది” అని ఆకాశవాణిగా పలుకుతాడు. మహరాణి వెంటనే చెట్టు దగ్గరకు వెళుతుంది.
చెట్టున ఉన్న ఫలాలు మహారాణి భూలక్ష్మికి అందకపోవడంతో ఆమె అక్కడే చెట్టు క్రింద ఉన్న పుట్టపై కాళ్లు పెట్టి, చెట్టు కొమ్మల నుండి అందినంతలో ఉన్న ఫలాలను కోసుకుని, క్రిందికి దిగుతుంది.
అలా మహారాణి పుట్టమీద నుండి క్రిందికి దిగగానే, ఆమె చెంగులో ఉన్న ఫలాలు ఒక్కటి మినహా మిగిలినవి అన్ని మరలా చెట్టుకి చేరతాయి. ఇక అక్కడి పుట్టలోని నాగరాజు మానవరూపంలో ప్రత్యక్షమై, మహారాణిని పేరాశకు, ఆమె చేసిన తప్పుకు శిక్షించదలుస్తాడు.
అయితే నేను తల్లిని అయ్యేవరకు నాకు గడువు ఇవ్వవలసినదిగా మహారాణి, నాగరాజుని ప్రార్ధన చేయడంతో, నాగరాజు బిడ్డ పుట్టిన ఆరుమాసాలకు తిరిగి వస్తానని, అప్పుడే నిన్ను కాటువేసి చంపుతానని చెప్పి అంతర్ధానం అవుతాడు.
ఈ విషయం మహారాజుకు చెప్పకుండా మహారాణి భూలక్ష్మి దాచి ఉంచుతుంది. కొన్నాళ్లకు వారికి ఏడుగురు ఆడ శిశువులు జన్మిస్తారు. అయితే దు:ఖిస్తున్న రాణిని, విషయం అడిగి తెలుసుకున్న మహారాజు మొత్తం నాగులన్నింటిని చంపించే ప్రయత్నం చేస్తాడు.
కానీ వారి ప్రయత్నం అలా సాగుతున్నా నాగరాజు అంత:పురంలోకి వచ్చి మహారాణిని కాటువేసి వెళ్లిపోతాడు. పసిపిల్లలను పెంచకుండానే మహారాణి ప్రాణాలు విడుస్తుంది. మహారాజు తనకు పుట్టిన ఆడపిల్లలను అల్లారుముద్దుగా పెంచుతూ ఉంటాడు.
ఏడుగురు పిల్లల్లో ఆఖిరి పిల్లపేరు బాలనాగమ్మ.
ఏడుగురు పిల్లల్లో ఆఖిరి పిల్లపేరు బాలనాగమ్మ. పిల్లలు పట్టు మేరకు మహారాజు మరోరాణి మాణిక్యాన్ని వారికి తల్లిగా తీసుకువస్తాడు. మొదట్లో ఆమె పిల్లలను బాగానే చూసుకుంటుంది. కానీ చెలికత్తె చెప్పుడు మాటలకు మాణిక్యం మనసులో స్వార్ధం పెరిగి, పిల్లలను నానా కష్టాలకు గురి చేస్తూ ఉంటుంది.
రాజుకు ఈ విషయం తెలిసి రాజు ఆగ్రహించి, మాణిక్యాన్ని దాసిని చేస్తాడు. తర్వాత మాణిక్యం తన చెలికత్తె సహకారంతో రాజుకు మందు పెట్టి, మహారాజును వశపర్చుకుంటుంది. తనకు వశపడిన రాజుని, నీ పిల్లలని చంపేయమని రాజుకు చెబుతుంది. మాణిక్యానికి వశపడి ఉన్న రాజు, మాణిక్యం మాటానుసారం చిన్న పిల్లలను చంపడానికి అడవికి తీసుకువెళతాడు.
అక్కడ చంపలేక వారిని అక్కడే వదిలేసి, తన రాజ్యానికి వెళ్లిపోతాడు. తిరిగి వెళ్లిన రాజు, మాణిక్యం రాణిగా ఉంటే, రాజు పూర్తిగా అమెకు వశపడి ఉంటాడు. తర్వాత ఆ పిల్లలు అడవిలోనే పెరుగుతారు.
పానుగంటి పురం రామవర్తికి తన చెల్లెలు అయిన భూలక్ష్మి కోల్పోవడంతో, ఆమె పిల్లల కోసం వెతుకుతూ ఉంటాడు. అతనికి ఏడుగురు కొడుకులు, ఆఖిరివాని పేరు కార్యవర్తి. అడవిలో భూలక్ష్మి పిల్లలు పెరిగి పెద్దవుతారు.
భూలక్ష్మి అన్న రామవర్తి పిల్లలు కూడా తమ మేనత్త పిల్లల జాడ కోసం ప్రయత్నిస్తూ పెరుగుతారు. వరుస అయిన ఏడు జంటలు విడివిడిగా పెరిగి యుక్త వయస్సుకు వచ్చాక వారు ఒకరినొకరు తారసపడే అవకాశం వస్తుంది.
రామవర్తి అనుజ్ఙతో అతని ఏడుగురు పిల్లలు తమ మేనత్త సంతానం ఎక్కడ ఉందో వెతుకుతూ అడవికి వస్తారు. ఆ అడవిలో వారు కలుసుకోవడం, వారికి పెళ్లిళ్లు కూడా జరుతాయి.
పెళ్లైన తర్వాత బాలనాగమ్మకు ఒక పిల్లవాడు జన్మిస్తాడు, తర్వాత ఆమె మాంత్రికుడి చేత అపహరింపబడుతుంది. ఆమెను దక్కించుకోవాలని మాంత్రికుడు, బాలనాగమ్మను బంధించి ఉంచుతాడు.
బాలనాగమ్మని విడిపించడానికి వెళ్లిన కార్యవర్తి మాంత్రికుడి మంత్రప్రభావంతో శిలగా మారిపోతాడు. చివరకు బాలనాగమ్మ కొడుకు వచ్చి తన తల్లిదండ్రులను విడిపిస్తాడు.
మొబైల్లో కానీ మరేదైనా ఇంటర్నెట్ ఆధారిత పరికరంలో గానీ పుల్ లెంగ్త్ తెలుగు ఫ్యామిలీ మూవీస్ గురించి ఈ పోస్టులో… రీడ్ చేయండి…
తెలుగు మూవీస్ చాలానే ఉన్నాయి. అధునాతన కధలతో చిత్రమైన కధనాలతో ప్రేక్షకులను ఆకట్టుకునే విధంగా ఆకర్షణీయంగా ఉంటున్నాయి. కొన్ని తెలుగు మూవీస్ కుటుంబంతో కలిసి చూడదగినవిగా ఉండకపోవచ్చును.
కొన్ని తెలుగు మూవీస్ ఫ్యామీలీతో కలిసి చూసేవిధంగా చక్కగా తీర్చిదిద్దబడి ఉంటాయి. వాటిలో వ్యక్తికో, వ్యవస్థకో తగు సందేశం కలిగి ఉంటాయి. ఇక బాంధవ్యాలు మద్య ఉండే భావావేశాలను చక్కగా చూపుతారు. అలనాటి పాత తెలుగు సినిమాలు మనసును ఆలోచింపజేస్తాయని అంటారు.
మూవీ వాచ్ చేశాకా, ఆమూవీలో సీన్స్ మనసులో మెదులుతూ ఉంటాయి. పాజిటివ్ సీన్స్ కన్నా నెగటివ్ సీన్స్ మనసుపై త్వరగా ప్రభావం చూపుతాయని అంటారు. అందుకేనేమో మంచి సందేశం కలిగిన మూవీలలో కూడా గ్లామర్ మిక్స్ అయ్యి ఉంటుంది.
ఏదైనా మంచైనా, చెడైనా మూవీ ద్వారా మనసులో చేరుతుంది. మంచిని చెప్పడానికి చెడును కూడా కలుపుకుని వెళ్లిపోయే కధనం మూవీలలో ఉంటుందని అంటారు. కాబట్టి మూవీస్ చెప్పే సందేశం అంతర్లీనంగానే ఉంటుంది.
కొన్ని తెలుగు మూవీలలో సెక్స్ పరమైన ఆసక్తిని పెంచేవిధంగా కొన్ని సీన్స్ యువతను ఆకట్టుకోవడానికి ఉంటాయి. అలాంటి మూవీస్ అప్పటికి మాత్రమే పరిమితం అయ్యి తరువాత చెప్పుకోవడానికి ఉండవు.
కానీ కొన్ని తెలుగు మూవీస్ అప్పట్లో, ఇప్పట్లోనూ చూడదగిన మూవీస్ గా ఉంటాయి.
ఆన్ లైన్లో తెలుగు పుల్ లెంగ్త్ మూవీస్ చాలానే లభిస్తున్నాయి. ముఖ్యంగా యూట్యూబ్ లాంటి వెబ్ లేదా యాప్ ద్వారా పుల్ లెంగ్త్ తెలుగు ఫ్యామిలీ మూవీస్ వాచ్ చేయవచ్చును.
సూత్రదారులు Full movie
సూత్రదారులు తెలుగు పుల్ మూవీ అక్కినేని, మురళిమోహన్, సుజాత, భానుచందర్, కైకాల సత్యనారాయణ, కెఆర్ విజయ ప్రధాన పాత్రలలో తెరకెక్కిన మూవీ. గంగిరెద్దును ఆడించే వృత్తిలో హనుమద్దాసు పాత్ర(అక్కినేని నాగేశ్వర రావు)లో అతని బావమరిది అనుచరుని పాత్రలో మురళి మోహన్ నటించారు. పల్లెలో ఉండే పెద్దమనిషి (కైకాల సత్యనారాయణ) కామ దాహానికి హరికధలు చెప్పుకునే వ్యక్తియొక్క భార్య (కెఆర్ విజయ) గురి అవుతుంది. ఇక ఆమె ఊరినుండి పట్నానికి వెళ్ళుతుంటే, హనుమద్దాసు కొడుకు ఆమెకూడా వెళతాడు. అలా వెళ్ళిన హ హనుమద్దాసు కొడుకు కలెక్టర్ (భానుచందర్) అయ్యి ఊరికి తిరిగి వస్తాడు. ఊరి పెద్ద మనిషి ఆగడాలను ఆ ఊరి జనాలతోనే అడ్డగించే విధంగా చేయడంలో ఒక ఐఏఎస్ అధికారి(భానుచందర్), అతని తల్లిదండ్రులు చేసే ప్రయత్నం. సమస్య వచ్చినప్పుడు రావాల్సింది కోపం కాదు ఆలోచన, ఆలోచనతో సమస్యను సమూలంగా రూపుమాపాలని ఈ చిత్రం చూపుతుంది. కలెక్టర్ అయినా తనవారి అదుపు ఆజ్ఞానలలో ఉండే వ్యక్తిగానే భానుచందర్ వ్యక్తిత్వం, అతనిపై రమ్యకృష్ణకి ఉండే ప్రేమ ఒక పల్లె కధ అందంగా కనబడుతుంది. ఈ మూవీ సందేశంతో ఉంటుంది కానీ సరదాగా సాగుతుంది.
K విశ్వనాథ్
కళాతపస్వి కె విశ్వనాధ్. ప్రముఖ తెలుగు చలనచిత్ర దర్శకులు. వాస్తవికతకు దగ్గరగా సమాజంలోని పరిస్థితులను చూపిస్తూ, వ్యక్తికి కావలసిన వ్యక్తిత్వవిలువలను ప్రతిబింబించే విధంగా చిత్రాలను తెరకెక్కించడంలో దిట్ట. సందేశాత్మక శుభ సూచిక చిత్రాల దర్శకుడు. సిరిసిరిమువ్వ, శంకరాభరణం, స్వాతిముత్యం, సిరివెన్నెల, శృతిలయలు, సాగరసంగమం, స్వయంకృషి, స్వాతికిరణం శుభసంకల్పం లాంటి గొప్ప చిత్రాలకు దర్సకత్వం చేసారు.
ఊర్వశి శారద ప్రముఖ నటి
అమ్మరాజీనామా తెలుగు మూవీలో టైటిల్ రోల్ పోషించారు. మూడు సార్లు నేషనల్ అవార్డు అందుకున్న శారదగారు రెండు ఫిలిం ఫేర్ అవార్డులు అందుకున్నారు.
సృష్టికర్త ఒక బ్రహ్మ అతనిని సృష్టించినది ఒక అమ్మ ! ఆ అమ్మకే తెలియని చిత్రాలు ఎన్నో ఈ సృష్టిని స్తంబింపచేసే తంత్రాలు ఎన్నో || పాటని వ్రాసి పాటకలిగిన చిత్రాన్ని తెరకెక్కించినది స్వర్గీయ దాసరి నారాయణరావుగారు. పిల్లలకి చేసే సేవలో కష్టం మాట మరిచి, కుటుంబ భాద్యతలను సమర్ధవంతంగా నిర్వర్తించే ఇంటి ఇల్లాలి కధ. పెరిగిపెద్దయ్యాక వచ్చిన మార్పులతో అమ్మమనసు గాయపడి అమ్మే రాజీనామా చేస్తే ఎలా ఉంటుందో చూపుతూ, వచ్చిన చిత్రం అమ్మరాజీనామా. పిల్లల మనస్తత్వాన్ని అర్ధం అయ్యినా పెద్దవారిగా వారి బుద్దులు చూసి బుద్ది తెచ్చుకుని నడిచే తల్లిగా శారద గారి నటన బాగుటుంది. పిల్లలకు కష్టం కలిగితే తల్లడిల్లే అమ్మ చేసే త్యాగానికి హద్దులుండవు అని చాటే చిత్రం. తెలుగు కుటుంబ కదా చిత్రం. ఎవరు రాయగలరు అమ్మా అను మాట కన్నా కమ్మని కావ్యం సిరివెన్నల రాసిన పాట ప్రేక్షకాదరణ పొందింది. శారద, కైకాల సత్యనారాయణ, బ్రహ్మానందం, సాయికుమారు తదితరులు నటించారు. దాసరి నారాయణగారి దర్శకత్వం వహించి, ఒక బిక్షగాడి పాత్రలో నటించారు. అమ్మపై వచ్చిన చిత్రాల్లో అమ్మ గురించి బాగుగా చెప్పిన సాంఘికకధా చిత్రం ఇదే ఉంటుంది.
ఫ్యామిలీతో చూడదగిన పుల్ లెంగ్త్ తెలుగు మూవీస్ పెళ్లి పుస్తకం
శ్రీరస్తు శుభమస్తు శ్రీకారం చుట్టుకుంది పెళ్లిపుస్తకం ఇక ఆకారం దాల్చుతుంది కొత్త జీవితం అంటూ సాగే పాటలోనే చిత్రకధని టైటిల్ కి తగినరీతిలో కధనాన్ని నడిపించిన దర్శకులు బాపుగారు అయితే రాజేంద్రప్రసాద్ – దివ్యవాణిల నటన ఈ మూవీకి ఆద్యంతం ఆకట్టుకునే విధంగా ఉంటుంది. ఒక మధ్యతరగతి జంట తమ కొత్తకాపురం ప్రారంభిస్తూ తమ తమ తల్లిదండ్రుల కుటుంబ భాద్యతల వలన ఇద్దరూ ఉద్యోగాలు చేయాల్సిన పరిస్థితులలో ఒకే కంపెనీలో ఏ సంభందం లేని ఇద్దరు వ్యక్తులుగా ఉద్యోగాలలో జాయిన్ అవుతారు. ఆ పరిస్థితులలో వారు పడే ఇబ్బందులు,అబద్దం వలన వారి కాపురం వచ్చిన కష్టాలు ఎలా గట్తెక్కుతారు అనేది, ఈ మూవీలో కధాంశం.
ఫ్యామిలీ స్టోరీ తెలుగు మూవీ
పలు అవార్డు మూవీలకు దర్శకుడుగా నిర్మాతగా ఉన్న క్రాంతి కుమార్ గారు సీతారామయ్య గారి మనవరాలు క్రాంతి కుమారు దర్శకత్వంలో అక్కినేని నాగేశ్వరరావు తాతగా అయన మనవరాలిగా మీనా నటించి తెలుగు ప్రేక్షకులను మెప్పించిన మూవీ. అలాగే నాలుగు నంది అవార్డులు 3 ఫిలిం ఫేర్ అవార్డులు అందుకున్న ఈ మూవీకి నిర్మాత వి దొరస్వామిరాజు. తనికెళ్ళభరణి, దాసరి నారాయణరావు, కోట శ్రీనివాసరావు, మురళిమోహన్ మొదలైనవారు నటించారు.
మోహన్ బాబు – రజనికాంత్
పల్లెటూరి కట్టుబాటులలో పోలీసులతో కూడా పనిలేకుండా తీర్పులు చెబుతూ చుట్టూ ప్రక్కల గ్రామాలలో కూడా పేరు ప్రతిష్టలు కలిగిన పుల్ లెంగ్త్ ఫ్యామిలీ తెలుగు మూవీ పెదరాయుడు. రజనికాంత్ పాపారాయుడి పాత్రలో నటన ప్రేక్షకులను బాగా ఆకట్టుకుంటే, మోహన్ బాబు ద్విపాత్రాభినయం, భానుప్రియ, సౌందర్యల నటనతో ఈచిత్రాన్ని తారాస్థాయికి తీసుకువెళ్తాయి. పల్లెవాతావరణంలో సాగే కధని రవిరాజా పినిశెట్టి చక్కగా చూపించారు. కైకాల సత్యనారాయణ, బ్రహ్మానందం, ఎంఎస్ నారాయణ, జయంతి, చలపతిరావు, శుభశ్రీ, ఆనంద్ రాజ్, రాజా రవీంద్ర, బాబు మోహన్ మొదలైనవారు నటించారు. పాటలు కూడా చక్కగా ఉంటాయి.
అలనాటి పాత సినిమాలు
వెంకటేష్ – సౌందర్య హిట్ కాంబినేషన్లో వచ్చి తెలుగు మహిళల ఆదరణను పొందిన మంచి కుటుంబ కదా చిత్రంగా నిలిచింది. సకుటుంబ సపరివారంగా చూడదగిన చిత్రాలలో పవిత్రబంధం ఒకటిగా ఉండి, భారతీయ స్త్రీమూర్తి సహనం, పతిసేవా తత్పరతను తెలియజేసే తెలుగు చలనచిత్రం పవిత్రబంధం. సెంటిమెంట్ చిత్రాల దర్శకులుగా పేరుపొందినవారిలో ముత్యాల సుబ్బయ్య గారు ఒకరు. గీతచిత్ర ఇంటర్నేషనల్ పతాకంపై పోసాని కృష్ణ మురళి కధ అందిస్తే, ఎంఎం కీరవాణి సంగీతం అందివ్వగా పవిత్రబంధం చిత్రాన్ని వెంకట రాజు – శివరాజులు ముత్యాల సుబ్బయ్య దర్శకత్వంలో నిర్మించారు. వెంకటేష్ – సౌందర్యల మధ్య సన్నివేశాలు ఆకట్టుకుంటే, సకుటుంబ సపరివార సమేతంగా చూడదగిన పవిత్రబంధం చిత్రం, చాల పవిత్రమైన బంధం విలువని తెలియజేస్తుంది
కుటుంబ కధా చలనచిత్రం
పవిత్రబంధం ముత్యాల సుబ్బయ్య దర్శకత్వంలో వచ్చిన పుల్ లెంగ్త్ తెలుగు ఫ్యామిలీ మూవీ.
శతమానంభవతి ఫ్యామీలతో చూడగిన తెలుగు మూవీ
ఈమధ్యకాలంలో ఎక్కువగా ఆకర్షణీయంగానే వస్తున్న మూవీలలో మద్య కుటుంబ విలువలను చూపుతూ ఉంటే ప్రేక్షకులు కూడా సదరు చిత్రాలను ఎంతలా ఆదరిస్తారో చూపిన తెలుగు మూవీ.
ప్రకాష్ రాజ్ – జయసుధ రాజుగారు-జానకమ్మ దంపతులుగా ఆత్రేయపురంలో ఆదర్శవంతమైన కుటుంబంగా ఉంటే, వారి సంతానం మాత్రం వారికి దూరంగా విదేశాల్లో స్థిరపడి ఉంటారు. కనీసం సంవత్సరానికి ఒక్క పండుగకు కూడా సొంతఊరు రాలేని సంతానం గురించి ఊరిలోనే మగ్గిపోయే దంపతులు పడే ఆవేదన ఈచిత్ర కధాంశం. జానకమ్మగారి భాదని చూసి రాజుగారు తమ బిడ్డలకు ఒక అబద్దం చెప్పి ఇంటికి రప్పించడం జరుగుతుంది. అలా విదేశాల నుండి ఇంటికివచ్చిన వారితో కుటుంబ సభ్యుల మధ్య జరిగే సన్నివేశాలు చిత్రానికి ప్రధాన ఆకర్షణ. రాజుగారి మనవడిగా అందరితో ఆత్మీయంగా కలిసిపోయే శ్రీరాం (శర్వానంద్) చక్కగా నటిస్తే, అతనికి మరదలుగా నిత్య(అనుపమ పరమేశ్వరన్) నటించారు. చక్కటి ప్రేక్షకాదరణ పొందిన కుటుంబ కధా చిత్రం శతమానంభవతి. పల్లెల్లో అయినా పట్నాలలో అయినా విదేశాలలో అయిన భారతీయ సంస్కృతి నుండి వచ్చినవారికి కుటుంబ సామజిక విలువలే ప్రధానం అని చెప్పిన చిత్రం.
మరెన్నో పుల్ లెంగ్త్ తెలుగు ఫ్యామిలీ మూవీస్ మనకి ఉన్నాయి. తాతమనవడు, ఆలయశిఖరం, విజేత, దేవత, త్రిశూలం, మామగారు, ఆమె, అనుభందం, చంటి, బలరామకృష్ణులు, సూరిగాడు, ఆపద్భాందవుడు, పెళ్లిలాంటి కధాపరమైన చిత్రాలు కధనంలో ఐతే, గమ్యం లాంటి చిత్రాలు అనేకంగా ఉంటాయి. కానీ ఈమధ్య కొన్ని టివి చానెళ్ళలో కూడా కొత్తచిత్రాల ప్రభావమే ఎక్కువగా ఉంటున్నాయి. కుటుంబసమేతంగా చూడదగిన కుటుంబకధా తెలుగు చలనచిత్రాలు కుటుంబంతో కలిసి చిత్రవీక్షణ ఇప్పుడు ఇంట్లోనే ఎక్కువ అందులోను స్మార్ట్ టివిలు గాడ్జెట్లు వచ్చాక మనకి నచ్చిన సినిమా మనమే నెట్ ద్వారా స్మార్ట్ టివిలలో వీక్షించవచ్చు. అటువంటి సమయంలో సందేశం, వినోదం, చక్కటి కధతో కూడిన చిత్రాలను చూడడం వలన ఇంట్లో ఉండే చిన్నపిల్లలకు మంచి అలవాటులు అలవడే అవకాశం ఉంటుంది.
