కర్తవ్య నిర్వహణ గురించి వివరించండి! జీవితంలో కర్తవ్య నిర్వహణ పాటించినవారికి జీవితపు లక్ష్యం నెరవేరగలదని అంటారు. ప్రతి వ్యక్తి జీవితంలో ఏర్పడే లక్ష్యాలు, తాము నిర్వహించే కర్తవ్యమును అనుసరించి ఉండే అవకాశం ఉంటుందని అంటారు.
వ్యక్తి కర్తవ్య నిర్వహణలో కృతకృత్యుడైతే, వచ్చే గుర్తింపు కలకాలం కొనసాగుతుందని అంటారు.
వృత్తిరిత్యా కర్తవ్యతా దృష్టితో ఉండేవారి మనసు వృత్తిలో తమ పనిని తాము సమర్ధవంతంగా నిర్విహించగలగడానికి వారి మనసు సహకరించగలదని పెద్దలు అభిప్రాయపడుతూ ఉంటారు.
ఒక పోలీసు తన కర్తవ్య నిర్వహణలో కృతకృత్యుడైనప్పుడు, ఆ ప్రాంతములో సమాజిక భద్రత బాగుంటుంది.
అలాగే ఒక విద్యార్ధి కర్తవ్యతా దృష్టితో ఉన్నప్పుడు, ప్రశాంత చిత్తముతో తన చదువును కొనసాగించగలడు. ఎటువంటి పరిస్థితులలోనూ చదువు నుండి ధ్యాస బయటికి పోదు. కేవలం చదువులో శ్రద్దాసక్తి కలిగి ఉండే అవకాశం ఎక్కువ.
శ్రీరామచంద్రుడు కర్తవ్యతా దృష్టితో
శ్రీరామచంద్రుడు కర్తవ్యతా దృష్టితో ఉండడం వలన ఎంతటి విపత్కర పరిస్థితులలోనూ సున్నితంగా వ్యవహరించాడని చెబుతారు.
శ్రీరాముడిని దశరధుడు పిలిచి రాజ్యం ఇస్తానంటే, శ్రీరాముడు సరేనన్నాడు. మరుసటి రోజు అడవులకు పొమ్మన్నాడనే మాటను పట్టుకుని అడవులకు ఇష్టపూర్వకంగా సీతాసమేతుడై వెళ్ళాడు. లక్ష్మణుడు కూడా అన్నగారిని అనుసరించాడు.
గురువు దగ్గరైనా… ఎక్కడైనా శ్రీరాముడు వినయంగా నడుచుకున్నాడనే పెద్దలు పలుకుతూ ఉంటారు…. శ్రీరాముడంటి కర్తవ్యతా దృష్టి కలిగినవారు మనకు మార్గదర్శకులు అని పెద్దలు ప్రవచిస్తూ ఉంటారు.
కర్తవ్యము మనిషి మనసుకు బలం అవుతుంది. కర్తవ్యతా దృష్టి వలన కష్టంలోనూ ఇష్టంగా ప్రవర్తించగలిగే స్వభావం కాలంలో ఏర్పడగలదని అంటారు. అందువలన కర్తవ్యతా దృష్టి అలవరచుకోవాలని పెద్దలు సూచిస్తూ ఉంటారు.
కర్తవ్య నిర్వహణలో పరిస్థితుల ప్రతికూల ప్రభావం కూడా అడ్డుకాదని అంటూ ఉంటారు.
ఎందుకు అంటే? కర్తవ్య నిర్వహణలో అవకాశవాదిగా మనసు మారదని పెద్దలు అంటారు.
కర్తవ్య నిర్వహణ బాగుంటే, మనసు అవకాశవాదం వైపు
కర్తవ్య నిర్వహణ బాగుంటే, మనసు అవకాశవాదం వైపు వెళ్ళదు.
పట్టాభిషేకం జరిపిస్తానని, దశరధుడు శ్రీరాముడికి స్వయంగా చెప్పాడు. శ్రీరాముడు సరేనన్నాడు.
అడవులకు వెళ్ళమని దశరధుడు నీకు చెప్పలేక, నన్ను చెప్పమని చెప్పాడంటూ శ్రీరాముడికి కైకేయి చెప్పింది. దశరధుడు ప్రత్యక్షంగా చెప్పకపోయినా… శ్రీరాముడు తండ్రి మాట అవాస్తవం కాకుడదనే ఉద్దేశంతో…. కాలం వలన తనకు కలుగుతున్న కర్తవ్యం ఏమిటో గ్రహించి, అడవులకు ఇష్టపూర్వకంగా బయలుదేరాడు.
తండ్రి వద్దని వారించినా, లక్ష్మణుడు రాజ్యం తీసుకోమని పట్టుబట్టినా, ఎవరెన్ని చెప్పినా అవకాశవాదం వైపు శ్రీరాముడు మనసు మొగ్గుచూపలేదు. కాలం తనకు పినతల్లి రూపంలో కర్తవ్యం బోధిస్తుందని గ్రహించాడు…. కాబట్టి కానలకు వెళ్లడానికి కాలం నిశ్చయించిన పరిస్థితులను ఆహ్వానించాడు…
కనుక కర్తవ్య నిర్వహణ అలవాటు అయితే, మనసులో కర్తవ్యతా దృష్టి పెరుగుతుంది. తత్ఫలితంగా మనసుకు కష్టనష్టాలలో ధడంగా ఉండే స్వభావం పెరిగే అవకాశం ఎక్కువ అని చెబుతారు.
మరిన్ని తెలుగురీడ్స్ పోస్టులు
విద్యను అభ్యసించడంలో అర్జునుడి ఎలా ఆదర్శం?
జీవితంలో కర్తవ్య బోధకులు ఎవరు?
పాఠశాల గురించి తెలుగులో వ్యాసం, పాఠశాలకు ఎందుకు వెళ్లాలి?
పిల్లలు తప్పు చేస్తే ఎలా స్పందించాలి?
తెలుగు పదాలు పర్యాయ పదాలు అర్ధాలు
ఆవిర్భవించింది అనే పదానికి అర్ధం ఏమిటి?