భక్తి భావన బలపడడంలో ప్రధాన పత్రం చిత్తం పోషిస్తే, అటువంటి చిత్తము అంటే అది ఆన్లైన్ హిస్టరీ వంటిదిగా ఉంటుంది.

వ్యక్తి జీవితం యొక్క భక్తి మార్గములో మనసు చాలా ప్రధానమైనది. అది ఎటు తిరిగితే, జీవనగతి అటే ఉంటుంది.

అటువంటి మనసుపై ప్రాపంచిక విషయాలు ప్రభావం చూపుతూ ఉంటాయి.

ఒక వ్యవస్థలో వ్యక్తి చుట్టూ పరిసరాల నుండి చేరే ప్రాపంచిక విషయాలు మనసుకు అలవాటుగా మారతాయి.

జీవనంలో వ్యక్తి మనసులోకి ప్రవేశించిన అనేక విషయాల్లో కొన్నింటిపై మనసు మమకారం పెంచుకుంటుంది.

అలా మనసులో మమకారం పెరగడంలో ప్రధాన పాత్ర పోషించేది చిత్తం అంటారు.

చిత్తం మనసు యొక్క భావనలలో పొందిన అనుభవాలను జ్నప్తికి తెస్తుందని అంటారు.

చిత్తము అంటే అది ఆన్లైన్ హిస్టరీ వంటిది. అంటే ఆన్ లైన్ హిస్టరీకి సంబంధించిన అంశాలలోనే మనం ఆన్ లైన్లోకి వెళ్ళిన ప్రతిసారి విషయాలు కనబడుతూ ఉంటాయి.

మన ఫోనులో జోడించబడిన ఉన్న మెయిల్ ఐడి ఆధారంగా మన ఫోనులో ఆన్ లైన్ సెర్చ్ హిస్టరీ సేకరించబడుతూ ఉంటుంది. ఆ ఈమెయిల్ ఎక్కడ ఓపెన్ చేసిన ఆ హిస్టరీకి సంబంధించిన విషయాలే కనబడుతూ ఉంటాయి.

యూట్యూబ్ ఖాతాకు జిమెయిల్ ఆధారంగా యూట్యూబ్ వీడియో హిస్టరీ కూడా ఆన్ లైన్లో సేవ్ అవుతుంది.

మరొక పరికరంలో జిమెయిల్ ఖాతా ఓపెన్ చేస్తే, మన ఫోనులో కనబడే వీడియోలే కనబడతాయి. గతంలో చూసిన అంశాలలో వీడియోలు కనబడుతూ ఉంటాయి.

యూట్యూబ్ కానీ ఫేస్ బుక్ కానీ గతంలో లైక్ చేసినవి లేక వాచ్ చేసినవి… ఆయా అంశాలలో పాపులర్ థింగ్స్ మనకు చూపుతూ ఉంటాయి… అలా చూపడానికి ప్రధాన ఆధారం ఆన్లైన్ హిస్టరీ.

అటువంటి ఆన్లైన్ హిస్టరీ డిలీట్ చేయాలంటే జిమెయిల్ ఖాతా అడ్మిన్ సెటింగ్స్ లో హిస్టరీ డిలీట్ చేయాలి….

అలాగే చిత్తము యొక్క చరిత్రను రూపుమాపలంటే ఆత్మ అనే అడ్మిన్ దగ్గర మనసు నిలబడాలి.

మనసు అటువంటి ఆత్మ దగ్గర నిలబడడానికి భక్తి ఒక మంచి మార్గం అని సులభమైన మార్గమని అంటారు.

ముఖ్యంగా చిత్తశుద్దికి భక్తిమార్గం మేలైన మార్గంగా పెద్దలు చెబుతూ ఉంటారు.

త్రిమూర్తి తత్వం కలిగిన ముగ్గురిలో ఉన్నది ఒక్కటే పరబ్రహ్మఅయితే ముగ్గురిగా మనిషి అంతర్గతంలో ఉంటాడు…

కానీ ఒక్కటే అనే భావం బలపడడానికి మాత్రం మనసే కదలాలని అంటారు.

శివుడు – లయకారుడు

విష్ణువు – స్థితికారుడు

బ్రహ్మ – సృష్టికర్త

తమోగుణం

రజోగుణం

సత్వగుణం

శివుడు లయకారుడు కాబట్టి పరమాత్మ లయకారుడిగా ఉంటాడని పెద్దలంటారు.

విష్ణువు స్థితికారుడు కాబట్టి పరమాత్మ లయకారుడిగా ఉంటాడని పెద్దలంటారు.

బ్రహ్మ సృష్టికర్త కాబట్టి పరమాత్మ లయకారుడిగా ఉంటాడని పెద్దలంటారు.

అంటే త్రిమూర్తులకు మూలం పరబ్రహ్మమని అంటారు.

అలాగే త్రిమూర్తులకు భార్యలు

శివుడుకి భార్య పార్వతి, విష్ణువుకి భార్య లక్ష్మి, బ్రహ్మకు భార్య సరస్వతి.

ముగ్గురమ్మలకు మూలం పరబ్రహ్మమనే అంటారు.

ఎలా చెప్పినా ఏం చెప్పిన ఈ త్రిమూర్తి తత్వం ప్రధానంగా ప్రస్తావిస్తూ భగవంతుడి లీలలు, సుగుణాలు గురించి చెబుతూ ఉంటారు.

సృష్టి ప్రారంభం బ్రహ్మ చేస్తే, బ్రహ్మకు మూలం విష్ణువు అని వైష్ణవులు, శివుడు అని శైవులు అంటూ ఉంటారు. అందుకు తగినట్టుగానే పురాణాలు ఉంటాయని పెద్దలు చెబుతూ ఉంటారు.

అయితే ఏనాడో ప్రారంభం అయిన సృష్టిలో మనం ఎప్పటివారమో మనకూ తెలియదు….

ప్రారబ్దం వలన పుట్టుక ఉంటే, ఆ ప్రారాబ్దానికి కారణం ఏనాటిదో ఈనాడు తెలియడం కష్టమే కానీ ఇప్పుడు చేయవలసిన కర్తవ్యం చేయడమే శ్రేయస్కరం అని పెద్దలు అంటూ ఉంటారు.

ఏనాడో ఓనాడు పుణ్యకర్మ, ఎప్పుడో ఒకప్పుడు పాపకర్మ ఈజన్మలో ప్రారబ్ధం అయితే, అప్పటి పాపపుణ్యాలు భగవంతుడికి వదిలి ఇప్పటి కర్తవ్య నిర్వహణకు మనసుని ప్రిపేర్ చేయడానికి భక్తిమార్గం ఉపయోగపడుతుందని పెద్దలు చెబుతూ ఉంటారు.

త్రిమూర్తులలో త్రిమూర్తి తత్వం ఉంటుంది. ఒకరిలో ఒక తత్వమే చూడడం అవివేకం అంటారు. ముగ్గురికి ఒకరే యజమాని అయినప్పుడు… ఒకరిలో మూడు తత్వాలు ఉంటాయనేది పెద్దల సూచన.

విష్ణువు ఒక మనిషిగా పుడితే, ఆ మనిషికి కోపం వస్తే, చెడుని శిక్షించే క్రమలో లయకారుడు అయితే, అదే సమయంలో శిష్టరక్షణ చేసే స్థితికారుడుగా కూడా… సృష్టికి స్థితికి లయకి ఒకదానికొకటి అవినాభావ సంభందం ఉన్నప్పుడూ… త్రిమూర్తులు, ముగ్గురమ్మలు ఒక్కటే అవుతారు.

ఎక్కువ ఆలోచనలు గందరగోళం అయితే ఒకే ఆలోచన సాధనకు సాకారం అవుతుంది.

భిన్నాభిప్రాయాలు గల మనసులో శాంతి తక్కువ అయితే, ఏకాభిప్రాయం ఉండే మనిషిలో అశాంతి తక్కువ!

అలాంటి మనసుకు బలాన్నిచ్చే భక్తిలో భిన్నాభిప్రాయాలను కలిగి ఉండడం కన్నా ఏకాభిప్రాయంతో సాగడమే ఎవరికివారు శ్రేయస్కులుగా మారతారు.

త్రిమూర్తి తత్వం కలిగిన ముగ్గురిలో ఉన్నది ఒక్కటే పరబ్రహ్మం ఈ కోణంలో భక్తిభావనలు మనసుకు మేలు చేస్తాయని పండితుల ఉవాచ.

త్రిమూర్తి తత్వం కలిగిన ముగ్గురిలో ఉన్నది ఒక్కటే పరబ్రహ్మఅయితే ముగ్గురిగా మనిషి అంతర్గతంలో ఉంటే, మనసు మాత్రం తనలో ఉండే భిన్నాభిప్రాయాలతో ఏకాభిప్రాయం సాధించాలని చెబుతారు.

అందుకు పురాణశ్రవణం, పురాణపఠనం, సద్విచారణ సాయపడతాయని అంటారు.

తెలుసుకుంటే సాధించాలనే తపన ఉండే మనసుకు పురాణాలు పరమర్ధాన్ని అందిస్తాయని చెబుతారు.

తెల్లవారు జామున ప్రశాంత చిత్తంతో ప్రార్ధన మంచి ఫలితం ఇస్తుందని అంటారు. స్కూల్ కు వెళ్ళే బాలబాలికలను తెల్లవారు జామునే చాడువుకోమన్నట్టుగా…

స్కూల్ కు వెళ్ళే ఒక పిల్లవాడు ఎంత శ్రద్ద పెడితే, అన్ని మార్కులు పరిక్షలలో సాధించగలడు. అటువంటి పిల్లవానికి ఏకాగ్రత కోసం తెల్లవారు జాములో చదువుకోమని పెద్దలు చెప్పేవారు.

అంటే భగవంతుడి విషయంలో కూడా స్కూల్ పిల్లవాని వలె భక్తునికి శ్రద్ద అవసరం అనుకుంటా…

అందుకే స్కూల్ పిల్లవానిని చాడువుకోమన్నట్టుగా తెల్లవారుజామునే భగవంతుడిని ప్రశాంత చిత్తంతో ప్రార్ధన చేయమంటారు.

అవును శ్రద్ధ వలననే ఒక పిల్లవాడు పుస్తకంలోని విషయం గ్రహిస్తున్నాడు. విషయసారం గ్రహింఛి కొత్త విషయం కనుగోనడడానికి ప్రయత్నించే అవకాశం ఉంటుంది. అలాగే భక్తుడు కూడా భగవంతుడిపై శ్రద్ద పెడితే, భగవతత్వం మనసులోకి వచ్చేస్తుందేమో?

మరి భగవంతుడిపై శ్రద్ద పెట్టె ఆసక్తి మనసులో కలగాలంటే, దానికి ఆలంబన కోసం పురాణ పుస్తకాలూ చదవడం లేక పురాణ ప్రవచనాలు వినడం చేయమంటారు.

పురాణాలు చదవకపోయినా ప్రతిరోజు ఈశ్వరుని పూజ చేస్తూ ఉండాలని అంటారు.

కష్టాలలో ఉన్నవారికి సాయం చేస్తూ, ఆ సాయం ఈశ్వరునికి అర్పించేవారు ఉంటారు.

ప్రతి పనిలోనూ ఈశ్వరుని చూడడం ప్రధానమని అంటారు.

ఈశ్వర సంభందంగా జీవనం సాగించేవారిని ఆ ఈశ్వరుడే రక్షణ చేస్తాడని అంటారు. అయితే ఈశ్వరుడు చిత్తశుద్దిని చూస్తాడని చెబుతారు.

ఈ చిత్తశుద్ది ఉంటే, మనిషి మహనీయుడు అని అంటారు.

అటువంటి చిత్తశుద్ది కలగాలంటే ప్రశాంతమైన చిత్తం కలిగి ఉండాలి.

ప్రశాంతమైన చిత్తం కదిలే మనసులో కన్న, ఒక చోట దృష్టి సారించే మనసులో ఎక్కువగా ఉంటుందని అంటారు.

అలా మనసు ఒక చోట దృష్టి కేంద్రీకృతం చేయాలంటే, దానికి ఎంతో ఇష్టం అయితేనే దృష్టి పెడుతుందని అంటారు.

అలా మనసు ఒక చోట కేంద్రీకృతం అయ్యేలాగా దృష్టి పెట్టడానికి పూజ పునాదిగా చెబుతారు.

సంసారం సాగించేవారికి పూజ ప్రధానం అంటారు.

సంసారం సమస్యలను తెస్తుంది, సుఖదుఖాలను తీసుకువస్తుంది… వాటిని దాటి మనసుని ఏకీకృతం చేయడం చాలా కష్టమంటారు… అలాగే అది అసాద్యమేమి కాదని కూడా అంటారు.

చిత్తశుద్దితో పూజ చేయడానికి సాదారణ పూజ ప్రశాంత చిత్తంతో తెల్లవారు జామున ప్రారంభించడం శ్రేయస్కరమని పెద్దలు చెబుతూ ఉంటారు.

నవ విధ భక్తి భగవంతుడిపై భక్తికి మార్గాలు. వ్యక్తి పుట్టుకకు ప్రయోజనం భగవంతుడిని చేరడమే అయితే, అందుకు తొమ్మిది భక్తి మార్గాలను పెద్దలు చెబుతూ ఉంటారు.

తొమ్మిది భక్తి మార్గాలలో దేనిని భక్తితో శ్రద్దతో ఆచరించినా తరించవచ్చు అని అంటారు.

శ్రవణం, కీర్తనము, స్మరణం, పాదసేవనం, అర్చన, వందనం, దాస్యం, సఖ్యం, ఆత్మనివేదనం అను తొమ్మిది భక్తి మార్గాలు నారదుడు ధర్మరాజుకు చెప్పినట్టుగా ఐతీహ్యం.

శ్రవణం

శ్రవణము అనగా వినడము… అంటే భగవంతుని గూర్చి చెప్పబడిన గాధలు వినడం. ఇంకా భగవంతుడి గురించిన ప్రవచనాలు వినడం. ఇంకా భగవంతుని భక్తుల గురించి వినడం. భగవంతుడి లీలలు గురించి వినడం. ఏదైనా భగవంతుని గురించి శ్రద్ధాభక్తులతో వినడం శ్రవణభక్తి అంటారు.

ధర్మరాజు, జనమేజేయుడు, పరిక్షత్తు వంటి వారు భగవంతుడి గురించి విని తరించారని పెద్దలు చెబుతారు.

వినడానికి ఇప్పుడు భగవంతుడి కీర్తనలు, పాటలు, కధలు, ప్రవచనలు అన్నీ కూడా ఆడియో రూపంలో అందుబాటులో ఉంటున్నాయి…

కీర్తనం

కీర్తనము అంటే గొప్పగా చెప్పుట… భగవంతుడి గొప్పతనం గురించి చెప్పుట. సుగుణాలను కీర్తిస్తూ ఉండడం. సుగుణాలపై ఆరాధన భావంతో మనసును భగవంతుడిపైనే లగ్నం చేయడం. నిత్యం భగవంతుడి సుగుణాలను మనసులో తలుస్తూ, వాటి గురించి మాట్లాడుతూ ఉండడం వలన మనసు భగవంతుడిపై సులభంగా లగ్నం అవుతుందని అంటారు. పూర్వం భక్తులు చేసిన కీర్తనలు భగవంతుడి యొక్క గొప్ప సుగుణాలను తెలియజేస్తూ ఉంటాయి. వాటిని మనసులో మననం చేసుకుంటూ, భగవంతుడి సంకీర్తనలు పాడుతూ ఉండడం…

త్యాగరాజు, అన్నమయ్య వంటి భక్తులు భగవంతుడిని కీర్తించి తరించారు.

స్మరణం

స్మరణ అంటే తలచుకొనుట. సాదారణంగా ఒక్కోసారి దూరంగా ఉండే, స్నేహితుడిని గుర్తు చేసుకుంటాం. అలాంగే దూరంగా ఉండే బంధువును గుర్తు చేసుకుంటాం. ఏదో ఒక బందం దూరంగా ఉన్నప్పుడూ, గుర్తుకు వచ్చిన ప్రతిసారి వారిని తలచుకుంటూ ఉంటాం… జీవిత భాగస్వామి అయితే దగ్గరగా వచ్చేవరకు తలుస్తూ ఉంటాం… అంతవరకు ఏ పనిలోనూ భాగస్వామి ప్రతిరూపం కళ్లముందు కదలాడుతూ ఉంటుంది. అదే తరహాలో భగవంతుడిని తలుచుకోవడం గురించి కూడా స్మరణ భక్తిగా నవ విధ భక్తిలో చెబుతారు.

భాగవన్నామ స్మరణ చేస్తూ నారదుడు ముల్లోకాలు సంచారం చేస్తూ ఉంటాడు. భగవంతుడి లీలలు వింటూ ఉంటే, స్మరించే స్థాయికి మనసు చేరుకుంటుందని అంటారు.

పాదసేవనం

సేవించడం…. భగవంతుడికి సేవలు చేయడం. ఒక గుడిలో రుసుము చెల్లించి సేవలు చేయడమే కాకుండా, స్వహస్తలతో భగవంతుడి సేవలో పాల్గొనడమని చెబుతారు. ఒక పండుగకు ముందు గుడిని శుభ్రపరుస్తూ ఉంటే, అందులో పాలుపంచుకోవడం. భగవంతుడి పల్లకి మోయడం… శరీరమును భగవంతుడి సేవకు వినియోగించడం వలన భగవంతుడి అనుగ్రహం సులభం అంటారు.

అర్చనం

అర్చన భగవంతుడిని పూజించడం. దూప, దీపా నైవేద్యాలతో భగవంతుడిని పూజించడం. సనాతనధర్మంలో శాస్త్రం సూచించిన మాదిరిగా భగవంతుడికి పూజ ద్రవ్యాలు మనసు పెట్టి సమర్పించడం…. మానసికంగా భగవంతుడికి పూజ చేయగలిగే స్థాయి వచ్చే వరకు పూజా ద్రవ్యములతో భగవంతుడిని నిత్యం పూజించడం… మనసులో పూజా మెదులుతూ ఉంటే, మనసు భగవంతుడి పాదాల వద్దే ఉండడం… పూజలో పరమావధి అంటారు. భగవంతుడిని విగ్రహ రూపంలో కానీ ఫోటో రూపంలో కానీ పూజా ధ్రవ్యములతో పూజ చేస్తూ ఉంటారు.

వందనం.

వందనం భగవంతుడి ముందు వినయంగా ఉండడం. వినయంతో నిత్యం భగవంతుడికి వందనం చేయడం. శిరస్సు వంచి పెద్దలకు గౌరవభావంతో వందనం చేసినట్టు, నిత్యం భగవంతుడి రూపానికి మనసులో వందనం సమర్పిస్తూ, బౌతిక దర్శనంలో భగవంతుడి పాదాలకు నమస్కరిస్తూ ఉండడం అంటారు.

ప్రహ్లాదుడు నిత్యం అన్నింటా శ్రీహరి దర్శిస్తూ, అంతటా నమస్కార భావంతోనే ఉండేవాడు.

దాస్యం

దాస్యం చేయడం కూడా సేవ చేయడం లాంటిదే. అయితే దాస్యంలో ఫలితం ఆశించకుండా యజమానికి లొంగి పని చేస్తాం. అలాగే భగవంతుడు తన చుట్టూ ఉన్న లోకానికి యజమాని అని భావించి, భగవంతుడిని ఆరాదిస్తూ ఉండడం.

భగవంతుడికి తనంతట తానుగా దాసుడిగా మారిన హనుమ. అలాగే లక్ష్మణుడు కూడా ఈశ్వరుని వెంటే నిలిచాడు.

సఖ్యం

సఖ్యంగా ఉండడం అంటే స్నేహం చేయడం. ఒక మంచి స్నేహితుడితో ఎలా నడుచుకుంటామో అలాగే భగవంతుడితో స్నేహభావం పెరిగే విధంగా ప్రయత్నం చేయడం. పాండవులు ఈశ్వరునితో సఖ్యతతో ఉండి, నిరంతరం రక్షింపబడ్డారు…. చివరికి తరించారు.

ఆత్మనివేదనం

ఆత్మనివేదనం తనను ఈశ్వరుడికి అర్పించివేయడమే. ఆత్మను ఈశ్వరుడికి అర్పించడంలో బలి చక్రవర్తిని ఉదాహరణగా చెబుతారు.

నేటి రోజులలో స్మరణ చేయడం సులభం… భగవంతుడి గూర్చి చెప్పబడిన ప్రవచనాలు, పాటలు, కీర్తనలు వింటూ ఉండడం వలన మనసు భగవంతుడిపై లగ్నం కాగలదని అంటారు.

భగవంతుడి వైపు మరలిన మనసు భగవంతుడిని స్మరించడం మొదలు పెడుతుంది.

భాగవతం, రామాయణం, మహా భారతం వంటి పురాణ ప్రవచనాలు వినడం అలవాటు అయితే, అది శ్రేయస్కరమని అంటారు.

దేవాలయ దర్శనంకు నియమ నిభందనలు చెబుతారు

తెలుగు భజన పాటలు వింటూ

భగవద్గీత తెలుగులో శ్లోకాలు రీడ్ చేయడం వలన భక్తీ భావం బలపడుతుంది.

భక్తి భావనలు

తెలుగురీడ్స్

భక్తి భావం బలమైనది మనసుకు శాంతిని అందిస్తుంది.

రామనామము రమ్యమైనది శ్రీరామనవమి శుభాకాంక్షలు

భక్తి భావన వృద్దికి భాగవతం వినడం సాధనం కాగలదు.

తెలుగులో వ్యాసాలు

తెలుగులో పిల్లల పేర్లు అచ్చ తెలుగులో బాబు పేర్లు

తెలుగులో శుభాకాంక్షలు కొట్స్

దేవాలయ దర్శనంకు నియమ నిభందనలు చెబుతారు. తగు నియమాల వలన మనసులో దైవంపై భక్తి శ్రద్దలు పెరుగుతాయని చెబుతారు.

దేవాలయం అంటే భక్తులను అనుగ్రహించడానికి దైవము కొలువుతీరిన క్షేత్రం. ఆ క్షేత్రం పరమపవిత్రమైన పుణ్యక్షేత్రం. అఖిలాండకోటి బ్రహ్మాండ నాయకుడు అయిన పరమాత్మ భక్తుల కోరికలు తీర్చడానికి కొలువైన పరమ పావన దైవనివాసం. అంతరి పరమపుణ్య ప్రదమైన దేవాలయములో దైవ దర్శనమునకు వెళ్ళేటప్పుడు కొన్ని నియమ నిభందనలు చెబుతారు.

గుడికి వెళ్ళే భక్తులు (స్త్రీ / పురుషులు) గుడికి వెళ్ళే ముందు శుచిగా స్నానం చేయవలెను. నుదుట కుంకుమ ధరించాలి.

గుడి ఆచారం ప్రకారం సంప్రదాయమైన దుస్తులు ధరించాలి. మగవారు పంచె, కండువా… ఆడువారు సంప్రదాయక చీరలు.

దేవాలయమునకు బయలుదేరుతున్నప్పుడే భగవన్నామ స్మరణ మేలని అంటారు.

భగవంతుడికి భక్తితో పూజించడానికి కనీస పూజా సామాగ్రి ఉండాలి… అంటే ధూప దీప నైవేద్యాలు…

దేవాలయ ప్రాంగణం చేరుకోగానే, ప్రాంగణం బయటే మొదట కాళ్ళూ చేతులు శుభ్రంగా కడుక్కోవాలని చెబుతారు.

దేవాలయం ఆలయం ప్రవేశించడానికి ముందు, ఆలయ గోపురానికి నమస్కరించి ఆపైన మెట్లకు నమస్కరించాలి.

దేవాలయం లోనికి ప్రవేశించినప్పటినుండి భగవంతుని నామం జపిస్తూ మనసు భగవంతుడిపైనే పెట్టాలి.

దేవాలయం చుట్టూ ఆలయంలొని దైవమును అనుసరించి, ఆలయం చుట్టూ ప్రదక్షిణలు చేయాలని అంటారు.

ప్రదక్షిణ సమయంలో మనసంతా భగవంతుడిపైనే ఉండడం శ్రేయస్కరం అంటారు.

దేవాలయంలో పురుషులు స్వామికి కుడి వైపు, స్త్రీలు ఎడమ వైపు నిలబడాలని అంటారు.

ఆలయంలో దైవమును ఆపాదమస్తకం వీక్షించాలని అంటారు. అంటే కాళ్ళ దగ్గర నుంటి ముఖం వరకు పూర్తిగా దైవమును దర్శించాలని అంటారు.

దైవదర్శనం అయిన తరువాత ఆలయంలో కాసేపు కూర్చొని ఆలయంలో కొలువుతీరిన దైవనామ జపం చేస్తూ ప్రశాంత చిత్తంతో కాసేపు దేవాలయంలోనే ఉండాలని అంటారు.

దైవ ప్రసాదం భక్తితో స్వీకరించడం వలన భగవంతుంది అనుగ్రహం కలుగుతుందని అంటారు.

ఇంటికి తిరిగి వెళ్ళే ముందు మళ్ళీ ఆలయంలోని స్వామికి నమస్కరించుకుని ఆలయం బయటికి వచ్చిన తరువాత మళ్ళీ తిరిగి గోపురానికి నమస్కరించి వెళ్ళాలని అంటారు.

వివిధ ప్రాంతాలు వివిధ పద్దతులను బట్టి ఆయా దేవాలయములలో కొన్ని ప్రత్యేక నియమాలు చెబుతూ ఉంటారు. అటువంటి క్షేత్రముల దర్శనమునకు వెళ్ళే ముందు, ఆయా క్షేత్రముల చరిత్రను, నియమాలను ముందుగా తెలుసుకోవడం శ్రేయస్కరం అంటారు.

తెలుగు భజన పాటలు వింటూ ఉంటే, మదిలో పాటల పల్లకి అవుతుంది. కీర్తనలు భజన పాటల రూపంలో భజించడం అంటే మనసును భక్తివైపు మరల్చడమే.

భక్తుడి భజన వలన భగవంతుడు అనుగ్రహం ఉంటుంది. అలాగే భక్తుని మది గుడిలో నుండి మనసంతా వ్యాపిస్తాడని అంటారు.

భజన చేయడం వలన భగవంతుని అనుగ్రహం త్వరగా పొందవచ్చని పెద్దల మాట. పదే పదే భగవణ్ణామమ్ భజించడం అంటే భగవంతుని అనుగ్రహం కోసం తపించడమే అంటారు.

కర్మ ప్రభావం చేత మనిషి సుఖదుఖాలు అనుభవిస్తూ ఉంటే, సుఖంలోనూ దుఖంలోనూ భగవంతుడిని దర్శించడమే భక్తి అని చెబుతారు.

నిత్యము విషయ లాలస చేత, మనిషికి భక్తిపై మనసు లగ్నం కానప్పుడు మాత్రం, భజన చేయడం వలన మనసు భక్తికోసం తపిస్తుంది అంటారు.

వ్యక్తిని సత్యదూరం వైపు నడిపించే విషయాలు వ్యక్తి చుట్టూ చేరడంలో చాలా వేగంగా వస్తాయి. కానీ సత్యంవైపు నడిపించే భక్తిమార్గం వైపు మాత్రం వ్యక్తి నడవడానికి భగవంతుడి అనుగ్రహం అవసరం అంటారు. భగవంతుడి అనుగ్రహం భజన చేత త్వరగా కలిగితే, భజన పాటలు భగవంతుడిని స్తుతి చేస్తూ ఉంటాయి.

భగవంతుడి భజన పాటలు మనసును కుదుటపరుస్తాయని అంటారు. భజన పాటలు భగవంతుడిపై మనసు లగ్నం అయ్యేవిధంగా ప్రభావం చూపగలవని పెద్దల మాట.

భక్తి శ్రద్ధలతో నిర్మలమైన మనసుతో భజన చేయడం అంటే అదొక తపస్సు అని అంటారు. భక్తి భజన పాటల వలన మనసు త్వరగా భగవత్సరూపమును పట్టుకుంటుందని అంటారు.

తెలుగు భక్తి భజన పాటల పుస్తకాలు ఉచితంగా మీ ఫోనులో కానీ కంప్యూటర్ లో కానీ లాప్ టాప్ లో కానీ డౌన్ లోడ్ చేసుకోవడానికి ఈ క్రింది అక్షరాలను క్లిక్ చేయండి.

అన్నమాచార్యుల అమృతవర్షిణి భక్తి కీర్తనల పి‌డి‌ఎఫ్ పుస్తకం డౌన్ లోడ్ చేసుకోవడానికి క్లిక్ చేయండి… ఇవే అక్షరాలపై

ఆనంద మంగళం మధుర భక్తి గీతాల తెలుగు పుస్తకము కోసం ఇక్కడ ఇవే అక్షరాలను క్లిక్ చేయండి

త్యాగరాజ దివ్యనామ సంకీర్తనలు తెలుగు భక్తి పాటల పుస్తకం కోసం ఇక్కడ ఇవే అక్షరాలను క్లిక్ చేయండి

తపన కొరకు భక్తితో భజన భాగవన్నామ స్మరణకు నాంది

భక్తి కోసం మనసు తపించడమే, కష్టం కలిగినప్పుడు అది శాంతించదనికి, భక్తి మనసుకు మంచి మందు అంటారు. మంచిమందు కోసం మనసు ముందుగా ఇష్టపడకపోవచ్చు కానీ అలవాటు అయితే మాత్రం ఆ మంచి మందును అందరికీ పంచే మంచి ప్రయత్నం మనసు చేయగలదని అంటారు.

తపన ఉంటే తపస్సు చేసేవరకు మనసు ఊరకుండదు అని అంటారు. అటువంటి తపన భక్తివైపు మరలితే, జీవితం ధన్యత పొందుతుందని చెబుతారు. అటువంటి తపనకు నాంది భగవంతుడి భజన అంటారు.

తెలుగు భజన పాటలు వింటూ , భజన చేస్తూ భాగవన్నామ స్మరణలో మనసు తన్మయావస్తకు చేరడం ఒక తపస్సు వంటిది అంటారు. అలాంటి తపస్సు వలన లోపాలే ఉండే భగవంతుడు కష్టంలోను మనసు చలించకుండా బుద్దిని సన్మార్గంలో నడిపిస్తాడని పెద్దలంటారు.

భగవంతుడు కోసం పాటలు రచించినవారు ఎందరో… ఆ మహానుభావులు రచించిన పద్యాలు, కీర్తనలు భజన రూపంలోకి మార్చినవారు కూడా ఉన్నారు.

అలాంటి రచనలే భజన పాటలుగా మారితే, ఆ తెలుగు భజన పాటలు వింటూ మనసు భగవంతుడి వైపు తిరుగుతుందని అంటారు.

భజ గోవిందం భజగోవిందం అంటూ సాగే భజన పాటతో గోవిందుడి అనుగ్రహం పొందడం సులభతరం అంటారు.

ఎందుకు భజన పాటలు వ్యక్తి మనసుని భక్తి మార్గం వైపు తిప్పగలవని అంటారు.

ఎందుకంటే భక్తి వలన ముక్తి సులభమనే సూచన పొందినవారంతా భక్తికై తపిస్తారు.

భక్తుల మొర అలకించే భగవానుడు, త్రికరణశుద్దితో పలికే పలుకులను భగవంతుడు అలకిస్తాడు.

ఒకరే ఒక చోట కూర్చుని ఉంటే, అతని మనసు పలు పలు విధాలుగా తలంపులు చేయడానికే ప్రయత్నం చేయవచ్చు.

ఇంకా ఒక్కరే కూర్చుని భక్తితో భగవానుదిని స్మరించే సమయంలో ఏదో ఒక సమస్య మనసుపై ఒత్తిడి తేవచ్చు…

ఎలాగో లాగా ఒక వ్యక్తి ఒక చోట కూర్చోవడానికి ప్రయత్నం చేయడానికే చాలా సమయం పడుతుంది. కానీ సావాసంలో మనసు త్వరగా నిలకడ పొందగలదని అంటారు.

పదిమండి ఒక చోట కూర్చుని, క్రమశిక్షణతో ఒక పని మొదలు పెడితే, ఆ పనిలో వారంతా లీనమయ్యే అవకాశాలు ఎక్కువగా ఉంటాయి. పదిమందిలో ఎక్కువమంది పనిమీద ధ్యాస పెట్టగలరు. అలాగే భగవంతుడిని ప్రార్ధించేవారిలో కూడా పదిమంది ఒక చోట కూర్చుని భాగవన్నామ సంకీర్తన చేస్తుంటే, ఎక్కువమంది మనసు ఆ సంకీర్తన ఆలాపన చేస్తూ ఉంటుంది.

అందుచేత పదిమంది కలసి చేసే పనిలో ఎక్కువమంది శ్రద్దాశక్తులు కలిగి ఉండే అవకాశం ఎక్కువ. ఇక భజన పాటలు పాడడం మొదలు పెడితే మాత్రం, ఎక్కువమంది మనసు భగవంతుడి వైపు వెళుతుంది.

ఏకాగ్ర చిత్తం కలిగి ఉండడం భక్తిలో మొదటి మెట్టుగా చెబుతారు.

భగవన్నామ స్మరణకు భజన పాటలు తోడ్పాటు అందిస్తాయి…

భగవద్గీత తెలుగులో శ్లోకాలు రీడ్ చేయడం వలన భక్తీ భావం బలపడుతుంది. భక్తీ, ముక్తికి భగవద్గిత మనసుకు ఔషధం వంటిది అని అంటారు.

మహాభారతములో భీష్మ పర్వములో ప్రారంభం అయ్యే భగవద్గీత ఒక ప్రత్యేక గ్రంధంగా ప్రసిద్ది చెందింది.

భగవద్గీత ఉపనిషత్తుల సారమని అది జీవితానికి దిశా నిర్దేశం చేయగలదని అంటారు. భక్తీ భావనతో గీతాపఠనం కర్తవ్య నిర్వహణకు ప్రోత్సాహకంగా ఉంటుంది. భగవద్గీత చదువుతూ, చిత్తశుద్దితో జీవించడం పాపహరణకు ఒక మార్గమని పెద్దలు చెబుతారు.

మనిషి జీవనంలో యోగం ఉంటుంది. మనిషి జీవించే క్రమంలో కర్మ యోగము, భక్తి యోగము, జ్ఞానయోగము అనే మూడు జీవనమార్గాలు ఉంటాయి.

భగవానుడు అర్జునునిడికి బోధించిన భగవద్గీతలో ఆత్మ తత్వము, జీవన కర్తవ్యము – కర్మ, జ్ఞానము, భక్తి, యోగ సాధన, భగవత్తత్వము, శ్రద్ధ, గుణ విభాగము తదితర విషయాలు ప్రస్తావించబడతాయి.

అనేక మంది మహానుభావులు భగవద్గీతను రీడ్ చేయడం ఒక అలవాటుగా పెట్టుకుంటారు. ఎక్కువ మంది భగవద్గీతను జ్ఞానం కొరకు చదువుతూ ఉంటారు.

స్వాతంత్ర్య ఉద్యమం దేశమంతా వ్యాప్తి చెంది, దేశాన్ని ఒక తాటిపై నిలబెట్టిన మహాత్మా గాంధి కూడా భగవద్గీత పారాయణం చేసినట్టు ఆయన రచనలే చెబుతాయి.

వ్యక్తిలో స్ఫూర్తిని రగిలించే శక్తి భగవద్గీత పఠనం వలన వస్తుందని అంటారు

“నిరాశ, సందేహములు నన్ను చుట్టుముట్టినపుడు, ఆశాకిరణములు గోచరించనపుడు నేను భగవద్గీతను తెరవగానే నన్ను ఓదార్చే శ్లోకము ఒకటి కనిపిస్తుంది. ఆ దుఃఖంలో కూడా నాలో చిరునవ్వులుదయిస్తాయి. భగవద్గీతను మననం చేసేవారు ప్రతిదినమూ దానినుండి క్రొత్త అర్ధాలు గ్రహించి ఆనందిస్తారు.”

— మహాత్మా గాంధీ

జ్ఞానం అందించే భగవద్గీతలో విభాగాలు ఉంటాయి. అవి ఈ క్రింది యోగములుగా చెబుతారు.

అర్జునవిషాద యోగము
సాంఖ్య యోగము
కర్మ యోగము
జ్ఞాన యోగము
కర్మసన్యాస యోగ:
ఆత్మసంయమ యోగము
జ్ఞానవిజ్ఞాన యోగము
అక్షరపరబ్రహ్మ యోగము
రాజవిద్యారాజగుహ్య యోగము
విభూతి యోగము
విశ్వరూప సందర్శన యోగము
భక్తి యోగము
క్షేత్రక్షేత్రజ్ఞవిభాగ యోగము
గుణత్రయవిభాగ యోగము
పురుషోత్తమప్రాప్తి యోగము
దైవాసురసంపద్విభాగ యోగము
శ్రద్దాత్రయవిభాగ యోగము
మోక్షసన్యాస యోగము 

ఎరుకలో ఉన్నవాడికి పొంచి ఉన్న ప్రమాదంపై అవగాహన ఉంటుంది. పాములు పట్టేవానికి పాముల గురించి బాగుగా ఎరుకలో ఉంటుంది. కావున అతను పామంటే భయపడడు. అలాగే జీవన పరమార్ధం ఎరుకలో ఉన్న వ్యక్తికి, బాధించే విషయాలు ఉండవని అంటారు.

భగవద్గీత వలన విషయ వాసనలు నశించి, విషయములకు ఆలవాలమైన మనసు గురించి మనసే ఆలోచన చేయడమే ఒక అద్బుతమని అంటారు.

మనసు అనేది మననము వలన దుఃఖము, సుఖము తెచ్చుకుంటుంది అంటారు. సుఖదుఃఖాలు మనసుపై ప్రభావం చూపుతూ ఉంటాయి. సుఖంగా ఉంటే సంతోషం, దుఃఖంగా ఉంటే విచారం…

విషయాల వలన విచారం ఎక్కువయ్యే మనసుకు భక్తిభావన ఒక ఆలంబనగా ఉంటుందని అంటారు. భక్తితో ఆలోచన చేసే మనసు శాంతిగా శోచించడం అలవాటు చేసుకోగలుగుతుందని అంటారు.

భక్తి భావన భగవద్గీత రీడ్ చేయడం ద్వారా కూడా పెంపొందించుకోవచ్చు. భక్తితో మెదిలే మనసులో వ్యగ్రత కన్నాశాంతస్వభావం పెరుగుతుంది.

మనసులో భక్తి భావనలు పెంచుకునే ప్రక్రియలో భగవానుడు బోదించిన భగవద్గీతను చదువుకోవడం మంచి అలవాటుగా చెబుతారు.

భగవద్గీతకు సంబంధించిన వివిధ పుస్తకాలు ఆన్ లైన్లో రీడ్ చేయడానికి లేదా మీ ఫోనులో పిడిఎఫ్ రూపంలో డౌన్ లోడ్ చేయడానికి ఈ క్రింది బట్టన్ పై క్లిక్ చేయండి.

భక్తి భావనలు

తెలుగురీడ్స్

భక్తి భావం బలమైనది మనసుకు శాంతిని అందిస్తుంది.

రామనామము రమ్యమైనది శ్రీరామనవమి శుభాకాంక్షలు

భక్తి భావన వృద్దికి భాగవతం వినడం సాధనం కాగలదు.

భక్తి భావం బలమైనది మనసుకు శాంతిని అందిస్తుంది. భక్తి భలే మందు మనుసుకు. భక్తిభావన చేత మనసు శాంతికి దగ్గరగా అశాంతికి ఆమడ దూరంగా ఉంటుంది.

భక్తి భావనలు… భక్తి భావన బలమైనది

దైవంపై మనసుకు ఏర్పడే భక్తి భావన ఎంత బలంగా ఉంటే, అంతటి మనోశక్తి అంటారు. విగ్రహం ముందు నిగ్రహం మనలో మనోశక్తికి మూలం అంటారు.

ఎవరికి ఇష్టమైన దైవం, వారి వారి మనసు మూలంలో ఉంటారు. కానీ మనసు తనకు తాను ఏర్పరచుకునే విషయలాలస వలన మూలలోనే మిగిలిపోతుంది.

మనసు ఏర్పరచుకునే విషయాలు, అలవాటుగా మారి ఉంటాయి. అలా అలవాటులు మనసులో ఉన్న భక్తి భావనను తొక్కి పెడతాయి. బలమైన అలవాటులు శక్తిని హరిస్తూ ఉంటే, మనసు మాత్రం అలవాటుకు లొంగుతుంది.

నియంత్రణ ప్రధానంగా ఆచారం ఉంటే, కేవలం మన మనసును విషయవాసనల నుండి దూరం చేయడానికే ఆచారం యొక్క ప్రధాన ఉద్దేశ్యం అయితే, ఆచరించడం మనసుకు మందు వేయడం వంటింది.

సమాజంలో మనిషి చుట్టూ ఉండే విషయాలు మనసులో గూడు కట్టుకుని ఉంటాయి. మదిగదిలో మెదిలే ఆలోచనలు కేవలం విషయాలవైపు మాత్రమే వెళితే, ఆ మనసుకు వ్యాపకాల పరంపర అంటే అమిత ఇష్టం ఏర్పడుతుంది.

విషయాలను చూస్తూ, విషయాల సృష్టికి ఆధారమైన వాడిని తలుస్తూ ఉండడం వలన మనసులో మూలలో దాగి ఉన్న భక్తి పైకి వచ్చే మార్గం కూడా ఏర్పడుతూ ఉంటుంది.

మనకు భక్తి భావం బలమైనది మనసుకు శాంతి అందించడంలో భక్తి భావం ముందుంటుంది. కారణం కష్టాలకు చలించిపోకుండా మనసుకు దైవమున్నాడనే భావన మనసులో చేరిన ఆందోళనను చెరుపుతుంది. ఆందోళన లేని మనసు అది శాంతిగా ఉంటుంది. దాని చుట్టూ ఉండేవారిని శాంతితో ఉండనిస్తుంది. కాబట్టి భక్తి భావం మనసుకు శాంతిని అందిస్తుంది.

బలమైన మనసుకు బలహీనతే అద్దంకి. బలహీనత కూడా బలంగా మార్చగలిగే శక్తి దైవానికి ఉందని పెద్దలంటారు. కానీ భక్తి భావన బలంగా లేకపోవడం వలననే, మనసు ఆందోళనకు దగ్గరగా, అశాంతిని అనుకుని ఉంటుంది.

ప్రతి విషయంలోనూ ఎదురవుతున్న అనుభవాలు అనుభవిస్తూ, మనసులో మరో మూలన పడిన భక్తి భావనను పైకి తీసుకువచ్చే ఆలోచనలకు కూడా అవకాశం ఇవ్వడమే భక్తి భావన బలపడడానికి మార్గం అంటారు.

జీవితంలో కష్టసుఖాలు కామన్. కానీ కష్టం కూడా ఇష్టంగా మారుతుంది. ఇష్టపడి పనిచేస్తే, కష్టం తెలియకుండా పని పూర్తి అవుతుంది. అది కూడా మనసు వలననే అంటారు.

అలాంటి మనసుకు భక్తి భావనను కూడా పెంచే విధంగా ఆలోచనలకు అవకాశం ఇవ్వడమే భక్తి భావన పెరుగుదలకు బీజం పడుతుంది.

విగ్రహం ముందు నిగ్రహం వహించడం నియంత్రణలో ప్రాధమిక ప్రయత్నం

విగ్రహం ముందు నిగ్రహం వహించడం నియంత్రణలో ప్రాధమిక ప్రయత్నం అయితే, భక్తి భావన బలపడడానికి అది ఆది ప్రయత్నం అవుతుంది.

మనకు అనేక మతాలు, అనేక దైవాలు, దేవతలు ఉన్నారు. మన సమాజంలో మత స్వేచ్చ ఉంది. దైవనామ స్మరణకు, దైవారాధనకు షరతులు లేవు.

మనసు ఉండాలే కానీ మార్గములు అనేకం. భక్తి అనే భావన మనసులో మెదలాలి కానీ దేవతలకు కొదువలేదు.

ఒక దైవం అనుకుని. ఆ దైవంపై నమ్మకం ఉంచుకుని, ఆ దైవ నామస్మరణ చేయడం. ఆ దైవ స్వరూపమును మనసులో ముద్రించుకోవడం ప్రధానం అయితే అందుకు విగ్రహారాధన మొదటిమెట్టు అంటారు.

దైవ స్వరూపమును మనసులో బలంగా ముద్రించుకోవడానికి మార్గం విగ్రహం ముందు నిగ్రహంతో ఉండడం.

నిగ్రహం అలవాటు కావడానికే విగ్రహం ముందు కూర్చుని నియమాలతో ఉండడం. స్తోత్రం చేయడం, దైవ సేవ చేయడం అంటారు.