పిల్లలు క్లాసులో కష్టంగా కాకుండా

స్కూలులో పిల్లలు క్లాసులో కష్టంగా కాకుండా, ఇష్టపడి సంతోషంతో క్లాసులో కూర్చుంటే, క్లాసులో చెప్పే సబ్జెక్టు విషయాలు తలకెక్కుతాయి. సబ్జెక్టు బుక్స్ ఒక్కొక్కటి 100 / 150 పేజీలకు పైగా ఉంటాయి. ఆ సబ్జెక్టు బుక్స్ చదివిన విద్యార్ధి ఇచ్చే పరీక్షా పత్రం రెండు లేదా మూడు పేజీలు ఉంటే, దానికి జవాబు పది నుండి ఇరవై పేజీల వరకు ఉండవచ్చును. అంటే ఒక సబ్జెక్టు బుక్ పేజీలలో కేవలం 10 నుండి పదిహేను శాతం మాత్రమే తిరిగి జవాబులుగా విద్యార్ధి వ్రాస్తాడు. మరి ఎందుకు విద్యార్ధులు ఫెయిల్ అవుతారు?

క్లాసులో స్టూడెంట్ సరిగా టీచర్ చెప్పే విషయాన్ని గ్రహించకపోవడం కారణం అంటారు. స్టూడెంట్ సరిగ్గా దృష్టి పెడితే, పాఠాల సారం గ్రహించవచ్చును. తద్వారా పరీక్షల వేళలో ప్రశ్నాపత్రానికి జవాబులు వ్రాయడం ఈజి.

ఉదాహరణకు ఒక చిన్న అంశము ఊహించి పరిశీలిస్తే…. పిల్లలు క్లాసులో కష్టంగా కాకుండా

ఒక ఇంటిముందు ఉన్న దారి అంతా పొదలతో మూసుకుని ఉంది. అలా ఇరుకుగా ఉన్నదారిలో నుండి, ఆ ఇంటిలోకి సామాగ్రి చేరవేయాలి. అప్పుడు రెండు మార్గాలు: అవి ఏమిటి అంటే?

ఒకటి: ప్రస్తుతం ఉన్నదారిలోనే సామాగ్రిని ఇంటిలోకి చేరవేయడం.

రెండు: ఇంటి ముందున్నదారిని శుభ్రంచేసి, దారిని విశాలం చేసి, సామాగ్రిని ఇంటిలోకి చేర్చడం.

ఒకటవ మార్గం ఎంచుకుని సామాగ్రిని ఇంటిలోకి చేర్చితే, మరలా అవసరం వచ్చినప్పుడు సామాగ్రిని ఇంటి బయటికి తీసుకుపోవడానికి పని సులువుగా సాగదు. పనిభారంగా ఉంటుంది.

అదే రెండవమార్గం ఎంచుకుని, సామాగ్రిని ఇంటిలోకి చేర్చితే, మరలా అవసరం వచ్చినప్పుడు సామాగ్రిని సులభంగా బయటకు తీసుకుపోవచ్చును.

ఇతర విషయాలు పట్టించుకోకుండా, పిల్లలు క్లాసులో కష్టంగా కాకుండా

అలాగే స్టూడెంట్ కూడా తన మనసుని, దానికిష్టమొచ్చినట్టు వదిలేసి, క్లాసులో పాఠాలు వింటే, అవి అతని చెవికెక్కుతాయి కానీ అతని మనసుకు చేరవు. తర్వాత పరీక్ష హాలులో చేయగలిగేదేముంటుంది?

అలా కాకుండా స్టూడెంట్ తన మనసుని ఇతర విషయాలవైపు మొగ్గు చూపకుండా, కేవలం క్లాసులో టీచర్ చెప్పే పాఠాలు వింటూ ఉండడం చేత, అతను సులభంగా పరీక్ష హాలులో జవాబులు వ్రాయగలడు.

పిల్లలు పాఠాలు వినడానికి ఏదో పెద్ద ప్రయత్నం చేయాలనే భావన కాకుండా, క్లాసులో టీచర్ ఏం చెబుతున్నారు? అనేది శ్రద్దగా వింటే, చాలు పిల్లల మనసే, సబ్జెక్టు వెంటపడడం చేస్తుంది. వినగా వినగా వేము తీయగనుండు అంటారు. అలాగే వినగ వినగా పాఠాలు పిల్లల మదిలోకి చేరతాయి. వినడానికి సుముఖత చూపకపోవడమే, విద్యార్ధి దశలో ఎదురయ్యే సమస్య.

పిల్లలు క్లాసులో కష్టంగా కాకుండా, ఇష్టంగా క్లాసులో కూర్చుంటే, పిల్లలకు చదువుపై ఆసక్తి వస్తుంది. క్లాసులో టీచర్ వివిధ రకాలు పిల్లలకు అర్ధం అయ్యేవిధంగా పాఠాలు బోధించడానికి ప్రయత్నం చేస్తారు. కాబట్టి పిల్లలు ఒక్కచోట కూర్చునంతసేపూ, దృష్టిని క్లాసు టీచర్ చెప్పే మాటలు ఆలకించడమే చేస్తే, వారు ఖచ్చితంగా సదరు సబ్జెక్టులోని విషయం అర్ధం కావడానికి అవకాశం ఉంటుంది. ఇంకా గుర్తు పెట్టుకోవడానికి కూడా ఆస్కారం ఉంటుంది. పరీక్ష హాలులో విద్యార్ధి కంగారు పడకుండా ఉంటే, ఖచ్చితంగా క్లాసులో శ్రద్ధగా విన్ని పాఠాలు గుర్తుకువచ్చే అవకాశం ఉంటుంది. కావునా క్లాసులో కూర్చున్న పిల్లల దృష్టి టీచర్ చెప్పే పాఠాలపై దృష్టి పెట్టాలి.

ఈ రోజులలో గల సాంకేతికత పిల్లలపై చాలా ప్రభావం చూపగలదు. అందుబాటులో గల సాంకేతికతను చక్కగా సబ్జెక్టు విషయాల సేకరణకు ఉపయోగించుకుంటే, నేటి టెక్నాలజీ పిల్లలకు వరం వంటిదే. అలా కాకుండా పిల్లల అనవసర విషయాల జోలికెలితే, అదే టెక్నాలజీ పిల్లలకు శాపంగా మారుతుంది. పిల్లలకు క్లాసులో కష్టంగా కాకుండా, ఇష్టంగా క్లాసులో కూర్చుని పాఠాలు వినాలంటే?

పిల్లలు క్లాసులో ఇష్టంగా కూర్చుని పాఠాలు వినడానికి

పిల్లలు స్కూల్ కు క్రమం తప్పకుండా వెళ్ళేవిధంగా తల్లిదండ్రులు చూడాలి. అలాగే పిల్లలు పాఠాల చెప్పే సమయంలో దృష్టి కేంద్రీకరించడానికి మరియు చురుకుగా వినడానికి ఉపాధ్యాయులు ఉపయోగించగల అనేక వ్యూహాలు ఉన్నాయి. ఇక్కడ కొన్ని ప్రభావవంతమైన విధానాలు ఉన్నాయి:

కొత్తగా ఉన్నవాటిపై పిల్లలు ఆసక్తి కనబరుస్తూ ఉంటారు. ముఖ్యంగా తమ కళ్ళముందు జరుగుతున్నదానిని అనుకరించడానికి ప్రయత్నం చేస్తారు. కాబట్టి పిల్లల్లో డ్రాయింగ్ పద్దతి, వ్రాత పద్దతి మరియు అందులో పోటీ తత్వం వంటివి ఒక వయస్సు వరకు ఉపయోగపడతాయి.

స్కూలు నుండి తిరిగి వచ్చిన పిల్లలపై తల్లిదండ్రులు శ్రద్ధ పెట్టాలి. ప్రవేటు పాఠశాలలో డబ్బులు చెల్లించాము కదా వారే చదువులు చెప్పేస్తారు. లేదా ప్రభుత్వ పాఠశాలలో వారే పాఠాలు చెబుతారు అని రోజూ ఇంటికొచ్చిన పిల్లల చదువుపై తల్లిదండ్రుల కాసేపయినా శ్రద్ద పెట్టకపోతే, వారికి ఎక్కౌంటబిలిటి ఉండదు. వయస్సు పెరిగే కొలది జవాబుదారీతనం తగ్గి, పిల్లల చదువులో మార్పు ఉంటుంది. అదే ప్రతిరోజూ కాసేపు స్కూలులో జరిగిన విషయాలను ప్రేమతో పిల్లలను అడిగి తెలుసుకోవడం. రోజుకు ఏదో ఒక ప్రశ్న సబ్జెక్టు పరంగా అడగడం వలన, పిల్లలలో జవాబుదారీ పెరుగుతుంది. అలా వారు ప్రశ్నకు సమాధానం చెప్పినప్పుడు, చిన్న చిన్న బహుమతులు ఇవ్వడం పిల్లలకు చదువుపై శ్రద్ద పెట్టాలనే తపన పెంచవచ్చు.

వయస్సు పెరుగుతున్న కొలదీ పిల్లలలో ఏదో ఒక విషయంలో వృద్దిని కనబరుస్తూ ఉంటారు. ఏదో ఒక అంశంలో ఆసక్తిని కనబరుస్తూ ఉంటారు. అవి వారి అభివృద్ది తోడ్పడేవి అయితే, వాటిని ఖచ్చితంగా ప్రోత్సహించవలసిన కర్తవ్యం తల్లిదండ్రులది….