ఆంధ్రప్రదేశ్ రాజకీయాలు కీలక మలుపులు.

ఆంధ్రప్రదేశ్ రాజకీయాలు కీలక మలుపులు. ఉమ్మడి ఆంధ్రప్రదేశ్ లో ఒక పార్టీ వరుసగా రెండుమార్లు ఒకే పార్టీ పాలించింది అలాగే తెలంగాణలో కూడా కానీ విభజన తర్వాత ఏపిలో మాత్రం అందుకు విభిన్నం.

ముందుగా మన ఉమ్మడి ఆంధ్రప్రదేశ్ రాష్ట్రాలలో రాజకీయ మలుపులు గురించి క్లుప్తంగా… కాంగ్రెస్ అధికారంలో ఉంది. ఎక్కువ కాలం ఒకే ప్రభుత్వంపై ప్రజాభిప్రాయం ఒకే విధంగా ఉండదు. ఇంకా అధికార పక్షం చేసే తప్పులు కూడా కలిసి ప్రజాతీర్పు మారుతుంది అంటారు. ఆ విధంగా 1957 నుండి కాంగ్రెస్ గెలుచుకుంటున్న సీట్లలో మార్పు వచ్చింది. తర్వాత 1983 లో ఎన్టీఆర్ తెలుగుదేశం పార్టీని స్థాపించడంతో, ఆ పార్టీకి ప్రజలు తమ మద్దతు పలికారు.

సినీ నటుడుగా సినిమారంగంలో అగ్రస్థానంలో ఉన్న నందమూరి తారక రామారావుగారు రాజకీయాలలో కూడా తనదైన ముద్రను అరంగేట్రంలోనే చూపించారు. రెండు పర్యాయాలు వరుసగా ఆంధ్రప్రదేశ్ రాష్ట్ర ముఖ్యమంత్రిగా ఉన్నారు. తర్వాత ఎన్టీఆర్ పదేళ్ల పాలనకు ప్రజలు బ్రేక్ ఇచ్చారు. 1989లో కాంగ్రెస్ అధికారంలో వచ్చింది.

1989 – 1994 మద్యలో కాంగ్రెస్ పార్టీనే అధికారంలో ఉన్నా, ముగ్గురు ముఖ్యమంత్రులుగా పనిచేశారు. ఆంధ్రప్రదేశ్ రాష్ట్ర రాజకీయాలలో కాంగ్రెస్ పార్టీలో ప్రధాన సమస్య ఇదేనని చెబుతారు.

ఎన్టీఆర్ నాయకత్వం నుండి తెలుగుదేశం మార్పు – ఆంధ్రప్రదేశ్ రాజకీయాలు కీలక మలుపులు.

1994లో తెలుగుదేశం మరలా ఎక్కువ సీట్లు గెలుచుకుని ఎన్టీఆర్ నాయకత్వంలో అధికారంలోకి వచ్చింది. అయితే ఈ కాలంలో ఎన్టీఆర్ లక్ష్మీ పార్వతిని పెళ్లిచేసుకోవడం, పాలనలో అవిడ జోక్యం ఎక్కువ అవ్వడంతో తొలిసారి తెలుగుదేశం పార్టీలో చీలిక వచ్చింది. తర్వాత చంద్రబాబు నాయుడు నేతృత్వంలో కొత్త ప్రభుత్వం కొలువుతీరింది. ఈయన 2004 వరకు ఆంధ్రప్రదేశ్ ముఖ్యమంత్రిగా పనిచేశారు.

2004లో కాంగ్రెస్ పార్టీ వైఎస్ఆర్ నేతృత్వంలో అధికారం చేపట్టింది. 2014 రాష్ట్ర విభజన వరకు కాంగ్రెస్ పార్టీ అధికారంలో కొనసాగింది.
తర్వాత ఆంధ్రప్రదేశ్ రాష్ట్రం రెండు తెలుగు రాష్ట్రాలుగా విభజన చెందింది. ఆంధ్రప్రదేశ్ నుండి తెలంగాణ విడిపోయింది.

ముఖ్యంగా తెలుగు రాష్ట్రాలలో తెలంగాణ రాష్ట్రంలో రెండు మార్లు కెసిఆర్ ముఖ్యమంత్రిగా ఉన్నారు. కానీ విభజన తర్వాతి ఆంధ్రపదేశ్ రాష్ట్రంలో ఎన్నిక జరిగిన ప్రతిసారీ అధికార పక్షానికి ఓటమి తప్పలేదు.

2014 ఎన్నికలలో చంద్రబాబు గెలవడానికి కారణం: ఉమ్మడి ఆంధ్రప్రదేశ్ రాష్ట్రంలో హైదరాబాద్ అభివృద్దికి విశేష కృషి చేసిన చంద్రబాబు నాయుడు ఇప్పుడు విభజన ఆంధ్రపదేశ్ ని కూడా వేగంగా అభివృద్ది చేయగలరని ప్రజలు విశ్వసించారని అంటారు.

2019 ఎన్నికలలో జగన్ గెలవడానికి కారణం: ఐదేళ్ల చంద్రబాబు పాలనపై అసంతృప్తి ఒకటి అయితే, జగన్ ఒక్కఛాన్స్ స్లోగన్, జగన్ ప్రచారంలో చేసిన హామీలు మరియు గతంలో వైఎస్ఆర్ ముద్ర…

2024 ఎన్నికలలో మరలా చంద్రబాబు గెలవడానికి కారణం: ఇక్కడ కొంచెం వివరంగా ఆలోచిస్తే….

గతంలో భారీ అసెంబ్లీ స్థానాలు సాధించన ప్రతిసారీ ఆ పార్టీ రెండు దఫాలు అధికారంలోకి వచ్చింది. ఇంకా తెలంగాణలో కూడా రెండుమార్లు కెసిఆర్ అధికారంలోకి రావడంతో, ఏపి ప్రజలు కూడా తమకు రెండవమారు తప్పనిసరిగా పట్టం కడతారనే భావన బలంగా అధికార పక్షంలో ఉండి, తమ పాలనను కొనసాగించడం. (నిజంగా వారు ఇలాంటి భావనకు వచ్చి ఉంటే, వారు ఒక్క లాజిక్ మిస్ అయినట్టే, కారణం 2014లో అభివృద్దిని కాంక్షించే చంద్రబాబుకు అధికారం అప్పగించిన ప్రజలు మరలా అయనకే పట్టం కట్టేవారు కదా…. కానీ ఏపి ప్రజలు కాంక్షించేది అభివృద్ది కాబట్టి అప్పటి ప్రభుత్వ పాలనలో అశించిన స్థాయిలో అభివృద్ది లేదని ప్రేరణ పొందడంతో టిడిపిని ఓడించారు.) 2019 – 2024 జగన్ పాలనపై ప్రజలలో ఉన్న ఆలోచన ధోరణి చాలా సైలెంటుగా ఉంది. ఇది ఏ మీడియా కూడా ఖచ్చితంగా పట్టుకోలేకపోయింది.

2014 చంద్రబాబు పాలనపై ప్రజలు సంతృప్తి చెందకపోవడం, 2019లో చంద్రబాబు ఓటమికి కారణం అయితే, 2019-2024 జగన్ పాలన నచ్చకపోవడం, 2024 జగన్ ఓటమికి ఒక కారణం అయితే, మరొక ప్రధాన కారణం పవన్ కళ్యాణ్ అంటారు. ఆంధ్రప్రదేశ్ రాజకీయాలు కీలక మలుపులు.

చంద్రబాబు నాయుడు ఒక పరిపాలన దక్షుడుగా ప్రజలు గుర్తిస్తే, నిస్వార్ధ నాయకుడిగా పవన్ కళ్యాణ్ ను ప్రజలు నమ్మారు. బిజెపి కలవడం కూటమికి బలం అయ్యింది.

విభజన తర్వాత ఏపిలో మూడు మార్లు ఎన్నికలు జరిగితే, మూడు మార్లు అధికార పక్షం ఓటమి పాలైందంటే, ఏపి ప్రజలకు కావాల్సింది ఏమిటి?

ఏపి ప్రజలలో ఖచ్చితంగా రెండు పార్టీల అభిమానులు ఉంటారు. కానీ ఎంతవరకు అంటే, అది కేవలం కొంతశాతం ఓటింగ్ మాత్రమే తెచ్చుకోగలుగుతారు కానీ వారి అభిమానంతో పార్టీని అధికారంలో తీసుకురావడం కష్టమేనని, మూడుమార్లు ఎన్నికలలో ఇది నిరూపితం అయ్యింది.

సరే ప్రస్తుతం పాలన ఏవిధంగా ఉంటుందో అని ప్రజలు ఆసక్తిగా ఎదురు చూస్తున్నారు. రోజూ వారికుండే సోర్సుల ద్వారా ప్రభుత్వ పనితీరుపై ప్రజల కన్ను ఉంటుంది.