Time brings the best opportunities

Time brings the best opportunities for a life, when you find it, you will have a successful career. జీవితంలో కాలం మంచి అవకాశాలను అందిస్తుంది. ఎవరైతే ఆ అవకాశాలను కొనుగొంటారో? వారు జీవితంలో విజయవంతం అవుతారు.

మన ఉన్న స్థితి నుండి ఇంకా మంచి స్థితికి ఎదగాలనే ఆలోచన అందరికీ ఉంటుంది. కానీ కొందరే ఆలోచనను ఆచరించి విజయవంతం అవుతారు. కానీ కాలం అందరికీ అవకాశాలను ఏదో ఒక రూపంలో తీసుకువస్తుంది. అది బహిర్గతం కాదు. కనుగొనాలి అంటారు.

మన ఆలోచనలో అంతర్లీనంగా ఉండవచ్చును. లేదా మిత్రులు, శ్రేయోభిలాషుల మాటలలో అంతర్లీనంగా ఉండవచ్చును. ఇలా చూస్తే? మన చుట్టూ ఉండే పరిస్థితులు, మనకోసం ఆలోచన చేసే మిత్రులు, మనం పనిచేసే చోట మన వృద్దిన కాంక్షించేవారు, మనతో కాలక్షేపం చేసేవారు…. ఇలా పలు రకాలు మనతో మమేకం అయ్యేవారు ఉంటారు.

ఎవరి మాట ద్వారా ఏ విషయం వినబడుతుందో? ఎవరి ద్వారా ఏ విలువైన సమాచారం వస్తుందో? ఏ అధికారి మనల్ని గమనిస్తున్నారో? ఇలా కాలంలో పరీక్షలు ఉంటాయి. కాలంలో అవకాశాలు ఉంటాయి. అందుకు మన అర్హతను బట్టి, మనకు వచ్చే అవకాశాలు మనకు తెలియాలంటే, పరిచయస్థులతో మంచి సంబంధాలు కొనసాగించడం ప్రధానం.

ఇలా ఎవరి ఒకరి ద్వారా లేదా ఏదో ఒక పరిస్థితి నుండి అవకాశం రావచ్చును. వచ్చిన అవకాశాన్ని వినియోగించుకోవడంలో మనం సఫలీకృతులు కావాలంటే, ప్రస్తుతం చేస్తున్న పనిలో పెండింగ్స్ ఉండకూడదు కదా!

ప్రస్తుతం చేస్తున్న పనిలో పెండింగ్ వర్కులు ఉంటే, అవకాశం వచ్చినప్పుడు, దానిని సద్వినియోగం చేసుకోలేము. ఇంకా అవకాశం భారంగా మారుతుంది. కాబట్టి జీవితంలో చేస్తున్న పనిని ప్రణాళికాబద్దంగా చేయాలి. సమయ పాలన సరిగ్గా ఉన్నప్పుడు, జీవితంలో కాలంలో కలసి వచ్చే అవకాశాలను అంది పుచ్చుకోగం అంటారు.

కావునా 2025 సంవత్సరం ఆరంభం మంచి ప్రణాళికతో మీ మీ వృత్తి పనులు, ఉద్యోగ పనులు, వ్యాపార పనులు చేసుకుని, మంచి వృద్దిని సాధించాలని ఆశిస్తూ…. హ్యాపీ న్యూ ఇయర్ – తెలుగురీడ్స్.కామ్.