నేడు వరకట్నం తీసుకోవడం నేరంగా పరిగణించబడుతుంది. వరకట్నం వేధించి తీసుకోవడం పాపంగా పరిగణింపబడుతుంది. జీవితాన్ని పంచుకునే బాగస్వామి ధర్మపత్ని తెచ్చుకునేందుకు వరకట్నం వద్దని చెబుతూ కరపత్రం తెలుగులో….

వధువు మనసులో మంచి స్థానం పొందు, వరకట్నం వద్దను

పాత రోజులు అయినా, ప్రస్తుత రోజులు అయినా ఆడపిల్లల పెళ్ళి అమ్మానాన్నలకు తీరని కష్టాలనే తీసుకువస్తుంది. ముఖ్యంగా ఆడపిల్లల పెళ్ళి అనగానే వరకట్నం ఎంత? వరకట్నం కోసం కూడబెట్టిన డబ్బు లేకపోతే, ఇక ఆ తల్లిదండ్రుల కష్టాలు వర్ణానీతతం…. ఒక రాబోవు కొత్త రోజులు అయినా ఈ పద్దతి మారుతుందో లేదో తెలియదు… కానీ చదువుకున్న మనం అయినా ఈ వరకట్నం అనే దురాచారం రూపుమాపుదాం…. కనీసం మన వరకట్నం వద్దని నిలబడదాం.

ప్రేమతో జీవించవలసిన ఆలుమగల మద్యలో ఆర్ధిక పరమైన మనస్పర్ధలు రావడానికి వరకట్నమే కారణం అవుతున్నాయి. వరకట్నం పూర్తిగా తేలేదని వేధింపులకు గురయ్యే మహిళలు ఉంటున్నారు. ఇంకా అదనపు కట్నం కోసం వేధించే ఘనులు కూడా ఉంటే, అది మరీ విడ్డూరం…

మనదేశంలో పేదరికం, పేదరికంతో బాధపడే మద్యతరగతి ప్రజలు అదికంగా ఉంటే, వారిలో వివాహం చేయడం, ఇల్లు కట్టడం వంటి విషయాలు గగనంగా మారుతుంది…. పూర్వమెప్పుడో… వివాహాలకు కట్నం ఇచ్చినా అది… తక్కువ మొత్తంలో ఉంటే, నేడు అది అందనంత పెద్ద మొత్తాలుగా మారడం శ్రేయష్కరం కాని విషయం. కాబట్టి వరకట్నం వద్దని చెప్పడం కాదు వరకట్నం వద్దని నిర్ణయించుకోవాలి…. నేటి యువత తర్వాతి తరానికి మార్గదర్శకంగా నిలబడాలంటే, వరకట్నం తీసుకోకుండా వివాహం చేసుకోవాలని సత్సంకల్పం చేసుకోవాలి. అది ఆచరించాలి.

అన్యోన్య దాంపత్యమునకు వరకట్నం వద్దనే మాటే నాంది అయితే

వధువుకు సహజంగానే తండ్రిపై పరమ ప్రీతి ఉంటుంది. అటువంటి తండ్రి తనకు వివాహం చేయడానికి నానా కష్టాలు పడుతుంటే, ఆ కూతురికి సహజంగానే వరుడుపై కోపం కలగవచ్చును… భార్య మనసులో స్థానం పదిల పరచుకోవడానికి, తన పుట్టింటి వారి మేలుకోసం ఒక మంచి మాట చెప్పిన చాలని అంటారు. ఇక వివాహంలో పెద్ద కష్టం అంటే వరకట్నం కోసం డబ్బు సమకూర్చుకోవడమే… అయితే ఆ కష్టం కేవలం ఒక్కమాటతో పోతే, ఆమె మనసు నీ ఇంటి వృద్దిపై ధృడపడిపోతుంది.

ఇంటిలో మహాలక్ష్మీ వలె అల్లరి చేసే అమ్మాయి…. ఒక్కసారి వధువుగా మారి, నీకోసం ఇంటిల్లిపాది ప్రేమకు దూరం అవుతుంది. ఇంటిలోని అన్ని బంధాలకు దూరంగా నీవద్దకు వచ్చేస్తుంది. కేవలం తండ్రి మాటకోసం, నీ మనసేమిటో కూడా తెలియని అమ్మాయి… వధువుగా నిన్ను వరిస్తుంది….

ఎంతో గొప్పదైన మన వివాహ వ్యవస్థ, తర్వాత ఏర్పడే అమూల్యమైన దాంపత్య జీవితం… చక్కగా ఉండడానికి వరకట్నం వద్దని, వధువును వివాహమాడే ధీరులు మనసమాజంలో ఎంత పెరిగితే, అంతలా సమాజంలో స్త్రీ సంతోషపడుతుంది. ఎక్కడ స్త్రీ సంతోషపడుతుందో… అక్కడ దేవతలు సంతోషిస్తారని ప్రతీతి…

శాంతి ఆవశ్యకత కరపత్రం రాయండి! శాంతిగా ఉండే మనసు బాగా ఆలోచన చేయగలిగితే, అశాంతితో ఉండే మనసు అసహనంతో ఉంటుంది. పరిష్కార ధోరణి కానరాదు.

శాంతియుత వాతావరణంలో వ్యక్తి జీవనం ప్రశాంతంగా ఉంటుంది. శాంతస్వభావం ఉన్నవారి మాటతీరు ఆహ్లాదకరంగా ఉంటుంది. శాంతము లేని చోట సౌఖ్యముండదని అంటారు. దైనందిన జీవితంలో సమస్యల వలయం ఏర్పడుతూనే ఉంటే, అశాంతితో ఉన్నవారు ఆ వలయంలో చిక్కుకుంటారు. శాంత చిత్తంలో ఆలోచించేవారు సమస్యలకు పరిష్కార ధోరణితో ముందుకు సాగగలరు.

మనిషి శాంతిగా ఉండడం చేత, తన చుట్టూ ఉండేవారి మనసులో కూడా శాంతిని పెంపొందించగలడు. అందుచేత వ్యక్తి జీవితంలో శాంతి ఆవశ్యకత ఉంది. ఆగ్రహం అవసరం మేరకు ఉండాలి. ఆప్తులపై అనుగ్రహం ఉండాలి. కానీ ఎప్పుడూ ఆగ్రహావేశాలతో మనిషి మమేకం కాకూడదు.

ఆగ్రహావేశాలతో మనిషి మమేకం కావడం చేత తన మనసులో శాంతిని కోల్పోయే అవకాశం ఉంటుంది. స్వస్థత పొందడంలో శాంతియుత స్వభావం చాలా ముఖ్యమంటారు.

ఒక కుటుంబం అయినా, ఒక సంస్థ అయినా సమస్యను ఎదుర్కొనవలసిన ఆగత్యం ఏర్పడుతుంది. ఆ సమయంలో శాంతియుత వాతావరణమే సమస్యకు పరిష్కారం చూపగలదు… కానీ ఆగ్రహావేశాలకు గురయ్యే స్వభావం వలన సమస్య మరింత జఠిలం కాగలదు. కావునా కుటుంబ వృద్దికి కానీ, సంస్థ వృద్దికి కానీ శాంతి ఆవశ్యకత ఎంతైనా ఉంటుంది.

సమాజంలో శాంతి గురించి హితోక్తులు చాలా ఉంటాయి.

మహాభారత యుద్ధం దుర్యోధనుడి అసూయ ధ్వేషము కారణం. కానీ దుర్యోధనుడుకి శాంత స్వభావం లేకపోవడం వలన రాజ్యాధికారం దక్కినా ప్రశాంతంగా జీవించలేకపోయాడు. ప్రతికారేచ్చతో పాండవుల పతనానికి ప్రయత్నించి, తన పతనాన్ని కొనితెచ్చుకున్నాడు.

ధర్మరాజు శాంత స్వభావం వలన, ధీరులైన సోదరులను నియంత్రించగలిగాడు. అతని సంరక్షణకు పరమాత్మ సైతం ప్రయత్నించాడు. యుద్ధం దగ్గరపడుతున్న సమయంలో కూడా ధర్మరాజు ఇరుపక్షాల ప్రయోజనార్ధం శాంతియుత చర్చలకు ప్రయత్నించాడు. సఫలం కాకపోయినా, సమాజంలో కీర్తిని గడించాడు.

అంటే శాంతిగా ఉండడం చేత వ్యక్తి దీర్ఘకాలిక కీర్తిని గడించవచ్చనే అభిప్రాయం ప్రకటితం అవుతుంది.

స్వాతంత్ర సమరంలోనూ శాంతియుత ఉద్యమాలు నడిచాయి.

దేశ స్వాతంత్ర్యం కోసం ఎందరో వీరులు తమ ప్రాణాలు కోల్పోయారు. స్వాతంత్ర్య కాంక్షను దేశవ్యాప్తంగా రగల్చడంలో స్వాతంత్ర్య పోరాట యోధులు విజయవంతం అయ్యారు. అయితే శాంతియుత ఉద్యమాలు చేయడంలో మహాత్మగాంధీ ముందుండి నాయకత్వం వహించారని అంటారు.

చివరకు మన దేశ స్వాతంత్ర్యం కూడా శాంతియుత మార్గంలోనే లభించిందని చెబుతారు.

దీనిని బట్టి శాంతియుతంగా చేసే ప్రయత్నం దీర్ఘకాలిక ప్రయత్నంగా కనిపించినా, అది విజయవంతం అయిన రోజు చారిత్రికరోజుగా మిగిలిపోతుంది.

సమాజంలో శాంతి ఆవశ్యకత చాలా ఉంటుంది.

కారణం సమాజంలో వ్యక్తులతో కూడిన కుటుంబాలు, ఉద్యోగులతో కూడిన సంస్థలు, నిర్ధేశిత విధానలతో నడిచే వ్యవస్థలు… అనేక రంగాలలో అనేక వ్యవస్థలు కీలక పాత్రను పోషిస్తూ ఉంటాయి. అయితే వాటిలో పనిచేసి, ఆయా రంగాలలో వృద్దికి కృషి చేసేది… వ్యక్తులే… అటువంటి వ్యక్తులు శాంతిగా ఉంటేనే, సమాజిక పరిస్థితులు బాగుంటాయి. వ్యవస్థలు, సంస్థలు వృద్దిలోకి వస్తాయి.

ఒకరు అశాంతితో ఉంటే, మరొకరిపై కూడా దాని ప్రభావం పడే అవకాశం ఉంటే, మరొకరి అశాంతి ఇంకొకరి అశాంతికి కారణం కాగలదు… ఎందుకంటే మనిషి మనసు భావాలకు ప్రతిస్పందిస్తూ ఉంటుంది… కాబట్టి సమాజంలో శాంతి ఆవశ్యకత చాలా అవసరం. సమాజంలో శాంతికి వ్యక్తులు, వ్యవస్థలు కృషి చేయాలి…. శాంతి వలననే అభద్రతా భావం తొలగుతుంది.