నినాదాలు ఉద్దేశించబడిన భావనా వ్యాఖ్యలు…. నినాదం అంటే ఒక ఉద్దేశ్యాన్ని తెలియజేస్తూ చేసే బలమైన వ్యాఖ్యగా చెబుతారు. నినాదం ఒక బలమైన విషయాన్ని పరిచయం చేస్తుంది. నినాదాలు నాయకుల మాటలలో ప్రస్ఫుటం అవుతూ ఉంటాయి. కంపెనీల ఉత్పత్తి ప్రచారంలో ప్రస్ఫుటం అవుతాయి. ప్రధాన ఉద్ధేశ్యాన్ని నినాదాలు తెలియజేస్తాయి.

నినాదాలు ఉద్దేశించబడిన భావనా వ్యాఖ్యలు – నినాదం గురించి వివరణ

సమాజంలో అనేక సమస్యలు ఉంటాయి. వాటిలో దీర్ఘకాలిక సమస్యలు ఉంటాయి. అలా దీర్ఘకాలిక సమస్యలతో ఎక్కువమంది సతమతం అవుతున్నప్పుడు, ఎక్కువమందిని ప్రభావితం చేస్తూ, వారిని చైతన్యపరుస్తూ సదరు దీర్ఘకాలిక సమస్య పరిష్కార ప్రయత్నానికి ఒక నాయకుడు అవసరం అయితే, అందరినీ ఆ సమస్యవైపు మళ్ళించడానికి నాయకుడికి ఒక నినాదం అవసరం. ఆ నినాదం సమస్యపై ఉద్యమించడానికి, సమస్య యొక్క ప్రభావం, దాని పరిష్కారం యొక్క ఆవశ్యకతను తెలియజేస్తూ ఉంటుంది. కాబట్టి నినాదం ఒక బలమైన వ్యాఖ్యగా పరిగణిస్తారు. అలాగే సమాజంలో ఎన్నో కంపెనీలు తమ ఉత్పత్తులను మార్కెటింగ్ చేస్తూ ఉంటాయి. కొన్ని బ్రాండెడ్ కంపెనీలు తమ ఉత్పత్తి యొక్క ఆవశ్యకతను తెలియజేసే విధంగా ఒక వ్యాఖ్యను రూపొందించి, దానిని నినాదంగా ప్రచారం చేస్తారు. నినాదం వలన కూడా ఉత్పత్తి ప్రసిద్ది చెందే అవకాశం ఉంటుంది. అంబికా దర్భార్ బత్తి అగరు బత్తి ఉత్పత్తి చేసే సంస్థ… ఈ సంస్థ ప్రధాన నినాదం… భగవంతుడికి భక్తుడికి ఆనుసంధానమైనది. ఇది చాలా చాలా ప్రసిద్ది చెందిన నినాదం. ఇది భక్తి తత్వం గురించి బలమైన భావనను తీసుకువస్తుంది. అలాగే నోకియా వారి నినాదం.. కనెక్టింగ్ పీపులు… ఇది కూడా చాలా ప్రసిద్ది చెందిన నినాదం.

ప్రముఖ వ్యక్తుల నినాదాలు

మన దేశ నాయకులలో గాంధీజి… నినాదం – సత్యం, అహింస నాదేవుళ్ళు. లాల్ బహుదూర్ శాస్త్రి : జై జవాన్, జై కిసాన్ సర్దార్ వల్లభాయ్ పటేల్ : నిజాలను నిర్లక్ష్యం చేస్తే, అవి రెట్టింపు శక్తితో ప్రతీకారం తీర్చుకుంటాయి. జవహర్ లాల్ నెహ్రూ : చెడుని సహిస్తే అది వ్యవస్థనే నాశనం చేస్తుంది. బళ్ళారి రాఘవ : కళ కళకోసం కాదు ప్రజలకోసం. పివి నరసింహారావు : దేశ్ బచావో… దేశ్ బనావో దాశరధి కృష్ణమాచార్యులు : నా తెలంగాణ కోటి రతనాల వీణ కందుకూరి వీరేశలింగం పంతులు : అవసరం అయితే చినిగిన చొక్కా కొనుక్కో కానీ మంచి పుస్తకం వదులుకోకు. భగత్ సింగ్ : విప్లవం వర్ధిల్లాలి లాలా లజపతిరాయ్ : ఆర్యసమాజం నా తల్లి, వైదిక ధర్మం నా తండ్రి. ఇలా నినాదాలు సమాజంలో ప్రజలను చైతన్యవంతం చేయడానికి నాయకులకు ఆయుధాలుగా ఉపయోగపడతాయి. కంపెనీలకు ప్రచారాస్త్రములుగా ఉపయోగపడతాయి. నినాదాలు బలమైన భావనను ఎక్కువమందిలో ఒకేసారి తీసుకురాగలవు. ప్రముఖుల చేత నినాదాలు ఉద్దేశించబడిన భావనా వ్యాఖ్యలు నినాదాలు. లేదా ప్రముఖ కంపెనీల చేత ఉద్దేశించబడిన భావనా వ్యాఖ్యలు నినాదాలు.

మరిన్ని తెలుగురీడ్స్ పోస్టులు

విద్యను అభ్యసించడంలో అర్జునుడి ఎలా ఆదర్శం?

జీవితంలో కర్తవ్య బోధకులు ఎవరు?

దానం గురించి దానం గొప్పతనం

సన్మాన పత్రం ఇన్ తెలుగు

వేచి ఉండడాన్ని నిర్వచించండి

పాఠశాల గురించి తెలుగులో వ్యాసం, పాఠశాలకు ఎందుకు వెళ్లాలి?

పిల్లలు తప్పు చేస్తే ఎలా స్పందించాలి?

అవతారం అర్థం ఏమిటి తెలుగులో

తెలుగు పదాలు పర్యాయ పదాలు అర్ధాలు

లీడర్ అంటే ఎలా ఉండాలి

ఆవిర్భవించింది అనే పదానికి అర్ధం ఏమిటి?

ప్రేరణ తెలుగు పదము అర్ధము

గొప్ప వ్యక్తిగా ఎదగాలి అంటే ఏం చేయాలి?

నిరసన పర్యాయపదాలు నిరసన అర్ధం

కొన్ని తెలుగు పదాలు వాటి అర్ధాలు

హనుమంతుణ్ణి గురించి మీ సొంతమాటల్లో రాయండి! సీతాన్వేషణలో భాగంగా వానర సైన్యంలో కొంతమంది దక్షిణ దిక్కుగా ప్రయాణం చేశారు. అయితే వారికి పెద్ద ఆటంకం వచ్చింది. అదే సముద్రం. సముద్రం దాటితే, సీతమ్మ జాడ కనిపెట్టే అవకాశం ఉంది. అయితే అంత పెద్ద సముద్రం దాటి వెళ్లేవారు ఎవరు?

హనుమంతుణ్ణి గురించి మీ సొంతమాటల్లో రాయండి

వానరలు సముద్రం దగ్గరకొచ్చి, సముద్రం దాటడానికి తమ తమ శక్తి సామర్ధ్యాలను అంచనా వేసుకుంటున్నారు. అందులో ఉన్న హనుమంతుడు మాత్రం మౌనంగానే ఉన్నాడు. అంతా తమ వల్లకాదని తేల్చుకుని, హనుమంతుడే ఈ పని చేయగలడని అందరూ భావిస్తారు. అప్పుడు హనుమంతుణ్ణి వారు సముద్రం దాటాలని సూచిస్తారు. వారంతా హనుమంతుడి శక్తి సామర్ద్యాలను కీర్తిస్తారు. కొందరికి తమ గురించి తమకు తక్కువ అంచనా లేకపోయినా, తమ శక్తి ఏమిటో తము గ్రహించి ఉండకపోవచ్చునని హనుమంతుడిని చూస్తే అర్ధం అవుతుంది. అలాంటివారికి వారి శక్తి గురించి, వారికి తెలియజేయడం వలన కార్యములను సాధించుకోవచ్చని తెలుస్తుంది. తమ తోటివారి ప్రార్ధన మేరకు తన శక్తి ఏమిటో తెలుసుకున్న హనుమంతుడు సముద్రం దాటడానికి పూనుకుంటాడు. అక్కడే ఉన్న పెద్ద కొండపై హనుమంతుడు నిలబడతాడు. తనకు ఈ అవకాశం రావడానికి కారణమైనవారందరిని హనముంతడు స్మరిస్తాడు. దేవతలందరికీ నమస్కరించి, హనుమ తన లక్ష్యం గురించి దృష్టి పెడతాడు. ఇక్కడ హనుమంతుడిని చూడడం వలన ఏదైనా కార్యం తలపెడుతున్నప్పుడు… అందరి అంగీకారం తీసుకుని, దానికి కారణం అయినవారిని స్మరిస్తూ, తనకు శక్తియుక్తులను ప్రసాదించినవారికి నమస్కరించాలని తెలుస్తుంది. కొండపై నిలబడి ఉన్న హనుమ దృష్టి లంకలోకి చేరింది. అంతే ”హనుమంతుడు సముద్రం వైపు చూసి, తన రెండు చెవులు రిక్కించి, వంగి, చేతులను నడుముకు ఆనించి, తోకను ఆకాశం మీదికి పెంచి, పాదాలు దగ్గరగా పెట్టి, గాలి గట్టిగా పీల్చి, తాను నిలబడ్డ కొండను అణగదొక్కి పైకి ఎగిరాడు.”

లక్ష్యం చేధించేవారి మనసు, లక్ష్యమును ముందుగానే చేరుతుందని, హనుమంతుడి గురించి ఆలోచిస్తే అర్ధం

గమనిస్తే… హనుమంతడు సముద్రానికి ఇటువైపున ఉండగానే, హనుమ మనసు సముద్రం అటువైపున ఉన్న లంకానగరంలోకి ప్రయాణం చేసింది. అంటే హనుమ మనసు ముందుగానే లక్ష్యం చేరుకుంది. అలాగే కార్యసాధకుడి మనసు ముందుగానే లక్ష్యం గురించి అవగాహన ఉండాలి. సముద్రంపై ఎగురుతూ వెళుతున్న హనుమంతుడికి ఆతిధ్యం ఇస్తామని ఆహ్వానం అందింది…. సున్నితంగా తిరస్కరించారు. కేవలం లక్ష్యం చేరడానికి రామబాణం మాదిరి హనుమ లంకలోకి అడుగుపెడతాడు. లక్షలమంది వానరలు సీతాన్వేషణకు బయలుదేరితే, హనుమంతుడిపైన మాత్రమే సుగ్రీవుడికి గురి… రాముడికి నమ్మకం కలిగాయి. తనపై నమ్మకం కోల్పోకుండా హనుమంతుడు తన రాజు దగ్గర నడుచుకున్నాడని అర్ధం అవుతుంది. సేవ చేయడంలో హనుమంతుడి కన్నా స్ఫూర్తివంతమైనవారు కానరారు.

మరిన్ని తెలుగురీడ్స్ పోస్టులు

విద్యను అభ్యసించడంలో అర్జునుడి ఎలా ఆదర్శం? జీవితంలో కర్తవ్య బోధకులు ఎవరు? దానం గురించి దానం గొప్పతనం సన్మాన పత్రం ఇన్ తెలుగు వేచి ఉండడాన్ని నిర్వచించండి పాఠశాల గురించి తెలుగులో వ్యాసం, పాఠశాలకు ఎందుకు వెళ్లాలి? పిల్లలు తప్పు చేస్తే ఎలా స్పందించాలి? అవతారం అర్థం ఏమిటి తెలుగులో తెలుగు పదాలు పర్యాయ పదాలు అర్ధాలు లీడర్ అంటే ఎలా ఉండాలి ఆవిర్భవించింది అనే పదానికి అర్ధం ఏమిటి? ప్రేరణ తెలుగు పదము అర్ధము గొప్ప వ్యక్తిగా ఎదగాలి అంటే ఏం చేయాలి? నిరసన పర్యాయపదాలు నిరసన అర్ధం కొన్ని తెలుగు పదాలు వాటి అర్ధాలు

బంధాలు బలపడడానికి ఏం చేయాలి? అక్రమ సంబంధాలను లోకం పసి గడుతుంది. అక్రమ సంబంధాల వలన జరిగిన నష్టానికి తగిన శిక్షను చట్టాలు కూడా అమలు చేస్తాయి. దీని వలన అక్రమ సంబంధం తాత్కాలికమే ఇంకా లోకం వారిని పరువును తీసేస్తుంది. ఇక సక్రమంగా ఏర్పడిన బంధాలు జీవిత కాలం కొనసాగడానికి ఏం చేయాలి?

బంధాలు బలపడడానికి ఏం చేయాలి?

జీవితం చాలా విలువైనది! అందరికీ తెలిసిన విలువైన మాట కూడా ఇదే! అందరూ అశ్రద్ధ చేసే విషయం కూడా ఇదేనని అంటారు. ఎందుకంటే ఎక్కువగా నీరు లభించే చోట, నీటిని ఎలా పడితే అలా వాడినట్టుగా, ఎప్పుడూ అంటి పెట్టుకుని ఉండేవారితో ప్రవర్తన కూడా అలానే ఉంటుందని అంటారు. నీటి కరువు ఉన్న చోట, నీటిని చాలా పొదుపుగా వాడుతారు. నీరు సమృద్దిగా ఉన్న చోట, నీటిలో పడి స్నానం చేసేస్తూ ఉంటారు. అరుదుగా లభించేవాటిని అపురూపంగా చూడడం. విరివిగా లభించేవాటిని విచ్చలవిడిగా వాడడం అలవాటుగా ఉంటే, ప్రమాదం అంచనా వేయకుండా, అది పొంచుకొచ్చి జీవితాన్ని పాడు చేస్తుందని అంటారు. కావునా వెంట తోడు ఉండే బంధాల విలువ ఏమిటో తెలుసుకోవాలి.

సక్రమ సంబంధాలు బలపడడానికి ఏం చేయాలి?

ప్రేమ వివాహం కానీ నిశ్చయ వివాహం కానీ పెద్దల సమక్షంలో జరిగిన వివాహ క్రతువుతో భార్యాభర్తలు అన్యోన్యంగా జీవించడం ప్రధానం. ఎందుకు భార్యభర్తలు కలిసి జీవిస్తే కుటుంబానికి ఒరిగిదేమిటి? వారికి కలిగే సంతానం విషయంలో మేలు కలుగుతుంది. భార్యభర్తల ఇద్దరూ ఒకే మాటపై ఉండడం చేత కలసి మెలసి ఉంటే, ఎంతో బాగుంటుందనే భావన ఉంటుంది. అమ్మా-నాన్న కీచులాడుకుంటూ ఉంటే, పిల్లల మనసులలో భయందోళనలే అధికంగా ఉంటాయి. భార్య భర్తలు ఇద్దరూ ఒక్కటిగా ఉండడం చేత, వారు పిల్లల సంరక్షణలో మమేకం కాగలరు. అందువలన అజ్ఙానంలో ఉండే పిల్లల సక్రమమైన పద్దతిలో ఎదిగే అవకాశాలు ఎక్కువ. అలా కాకుండా అమ్మా నాన్న ఎడమొఖం, పెడమొఖంగా ఉంటే, వారి సంరక్షణలో పిల్లల జీవితం ఎటు మరలుతుందో? ఎవరు ఊహించగలరు? కాబట్టి ఉత్తమ సామాజిక భవిష్యత్తు మంచి పౌరులను తయారు చేయడానికి ఉత్తమ దాంపత్య జీవితం అవసరం కాబట్టి ప్రేమ వివాహం అయినా నిశ్చయ వివాహం అయినా ఏర్పడిన బంధం ఎంతో ప్రధానమైనది అని మరొకరి జీవితాన్ని శాసించే స్థాయిలో దాంపత్యం ఉంటుందని గ్రహించాలి. అప్పుడే భార్యాభర్తలు కలిసేది… సామాజిక ప్రయోజనంతో పాటు వ్యక్తిగత జీవన పారమార్ధిక అంశం దాగుందని అర్ధం అవుతుంది.

సక్రమ సంబంధాలు బలపడడానికి ఏం చేయాలి?

పెద్లల సమక్షంలో ప్రేమ పెళ్ళి జరిగినా? నిశ్చయించుకున్న పెళ్ళి జరిగినా పెళ్ళంటే నూరేళ్ళ పంట అంటారు. ప్రతి సంవత్సరం వచ్చే పంట వలన ఒక కుటుంబం తిని బ్రతకడమే కాకుండా, ఆ ధాన్యం కొనుగోలు చేసినవారు కూడా జీవిస్తారు. అలాగే వివాహం ద్వారా ఏర్పడిన బంధం బలంగా ఉండడం వలన ఆ బంధంతో ఏర్పడే బంధాలు కూడా సక్రమమైన పద్దతిలో పెరిగి క్రమశిక్షణతో కూడిన ప్రవర్తనను కలిగి ఉంటారు. కాబట్టి వివాహ బంధం చాలా చాలా ప్రధానమైనది. విలువైన జీవితాన్ని శాసించేదని గ్రహించాలి కానీ ఇష్టానుసారం ప్రవరించేది కాదని గ్రహించాలి. వివాహ బంధం, పెళ్ళి బంధం.. ఏదైనా దాంపత్యం అంటే కేవలం సెక్స్ కాదు… సామాజికి, పారమార్ధిక ప్రయోజనాలు అని గమనిస్తే, బంధంపై గౌరవం ఏర్పడుతుంది. జీవిత భాగస్వామిపై గౌరవం పెరుగుతుంది.

బంధాలు బలపడడానికి ఏం చేయాలి? చెప్పుడు మాటలకు తావు ఇవ్వకూడదు.

చూసి ఓర్వలేనివారికి చక్కనైన జంట కంటగింపుగానే కనబడతారు. కాబట్టి మీ చుట్టూ అటువంటివారు ఉంటే, వారితో మితంగా మాట్లాడడమే అసలైన మందు అంటారు. ఇరువురి మద్య ఏర్పడిన బంధం ఒక నమ్మకంతో పెరుగుతుంది. ఆ నమ్మకాన్ని వమ్ము చేయకుండా ఇరువురు కలసిమెలసి నడుచుకోవడం ప్రధానం.

మరిన్ని తెలుగురీడ్స్ పోస్టులు

విద్యను అభ్యసించడంలో అర్జునుడి ఎలా ఆదర్శం?

జీవితంలో కర్తవ్య బోధకులు ఎవరు?

దానం గురించి దానం గొప్పతనం

సన్మాన పత్రం ఇన్ తెలుగు

వేచి ఉండడాన్ని నిర్వచించండి

పాఠశాల గురించి తెలుగులో వ్యాసం, పాఠశాలకు ఎందుకు వెళ్లాలి?

పిల్లలు తప్పు చేస్తే ఎలా స్పందించాలి?

అవతారం అర్థం ఏమిటి తెలుగులో

తెలుగు పదాలు పర్యాయ పదాలు అర్ధాలు

లీడర్ అంటే ఎలా ఉండాలి

ఆవిర్భవించింది అనే పదానికి అర్ధం ఏమిటి?

ప్రేరణ తెలుగు పదము అర్ధము

గొప్ప వ్యక్తిగా ఎదగాలి అంటే ఏం చేయాలి?

నిరసన పర్యాయపదాలు నిరసన అర్ధం

కొన్ని తెలుగు పదాలు వాటి అర్ధాలు

‘పల్లెటూళ్ళు ప్రశాంత జీవిత సౌఖ్యానికి పుట్టిళ్ళు’ దీన్ని సమర్థిస్తూ సమాధానం రాయండి. పట్టణంలో ఉన్నంత కాలుష్యం పల్లెటూళ్ళల్లో ఉండదు. కాలుష్యం లేని వాతావరణమే మనిషి ప్రశాంతతకు కారణం కాగలదు కావునా పల్లెటూళ్ళల్లో పల్లెటూరు వాతావరణం ప్రశాంత జీవనానికి అవకాశం ఉంటుంది.

పల్లెటూళ్ళు ప్రశాంత జీవిత సౌఖ్యానికి పుట్టిళ్ళు

మన సమాజంలో నగర జీవనం, పట్టణ జీవనం, పల్లె జీవనం, అటవీ జీవనం… ఇలా మానవులు వివిధ ప్రదేశాలలో జీవనం సాగిస్తూ ఉంటారు. అటవీ జీవనం పల్లెటూళ్ళ కన్నా సహజంగా ఉంటుంది. అయితే అక్కడ క్రూర మృగాలు కూడా ఎక్కువగా ఉంటాయి కాబట్టి మనిషికి ప్రశాంతత ఉండదు. పట్టణాలు, నగరాలు అభివృద్ది చెందిన ప్రదేశాలు. కానీ అక్కడ సంపాదన ఉన్నంతగా వాతావరణంలో సహజత్వం ఉండదు. కాబట్టి వాతావరణం అసహజంగా ఉండడమే మనిషిలో అశాంతికి ఆలవాలం అవుతుంది. పట్టణ, నగర జీవనాలు కేవలం యాంత్రికమైన జీవనంగా కూడా ఉండవచ్చని కొందరి అభిప్రాయంగా చెబుతారు. ఇక పల్లెలు… ఇవి నిజంగానే ప్రశాంతతకు పుట్టిళ్ళుగా అనిపిస్తాయి. పూర్వం మనకు పల్లెలు ఎక్కువ. చక్కని చెట్లు, చక్కని ఇల్లు. చక్కనైన వాతావరణం పల్లెటూరు వాతావరణం, ఆప్యాయంగా పలకరించుకునే బంధాలు. ఊరంతా చుట్టమే అన్నట్టుగా అందరూ బంధుభావనతో మెసులుకుంటారు.

పల్లెటూళ్ళు ప్రశాంత జీవిత సౌఖ్యానికి పుట్టిళ్ళు ఎందుకు?

ముందుగా పల్లెల్లో ఇల్లు చాలా విశాలంగా ఉంటాయి. ఇంకా ఇంటిలో జనం ఎక్కువగా ఉంటారు. ఎప్పుడూ వచ్చిపోయే చుట్టాలు ఉంటారు. మనుషుల మద్య సత్సంబంధాలు ఎక్కువగా ఉంటాయి. విశాలమైన ఇంటి వాతావరణంలో ఉండే చెట్లు చక్కని గాలిని అందిస్తాయి. సాయం వేళల్లో ఇంటి ముందునుండి వెళ్ళేవారి పలకరింపులు ఉంటాయి. ఒకరినొకరు పలకరించుకుంటూ, ఒకరికొకరు సాయం అందించుకుంటూ ఉంటారు. ప్రధానంగా ఏదైనా సమస్య ఎదురైతే ఊరంతా ఒక్కటే నిలబడతారు. అంటే ఊరంతా ఒక్కటేననే భావన పల్లెటూళ్ళల్లో బలంగా ఉంటుంది. ఇలాంటి భావన మనిషికి మరింత మనోబలాన్ని పెంచుతుందని అంటారు. ఊరి క్షేమం కోసం ఉత్సవాలు ఉంటాయి. ఉత్సవాలు జరిగినప్పుడు బంధు మిత్రులకు ఆహ్వానం పంపుతారు. పండుగలు జరుపుకోవడంలో పల్లెలు ముస్తాబయినట్టుగా పట్టణాలలో కుదరదు. పల్లెటూరు వాతావరణం వలన వ్యక్తి జీవనం పల్లెటూళ్ళల్లో సహజ జీవనంగా అనిపిస్తే, పట్టణ, నగరాలలో యాంత్రిక జీవనంగా అనిపిస్తుంది. ప్రకృతి సహజత్వం పల్లె జీవనంలో ఉంటుంది కాబట్టి ‘పల్లెటూళ్ళు ప్రశాంత జీవిత సౌఖ్యానికి పుట్టిళ్ళు’ అని భావిస్తాము.

మరిన్ని తెలుగురీడ్స్ పోస్టులు

విద్యను అభ్యసించడంలో అర్జునుడి ఎలా ఆదర్శం? జీవితంలో కర్తవ్య బోధకులు ఎవరు? దానం గురించి దానం గొప్పతనం సన్మాన పత్రం ఇన్ తెలుగు వేచి ఉండడాన్ని నిర్వచించండి పాఠశాల గురించి తెలుగులో వ్యాసం, పాఠశాలకు ఎందుకు వెళ్లాలి? పిల్లలు తప్పు చేస్తే ఎలా స్పందించాలి? అవతారం అర్థం ఏమిటి తెలుగులో తెలుగు పదాలు పర్యాయ పదాలు అర్ధాలు లీడర్ అంటే ఎలా ఉండాలి ఆవిర్భవించింది అనే పదానికి అర్ధం ఏమిటి? ప్రేరణ తెలుగు పదము అర్ధము గొప్ప వ్యక్తిగా ఎదగాలి అంటే ఏం చేయాలి? నిరసన పర్యాయపదాలు నిరసన అర్ధం కొన్ని తెలుగు పదాలు వాటి అర్ధాలు

వ్యాసం చదవడం వలన ఉపయోగాలు! ప్రతి భాషలోనూ విషయాలను వివరించడం ఉంటుంది. అలాగే తెలుగు భాషలోనూ వివిధ విషయాలపై వివిధ అంశాలలో వివిధ విశేషాలపై వివిధ రకాల తెలుగు వ్యాసాలు ఉంటాయి. అలాంటి తెలుగు వ్యాసాలు చదవడం వలన కలిగే ఉపయోగాలు ఏమిటి?

వ్యాసం చదవడం వలన ఉపయోగాలు

ప్రధానంగా వ్యాసం ఒక విషయం గురించి విజ్ఙాన దృష్టితో వివరించబడి ఉంటుంది. ఒక విషయంపై ఒక వ్యక్తి దృష్టి కోణం నుండి ఒక వ్యాసం ఉంటుంది. ఒక వ్యక్తి గురించి కొందరి అభిప్రాయాల ఆధారంగా మరొక వ్యక్తి వ్యాసం రచించి ఉండవచ్చును. సామాజిక స్పృహ కొద్దీ సామాజిక శ్రేయస్సును కాంక్షిస్తూ ఒక వ్యక్తి వ్యాసం వ్రాసి ఉండవచ్చును. ఒక వస్తువు వలన ప్రయోజనాలు ఏమిటి? అనే ప్రశ్నను సంధిస్తూ ఒక వ్యక్తి వ్యాసం రచించి ఉండవచ్చును. ఒక విషయం వలన సామాజిక పురోగతి ఎలా ఉంటుందో? వివరిస్తూ వ్యాసం ఉండవచ్చును…. ఇలా పలు రకాలు వివిధ అంశాలలో వివిధ విషయాలపై వ్యాసం ఉండవచ్చును. అవి అర్ధవంతంగా విషయాన్ని విపులంగా వివరిస్తాయి. కాబట్టి వ్యాసాలు చదవడం వలన విషయావగాహనకు అవకాశం ఉంటుంది.

తెలుగు వ్యాసాలు – వ్యాసం చదవడం వలన ఉపయోగాలు

ముఖ్యంగా విషయాలలో పరిజ్ఙానం పెంచుకోవడానికి, విషయాలపై ఒక అవగహనకు రావడానికి వ్యాసాలు చదవడం వలన ప్రయోజనం ఉంటుందని అంటారు. గొప్పవారి గురించి తెలుసుకోవచ్చును. చారిత్రిక సంఘటనలను గురించి చదవవచ్చును. సామాజిక అవగాహన ఏర్పరచుకోవచ్చును. నూతన పోకడలను తెలుసుకోవచ్చును. సామాజిక మార్పులు, ప్రభావాలు తెలుసుకోవచ్చును. వివిధ వస్తువుల పుట్టు పుర్వోత్తరాలు తెలుసుకోవచ్చును. సామాజికంగా ప్రభావం చూపే అంశాలలో అవగాహన పెంచుకోవచ్చును. దురభిప్రాయాలపై అవగాహన ఏర్పరచుకోవచ్చును. మనిషి మనుగడ గురించి…. ఇలా ఏదైనా అంశంతో సామాజిక శ్రేయస్సుని సూచిస్తూ… వ్యక్తిగత ప్రభావం చూపే వివిధ విషయాల గురించి విమర్శకులు చేసే అభిప్రాయాలను తెలుసుకోవచ్చును. వ్యాసం విషయాన్ని తెలియజేస్తుంది కాబట్టి విషయ విజ్ఙానం పెంచుకోవడానికి వ్యాసం చదువుతారు. తదితర విధాలుగా వ్యాసం చదవడం వలన ఉపయోగాలు ఉంటాయి.

మరిన్ని తెలుగురీడ్స్ పోస్టులు

విద్యను అభ్యసించడంలో అర్జునుడి ఎలా ఆదర్శం? జీవితంలో కర్తవ్య బోధకులు ఎవరు? దానం గురించి దానం గొప్పతనం సన్మాన పత్రం ఇన్ తెలుగు వేచి ఉండడాన్ని నిర్వచించండి పాఠశాల గురించి తెలుగులో వ్యాసం, పాఠశాలకు ఎందుకు వెళ్లాలి? పిల్లలు తప్పు చేస్తే ఎలా స్పందించాలి? అవతారం అర్థం ఏమిటి తెలుగులో తెలుగు పదాలు పర్యాయ పదాలు అర్ధాలు లీడర్ అంటే ఎలా ఉండాలి ఆవిర్భవించింది అనే పదానికి అర్ధం ఏమిటి? ప్రేరణ తెలుగు పదము అర్ధము గొప్ప వ్యక్తిగా ఎదగాలి అంటే ఏం చేయాలి? నిరసన పర్యాయపదాలు నిరసన అర్ధం కొన్ని తెలుగు పదాలు వాటి అర్ధాలు

చిన్న పిల్లల చేష్టల గురించి మీ సొంత మాటల్లో రాయండి. ఏది ఏమిటో? ఏది ఎందుకో? దేని గుణమేమిటో? అవగాహన లేకపోవడం వలన పిల్లలు పనులు అజ్ఙానంతో చేసే పనులుగా ఉంటాయి. తెలియక చేసే వారి చేష్టల వలన వారికి అపాయం కూడా ఏర్పడవచ్చును. కావునా పిల్లలను తల్లి ఎప్పుడూ సంరక్షిస్తూ ఉంటుంది. ఏదో ఒకటి చేస్తూ…. లేకపోతే ఏడుస్తూ… నిద్రిస్తూ… లేకపోతే ఆడడం… అవగాహన తక్కువ చేష్టలు ఎక్కువ…. నిద్ర ఎక్కువ.. ఇలా బాల్యంలో చిన్న పిల్లల చేష్టలుంటాయి.

అమాయకత్వంతో ఉండే చిన్న పిల్లల చేష్టల ముఖ్యంగా ఎదుటివారిని అనుకరించే అవకాశం ఉంటుంది. అలా అనుకరించడంలో వారికి ఆ చేష్టలపై ఎటువంటి అవగాహన ఉండదు… కానీ చేయడానికి ప్రయత్నం చేస్తూ ఉంటారు. కొందరు చూసినది చూసినట్టుగా చేసే అవకాశం కూడా ఉంటుంది. కావునా చిన్న పిల్లల ముందు పెద్దలు చాలా హుందాగా ప్రవర్తిస్తారు. ఎందుకంటే హుందా ప్రవర్తన వారికి అలవాటు అవుతుందనే సదుద్దేశ్యం పెద్దలలో ఉంటుంది.

చిన్న పిల్లల చేష్టల గురించి

కొందరు పిల్లలు బాల్యం నుండే మొండివారిగా ప్రవర్తిస్తూ ఉంటారు. ప్రతిదానికి పేచి పెట్టడం. కావాలనిపించినది దానికోసం మరితంగా మారాం చేస్తూ ఉంటారు. ఏదైనా కావాలనే మొండితనం లేక పేచీ పెట్టి సాధించుకోవడం చిన్న వయస్సులోనే ప్రారంభం అవుతూ ఉంటుంది.

చిన్న పిల్లల చేష్టలు అసంకల్పితంగా జరిగినట్టుగా ఉంటాయి. తల్లి సంరక్షణలో పిల్లలు అవగాహన ఏర్పరచుకుంటూ ఉంటారు. చిన్న పిల్లల చేష్టల అల్లరిగా అనిపిస్తాయి. ముద్దుగా అనిపిస్తాయి. కానీ ఒక్కొక్కసారి ప్రమాదావశాత్తు ఇబ్బందులకు కూడా ఏర్పడతాయి. ఏమి తెలియనివారికి అన్నింటిని పట్టుకుని ఆడుకోవడమే తెలుసు. కాబట్టి ప్రతి వస్తువుని ఒక ఆట వస్తువుగా బావిస్తారు. ఆడుకోవడానికి ప్రయత్నిస్తారు.

ఇంకా చిన్న పిల్లల చేష్టలలో ఏ వస్తువునైనా నోటిలో పెట్టుకుని చీకడం వంటివి చేస్తారు. ప్రతి వస్తువును వారు అదే పని చేస్తారు. వేడి వస్తువైనా, చల్లగా ఉన్న వస్తువైనా ఏదైనా వారు పట్టుకుని నోటిలోకి తీసుకోవడానికి ప్రయత్నిస్తారు. పిల్లలకు అమ్మ దగ్గర వస్తు వివేకం ఏర్పడుతుంది.

మరిన్ని తెలుగురీడ్స్ పోస్టులు

విద్యను అభ్యసించడంలో అర్జునుడి ఎలా ఆదర్శం?

జీవితంలో కర్తవ్య బోధకులు ఎవరు?

దానం గురించి దానం గొప్పతనం

సన్మాన పత్రం ఇన్ తెలుగు

వేచి ఉండడాన్ని నిర్వచించండి

పాఠశాల గురించి తెలుగులో వ్యాసం, పాఠశాలకు ఎందుకు వెళ్లాలి?

పిల్లలు తప్పు చేస్తే ఎలా స్పందించాలి?

అవతారం అర్థం ఏమిటి తెలుగులో

తెలుగు పదాలు పర్యాయ పదాలు అర్ధాలు

లీడర్ అంటే ఎలా ఉండాలి

ఆవిర్భవించింది అనే పదానికి అర్ధం ఏమిటి?

ప్రేరణ తెలుగు పదము అర్ధము

గొప్ప వ్యక్తిగా ఎదగాలి అంటే ఏం చేయాలి?

నిరసన పర్యాయపదాలు నిరసన అర్ధం

కొన్ని తెలుగు పదాలు వాటి అర్ధాలు

తెలుగు భాషలో ప్రకృతి మీద వ్యాసం! పంచభూతాల ఆధారంగా ప్రకృతి సహజంగా సాదారణ పరిస్థితులలో ఉన్నంతకాలం, మనిషి మనుగడ ప్రశాంతంగా సాగుతుంది. ఎందుకంటే మనిషి శరీరం కూడా పంచభూతాత్మకమైనదిగా చెప్పబడుతుంది. ఇంకా మనసు కూడా ప్రకృతి పరిస్థితిని బట్టి భావన పొందుతుంది. ప్రకృతి మనిషి మనసుపై ప్రభావం చూపుతుంది. అలాగే మనిషి చేష్టలు కూడా ప్రకృతిపై ప్రభావం చూపుతూ ఉంటాయి. రెండు సాదారణ స్థితిలో ఉన్నంతకాలం ప్రకృతి పర్యావరణం సహజంగానే ఉంటుంది. అసాధారణ పరిస్థితులలో ప్రకృతి వలన మనిషికి నష్టం కలుగుతుంది. అలాగే మనిషి అసాధారణ పనుల వలన ప్రకృతికి నష్టం కలుగుతుంది. కాబట్టి ప్రకృతి గురించి ప్రకృతిలో భాగమైన ప్రతివారికి అవగాహన అవసరం.

తెలుగు భాషలో ప్రకృతి మీద వ్యాసం

అనేక జీవరాశులు ప్రకృతి వలన పోషించబడుతూ ఉంటాయి. అనేక వృక్షజాతి చెట్లు, మొక్కలు భూమిపై పెరుగుతూ ఉంటాయి.  చాలా నదులు తమ జలాలతో ప్రవాహాలుగా భూమిపై ప్రవహిస్తాయి… సహజంగా ప్రకృతిలో నివసించే జీవరాశలు, భూమిపై కేవలం తమ ఆహారం కోసం జీవిస్తూ ఉంటాయి. చర జీవులు ఆహారం అందించే అడవులు, చెట్లు, జంతువులు… ఇలా ఒక తరహా జీవ రాశి మరొక తరహా జీవరాశిపై ఆధారపడుతూ ఉంటాయి. ప్రకృతిలో మనిషి కూడా తన ఆహార సముపార్జనకు ప్రకృతిలో లభించే వివిధ వనరులను వినియోగించుకుంటూ ఉంటాడు. ఇతర జీవరాశులు ఆకలి వేసినప్పుడు మాత్రం తమ ఆహార సముపార్జనకు ప్రయత్నిస్తే, మనిషి తన ఆహారం కోసం ఆహార నిల్వకూడా చేసుకోగలుగుతాడు. భవిష్యత్తు అవసరాలకు ప్రకృతిని ఉపయోగించుకుంటూ, ప్రకృతికి హాని తలపెట్టకుండా, తనకు అవసరమైన ఆహార నిల్వలను పెంచుకుంటూ ఉంటాడు. అలా మనిషి కూడా ప్రకృతిలో భాగమై ఉంటాడు. ఇంకా ప్రకృతిలో లభించే చెట్ల వలన మనిషి తనకు అవసరమైన నివాస గృహములను నిర్మించుకోగలడు. ఇలా మనిషి నిత్య జీవనంలో ఉపయోగపడే అనేక వస్తు సంపద అంతా ప్రకృతి ప్రసాదించిన వనరులను ఉపయోగించుకుని రూపొందించబడినవే. మనిషి తన మనుగడకు అవసరమైన అనేక విషయాలలో ప్రకృతిని తనకు కావాల్సిన విధంగా మార్చుకునే తెలివిని కలిగి ఉంటాడు.

సహజమై పర్యావరణ పరిస్థితులు మనిషి మనుగడకు అనుకూలం – తెలుగు భాషలో ప్రకృతి మీద వ్యాసం

మానవ మనుగడకు ఆధారమైన ప్రకృతి, మనిషి మనుగడ ప్రశాంతంగా సాగాలంటే, ప్రకృతి పర్యావరణ పరిస్థితులు సాధారణ స్థితిలోనే ఉండాలి. అంటే వానలు అతిగా కురిస్తే, మనిషి జీవనానికి ఆటంకం కలుగుతుంది. అధిక ఎండలు కాసిన ప్రకృతిలో మనిషికి అనేక ఇబ్బందులు తలెత్తుతాయి. అలాగే అగ్ని మంటలు చెలరేగితే ప్రకృతిలో మనిషి మనుగడ అసాధ్యం…. ఇలా గాలి, నీరు, నిప్పు… ఏది అధికమైనా… ఆస్థితిని మనిషి శరీరం తట్టుకోవడం దుర్లభం… అనేక ప్రాణాలు కోల్పోయే స్థితి కూడా ప్రకృతిలో అసాధారణ పరిస్థితులు ఏర్పడినప్పుడు కలుగుతుంది. భూమి పరిశుభ్రంగా ఉండడం వలన పరిశుభ్రమైన నీరు భూమిపై ప్రవహించే అవకాశం ఉంటుంది. అలాగే గాలి కూడా స్వచ్ఛంగా ఉండే అవకాశం ఉంటుంది. గాలి – నీరు ఎంత శుభ్రంగా ఉంటే, మనిషి సహజంగా అంతటి ఆరోగ్యవంతుడుగా ఉండగలడు అంటారు. కావునా ప్రకృతిని గురించి మనిషి అవగాహన ఏర్పరచుకోవాలి. ప్రకృతి ఎంత సహజంగా ఉంటే, అంత మేలు మానవాళికి కలుగుతుందని ప్రతి ఒక్కరు గుర్తించాలి. చెట్లు ఎక్కువగా ఉండడం వలన ప్రకృతిలో ఆక్సిజన్ శాతం బాగుంటుంది. ఆక్సిజన్ శాతం బాగుంటే, మనిషికి ఆరోగ్యదాయకం అంటారు. ఇలా ప్రకృతి ఎంత సహజంగా ఉంటే, అంతటి ప్రయోజనం మనిషి పొందగలడు.

ప్రకృతి మనిషికి ఆహారమే కాదు ప్రశాంతతను కూడా పంచుతుంది.

కేవలం ఒక్క ఆహారమే కాదు. పరిశీలిస్తే మనిషికి అందమైన ప్రకృతి ఎంతో ప్రశాంతతను కూడా ఇస్తుంది. అనేక ప్రదేశాలలో ఉండే కొండలు, కొండలు మద్య ఉండే చెట్లు, ప్రవాహాలు… ప్రకృతి అందాలు ఆస్వాదించే మనసుకు శాంతి చేకూరుతుందని అంటారు. ఇలా ప్రకృతి సహజంగా ఉండడం చేత మనిషి అనేక విధాలుగా శ్రేయస్సును పొందగలడు. అదే ప్రకృతిని అసహజంగా మారిస్తే, మనిషే మనిషి మనుగడకు చేటు చేసినవాడవుతాడని అంటారు. తెలుగు భాషలో ప్రకృతి మీద వ్యాసం ధన్యవాదాలు.

మరిన్ని తెలుగురీడ్స్ పోస్టులు

విద్యను అభ్యసించడంలో అర్జునుడి ఎలా ఆదర్శం? జీవితంలో కర్తవ్య బోధకులు ఎవరు? దానం గురించి దానం గొప్పతనం సన్మాన పత్రం ఇన్ తెలుగు వేచి ఉండడాన్ని నిర్వచించండి పాఠశాల గురించి తెలుగులో వ్యాసం, పాఠశాలకు ఎందుకు వెళ్లాలి? పిల్లలు తప్పు చేస్తే ఎలా స్పందించాలి? అవతారం అర్థం ఏమిటి తెలుగులో తెలుగు పదాలు పర్యాయ పదాలు అర్ధాలు లీడర్ అంటే ఎలా ఉండాలి ఆవిర్భవించింది అనే పదానికి అర్ధం ఏమిటి? ప్రేరణ తెలుగు పదము అర్ధము గొప్ప వ్యక్తిగా ఎదగాలి అంటే ఏం చేయాలి? నిరసన పర్యాయపదాలు నిరసన అర్ధం కొన్ని తెలుగు పదాలు వాటి అర్ధాలు

ఏదైనా అవగాహన చేసుకోవడం అవసరం అంటారు. అవగాహన లేకపోతే, మాట్లాడటంలో కూడా తడబాటు ఉంటుంది. అవగాహన లేకపోతే వినడంలో కూడా ఆసక్తి ఉండదు. అవగాహన లేకపోతే ఆందోళనతో కూడిన ఆలోచనలకు ఆస్కారం ఉంటుంది. కావునా ఏదైనా అవసరం అయిన విషయంలో అవగాహనా రాహిత్యం ఉండరాదని అంటారు.

జీవితంలో ఏదైనా అవగాహన చేసుకోవడం అవసరం

ప్రయాణం గురించి అవగాహన లేనివారు ఇంకొకరిని అనుసరించవలసిన అవసరం ఏర్పడుతుంది. అలాగే విద్యార్ధికి సబ్జెక్టులో అవగాహన లేకపోతే, స్వయంగా పరీక్షలు విజయవంతం చేయలేడు. అలాగే ఒక చేతివృత్తి పనివానికి, అతని పనిలో పూర్తి అవగాహన లేకపోతే, ఆ వృత్తిలో అతను రాణించలేడు. కాబట్టి అవగాహన చేసుకోవడం అనేది చాలా ముఖ్యమైన విషయం. పదవ తరగతి పరీక్షలు తర్వాత ఏ చదువులు చదవాలి? అనే ప్రశ్నకు బదులు లభించిన విద్యార్ధి కేవలం తన స్నేహితులు చదువుతున్నారనే ఉద్దేశ్యంతో తన చదువుని కొనసాగించే అవకాశం ఉంటుంది. అదే పది పబ్లిక్ పరీక్షలు వ్రాసిన విద్యార్ధికి, జీవితంలో తన లక్ష్యంపై అవగాహన ఉంటే, ఇంటర్మీడియట్ గ్రూపు ఏమి తీసుకోవాలో? ఎలాంటి గ్రూపులో ఏఏ సబ్జెక్టులు ప్రధానం అని తెలుసుకోవడమే కాకుండా… తన శక్తి సామర్ధ్యముల మేరు ఏ గ్రూపు అయితే తను బాగా రాణించగలడో ఒక అవగాహనను ఏర్పరచుకోగలడు. కావునా ఏ విషయంలోనైనా అవగాహ చేసుకోవడం అవసరం అంటారు.

రాజకీయ నాయకుడుకి సమాజం గురించి అవగాహన ఉండడం

ఒక ప్రాంతంలో ఒక రాజకీయ నాయకుడుకి సమాజం గురించి అవగాహన ఉండడం, ఆ సమాజాన్ని ఎలా అభివృద్ది చేయాలో ఒక ప్రణాళిక ఉంటుంది. తన ప్రణాళిక ప్రకారం సమాజానికి అవసరమైన మేలుని చేయగలుగుతారు. సామాజిక అభివృద్దిలో పాలు పంచుకోగలరు. కానీ ఒక రాజకీయ నాయకునికి అవగాహనా రాహిత్యం ఉంటే, సమాజానికి మేలు జరగదని అంటారు. కుటుంబ పెద్దకు అవగాహన ఉండడం వలన తన కుటుంబ సభ్యులకు ఏది మంచిదో? ఏది మంచిది కాదో? తేల్చి చెప్పగలడు. కుటుంబ సభ్యులకు మార్గదర్శకత్వం చేయగలడు. కావునా ఒక వ్యక్తి చిన్నతనం నుండి విషయాల గురించి అవగాహన ఏర్పరచుకోవడం ప్రధానం అంటారు. వయస్సు పెరిగే కొలది అవగాహనా రాహిత్యం తగ్గాలి. అవగాహన పెరగాలి అంటారు.

మరిన్ని తెలుగురీడ్స్ పోస్టులు

విద్యను అభ్యసించడంలో అర్జునుడి ఎలా ఆదర్శం?

జీవితంలో కర్తవ్య బోధకులు ఎవరు?

దానం గురించి దానం గొప్పతనం

సన్మాన పత్రం ఇన్ తెలుగు

వేచి ఉండడాన్ని నిర్వచించండి

పాఠశాల గురించి తెలుగులో వ్యాసం, పాఠశాలకు ఎందుకు వెళ్లాలి?

పిల్లలు తప్పు చేస్తే ఎలా స్పందించాలి?

అవతారం అర్థం ఏమిటి తెలుగులో

తెలుగు పదాలు పర్యాయ పదాలు అర్ధాలు

లీడర్ అంటే ఎలా ఉండాలి

ఆవిర్భవించింది అనే పదానికి అర్ధం ఏమిటి?

ప్రేరణ తెలుగు పదము అర్ధము

గొప్ప వ్యక్తిగా ఎదగాలి అంటే ఏం చేయాలి?

నిరసన పర్యాయపదాలు నిరసన అర్ధం

కొన్ని తెలుగు పదాలు వాటి అర్ధాలు