Telugu Reads

పాఠశాల గురించి తెలుగులో వ్యాసం, పాఠశాలకు ఎందుకు వెళ్లాలి?

సివి రామన్ గురించి ఆర్టికల్ చరిత్రలో ఒక రోజు రామన్ రోజుగా లిఖితమయ్యింది.

సివి రామన్ గురించి ఆర్టికల్ చరిత్రలో ఒక రోజు రామన్ రోజుగా లిఖితమయ్యింది. అదే జాతీయ సైన్స్ దినోత్సవం. ఈయన పూర్తి పేరు చంద్రశేఖర వేంకట రామన్ సైన్సులో ఒక ఎఫెక్ట్ అది రామన్ ఎఫెక్ట్ గా ప్రఖ్యాతి గాంచినది. వైజ్ఙానికరంగంలో తొలి నోబెల్ బహుమతి పొందిన మహనీయుడు. భారతరత్న ఇచ్చి భారత ప్రభుత్వం ఈయనను సత్కరించింది.

బౌతిక శాస్త్రవేత్త అయిన సివి రామన్ 1888 సంవత్సరంలో నవంబర్ ఏడవ తేదిన తిరుచినాపల్లి దగ్గరలో గల అయ్యన్ పెటాయ్ అను గ్రామములో జన్మించారు. ఈయన కుటుంబం వ్యవసాయ కుటుంబం. ఈయన తల్లిదండ్రులు పార్వతి అమ్మాళ్, చంద్రశేఖర్ అయ్యర్… ఈయన తండ్రి ఏవీఎన్ కళాశాలలో లెక్చరర్ గా పనిచేసేవారు. తత్కారణంగా రామన్ బాల్యం విశాఖపట్నంలోనే సాగింది. విద్యాభ్యాసం కూడా అక్కడే.

1904వ సంవత్సరంలో ఈయన ప్రెసిడెన్సీ కాలేజిలో బంగారు పతకం సాధించారు. 1907వ సంవత్సరంలో ఎం.ఏ. డిగ్రీ పట్టా పొందారు. తల్లిదండ్రుల ప్రోత్సాహంతో ప్రభుత్వ ఆర్ధికశాఖలో డిప్యూటి ఎక్కౌంటెంట్ జనరల్ గా జాయిన్ అయ్యారు. పరిశోధనాత్మక దృష్టిగల రామన్ తన పరిశోధనలు కొనసాగించారు. తీరిక సమయాన్ని అంతా పరిశోధనలతోనే సాగించారు. వేకువజామునే ఐసిఎస్ కు వెళ్తూ ఉండేవారు. ఆ తరువాత చేస్తున్న పనిని వదిలి, తనకు ప్రీతికరమైన యూనివర్సిటిలో ఫిజిక్స్ ప్రొపెసర్ గా జాయిన్ అయ్యారు.

పరిశోధనాత్మక దృష్టి ఎప్పుడూ కొత్త ఆవిష్కరణలకు ప్రాణం పోయగలదు. సివి రామన్ పరిశోధనా… సముద్రంలోని నీరు నీలిరంగులోనే ఎందుకుంటుంది? అనే ఆసక్తికరమైన ప్రశ్నపై సాగితే, అలా సివి రామన్ పరిశోధనల ఫలితంగా పుట్టిన ప్రయోగ ఫలితమే రామన్ ఎఫెక్ట్ గా పిలవబడుతుంది.

సముద్రపు నీరు నీలిరంగులో కనబడడానికి కారణం ఈయన తన పరిశోధన ద్వారా తెలియజేశారు. సముద్రజలపు అణువులు సూర్యకాంతిని వివిధ వర్ణాలుగా విభజిస్తాయని…. వివిధ దశలలో వివిధ వర్ణాలుగా వెదజల్లుతాయని ఇంకా నీలి రంగు కిరణాలు మరింత లోతుకు చొచ్చుకు పోతాయని నిరూపితం అయింది. ఈ నీలి రంగు కిరణాల ప్రభావం చేత, సముద్రపు నీరు నీలి రంగులోనే ఉంటుందని చెబుతారు.

కాంతి పరావర్తనం విషయంలో రామన్ ప్రభావం వలన అణువుల నిర్మాణ పరిశీలన చేయడానికి మార్గం సుగమమైంది. తత్ఫలితంగా పరిశ్రమల్లో కృత్రిమ రసాయనిక సమ్మేళనాల పరిశీలనకు సాద్యమైంది. వైద్య రంగంలో అవసరమయ్యే మందుల విశ్లేషణకు ఉపయుక్తం అయ్యింది.

కృషి ఉంటే మనుషులు ఋషులు అవుతారు. అను మాటలకు సివి రామన్ కృషి సరిగ్గా సరిపోతుంది. ఇప్పటికీ చరిత్రలో ఒకరోజును రామన్ రోజుగా చెప్పుకుంటున్నాము. మనదేశంలో జాతీయ సైన్స్ దినోత్సం అంటే రామన్ కనిపెట్టిన ఎఫెక్ట్ పుట్టిన రోజే. రామన్ ఎఫెక్ట్ కాంతి ధర్మాలు

మరిన్ని తెలుగురీడ్స్ పోస్టులు

పాఠశాల గురించి తెలుగులో వ్యాసం, పాఠశాలకు ఎందుకు వెళ్లాలి?

నేటి కాలంలో వృద్ధుల పరిస్థితి

నేటి కాలంలో వృద్ధుల పరిస్థితి దయనీయంగా ఉంటుంది. వారిని పట్టించుకుసే స్థితి ఉండకపోవడం విశేషం. కారణం భార్యాభర్తలిద్దరూ ఉద్యోగస్తులు అయి ఉండవచ్చును. మరొక కారణం తల్లిదండ్రులకు దూరంగా పిల్లల ఉపాధి అవకాశాలు ఉండి ఉండడం కావచ్చును. ఒత్తిడిలో ఉండే యువత పెద్దల స్థితిని పట్టించుకోలేని పరిస్థితి కావచ్చును. కారణం ఏదైనా ఉమ్మడి కుటుంబంలో ఏదో బంధుత్వం ద్వారా సేవలు పొందే వృద్దాప్యం వృద్ధాశ్రమంలో కాలం గడుపుతుంది.

ఎప్పటినుండో స్వేచ్చగా జీవించే పెద్ద హృదయం, చిన్న కుటుంబంలో చిన్నవారి పెత్తనంలో ఇమడలేకపోవడం కూడా ఒక కారణం కావచ్చును. ఏదైనా పెద్దవారు లేవలేని స్థితిలో ఉంటే, వారిని పట్టించుకునే బంధుత్వం కన్నా సేవతత్వం ముందు ఉండే పరిస్థితులు కలగడం కుటుంబ వాతావరణంలో వచ్చే మార్పులకు సంకేతంగా కనిపిస్తుంది.

ఒకప్పుడు ఉమ్మడి కుటుంబంలో పెద్దవారికి అనుయాయులుగా పిల్లలు ఉండడం చేత, పెద్దలంటే భయభక్తులతో ఉండడం. ఇంకా వారు లేవలేని స్థితిలో ఉంటే, వారికి సేవలు చేయడం పరిపాటి. అయితే నేటి కాలంలో వృద్దుల పరిస్థితి, మరొకరిపై ఆధారపడి ఉండవలసిన స్థితి. అయితే ఇటువంటి స్థితిని కొందరు అంగీకరించక వృద్ధాశ్రమంలో ఉండే అవకాశం కూడా ఉంటుంది.

కుటుంబ వాతావరణంలో మార్పులే మనుషుల మద్య

ఏదైనా కుటుంబ వాతావరణంలో మార్పులే మనుషుల మద్య సంబంధాలను శాసిస్తాయి. చిన్న చిన్న కుటుంబం అన్యోన్యంగా జీవించే దంపతుల మద్య పెద్దవారిని అడ్డుగా బావించడం కూడా ఒక రకమైనా కారణం కావచ్చును. ఇంకా పెద్దవారి చాదస్తపు మాటలు నేటి తరం వారికి నచ్చకపోవడం కావచ్చును. కారణాంతరాల వలన వృద్దాప్యం ఆశ్రమం ఆసరాను ఆశిస్తుంది.

మనుషుల మద్య బందమే ముఖ్యం తరువాతే ధనం అని భావించే రోజుల నుండి ధనం సంపాదిస్తే, బంధాలు అవే ఏర్పడతాయనే భావన ఉన్న చోట ప్రేమాభిమానాలు తక్కువగానే ఉండవచ్చును. ఇక ఆ భావనతో సంపాదించిన డబ్బు తీసుకువచ్చే సుఖాలు, మనిషిలో మంచి ఆశయానికి అడ్డుగా మారినా ఆశ్చర్యపడనవసరంలేదని అంటారు. ఇలా సంపాదనకే పెద్ద పీట పడే చోట వృద్దులను పట్టించుకునే స్థితి తక్కువగానే ఉండవచ్చును.

ఒకనాటి భారతీయు కుటుంబ వ్యవస్థకు ఇప్పటి చిన్న కుటుంబ వ్యవస్థకు చాలా వ్యత్యాసం ఉంటాయని పెద్దలు చెబుతూ ఉంటారు. ఆనాటి రోజులలో పెద్లలను సేవించడం ఒక ధర్మం అయితే, ఇప్పుడు డబ్బు తీసుకుని సేవ చేసే స్థితి ఉన్నది. కావునా నేటి కాలంలో వృద్ధుల పరిస్థితి ప్రేమాభిమానాలకు నోచుకోని వయస్సుగా మారిపోతుంది.

అయితే ఇటువంటి వృద్దులను పట్టించుకోలేని స్థితిలో సమాజం ఉండడం శ్రేయష్కరం కాదనే అంటారు. చిన్న పిల్లలకు అమ్మ చేసే సేవ అనిర్వచనీయం… అలాగే వృద్యాప్యంలో పిల్లల ద్వారా పెద్దలు పొందే సేవ కూడా అనిర్వచనీయమేనని అంటారు. కొందరు వృద్దులు పిల్లల స్వభావంతో ఉండవచ్చును. అలాంటివారిని వయస్సులో ఉన్నవారే మంచిగా చూసుకోవాలి.

ధర్మశాస్త్రములు మాతృదేవోభవ, పితృదేవోభవ, ఆచార్యదేవోభవ, అతిధిదేవోభవ అంటున్నాయి… అంటే అమ్మ దైవం, నాన్న దైవం, గురువు దైవం, అతిది దైవం అంటారు. అలా మనకున్న వృద్దులలో ఈ నలుగురిలో ఎవరో ఒకరిగా భావిస్తే, వారికి కష్టం కలగకుండా చూడగలం. అందుకేనేమో… అమ్మానాన్నగురువుఅతిధి దైవంతో చెప్పి ఉంటారు.

మనకు ప్రేమను పంచి ఉంటారు. లేక మనల్ని కన్న తల్తిదండ్రులలో ఎవరికో ఒకరికి వారు ఎనలేని ప్రేమను పంచి ఉంటారు. వెలకట్టలేని సేవ చేసి ఉంటారు. అటువంటి వృద్దులకు ఆసరాగ నిలబడవలసిన అవసరం యువతలో ఉండాలి. మనిషిలో సేవాతత్పరత వృద్దులకు సేవ చేయడం ద్వారానే మరింత ఇనుమడిస్తుందని అంటారు.

వృద్ధులకు ఇష్టమైన పనులు చేస్తూ వారికి సేవ చేస్తూ ఉండడం వలన వారికి కలిగే ఆనందం అనిర్వచనీయం అంటారు.

మరిన్ని తెలుగురీడ్స్ పోస్టులు

పాఠశాల గురించి తెలుగులో వ్యాసం, పాఠశాలకు ఎందుకు వెళ్లాలి?

ఆసక్తిని బట్టి వార్తలు వస్తున్నాయా?

మంచి వ్యక్తులతో ఎందుకు స్నేహం చేయాలి? మంచివారి స్నేహం వల్ల ప్రయోజనాలు ఏమిటి?

మంచి వ్యక్తులతో ఎందుకు స్నేహం చేయాలి? మంచివారి స్నేహం వల్ల ప్రయోజనాలు ఏమిటి? మంచి స్నేహితులను ఎలా సంపాదించుకోవాలి? ఆ స్నేహం కలకాలం ఉండడానికి ఏం చేయాలి? మంచి స్నేహితునికి ఉండవలసిన లక్షణాలు ఏమిటి? ఇన్ని ప్రశ్నలు సమాధానం ఒక్కటే వస్తుంది. మంచిగా ప్రవర్తించు, మంచి స్నేహితుడుగా మారు, నీవే మంచి స్నేహితుడుగా ఉండడం వలన నీ వలన మరొక మంచి స్నేహితుడు మరొకరికి లభిస్తాడు.

తీసుకోవడం కన్నా ఇవ్వడంలో ఆనందం ఉందని గుర్తెరిగినవారు తీసుకోవడం కన్నా ఇవ్వడానికే ప్రాధాన్యతనిస్తారు. ఆలోచన చేయడం కన్నా ఆచరించడం ఉత్తమమని గుర్తెరిగినవారు, ఆలోచన చేయడానికి చూడడం కన్నా తెలిసినది ఆచరించడానికే ప్రాధాన్యతనిస్తారు. ఏదైనా కానీ గుర్తెరిగిన మనసు ఉత్తమమైనదే ఆచరిస్తుంది… అలా మనసు ఏది ఉత్తమమో గుర్తించాలంటే, ఆ మనసుకు చేరువలో ఎప్పుడూ ఒక ఉత్తమ స్నేహితుడు అవసరం అంటారు.

ఎందుకు ఉత్తమ ఆలోచన అంటే, ఉత్తమ ఆలోచన ఉత్తమ ఆచరణకు ప్రేరణ. ఉత్తమ ఆచరణ కలిగినవారితో స్నేహం చేసే మనసు ఉత్తమమైన పనులపై ఆసక్తి పెంచుకుంటుంది. కాబట్టి మంచివారితో స్నేహం చేయడం వలన మంచి పనులపైనే ఆసక్తి నిలబడుతుంది. ఆర్నెళ్ళు సావాసం చేస్తే వారు వీరు అవుతారనే తెలుగు సామెత ప్రకారం మంచి వారితో సహవాసం చేయడం వలన మంచి గుర్తింపు కూడా పెరుగుతుంది.

జీవితంలో ఎన్నో సమస్యలు వస్తూ ఉంటాయి. అన్నీ సమస్యలకు స్వీయ ఆలోచన పరిష్కారం కాకపోవచ్చును. అప్పుడు సరైన సలహా అందించే సజ్జన సాంగత్యం అవసరం.

ఒక్కోసారి సుఖవంతమైన జీవనం సాగుతున్నప్పుడే, తప్పులు చేసేసి.. తరువాత బాధపడేవారు ఉండవచ్చును. అలా సుఖంగా సాగే జీవనంలో మంచి స్నేహితుడు తోడుగా ఉంటే, ఇతరుల విషయంలో తప్పులు జరగకుండా మంచి సలహాలు అందిస్తూ ఉంటాడు. అంటే మంచివారి స్నేహం వల్ల ప్రయోజనాలు ఏమిటి? అంటే మొదటి ప్రయోజనం ముందు చెడ్డపేరు తెచ్చుకోకుండా ఉండగలం. జీవితంలో చెడ్డపేరు తెచ్చుకోకుండా ఉండడమంటే, మంచి పేరును నిలబెట్టుకున్నట్టే కదా!

మంచి వ్యక్తులతో ఎందుకు స్నేహం చేయాలి?

సమాజంలో మంచి ప్రవర్తన కలిగి ఉన్నవారు మంచి మార్గములోనే నడుస్తారు. తమతో స్నేహం చేసేవారిని కూడా ఆ మార్గములోకి తీసుకువచ్చే ప్రయత్నం చేయగలరు.

మంచితనం భాషించేవారు ఓర్పుతో ఉంటారు. అలాంటి వారితో స్నేహం చేయడం వలన ఓరిమి లేనివారికి కూడా సహనం పెరిగే అవకాశం ఉంటుంది.

మంచివ్యక్తి మంచి లక్ష్యంతో ఉంటాడు. అలాంటివానితో స్నేహం చేయడం వలన లక్ష్యం లేనివారికి కూడా ఓ మంచి లక్ష్యం ఏర్పడవచ్చును.

ఆచరణలో ముందుండే మంచివారితో స్నేహం వలన ఆలోచన చేయడం తగ్గించి, తెలిసినదే ఆచరించడంలో ప్రాధాన్యతనిచ్చే అవకాశం ఉంటుంది.

తృప్తిగా ఉండేవారు తమ సహజ స్వభావంతో ప్రశాంతంగా ఉంటారు. అటువంటి వారితో స్నేహం వలన మంచి ప్రయోజనాలు లభిస్తాయని అంటారు.

అసలు మంచి వ్యక్తులతో ఎందుకు స్నేహం చేయాలి? అంటే… మనసు మామూలుగానే అనుసరించే ప్రక్రియను చేస్తుంది. చిన్నప్పుడు అమ్మను చూసి, నాన్నను చూసి, అన్నను చూసి, అక్కను చూసి, బావను చూసి… ఏదో ఒక బంధం చూసి ఏదో ఒక విషయమును అనుసరించి ఉంటాము. అలా అనుసరించి చాలా విషయాలు అనుభవంలోకి వస్తాయి… అయితే చిన్ననాడు అనుసరణ పెద్దయ్యాక తగ్గవచ్చును. కానీ అలవాట్ల విషయంలో మాత్రం అనుసరించడం ఉంటుందని అంటారు. కాబట్టి మంచి అలవాట్లు కొరకు కానీ చెడు అలవాట్లు అబ్బకుండా ఉండడానికి కానీ మంచి స్నేహితునితో స్నేహం శ్రేయష్కరం అంటారు.

అనుసరించే మనసులోకి చెడు అలవాట్లు అబ్బితే, ఆ మనసు కలిగిన వ్యక్తి వ్యసనపరుడుగా చెడ్డ పేరు తెచ్చుకుంటాడు. అదే అనుసరించే మనసుకు మంచి స్నేహితుడి ద్వారా మంచి అలవాట్లు అబ్బితే, అతను మంచి వ్యక్తిగా కీర్తిగడిస్తాడు… కావునా మంచి మిత్రుడి కోసం ప్రయత్నించు… మంచి వారితో స్నేహం వదులుకోకు… మంచి వారితో స్నేహం నిలబడడానికి నిజాయితీగా ఉండడమే మేలు అంటారు.

మంచి స్నేహితులను ఎలా సంపాదించుకోవాలి?

జీవితం ఓ పెద్ద నిరంతరం సాగే బడి అయితే అందులో మనతో మెసిలేవారంతా బంధువులు లేదా స్నేహితులు అయితే… బంధుత్వం చెడిపోకుండా ఎలా సహనంతో ఉంటామో? అలాగే మంచి వారితో స్నేహం విషయంలోనూ సహనంగానే ఉండాలి అంటారు.

ఓర్పు దేవతా లక్షణం అంటారు. సహనంతో ఉంటే సహస్ర మార్గములు కనబడితే, అసహనంగా ఉంటే, ఉన్న మార్గము కూడా ముళ్ళమార్గముగా అనిపిస్తుందని అంటారు. కావునా ఓర్పుతో కూడిన ప్రవర్తన ఎవరినీ దూరం చేయదు.

మన ప్రవర్తన చేత మనకు దగ్గరయ్యేవారు ఉంటారు. అయితే మనకుండే అలవాట్లు వలన మనకు స్నేహితులు పెరుతూ ఉంటే, ఎటువంటి అలవాట్లు ఉంటే, అటువంటి స్నేహం లభించే అవకాశం ఉంటుంది. కావునా మంచి అలవాట్లకు దూరం కావద్దని అంటారు.

వ్యక్తి మొదటి స్నేహితుడు మనసే అంటారు. మనకు మన చుట్టూ ఉండే విషయాలకు వారధి మనసు అయితే అటువంటి మనసుని అదుపులో పెట్టుకుంటే, జీవితంలో ఏదైనా సాధించవచ్చును. కావునా మనసుకు మంచి స్నేహితుడి సహవాసం దూరం చేయవద్దని అంటారు.

ఏది లోకానికిస్తే, లోకం ద్వారా అది తిరిగి లభిస్తే… ఇది ఒక లాజిక్… ఆ ప్రకారం మనం మంచి ప్రవర్తననే పంచితే, మనకు మంచిని పెంచే మంచి స్నేహితులు లభిస్తారు.

ఎవరి స్వభావం వారిదే కానీ ఆపదలో మంచి సలహా ఇచ్చేవారు ఎటువంటి స్వభావమో మనకు తెలియదు. కానీ ఆపద ఎప్పుడూ ఉండదు. కానీ ఎప్పుడూ మనతో ఉండేది మనసు. మనసుకు అలవాటు అనేది ఒక విషయము. ఆ అలవాటు ఎటువంటి విషయాలు అనేది ప్రధానం. మంచి మార్గములో నడిచే మిత్రుడితో స్నేహం ఉండడం వలన మనసుకు మంచి అలవాట్లపై ఆసక్తి పెరుగుతుంది. తాత్కాలిక ప్రయోజనాల కోసం కన్నా దీర్ఘకాలిక ప్రయోజనాలను సన్మార్గంలో సాధించే సజ్జనుల సహవాసం ఉత్తమ సహవాసంగా చెప్పబడుతుంది.

మరిన్ని తెలుగురీడ్స్ పోస్టులు

నేటి నీ కృషి రేపటికి నీకు

ఆంధ్రప్రదేశ్ ఉప ముఖ్యమంత్రి ఎవరు?

అబద్దం చెప్పిన వారి విలువను తగ్గిస్తుంది?

అభివృద్దికి ఆటంకాలు అంటే ఏవి?

అసత్య ప్రచారాలు వాస్తవాలు గురించి

మరిన్ని తెలుగురీడ్స్ పోస్టులు

పాఠశాల గురించి తెలుగులో వ్యాసం, పాఠశాలకు ఎందుకు వెళ్లాలి?

పదవ తరగతి తరువాత ఆలోచన ఎలా?

పదవ తరగతి తరువాత ఆలోచన ఎలా? ఏం చేయాలి?. పదవ తరగతి చదువుతుండగానే, తర్వాతి చదువుల గురించిన ఆలోచన ఉండడం వలన ఏమి చదవాలో, అందుకు ప్రవేశ పరీక్షలు ఏమిటి? అవి ఎప్పుడు జరుగుతాయి? వాటికి ఎప్పటిలోగా దరఖాస్తు చేయవచ్చును…. వంటి విషయాలు తెలుసుకోగలుగుతాము. పదవ తరగతి పూర్తయ్యాక ఆలోచన చేద్దామనే భావన ఉంటే, అది కాలం వృధా కావడానికి కారణం కావచ్చును.

హైస్కూల్ చదువుతుండగానే ప్రతి విద్యార్ధికి, తన బలమేమిటో తనకు తెలియవస్తుంది. ఆ బలంతోనే ముందుకు సాగడానికి మనసు సిద్దపడుతుంది. ముఖ్యంగా పఠ్యాంశములలోనే ఏదో ఒక సబ్జెక్టు అంటే ఇష్టముగా ఉంటుంది. ఆ సబ్జెక్టుకు సంబంధించిన రంగంలో చదువు ముందుకు సాగే విధంగా ప్రణాళిక వేసుకోవడం వలన, పది పూర్తయ్యాక చేయవలసిన పనులపై సరైన అవగాహన ఏర్పడవచ్చును.

ఏదో పెద్దవారు చదివిస్తున్నారు. మనం చదివేస్తున్నాము. పది పరీక్షలు వ్రాసేసి, ఆపై ఆలోచన చేద్దామనుకుంటే మాత్రం పప్పులో కాలేసినట్టే… కారణం కొన్ని ప్రవేశ పరీక్షలకు సమయం మిగలకపోవచ్చును. మన ఆలోచనలు పూర్తయ్యి, ఏదైనా డిప్లొమా చేద్దామనుకుంటే, దానికి దరఖాస్తు గడువు ముగిసిపోయి ఉండవచ్చును. లేదా ఏదైనా ఎంట్రన్స్ ఎగ్జామ్ వ్రాద్దామనుకుంటే, దానికి గడువు దగ్గరపడి ఉండవచ్చును…. ప్రిపేర్ కావడానికి సమయం ఉండకపోవచ్చును…. ఇలా ఒక సంవత్సర కాలం మనకు నచ్చిన కోర్సులో జాప్యం ఏర్పడవచ్చును…. కావునా పదవ తరగతి తరువాత ఆలోచన? మనసులో ముందునుండే ప్రణాళిక అవసరం.

చదువుతున్న కాలంలోనే ఆసక్తి ఏమిటి? క్రీడలంటే ఆసక్తి ఉంటే, ఆసక్తి ఉన్న క్రీడలలో ఉత్తమ సాధన చేయడం… ఆ క్రీడలలో పాల్గొనడం మొదటి నుండి ఎలా అవసరమో… ఏదైనా ఒక రంగంలో ఉన్నత స్థానానికి వెళ్ళడానికి, ఆ రంగానికి సంబంధించిన చదువులో విశేష కృషి కూడా అంతే అవసరం.

కాబట్టి ఎందుకు చదువుతున్నాము? ఏమిటి చదివితే మన జీవితంలో మనం ఉన్నత స్థితికి చేరగలం… అసలు మన ఆసక్తి ఏమిటి? ఈ ప్రశ్నకు సమాధానం లభిస్తే, పదవ తరగతి పూర్తయ్యాక తరువాత ఆలోచన ఏమిటనేది ప్రస్ఫుటం కావచ్చును.

ముఖ్యంగా మాథ్స్, ఫిజిక్స్, కెమిస్ట్రీ వంటి సబ్జెక్టులలో మార్కుల శాతం ఎప్పుడూ బాగుంటే, ఇంజనీరింగ్ రంగం, లేకపోతే పోటీ పరీక్షలకు సిద్దపడడానికి అనుకూలమైన గ్రూపుల గురించి అవగాహన అవసరం. డిప్లొమా కోర్సుల గురించి, ఒకేషనల్ కోర్సుల గురించి, ఇంటర్మీడియట్ గ్రూపుల గురించి…

పదవ తరగతి తరువాత ఉండే ఇంటర్మీడియట్ గ్రూపులు

ఇంటర్మీడియట్ బోర్డు రకరకాలు కాంబినేషన్లలో సుమారు 85 గ్రూపులను రూపొందించింది. అయితే ఇందులో కొన్ని కాంబినేషన్లలో మాత్రమే చాలామంది విద్యార్థులు చేరుతున్నారు. వివిధ కాలేజీలూ వాటిపైనే దృష్టి సారిస్తున్నాయి. ఇవి చాలా పాపులర్ గ్రూపులు.

ఎంపీసీ (మ్యాథ్స్, ఫిజిక్స్, కెమిస్ట్రీ)
బీపీసీ (బోటనీ, జువాలజీ, ఫిజిక్స్, కెమిస్ట్రీ)
సీఈసీ (కామర్స్, ఎకనమిక్స్, సివిక్స్)
ఎంఈసీ (మ్యాథ్స్, ఎకనమిక్స్, కామర్స్)
హెచ్ఈసీ (హిస్టరీ, ఎకనమిక్స్, సివిక్స్)

ఇంజనీరింగ్ రంగంలో స్థిరపడాలనే నిశ్చయం ఉన్నవారు… ఎంపిసి గ్రూపును ఎంపిక చేసుకుంటారు. సివిల్, మెకానికల్, ఎలక్ట్రికల్, ఎలక్ట్రానిక్స్, కంప్యూటర్స్, ఏరోనాటిక్స్, అగ్రికల్చర్/ ఇండస్ట్రియల్ వంటి వివిధ రంగాలలో ఇంజనీరింగ్ చేయవచ్చునని అంటారు. ఐఐటిలో ప్రవేశించడానికి ఎంపిసి గ్రూపులో ప్రదమశ్రేణి మార్కులు అవసరం.

వైద్యరంగంలో స్థిరపడాలనే నిశ్చయం ఉన్నవారు… బైపిసి గ్రూపును ఎంపిక చేసుకుంటారు. బయోటెక్నాలజీ, బయోకెమిస్ట్రీ, మైక్రోబయాలజీ, ఫార్మసీ, జెనెటిక్స్, అగ్రికల్చర్, ఆక్వాకల్చర్, ఆస్ట్రానమీ, బయోఇన్ఫర్మాటిక్స్, బయోస్టాటిస్టిక్స్, ఎన్విరాన్‌మెంటల్ సైన్స్, ఫుడ్‌టెక్నాలజీ అండ్ ప్రాసెసింగ్, ఫారెస్ట్ రేంజర్, జియాలజీ, హార్టికల్చర్, హోంసైన్స్, మాలిక్యులార్ బయాలజీ, ఓషనోగ్రఫీ, ప్లాంట్‌పాథాలజీ వంటి రంగాలలో అవకాశాలు ఉంటాయి.

చార్టెర్డ్ అకౌంటెంట్లు, కంపెనీ సెక్రెటరీలు, కమర్షియల్ లాయర్లు, బ్యాంకు మేనేజర్, చార్టెర్డ్ ఫైనాన్షియల్ అనలిస్ట్, ట్యాక్స్ ఆడిటర్ వంటి వివిధ రంగాలలో స్ధిరపడాలనే ఆసక్తి ఉన్నవారు సిఇసి, ఎంఇసి వంటి గ్రూపులు ఎంచుకుంటారు. సీఏ, ఐసీడబ్ల్యూఏ, బిజినెస్ మేనేజ్‌మెంట్, కంప్యూటర్ రంగాల్లో ఉన్నత విద్యను అభ్యసించడానికి ఈ గ్రూపులలో చదవడం వలన అవకాశాలు బాగుంటాయని అంటారు.

ఇంక ఆర్ట్స్ గ్రూపులలో చేరడం ద్వారా పోటీ పరీక్షలకు ప్రిపేర్ అవుతూ ఉంటారు. యూపీఎస్‌సీ పోటీ పరీక్షలలో నెగ్గి మంచి ఉద్యోగ ప్రయత్నాలు చేయడానికి అవకాశాలు ఉంటాయి.

ఒకేషనల్ కోర్సులలో అయితే వృత్తివిద్యా కోర్సులు ఉంటాయి. ఇంజినీరింగ్ అండ్ టెక్నాలజీ, హెల్త్ అండ్ పారామెడికల్, బిజినెస్ అండ్ కామర్స్, వ్యవసాయ-వ్యవసాయాధారిత, హోంసైన్స్ తదితర రంగాల నుంచి మొత్తం 29 రకాల కోర్సులను అందిస్తున్న వృత్తులలో నచ్చినది ఎంపిక చేసుకుని, వృత్తి విద్యా లేదా ఒకేషనల్ కోర్స్ చదవవచ్చును.

2 ఇయర్స్ ఒకేషనల్ కోర్సులు పదవ తరగతి తరువాత ఆలోచన

అగ్రికల్చర్ అండ్ వెటర్నరీ సైన్స్: పట్టుపరిశ్రమ (సెరికల్చర్), క్రాప్‌ప్రొడక్షన్ మేనేజ్‌మెంట్, డైరీయింగ్, ఫిషరీస్.

బిజినెస్ అండ్ కామర్స్ : మార్కెటింగ్ అండ్ సేల్స్‌మేన్‌షిప్, ఆఫీస్ అసిస్టెంట్‌షిప్, అకౌంట్స్ అండ్ టాక్సేషన్, బ్యాంకింగ్ అండ్ ఫైనాన్షియల్ సర్వీసెస్, ఇన్స్యూరెన్స్ అండ్ మార్కెటింగ్.
హ్యుమానిటీస్ అండ్ అదర్స్ : టూరిజం అండ్ ట్రావెల్ టెక్నిక్స్.
ఇంజినీరింగ్ అండ్ టెక్నాలజీ: కంప్యూటర్ సైన్స్, ఎలక్ట్రానిక్స్ ఇంజినీరింగ్ టెక్నీషియన్, ఆటోమొబైల్ ఇంజినీరింగ్ టెక్నీషియన్, రూరల్ ఇంజినీరింగ్ టెక్నీషియన్, వాటర్‌సప్త్లె అండ్ శానిటరీ ఇంజినీరింగ్, ఎలక్ట్రికల్ వైరింగ్ అండ్ సర్వీసింగ్ ఆఫ్ ఎలక్ట్రికల్ అప్లయన్సెస్, కన్‌స్ట్రక్షన్ టెక్నాలజీ, కంప్యూటర్ గ్రాఫిక్స్ అండ్ యానిమేషన్, డీటీపీ అండ్ ప్రింటింగ్ టెక్నాలజీ.
హెల్త్ అండ్ పారామెడికల్: మెడికల్ ల్యాబ్ టెక్నీషియన్ (ఎం.ఎల్.టి.), మల్టిపర్పస్ హెల్త్ వర్కర్ (ఫీమేల్), ఫిజియోథెరపీ, ఆప్తాల్మిక్ టెక్నీషియన్, డెంటల్ టెక్నీషియన్, డెంటల్ హైజీనిస్ట్.
హోంసైన్స్ : కమర్షియల్ గార్మెంట్ అండ్ డిజైన్ మేకింగ్, ఫ్యాషన్ గార్మెంట్ మేకింగ్, ప్రీస్కూల్ టీచర్ ట్రైనింగ్, హోటల్ ఆపరేషన్.

3 ఇయర్స్ డిప్లొమో కోర్సులు

సివిల్ ఇంజినీరింగ్, ఆర్కిటెక్చరల్ అసిస్టెంట్‌షిప్, మెకానికల్, ఆటోమొబైల్, ప్యాకేజింగ్ టెక్నాలజీ, ఎలక్ట్రికల్ అండ్ ఎలక్ట్రానిక్స్, ఎలక్ట్రానిక్స్ అండ్ కమ్యూనికేషన్, అప్త్లెడ్ ఎలక్ట్రానిక్స్ అండ్ ఇన్‌స్ట్రుమెంటేషన్, కంప్యూటర్ ఇంజినీరింగ్, ఐటీ, మైనింగ్ ఇంజినీరింగ్, కెమికల్ ఇంజినీరింగ్ (సుగర్ టెక్నాలజీ), ప్రింటింగ్ టెక్నాలజీ, కంప్యూటర్ అండ్ కమర్షియల్ ప్రాక్టీస్.

3.5 ఇయర్స్ డిప్లొమో కోర్సులు

మెటలర్జికల్, టెక్స్‌టైల్ టెక్నాలజీ, కెమికల్, కెమికల్(ఆయిల్ టెక్నాలజీ, పెట్రోకెమికల్, ప్లాస్టిక్స్ అండ్ పాలిమర్స్), సిరామిక్, లెదర్ టెక్నాలజీ, లెదర్ గూడ్స్ అండ్ ఫుట్‌వేర్ టెక్నాలజీ.

ఎలక్ట్రానిక్స్‌లో స్పెషల్ డిప్లొమా కోర్సులు

ఎంబెడెడ్ సిస్టమ్స్, కంప్యూటర్ ఇంజినీరింగ్, కమ్యూనికేషన్ ఇంజినీరింగ్, ఇండస్ట్రియల్ ఎలక్ట్రానిక్స్, ఎలక్ట్రానిక్స్ అండ్ వీడియో ఇంజినీరింగ్, టీవీ అండ్ సౌండ్ ఇంజినీరింగ్, బయోమెడికల్ ఇంజినీరింగ్.

డిప్లొమా పూర్తి చేశాకా ఉద్యోగ అవకాశాలు ఉండే రంగాలు అంటూ ఈ క్రింది విధంగా చెప్పబడుతున్నాయి.

సివిల్ ఇంజినీరింగ్: నీటిపారుదల, పబ్లిక్ హెల్త్, రోడ్లు, భవనాలు, రైల్వే, సర్వే, డ్రాయింగ్, నీటిసరఫరా, తదితర ప్రభుత్వ/ ప్రైవేటు రంగాలు.
ఆర్కిటెక్చరల్ అసిస్టెంట్‌షిప్: డిజైన్, డ్రాయింగ్ శాఖలు, మునిసిపాలిటీల్లో లైసెన్స్ డిజైనర్, డ్రాఫ్ట్స్‌మెన్.
మెకానికల్ ఇంజినీరింగ్: మెషినరీ, ట్రాన్స్‌పోర్ట్, ప్రొడక్షన్ యూనిట్లలో వర్క్‌షాపులు, గ్యారేజీల్లో అవకాశాలు.
ఆటోమొబైల్ ఇంజినీరింగ్: ఏపీఎస్ఆర్టీసీ, రవాణా రంగం, ఆటోమొబైల్ షోరూమ్‌లు, రోడ్ ట్రాన్స్‌పోర్ట్ అథారిటీ.
ప్యాకేజింగ్ టెక్నాలజీ: ఫార్మాస్యూటికల్, ఫుడ్, బెవరేజ్, పేపర్, ప్లాస్టిక్ తదితర రంగాల్లో ప్యాకేజింగ్ విభాగాల్లో అవకాశాలు.
ఎలక్ట్రికల్ అండ్ ఎలక్ట్రానిక్స్ ఇంజినీరింగ్: ఏపీజెన్‌కో, ఏపీట్రాన్స్‌కో, డీసీఎల్ లాంటి సంస్థల్లో ఉపాధి.
ఎలక్ట్రానిక్స్ అండ్ కమ్యూనికేషన్ ఇంజినీరింగ్: ఆలిండియా రేడియో, దూరదర్శన్, కమ్యూనికేషన్, ఎలక్ట్రానిక్స్ పరిశ్రమల్లో అవకాశాలు.
అప్త్లెడ్ ఎలక్ట్రానిక్స్ అండ్ ఇన్‌స్ట్రుమెంటేషన్: ప్రాసెస్, ఎలక్ట్రానిక్ పరిశ్రమల్లో.
కంప్యూటర్ ఇంజినీరింగ్: కంప్యూటర్ మెయిన్‌టెనెన్స్, సాఫ్ట్‌వేర్ డెవలప్‌మెంట్, కంప్యూటర్ ట్రెయినింగ్ తదితర రంగాల్లో.
ఇన్ఫర్మేషన్ టెక్నాలజీ: అన్ని సాఫ్ట్‌వేర్ డెవలప్‌మెంట్ కంపెనీల్లో.
మైనింగ్ ఇంజినీరింగ్: గనులు, ఎస్.సి.సి.ఎల్., ఎన్.ఎం.డి.సి., తదితర సంస్థల్లో.
కెమికల్ ఇంజినీరింగ్ (సుగర్ టెక్నాలజీ): పేపర్, సుగర్, పెట్రో కెమికల్, ప్లాస్టిక్స్, ఫుడ్ ప్రాసెసింగ్ పరిశ్రమల్లో.
ప్రింటింగ్ టెక్నాలజీ: కంపోజింగ్ డీటీపీ, ఫిల్మ్ మేకింగ్, ప్రింటింగ్ రంగాల్లో.
కమర్షియల్ అండ్ కంప్యూటర్ ప్రాక్టీస్: ప్రభుత్వ, ప్రైవేటు కార్యాలయాల్లో స్టెనో, టైపిస్ట్, కంప్యూటర్ ఆపరేటర్; రీటైల్ వ్యాపార రంగంలో వకాశాలు.
ఎలక్ట్రానిక్స్‌లో స్పెషల్ డిప్లొమా కోర్సులు
ఎంబెడెడ్ సిస్టమ్స్: ఎలక్ట్రానిక్ ఐసీ సర్క్యూట్ల తయారీ రంగం.
కంప్యూటర్ ఇంజినీరింగ్: కంప్యూటర్ మెయిన్‌టెనెన్స్, సాఫ్ట్‌వేర్ డెవలప్‌మెంట్, కంప్యూటర్ శిక్షణ సంస్థల్లో.
కమ్యూనికేషన్ ఇంజినీరింగ్: ప్రాసెస్, ఎలక్ట్రానిక్స్ పరిశ్రమలు.
ఇండస్ట్రియల్ ఎలక్ట్రానిక్స్: ఎలక్ట్రానిక్ ఐసీ సర్క్యూట్స్ తయారీ రంగం, ప్రాసెస్, ఎలక్ట్రానిక్ పరిశ్రమలు.
టీవీ అండ్ సౌండ్ ఇంజినీరింగ్: ఆలిండియా రేడియో, దూరదర్శన్, ప్రైవేటు టీవీ ఛానెళ్లు, ప్రభుత్వ-కార్పొరేట్ హాస్పిటళ్లలో.
బయోమెడికల్ ఇంజినీరింగ్: మెడికల్ రిసెర్చ్ సంస్థలు, హాస్పిటళ్లు.
మెటలర్జికల్ ఇంజినీరింగ్: ఫౌండ్రీలు, స్టీల్ ప్లాంట్స్, ఫోర్జ్ షాప్స్, రోలింగ్ మిల్లులు, హీట్ ట్రీట్‌మెంట్ షాప్స్,
టెక్స్‌టైల్ టెక్నాలజీ: టెక్స్‌టైల్ మిల్లులు, వస్త్రాల ఎగుమతి పరిశ్రమల్లో.
కెమికల్ ఇంజినీరింగ్: కెమికల్, రిఫైనరీ, పెట్రోకెమికల్ పరిశ్రమలు. కెమికల్ ఇంజినీరింగ్ (ఆయిల్ టెక్నాలజీ): రిఫైనరీ, పేపర్, సుగర్, పెట్రోకెమికల్, ప్లాస్టిక్స్, ఫుడ్ ప్రాసెస్ పరిశ్రమలు. కెమికల్ ఇంజినీరింగ్ (పెట్రో కెమికల్): రిఫైనరీ, పెట్రో కెమికల్, కెమికల్ పరిశ్రమలు. కెమికల్ ఇంజినీరింగ్ (ప్లాస్టిక్స్ అండ్ పాలిమర్స్): కెమికల్ పాలిమర్, ప్లాస్టిక్ పరిశ్రమలు.
సిరామిక్ టెక్నాలజీ: రిఫ్రాక్టరీ, ఇటుకబట్టీలు, సిమెంట్, గ్లాస్, సిరామిక్, శానిటరీ వేర్ తదితర రంగాలు.
లెదర్ టెక్నాలజీ: ట్యానరీ, ఫుట్‌వేర్ పరిశ్రమలు.
ఫుట్‌వేర్ టెక్నాలజీ (లెదర్): ఫుట్‌వేర్ మాన్యుఫాక్చరింగ్ అండ్ లెదర్ టెక్నాలజీ.

APRJC

ఆంధ్రప్రదేశ్ రెసిడెన్షియల్ జూనియర్ కళాశాలల్లో ప్రవేశ పరీక్షలు జరుగుతాయి. దీనిలో ప్రవేశించగలిగితే, ఆ సంస్థే విద్యార్ధికి నాణ్యమైన చదువును అందిస్తుంది. వసతి సౌకర్యం కూడా కల్పిస్తుంది.

చదివే ఆర్ధిక స్థోమత తక్కువగా ఉన్నవారు పదవతరగతి తరువాత వెంటనే ఉపాధి అవకాశం కోసం ఎదురుచూసేవారు ఎంచుకునేది ఐ.టి.ఐ. ఇది రెండేళ్ళ కోర్సు… కోర్స్ పూర్తయ్యాక అప్రెంటీస్ పూర్తి చేస్తే, వివిధ పరిశ్రమలలో ఉపాధి అవకాశాలు ఉంటాయి. ఐటిఐ పూర్తి చేసుకుని కూడా డిప్లొమో చదవుకోవచ్చును… ఉద్యోగం చేస్తూ… ఆ ప్రయత్నం చేయవచ్చును.

ఐటిఐ ట్రేడులు

అటెండెంట్ ఆపరేటర్ (కెమికల్), డ్రాఫ్ట్స్‌మన్ (సివిల్), డ్రాఫ్ట్స్‌మన్ (మెకానికల్), ఎలక్ట్రీషియన్, ఎలక్ట్రానిక్ మెకానిక్, ఎలక్ట్రానిక్స్ అండ్ కమ్యూనికేషన్ సిస్టం, ఫిట్టర్, ఇన్ఫర్మేషన్ టెక్నాలజీ అండ్ ఎలక్ట్రానిక్స్ సిస్టం మెయిన్‌టెనెన్స్, ఇన్‌స్ట్రుమెంట్ మెకానిక్, ల్యాబ్ అసిస్టెంట్ (కెమికల్), రేడియో-టీవీ మెకానిక్, మెషినిస్ట్, మెషినిస్ట్ (గ్రైండర్), మెయిన్‌టెనెన్స్ మెకానిక్ మిషన్ టూల్, మెరైన్ ఫిట్టర్, మోటార్ వెహికల్ మెకానిక్, టర్నర్, వెజల్ నావిగేటర్, వైర్‌మన్, ఇన్‌స్ట్రుమెంట్ మెకానిక్ (కెమికల్), మెకానిక్ కంజ్యూమర్ ఎలక్ట్రానిక్స్, రెఫ్రిజిరేషన్ అండ్ ఎయిర్ కండిషనర్ మెకానిక్. పెయింటర్ (జనరల్), మెకానిక్ (డీజిల్), మౌల్డర్, ప్లాస్టిక్ ప్రాసెసింగ్ ఆపరేటర్, శానిటరీ హార్డ్‌వేర్ ఫిట్టర్, సైంటిఫిక్ గ్లాస్ అండ్ నియాన్ సైన్స్, షీట్‌మెటల్ వర్కర్, వెల్డర్ (గ్యాస్ అండ్ ఎలక్ట్రానిక్), బుక్‌బైండింగ్, కార్పెంటర్, కంప్యూటర్ ఆపరేటర్ అండ్ ప్రోగ్రామింగ్ అసిస్టెంట్, కటింగ్ అండ్ స్యూయింగ్, డ్రెస్‌మేకింగ్, హార్టికల్చర్, లిథో- ఆఫ్‌సెట్ మెషిన్ మైండర్, మాసన్, మెడికల్ ట్రాన్స్‌క్రిప్షన్, ప్లంబర్, ప్రి ప్రిపరేటరీ స్కూల్ మేనేజ్‌మెంట్ (అసిస్టెంట్), స్టెనోగ్రఫీ (ఇంగ్లిష్), వెల్డింగ్ (గ్యాస్ అండ్ ఎలక్ట్రిక్). ఎలక్ట్రికల్, ఎలక్ట్రానిక్స్, హాస్పిటాలిటీ, ఇన్‌ఫర్మేషన్ టెక్నాలజీ, ప్రొడక్షన్ అండ్ మాన్యుఫాక్చరింగ్, ఆటోమొబైల్స్, ప్లాస్టిక్ ప్రాసెసింగ్, ఇన్‌స్ట్రుమెంటేషన్, కెమికల్, లెదర్, అపెరల్, రిఫ్రిజరేషన్ అండ్ ఎయిర్‌కండిషనింగ్, ఫ్యాబ్రికేషన్ (ఫిట్టింగ్, వెల్డింగ్), ఫుడ్ ప్రాసెసింగ్, అగ్రికల్చర్ మెషినరీ, కన్‌స్ట్రక్షన్ ఉడ్ వర్కింగ్, ప్రాసెస్ ప్లాంట్ మెయిన్‌టెనెన్స్, ఎంటర్‌ప్రెన్యూర్‌షిప్, టూరిజం, బ్యాంబూ, ఇండస్ట్రియల్ ఆటోమేషన్, టెక్స్‌టైల్ టెక్నాలజీ.

జీవితంలో ఉత్తమ స్థితికి ఎదగడానికి పదవ తరగతి పునాది అయితే, పదవ తరగతి చదివేటప్పుడే మనము ఏమి కావాలో నిశ్చయం అయి ఉంటే, చదువు ఎంపికలో ఆ నిశ్చయం మార్గనిర్ధేశం చేయగలదని అంటారు. కావునా మన ఆసక్తి ఏమిటో మనం గుర్తించాలి. చెప్పేవారు చెబుతూ ఉంటారు. అలాగే మన మనసు కూడా చెబుతూ ఉంటుంది. అది ఆసక్తి రూపంలో తెలియబడుతుంటే, అది ఏమిటో గుర్తించి, దానికనుగుణంగా సాధన చేస్తే మంచి స్థితికి వెళ్ళడానికి అవకాశాలు ఉంటాయి…

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

మంచి మాటలు నీతి వాక్యాలు పిల్లలకు మంచి అలవాట్లు

మంచి మాటలు నీతి వాక్యాలు పిల్లలకు మంచి అలవాట్లు అబ్బే అవకాశం ఉంటుందా? చెడ్డవారు సైతం, వారికి రోజూ నాలుగు మంచి మాటలు చెబుతూ ఉంటే, వినగా వినగా మంచి పనులు చేయడానికి వారి మనసు అంగీకరిస్తుందని అంటారు. కాబట్టి పిల్లలకు పెద్దలు చెప్పిన మంచి మాటలు లేదా నీతి వ్యాక్యాలు నుండి కొన్ని మాటలు తల్లిదండ్రులు చెప్పడం మేలు.

మార్గదర్శకంగా నిలిచిన మహనీయులంతా తల్లిదండ్రుల నుండి కానీ గురువుల నుండి కానీ మంచి మాటలు విన్నవారేనని అంటారు. మహనీయులుగా మారినవారు సైతం వారి జీవితంలో ఎవరో ఒకరిని మార్గదర్శకంగా భావించే అవకాశం ఉంటుంది. అంటే ఒక గొప్పవ్యక్తిని చూసి, అతనంతా గొప్పస్థాయికి చేరాలనే లక్ష్యం ఏర్పరచుకోవడం అంటారు.

ఒకరి జీవితం నేర్పిన అనుభవంలో నుండి పుట్టే ఆలోచనలు మాటలుగా మారితే, అవి మరొకరి పరాకుగా మారతాయి. కాబట్టి అనుభవశాలి మాట్లాడే మాటలు పరిగణనలోకి తీసుకోవాలని పండితులు సూచిస్తారు.

పిల్లలు ముందు పెద్దలు మాట్లాడే మాటలు, పిల్లలు ఆలకిస్తూ, వాటిని అనడానికి అనుకరిస్తారు. అలా అనుకరించే పిల్లలు ముందు అసభ్య పదములను వాడుట తప్పుగా చెబుతారు. ఎందుకంటే అవే అసభ్య పదములు పిల్లలకు అలవాటు అయితే, వాటినే వారు తిరిగి ప్రయోగిస్తారు. కాబట్టి పిల్లలకు మంచి మాటలు చెప్పడమే కాదు… వారి ముందు అసభ్యపద జాలమును ప్రయోగించరాదని పెద్దల సూచన.

మంచి మాటలు విన్న పిల్లలు గొప్పవారిగా మారతారనడానికి రుజువు ఏమిటి?

మంచి మాటలు నీతి వాక్యాలు పిల్లలకు చెప్పడం మొదలు పెడిటే, అవి మంచి అలవాట్లుగా మారడానికి అవకాశం ఉంటుంది. ఛత్రపతి శివాజీ తల్లి చెప్పిన మంచి మాటలు, తల్లి ద్వారా విన్న నీతి వ్యాక్యాలు… అతనిని గొప్పవానిగా చరిత్ర ఇప్పటికీ చెప్పుకుంటుంది. స్త్రీల పట్ట ఛత్రపతి శివాజీ భావనలు మనకు పాఠ్యాంశములుగా ఉన్నాయంటే, అతని స్వభావం ఎంత గొప్పదో అర్ధం అవుతుంది. అటువంటి స్వభావానికి పునాది, ఛత్రపతి శివాజీ తల్లి చెప్పిన మంచి మాటలే కారణం అయితే….

మరి మన పిల్లలకు మనం రోజుకో మంచి మాట అయినా చెప్పాలి. మంచిని నేర్చుకోవడానికే కదా విద్యాలయానికి వెళ్ళేది… మరలా మనం కూడా చెప్పాలా? అంటే అమ్మ నాన్న ప్రేమగా పలికే పలుకులు పిల్లల హృదయంలో నిలుస్తాయని అంటారు. కావునా పిల్లలకు నాలుగు మంచి మాటలు చెప్పడానికి ప్రయత్నించాలి.

నచ్చిన మంచి మార్గదర్శకుడి జీవితం గురించి తెలియజేస్తూ ఉండాలి…. అంటే అబ్దుల్ కలాం, సర్వేపల్లి రాధాకృష్ణ, ఛత్రపతి శివాజీ, భగత్ సింగ్ వంటి వారు కావచ్చును. సాహిత్య పరంగా పోతన, తిక్కన వంటి మహానుభావుల గురించి ఇలా ఏదైనా పిల్లలకు ఇష్టమున్న రంగంలో గొప్పవారి గురించి చెప్పడం వలన వారి మనసులో ఒక గొప్ప లక్ష్యం పుట్టవచ్చును…

మంచి పుస్తకాలు చదవండి. మంచి వ్యక్తుల గురించి తెలుసుకోండి. మంచి మాటలు వినండి. మంచి లక్ష్యం కోసం జీవించాలనే సత్యం తెలుసుకోండి. మంచి భవిష్యత్తు కోసం తపనపడండి… అంటూ పెద్దలు చెప్పే మంచి మాటలు… పెద్దలు సూచించే సూచనలు పరిగణనలోకి తీసుకోవడం వలన శ్రేయష్కరం అంటారు.

పెద్పెద్దలు చెప్పే మంచి మాటలు మనకు రుచించకపోవచ్చును. కానీ కాలంలో అవి అనుభవంలోకి వచ్చినప్పుడు వాటి విలువ తెలియబడుతుంది. ఎప్పుడూ పెద్దలు పిల్లల భవిష్యత్తు కొరకు మంచి మాటలు మాట్లాడుతారే కానీ, పిల్లలు సాధించాలనే దృక్పధం కాదని చెబుతారు.

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

పేదలకు దానం చేయటంవల్ల మనం

పేదలకు దానం చేయటంవల్ల మనం పొందే మేలును గురించి వివరిస్తూ, ఆ మాటలను మీ మిత్రునికి లేఖ వ్రాయండి.

ప్రియ మిత్రమా!

నేను క్షేమం! నీవు క్షేమమని తలుస్తున్నాను. నీవు బాగా చదువుతున్నావని భావిస్తూ…. నేను ఒక మంచి విషయం గురించి ఈ లేఖ ద్వారా నీకు తెలియజేయదలిచాను. బహుశా ఇది నీకు కూడా తెలిసి ఉండవచ్చును. కానీ నా దృష్టి కోణం నుండి ఈ అంశం గురించి ప్రస్తావిస్తాను.

మన పెద్దలకు ఉండి మనకు చదవు నేర్పిస్తున్నారు. తినడానికి తిండి, చదవడానికి పుస్తకాలు, అందంగా కట్టుకోవడానికి బట్టలకు లోటు లేకుండా సాగుతుంది. కానీ నేను చూసిన పేదవారికి అవి లేకుండా ఉంటున్నాయి. వారి స్థితిని చూసి నా మనసు చలించింది. అందుకే నేను మానాన్నగారితో మొర పెట్టుకుని వారితో కొంతమందికి సరిపడా బట్టలు పుస్తకాలు ఖరీదు చేయించాను. వాటిని మా నాన్నగారి ఆధ్వార్యంలోనే పేదలకు ఇచ్చేశాను. ఇంకా నేను దాచుకున్న ధనం ఖర్చు చేసి, బియ్యం, పప్పులు ఖరీదు, చేసి తిండిలేనివారికి దానం చేశాను. ఆ తర్వాత ఎంతో ఆనందం అనిపించింది.

నాకు పరీక్షలలో మంచి మార్కులు వచ్చినప్పుడు కలిగిన సంతోషం కొంత సేపే ఉండేది…. కానీ పేదలకు దానం చేయటంవల్ల నాకు ఇప్పటికీ ఆనందంగా ఉంది. ఏదైనా సాధిస్తే, అది మరొకరికి ఉపయోగపడితే, ఎంతో ఆనందం కలుగుతుందని పేదలకు దానం చేయటంవల్ల నాకు తెలియవచ్చింది. మన సంతోషం కోసం చూడడం వలన స్వార్ధ బుద్ది పెరిగే అవకాశం ఉంటే, ఇతరుల సంతోషం కోసం చూస్తే త్యాగబుద్ది వృద్ది చెందుతుంది.

మనకు ఉండగా మిగిలినది… లేనివారికి పంచడంలో తృప్తి, ప్రశాంతత పెరుగుతుంది. కావునా ప్రియ మిత్రమా అవకాశం ఉంటే, పేదలకు దానం చేయడంలో వెనుకాడవద్దు…

ధన్యవాదాలు…

ఇట్టు నీ ప్రియ మిత్రుడు

శ్రీరాముడు వనవాసం వెళ్లడానికి కారణాలు

శ్రీరాముడు వనవాసం వెళ్లడానికి కారణాలు చూస్తే, కాలం కర్మ వెంటాడినా, వద్దని వారించినా, శ్రీరాముడి పట్టుదలే ప్రధాన కారణంగా కనబడుతుంది. శ్రీరామదృష్టి కోణం ధర్మమునే చూడడం వలన శ్రీరాముడు, ధర్మము ప్రకారం శ్రీరాముడు వనవాసం చేయడానికి సిద్దపడ్డాడనే భావిస్తారు.

అయోధ్యాధీశుడైన దశరధ మహారాజు, శ్రీరాముడికి పట్టాభిషేకం చేస్తానని సభలో సభికులతో చెబుతారు. సభలో అందరూ హర్షిస్తారు. శ్రీరామ పట్టాభిషేకానికి ప్రజలు కూడా సుముఖంగా ఉన్నారని తెలుసుకున్న దశరధుడు, శ్రీరాముడిని పిలుపించుకుంటాడు. పట్టాభిషేక విషయం శ్రీరాముడితో దశరధుడు స్వయంగా చెబుతాడు. శ్రీరాముడు సరేనంటాడు. పట్టాభిషేక మహోత్సవమునకు అయోధ్య ముస్తాబు అవుతుంది. అదే సమయంలో కైకేయి మనసులో మంధర మాటలు నాటుకుంటాయి.

మంధర మాటలకు ప్రభావితురాలు అయిన కైకేయి…గతంలో దశరధుడు తనకు ఇచ్చిన వరాలు కోరడానికి నిశ్చయించుకుంటుంది. తత్ఫలితంగా కైకేయి దశరధుడుని తనకు ఇచ్చన వరాలు తీర్చమని చెబుతూ….. శ్రీరామ వనవాసం కోరుకుంటుంది. భరతుడి పట్టాభిషేకం కోరుకుంటుంది. హతాశుడైనా దశరధుడు శ్రీరాముడుని అడవులకు పంపడానికి ఇష్టపడడు…

మరునాడు శ్రీరాముడు పట్టాభిషేకానికి సిద్దపడి దశరధుడి వద్దకు వస్తాడు… అయితే కైకేయి చెప్పిన మాటలు విన్న శ్రీరాముడు, అడవులకు వెళ్ళడానికి సిద్దపడతాడు. కాలంలో కర్మ ఒక్కరోజులో ఎలా తిరిగినా తండ్రి మాట నిలబడాలంటే, అడవులకు వెళ్ళడమే కర్తవ్యమని శ్రీరాముడు భావించాడు. కర్తవ్య నిర్వహణలో శ్రీరాముడు పట్టుదల గలవాడు… కాబట్టి దశరధుడు ఇచ్చిన వరాలు కారణంగా కైకేయి మాటనే, దశరధుడి ఆజ్ఙగా శ్రీరాముడు స్వీకరిస్తాడు.

ముఖ్యంగా శ్రీరాముడు వనవాసం వెళ్లడానికి కారణాలు

కైకేయికి దశరధుడు ఇచ్చిన వరాలు

మంధర వాటిని గుర్తు చేస్తూ కైకేయికి మాటలు నూరిపోయడం

దశరధుడు వరములుగా మంధర మాటలే మారడం

తన కోరికలే దశరధుడి మాటగా శ్రీరాముడుకి కైకేయి చెప్పడం

ప్రధానంగా కారణమైతే, శ్రీరాముడి కర్తవ్యతా దృష్ఠి… తండ్రి ఆజ్ఙను పాలించాలనే ధర్మదీక్ష… కారణంగా శ్రీరాముడు వనవాసం చేయడానికి కాలం కదిలించిన పరిస్థితులుగా చెబుతారు.

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

మంధర పాత్ర స్వభావం చూస్తే

శ్రీరామాయణంలో మంధర పాత్ర స్వభావం చూస్తే, ఆమె మంచి మాటకారితనం గల ఓ సేవకురాలు. ఆమె ఒకరికి సేవకురాలు కాబట్టి, తను సేవచేసేవారి స్థితినిబట్టి తన స్థితి ఉంటుందని బాగా తెలిసిన వ్యక్తి. ఆమె తను ఉన్న చోట మంచి స్థితిలో ఎప్పటికీ ఉండాలంటే, తను సేవిస్తున్నవారు ఉన్నత స్థితిలో ఉండాలి. ఈ విషయం ఆమె అంతరంగంలో బాగుగా ఉంటుంది… మంధర మాటలు వినడానికి వినసొంపుగా అనిపిస్తే, అటువంటి మాటలు వ్యక్తిని చులకన చేస్తాయి… కైకేయి విషయంలో అదే జరిగింది.

మంధర కైకేయి దగ్గర సేవకురాలు. కైకేయి దశరధుడి భార్యలలో ఒకరు. దశరధుడి కుమారులలో భరతుడు కైకేయి కుమారుడు, శ్రీరాముడు కౌసల్య కుమారుడు… శ్రీరాముడికి పట్టాభిషేకం జరిగితే, కౌసల్య రాజమాత అవుతుంది. అదే భరతుడికి పట్టాభిషేకం జరిగితే, కైకేయి రాజమాత అవుతుంది. రాజమాత వద్ద సేవకిగా తన పరపతి బాగా పెరుగుతుంది… కాబట్టి కైకేయి రాజమాత కావడానికి మార్గం అన్వేషించడంలో మంధర ఆలోచనలు సాగుతాయి.

భరతుడుకి తల్లి అయిన కైకేయికి శ్రీరాముడంటే పరమప్రీతి… శ్రీరాముడికి పట్టాభిషేకం అంటే ఆమె సహజంగా ఎంతో ఆనందిస్తుంది… శ్రీరాముడుపై ఆమె చూపిన ఆదరణ అమెకు మంచి కీర్తిని తీసుకువస్తే, మంధర మాటలు విన్న తర్వాత ఆమె సహజ ప్రవర్తన ఆమెకు దూరం అయింది. తత్ఫలితంగా ఆమె శ్రీరామపట్టాభిషేకమును అడ్డుకుంది. శ్రీరాముడంటే ఇష్టపడే అందరూ, కైకేయిని ద్వేషించారు. అలా అపకీర్తిపాలు అయ్యింది… కైకేయి కేవలం మంధర మాటలు వినడం వలననే అంటారు. కాబట్టి మంధర వంటి వ్యక్తులు తమ స్వార్ధం కోసం తాము సేవ చేస్తున్నవారి ద్వారా అయినా తమ స్వార్ధ ప్రయోజనాలను నెరవేర్చుకునే ప్రయత్నం చేస్తారనే వెల్లడి అవుతుంది. కాబట్టి కపటధారి మాటలు ఆలకించకుండా ఉండడం శ్రేయష్కరం అంటారు.

రామాయణం నాటి కాలమైనా, నేటి కాలమైనా వ్యక్తిత్వంలో మంధర పాత్ర స్వభావం చూస్తే మాత్రం తగు జాగ్రత్తగా వ్యవహరించమని పెద్దలు చెబుతారు. మంధర మాటలు వంటి మాటలు వింటే, చెడుకు చేరువ అవుతున్నట్టుగానే ఉంటుంది.

తెలుగులో వ్యాసాలు

మీకు తెలిసిన మంచి గుణాలు కలిగిన ఒకరిని గురించి అభినందన వ్యాసం

తెలుగు వ్యాసం పండుగలు ప్రాముఖ్యత అవి ఎలాంటి ప్రభావం చూపుతాయి

ఇంటర్నెట్ ఉపయోగాలు నేడు నెట్ లేకపోతే జీవితం ముందుకు సాగదు

ఆన్ లైన్ విద్య ఎలా ఉపయోగించుకోవచ్చు? తెలుగులో వ్యాసం

సెల్ ఫోన్ వలన కలిగే నష్టాలు తెలుగులో వ్యాసం

తెలుగు వర్ణమాల పదాలు తెలుగులో

తెలుగు పర్యాయ పదాలు వివిధ రకాల

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

జాతి పిత గాంధీ గురించి తెలుగు వ్యాసం తెలుగులో

డొనాల్డ్ ట్రంప్ గురించి తెలుగులో తెలుగు వ్యాసం వ్రాయండి

తెలుగు భాష గొప్పతనం తెలిపే వ్యాసం

హృతిక్ రోషన్ పాపులర్ హీరో గురించి తెలుగులో వ్యాసం

రాహల్ ద్రవిడ్ క్రికెట్ ఆటగాడు మిష్టర్ డిపెండబుల్ గా ఖ్యాతిగాంచారు

చరిత్ర గురించి తెలుగు వ్యాసం గతం గురించి తెలిపే చరిత్ర

నేటి సోషల్ మీడియా ప్రభావం యువతపై ఎలా ఉంది?

కరోనా వైరస్ నివారణ చర్యలు వ్యాసం కోవిడ్ 19 వైరస్ గురించి వివరించండి

ప్రముఖ ప్రసిద్ధ దేవాలయాలు విశిష్టమైనవి, దేవాలయాల గురించి తెలుగులో

Telugulo Vyasalu

మంచి నాయకుడు ప్రజలు మెచ్చిన నాయకుడు ఆదర్శవంతమైన మార్గం

ఆయుర్వేద వైద్యం గురించి తెలుగులో వ్యాసం

నాన్న ఆదర్శం నాన్న మార్గదర్శకం అన్నింటిలో నాన్న

ఆరోగ్యం గురించి వ్యాసం తెలుగులో ఆరోగ్యమే మహాభాగ్యం

ప్రకృతి వైపరీత్యాలు వ్యాసం తెలుగులో ప్రకృతి విపత్తులు

పర్యావరణ పరిరక్షణ గురించి వ్యాసం తెలుగులో

శతకాలను చదవమని ప్రేరేపిస్తూ తెలుగులో వ్యాసం

పాఠశాలను వివరిస్తూ తెలుగులో వ్యాసం

స్త్రీల అభ్యున్నతికి తీసుకోవలసిన జాగ్రత్తలు తెలుగులో వ్యాసం

అవినీతి నిర్మూలనతో సమాజం ప్రగతిపధం తెలుగులో వ్యాసం

చెప్పుడు మాటలు చేటుకు కారణం తెలుగులో వ్యాసం

కోపం వలన కలిగే నష్టాలు తెలుగులో వ్యాసం

అంటువ్యాధులు అపారనష్టం గురించి తెలుగులో

బాలికల విద్య ఆవశ్యకత తెలుగులో వ్యాసం

యువతపై ప్రసార సాధనాల ప్రభావం తెలుగులో వ్యాసం

తెలుగు సినిమాల ప్రభావం తెలుగు

కధ అంటే ఏమిటి? కధలు తెలియజేసేదేమిటి?

గుణపాఠం గురించి తెలుగులో వ్యాసం వ్రాయండి

స్నేహం గురించి వ్యాసం ఏ బంధం అయినా స్నేహపూర్వక

కాలం చాలా విలువైనది తెలుగులో వ్యాసం

తెలంగాణకు హరితహారం గురించి తెలుగులో వ్యాసం

మనం మన పరిశుభ్రత మనకు రక్షణ మనతోబాటు సామాజిక సంరక్షణ

పక్షులు పక్షిగూడు గురించి తెలుగులో వ్యాసం

తెలుగు సామెతలు కొన్ని సామెతల గురించి తెలుగులో

అమ్మ ఒడి పధకం తెలుగులో వ్యాసం

మన దేశం గురించి వ్రాయండి తెలుగులో వ్యాసం

లోక దర్శినితో విషయ విజ్ఞానం తెలుగులో వ్యాసం.

మన మొబైల్లో సెర్చ్ హిస్టరీ ప్రభావం తెలుగు వ్యాసం

విజ్ఞాన విహార యాత్రలు తెలుగులో వ్యాసం

తెలుగులో వివిధ విషయాలపై వివిధ రకాల తెలుగు వ్యాసాలు

కంప్యూటర్ గురించి తెలుగులో వ్యాసం

జాతీయ సమైఖ్యత తెలుగులో వ్యాసం

దూరదర్శిని టి‌వి గురించి తెలుగులో వ్యాసం

లక్ష్య సాధనకు ఏకాగ్రత అవసరం తెలుగులో వ్యాసం

రేడియో గురించి తెలుగులో వ్యాసం రాయండి

వార్తా పత్రికలు గురించి తెలుగులో వ్యాసం

చలన చిత్రాలు గురించి తెలుగులో వ్యాసం

డిజిటల్ చెల్లింపులు స్మార్ట్ ఫోన్ వినియోగం తెలుగు వ్యాసం

బమ్మెర పోతన గురించి రాయండి

వృత్తిని ప్రేమించేవారు ఆరంగంలో ఉన్నతస్థితిని సాధించగలరు తెలుగులో వ్యాసం

పిల్లలకు మంచి అలవాట్లు గురించి వ్యాసం

నీ చుట్టూ ఉన్న పరిసరాలలో కనిపించే బాలకార్మిక వ్యవస్థపై

అధిక్షేప వ్యాసం అంటే ఏమిటి?

నగర జీవనం అనుకూల అంశాలు ఆర్ధిక ప్రయోజనలు

నేటి సమాజంలో స్త్రీలు ఎదుర్కొంటున్న సమస్యలను విశ్లేషిస్తూ తెలుగులో వ్యాసం

నేటి బాల బాలికలే రేపటి భావి భారత యువత

కాలుష్యంతో నిండిపోతున్న నేటి నగర వాతావరణాన్ని గురించి వ్యాసం రాయండి.

దీర్ఘకాల విరోధము మంచిది కాదు తెలుగు వ్యాసం

మాతృభావన జీవితాన్ని ఎలా ఉద్ధరిస్తుంది?

అమ్మ గొప్పతనం గురించి మీమాటలలో వ్రాయండి… అంటే…

విద్య యొక్క ప్రాముఖ్యత వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

తెలుగువ్యాసాలు TeluguVyasalu

మానవ వనరులు నిర్వచనం ఏమిటి? తెలుగు వ్యాసం

పోరు నష్టం పొందు లాభం తెలుగులో వ్యాసం

దీపావళి పండుగ ఎప్పుడు ఎందుకు చేసుకుంటారు

స్మార్ట్ ఫోనులో వైరస్ ఉంటే ఎలా తెలుగులో వ్యాసం

చెట్లు వలన ఉపయోగాలు వివరించండి

దీర్ఘ వైర వృత్తి మంచిది కాదు అర్థం

కర్తవ్య నిర్వహణ గురించి వివరించండి!

చదువు రాకపోతే ఏ కష్టాలు కలుగుతాయి

కరపత్రం ఎలా రాయాలి తెలుగులో

మన జీవితంలో గురువు యొక్క ప్రాముఖ్యత

సజ్జనుల యొక్క లక్షణాలను వ్రాయండి

కుటుంబ వ్యవస్థ భారతీయ సంస్కృతికి మూలం

సామాజిక ఆస్తుల పరిరక్షణ విషయంలో బాధ్యతను గుర్తెరగడం

విద్యార్థులు క్రమశిక్షణ తెలుగులో వ్యాసం వ్రాయండి

స్వేచ్ఛ గురించి తెలుగు వ్యాసం వ్రాయండి

ఐకమత్యం బలం అంటూ ఐక్యత ఆవశ్యకతను వివరించండి.

నేటి రాజకీయాల పై మీ అభిప్రాయం మీ మాటల్లో వివరించండి

విశ్వసనీయత గురించి మీ మాటలలో వివరించండి

పావురం గురించి తెలుగులో వ్యాసం

స్త్రీల పట్ల గౌరవ భావన స్త్రీల పట్ల మర్యాదపూర్వకమైన

బహిరంగ ప్రదేశాల్లో ధూమపానం నిషేధించాలి

ఆశావాదం నిరాశావాదం మీ మాటలలో రాయండి.

శాంతి ఆవశ్యకత కరపత్రం రాయండి

సమర్ధులకు క్షమ అవసరం వ్యాసం వివరించండి

మాతృభాషలో విద్య మీరు సమర్ధిస్తారా?

మంచి కుమారునికి ఉండవలసిన లక్షణాలేమిటి?

నీటి పొదుపు ఆవశ్యకతను తెలియజేస్తూ వ్యాసం రాయండి

పండుగ అంటే ఏమిటి వివరించండి?

దైనందిన జీవితంలో పరోక్షంగా నష్టం చేసే విషయాలు వార్తాపత్రికల ద్వారా

వ్యవస్థ అంటే ఏమిటి వ్యవస్థల ప్రభావం తెలుగు వ్యాసం

TeluguVyasalu Read Cheyadaniki

విద్యార్థులకు మంచి మాటలు తెలుగులో నీతి సూక్తులు

తల్లిదండ్రుల కష్ట సమయంలో ఉన్నప్పుడు పిల్లలు ఏమి చేయాలి

పెద్దల మాట చద్ది మూట మీ మాటలలో

నేటి కాలంలో వృద్ధుల పరిస్థితి

మంచి వ్యక్తులతో ఎందుకు స్నేహం చేయాలి? మంచివారి స్నేహం వల్ల ప్రయోజనాలు ఏమిటి?

పేదలకు దానం చేయటంవల్ల మనం

మంధర పాత్ర స్వభావం చూస్తే

స్మార్ట్ ఫోన్ సమస్యగా మారుతుందా? ఉపయోగపడుతుందా?

నగర జీవితం పట్ల ప్రజలు ఆకర్శితులు కావడానికి కారణాలు

ఇల్లాలి చదువు ఇంటికి వెలుగు సొంతమాటల్లో రాయండి

మూగ జీవులను ఎందుకు ప్రేమించాలి

రామాయణం ఎందుకు చదవాలి వ్యాసంలో వివరించండి.

శతక పద్యాలలోని నీతులు నిత్యజీవితంలో ఎట్లా

సివి రామన్ గురించి ఆర్టికల్ చరిత్రలో ఒక రోజు రామన్ రోజుగా లిఖితమయ్యింది.

ఆరోగ్యంగా ఉండాలంటే ఏం చేయాలి? వ్యాసంతో వివరించండి

ఈ సైటు గురించి

అర్ధనాశం గృహమందలి దుశ్చరితం వంచనం పరాభవం

కుటుంబ పరంగా కానీ, వ్యక్తిగతంగా కానీ కొన్ని విషయాలలో తస్మాత్ జాగ్రత్తగా పెద్దలు మంచి మాటలు చెబుతూ ఉంటారు. వాటిని వినడం వలన వ్యక్తి జీవితంలో ఎలా ప్రవర్తించాలో? ఎలా ప్రవర్తించకూడదో తెలుసుకుంటాడని పెద్దలు అంటారు. ముఖ్యంగా అర్ధనాశం గృహమందలి దుశ్చరితం వంచనం పరాభవం వంటి విషయాలలో తస్మాత్ జాగ్రత్త అంటారు.

అర్ధనాశం:

అర్ధము అంటే సంపాదించినది… అది ధనము కానీ దాన్యము కానీ వస్తువు కానీ ఏదైనా అర్ధముగా మారుతుంది. మన అవసరాలకు తీరడానికి ఉపయోగపడేది డబ్బు కాబట్టి, డబ్బు ద్వారా కావాల్సిన వస్తువులు తదితర వి అటువంటి అర్ధము ఒక్కసారి మనకు కలిగినది అని నలుగురిలో గుర్తింపు పొందాకా…. ఆ గుర్తింపు వలననే సమాజంలో మనకు స్థాయి ఏర్పడుతుంది. ఒక్కసారి గుర్తింపు పొందిన అంశంలో నష్టపోతే, అది నలుగురికి తెలిస్తే, ఆ అంశంలో చులకన బావం ఏర్పడుతుంది. కాబట్టి సంపాదించిన అంశములో కూడా తగు జాగ్రత్తలు అవసరం అయితే ముఖ్యంగా డంభము ఉండరాదని సూచిస్తారు. ధన విషయంలో పైకి కనబడేవిధంగా ప్రవర్తించరాదు…

మనస్తాపం:

ఒక కంప్యూటర్ కు కానీ ఒక మొబైల్ కానీ ఆపరేటింగ్ సిస్టమ్ ఎలానో… మనిషికి మనసుల అలానే పని చేస్తుందని అంటారు. ఓఎస్ కరెప్ట్ అయితే కంప్యూటర్ పనిచేయదు. అలాగే ఓఎస్ వైరస్ బారిన పడితే ఆ మొబైల్ కానీ కంప్యూటర్ కానీ పనితీరులో మార్పు ఉంటుంది… అలాగే మనస్తాపం చెందిన వ్యక్తి ప్రవర్తనలో కూడా మార్పు ఉంటుంది. ఇది ఎంత తీవ్రంగా ఉంటే, అంత వ్యగ్రతకు వ్యక్తి లోనవుతాడు… అయితే విశిష్టమైన మనసు ఎప్పుడూ తననితాను మార్చుకునే శక్తిని కలిగి ఉంటే, దానిని సద్వినియోగపరచుకుంటే, మనసులో కలిగే అలజడులకు మనసే అడ్డుకట్ట వేయగలదని అంటారు. ఈ మనసు పడే దు:ఖ భావనల బహిర్గతం అయినా చులకన భావం ఏర్పడే అవకాశం ఉంటుంది.

గృహమందిలి దుశ్చరితం:

భారతీయ సంస్కృతి అంటేనే కుటుంబ వ్యవస్థ అని గొప్పగా చెబుతారు. కారణం కుటుంబంలో వివిధ రకాల స్వభాలు కలిగినవారు సైతం కలిసి మెలిసి ఉండడమే… ఇంకా ఆ కుటుంబ యజమాని నిర్ణయాలకు అనుగుణం ప్రవర్తించడం మన కుటుంబ వ్యవస్థలో విశిష్ట లక్షణం. అటువంటి కుటుంబం సమాజంలో మంచి గుర్తింపు పొందుతుంది. అయితే కుటుంబంలో ఎవరైనా చెడుగా ప్రవర్తించి ఉంటే, దానిని ముందుగానే నియంత్రించాలి. చెడు నడువడిక గలవారి విషయం బహిర్గతం కాకముందే, వారిని సన్మార్గములో పెట్టాలి… అలా కాకుండా అది నలుగురికి తెలిస్తే, ఆ కుటుంబము పై అభిప్రాయం మారే అవకాశం ఉంటుంది.

వంచనం

మోసపోయేవారుంటే, మోసంచేసేవారికి కొదువ ఉండదని అంటారు. కాబట్టి మోసపోయామని బయట పడడమే, మరొకరికి మోసం చేసే అవకాశం కల్పించనట్టవ్వొచ్చు…. వంచనకు గురిచేసేవారితో జాగ్రత్తగా ఉండాలి. వంచనచేసేవారి నుండి, వంచింపబడకుండా వారినుండి తప్పించుకోవాలి. అంతేకానీ మోసోతూ బహిల్పడుతూ ఉంటే, మరొకరు మోసానికి పాల్పడే అవకాశం ఉండడం చేత జీవితం కష్టాలు పాలు అవుతుంది…

పరాభవం

పరాజయం విజయానికి మెట్లు అంటారు. అయితే నలుగురికి తెలిసేలా పొందే పరాభవం మనసును బాధిస్తాయి… వ్యక్తిగతంగా ఏదైనా ప్రయత్నంలో పరాజయం అయినా ఫరవాలేదు కాని, నలుగురి ముందు ప్రదర్శించే అంశంలో పరాభవం పొందరాదు. నలువైపులా పరాభావ ప్రకంపనలు మనసును చుట్టు ముడతాయి. ఇంకా ఏదైనా ప్రయత్నంలో పొందిన పరాజయం గురించి ఇతరులకు చెప్పరాదు… అందుకు తప్పిదాలు తెలుసుకోవాలనే కానీ పరాజయం పాలైన సంఘటనలు గురించి చెప్పుకోకూడదని అంటారు.

అర్ధనాశం గృహమందలి దుశ్చరితం వంచనం పరాభవం వంటి విషయాలలో వ్యక్తి సరిచూసుకుని ప్రవర్తిస్తూ ఉండాలి. ఆప్తుల దగ్గర తప్పించి ఇటువంటి విషయాలు ఇతరులకు చేరేవిధంగా ప్రవర్తించరాదనేది పెద్దల మాట…

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

భారతీయ జీవన విధానానికి రామాయణం మార్గదర్శకమా?

భారతీయ జీవన విధానానికి రామాయణం మార్గదర్శకమా? శ్రీరామాయణం మనకు మార్గదర్శకమని నమ్మినవారు, శ్రీరామాయణం గురించి రచనలు చేశారు. శ్రీరామాయణం మనకు మార్గదర్శకమని నమ్మినవారు, శ్రీరామాయణం గురించి ప్రవచనాలు చెప్పారు… చెబుతున్నారు. ఇంకా అనేకమంది పెద్దలు శ్రీరామాయణం రీడ్ చేస్తూ, శ్రీరామదర్శనం కోసం పరితపించారు…. శ్రీరామదర్శనం చేసుకుని తరించారు… మన భారతీయ జీవన విధానం మోక్షానికి మార్గమని భావిస్తే, అందుకు శ్రీరామాయణం కన్నా మార్గదర్శకమైన గ్రంధం ఏముంటుంది?

ఎందుకంటే కాలాన్ని ఎలా అనుసరించాలో… కర్మను ఏవిధంగా చూడాలో శ్రీరామ దృష్టి మార్గదర్శనీయం. భర్తని ఎలా అనుసరించాలో, సీతమ్మ దృష్టి మార్గదర్శనీయం. చెప్పుడు మాటలు వింటే, ఎలా చులకనగా మారతామో కైకేయి పాత్ర సందేశంగా కనబడుతుంది. అనవసరపు కోరికలు ఎంత ప్రమాదకరమో, బంగారు జింకను చూసిన సీతమ్మ తల్లి కోరిక చూపుతుంది. అన్నను అనుసరించడంలో భరత, లక్ష్మణులు ఎవరికివారే పోటీపడతారు…. ఇలా రామాయణంలోని పాత్రలు భారతీయ జీవన విధానంలో కుటుంబంలోని వారికి మార్గదర్శకంగా ఉంటాయని భావిస్తారు.

భారతీయ జీవన విధానానికి రామాయణం మార్గదర్శకం

శ్రీరాముడు తండ్రి వద్ద కానీ, గురువుల వద్ద కానీ వినయంగా వ్యవహరిస్తాడు. తండ్రి మాట ప్రకారం గురువుగారితో అడవులకు వెళ్ళాడు. గురువు ఆజ్ఙ మేరకు రాక్షస సంహారం చేశాడు. గురువు ఆనుజ్ఙ మేరకు శివధనుస్సు ఎక్కుపెట్టాడు… తండ్రి అనుజ్ఙ అయ్యాక, సీతను శ్రీరాముడు వివాహమాడాడు….

దశరధుడు చక్రవర్తి అయితే, శ్రీరాముడు చక్రవర్తి తనయుడు… అయినా దశరధుడు శ్రీరాముడిని యువరాజుగా ప్రకటించేముందు ప్రజాభిప్రాయం తీసుకున్నాడు…. ప్రజలందరికీ శ్రీరామపట్టాభిషేకం ఇష్టమని గ్రహించాకా సంతోషించాడు… ఆపై శ్రీరాముడికి తెలియజేశాడు.

పట్టాభిషేకం చేస్తానని శ్రీరాముడితో దశరధుడు స్వయంగా చెబితే, సరేనన్నాడు…. పట్టాభిషక్తుడు కావడానికి సిద్దపడ్డాడు. అడవులకు వెళ్ళమన్నారని పినతల్లి చెబితే, సరేనంటూ అడవులకు బయలుదేరడానికి సిద్దపడ్డాడు. కాలం అత్యంత ప్రభావంతమైనది… దానిని అనుసరించడం ప్రధానమని భావించాడు కానీ తండ్రి మాట తప్పాడు… అని భావించలేదు…. శ్రీరాముడు.

తన పిన తల్లికి తన తండ్రి ఇచ్చిన మాట కొరకు శ్రీరాముడు అడవులకు వెళ్ళాడు… కానీ తండ్రి మరణించాడు. అని వార్త తెలియగానే, తండ్రి మాటను విడిచి పెట్టలేదు. తండ్రి ఇచ్చిన మాట ప్రకారం 14 సంవత్సరాలు అడవులలో జీవించడానికే శ్రీరాముడు ఇష్టపడ్డాడు… కానీ రాజ్యాధికారం కోసం ప్రీతి చూపలేదు.

కుటుంబంలో అందరికీ శ్రీరాముడంటే, మహా ప్రీతి… అందులో కైకేయి కూడా ఉంటుంది. కానీ మందర మాటలు విని, వాటిని ఆచరణలో పెట్టి అందరి దృష్టిలో చులకనగా మారిపోయింది… చెప్పుడు మాటలు ఎంత చేటుని చేస్తాయో… కెకేయి పాత్ర ద్వారా తెలియబడుతుంది.

అడవులలో సీతాన్వేషణలో ఉన్న శ్రీరాముడు, సుగ్రీవునితో స్నేహం చేశాడు కానీ అధర్మపరుడు అయిన వాలితో కాదు. సుగ్రీవునికి సాయపడి, తర్వాత సుగ్రీవుని ద్వారా సీతాన్వేషణ జరిగింది….

యుద్ద సమయంలో ఎదుటివారి బలంలో సగబలం లభించే వరం ఉండడం చేత, వాలిని యుద్దంలో ఓడించడం ఎవరితరం కాదు…. కానీ వాలి అధర్మ ప్రవర్తన వలన, జంతువు వేటకు బలయినట్టుగా శ్రీరామబాణానికి వాలి హతుడయ్యాడు.

సముద్రమును దాటి సీతాన్వేషణ చేయడం అందరికీ అసాద్యమే అనిపిస్తే, తనకు సాధ్యమేనని మాట మాత్రం పలకలేదు… నువ్వే సాధించగలవు… అని తోటివారి ప్రోత్సాహంతో సముద్రాన్ని దాటేశాడు… యుద్దంలో లక్ష్మణుడు ప్రాణాలను కాపాడడానికి, సంజీవిని పర్వతమునే పెకలించి తీసుకువచ్చాడు. తన శక్తిని అవసరానికి ఉపయోగించాడు…. అసాధ్యాలను సుసాధ్యం చేసే ఆంజనేయుడు.

మహాబలురు ఎంతోమంది రావణాసురుడికి అండగా ఉన్నారు. ఇంద్రుడుని జయించిన ఇంద్రజిత్తు సైతం రావణాసురుడి కొడుకు… కానీ రావణుడి అధర్మ ప్రవర్తన మూలంగా మొత్తం కుటుంబం… ఆ కుటుంబాన్ని ఆశ్రయించి ఉన్నవారు పతనమయ్యారు.

కుటుంబ జీవన విధానంలో శ్రీరామాయణంలోని పాత్రలు సందేశంగా ఉంటాయి.

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

పాఠ్య పుస్తకాలే కాదు పాఠ్యేతర పుస్తకాలు చదవాలి

పాఠ్య పుస్తకాలే కాదు పాఠ్యేతర పుస్తకాలు చదవాలి… మంచి పుస్తకాలు కూడా చదవాలి. మంచిని తెలియజేసే మంచి తెలుగు పుస్తకాలు చదవడం ఒక అలవాటుగా మారాలి. ఇంకా సామాజిక అవగాహన కల్పించే వారపత్రికలు, వార్తాపత్రికలు కూడా చదవాలి… పిల్లలకు చదవడం బిగ్గరగా చదవడంతో అనర్ఘలంగా చదివే శక్తి పెరగాలనే ఉద్దేశ్యంతో ప్రభుత్వాలు పాఠశాలల్లో రీడ్ కార్యక్రమం నిర్వహిస్తున్నాయి.

ఆసక్తి ఉన్న మనసు తన ఆసక్తి నెరవేర్చుకోవడం బహు శ్రద్ద చూపుతుంది. అంటే… ఆసక్తి అంటే ఏమిటి?

సినిమా చూడాలనే ఆసక్తి ఉందనుకోండి… సినిమాకి వెళ్లడానికి అనుమతి కావాలి. ఆ అనుమతి కోసం ఇంట్లో ప్రయత్నించడం… సినిమా చూడడానికి డబ్బులు, ఆడబ్బు ఎలా సంపాదించాలి? ఇలా సినిమా ఆసక్తి ఉంటే, సినిమా చూసేదాకా మనసు ఊరుకోదు… అలాగే పుస్తకాల పఠనంపై కూడా ఆసక్తి ఉంటే, మనసు ఏదో పుస్తకం చదవాలనే వ్యాపకంతో ఉంటుంది.

అయితే పుస్తకం పఠనం ఎందుకు?

ఎందుకంటే పుస్తక పఠనం మనసుకు విషయ పరిచయం చేస్తుంది. విషయంపై వివరణ అందిస్తుంది. ముఖ్యంగా జ్ఙానం పుస్తకాలలో నిక్షిప్తం అయి ఉంటుంది. కాబట్టి పుస్తక పఠనం మనసుకు మేలు చేస్తుందని అంటారు. కాబట్టి పుస్తకాలు చదవడం ఒక అలవాటుగా ఉండాలని అంటారు. మంచి పుస్తకం మంచి ఆలోచనలను సృష్టిస్తుందని అంటారు. అలాగే భక్తి పుస్తకాలు మనసులో భక్తిని పెంచుతాయి. మనసులో భక్తి ఉంటే, సమాజంలో శాంతికారకులు కాగలరని అంటారు. కావునా ఏదైనా ఒక మంచి పుస్తకం చదవడం ఒక అలవాటుగా ఉండడం శ్రేయష్కరంగా చెబుతారు.

ఎప్పుడూ పాఠ్య పుస్తకాలే అయితే, అవి చదవడం, వాటిలోని విషయం వ్రాయడం, వాటిలోని విషయం అప్పజెప్పడం… యాంత్రికంగా అనిపించవచ్చును. అదే అప్పడప్పుడు కొంత సమయం పాఠ్యేతర పుస్తకాలు కూడా చదువుతుంటే, మనసులో చదవడంలో ఆసక్తి పెరగవచ్చును. ఇంకా చదివే పుస్తకాలను బట్టి ఇతర విషయాల గురించి కూడా అవగాహన ఏర్పడవచ్చును.

వార్తాపత్రికలు చదువుతుంటే, సామాజిక అవగహన ఏర్పడుతుంది. సమాజంలో రాజకీయ పరిస్థితులు, రాజకీయ నాయకులు గురించి… ఒక అవగాహన ఉంటుంది.

అలాగే ఇతర సాహిత్యం చదువుతుంటే, మరింత విషయవిజ్ఙానం పరిచయం అవుతుంది. ఇక ఏ అంశంలో మనసుకు ఆసక్తి పెరిగితే, ఆ అంశంలో పుస్తకాల వేట మనసు కొనసాగిస్తుంది. ఆ ఆంశంలో పరిశోధనాత్మక దృష్టి ఏర్పడే అవకాశం కూడా ఉంటుంది. కాబట్టి పాఠ్యేతర పుస్తకాలు చదవాలి అనే ఆలోచన మంచి ఆలోచనగా పరిగణింపబడుతుంది.

ఎప్పుడూ పాఠ్య పుస్తకాలే కాదు పాఠ్యేతర పుస్తకాలు చదవాలి… పాఠ్య పుస్తకాలు చదువుతూ పాఠ్యేతర పుస్తకాలు కూడా చదవడం చేస్తూ ఉండాలి.

పాఠశాలల్లో రీడ్ కార్యక్రమం విజయవంతం చేసి, జీవితంలో విజయవంతం అయ్యే విషయాలను పుస్తకాలలోంచి గ్రహించి, విజయవంతమైన మార్గమునకు పునాదులు వేసుకుందాం. పుస్తకాల పఠనం చేద్దాం… మంచి విషయాలను గ్రహిద్దాం. పాఠ్య పుస్తకాలే కాదు పాఠ్యేతర పుస్తకాలు చదవాలి తెలుగు సాహిత్యంలో వివిధ పుస్తకాలు రీడ్ చేయడాలి.

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

భక్తి వచ్చుటకు భక్తి కలిగిన విషయాలు తెలుసుకోవడం

వరకట్నం వద్దని చెబుతూ కరపత్రం తెలుగులో

నేడు వరకట్నం తీసుకోవడం నేరంగా పరిగణించబడుతుంది. వరకట్నం వేధించి తీసుకోవడం పాపంగా పరిగణింపబడుతుంది. జీవితాన్ని పంచుకునే బాగస్వామి ధర్మపత్ని తెచ్చుకునేందుకు వరకట్నం వద్దని చెబుతూ కరపత్రం తెలుగులో….

వధువు మనసులో మంచి స్థానం పొందు, వరకట్నం వద్దను

పాత రోజులు అయినా, ప్రస్తుత రోజులు అయినా ఆడపిల్లల పెళ్ళి అమ్మానాన్నలకు తీరని కష్టాలనే తీసుకువస్తుంది. ముఖ్యంగా ఆడపిల్లల పెళ్ళి అనగానే వరకట్నం ఎంత? వరకట్నం కోసం కూడబెట్టిన డబ్బు లేకపోతే, ఇక ఆ తల్లిదండ్రుల కష్టాలు వర్ణానీతతం…. ఒక రాబోవు కొత్త రోజులు అయినా ఈ పద్దతి మారుతుందో లేదో తెలియదు… కానీ చదువుకున్న మనం అయినా ఈ వరకట్నం అనే దురాచారం రూపుమాపుదాం…. కనీసం మన వరకట్నం వద్దని నిలబడదాం.

ప్రేమతో జీవించవలసిన ఆలుమగల మద్యలో ఆర్ధిక పరమైన మనస్పర్ధలు రావడానికి వరకట్నమే కారణం అవుతున్నాయి. వరకట్నం పూర్తిగా తేలేదని వేధింపులకు గురయ్యే మహిళలు ఉంటున్నారు. ఇంకా అదనపు కట్నం కోసం వేధించే ఘనులు కూడా ఉంటే, అది మరీ విడ్డూరం…

మనదేశంలో పేదరికం, పేదరికంతో బాధపడే మద్యతరగతి ప్రజలు అదికంగా ఉంటే, వారిలో వివాహం చేయడం, ఇల్లు కట్టడం వంటి విషయాలు గగనంగా మారుతుంది…. పూర్వమెప్పుడో… వివాహాలకు కట్నం ఇచ్చినా అది… తక్కువ మొత్తంలో ఉంటే, నేడు అది అందనంత పెద్ద మొత్తాలుగా మారడం శ్రేయష్కరం కాని విషయం. కాబట్టి వరకట్నం వద్దని చెప్పడం కాదు వరకట్నం వద్దని నిర్ణయించుకోవాలి…. నేటి యువత తర్వాతి తరానికి మార్గదర్శకంగా నిలబడాలంటే, వరకట్నం తీసుకోకుండా వివాహం చేసుకోవాలని సత్సంకల్పం చేసుకోవాలి. అది ఆచరించాలి.

వరకట్నం వద్దని చెబుతూ కరపత్రం తెలుగులో కరపత్రం

అన్యోన్య దాంపత్యమునకు వరకట్నం వద్దనే మాటే నాంది అయితే

వధువుకు సహజంగానే తండ్రిపై పరమ ప్రీతి ఉంటుంది. అటువంటి తండ్రి తనకు వివాహం చేయడానికి నానా కష్టాలు పడుతుంటే, ఆ కూతురికి సహజంగానే వరుడుపై కోపం కలగవచ్చును… భార్య మనసులో స్థానం పదిల పరచుకోవడానికి, తన పుట్టింటి వారి మేలుకోసం ఒక మంచి మాట చెప్పిన చాలని అంటారు. ఇక వివాహంలో పెద్ద కష్టం అంటే వరకట్నం కోసం డబ్బు సమకూర్చుకోవడమే… అయితే ఆ కష్టం కేవలం ఒక్కమాటతో పోతే, ఆమె మనసు నీ ఇంటి వృద్దిపై ధృడపడిపోతుంది.

ఇంటిలో మహాలక్ష్మీ వలె అల్లరి చేసే అమ్మాయి…. ఒక్కసారి వధువుగా మారి, నీకోసం ఇంటిల్లిపాది ప్రేమకు దూరం అవుతుంది. ఇంటిలోని అన్ని బంధాలకు దూరంగా నీవద్దకు వచ్చేస్తుంది. కేవలం తండ్రి మాటకోసం, నీ మనసేమిటో కూడా తెలియని అమ్మాయి… వధువుగా నిన్ను వరిస్తుంది….

ఎంతో గొప్పదైన మన వివాహ వ్యవస్థ, తర్వాత ఏర్పడే అమూల్యమైన దాంపత్య జీవితం… చక్కగా ఉండడానికి వరకట్నం వద్దని, వధువును వివాహమాడే ధీరులు మనసమాజంలో ఎంత పెరిగితే, అంతలా సమాజంలో స్త్రీ సంతోషపడుతుంది. ఎక్కడ స్త్రీ సంతోషపడుతుందో… అక్కడ దేవతలు సంతోషిస్తారని ప్రతీతి…

మూగ జీవులను ఎందుకు ప్రేమించాలి

మనిషికి మాత్రమే మాట్లాడే శక్తి ఉంటే, పనులపై నిర్ణయాధికారం ఉంది. మంచి చెడులు ఆలోచించి పనులు చేయవచ్చును లేక చేయకపోవచ్చును కానీ సృష్టిలో ఇతర ప్రాణులకు తమ భావనను మాటలలో బహిర్గతం చేయలేవు. వాటికి తెలిసింది కేవలం తమ ఆకలి తీర్చుకోవడం వరకే… అయితే మూగ జీవులను ఎందుకు ప్రేమించాలి? మూగ జీవుల గురించి మనకున్న శ్రద్ధ ఎలా ఉండాలి?

పైన చెప్పినట్టుగా మూగ జీవులు అంటేనే మాట్లాడలేవు. వాటికి బాధ కలిగితే, మూలుగుతూ బాధపడతాయి. సంతోషం అనేది తెలియకపోవచ్చును… కానీ ఆసంతోషం అవి వాటి అమ్మ దగ్గర పొందుతాయి… ఆతర్వాత వాటిని ప్రేమించే మనిషి ఉంటే, ఆ మనిషి దగ్గర పొందుతాయి. అంటే మూగ జీవులకు అమ్మ తర్వాత అమ్మగా మనిషి కనిపిస్తాడు.

మనిషి యొక్క ఉత్తమ లక్షణాలలో మనిషికి దయ కలిగి ఉండాలని చెబుతారు. పశువులందు దయతో ఉండడం వలన, వాటికి భయం తొలగుతుంది. మనిషికి భయం ఉన్నట్టే మూగ జీవులకు భయముంటుంది. కొన్ని మూగ జీవులకు మనిషి వలన కూడా భయం కలగవచ్చును. తన చుట్టూ ఉండే మూగ జీవులయందు ప్రేమతో వ్యవహరించడం వలన వాటిలో భయం తగ్గుతుంది. ఇంకా అవి సంతోషంగా ఉంటాయి.

కుక్క, గుర్రం, ఆవు, గేదే, ఎద్దు వంటి మూగ జీవులు మనిషికి ఉపయోగపడుతూ, మానవ సమాజంలో భాగంగా ఉంటాయి. అవి కేవలం ఆకలి అనిపించినప్పుడు ఆహారం తీసుకోవడం వరకే పరిమితం అవుతాయి. వాటిని ఉపయోగించుకుంటున్న మనిషి, వాటియందు దయతో లేకపోవడం కఠిన స్వభావంగా చెబుతారు. ‘మూగ జీవులను ఎందుకు ప్రేమించాలి‘ వాటిని ఉపయోగించుకుంటున్న మనిషి కృతజ్ఙతగా వాటిని ప్రేమతో చూడడమేనని అంటారు.

మరిన్ని తెలుగురీడ్స్ పోస్టులు

పాఠశాల గురించి తెలుగులో వ్యాసం, పాఠశాలకు ఎందుకు వెళ్లాలి?