సినిమాల్లో అశ్లీలం సమాజంపై ప్రభావం ఏవిధంగా ఉంటుంది? ఇది ముఖ్యంగా యువతపై ప్రభావం చూపుతుంది. ఇప్పుడు స్మార్ట్ ఫోన్ వాడకం ఎక్కువగా ఉండడం వలన పిల్లలపై కూడా ప్రభావం చూపగలదు. కావునా సినిమాల్లో అశ్లీలతను తొలగించాలి.

ఎందుకంటే, సినిమాలు ప్రత్యేకంగా చూడరు. అందరూ కలిసి చూస్తారు. ఇంకా కుటుంబసమేతంగా సినిమాలు చూస్తారు. కనుక సినిమాలు నిర్మించేవారు తమ సినిమాల్లో అశ్లీలత లేకుండా చూడాలి.

ఆకట్టుకోవడానికి అర్ధరహితంగా హీరోయిన్ అంగాంగములను శృంగారంగా చూపించడం వలన సినిమాకు కలెక్షన్లు రావచ్చును కానీ అది సమాజంలో చెడు ప్రభావానికి దారితీస్తుంది. కావునా ఈ విషయంలో సినిమాలలో అశ్లీలత లేకుండా చూడాలి.

యువత పెడద్రోవ పట్టకుండా ఉండడానికి ఇటువంటి ప్రదర్శనలు గల చిత్రాలు ఉండరాదు.

ఆసక్తిని బట్టి వార్తలు వస్తున్నాయా?

నేటి నీ కృషి రేపటికి నీకు

ఆంధ్రప్రదేశ్ ఉప ముఖ్యమంత్రి ఎవరు?

అబద్దం చెప్పిన వారి విలువను తగ్గిస్తుంది?

అభివృద్దికి ఆటంకాలు అంటే ఏవి?

అసత్య ప్రచారాలు వాస్తవాలు గురించి

రాజకీయాలలో ఎటువంటి మార్పు కావాలి? రాజకీయాలలో మార్పులు అనివార్యం. ఎందుకంటే సమాజంలో అనేక సమస్యలు పరిష్కారానికి నోచుకోకుండా ఉన్నాయని అంటున్నారు. కానీ ఏళ్లతరబడి పరిష్కారం కాని విషయాలు అలాగే కొనసాగుతున్నాయని అంటారు. సమాజంలో మార్పును తీసుకురాగల రంగం రాజకీయ రంగం కనుక రాజకీయాలలో మార్పులు అవసరం అంటారు.

ఎటువంటి మార్పు రాజకీయాలలో అవసరం అని నీవు భావిస్తావు?

రాజకీయాలలో మార్పు మంచి పరిణామంగా భావించాలి. అలా భావించలేని భావజాలం రాజకీయాలలో పాతుకుపోయినప్పుడు, నేను ఖచ్చితంగా రాజకీయాలలో మార్పును కోరతాను.

ఎటువంటివారు రాజకీయాలలో కొనసాగరాదని నీవు బావిస్తావు? ఎప్పుడు రాజకీయాలలో మార్పు అనివార్యంగా భావిస్తావు?

ప్రధానంగా అవినీతిని అంతం చేయడంలో ప్రభుత్వాలు ఫలితం సాధించలేనప్పుడు, రాజకీయాలలో మార్పు అనివార్యం అని భావిస్తాను. ఇంకా అవినీతి మరకలు అంటిన నాయకులకు రాజకీయాలలో చోటు ఉండరాదు.

అభివృద్దిని సాధించకుండా కేవలం తమ స్వార్ధ ప్రయోజనాల కోసమే పనిచేసే నాయకులు రాజకీయాలలో అనర్హులు. ప్రగతివైపు పయనించని ప్రాంతంలో నివసించే ప్రజల జీవన ప్రమాణాలు క్షీణిస్తాయి కాబట్టి స్వార్ధ ప్రయోజనాల కోసమే రాజకీయాలలో ఉండేవారిని, రాజకీయాల నుండి దూరం చేయాలి.

ప్రజలకు చెందవలసిన ప్రభుత్వ ఆస్తులను వ్యక్తిగతం చేసే నాయకులను రాజకీయాల నుండి దూరం చేయాలి. ప్రజలకు చేరవలసిన సంక్షేమ పధకాలలో అవినీతికి పాల్పడే రాజకీయ నాయకులను రాజకీయాల నుండి దూరం చేయాలి.

ఎటువంటివారిని నీవు రాజకీయాలలో నాయకుడిగా ఎన్నుకుంటావు?

ప్రజాశ్రేయస్సు కోసం ఆలోచించేవారిని, రేపటి సామాజిక భవిష్యత్తు కోసం, తాత్కలిక ప్రయోజనాలను రక్షిస్తూ, ప్రజలలో అవగాహన కల్పిస్తూ, ప్రణాళిక రచన చేసి, సమాజాన్ని అభివృద్దివైపు నడిపించే నాయకత్వ లక్షణాలు గల నాయకుడికి ప్రజలు పట్టం కడతారు.

సంస్థలున బలోపేతం చేసి, సంస్థల ద్వారా సంపదను సృష్టించి, సమాజాన్ని ప్రగతి బాట పట్టించే నాయకులకు రాజకీయాలలో మంచి భవిష్యత్తు ఉంటుంది.

పాత ఆలోచలనే అమలు చేస్తూ, కొత్త ఆలోచనలకు ఆస్కారం ఇవ్వని నాయకత్వం వలన సమాజం అభివృద్ది చెందలేదు కనుక సామాజిక పరిస్థితులకనుగుణంగా కాలంలో వచ్చే మార్పులను పరిశీలిస్తూ, రేపటి గురించి ఆలోచించగలిగే నాయకులకు రాజకీయాలో ప్రజలు పెద్దపీఠ వేస్తారు.

అన్ని కులాల వారిని సమభావంతో ఆదరించగలిగే నాయకులకే రాజకీయాలలో భవిష్యత్తు.

మతసామరస్యం లేని నాయకులకు రాజకీయాలలో చోటు ఉండదు.

సమాజాన్ని అభివృద్దివైపు నడిపించడంలో వచ్చే సమస్యలకు పరిష్కారం కనుగొంటూ, సమాజంలో శాంతి భద్రతలు, వ్యవస్థల పనితీరు చక్కగా ఉండే పరిపాలన రావాలని అటువంటి మార్పు రాజకీయాలలో కావాలని అందరూ ఆశిస్తారు.

ఆసక్తిని బట్టి వార్తలు వస్తున్నాయా?

నేటి నీ కృషి రేపటికి నీకు

ఆంధ్రప్రదేశ్ ఉప ముఖ్యమంత్రి ఎవరు?

అబద్దం చెప్పిన వారి విలువను తగ్గిస్తుంది?

అభివృద్దికి ఆటంకాలు అంటే ఏవి?

అసత్య ప్రచారాలు వాస్తవాలు గురించి

పరిచయం – రాజకీయాల్లో విద్యార్థుల పాత్ర వ్యాసం

రాజకీయాల్లో విద్యార్థుల భాగస్వామ్యం ఎల్లప్పుడూ సమాజానికి నూతనోత్తేజాన్ని అందిస్తుంది. యువశక్తి రాజకీయాలలో చురుకుగా పాల్గొనగలుగుతారు. ఇది చైతన్యవంతమైన మరియు ప్రగతిశీల సమాజాలకు మూలస్తంభంగా ఉంది. అనేక ఉద్యమాల నుండి నేటి వాతావరణ సమ్మెల వరకు, విద్యార్థులు సమస్యలపై పోరాటపటిమను చూపుతూ, సమాజంపై చైతన్యవంతమైన ప్రభావం కనబరుస్తున్నారు. ఇంకా సామాజిక సమస్యలపై అవగాహనతో, అవసరమైనప్పుడు తమ యువగళం వినిపిస్తున్నారు. వ్యాసం రాజకీయాలలో విద్యార్థుల ప్రమేయం యొక్క ప్రాముఖ్యతను, వారు ఎదుర్కొనే సవాళ్లను మరియు సమాజంపై వారు చూపే పరివర్తన ప్రభావాన్ని విశ్లేషిస్తుంది.

చారిత్రక దృక్పథం

భారతదేశంలో పేరుకుపోయిన అవినీతి గురించి గళమెత్తిన అన్నా హజారేకు మద్దతుగా విద్యార్ధిలోకం నిలిచింది. దేశవ్యాప్తంగా ఆ ఉద్యమం సంచలనం కావడానికి విద్యార్ధులు దోహదపడ్డారు. ఇలా సామాజిక శ్రేయస్సు కోసం పాటుపడే నాయకులకు విద్యార్ధులు మద్దతుగా నిలబడడం శుభపరిణామం.

ఆధునిక సందర్భం – రాజకీయాల్లో విద్యార్థుల పాత్ర వ్యాసం

నేటికాలంలో సామాజిక మాధ్యమ ప్రభావం చాలా కీలకంగా మారింది. అందులో యువత బాగా ఆరితేరారు. విద్యార్ధులకు సోషల్ మీడియా మంచి వేదికగా ఉంది. తమ గళం వినిపించడానికి వారు సోషల్ మీడియా వేదికగా ప్రతిస్పందిస్తారు. అదేవిధంగా విద్యార్ధులకు అనేక విషయాలపై అవగాహన రావడానికి సోషల్ మీడియా తోడ్పడుతుంది. వారు రాజకీయాలలో కీలక పాత్ర పోషించడానికి సోషల్ మీడియా బాగా సాయపడుతుంది. విద్యార్థులు మరింత సమర్ధవంతంగా నిర్వహించడానికి, కమ్యూనికేట్ చేయడానికి మరియు వాదించడానికి వీలు కల్పిస్తుంది. ట్విట్టర్, ఇన్‌స్టాగ్రామ్ మరియు ఫేస్‌బుక్ వంటి ప్లాట్‌ఫారమ్‌లు రాజకీయ క్రియాశీలతకు అవసరమైన సాధనాలుగా మారాయి, విద్యార్థులకు అవగాహన పెంచడానికి, మద్దతును సమీకరించడానికి మరియు విధాన రూపకర్తలను ఒత్తిడి చేయడానికి వీలు కల్పిస్తుంది. .

రాజకీయాల్లో విద్యార్థులు ఎదుర్కొంటున్న సవాళ్లు

ఒకటి చెబుతూ మరొకటి చేసే రాజకీయాలు విద్యార్ధులకు మింగుడుపడని అంశంగా ఉంటుందని అంటారు. క్రియాశీలక రాజకీయాలలో ఆదర్శవంతంగా పనిచేయడం సవాలుగానే మారుతుంది. సంస్థాగత, వ్యవస్థాగత లోపాలు వారికి ఆటంకంగా మారతాయి. అవి మారాలంటే రాజకీయాలలో మార్పు అవసరం. మార్పు రావాలంటే, మంచి నాయకత్వం అవసరం. మంచి నాయకత్వం మంచి రాజకీయ వాతావరణం ఉన్నప్పుడే సాధ్యం. కావునా రాజకీయాలు రేపటి భవిష్యత్తుకోసం, సామాజిక శ్రేయస్సుని కాంక్షిస్తూ సాగాలని అంటారు.

విద్యార్థుల ప్రమేయం యొక్క ప్రయోజనాలు

రాజకీయాలలో విద్యార్థుల ప్రమేయం అనేక ప్రయోజనాలను సమాజంలో మంచి మార్పును తెస్తుంది. విద్యార్ధుల తాజా దృక్కోణాలు మరియు వినూత్న విధానాలు పాత పద్ధతులను సవాలు చేస్తూ, కొత్త మార్పులకు నాంది కాగలవు. కొత్త ఆలోచనలను రాజకీయాలకు పరిచయం చేయగలవు. విద్యార్థుల నిశ్చితార్థం క్రియాశీల పౌరసత్వం యొక్క సంస్కృతిని కూడా ప్రోత్సహిస్తుంది, ఇతరులను పాల్గొనడానికి మరియు మార్పు కోసం వాదించేలా ప్రోత్సహిస్తుంది. దీర్ఘకాలంలో, నేటి విద్యార్థి కార్యకర్తలు రేపటి నాయకులుగా మారే అవకాశం ఉంది, వారి అనుభవాలను మరియు విలువలను ప్రభావం మరియు అధికార స్థానాల్లోకి తీసుకువస్తుంది.

ముగింపు – రాజకీయాల్లో విద్యార్థుల పాత్ర వ్యాసం

విద్యార్ధి దశలో నాయకత్వ లక్షణాలు మెరుగుపడితే, రేపటి సమాజంలో వారే సమాజాన్ని నడిపించే నాయకులుగా మారతారు. దేశ భవిష్యత్తుని మార్చే శక్తిగా మారతారు.

ఆసక్తిని బట్టి వార్తలు వస్తున్నాయా?

నేటి నీ కృషి రేపటికి నీకు

ఆంధ్రప్రదేశ్ ఉప ముఖ్యమంత్రి ఎవరు?

అబద్దం చెప్పిన వారి విలువను తగ్గిస్తుంది?

అభివృద్దికి ఆటంకాలు అంటే ఏవి?

అసత్య ప్రచారాలు వాస్తవాలు గురించి

దీర్ఘకాలిక ప్రణాళికలు అనేది భవిష్యత్ లక్ష్యాలు మరియు లక్ష్యాలను సాధించడానికి ఒక సంస్థ లేదా వ్యక్తికి మార్గనిర్దేశం చేసే వ్యూహాత్మక రూపకల్పన. దీర్ఘకాలిక ప్రణాళికలు వలన ఉపయోగాలు ఉంటాయి.

స్పష్టమైన లక్ష్యాలను నిర్ధేశించుకుని, వాటిని సాధించడానికి తగిన సమయం లభిస్తుంది.

ఆర్ధిక వనరులు, మానవ వనరులు మరియు బౌతిక వనరులు వినియోగించుకుని వ్యూహాత్మక లక్ష్యాలను సాధించడానికి దిశను నిర్ధేశిస్తాయి.

భవిష్యత్తులో ఎదురయ్యే అనిశ్చిత పరిస్థితులు గుర్తించడంలో, ఆయా పరిస్థితులకు అనుగుణంగా విధి విధానాలు రూపొందించడంలో సాయపడతాయి.

దీర్ఘకాలిక ప్రణాళిక అమలులో తాత్కాలిక ప్రణాళికలు అమలు చేసుకుంటూ, దీర్ఘకాల లక్ష్యాలను నిర్ధేశించుకోవచ్చును.

స్థిరమైన అభివృద్దిని సాధించడానికి దీర్ఘకాలిక ప్రణాళికలు ఉపయోగపడతాయి.

దీర్ఘకాలిక ప్రణాళికలలో భాగంగా, పరిస్థితులకు అనుకూలంగా స్వల్పకాలిక ప్రణాళికను అమలు చేయడానికి అవకాశం ఉంటుంది.

విశ్వసనీయత ఉంటుంది. అమలు చేయడానికి ఎక్కువ కాలం పడుతుంది. ఫలితం కూడా ఎక్కువకాలం ఉంటుంది.

ఈ విధంగా దీర్ఘకాలిక ప్రణాళికలను అమలు చేసిన సంస్థలో మరియు సంస్థపై విశ్వనీయత వస్తుంది.

ఆసక్తిని బట్టి వార్తలు వస్తున్నాయా?

నేటి నీ కృషి రేపటికి నీకు

ఆంధ్రప్రదేశ్ ఉప ముఖ్యమంత్రి ఎవరు?

అబద్దం చెప్పిన వారి విలువను తగ్గిస్తుంది?

అభివృద్దికి ఆటంకాలు అంటే ఏవి?

అసత్య ప్రచారాలు వాస్తవాలు గురించి

కర్ణుడు జీవితం నుండి ఏం గ్రహించాలి? మహా భారతం ఇతిహాసం అంటే గతంలో జరిగినది… దానిని గ్రంధస్తం చేశారు. కాబట్టి జరిగిపోయినది. కానీ పంచమవేదంగా మహాభారతాన్ని చెబుతారు. అందులో నుండి ధర్మ సూక్ష్మములు తెలుసుకోవచ్చును అని పెద్దలు చెబుతారు.

మహాభారతం గొప్పగ్రంధం అందులోని కొందరి జీవితాలను పరిశీలిస్తే, జీవితంలో ఎలా ఉండకూడదో? ఎలా ఉండాలి? వంటి కొన్న ప్రశ్నలకు సమాధానాలు లభిస్తాయని అంటారు. అలా కర్ణుడి గురించి పరిశీలిస్తే….

పాండవులకు తల్లి అయిన కుంతీదేవి, వివాహమునకు ముందే కర్ణుడికి కన్నతల్లి. కుంతీదేవి బాలికగా ఉన్నప్పుడే, దుర్వాస మహర్షికి సేవలు చేసి, ఆ మహర్షి మెప్పు పొందింది. కనుక దుర్వాస మహర్షి కుంతీదేవికి ఒక మంత్రమును ఉపదేశిస్తాడు. సూర్యుని చేసి, దుర్వాస మహర్షి ఉపదేశించిన మంత్రమును ఆమె పఠించడంతో, సూర్యుడు ప్రత్యక్షం అవుతాడు. కుంతీదేవికి సంతానం ప్రసాదిస్తాడు. వివాహం కాకుండా సంతానం ఉండకూడదని భావించిన కుంతీదేవి, కర్ణుడిని ఒక పెట్టెలో భద్రంగా పెట్టి, ఆ పెట్టెను నదీ ప్రవాహంలో వదిలిపెడుతుంది. అలా కుంతీదేవి వదలిని పెట్టె, రాధాదేవికి లభిస్తుంది. అప్పటి నుండి కర్ణుడు సూతుడు, రాధాదేవిల ప్రేమానురాగాల మద్య పెరుగుతాడు.

సూతుడు, దృతరాష్త్రుడు స్నేహితులు కావునా, కురు, పాండవులతో పాటే, ద్రోణాచార్యుల వద్ద విలువిద్యను కర్ణుడు కూడా అభ్యసిస్తాడు. అస్త్రములను పొందుతాడు. ఆ తర్వాత పరశురాముడి దగ్గర బ్రహ్మాస్త్రమును పొందుతాడు.

కర్ణుడు గొప్ప గుణములను కలిగి ఉంటాడు. గొప్ప పరాక్రమవంతుడు. కుమార విద్య ప్రదర్శన సమయంలో కర్ణుడు, అర్జునుడితో పోటీపడతాడు. దుర్యోధనుడి వలన అంగరాజ్యమునకు రాజు అవుతాడు.

అలా కర్ణుడు అంగరాజుగా మారినప్పటి నుండి దుర్యోధనుడు, కర్ణుడి మైత్రి స్థిరపడుతుంది. విడివడలేని స్నేహబంధంగా మారుతుంది. ఇక అక్కడి నుండి పాండవుల పతనం కోరుకుంటున్న, దుర్యోధనుడి పధక రచనలలో కర్ణుడి పాత్ర కీలకంగా మారుతుంది. ఇంకా దుర్యోధనుడు పాండవులపై విపరీతమైన పగను పెంచుకోవడం కర్ణుడి పాత్ర కూడా ఉంటుందని చెబుతారు.

కర్ణుడు జీవితం నుండి ఏం గ్రహించాలి? ధర్మం వైపు నిలబడకపోతే

ఇక కురుక్షేత్ర యుద్ధంలో కర్ణుడు, అర్జునుడి చేతిలో హతుడవుతాడు. అందుకు ఆయనకు గల శాపాలు కూడా కలసివస్తాయి. అయితే అందరూ అనేది ఏమిటంటే?

శాపాలు లేకపోతే, కర్ణుడుని, అర్జునుడు ఏమిచేయలేడు. ఇంకా అరణ్యపర్వంలో కవచకుండళాలు ఇంద్రునికి ఇవ్వకుండా ఉండి ఉంటే, కర్ణుడిని గెలవడం కూడా కుదరదని అంటారు.

అవును అని అంగీకరించాలి కూడా… అయితే ఎందుకు మరి దేవతలు ఈ విధంగా చేశారు.

పుట్టుకతో కవచ కుండలాలు గల కర్ణుడు, కేవలం ధర్మం వైపు నిలబడకపోవడం వలననే అతనికి అజేయశక్తినిచ్చే, కవచ కుండళాలు అతనికి దూరం అయినాయి అంటారు. ఎందుకు కర్ణుడు అధర్మపరుడైన దుర్యోధనుడివైపు వెళ్ళి ఉంటాడు?

ఆది నుండి అర్జునుడు అంటే, కర్ణుడికి ఇష్టం ఉండదు. ముఖ్యంగా విలువిద్యలో అర్జునుడు పొందుతున్న మెప్పు కన్నా తన విద్య మెప్పు పొందాలనే భావన… వలన అర్జునుడి కంటే, తను గొప్ప అనిపించుకోవాలనే బలమైన భావన వలన బహుశా కుమార విద్యా ప్రదర్శన సమయంలో కర్ణుడు, అర్జునుడితో పోటీ పడతాడు. అందులో కర్ణుడి ప్రతిభ చూసిన దుర్యోధనుడు, కర్ణుడిని అంగరాజుగా చేయడంతో, దుర్యోధనుడితో మైత్రి పెరిగింది.

కర్ణుడి పతనానికి కారణం ఏమిటి?

కుఠిల బుద్ది, అసూయపరుడైన దుర్యోధనుడి ఆలోచనలకు అనుకూలంగా కర్ణుడు ఆలోచనలు చేయడమే, అతని శక్తి క్షీణించడానికి కారణం అంటారు.

ధర్మాన్ని గెలిపించడమే దేవతల కర్తవ్యం అని, అందులో భాగంగా మానవులను పావులుగా చేసుకుంటారు. అందుకు వారి స్వభావమును దోషముగా చూపుతారని అంటారు.

సహజంగా కర్ణుడు గొప్ప గుణములు గలవాడు. కానీ చెడు సావాసం చేయడం. ఆ చెడు సహవాసంతో మమేకం కావడమే అతని పతనానికి నాంది అంటారు. మరీ ముఖ్యంగా ద్రౌపదీ వస్త్రాపహరణకు దుర్యోధనుడిని మాటలతో ఉసిగొప్పింది కర్ణుడేనని అంటారు. అదే అక్కడి చాలామంది పతనానికి నాంది అంటారు.

అంటే ఎంత పరాక్రమం, ఎంతటి శక్తి ఉన్నా సరే చెడ్డవారితో స్నేహం చేస్తే, సహజ లక్షణాలు కూడా శోభించవు.

ఎన్ని గొప్పగుణాలు ఉన్నా, చెడ్డవ్యక్తితో స్నేహం చేస్తే, ఆ స్నేహం వలన గొప్ప గుణాలు కూడా మసకబారిపోతాయి.

కావునా కర్ణుడి జీవితం నుండి ఏం గ్రహించాలి? అంటే మంచి వారితో స్నేహం చేయలేకపోయినా, చెడ్డవారితో స్నేహం కూడదు.

ఆసక్తిని బట్టి వార్తలు వస్తున్నాయా?

నేటి నీ కృషి రేపటికి నీకు

ఆంధ్రప్రదేశ్ ఉప ముఖ్యమంత్రి ఎవరు?

అబద్దం చెప్పిన వారి విలువను తగ్గిస్తుంది?

అభివృద్దికి ఆటంకాలు అంటే ఏవి?

అసత్య ప్రచారాలు వాస్తవాలు గురించి

మధువు మీనింగ్ ఇన్ తెలుగుచిత్తము అనే పదానికి తగిన అర్థం

నేరస్థులు పాలకులైతే పాలనా స్థితి ఎలా ఉంటుంది? నేరస్థులు పాలకులైతే పాలనా యంత్రాంగం భ్రష్టు పట్టిపోతుంది. వ్యవస్థలు నిర్వీర్యం అవుతాయి. ప్రధానంగా కార్యాచరణ ముందుకు సాగదు. అడ్డగోలు నిర్ణయాలు అమలవుతాయి. నిబంధనలు పాటించకపోవడం పరిపాటిగా మారుతుంది.

ముఖ్యంగా మంచి – చెడుల గుర్తింపు మారిపోతుంది. చెడు మంచిగానూ, మంచి చెడుగానూ ప్రభావితం చేయబడుతూ ఉంటుంది. అందరూ తాత్కాలిక సౌఖ్యం కోసమే వెంపర్లాడడం మొదలవుతుంది. మంచి మాటను పెడచెవిన పెట్టేవారు ఎక్కువగా ఉంటారు. అందువలన ఆ ప్రాంతపు పరిస్థితులలో శాంతి లోపిస్తుంది.

ప్రభుత్వం ఒక నిర్ణయం తీసుకోవాలంటే, అందుకు మంత్రివర్గంతో సమావేశం, అఖిల పక్షంతో సమావేశం చేసి, తమ నిర్ణయం యొక్క ప్రధాన ఉద్దేశ్యంతో బాటు, తమ నిర్ణయం వలన ప్రజలకు జరిగే ప్రయోజనం ఎంతో, చర్చను నిర్వహించి, చర్చల తర్వాత, ప్రభుత్వం నిర్ణయాన్ని ఆమోదిస్తుంది. అదే పాలకులు నేరస్థులైతే, ప్రజా ప్రయోజనాల కన్నా, తమ స్వార్ధ ప్రయోజనాలే ప్రధానంగా మారతాయి. ప్రభుత్వ నిర్ణయాలు ఏకపక్షంగా ఉంటాయి.

ఒక ప్రాంతానికి ఇతర ప్రాంతాలలో చెడ్డ పేరు వచ్చే అవకాశం ఉంటుంది. ఎప్పుడంటే, పాలకులు నేరస్థులైనప్పుడు.

నేరస్థులు పాలకులైతే పాలనా స్థితి ఎలా ఉంటుంది? – నేరాలు పెరుగుతాయి.

ఇంకా నేరప్రవృత్తి బాగా పెరిగిపోతుంది. నేరాలను అదుపు చేయడం కష్టంగా మారుతుంది. నేరాలను అదుపు చేసే వ్యవస్థ అప్రతిష్టను మూటగట్టుకుంటుంది.

హత్యలు, హత్యాయత్నాలు, అత్యాచారాలు, అత్యాచార యత్నాలు, మహిళలపై చులకన భావన ఇంకా మహిళల ఆత్మగౌరవాన్ని కించపరచడం వంటి నేరాలు పెరిగిపోతాయి. బాలల్లో కూడా నేరప్రవృత్తి ఆలోచనలు పెరిగే అవకాశం ఉంటుంది. ఎందుకంటే తప్పు చేసిన వారికి శిక్షలు లేకపోవడం వలన సమాజంలో నేరప్రవృత్తి వైపు ఆకర్షితులు కావడం జరుగుతుంది.

సామాజిక అభద్రత పెరిగిపోతుంది. కావునా ఎటువంటి పరిస్థితులలోనూ నేర స్వభావం ఉన్నవారికి అధికారం అప్పగించకూడదని పెద్దలు చెబుతూ ఉంటారు. అది సామాజిక వినాశనానికి దారి తీస్తుంది.

ఆసక్తిని బట్టి వార్తలు వస్తున్నాయా?

నేటి నీ కృషి రేపటికి నీకు

ఆంధ్రప్రదేశ్ ఉప ముఖ్యమంత్రి ఎవరు?

అబద్దం చెప్పిన వారి విలువను తగ్గిస్తుంది?

అభివృద్దికి ఆటంకాలు అంటే ఏవి?

అసత్య ప్రచారాలు వాస్తవాలు గురించి

మధువు మీనింగ్ ఇన్ తెలుగుచిత్తము అనే పదానికి తగిన అర్థం

ఏపీకి ఏం కావాలి? అంటే, అభివృద్ది కావాలి. పేదలకు సంక్షేమం అందాలి. పరిశ్రమలు పెరగాలి. వ్యాపార, వాణిజ్య రంగాలు అభివృద్ది చెందాలి. గ్రామాలలో సౌకర్యాలు కావాలి. రోడ్లు బాగుపడాలి. వ్యవసాయానికి సమృద్దిగా నీరు కావాలి. వ్యవసాయదారులకు గిట్టుబాటు ధరలు కావాలి. అందరికీ శుభ్రమైన త్రాగు నీరు కావాలి…… ఏపీకి ఏం కావాలి? అంటే…. అవసరం అయిన అన్ని ఏపీకి కావాలి.

2014 విభజనలో రాష్ట్రం లోటు బడ్జెట్ తో స్తార్ట్ అయ్యింది. 2019 చివరకు ఏపీకి అప్పులు పెరిగాయి. 2024 ఏప్రిల్ వరకు ఏపీకి అప్పులు మరింతగా పెరిగాయి. అవి అంచనా వేయడానికి ఇంకా సమయం పడుతుందని ప్రస్తుత సమయంలో మీడియాలో చర్చ. ఏపీ అప్పులు గురించి మీడియాలోనే వార్తలు, చర్చలు జరుగుతున్నాయి. రాష్ట్ర ప్రభుత్వం శ్వేత పత్రాల విడుదల చేస్తుంది.

ఏపీకి బాబు కావాలి అంటూ 2014 విభజన తర్వాత జరిగిన ఎన్నికలలో ఏపి ప్రజలు తీర్పు చెప్పారు. ఆర్భాటంగా అమరావతి ఆరంభించారు. పోలవరం ప్రొజెక్టు కట్టడం వేగంగా జరుగుతూ వచ్చింది. ప్రజలు పోలవరం చూడడానికి బస్సులతో తీసుకువెళ్లారు. కియా మోటార్స్ వచ్చింది… 2014 – 2019 కొంతవరకు పరిస్థితి ఆశాజనకంగా అనిపించిందని అంటారు. అయితే 2018 వచ్చే సరికి ఏపీలో జరుగుతున్న అభివృద్ది సరిపోదు, ఇంకా కావాలి అంటూ…. ప్రచారం జరిగిందని అందుకే ప్రజలు జగన్ అయితే మరింత వేగంగా వృద్ది చెందుతుందని భావించరని, అందుకే 2019 ఎన్నికలలో ఏపీకి ఏం కావాలి? అంటే జగన్ కావాలి అంటూ, గతంలో ఎవ్వరికీ రాని మెజార్టి ప్రజలు వైసిపికి ఇచ్చారని విశ్లేషకులు వివరించారు.

2024లో ఏపీకి ఏం కావాలి? అంటే కూటమి కావాలి అంటూ…

కానీ కారణాలు మీడియాలోనే ఉన్నాయి. అమరావతి పనులు ఆగాయి. పోలవరం ప్రొజెక్టు పూర్తికాలేదు. కొత్తగా పరిశ్రమలు రాలేదు. 2019 – 2024 మద్యలో అభివృద్ది కన్నా సంక్షేమమే మిన్న అని వైసిపి పార్టీ అభిప్రాయపడినట్టుంది… అందుకే ఒక్క బటన్ నొక్కడం వేల కోట్లు లబ్ధిదారుల ఖాతాలో జమ చేసేవిధంగా పనిచేశారని అంటారు. అయినా 2023 సంవత్సరం చివరికి ఏపీ ప్రజల ఆలోచనలో పెద్ద మార్పు వచ్చిందని ఈ సారి విశ్లేషకులు కూడా గ్రహించలేకపోయారని మీడియాలో చర్చ.

2024లో జరిగిన ఎన్నికలలో ప్రజల తీర్పు 2019 ఎన్నికలకు పూర్తి భిన్నంగా ఇంకా ఎక్కువ మెజార్టీని కూటమికి కట్టబెట్టారు. ఏపీకి ఏం కావాలి? అనే ప్రశ్నకు ప్రజలు చాలా క్లారీటితోనే ఉంటున్నారు. అభివృద్దిని వేగంగా ఆశిస్తున్నారు.

అయితే అభివృద్ది అలా వేగంగా జరగాలంటే, ఆరంభంలోనే సాధ్యం కాదు. కానీ ప్రారంభం జరిగిన కొన్నాళ్లకు అభివృద్దిలో వేగం ఉంటుంది కానీ ఏదైనా ఆరంభంలోనే అభివృద్ది వేగంగా జరగదని అభిప్రాయపడుతూ ఉంటారు. అయితే ఎవరు ఎలా విశ్లేషించకున్నా… ఏపీ ప్రజలు ప్రభుత్వానికి ఇస్తున్న గడువు అయిదేళ్లు మాత్రమే… ప్రభుత్వ పనితీరు నచ్చకపోతే, పూర్తి వ్యతిరేక తీర్పును ప్రజలు ఇచ్చేస్తున్నారు. అది ప్రభుత్వ అంచనాకు కూడా అందని విధంగా ఉంటుంది.

ఏపీకి ఏం కావాలి? అంటే, సామాన్యులకు, మధ్య తరగతివారికి ఆదాయం పెరగాలి.

సామాన్యుడికి ఆదాయం ఉండాలి. సామాన్యుడికి ఆదాయం ఉంటే, అతను తనకు వచ్చిన ఆదాయంలో కొంత సొమ్మును ఖర్చు చేస్తాడు. అలాంటి సామాన్యులు అనేకమంది ఖర్చు చేసే, ఖర్చు వలన సమాజంలో మనీ రోటేషన్, వ్యాపారం, వాణిజ్యం పెరుగుతుంది. అభివృద్ది సాధనలో భాగంగా సామాన్యుడి ఆదాయం పెరగడం మొదటి పనిగా చెబుతారు.

ఎందుకంటే, నగరాలలోనూ, పట్టణాలలోనూ, పల్లెల్లోనూ కూడా సామాన్యులు ఎక్కువగా ఉంటారు.

ఇక మధ్యతరగతి ప్రజలకు ఆదాయం పెరిగితే, వారి ఖర్చులు కూడా ఎక్కువగానే ఉంటాయి. ఇంకా వారు ఎక్కువగా పన్నులు చెల్లించడంలో కూడా ఉంటారు. కాబట్టి ఈ వర్గం ప్రజల ఆదాయం కూడా పెరిగే విధంగా అభివృద్ది ప్రణాళిక ఉండాలి.

అంటే ముఖ్యంగా ఉపాధి అవకాశాలు పెరగాలి. ఉద్యోగ రూపకల్పన జరగాలి. చిన్న పరిశ్రమల పోత్సాహం జరగాలి.

ఏపీలో పెట్టుబడిదారులకు నమ్మకం పెరిగితే, ఏపీలో పరిశ్రమలు వస్తాయని అంటారు. ప్రజలకు ఉపాధి అవకాశాలు పెరుగుతాయని అంటారు.

ముసలివారికి, అనారోగ్యవంతులకు, వితంతువులకు తదితర ఆధారపడి జీవించేవారికి ఏపీలో సంక్షేమం ఒక వరంగా ఉంది. కావునా ఏపీలో సంక్షేమం పధకాల అమలు అవసరం.

విద్యా ప్రమాణాలు పెరగాలి. ప్రభుత్వ పాఠశాలలో సదుపాయాలు పెరగాలి. నాణ్యమైన విద్యను అభ్యసించే విధంగా చర్యలు ఉండాలి.

వ్యక్తిగత అభిప్రాయాలను, సాంఘిక అభిప్రాయాలుగా పరిగణించకుండా, సామాజిక శ్రేయస్సును కాంక్షించేవిధంగా చర్చలు జరగాలి. ప్రజలలో సామాజిక ప్రయోజనాలు, సామాజిక అభివృద్ది, సామాజిక శాంతి బాగుంటే, అందులో జీవించే కుటుంబ వాతావరణం బాగుంటందనే అవగాహన ప్రజలలో ఉండాలి. అప్పుడే అసాంఘిక కార్యకలాపాలు సాగించేవారిలో మార్పు ఉంటుంది.

ప్రజలలో ప్రభుత్వంపై నమ్మకం, ప్రభుత్వానికి ప్రజలలో భరోసా ఇవ్వడం ప్రధానం

ఏపీకి రాజధాని పూర్తికాలేదు. ఏపీకి గుండెకాయలాంటి ప్రొజెక్టు పూర్తి కాలేదు… అవి పూర్తయ్యే సరికి ఏపీ బాగుంటుంది. కానీ ఏపీ ప్రజలు ఇచ్చిన సమయం ఐదేళ్లు మాత్రమే… ఈ ఐదేళ్ళలో ప్రభుత్వం ప్రజల నమ్మకం పొందాలి. అప్పుడే ఏపి అభివృద్ది చెందడానికి కావాల్సిన సమయం ప్రభుత్వానికి లభిస్తుంది.

ప్రధానంగా ఏపీకి ఏం కావాలి? అంటే ప్రజలలో ప్రభుత్వంపై నమ్మకం కావాలి. ప్రభుత్వం ప్రజలను మోసం చేయడంలేదనే భరోసాని ప్రజలలో కల్పించాలి. ఎందుకంటే ప్రచారంలో మంచి చెడులు మద్య సంఘర్షణ ఎక్కువగా ఉంటుంది. కావునా ఎటువంటి ప్రచారం, ఎప్పుడు ఎటువంటి ప్రభావం చూపుతుందో తెలియదు. కావునా ప్రజలలో ప్రభుత్వంపై నమ్మకం పోకూడదు. ఇంకా పారిశ్రామిక వేత్తలలో ఏపీపై నమ్మకం బలపడాలి.

ఎన్నో అవకాశాలు ఉంటాయి. కష్టపడాలి అనే స్వభావం గల వ్యక్తికి సమాజం అవకాశాలు ఇస్తూనే ఉంటుంది. అలాగే భవిష్యత్తుపై అవగాహన ఉన్న నాయకుడికి సమాజంలో ఎన్నో అవకాశాలు ఉంటాయి. అయితే ప్రధానం నాయకుడిపై ప్రజలకు దీర్ఘకాల నమ్మకం, అలాగే ప్రజలలో తనపై ఉన్న నమ్మకం వమ్ముకాకుండా, నాయకుని పరిపాలన ఉంటే, ఏపీలో అభివృద్ది సాద్యమే… నమ్మకమే ఇప్పుడు ప్రధానం అయితే, అసత్య ప్రచారాలను పట్టించుకోకుండా ఉండడం మరింత ముఖ్యం.

ఆసక్తిని బట్టి వార్తలు వస్తున్నాయా?

నేటి నీ కృషి రేపటికి నీకు

ఆంధ్రప్రదేశ్ ఉప ముఖ్యమంత్రి ఎవరు?

అబద్దం చెప్పిన వారి విలువను తగ్గిస్తుంది?

అభివృద్దికి ఆటంకాలు అంటే ఏవి?

అసత్య ప్రచారాలు వాస్తవాలు గురించి

మధువు మీనింగ్ ఇన్ తెలుగుచిత్తము అనే పదానికి తగిన అర్థం

పెద్దలు నీతి కథలు పిల్లలకు చెప్పడం, అవి విని పిల్లలు విలువలపై ఆసక్తిని పెంపొందించుకోగలరు. ముఖ్యంగా తల్లి చెప్పే నీతి కథలు పిల్లలపై మంచి ప్రభావం చూపుతాయి అంటారు. నీతి కథలు సామాజిక బాధ్యతను, సామాజిక భావనలు అర్ధం చేసుకోవడంలో పిల్లలకు సాయపడతాయి. సమాజంలో బ్రతకడానికి, సామాజిక అవగాహన అవసరమే కదా! పిల్లలపై నీతి కథల ప్రభావం?

పిల్లలు నిద్రపోవడానికి మారాం చేస్తే, అమ్మ పాట పాడి నిద్రపుచ్చుతుంది. ఇంకా వయస్సు పెరిగే కొద్ది పిల్లలకు అమ్మ కథలు చెబుతూ నిద్రపుచ్చుతుంది. అటువంటి సమయంలో అమ్మ చెప్పే నీతి కథలు పిల్లలపై మంచి ప్రభావం చూపుతాయని అంటారు.

రక రకాల నీతి కథలు సామాజిక స్థితిపై, చరిత్రపై, పిల్లలలో ఆసక్తిని పెంచుతాయి. బాల్యం నుండి పిల్లలు నీతి కథలు వినడం వలన, వారి వ్యక్తిత్వంపై ఆ నీతి కథల ప్రభావం ఉంటుందని అంటారు. అలా పిల్లలను ప్రభావితం చేయడానికి నైతిక కథనాలను సమర్థవంతంగా ఉపయోగించడానికి ఇక్కడ కొన్ని మార్గాలు ఉన్నాయి:

పిల్లల వయస్సును బట్టి నీతి కథలు ఎంపిక: పిల్లల వయస్సు మరియు గ్రహణశక్తి స్థాయికి తగిన కథనాలను ఎంచుకోండి. చిన్న పిల్లలకు స్పష్టమైన నైతికతలతో కూడిన సరళమైన కథలు చెప్పడం ఉత్తమం, పెద్ద పిల్లలు మరింత క్లిష్టమైన కథనాలను అర్ధం చేసుకోగలరు.

నీతి గురించి చర్చించండి: ఒక నీతి కథ చెప్పిన తర్వాత, కథలోని నీతి ఏమిటో పిల్లలను ప్రశ్నించండి. పిల్లలతో నైతికత గురించి చర్చించండి. పాత్రల చర్యలు, వాటి పర్యవసానాలు మరియు వారి గురించి పిల్లవాడు ఏమనుకుంటున్నాడనే దాని గురించి ప్రశ్నలు అడగండి. ఇది విమర్శనాత్మక ఆలోచన మరియు లోతైన అవగాహనను ప్రోత్సహిస్తుంది.

నిజ-జీవిత పరిస్థితులకు సంబంధించినది: చరిత్రలో కథలే కాకుండా, నేటి సామాజిక పరిస్థితుల బట్టి, నీతి కథలు ఎంపిక చేసుకోవాలి. లేదా ఆనాటి కథలనే, నేటి సామాజిక పరిస్థితలకు అనుగుణంగా, పిల్లలకు అర్ధం అయ్యేటట్టు కథలు చెప్పండి. మహాభారతంలో కొన్ని నీతి కథలు ఎప్పటికీ సామాజిక స్థితిని, వివిధ స్వభావాలను అంచనా వేయడంలో ఉపయోగపడతాయని అంటారు. కథలో బోధించిన విలువల ఆచరణాత్మక అన్వయాన్ని చూడడానికి ఇది వారికి సహాయపడుతుంది.

పిల్లలపై నీతి కథలు ప్రభావం – తండ్రి ఆదర్శం

విభిన్న పాత్రలు మరియు పరిస్థితులను ఉపయోగించండి: ఒకే కథను రోజూ వినిపిస్తే, పిల్లలకు కథలపై ఆసక్తి తగ్గిపోతుంది. అందుకని, చారిత్రాత్మక కథలు, సాంఘిక పరమైన కథలు, బీర్బల్ కథలు, రామాయణ, మహాభారత గ్రంధాలలో కొన్ని సంఘటనలు…. వివిధ రకాలు భిన్నమైన కథలు పిల్లలలో నీతిపై ఆసక్తి కలిగే విధంగా పిల్లలకు నీతి కథలు బోధించాలి. భిన్న కథల ద్వారా పిల్లలను విభిన్న పాత్రలు మరియు పరిస్థితులకు బహిర్గతం చేయండి. విభిన్న దృక్కోణాలు మరియు సంస్కృతుల గురించి విస్తృత అవగాహనను పెంపొందించడానికి ఇది వారికి సహాయపడుతుంది.

తండ్రి పిల్లలకు పెద్ద హీరో: అమ్మను అనుకరిస్తే, నాన్నను గమనిస్తూ, ఆదర్శశంగా తీసుకోవడంలో పిల్లలు ముందుంటారు. నాన్న స్టైల్, మాటతీరు, గమసిన్తూ ఉంటారు. వయస్సు పెరిగే కొద్ది సమాజం నుండి నాన్నకు లభించే గౌరవ, మర్యాదలు కూడా పిల్లలపై ప్రభావం పడతాయి. కావునా పిల్లలకు ఆదర్శంగా నిలబడడంలో, తండ్రి ఆచరణ ఆదర్శనీయంగా ఉండాలి. పెద్దలను గమనించడం ద్వారా పిల్లలు చాలా నేర్చుకుంటారు. మీ చర్యల ద్వారా మీ పిల్లలలో మీరు నాటాలనుకుంటున్న విలువలను ప్రదర్శించండి. ఇది కథల నుండి పాఠాలను బలపరుస్తుంది.

పిల్లలు కథలు చెప్పడాన్ని ప్రోత్సహించండి: పిల్లలు వారి స్వంత కథలను సృష్టించి చెప్పనివ్వండి. ఇది వారు నేర్చుకున్న విలువలు మరియు నైతికతలను అంతర్గతీకరించడానికి మరియు వారి అవగాహనను సృజనాత్మకంగా వ్యక్తీకరించడానికి సహాయపడుతుంది.

పిల్లలకు నచ్చిన నీతి కథలు మరలా పునరావృతం

పునరావృతం మరియు ఉపబలము: వారికి నచ్చిన నీతి కథలను మరలా తిరిగి చెప్పడం చేయండి. పునరావృతం నైతిక పాఠాలను బలోపేతం చేయడంలో సహాయపడుతుంది మరియు వాటిని మరింత అంటుకునేలా చేస్తుంది.

ఇంటరాక్టివ్ యాక్టివిటీలు: నీతి కథలను పిల్లలకు డ్రాయింగ్ రూపంలో చూపించండి. ఏదైనా బొమ్మల కథల పుస్తకాలను పెట్టుకుని పిల్లలకు కథలను వివరించడంలో వలన వారిలో కథలపై మరింత ఆసక్తి పెరుగుతుంది. ఈ కార్యకలాపాలు కథను మరింత గుర్తుండిపోయేలా చేస్తాయి మరియు నీతి పాఠాన్ని మరింత ప్రభావవంతం చేస్తాయి.

వినడం ఒక వరం అంటారు. వినడం వలన వినయం వస్తుందని అంటారు. కనుక పిల్లలకు నీతి కథలను చెప్పడం ద్వారా వారిలో వినే శక్తిని పెంచవచ్చును. ఇంకా బొమ్మల కథలు వంటికి కూడా వివరించడం వలన వారిలో విషయాసక్తి కూడా పెరుగుతుంది.

ఆసక్తిని బట్టి వార్తలు వస్తున్నాయా?

నేటి నీ కృషి రేపటికి నీకు

ఆంధ్రప్రదేశ్ ఉప ముఖ్యమంత్రి ఎవరు?

అబద్దం చెప్పిన వారి విలువను తగ్గిస్తుంది?

అభివృద్దికి ఆటంకాలు అంటే ఏవి?

అసత్య ప్రచారాలు వాస్తవాలు గురించి

మధువు మీనింగ్ ఇన్ తెలుగుచిత్తము అనే పదానికి తగిన అర్థం

ఆసక్తిని బట్టి వార్తలు వస్తున్నాయా? తెలుగు వార్తల్లో వాస్తవం ఎంత? ఒక వ్యక్తి పై గానీ, సామాజిక అంశం గురించి గానీ వస్తున్న వార్త, నిజమేనా? లేదా పుకారా? ఆ వార్తలో వాస్తవం ఎంత? సోషల్ మీడియా వాడకం పెరిగాకా, వార్తలో ఉన్న వాస్తవికత చూడడం కన్నా, ప్రచారానికి పెద్ద పీఠ పడుతుంది.

రెండు పార్టీ ప్రధాన పార్టీలు ఒక ప్రాంతంలో అధికార, ప్రతిపక్ష పార్టీలుగా ఉంటాయి. ఆయా పార్టీల వారికీ కూడా వార్తలో వాస్తవం ఉందో లేదో కూడా తెలియడానికి కూడా రెండు మూడు ఛానల్స్ చూడాల్సిన స్థితి ఉంటుందట.

ఒక వార్తని రెండు మూడు ఛానల్స్ నందు చెక్ చేసుకోవాల్సిన స్థితికి సమాచార వ్యవస్థ మారిపోవడం విడ్డూరం.

ఎక్కువమంది ఆసక్తి చూపించిన తర్వాత వార్త వైరల్ అవుతుందా? లేక ఎక్కువమంది ఆసక్తి చూపే విధంగా వార్త వైరల్ అవుతుందా? ఇప్పుడు ఇదే పెద్ద ప్రశ్న. ఈ ప్రశ్నకు సోషల్ మీడియా సాంకేతికతపై అవగాహన ఉన్నవారికే తెలియాలి.

ఎక్కువగా ఇది రాజకీయ అంశాలపై ప్రభావం ఉంటుంది.

అయితే రాజకీయ వార్తలపై న్యూట్రల్ ఉండే న్యూస్ ఛానల్స్ కూడా తక్కువనేట. ఏదో ఒక ఛానల్ ఏదో ఒక పార్టీకి ఎంతో కొంత అనుకూలంగా ఉంటుందనే విషయం కూడా నమ్మకం ప్రజలలో బలపడింది.

అనేక యూట్యూబ్ ఛానల్స్ వచ్చి, ఒక ఛానల్ వచ్చిన వార్తను వైరల్ చేస్తూ ఉంటాయి. ఆ వార్తపై పాజిటివ్ గా విశ్లేషించేవారు, నెగిటివ్ గా విశ్లేషించేవారు కూడా యూట్యూబ్ ఛానల్స్ నందు ఉంటున్నారు. అధికార పక్షానికి అనుకూలంగా విశ్లేషించేవారు, అందుకు అనుకూలంగా ఉండే మీడియా, ప్రతిపక్షానికి అనుకూలంగా విశ్లేషించేవారు, అందుకు అనుకూలంగా ఉండే మీడియా…. ప్రజలు ఇలా రెండు రకాల మీడియాతో రోజూ టచ్ లో ఉంటారు.

ఆసక్తిని బట్టి వార్తలు వస్తున్నాయా?

ఇలా అయితే ప్రభుత్వ అనుకూల వార్తలే ఒక వ్యక్తికి వచ్చే అవకాశం ఉంటుంది. ఎందుకంటే అతని ఫోన్ ప్రభుత్వ అనుకూల మీడియా వీక్షణలే ఎక్కువగా ఉండడం కావచ్చును

అలాగే ప్రతిపక్షాల వార్తలే కనిపించే విధంగా ఇంకొక వ్యక్తి సోషల్ మీడియా సబ్ స్క్రిబ్షన్లు ఉంటే, అతనికి ప్రతిపక్షానికి అనుకూలంగా ఉండే వార్తలే వస్తూ ఉంటాయి. ఇలా ఒకరు అధికార పక్షం గురించిన పాజిటివ్ వేవ్, మరొకరికి ప్రతిపక్షానికి సంబంధించిన పాజిటివ్ వేవ్ క్రియేట్ అవుతూ ఉంటే, మరి రెండు వైపులా ఉండే వాస్తవం ఎప్పుడు విశీదికరించబడుతుంది?

ఈ విధంగా సమాజంలో వ్యక్తుల ఆసక్తిని బట్టి, వార్తలు కనబడే విధంగా సామాజిక మీడియా ఉంటుంది. ఆ విధంగా ఒకే విధానం వలన ఎక్కడో జరిగిన వాస్తవ ఘటన కన్నా, దానిపై కల్పిస్తున్న ప్రచారానికే ప్రధాన్యత వస్తుంది. అదే ఎక్కువమందికి చేరే అవకాశం ఉంటుంది.

వార్తలో వాస్తవం గుర్తెరగడం మన కర్తవ్యం. కాబట్టి ఇందుకు మార్గం

మీడియాలో మార్పు అంటే, అవి వ్యవస్థలో ఒక వైపు చేరిపోయి ఉంటాయి. వాటిలో మార్పు కన్నా వ్యక్తి ఆసక్తిని మరల్చడమే తేలిక. ఒక వ్యక్తికి కాంగ్రెస్ అంటే, ఇష్టం అతను కాంగ్రెస్ అనుకూలం మీడియాతో బాటు, టిడిపి అనుకూల మీడియాలో వార్తలను కూడా తమ ఆసక్తిలో చేర్చుకోవడం వలన వార్తపై క్రాస్ చెక్ చేసుకోవచ్చును.

న్యూట్రల్ గా ఉండే యూట్యూబ్ ఛానల్స్ ఉంటాయి. కానీ అవి ఎంతకాలం న్యూట్రల్ గా ఉండగలవో తెలియదు. కాబట్టి వ్యక్తి తన ఆసక్తిలోనే అధికార, ప్రతిపక్ష అనుకూల మీడియాలకు చోటు కల్పించక తప్పదు.

ఆంధ్రప్రదేశ్ ఉప ముఖ్యమంత్రి ఎవరు?

నేటి నీ కృషి రేపటికి నీకు

అబద్దం చెప్పిన వారి విలువను తగ్గిస్తుంది?

అభివృద్దికి ఆటంకాలు అంటే ఏవి?

అసత్య ప్రచారాలు వాస్తవాలు గురించి

మధువు మీనింగ్ ఇన్ తెలుగుచిత్తము అనే పదానికి తగిన అర్థం

ఆంధ్రప్రదేశ్ ఉప ముఖ్యమంత్రి ఎవరు? చాలా చాలమందికి తెలిసిన సమాధానమే. కానీ ఈ ప్రశ్న ఎందుకు ఆంధ్రప్రదేశ్ ముఖ్యమంత్రి ఎవరు? పాఠ్యపుస్తకాలలో వచ్చే ప్రశ్న అవుతుంది. ముఖ్యమంత్రి హోదా, దాని గుర్తింపు వేరే లెవెల్ అయితే ఉప ముఖ్యమంత్రి ఎవరు? ఈ ప్రశ్నకు ఇప్పుడు కొత్తగా ఏమిటీ ప్రాధన్యత? గతంలో ఉప ముఖ్యమంత్రులు ఉన్నారు. వారు కొందరికి గుర్తు ఉండకపోవచ్చును.

అయితే ఇప్పుడు ఆంధ్రప్రదేశ్ ఉప ముఖ్యమంత్రి మాత్రం చాలా ఫేమస్…. 2024 ఎన్నికల ముందు, ఎన్నికల వ్యూహం చెప్పి మరీ రాజకీయ పరిస్థితులను తలక్రిందులు చేసినవ్యక్తి. ఆ… ఏ చేస్తావులే? నీ మద్దతు? ఎవరికి లాభం ఉండదు. ముఖ్యం నీ గెలుపు ఒక ఎండమావి… ఎన్నో విమర్శలు. ఇంకా అవమానాలు. ఇంకా అతని అభిమానులకు అయితే, తలెత్తుకోగమలా ఈ సమాజంలో అనే ప్రశ్న… కానీ అభిమానులకు అండగా, మిత్రపక్షాలకు అండగా, ఆంధ్రప్రదేశ్ ప్రజలకు మార్గదర్శకంగా, అభివృద్దిని అటకెక్కించిన నాయకులకు సింహస్వప్నంగా మారాడు… పవర్ స్టార్ పవన్ కళ్యాణ్ ఆంధ్రప్రదేశ్ ఉప ముఖ్యమంత్రి.

ఆంధ్రప్రదేశ్ ఉప ముఖ్యమంత్రి ఎవరు?

2024 ఎన్నికల ముందు ఏ పదవిలో పవన్ కళ్యాణ్ ఉంటారు అనుకునే వారు ఇప్పుడు ఉప ముఖ్యమంత్రి పదవికి మరింత పాపులారీటిని తీసుకువచ్చారు. పవన్ కళ్యాణ్ తాను నిర్ధేశించుకున్న లక్ష్యాలను నెరవేర్చగలిగితే, ఆ పదవికే వన్నె తెచ్చిన మొదటి ఉప ముఖ్యమంత్రి అవుతారు. ఎందుకు అంటే?

ఉప ముఖ్యమంత్రి మాములుగా మంత్రిగా ఉన్నట్టే కానీ ప్రధాన్యత, రాజకీయ ఫలితం అంతా ముఖ్యమంత్రి ఖాతాలోకి వెళుతుంది. కానీ నేడు ఏపి ఉప ముఖ్యమంత్రికి ముందుగానే మంచి రాజకీయ నాయకుడుగా గుర్తింపు వచ్చింది. ఇంకా నమ్మదగిన నాయకునిగా నమ్మే జనులు అనేకమంది ఉన్నారు. రాష్టరాజకీయ ముఖ చిత్రాన్నే మార్చేశారనే మ్యాన్ ఆఫ్ ద మ్యాచ్ 2024 ఎలక్షన్స్ గా పేరు పొందారు. అంతటి పాపులారిటీ వచ్చిన తర్వాత, ఉప ముఖ్యమంత్రి కి మరింత పాపులారిటీ వస్తుంది. ఆ పదవిలో అయన చేయబోయే మంచి పనులకు, ఆయనకే ఎక్కువ ప్రధాన్యత గుర్తింపు దక్కుతుంది.

జన సైనికులు పవన్ కళ్యాణ్ మాటపై పొత్తులో భాగంగా ఎక్కువకాలం తెదేపాతో సఖ్యతతో ఉంటే, అదే విధంగా తెదేపా అనుచరుల నుండి సఖ్యత ఉంటే, ఒకరికొకరు చంద్రబాబు, పవన్ కళ్యాణ్ చేదోడు వాదోడుగా ఉన్నట్టు ఇరు పార్టీల అనుచరుల మద్య సఖ్యతగా ఎక్కువగా ఉంటే, ఆంధ్రప్రదేశ్ అభివృద్ది ముఖ చిత్రం కూడా త్వరలోనే మారుతుంది. ముఖ్యమంత్రితో పోటీపడే ఉప ముఖ్యమంత్రిగా పవన్ కళ్యాణ్ గారు చరిత్ర సృష్టిస్తారు.

అబద్దం చెప్పిన వారి విలువను తగ్గిస్తుంది? వాన వస్తుందంటే? ఫరవాలేదు కానీ తుఫాన్ వస్తుందంటే? ఫరవాలేదు అనుకోము, జాగ్రత్తలు తీసుకుంటాము. ఒకరు అబద్దం నమ్మి మోసపోతే, అతనిని మరొకరు మోసం చేసే అవకాశం ఉండవచ్చును, కానీ ఒక ప్రాంతంలో అనేకమంది మోసపోతే, వారిని మరలా మోసం చేయడం అసాధ్యమే అంటారు. అంటే అబద్దం చెప్పి ఒకరిని కొన్ని సార్లు మోసం చేయగలరేమో, అది వ్యక్తి తెలివిపై ఆధారపడి ఉంటుంది. కానీ చాలామందిని రెండవసారి మోసం చేయడం అరుదు. ఎందుకంటే చాలామందిలో అనేకమందిని ప్రభావితం చేయగలిగే కొందరు ఉంటారు. ఆ కొందరు జాగ్రత్త వహిస్తారు, మరికొంతమందికి జాగ్రత్తలు తెలియజేస్తారు.

అబద్దం చెప్పిన వారి విలువను తగ్గిస్తుంది?

కనుక అబద్దం వలన వ్యక్తి విలువ తగ్గుతుంది. అదే నాయకుడికైతే, తన వైపు ఉన్న వ్యవస్థకే విలువ తగ్గిపోతుంది. కాబట్టి ఎప్పుడూ, ఇంకా ఒక స్థాయికి వచ్చాకా, ఆదర్శవంతమైన మాటలు, ఆదర్శప్రాయమైన జీవనం కంటిన్యూ చేస్తూ ఉండాలి.

విన్న అబద్దం నమ్మినవారికి, గుణపాఠం చెబుతుంది. చెప్పినవారి విలువ తగ్గిపోతుంది. ప్రచారం చేసినవారికి భవిష్యత్తు ఆగమ్యగోచరంగా మారుతుంది.

అభివృద్దికి ఆటంకాలు అంటే ఏవి? అంటే పేదరికం, నిరుద్యోగం, వ్యవస్థలలో లోపాలు, రుణభారం వంటివి ప్రధానంగా చెప్పబడతాయి. కారణాలు ఏవైనా అభివృద్ది సాధిస్తే, అది ఆదర్శంగా అనిపిస్తుంది. అభివృద్ది చెందనిదిగా ముద్రపడుతుంది. వ్యక్తిగా అభివృద్ధి సాధిస్తే, ఆ వ్యక్తి కుటుంబంలో అతను ఆదర్శం. నాయకునిగా అభివృద్ది సాధిస్తే, ఆ ప్రాంతంలో అతను ఆదర్శప్రాయం. ఒక సంస్థ అభివృద్ది సాధిస్తే, ఆ సంస్థ, ఆ సంస్థలో పనిచేసేవారు, అక్కడ ఉన్న సంస్థలకు, ఇతర ఉద్యోగులకు వారు ఆదర్శం. అభివృద్ది కాకపోతే, ఎందుకు అభివృద్ది జరగలేదో, అందుకు వారు వారు ఆయా స్థానాలలో నిదర్శనంగా మారవచ్చు.

పేదరికంలో ఉన్నవారు అభివృద్ది సాధించడం చాలా కష్టం అంటారు. అందుకు కారణాలు… పేదరికం వలన వ్యక్తి పోషణ చాలా కష్టంగా ఉంటుంది. జీవితంలో ఎక్కువ సమయం తన కడుపు నింపుకునే ప్రయత్నంతోనే సమయం సాగుతుంది. పేదరికం వలన అభివృద్ది అనే ఆలోచన కూడా పుట్టకపోవచ్చును. పేదరికంలో ఉండి, అభివృద్దిని సాధిస్తే, అది అద్భుతంగానే భావిస్తారు. చరిత్ర అవుతుంది.

ఒక ప్రాంతం అభివృద్ది సాధించాలంటే, ఆ ప్రాంతంలో నివసించేవారంతా కష్టపడి పనిచేయాలి. కష్టానికి తగిన ఫలితం వారికి దక్కాలి. అక్కడ జరిగిన కష్టం మరొక చోట బిజినెస్ జరగాలి. కానీ అలా ఒక ప్రాంతంలో జనులంతా కష్టపడడం అంటే, అక్కడ అందరికి ఉపాధి లభించి ఉండాలి. ఉపాధి లేకుండా జనులకు ఆదాయం ఉండదు. ఉపాధి ఉద్యోగ రూపంలోనూ, స్వీయ వ్యాపార రూపంలోనూ, చిరు వ్యాపార రూపంలోనూ, రోజువారీ వేతన రూపంలోనూ, ఒక ప్రాంతంలో అందరికి ఉపాధి ఉంటే, ఆ ప్రాంతం వేగంగా అభివృద్ది సాధిస్తుంది. కానీ ఒక ప్రాంతంలో నిరుద్యోగం ఎక్కువగా ఉంటే, ఆ ప్రాంతం అభివృద్ది చెందడానికి చాలా కాలం పడుతుంది. అభివృద్ధికి ఆటంకాలు అంటే నిరుద్యోగం ప్రధాన కారణం అవుతుంది.

వ్యవస్థలలో లోపాలు ఉంటే, అధికార యంత్రాంగం పనితీరు సరిగ్గా ఉండదు. ఆదాయ మార్గాలు గతి తప్పుతాయి. ఇవి పెద్ద శాపంగా భవిష్యత్తుకు భారంగా కాగలవు.

అభివృద్దికి ఆటంకాలు అంటే ఏవి?

రుణభారం అంటే అప్పులు. వ్యక్తికైనా, వ్యవస్థకైనా అప్పులు ఎక్కువగా ఉంటే, వ్యక్తి కష్టం అయినా, వ్యవస్థ కష్టం అయినా ఫలితంలో భాగం వడ్డీలకే పోతుంది. తత్కారణంగా ఆదాయం పెరిగే అవకశాలు, ఉన్న ఆర్ధిక భారం పెరుగుతుంది. ఈ విధంగా పేదరికం, నిరుద్యోగం, వ్యవస్థ లోపాలు, రుణభారం అభివృద్దికి ఆటంకాలు….

అసత్య ప్రచారాలు వాస్తవాలు గురించి పట్టించుకోకుండా ఉంటే, అది మరలా మనకే చేటు చేస్తుంది. వాస్తవాలు గ్రహించవలసిన ఆవశ్యకత ఎంతైనా ఉందని పెద్దలు అంటారు. దేని గురించి అసత్య ప్రచారాలు? వాస్తవాలు ఏమిటి?

ఒక్కొక్కసారి అబద్దం ఎక్కువగా ప్రచారం అవుతుంది. అది యాదృచ్ఛికం అయితే, కావాలని అబద్దాలు ప్రచారం చేయడం అసత్యాన్ని సత్యంగా చూపించడం లేదా చెప్పడం జరుగుతూ ఉంటుంది. అలా జరిగితే, ఆ సమాజంలో ప్రజలు అసత్య ప్రచారాలు, అందులోని వాస్తవికతను గ్రహించాలి అంటారు. లేకపోతే అసత్యమే సత్యంగా నమ్మే ఆస్కారం ఉంటుంది.

ఎందుకు? అసత్య ప్రచారాలు వస్తే, వాస్తవాలు గురించి ఆలోచించాలి?

ఒక్క ఉదాహరణ చూద్దాం!

ఒక ఊరిలో ఒక సర్పంచి గ్రామ అభివృద్ది పనులలో భాగంగా ఒక పనికి పూనుకున్నారు. కానీ అతని ప్రత్యర్ధి ఆ పనిలో సర్పంచి డబ్బులు సంపాదించుకుంటున్నారని, అసత్య ప్రచారం చేస్తే, దానిని ఆ ఊరి ప్రజలంతా నమ్మితే, ఆ అభివృద్ది పని ముందుకు సాగదు. ఇంకా ఎన్నికల జరిగినప్పుడు, ఆ సర్పంచి ఓడిపోవచ్చును. కుట్రతో అసత్య ప్రచారం చేసిన వ్యక్తి, అధికారంలోకి రావచ్చును. అప్పుడు ఇంకా ఎక్కువ నష్టం జరిగే అవకాశం ఉంటుంది. అదే అసత్య ప్రచారం జరుగుతున్నప్పుడే, ప్రజలు వాస్తవం గ్రహించి ఉంటే, ఊరి ప్రజల సహకారం, ఆ ఊరి సర్పంచికి ఉంటాయి. ఆ ఊరి అభివృద్ది జరుగుతుంది. కనుక సమాజంలో వచ్చే అసత్య ప్రచారాలు వాస్తవాలు గురించి ప్రజలు పరిశీలన చేయాలని అంటారు.

అవాస్తావాలు నమ్మశక్యంగా ఉండవచ్చు లేదా నమ్మలేనివిగా ఉండవచ్చును. కానీ వాటిని ప్రచారం చేసేవారు బలంగా ప్రచారం చేస్తారు. కావునా ప్రచారం చేస్తున్న వ్యక్తి విశ్వనీయతను కూడా దృష్టిలో పెట్టుకోవాలి.

అసత్య ప్రచారాలు ఇప్పుడైతే మరింత వేగంగా వ్యాపిస్తాయి. కారణం సోషల్ మీడియా చాలా వేగంగా పని చేస్తుంది. కావునా అప్రమత్తతో ఉండాలి. అందుకే అనేక న్యూస్ ఛానల్స్ అందుబాటులో ఉన్నట్టే, అనేకమంది న్యూస్ ఎనలిస్టులు కూడా మనకు అందుబాటులో ఉన్నారు.

అసత్య ప్రచారాలు వాస్తవాలు గురించి