Telugu Reads

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

స్వీయ సమీక్ష ఎందుకు అవసరం?

స్వీయ సమీక్ష ఎందుకు అవసరం? వ్యక్తిగత మరియు వృత్తిపరమైన వృద్ధికి స్వీయ సమీక్ష అవసరం అంటారు. అది ఒక ముఖ్యమైన ప్రక్రియ. ఇది ఎందుకు అవసరమో ఈ తెలుగురీడ్స్ పోస్టులో చూద్దాం.

మనం మనగురించి ఆలోచించడం స్వీయ సమీక్ష అయితే, అది ఎందుకు అవసరం? స్వీయ సమీక్ష ఎలా ఉపయోగపడుతుంది? మనలో బలాలు ఉంటాయి. బలహీనతలు ఉంటాయి. బలాన్ని చూసుకుని, బలహీనతను పట్టించుకోకుండా ముందుకు కొనసాగినప్పుడు, భవిష్యత్తు భారంగా మారుతుంది. అదే మన బలం ఏమిటి? మన బలహీనత ఏమిటి? మనకు తెలిసి ఉండడం, మనపై మనకు అవగాహన ఉండడం చేత మన మనసు మనకు బలంగా మారుతుంది. లేకపోతే బలహీనంగా మారుతుంది.

స్వీయ-అవగాహన: స్వీయ-సమీక్షలు చేయడం వలన మీ బలాలు, బలహీనతలు, విజయాలు మరియు అభివృద్ధికి సంబంధించిన రంగాలపై ప్రతిబింబించేలా మిమ్మల్ని ప్రోత్సహిస్తాయి. స్వీయ అవగాహన వ్యక్తిగతంగానూ, వృత్తి పరంగానూ వ్యక్తికి అవసరమేనని అంటారు.

Sweeya sameeksha valana

ఇంకా స్వీయ సమీక్ష వలన జవాబుదారీతనం బలపడుతుంది. మన చర్యలు, నిర్ణయాలు మరియు పనితీరుని మెరుగుపరచుకోవడంలో స్వీయ సమీక్ష ఉపయోగపడుతంది. దీని వలన లక్ష్యాలను నిర్ధేశించుకుని, వాటి సాధనకు కృషి చేయవచ్చును.

వ్యక్తి అయినా వ్యవస్థ అయినా నిరంతరం అభివృద్దిపైనే దృష్టి పెడతారు. దానికి స్వీయ సమీక్ష ఎంతగానో ఉపయోగపడుతుందని అంటారు. నిరంతర అభివృద్దిని సాధించడానికి స్వీయ సమీక్ష అవసరం అంటారు. మెరుగైన ఫలితాల సాధన కోసం స్వీయ సమీక్ష అవసరం.

లక్ష్యం సాధించడంలో మన స్థితి ఏమిటో మనకు తెలియడానికి స్వీయ సమీక్ష ఉపయోగపడుతుంది. మనం ఎటువైపు వెళుతున్నామో, లక్ష్యానికి ఎంతదూరంలో ఉన్నామో, అంచనాలకు ఈ స్వీయ సమీక్ష అవసరం కావచ్చు.

ముఖ్యంగా స్వీయ సమీక్ష మనలో ఆత్మ విశ్వాసాన్ని పెంచుతుంది. ప్రభావంతమైన చర్యలకు పోత్సాహం మనసుకు లభిస్తుంది. మనల్ని మనమే ప్రేరేపించుకోవడానికి స్వీయ సమీక్ష అవసరం.

పదే పదే సవాళ్ళు ఎదురౌతున్న సందర్భాలలో స్వీయ సమీక్షలు ఎంతగానో ఉపయోగపడతాయని అంటారు. వ్యవస్థాగత విధానాలలో ఇది తెలియబడుతుంది.

వ్యక్తి గానీ, వ్యవస్థగానీ వృత్తిపరమైన సవాళ్ళను అధిగమించడానికి స్వీయ సమీక్ష ఉపయోగపడుతుంది.

మరిన్ని తెలుగురీడ్స్ వ్యాసాలు

స్వాతంత్ర్య దినోత్సవం గురించి వ్యాసం

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

స్వాతంత్ర్య దినోత్సవం గురించి వ్యాసం

స్వాతంత్ర్య దినోత్సవం గురించి వ్యాసం. భారతదేశానికి స్వాతంత్ర్యం వచ్చి 75 ఏళ్లు దాటింది. ఈ ఆగష్టు 15, 2024 వ తేదీన దేశమంతా సంతోషంగా 77వ స్వాతంత్ర్యం దినోత్సవం జరుపుకోబుతున్నాము. మనకు 1947 ఆగష్టు 15వ తేదీన మనకు స్వాతంత్ర్యం ప్రకటించారు. ఇది 1947లో బ్రిటిష్ వలస పాలనకు ముగింపు పలికిన ఒక ముఖ్యమైన రోజు.

బ్రిటిష్ పాలనలో మగ్గిన భారతదేశానికి స్వాతంత్ర్యం తీసుకురావడానికి ఎందరో తమ ప్రాణాలను పణంగా పెట్టి, బ్రిటిష్ వారితో పోరాటం చేశారు. దేశమంతా ఉద్యమాన్ని వ్యాప్తి చేశారు. ఎందరో ప్రాణత్యాగాలు చేశారు. ఇప్పుడైతే మనకు ఏదైనా విషయం నిమిషాలలో దేశమంతా వ్యాప్తి చెందుతుంది. ఒక్క విషయం వైరల్ కావడానికి పెద్ద సమయం పట్టదు. ఒక ఉద్యమం పుట్టి పెరగడానికి ఎంతో సమయ పట్టదు. దానిని అదుపు చేయాలంటే, ప్రభుత్వానికి కత్తి మీద సామే అవుతుంది.

కానీ స్వాతంత్ర్య పోరాటాల కాలంలో ఇంత వేగంగా ఉండే నెట్ వర్క్ సౌకర్యాలు లేవు. ఉద్యమాన్ని ప్రభుత్వం ఎన్నోసార్లు అణిచి వేసే ప్రయత్నాలు చేస్తూనే ఉండేది. కానీ భారతీయులు పోరాటం చేస్తునే ఉన్నారు. తిరుగుబాటు దారులు తిరుగుబాటు చేసి, బ్రిటిష్ వారితో యుద్ధం చేశారు. కొందరు శాంతి మార్గంలో నిరసనలు చేశారు. సహాయ నిరాకరణలు చేశారు. దేశమంతా ఉద్యమ స్పూర్తి, స్వాతంత్ర్య కాంక్ష ప్రజలలో పెంచడానికి, ప్రజలను చైతన్యవంతం చేయడానికి, సాహిత్య కార్యక్రమాలు జరిగేవి. కళకారులు తమ నైపుణ్యాన్ని స్వాతంత్ర్య పోరాటంలో ఉపయోగించేవారు.

అనేకమంది భారతీయులు, తమకు గల శక్తి సామర్ధ్యాలను దేశం కోసం, దేశ స్వాతంత్ర్యం కోసం ధారపోశారు. తెల్లవాడిని దేశం నుండి పారద్రోలేవరకు విశ్రమించని దేశభక్తులు ఎందరో ఆనాటి స్వాతంత్ర్య పోరాటంలో పాల్గొన్నారు. అలా మన పూర్వికులు చేసిన విశేష పోరాటాల వలన మన దేశానికి స్వాతంత్ర్యం లభించింది. ఇప్పుడు మనం సమాజంలో స్వేచ్చగా జీవించగలుగుతున్నాము అంటే, అది మన స్వాతంత్ర్య పోరాట యోధుల పోరాట ఫలితమే.

స్వాతంత్ర్య దినోత్సవం తర్వాత మన దేశం

ఇంకా స్వాతంత్ర్యం వచ్చాకా, దేశాభివృద్దికి మన నాయకులు పాటు పడ్డారు. దేశం ప్రగతివైపు ప్రయాణిస్తూ, నేడు అంతరిక్షంలోనూ, సాంకేతికంగానూ, ప్రపంచంలో అభివృద్ది దేశాలతో భారతదేశం కూడా పోటీపడే స్థితికి చేరాము. వ్యాపార, వాణిజ్య రంగాలలో అభివృద్ది సాధించాము. ప్రపంచంలో చాలా దేశాలలో యువశక్తి తక్కువ కానీ మనకు యువశక్తి మంచి బలం. అనేకమంది యువతీ, యువకులు వివిధ రంగాలలో విశేషంగా రాణిస్తున్నారు.

కొన్ని విధాలుగా మనం ఇంకా అభివృద్ది సాధించాలి. వ్యవసాయం మనకు ఆధారం కానీ, వ్యవసాయ రైతులకు కష్టాలు మాత్రం తీరడం లేదు. ఇంకా పేదరికంలో జీవించేవారు అనేక ప్రాంతాలలో మనకు కనబడతారు. వాతారవరణ కాలుష్యం, నీటి కాలుష్యం, పారిశ్రామిక వ్యర్ధజలాలు వంటి వాటిలో మెరుగైన ప్రణాళికలు అవసరం.

మనదేశంలో ప్రధానంగా నిరుద్యోగ సమస్య తీవ్రంగా ఉంది. ఏటా చదువు పూర్తి చేసుకుని, ఉద్యోగం కోసం ఎదురు చూసేవారు అనేకమంది ఉంటారు. నిరుద్యోగ సమస్య ఎంత తగ్గితే, మనం అంత ఆర్ధికాభివృద్ది సాధిస్తున్నటే! ఇందుకు స్వయం ఉపాధి అవకాశాలు పెరగాలి.

మీడియాలో ఎక్కువగా రాజకీయ అవినీతి గురించి చూస్తున్నాము. ఇది చాలా పెద్ద శాపం మనకు. కంచె చేను మేసినట్టుగా నాయకులే అవినీతిపరులు అయితే, సమాజం ఎటువైపు వెళుతుందోననే ఆందోళన మనకు కలగక మానదు.

ఒక ప్రక్క అభివృద్ది సాధిస్తున్నాము. మరొక ప్రక్క సమస్యలు ఉంటుంటే, రాజకీయ అవినీతి వలన అభివృద్దికి, సమస్యల పరిష్కారానికి ఆటంకం, కలగవచ్చును. కావునా అవినీతి అంతం కావాలని కాంక్షించాలి. ఇందుకు పరిష్కారం ఓటు ద్వారా మంచి నాయకులను ఎన్నుకోవాలి.

కుటుంబం బాగుండాలంటే, కుటుంబ పెద్ద బాగుండాలి. అతనికి ఆదాయం బాగుండాలి. విలువలతో కూడిన జీవన విధానం ఉండాలి. అప్పుడే ఆకుటుంబానికి సమాజంలో విలువ అలాగే దేశం బాగుండాలంటే, మంచి నాయకులు పాలకులుగా ఉండాలి. కుటుంబ పెద్ద కష్టం చేసి, సంపాదించి, పుత్రులకు ఆస్తిని మాత్రం ఇవ్వగలడు కానీ యువతకు సామాజిక భద్రత, ఆడువారికి గౌరవం దక్కాలంటే, మంచి విలువలు గల నాయకులను ఎన్నుకోవడమే మార్గం.

అందరికీ మంచి జరగాలి. అందులో మన వారసులు స్వేచ్చగా జీవించాలి. నిర్భయంగా జీవించాలి. జైహింద్…

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

సంకల్పం బలమైనది అయితే మనల్ని ఎవరూ ఆపలేరు!

సంకల్పం బలమైనది అయితే మనల్ని ఎవరూ ఆపలేరు! మనకు చాలా రకాల ఆలోచనలు వస్తాయి. చాలా అంశాలపై కొత్త కొత్త ఆలోచనలు వస్తూ ఉంటాయి. కానీ వాటి అమలు చేయము. మనకు వచ్చిన ఆలోచనే ఇతరులు చేసి చూపించినప్పుడు మాత్రం, అయ్యో అది మనకొచ్చిన ఆలోచనే కదా! నేను చేయలేకపోయాను అనే భావన పొందుతాము. ఒక కొత్త ఆలోచన చేయడం మంచిదే, అది ఉపయోగపడేది అయితే, దానిని ఆచరించి చూడడం వలన ప్రయోజనం ఉంటుంది. కానీ కేవలం ఆలోచనలకే పరిమితమైతే సాధించగలిగేది ఏముంటది?

జీవితం ఎదుగుదల అంటే, సమాజంలో మంచి గుర్తింపు పొందడం అంటారు. ఇంకా సమాజంలో స్థాయి పెరగడం. కానీ అంతకుముందు మనల్ని మనం గుర్తించాలి. మనలో పుట్టిన, మన ఆలోచనను మనం పూర్తిగా నమ్మాలి. అలా మన ఆలోచనను మనం పూర్తిగా నమ్మి, ముందుకు సాగలనే నిర్ణయాన్ని సంకల్పం అంటారు.

మనలో పుట్టిన అనేక ఆలోచనలలో ఒక సరికొత్త ఆలోచన మన మనసులో నెగిటివ్ ని దాటి బయటికి రావడం ఒక ఎత్తయితే, అది అమలు చేయడంలో మనకు ఎదురయ్యే ఒత్తిడులను జయించడం మరొక ఎత్తు. ఒక్కసారి బయటికి వచ్చిన సంకల్పం, కొందరిచేత అవునని, మరికొందరి చేత కాదని ఊగిసలాటలో పడిపోతుంది. చిత్రమేమిటంటే, మన మనసులో ఊగిసలాట ఉన్నప్పుడూ మనమే దానికి బాద్యులం. అలాగే సంకల్పం బయటకు తెలిశాకా, దానిపై ఊగిసలాట అభిప్రాయాలకు మనమే బాద్యులం ఎందుకంటే సంకల్పం మనది కాబటి. కావునా సంకల్పం బలమైనదిగా ఉండాలి. అప్పుడే దానిని పూర్తిగా అమలు చేయగలం.

కనుక సంకల్పం బలమైనది అయితే మనల్ని ఎవరూ ఆపలేరు! ఉదాహరణ పవన్ కళ్యాణ్ పొలికటికల్ సక్సెస్.

2008లో చిరంజీవి ప్రజారాజ్యం పార్టీ పెట్టారు. అందులో పవన్ కళ్యాణ్ కీలక పాత్రను పోషించారు. 2013లో చిరంజీవి తన పార్టీని కాంగ్రెసులో విలీనం చేసేసారు. కానీ 2014లో పవన్ కళ్యాణ్ జనసేన తన సొంతపార్టీని స్థాపించారు. జనసేన పార్టీని పెట్టి, బేషరతుగా పోటీలో లేకుండా 2014 ఎన్నికలలో టిడిపి, బిజెపి పార్టీలకు మద్దతు పలికారు. ఇక్కడ నుండే విమర్శలు ప్రారంభం అయ్యాయి… ఎందుకు పార్టీ పెట్టి, పోటీ చేయకుండా ఉండడం? పోటీ చేస్తేనే కదా పార్టీ ఉనికి చాటేది. ఏదైనా చేయడానికి బలం ఉండాలి కదా? బలం సంపాదించుకోకుండా, ఏదో తోక పార్టీలాగా మద్దతు పలకడం ఏమిటని? విమర్శించినవారు ఉన్నారు. అన్న పార్టీ పెట్టి ఎత్తేశాడు, ఇప్పుడు తమ్ముడు వంతు వచ్చింది అన్నవారు కూడా ఉన్నారు. విమర్శలు తాకిడి మొదలైందిక్కడ…

2014 ఎన్నికలలో పవన్ కళ్యాణ్ మద్దతు మరియు చంద్రబాబునాయుడుపై ప్రజలకు గల అభిప్రాయంతో పాటు, మోదీ హవా టిడిపి, బిజెపి, జనసేన కూటమి గెలిచింది. ఇక కూటమి ప్రభుత్వం, ప్రతిపక్ష పార్టీ ఎత్తుగడలో పడి, కూటమి వేరు వేరుగా అయింది. పవన్ కళ్యాణ్ తన ప్రసంగాలు ప్రభుత్వానికి వ్యతిరేకంగా మొదలయ్యాయి. అయినా ఇది బాబు – పవన్ డ్రామా, పవన్ కళ్యాణ్ దత్త పుత్రుడు అంటూ ప్రచారం మొదలైంది.

2019 ఎన్నికలు వచ్చాయి. జనసేన పార్టీ సొంతంగా 140 స్థానాలలో అభ్యర్ధులను నిలబెట్టింది. పవన్ కళ్యాణ్ రెండు చోట్ల పోటీచేశారు. 2019ఎన్నికల ఫలితాలలో పవన్ కళ్యాణ్ పరాజయం, ఆ పార్టీ కేవలం ఒక్క స్థానమే గెలుచుకుంది. ఇక్కడే… ఇక్కడే పవన్ కళ్యాణ్ పట్టుదల, ఆయన సంకల్ప బలం ఎంతటిదో గ్రహించాలి. మాములుగా అయితే ఎవరైనా ఆ స్థాయిలో పరాజయం చూశాకా, ఆస్థాయిలో విమర్ళలు విన్నాక వెనకడుగు వేయకుండా ఉండలేరు. కనీసం ఆ ఆలోచన అయినా చేస్తారు. కానీ పవన్ కళ్యాణ్ ఎక్కడా తాను రాజకీయాల నుండి తప్పుకునే పని చేయలేదు.

విమర్శకులు ప్రసంశలు పొందిన పవన్ కళ్యాణ్ సంకల్పం

2024 వరకు తన ప్రణాళికను ఎలా అమలు చేయాలో? అలా అమలు చేశారు. 2019 నుండి వైసిపి పార్టీ నాయకులు వ్యక్తిగత విమర్శలు, మీడియాలో 2019 నాటి పరాజయ జ్ఙాపకాలు, ఇంకా విమర్శకలు సలహాలు…. ఇలా ఎన్నో ఉంటాయి. ముఖ్యంగా ట్రోల్స్….. కానీ పవన్ కళ్యాణ్ గారు వ్యూహాత్మకంగా వ్యవహరించి, తన నిర్ణయం బయటికి చెప్పి, తన ప్రయత్నం ఎందుకోసమో చెప్పి, ప్రజలలో తన అభిప్రాయంపై నమ్మకం పెంచి, అన్ని పార్టీల కార్యకర్తలకు జోష్ అందించారు. 2019 నుండి 2024 వరకు ఒక యుద్ధానికి ప్రతక్ష్యంగానూ, పరోక్షంగానూ నాయకత్వం వహించారు. ఫలితాలు ఆశించినదానికంటే, ఊహించనివిధంగా వచ్చాయి. ప్రధానమంత్రి అంతటివారు పవన్ అంటే తుఫాన్ అనే స్థాయికి పవన్ కళ్యాణ్ దేశవ్యాప్తంగా గుర్తింపు పొందారు. అందుకు ఆయన సంకల్ప బలమే ఆయనికి ఆయుధం, అదే ఎంతోమందికి ఆయుధమైంది.

సంకల్పం ఎంత బలంగా ఉంటే, అంతటి అద్భుత విజయం!

కావునా సంకల్పం బలమైనది అయితే మనల్ని ఎవరూ ఆపలేరు! ముందుగా మనల్ని మనం గుర్తించాలి. మనలో వచ్చే ఆలోచనలు ఎన్నో ఉంటాయి. వాటిలో ఉపయోగపడే ఆలోచనను గుర్తించాలి. సరికొత్త ఆలోచన అయితే, దానిని ఆచరిస్తే ఎలా ఉంటుందో పరిశీలన చేయాలి. పరిశీలన చేసి, ఒక నిర్ణయానికి రావాలి. నిర్ణయానికి వచ్చిన తర్వాత సంకల్పమే… కానీ అది బలంగా ఉండాలి. ఎంతలా అంటే, రాజకీయాలలో పవన్ కళ్యాణ్ సంకల్పం ఎంతటి బలమైనదో అంతటి బలంగా ఉండాలి. అప్పుడే అద్భుతమైన విజయం, మనం మన చుట్టూ ఉన్నవారి ముందు హీరో ఉంటాం.

మరిన్ని తెలుగురీడ్స్ వ్యాసాలు

విద్యను అభ్యసించడంలో అర్జునుడి ఎలా ఆదర్శం?

జీవితంలో కర్తవ్య బోధకులు ఎవరు?

దానం గురించి దానం గొప్పతనం

సన్మాన పత్రం ఇన్ తెలుగు

వేచి ఉండడాన్ని నిర్వచించండి

పాఠశాల గురించి తెలుగులో వ్యాసం, పాఠశాలకు ఎందుకు వెళ్లాలి?

పిల్లలు తప్పు చేస్తే ఎలా స్పందించాలి?

పిల్లలు తప్పు చేస్తే ఎలా స్పందించాలి?

పిల్లలు తప్పు చేస్తే ఎలా స్పందించాలి? సున్నితంగా వ్యవహరించవలసిన సమస్య అంటారు. ఎందుకంటే పిల్లలు చూసి నేర్చుకుంటూ ఉంటారు. తమ ముందు ఉన్నవారు చేస్తునది తాము చేయాలనుకుంటారు. కాబట్టి పిల్లలకు చెప్పడం కన్నా ఆదర్శంతంగా నడుచుకోవడమే చాలా చాలా ప్రధానం. అంతేకానీ మనం చేస్తున్న తప్పులు వారికి తెలుస్తుంటే, వారికి చెప్పడం అసాధ్యమే.

అనుకరించడం అనేది పిల్లలలో ఉండే ప్రధాన గుణం. అలా అనుకరించే గుణం లేకపోతే పిల్లలు ఎలా ఎదుగుతారు? కావునా పిల్లలకు మనం ఏం అందిస్తున్నామో? ఎలాంటి పరిస్థితులలో పిల్లలు పెరుగుతున్నారో? ఎలాంటి మాటలు వింటున్నారో? ఇలాంటివి అన్ని గమనించాలి.

నిదానంగా చూసి నేర్చుకునే పిల్లలు, నేర్చుకోవడానికి చాలా సమయం తీసుకునేటప్పుడు, నేర్చుకున్నది తప్పు అనే విషయం ఎప్పటికి తెలుసుకోవాలి? వారు ఎప్పటికి మానుకోవాలి? ఇలా ఆలోచన చేస్తే. పిల్లల ముందు ఎలా నడుచుకోవాలో అర్ధం అవుతుంది.

ఇంకా చూసి, చూసి సాధన చేసే పిల్లలకు, వెంటనే చెప్పగానే మారిపోయే గుణం ఎలా వస్తుంది? ఇది ఆలోచన చేయాలి.

ముందు పిల్లలు తప్పు చేయడానికి ప్రేరేపించిన కారణాలు వెతకాలి. ముందు అలాంటి పరిస్థితుల నుండి పిల్లలను వేరు చేసి, తర్వాత తప్పు, ఒప్పులు గురించి ఇండైరెక్టుగా ఉదాహరణలతో చెప్పే ప్రయత్నం చేయాలి…. కానీ వారిని ముక్కుసూటిగా ప్రశ్నిస్తే, ప్రయోజనం చెప్పలేము.

ఇంకా పిల్లలలో చెబితే, వినే తత్వం కూడా ఒక్క వయస్సు వరకే ఉంటుంది. కొందరికి అయితే, మొండితనం అదికంగా ఉండడం చేత, చిన్ననాటి నుండి తాను పట్టిందే, పట్టు అన్నట్టు ఉంటారు. కావునా పిల్లలను మంచి పరిస్థితుల మద్య, మంచి నడవడిక గల ప్రవర్తనలో పెంచాలి.

మరిన్ని తెలుగురీడ్స్ వ్యాసాలు

దీర్ఘకాలిక ప్రభావం చూపే అంశాలు మొదట్లో నిదానంగానే ఉంటాయి.

నిత్య జీవితంలో భగవద్గీత ఎందుకు చదవాలి? తెలుగులో వ్యాసం

వృద్యాప్యంలో ఉన్నవారికి వారసులు తోడుగా ఉండాలి వ్యాసం

పాఠశాల గురించి తెలుగులో వ్యాసం, పాఠశాలకు ఎందుకు వెళ్లాలి?

పాఠశాల గురించి తెలుగులో వ్యాసం, పాఠశాలకు ఎందుకు వెళ్లాలి? వ్యక్తి జీవితంలో పాఠశాల ఒక గుడి వంటిది. ఎందుకంటే వ్యక్తి జీవితంలో సాధించిన అభివృద్దికి పునాది పడేది, పాఠశాలలోనే. ఒక వ్యక్తి సమాజంలో గొప్ప పారిశ్రామికవేత్త అయితే, అందుకు అతనికి పునాదులు పడేది పాఠశాలలోనే. మరొక వ్యక్తి మంచి వైద్యుడిగా పేరు సంపాదిస్తే, అందుకు అతనికి పునాది పాఠశాలలోనే. ఇంకొకరు ఒక ఐఏఎస్ అధికారి అయితే, అందుకు పాఠశాల విద్య, అందులో క్రమశిక్షణ అతనికి పునాది… కావునా సమాజంలో ఉన్నత స్థితికి వెళ్లిన ఎవరిపైనా అయినా పాఠశాలలోనే పునాదులు పడతాయి.

వ్యక్తి జీవితంలో ఆర్ధిక అవసరాలు తీరడానికి మరియు సంఘంలో ఒక హోదాను సంపాదించుకోవడానికి విద్య అవసరం అయితే, అందుకు పునాదులు పడేది పాఠశాలలోనే.

ఉన్నవారు, లేనివారు, హోదాలు, కులమతాలకు సంబంధం లేకుండా పిల్లలందరూ కలిసిమెలిసి ఉండే పవిత్రమైన ప్రదేశం పాఠశాలం. కాబట్టి పాఠశాలలో క్రమశిక్షణ, వినయం, విద్య అనేక విషయాంలో జ్ఙానం వ్యక్తి కలగడానికి పునాది పాఠశాల.

పాఠశాలకు ఎందుకు వెళ్లాలి?

ఇప్పుడు జ్ఙానం ఎక్కడ కావాలంటే అక్కడే సాంకేతిక పరికరాల సాయంతో తెలుసుకోవచ్చును కానీ క్రమశిక్షణతో కూడిన విద్య నేర్చుకోవాలంటే మాత్రం పిల్లలు పాఠశాలకే వెళ్లాలి. ఎందుకంటే పాఠశాలలో విద్యార్ధులంతా ఒకే తరగతిలో ఒకే విధంగా కలిసిమెలిసి ఉంటారు. వారిలో సమైక్యభావననే ఉపాధ్యాయుడు బోధిస్తారు. కాబట్టి రేపటి సమాజంలో మంచి వ్యక్తులుగా ఎదగడానికి, నేడు పిల్లలు పాఠశాలకు వెళ్లాల్సిందే.

పాఠశాలలో చెప్పే నీతికధలు ఎవరో ఒకరిపై మంచి ప్రభావం చూపి, అతను రేపటి సమాజంలో మంచి విలువలు గల నాయకుడుగా మారవచ్చును. అప్పుడు అతని వలన సమాజంలో శాంతి, మార్గదర్శకత్వం ఉంటాయి.

చారిత్రక అంశాలు, చరిత్రను మార్చిన నాయకులు గురించి పాఠశాలలో బోధిస్తారు. అందువలన ఎవరో ఒకరు ప్రభావితం అయి, ఏదో ఒక సామాజిక సమస్యకు పరిష్కారమే అందించేస్థాయికి చేరవచ్చును.

ఇతిహాసములలోని విషయాలు కూడా పాఠశాలలో బోధిస్తారు. అందువలన ఎవరో ఒకరు ప్రభావితం కాబడి సమాజంలో మత సామరస్యం పెంచగలిగే స్థాయిలో తాత్వికవేత్తగా మారవచ్చును.

అందుకే పిల్లలు పాఠశాలకు వెళ్లడం వలన పాఠశాలలో బోధించే విషయాలకు పిల్లలు ప్రభావితం అవుతారు. ఇంకా క్రమశిక్షణతో విద్యను అభ్యసిస్తారు.

మరిన్ని తెలుగురీడ్స్ వ్యాసాలు

వేచి ఉండడాన్ని నిర్వచించండి

వేచి ఉండడాన్ని నిర్వచించండి అంటే ఇంగ్లీషులో అర్ధం వెయిట్ చేయండి అంటారు. ఏదైనా భావోద్వేగం ప్రదర్శించే సమయంలో కానీ, ఏదైనా వింటున్నప్పుడు భావావేశం పొందుతున్నప్పుడు కానీ ఓపిక పట్టండి అనే భావం వచ్చే విధంగా వేచి ఉండండి అంటారు. ఇంకా మరొకరి కోసం వేరు ప్రదేశానికి వెళ్లినప్పుడు కూడా వెయిట్ చేయండి అని చెప్పడానికి వేచి ఉండండి అంటారు.

ఇంకా బంధాలలో కూడా ఈ మాటను ఎక్కువగా వాడుతారు. మా పిల్లవాడు మార్పులేదు లేక మా బంధువులో మార్పు లేదు అన్నప్పుడు పెద్దలు చెప్పే సాదారణ మాట ”వేచి ఉండండి, కాలంలో మారతారు” అని. వేచి ఉండండి అంటే ఓపికతో ఉండండి, కోరిన మార్పు వచ్చేవరకు.

మరిన్ని తెలుగురీడ్స్ వ్యాసాలు

పవన్ కళ్యాణ్ కామెంట్స్ పుష్పపైనా?

పవన్ కళ్యాణ్ కామెంట్స్ పుష్పపైనా? ఈరోజు పవన్ కళ్యాణ్ కర్నాటక ముఖ్యమంత్రితో భేటీ అయ్యాకా, ఆయన మీడియాతో మాట్లాడారు. ఆ సందర్భంగా పవన్ కళ్యాణ్ అడవుల గురించిన మాటలు చర్చానీయంశంగా మారాయి. ఆంధ్రప్రదేశ్ ఉపముఖ్యమంత్రిగా ఉన్న పవన్ కళ్యాణ్ దగ్గర ఉన్న మంత్రి శాఖల్లో అటవీ శాఖ కూడా ఒక్కటి.

అయితే మీడియాతో మాట్లాడుతూ ఆయన ”40 సంవత్సరాల క్రిందట సినిమాలలో హీరో అడవులను రక్షించే పాత్రలను పోషిస్తూ ఉంటే, ప్రస్తుతం సినిమా హీరో అడవులను నరికి, అటవీ సంపదను స్మగ్లింగ్ చేసే పాత్రలు పోషిస్తున్నారంటూ”… అర్ధం వచ్చేలా సినిమా స్థితి ఉందని అభిప్రాయం వెల్లడించడంతో… ఆ మాటలు పుష్ప సినిమానే ఉద్దేశించి మాట్లాడినట్టుగా భావించడానికి అస్కారం ఉండడంతో ఇప్పుడు ఆ చర్చ సోషల్ మీడియాలో, మెయిన్ మీడియాలో కూడా వస్తుంది.

అడవుల సంరక్షణ గురించి ఉద్దేశించి మాట్లాడినట్టే పవన్ కళ్యాణ్ వ్యాఖ్యలు తీసుకోవాలి, ఎందుకంటే ఆయన అటవీశాఖను కూడా నిర్వహిస్తున్నారు కాబట్టి.

సినిమాల ప్రభావం జనాలలో ఎక్కువగా ఉంటుంది. కాబట్టి సినిమాల పాత్రలు పాజిటివ్ గా ఉంటే, ఆ ప్రభావం ప్రజలలోనూ ఉంటుంది. మొక్కల పెంపకం, అడవుల సంరక్షణ గురించిన పాత్రలు కనిపించాల్సిన సినిమాలలో, అడవులలో చెట్లను కొట్టే పాత్రలు, ప్రజలకు చేరువ కావడం, పర్యావరణానికి అంత మంచిది కాదు అనే అభిప్రాయం కూడా ఉంటుంది.

సినిమాను, సినిమాగా చూసి ఆనందించి, సినిమాలో ఆంశాలను వదిలేసేటప్పుడు, ఎలాంటి సినిమాలు అయినా ఫరవాలేదు కానీ సినిమాలను చూసి, అనుకరించాలనే తపన ఉన్నప్పుడు సినిమా హీరో ప్రకృతిని, పర్యావరణాన్ని పరిరక్షించే పాత్రలు చేయడమే సామాజిక శ్రేయస్సు జరుగుతుంది.

కాబట్టి పవన్ కళ్యాణ్ నేరుగా పుష్ప సినిమాను ప్రస్తావించనప్పుడు, ఆ వ్యాఖ్యాలు పుష్పకు ఆపాదించకుండా, ఆయన అడవుల సంరక్షణ కోసం తపనపడుతున్నారని భావించడం మేలు.

మరిన్ని తెలుగురీడ్స్ వ్యాసాలు

సన్మాన పత్రం ఇన్ తెలుగు

సన్మాన పత్రం ఇన్ తెలుగు. పదవీ విరమణ సమయంలో లభించే సన్మాన పత్రం వ్యక్తి జీవితంలో అత్యంత గౌరవమైన పత్రం. ఒక రంగంలో ఒక వ్యక్తి తన కర్తవ్య నిర్వహణలో అంకిత భావంతో చేసిన పనికి, అభించే గౌరవ పత్రం. ఈ పత్రంలో అతని పనితీరు, అతను సాధించని విజయాలు, పాటించిన ప్రమాణాలకు గుర్తింపు లభిస్తుంది. ఒక వ్యక్తికి సన్మాన పత్రం వ్రాయడానికి…

ప్రభుత్వ / ప్రవేటు ఆఫీసులో పనిచేసే ఉద్యోగి పదవీ విరమణ చేస్తున్న నేపధ్యంలో సన్మాన పత్రం ఇన్ తెలుగు

శ్రీశ్రీశ్రీ ఉద్యోగిని ఈయనగా చెబుతూ…. మన ఆఫీసులో అత్యంత ప్రభావంతమైన పనితీరు కనబరిచిన వారిలో ముఖ్యలు ఈయన. ఈయన చేసిన కృషి వలన ఈయనకు మాత్రమే కాకుండా మన ఆఫీసుకు కూడా ప్రజలలో మంచి పేరు వచ్చింది. ఇంకా పై అధికారుల వద్ద కూడా మన ఆఫీసు గురించి సదభిప్రాయం ఉందంటే, కేవలం అది ఈయన కృషి మాత్రమే. మనకు, మన యజమాన్యానికి మద్య ఈయన వారధిలాగా పనిచేశారు. పట్టుదలతో విశేష కృషి చేసిన ఈయన ఈ రోజు పదవీ విరమణ చేయడం గొప్ప విషయం కానీ అదే సమయంలో ఈయన మనకు దూరం కావడం మనస్సుకు బాధగా ఉంటుంది. ఆపదలో అన్నలాగా, కష్టంలో తండ్రిలాగా మనయందు ఈయన చూపిన దయ మరువలేనిది.

సవాళ్లను ఎదుర్కోవడంలో ఈయన చూపిన పట్టుదల, మనందరికీ ఆదర్శం. మనం చూశాం ఈమద్యన జరిగిన కొన్ని సంఘటనల్లో మనమంతా ఎంత ఆందోళనకు గురి అయ్యామో? ఆ సమయంలో ఈయన చూపిన తెగువ ప్రశంసనీయం.

నిరంతరం కొత్త విషయం నేర్చుకోవడంలో కూడా ఈయన కొత్తవారితో పోటీపడడం అద్భుతమైన విషయం. మారిన పరిస్థితులకు అనుగుణంగా విధాన నిర్ణయాలను తీసుకోవడం, వాటి విషయంలో యాజమాన్యంతో మాట్లాడి ఒప్పించడం, ప్రజలలో వాటిపై అవగాహన తీసుకురావడం… ఈయన కృషి చాలా విశేషమైనది.

ఈయను ఈరోజు పదవీ విరమణ చేయడం, మనం అందులో భాగస్వాములం కావడం చాలా ఆనందదాయకం.

మరిన్ని తెలుగురీడ్స్ వ్యాసాలు

దానం గురించి దానం గొప్పతనం

దానం గురించి దానం గొప్పతనం. శిబి చక్రవర్తి, బలి చక్రవర్తి, కర్ణుడు… తదితరుల గురించి చెబుతూ దానగుణం గురించి పుస్తకాలలో గొప్పగా చెప్పబడుతుంది. ఎందుకు దానగుణం గురించి తెలుసుకోవాలి. సమాజంలో ఉన్నవారు, లేనివారు రెండురకాల ప్రజలు ఉంటారు. లేనివారికి, ఉన్నవారు చేసే దానం వలన లేనివారి ఆనందానికి ఉన్నవారు కారణం అవుతారు. అయితే ఇది దానం చేయాలని ఎక్కడా రూల్ ఉండదు. అది వ్యక్తి యొక్క బుద్దిని బట్టి ఉంటుంది. కనుక విద్యార్ధి దశలోనే దానం గొప్పతనం తెలుసుకోవడం వలన వారు సమాజానికి ఉపయోగకరంగా మారతారు. తమ దగ్గర ఉన్నదానిని దానం చేయడానికి సందేహించరు. కావునా దానం గురించి గొప్పగా చెబుతారు. కర్మ కఠినమైనది కనుక కొందరి జీవితాలలో దారిద్ర్యం తాండవిస్తుంది. కర్మ సిద్ధాంతం బాగా నమ్మినవారు, తమ దగ్గర ఉన్న దానిని అవసరంలో ఉన్నవారికి దానం చేయడానికి సంకోచించరు.

పురాణాలలో దానం గురించి దానం గొప్పతనం

ఇక మన పురాణాలలో దానం చేసిన వారి గురించి చెప్పేటప్పుడు అందరికీ గుర్తుకు వచ్చేది కర్ణుడు…. ఒక రోజు ఇంద్రుడు బ్రాహ్మణుడి వేషంలో నీదగ్గరకు వచ్చి నీ కవచకుండళాలను దానం అడుగుతాడు. ఇవ్వకు అని కర్ణుడుతో సూర్యుడు చెబుతారు. కానీ ఇంద్రుడంతటివాడు నాముందు దేహి అని నిలుచుంటే, నేను కాదనను దానం చేసేస్తాను అని కర్ణుడు సూర్యుడితో అంటాడు.

అలాగే ఇంద్రుడికి కర్ణుడు తన శరీరంతో కలసి ఉన్న కవచ కుండళాలను తీసి ఇచ్చివేస్తాడు. కవచకుండళాలు ఉంటే, కర్ణుడికి చావు ఉండదని అంటారు. కవచకుండళాలు లేకపోతే, కర్ణుడి మరణం తథ్యం అని తెలిసి కూడా, ఎల్లకాలం బ్రతికి ఉండడం కన్నా, దానం చేసేయడం మంచి పని అని కర్ణుడు గ్రహించాడు. కాబట్టి దానం చేశాడు.

ఇంకా బలి చక్రవర్తి దానం గురించి కూడా చాలా గొప్పగా చెప్పబడుతుంది.

వామనుడు బలి చక్రవర్తి వద్దకు వచ్చి మూడు అడుగుల భూమిని దానంగా అడుగుతాడు. అందుకు బలి చక్రవర్తి అంగీకరిస్తాడు. కానీ శుక్రాచార్యులు, ‘వచ్చినవాడు సామాన్యుడు, కావు త్రివిక్రముడు, మొత్తం ఆక్రమించేస్తాడు… దానం ఇవ్వొద్దని బలిని వారిస్తాడు. కానీ బలి చక్రవర్తి ఆడిన మాట తప్పను, ఖచ్చితంగా దానం ఇచ్చేస్తానని, తన మాట ప్రకారం మూడడుగుల భూదానం ఇచ్చేస్తాడు.

అడిగినవారికి దానం చేసేయడం, ఆడిన మాట తప్పకపోవడం… ఏనాటి నుండో మన భారతీయ సంప్రదాయంలో ఉన్నదేనని చెబుతారు.