హిందువుల Archives

వ్యూహాత్మకంగా వ్యవహరిస్తున్న పవన్ కళ్యాణ్. సరిపోదా శనివారం సినిమాలో హీరోకు కోపం వస్తుంది. ఆ హీరోకు కోపం వస్తే, ఆ సమస్య అతనిదే, బాదితులు అతనికి స్నేహితులు… రాజకీయాలలో పవన్ కు కోపం వస్తుంది. పవన్ కు కోపమొచ్చి పవన్ కళ్యాణ్ ప్రసంగిస్తే, అది ప్రజలలో చర్చనీయాంశంగా మారిపోతుంది. మీడియాలో సంచలనంగా మారుతుంది.

జీరోతో ఎవరైనా ఒక పనిని ప్రారంభిస్తారా? అంటే డౌటే. కానీ ఒక రాజకీయ పార్టీని స్థాపించి, ఆ పార్టీలో ఒక్క ఎంఎల్ఏ కూడా లేకుండా జీరో అసెంబ్లీ మెంబర్స్ తో పదేళ్లు పార్టీని నడిపించిన ఘనత జనసేనాని పవన్ కళ్యాణ్ కే దక్కుతుంది. పదేళ్ల కాలంలో పడిన కష్టానికి ఫలితం ఏమిటి? ఇప్పటికైనా ఏదో ఒక్కటి చేసి, తన పార్టీ ఉనికిని చాటాలి? అందుకు అవకాశవాద రాజకీయం చేయాలని పవన్ కళ్యాణ్ భావించలేదు. ఎందుకంటే టిడిపి కష్ట కాలంలో ఉన్నప్పుడు అవకాశవాదం కన్నా దీర్ఘకాలిక ప్రయోజనాలే ప్రధానం అని భావించి, టిడిపి అధినేతతో కలిసి 2024 ఎన్నికలలో వెళ్ళారు. అంతే కాదు తనకు కేటాయించిన సీట్ల సంఖ్యను కూడా త్యాగం చేశారు.

అందరూ అన్నారు. 2024 ఎన్నికలలో మ్యాన్ ఆఫ్ ద మ్యాచ్ పవన్ కళ్యాణే అని… కానీ పవన్ కళ్యాణ్ తన వల్లే 2024 ఎన్నికలలో విజయం సాధించామనే అహంకారానికి పోకుండా, ఎదిగిన కొద్దీ ఒదిగి ఉండాలనే సామెతను నిజం చేసి చూపించారు.

ఉపముఖ్యమంత్రిగా ప్రమాణం చేసిన పవన్ కళ్యాణ్, ప్రభుత్వ పరిపాలనలో కూడా తన మార్కు ప్రభావం చూపించడానికి కృషి చేస్తున్నారు. ఇలా రాజకీయంగా పవన్ కళ్యాణ్ సాధించిన విజయం అయితే, ఆయన సినిమాలలో కూడా తన శైలిలో ప్రజాభిమానాన్ని సంపాదించుకున్నారు. అంతే కానీ చిరంజీవిగారి శైలిని అనుసరించలేదు. ఇప్పుడు రాజకీయాలలో కూడా పవన్ విభిన్నంగా మారుతున్నారు.

వ్యూహాత్మకంగా వ్యవహరిస్తున్న పవన్ కళ్యాణ్.

ఏమిటి ఇతర రాజకీయ నాయకులకు పవన్ కళ్యాణ్ కు తేడా ఏమిటి? ప్రతి రాజకీయ నేత భజన పని ప్రజలపై చేస్తూ ఉంటారు. ఆ పని మాత్రం పవన్ కళ్యాణ్ చేయడం లేదు. సమస్యపై స్పందించడం, ఆ సమస్యలో ఉన్న లోపాలను ఎత్తి చూపడం ఇదే పనిని పదేళ్ల కాలంగా చేస్తున్నారు. అందుకే పవన్ చెప్తే ప్రజలు ఆలోచన చేస్తున్నారు. సరైన సమయంలో వ్యూహాత్మకంగా వ్యవహరించడం చాలా ప్రస్పుటంగా పవన్ లో కనబడుతున్నాయి.

2014కి ముందువరకు కూడా సనాతన ధర్మం గురించి మాట్లాడేవారు తక్కువగానే ఉండేవారు. కానీ ఆ తర్వాత సనాతన ధర్మం గురించి మాట్లాడే పెరుగుతూ వస్తుంటే, అది ఉత్తర భారతదేశంలో ఎక్కువగా సాగింది. అయితే దక్షిణ భారతదేశంలో హిందువులకు ఎటువంటి నాయకుని మాట మద్దతుగా లేదు. ఇంకా హిందువుల మనోభావాలతో ఆడుకునేవారు ఎక్కువ మనకు. ఇంకా మతపరంగా ఇతర మతాల గురించి మాట్లాడుతారు కానీ హిందూ మతం గురించి మాట్లాడాలంటే మాత్రం భయపడే నాయకులు ఉన్న స్థితిలో…. పవన్ కళ్యాణ్ సనాతన ధర్మం గురించి బలంగా నిలబడడం తెలుగు రాష్ట్రాలలోనే కాదు ఇతర రాష్ట్రాలలో హిందువులలో కూడా కదలిక ప్రారంభం అయ్యింది.

ఇతర మతాల మాదిరి హిందువులకు కూడా సనాతర ధర్మ పరిరక్షణ బోర్డు ఉండాలనే పవన్ కళ్యాణ్ ప్రతిపాదనకు మద్దతు భారీగా లభిస్తుంది. ఇంకా జాతీయ ప్రచార సంస్థలు కూడా పవన్ కళ్యాణ్ వైపు దృష్టి సారించాయి. దీనికి ప్రధాన కారణం తిరుమల వ్యవహారం. తిరుమలలో ఇప్పటిదాకా వివిధ ప్రభుత్వాల పనితీరు కూడా అంత ఆశాజనకంగా హిందువులకు కనబడలేదు. కానీ పవన్ రూపంలో ఇప్పుడు ఒక ఆశాకిరణం హిందువులకు కనబడుతుంది.

దక్షిణ భారతదేశంలో ఓటర్లను ప్రభావితం చేయగలిగే నినాదం అందుకున్న పవన్ కళ్యాణ్ లక్ష్యం ఎక్కడ వరకు… తెలుగు రాష్ట్రాల వరకు మాత్రమేనా? లేక బిజెపి సహకారంతో దక్షిణ భారత దేశం కూడానా?

దీర్ఘకాలిక లక్ష్యంతో పవన్ కళ్యాణ్ వ్యూహాత్మకంగా అడుగులు వేస్తున్నారు. ఎటువంటి ఫలితాలు వస్తాయో కాలంలో వేచి చూడాలి.