వ్యక్తి వ్యక్తిత్వం అంటే ఏమిటి ! అంటే వ్యక్తి యొక్క తత్వమును తెలియజేయునదిగా చెప్పబడుతుంది. సమాజంలో వ్యక్తి తన యొక్క తత్వముతో ప్రభావం చూపుతూ ఒక గుర్తింపును పొందుతూ ఉంటే, ఆ తత్వమును అతని యొక్క వ్యక్తిత్వముగా చెబుతూ ఉంటారు.
వ్యక్తిత్వంలో వ్యక్తి యొక్క లక్షణాలు, గుణాలు, అభిరుచులు మొదలైనవి మిళితమై ఉంటాయి. వ్యక్తి తనకు ఉన్న విశిష్టమైన లక్షణాల వలన, గుణాలు వలన, అభిరుచుల వలన తన యొక్క ప్రవర్తనతో వివిధ పరిస్థితులలో వివిధ విధాలుగా గుర్తింపు పొందుతూ ఉంటాడు. అయితే వ్యక్తి అన్ని చోట్లా అన్ని వేళలా శోభించే గుణాలు, లక్షణాలు అతని యొక్క స్వభావముగా గుర్తింపు పొంది, అది ఆ వ్యక్తి యొక్క విశిష్ట తత్వముగా గుర్తింపు పొందుతుంది.
మనిషి యొక్క వ్యక్తిత్వమును పూర్తిగా ప్రభావితం చేసే అతని యొక్క మనసు మాత్రమే. ఎవరి మనసు వారి యొక్క ప్రవర్తనకు కారణం కాగలదని అంటారు. మనసులో ఏర్పడిన భావాలు, మనసులో గుర్తుగా మారిన సంఘటనలు, మనసులో గుర్తించబడిన విషయాలు, మనసులో కదులుతు ఆలోచనలు కలిసి సంఘర్షణగా మారుతుంటే, మనిషి యొక్క చేతలు తదనుగుణంగా ఉంటూ ఉంటే, తత్పరిణామ ఫలితమే మనిషికి ఒక గుర్తింపు పొందగలగడంలో మనసు తన ప్రత్యేకతను చాటుతుంది. ఇందుకు ఆ మనిషిచుట్టూ ఉంటే పరిస్థితలు, వ్యక్తులు కూడా బాగస్వామ్యం కాగలవు.
వ్యక్తి వ్యక్తిత్వం పై ప్రభావం
గుర్తింపు పొందిన వ్యక్తి యొక్క మనసు తన గుర్తింపును కొనసాగించడానికి ఆలోచనలు చేస్తుందని అంటారు. అలాగే అతనికి గుర్తింపును ఆపాదించినవారు కూడా సదరు ఆలోచనలకు కారణం కాగలరు. మొత్తానికి వ్యక్తి యొక్క వ్యక్తిత్వం పెరుగుతున్న పరిస్థితులలో నేర్చుకున్న విషయ పరిజ్ఙానం, స్నేహం చేస్తున్న వ్యక్తుల, సంరక్షణ చేస్తున్న వ్యక్తుల ప్రభావంతో పాటు తన మనసు యొక్క స్పందనలు అనుసరించి… వ్యక్తిత్వం ఏర్పడుతూ… ఉంటుంది.
ఒక్క పూటలోనూ… ఒక్క నెలలోనూ వ్యక్తిత్వం ఏర్పడదు… అది పెరుగుతున్న వయస్సు నుండి… తన చుట్టూ ఉన్న వ్యక్తుల మరియు పరిస్థితుల ప్రభావం ప్రకారం ప్రతిస్పందిస్తున్న తీరు బట్టి వ్యక్తిత్వం ఏర్పడుతుంది. ఒక్కసారి గుర్తింపు పొందిన వ్యక్తిత్వం జీవితకాలంపాటు కొనసాగుతుంది.
ఆసక్తులు, ఆశలు, కోరికలు, కోరికలు తీర్చుకోవడానికి సహకరిస్తున్నవారు, కోరికలు తీర్చుకోవడంలో భాగస్వాములు అవుతున్నవారు, కోరికలకు కారణం అవుతున్నవారు… ఆశలు కల్పిస్తున్నవారు… ఆశలు సృష్టిస్తున్న పరిస్థితులు, ఆశలకు కారణం అవుతున్నవారు… ఇలా ఏదైనా ఒక స్వభావం వృద్ది చెందడానికి వ్యక్తి మనసుతో బాటు సమాజం కూడా కారణం కాగలదు.
వ్యక్తిని బట్టి సమాజం దృష్టి, సమాజం తీరుని బట్టి వ్యక్తి
లోకంలో వ్యక్తిని బట్టి సమాజం దృష్టి, సమాజం తీరుని బట్టి వ్యక్తి ప్రవర్తన ఉంటుందని అంటారు. సమాజంలో వ్యక్తి జీవించాలి. కాబట్టి సమాజంలోని పోకడలు గమనిస్తూ, తన అవసరాల కొరకు తను మాట్లాడవలసినవారితో మాట్లాడుతూ, పనిచేయవలసిన చోట పని చేస్తూ, పని చేయించవలసిన చోట పని చేయిస్తూ… సమాజంలో తన యొక్క మనుగడకు తను ప్రవర్తించే ప్రవర్తన ఆధారంగా గుర్తింపు పొందే వ్యక్తి స్వభావం లేదా వ్యక్తిత్వంగా ఉంటుంది.
వ్యక్తి వ్యక్తిత్వం అంటే ఏమిటి
మనసుకు బాగా దగ్గరగా మెసిలేవారికి వ్యక్తి యొక్క పూర్తి వ్యక్తిత్వం తెలియబడుతుంది. ఎక్కువమందికి వ్యక్తి యొక్క వ్యక్తిత్వంలో కొన్ని గుణాలు మాత్రమే తెలియబడతాయి.
ఒక సినిమా హీరో నటనా చాతుర్యం ఒక విశిష్ట గుణం అయితే, అది సినిమా ప్రేక్షకులందరికీ తెలియబడుతుంది. కానీ ఆ సినిమా హీరోయొక్క వ్యక్తిత్వం గురించి మాత్రమే అతనికి బాగా దగ్గరగా మెసిలే మనుషులకే తెలియబడుతుంది.
పాపులారిటీని బట్టి వ్యక్తి యొక్క వ్యక్తిత్వం పూర్తిగా అంచనా వేయలేం…. అలాగే వ్యక్తిని బాగా దగ్గరగా పరిశీలించేవారికి మాత్రమే పూర్తి స్థాయి వ్యక్తిత్వం తెలియబడుతుంది. వారికే అతని యొక్క మంచి మరియు చెడు ఆలోచనల తీరు తెలియబడుతుంది.
ఒక వ్యక్తి వ్యక్తిత్వం మరొక వ్యక్తి వ్యక్తిత్వం
లోకంలో ఒక వ్యక్తి వ్యక్తిత్వం మరొక వ్యక్తి వ్యక్తిత్వం ఒకదానితోఒకటి ప్రభావం చూపగలవు.
ఇద్దరు వ్యక్తులు: ఏ అను ఒక వ్యక్తి, బి అను మరొక వ్యక్తి ఉన్నారనుకుంటే.
ఏ అను వ్యక్తి మనసులో పుట్టిన ఒక ఆలోచన బి అను వ్యక్తి మనసుపై ప్రభావం చూపింది. అప్పుడు బి అను వ్యక్తి యొక్క మనసు ప్రతిస్పందించడంలో వలన ఏ అను వ్యక్తి మనసు ప్రభావితం అవుతుంది. మరలా ఏ అను వ్యక్తి ప్రతిస్పందిస్తే, తిరిగి బి అను వ్యక్తి ప్రతిస్పందించడం జరుగుతుంది. ఇలా… ఇద్దరు వ్యక్తుల మద్య స్పందనలు ఉండవచ్చును.
అలా సమాజంలో ఇద్దరు వ్యక్తుల మద్య సంబంధాలు ఉంటాయి. ప్రతి వ్యక్తికి వివిధ వ్యక్తులతో బంధమేర్పడి ఉంటుంది. ఒక వ్యక్తికి… అన్న లేక తమ్ముడు, అక్కా లేకా చెల్లెలు, బావ లేక బావమరిది, మేమమామ, మేనత్త, మామగారు, అల్లుడుగారు, చిన్నాన్న, పెదనాన్న, పిన్నమ్మ, పెద్దమ్మ… ఇలా రకరకాల బంధాలతో వ్యక్తి మనసు ఎదుగుతూ… తను గ్రహించిన విషయాల వలన, తను గుర్తు పెట్టుకున్న సంఘటనల వలన, తనపై ప్రభావం చూపిన పరిస్థితులతో బాటు… నేర్చిన విద్యాబుద్దుల వలన వ్యక్తి వ్యక్తిత్వం ప్రభావితం అవుతూ ఉంటుంది.
మనసు ఒక సముద్రం అయితే, సముద్రపు నీరు ఉప్పగా ఉంటుంది. సముద్రపు అలలు ఆనందాన్నిస్తాయి. సముద్రపు లోతు ఎరుగము. సముద్రం పౌర్ణమినాడు పోటెత్తుతుంది. సముద్ర పొంగితే, అది వికృత ప్రభావం చూపుతుంది… అలా సముద్రం గురించి చెబుతూ ఉంటారు. అలా ఒక మనిషి గురించి చెప్పేటప్పుడు అతనికి విశిష్టంగా వ్యక్తిత్వం అను సర్టిఫికెట్ లభిస్తుంది.
భక్తి భావం బలమైనది మనసుకు శాంతిని అందిస్తుంది. భక్తి భలే మందు మనుసుకు. భక్తిభావన చేత మనసు శాంతికి దగ్గరగా అశాంతికి ఆమడ దూరంగా ఉంటుంది.
భక్తి భావనలు… భక్తి భావన బలమైనది
దైవంపై మనసుకు ఏర్పడే భక్తి భావన ఎంత బలంగా ఉంటే, అంతటి మనోశక్తి అంటారు. విగ్రహం ముందు నిగ్రహం మనలో మనోశక్తికి మూలం అంటారు.
ఎవరికి ఇష్టమైన దైవం, వారి వారి మనసు మూలంలో ఉంటారు. కానీ మనసు తనకు తాను ఏర్పరచుకునే విషయలాలస వలన మూలలోనే మిగిలిపోతుంది.
మనసు ఏర్పరచుకునే విషయాలు, అలవాటుగా మారి ఉంటాయి. అలా అలవాటులు మనసులో ఉన్న భక్తి భావనను తొక్కి పెడతాయి. బలమైన అలవాటులు శక్తిని హరిస్తూ ఉంటే, మనసు మాత్రం అలవాటుకు లొంగుతుంది.
నియంత్రణ ప్రధానంగా ఆచారం ఉంటే, కేవలం మన మనసును విషయవాసనల నుండి దూరం చేయడానికే ఆచారం యొక్క ప్రధాన ఉద్దేశ్యం అయితే, ఆచరించడం మనసుకు మందు వేయడం వంటింది.
సమాజంలో మనిషి చుట్టూ ఉండే విషయాలు మనసులో గూడు కట్టుకుని ఉంటాయి. మదిగదిలో మెదిలే ఆలోచనలు కేవలం విషయాలవైపు మాత్రమే వెళితే, ఆ మనసుకు వ్యాపకాల పరంపర అంటే అమిత ఇష్టం ఏర్పడుతుంది.
విషయాలను చూస్తూ, విషయాల సృష్టికి ఆధారమైన వాడిని తలుస్తూ ఉండడం వలన మనసులో మూలలో దాగి ఉన్న భక్తి పైకి వచ్చే మార్గం కూడా ఏర్పడుతూ ఉంటుంది.
మనకు భక్తి భావం బలమైనది మనసుకు శాంతి అందించడంలో భక్తి భావం ముందుంటుంది. కారణం కష్టాలకు చలించిపోకుండా మనసుకు దైవమున్నాడనే భావన మనసులో చేరిన ఆందోళనను చెరుపుతుంది. ఆందోళన లేని మనసు అది శాంతిగా ఉంటుంది. దాని చుట్టూ ఉండేవారిని శాంతితో ఉండనిస్తుంది. కాబట్టి భక్తి భావం మనసుకు శాంతిని అందిస్తుంది.
బలమైన మనసుకు బలహీనతే అద్దంకి. బలహీనత కూడా బలంగా మార్చగలిగే శక్తి దైవానికి ఉందని పెద్దలంటారు. కానీ భక్తి భావన బలంగా లేకపోవడం వలననే, మనసు ఆందోళనకు దగ్గరగా, అశాంతిని అనుకుని ఉంటుంది.
ప్రతి విషయంలోనూ ఎదురవుతున్న అనుభవాలు అనుభవిస్తూ, మనసులో మరో మూలన పడిన భక్తి భావనను పైకి తీసుకువచ్చే ఆలోచనలకు కూడా అవకాశం ఇవ్వడమే భక్తి భావన బలపడడానికి మార్గం అంటారు.
జీవితంలో కష్టసుఖాలు కామన్. కానీ కష్టం కూడా ఇష్టంగా మారుతుంది. ఇష్టపడి పనిచేస్తే, కష్టం తెలియకుండా పని పూర్తి అవుతుంది. అది కూడా మనసు వలననే అంటారు.
అలాంటి మనసుకు భక్తి భావనను కూడా పెంచే విధంగా ఆలోచనలకు అవకాశం ఇవ్వడమే భక్తి భావన పెరుగుదలకు బీజం పడుతుంది.
విగ్రహం ముందు నిగ్రహం వహించడం నియంత్రణలో ప్రాధమిక ప్రయత్నం
విగ్రహం ముందు నిగ్రహం వహించడం నియంత్రణలో ప్రాధమిక ప్రయత్నం అయితే, భక్తి భావన బలపడడానికి అది ఆది ప్రయత్నం అవుతుంది.
మనకు అనేక మతాలు, అనేక దైవాలు, దేవతలు ఉన్నారు. మన సమాజంలో మత స్వేచ్చ ఉంది. దైవనామ స్మరణకు, దైవారాధనకు షరతులు లేవు.
మనసు ఉండాలే కానీ మార్గములు అనేకం. భక్తి అనే భావన మనసులో మెదలాలి కానీ దేవతలకు కొదువలేదు.
ఒక దైవం అనుకుని. ఆ దైవంపై నమ్మకం ఉంచుకుని, ఆ దైవ నామస్మరణ చేయడం. ఆ దైవ స్వరూపమును మనసులో ముద్రించుకోవడం ప్రధానం అయితే అందుకు విగ్రహారాధన మొదటిమెట్టు అంటారు.
దైవ స్వరూపమును మనసులో బలంగా ముద్రించుకోవడానికి మార్గం విగ్రహం ముందు నిగ్రహంతో ఉండడం.
నిగ్రహం అలవాటు కావడానికే విగ్రహం ముందు కూర్చుని నియమాలతో ఉండడం. స్తోత్రం చేయడం, దైవ సేవ చేయడం అంటారు.
విషయములుఆలోచనపుస్తకం ఈ మూడు కలిసి ఉంటాయి. ఈ మూడు మనసును ప్రభావితం చేస్తాయి. విషయములు ఆలోచనలు కలిగిస్తే, మంచి విషయాలు మంచి ఆలోచనలను కలిగిస్తాయి.
లోకంలో అనేక అంశములలో అనేక విషయాలు ఉంటాయి. అనేకమంది వ్యక్తులు, అనేక విషయాలతో సంఘం కలిగి ఉంటే, మరి ఆలోచనలు ఎన్ని ఉంటాయి?
విషయములతో ప్రభావం చెందే మనసుకు మొదట్లో తెలిసిందేమిటి? ఆలోచనలు ఎప్పుడు ప్రారంభం అయ్యాయి.
తనును తాను చూసుకోకుండా అనేక ఆలోచనలతో ముందుకు సాగిపోతుంది మనసు. ఒకప్పుడు కష్టంలో తననితాను చూసుకుంటుంది. స్థితిని చూసుకుంటుంది. ఆలోచనలో పడుతుంది.
కష్టంలో ఓదార్పు అందుకునే మనసుకు మిత్రులు, బంధువులు, ఆత్మీయులు ఉంటారు. పుస్తకంపఠనం అలవాటు ఉన్నవారికైతే, పుస్తకం కూడా ఒక మిత్రుడు వంటివాడు.
పరిశోధనాత్మకమైన పుస్తకాలు చదివే అలవాటు అయితే, ఒక పరిశోదకుడు మనసుకు మిత్రుడుగా ఉంటాడు. భక్తిపరమైన బుక్స్ చదివే అలవాటు ఉంటే, ఓ భక్తపరాయణుడు మిత్రుడుగా మనసు లభిస్తాడు.
తాత్విక చింతనను ప్రబోదించే బుక్స్ అయితే ఓ తత్వవేత్త మనసుకు మిత్రుడుగా లభిస్తాడు. ఎటువంటి పుస్తకాలు చదువుతుంటే, అటువంటి మిత్రత్వం పుస్తకాల ద్వారా మనసుకు లభిస్తుంది.
పుస్తకపఠనం గొప్ప అలవాటుగా చెబుతారు. అంటే వ్యక్తికి ఉండవలసిన మంచి అలవాట్లలో పుస్తకం చదవడం అనే మంచి మంచి అలవాటు కూడా ఉండాలని చెబుతారు.
పుస్తకం చదవుతూ ఉన్నంతసేపూ మనసు ఒక విషయంపై ఏకాగ్రదృష్టితో దృష్టితో ఉంటుంది.
చదువుతున్న పుస్తకం ఇంకా భారతీయ సాహిత్యం అంటే మరీ మంచిదని అంటారు. పుస్తకం చదవడం అంటే అందులో వ్రాసి ఉన్న విషయంతో మనసు కాసేపు ప్రశాంతతో ప్రయాణం చేయడమే అవుతుందని అంటారు.
మనకు పుస్తకములు విశిష్టమైన విషయములను మనసుకు తెలియజేస్తాయి. చదివే పుస్తకంలోని విషయసారమును మనసులోకి చేరుస్తాయి. కొన్ని మనోవికాసం పుస్తకాలుమననుసు మందు వంటివి అంటారు. ఎలాంటి పుస్తక పఠనం ఉంటే, అలాంటి భావన పెరుగుతుంది.
భక్తిపుస్తకాలు చదవడం అలవాటు అయితే, మనసు భక్తి భావనతో ఉంటుంది. కాసేపు ఏదైనా ఒక భక్తి పుస్తకం చదువుతూ ఉంటే, మనసు కాసేపు ఏకాగ్రతతో ఆ దైవంపై భక్తిభావంతో ఉంటుంది…
మనోవిజ్ఙానం కలిగిన పుస్తకాలు మనసులో వికాసమును తీసుకువస్తాయి. తెలుగు సాహిత్యంలో గల విశిష్టమైన పుస్తకాలు విశిష్టమైన ఫలితాలనే అందిస్తాయి.. అయితే దృష్టి సారించడమే కష్టం అంటారు. మనసుపై మనసే యుద్ధం చేయాలంటే మనసు ఎందుకు సిద్దపడుతుందని కూడా అంటారు.
పుస్తకం మనసును ఒక విషయంపై దృష్టి పెట్టేలాగా చేస్తుంది. పుస్తకంలో ఉండే ప్రధాన లక్షణం ఇదే… ఈ లక్షణం వలన మన మనసు ఏకాగ్రత పెరుగుతుంది.
ఏదైనా ఒక పుస్తకం చదువున్నంతసేపూ మనసు ఆ పుస్తకంలోని అంశంతో మమేకమై ఆలోచనలను కొనసాగిస్తుంది. అలా ఒక విషయంపై విచారణ మనసుకు అలవాటు పడుతుంది.
విజ్ఙానంతో కూడిన పుస్తకాలు విషయములపై వివరణలు, విధానములను తెలియజేస్తాయి. అలాగే మనో విజ్ఙానంతో కూడిన పుస్తకాలు మనసు గురించిన స్వభావమును, మనసు తీరు తెలియజేస్తాయి.
ఇటువంటి మనోవిజ్ఙానమయ పుస్తకాలు రీడ్ చేయడం వలన మనసుకు మనసుతోనే చెలిమి ఏర్పడుతుందని అంటారు.
ఎక్కడ ఏది ఉందో చూసి తెలుసుకుంటాం. ఎక్కడ ఏది వినబడుతుందో విని తెలుసుకుంటాం. ఎక్కడ ఎలాంటి వస్తువు ఉందో తాకి తెలుసుకుంటాం…
కానీ చూడడం,వినడం, తాకడం తదితర విషయాలను తెలుసుకునే మనసు మాత్రం కనబడదు. చిత్రమైన మనసు విచిత్రమైన మనసుకు మనసే మిత్రుడు అవుతుంది. కొన్నిసార్లు శత్రువు కూడా అవుతుందని అంటారు.
ఇలాంటి మనసును కట్టడి చేయాలంటే, మనోమయవికాస పుస్తకాలు రీడ్ చేయాలి….
ఆసక్తికి ఆయుధం పుస్తకం అయితే… ఒక వ్యక్తి మనసుకు ఏదైనా ఒక విషయంపై ఆసక్తి కలిగితే, ఆ మనసు శ్రద్ధతో ఆ విషయం గురించి మరింతగా తెలుసుకుంటుంది. ఏ విషయంలో అయితే ఆసక్తి ఉందో, మనసు ఆ విషయం గురించిన పనిని చాలా శ్రద్ధతో ప్రారంభిస్తుంది. ఒక అంశంలో ఆసక్తి ఉంటే, ఆ ఆసక్తికిపుస్తక పఠనం తోడు అయితే, ఆ అంశంలో మనసుకు మరింత అవగాహన ఏర్పడుతుంది.
భారతీయ సంప్రదాయంలో భగవంతుడంటే భక్తి అందరికీ ఉంటుంది. ఆటోమేటిగ్గా ఆసక్తి కూడా వస్తుంది. అంటే ఒక వ్యక్తికి భగవంతుడు అంటే ఆసక్తి ఉంది. ఏ భగవంతుడు అంటే ఆసక్తి? అంటే వినాయకుడు అంటే ఆసక్తి ఉంది.
విఘ్నేశ్వరుడు ఎందుకంటే, ఏ శుభలేఖ చూసిన మొదటగా శ్రీరస్తు, శుభమస్తు అవిఘ్నమస్తు పదాలు కనబడతాయి. ఎవరంటే? వినాయకుడు అంటారు. విఘ్నేశ్వరుడిని చూస్తే, బొజ్జతో బొద్దుగా ముద్దుగా ఉంటాడు. కానీ ఏనుగు ముఖంతో ఉంటాడు. పామును పొట్టకు చుట్టుకుని ఉంటాడు. పరిశీలిస్తే ఒక దంతంతో ఉంటాడు. అంత పొట్ట వేసుకుని లావుగా ఉండేవాడు, చిట్టెలుకపై ప్రయాణం చేస్తాడు. అసలు ఆసక్తికే ఆసక్తి పుట్టించేలా రూపం ఉంటుంది. ఖచ్చితంగా ఆసక్తికరమైన భావన బలంగా ఉంటుంది. ఎందుకలా? గణేషుడు గురించి తెలిపే పుస్తకాలు చదివితే, గణపతి ఎవరు? లంభోధరుడు జననం ఎట్టిది? వినాయకుడు అవతార ప్రయోజనం? ప్రశ్నలకు సమాధానాలు లభిస్తాయి.
ఇంకొకరికి శివుడు అంటే ఆసక్తి, ఎందుకు?
ఆసక్తికి ఆయుధం పుస్తకం అయితే…
శివుడు అంటే ఎందుకు ఆసక్తి అంటే, శివుడికి మూడు కళ్ళు ఉంటాయి. కంఠం నీలంగా ఉంటుంది. పాము మెడలో ఉంటుంది. నంది మీద కూర్చుంటాడు. ఎందుకలా అనే దృష్టి వెళ్ళి, శివుడు గురించి తెలుసుకోవాలి. శివుడు ఎందుకలా ఉంటాడనే ఆలోచన, ఆలోచనకు తెలుసుకోవాలనే ఆసక్తి పెరిగింది. ఇలా శివుడు గురించి కొందరికి ఆసక్తి పెరగవచ్చును.
కొందరికి విష్ణువు అంటే ఆసక్తి పెరుగుతుంది. నాలుగు భుజములు కలిగి ఉంటాడు. నల్లగా ఉంటాడు. పాముపై పడుకుని ఉంటాడు. అవతారములు ఎత్తుతూ ఉంటాడు. అనేక అవతారములతో పూజింపబడుతూ ఉంటాడు. ఎందుకు ఇన్ని అవతారములు ఎత్తాడు. మిగిలిన దేవతలకు లేనన్ని అవతారములు ఈ స్వరూపమునకే ఎందుకు? ఆసక్తికరమైన ప్రశ్న…
ఇక మూడవ ఆయన కానీ మనం మొదలు ఆయన సంకల్పంతోనే… ఆయనకు నాలుగు తలకాయలు ఉంటాయి. ఎక్కడ పూజలందుకోడు.. కానీ సృష్టికర్త. ఆ సృష్టికర్తే బ్రహ్మదేవుడు. నాలుగు తలకాయలు బ్రహ్మదేవుని స్వరూపం చూడగానే ఆయనకు ఎందుకు నాలుగు తలకాయలు అనే ఆసక్తి వస్తుంది. ఇలా ఆసక్తి పెరగడానికి మనకు కనిపించే దైవ స్వరూపములు ఉంటాయి. ఎందుకు దేవతా మూర్తుల అలా ఉంటారంటే, అలా ఉన్నవారిని చూసి ఆసక్తి పెరిగితే ఆలోచనతో జ్ఙానం వైపు మనిషిని మళ్లించడానికే అనే ఆసక్తికరమైన విషయం ద్యోతకమవుతుంది.
ఆసక్తికి ఆయుధం పుస్తకం అయితే…
భక్తి అనే ఆసక్తికి ఆయుధం పుస్తకం అయితే…
ఆసక్తికరంగా ఉండే దేవతా మూర్తులు, వారిపై ఆసక్తి కలగగానే వారి వారి పురాణములు మనకు మనోవిజ్ఙానమును తెలియజేస్తాయి. ఏ పురాణము చూడండి.. మనసు, మనసు చేష్టలు, బలమైన మనసు, బలహీనమైన మనసు, ఆచారం కలిగిన మనసు, ఆచారం లేని మనసు… ఇలా మానసిక పరిస్థితులలో మనసు ఆయుధం ఎలా అవుతుంది. మనసు గురించిన విజ్ఙానమును అందిస్తూ, జీవిత పరమార్ధం గురించి తెలియజేస్తూ ఉంటాయి.
మనసును నియంత్రణలో పెట్టుకుంటే, కష్టంలో దాని పనితీరు బాగుంటంది. మనసు ఆకలికి తట్టుకోవడం అలవాటు అయి ఉంటే, ఉపవాసం చేయగలుగుతుంది. ఆకలికి తట్టుకునే అలవాటు లేకపోతే, ఆకలి తీర్చుకోవడానికి దొంగ కూడా మనిషిని మార్చే అవకాశం మనసుకు ఉంటుంది. అంటే నియంత్రణ అలవాటు అయిన మనసు ఆకలిని తట్టుకుని విజ్ఙతతో వ్యవహరిస్తుంది. ప్రకృతిలో తనకున్న పరిధిలో పరువుగా మనగలుగుతుంది.
Asakti gurinchi teliyajestu devata
ఆసక్తి గురించి తెలియజేస్తూ దేవతా స్వరూపములు గురించి ఎందుకు చెప్పానంటే? ఎక్కువమందికి తెలిసి ఉండే దేవతా మూర్తులు. ఇక పరిశీలన చేస్తే, మనోవిజ్ఙానం వైపు, జీవిత పరమార్ధం వైపు తీసుకువెళ్ళగలిగే పురాణ విజ్ఙానం ఆయా దేవతలపై ఉంటాయి. ఇక భక్తితత్వంలో మనసు ఉపశమనం పొందుతుందని పెద్దల మాట. భక్తి అనే ఆసక్తికిఆయుధంపుస్తకంఅయితే… భక్తి గురించిన పురాణాలు చదవాలనిపిస్తుంది. మనసు అంటే ఏమిటో? తెలుస్తుంది.
సరే ఇక ఆసక్తి ఇంకా ఇతర విషయములపై కలుగుతుంది. చూస్తున్న వస్తువులో గుణం గమనించడం వలన ఏర్పడే ఆసక్తి పరిశీలనాత్మకమైన ఆలోచనలను సృష్టిస్తుంది. ఇటువంటి ఆలోచనలు విద్యాభ్యాసంలో ఎక్కువగా ఉంటే, విద్యార్ధికి విద్యలో క్లారిటీ వచ్చేస్తుంది.
మనిషి ఎదురుగా లేకపోయినా వారితో నేరుగా మాట్లడగలగడం అనే సదుపాయం గలిగిన ఫోనుపై ఆసక్తి వస్తుంది. ఇంకా కొన్ని ఫోన్లు ద్వారా ఎక్కడో ఉన్న మనిషిని చూస్తూ, మాట్లడగలగడం మరింత ఆసక్తికరమైన ఆలోచనను పరిశీలిస్తే కలుగుతుంది. అయితే అలవాటు అయ్యాక అటువంటి పరిశీలన మనిషిలో కొరవడుతుంది. కానీ పరిశీలన చేస్తే, చూస్తున్న మొబైల్ ఫోనులో ప్రపంచం ఎలా కనబడుతుంది? అనే ఆసక్తి కలగక మానదు.
ఇలా మన చుట్టూ ఉన్న ప్రపంచంలో మన చుట్టూ ఉండే వస్తువులు కానీ మొక్కలు కానీ ప్రదేశాలు కానీ దైవ స్వరూపములు కానీ మనలో ఆసక్తిని కలిగిస్తాయి. మనం పరిశీలన చేస్తే, చాలా విషయాలు ఆసక్తికరంగానే ఉంటాయి.
న్ని విషయాలు, అన్ని వస్తువులు, అన్ని అంశములు అందరికీ ఆసక్తి చూపడానికి మనసు
అయితే అన్ని విషయాలు, అన్ని వస్తువులు, అన్ని అంశములు అందరికీ ఆసక్తి చూపడానికి మనసు ఇష్టపడకపోవచ్చును. కొందరు దైవం అంటే భక్తి ఉంటే, కొందరికి దైవం అంటే భయం ఉంటుంది. కొందరికి దేవుడు ఎక్కడ అనే ఆసక్తి ఉంటుంది. కొందరికి వస్తువులను పరిశీలించడంపై ఆసక్తి ఉంటుంది. కొందరికి వస్తువు పనితీరుపై ఆసక్తి ఉంటుంది. కొందరికి మానవ శరీరం పనితీరు గురించిన ఆసక్తి కలగవచ్చును. కొందరికి కంపూట్యర్స్ అంటే ఆసక్తి పెరగవచ్చును.
ఇలా ఆసక్తి ఏర్పడడంలో కొందరికి కొన్నింటిపై ఉంటుంది. కొందరికి దీర్ఘమైన పరిశీలన ఏదో ఒక విషయంలో ఏర్పడుతుంది. ఎలా భగవంతుడు ఎక్కడ ఉన్నాడు. ఈ ఆలోచనే కలిగితే, ఆ భగవంతుడు కనిపించేవరకు ప్రయత్నం ఆగదు. ఇక ఇక్కడ వంద ఆలోచనలు లేవు. నిజంగా భగవంతుడినే చూడాలనే ప్రయత్నం అంతే. స్వామి వివేకానందకు భగవంతుడిని చూడాలి, అనే ఆలోచనతోనే రామకృష్ణ పరమహంసను కలవడం జరిగింది.
మరికొందరికి కంప్యూటర్ ఎలా పని చేస్తుంది. దాని బ్యాక్ గ్రౌండులో ఏం జరుగుతుంది. తెలుసుకోవాలనే ఆసక్తి. అదే తపన, అదే ఆలోచన… దాని గురించి తెలిసినవారి దగ్గర తెలుసుకోవడం, ఆలోచించడం సాధన చేయడం జరుగుతంది. ఇలా సుదీర్ఘమైన ఆసక్తి కొందరికి కలిగితే, వారి ప్రయత్న ఫలితం చాలామందికి మార్గదర్శకం కావచ్చును. ఇందుకు సాయపడే విషయాలలో పుస్తకం ఒక ఆయుధంలాగా ఉంటుంది.
ఎందుకు పుస్తకం ఆయుధం అంటే, అనుభవజ్ఙులు
ఎందుకు పుస్తకంఆయుధం అంటే, అనుభవజ్ఙులు తమన అనుభవ సారమును పుస్తక రూపంలో వివరించి ఉంచుతారు. కొన్ని సంస్థలు ఒక వస్తువు తయారి గురించి, దానికి ఉపయోగపడే మూల పదార్ధముల గురించి, వాటి వాటి గుణములు గురించి విధానములను ఒక పుస్తకరూపంలో మార్చుతారు. ఇలా ఏదైనా విజ్ఙానపరమైన విషయాలు పుస్తకంలోకి మారతాయి.
స్కూలులో పాఠాలు పుస్తకంలో వివరించబడిన విషయాలే. కానీ ఆ పుస్తకం కూడా ఎవరో ఒకరు వ్రాసినదే అయి ఉంటుంది. ఆ వ్రాసినవారికి పుస్తకం చదివే అలవాటు ఉంటుంది.
అంటే పుస్తకం విజ్ఙానం అందిస్తుంది. ఆసక్తిని బట్టి పుస్తకం మరింత అవగాహన కలిగించే విజ్ఙానం అందిస్తుంది. కొత్తగా సృష్టించబడిని విధానం మరలా పుస్తకం అందుకుని భద్రపరిచి భవిష్యత్తులో మరొకరికి అందేవిధంగా మారుతుంది. పుస్తకం ఓ విజ్ఙాన వారధిలాగా మారుతుంది.
దేనిపై ఆసక్తి కలిగితే, దానిపై వివరణలతో కూడిన బుక్స్ నేర్చుకునేవారి ముందుంటాయి. దీర్ఘకాలికమైన ఆసక్తి అందరికీ ఒకలాగా ఉండదు. కానీ అందరిలాగానే ఉంది అంటే అది కేవలం అనుభవించడం వరకే పరిమితం అవుతుంది.
ఎప్పుడూ అన్నం మాత్రమే తినేవారికి కొంచెం బిర్యాని తినిపిస్తే, బిర్యానిపై ఆసక్తి పెరుగుతుంది. మరలా బిర్యాని తినాలనిపిస్తుంది. ఇది అందరికీ కలిగేదే, తిని అనుభవించడం వరకు పరిమితం. కానీ బిర్యాని తయారి ఎలా? బిర్యాని ఎలా చేస్తారు? ఇది కొందరికి నేర్చుకునేవరకు పరిమితం. ఆసక్తి ఎక్కడవరకు పరిమతం అయితే అక్కడి వరకు మనసు విషయసంగ్రహణం చేస్తుంది.
Aasakti andariki untundi kani
ఆసక్తి అందరికీ ఉంటుంది. కొన్ని విషయాలలో అనుభవించడం వరకు పరిమితం అయితే ఏదో ఒక విషయంలో పూర్తిగా తెలుసుకునేవరకు ఉంటుంది. ఇలా ఒక విషయంలో పూర్తిగా తెలుసుకునేవరకు ఉండే, ఆసక్తికిఆయుధంపుస్తకంఅయితే… అవగాహన చేసుకోవడమే తరువాయి విషయసంగ్రహణం చేయవచ్చును.
ఆసక్తికి ఆయుధం పుస్తకం అయితే…
చంద్రుడు అత్యంత ఆసక్తికరమైన స్వరూపము. ఎందుకంటే చంద్రుడు మన కంటికి కనబడతాడు. ఈయన గురించి పురాణములలో చెప్పబడి ఉంది. ఇంకా మనకు ఉన్న తిధలు, చంద్రగమనం ఆధారంగానే సాగుతుంది. ఇంకా చంద్రుడు ఒక ఉపగ్రహంలాగా మనకు పుస్తకములలోనూ పరిచయం ఉంటుంది. పౌర్ణమి రోజున పూర్ణ చంద్రుడు మనసును ప్రభావితం చేస్తాడు. ఆరోజు చంద్రుడిని చూస్తూ ఆనందించేవారు ఉంటారు.
పరిశీలిస్తే ప్రకృతి చాలా ఆసక్తి. మనసులో కలిగిన ఆసక్తి బలం బట్టి ఆసక్తి మనకు విషయ పరిజ్ఙానం అందిస్తుంది. ప్రకృతిలో మన మనసు చూపించిన ఆసక్తికి ఆయుధం పుస్తకం అయితే… మనసు దృష్టి సారించిన ఆసక్తిలో ఎంతో విషయ సేకరణ చేయవచ్చును. పుస్తకపఠనం విజ్ఙానంతో చెలిమి చేయడం వంటిది అంటారు. ఉపయోగించుకుంటే ఆసక్తి బలం.
భాగవతం వేదవ్యాసుడు సంస్కృతంలో రచనచేస్తే, శ్రీరామభక్తుడు అయినే బమ్మెర పోతనామాత్యులు తెలుగుకు అనువదించి, శ్రీరామునికే అంకితం ఇచ్చారు. అటువంటి భాగవతం గురించిన రచలను ఆన్ లైన్లో లభిస్తున్నాయి, ఆ పుస్తకముల లింకును అందిస్తూ, కొన్ని పదాలు భగవానుని కృపతో…
భాగవతం మనిషికి ఎంతో అదృష్టం ఉంటే కానీ ఆ మనిషి మనసు భాగవత గ్రంధం వైపు మనసు వెళ్లదు అంటారు. ఏనాడో ఏ జన్మలోనో పుణ్యం చేసుకుంటేనే, భాగవతం గురించిన తలంపు మనసులో మెదులుతుంది అని తెలుగుపెద్దలు అంటూ ఉంటారు. జీవన యాత్రలో గమ్యం లేకుండా సాగిపోయే సమయంలో, అసలు జీవన యాత్ర లక్ష్యం ఏమిటి అనే ప్రశ్న వస్తే, తత్వవేత్తల జవాబు ముక్తి అంటారు.
మరి మామూలు విషయములతో ముడిపడి, సాదారణ సమయంలోనూ ఏదో ఒక ఒత్తిడిని కొని తెచ్చుకునే మనసుకు ముక్తి అంటే మూడు ఆమడల దూరం పోతుంది, కదా మరి మనసుని ముక్తివైపు మరల్చగలిగే మెటీరీయల్ ఏది? అన్న ప్రశ్న వస్తే, దానికి జవాబు భాగవతం అని భాగవతప్రియులు, ప్రవచరకారులు చెబుతూ ఉంటారు.
యోగాభ్యాసం చేస్తూ, నియమనిష్టలతో కఠిన ఆహార నియామాలతో ప్రయత్నించినా మోక్షం వస్తుందనే నమ్మకం చెప్పలేం, కానీ త్రికరణశుద్దితో రోజూ కొంతసేపు భాగవతం వింటూ, ఆ భగవంతుని తత్వం వంటబట్టించుకుంటే, మోక్షం చాలా సులువు అంటారు. అందుకేనేమో భాగవతం గురించిన తలంపు వచ్చిందంటే, ఆ జీవికి ఏదో పూర్వజన్మ సుకృతం ఉందంటారు, మన తెలుగుపండితులు.
భాగవతం వింటే శాంతి
నిత్యం ఏదో ఒక సమస్య, లేక తనతో సహచర్యం చేసేవారికి కానీ వారి వలన కానీ ఏదో ఒక సమస్యతో సతమతమయ్యే మామూలు మనిషికి, భాగవతం వింటే మోక్షం ఎలా సాధ్యం అంటే, అది చదివితే లేక వింటే అర్ధం అవుతుంది అంటారు. అయితే అది కొంచెంసేపు విన్నా, చదివినా మన:పూర్వకంగా నమ్మి శ్రద్దతో చేయమంటారు.
భగవంతుడి లీలలు గురించి చదివితే మదిగదిలో మాయ పోయి భగవానుడు మాత్రమే ఉంటాడు. తన లీలలతో మనిషి మదిగదిని నింపేస్తాడు అని భాగవతం గురించి చెబుతూ ఉంటారు. మనిషి మనసు మనిషి జీవితం మొత్తాన్ని ప్రభావితం చేస్తుంది. కాలంలో కర్మలకు దు:ఖిస్తూ, సంతోషిస్తూ సాగుతుంది. ఇలాంటి మనిషి మనసు ఒక్కోసారి దు:ఖం వలన కలిగిన అనుభూతిని, సంతోష కాలంలో కూడా పొందుతూ, తను పొందవలసిన సంతోషాన్ని కూడా కోల్పోతుంది. అంటే మనసులో బలంగా ముద్రపడిన అంశం ఆధారంగా మనిషి మనసు ఒక బలమైన భావనను మోసుకెళ్లూ కాలంలో ప్రయాణం చేస్తుంది.
సాదారణస్థితిలో మనసు ఏదో ఒక సమస్యతో పాఠం నేర్చుకుంటూనే ఉంటే, కానీ కష్టం కాలంలో అనుకోకుండా వచ్చినప్పుడు మాత్రం, మనసు కకావికలం అవుతుంది, అంటారు. అటువంటి సమయంలోనే మనసుకు మరో మనసు ఓదార్పు అవసరం అంటారు. అయితే అది కొంతవరకు ఉపశమనం ఇస్తే, అసలు కష్టం అనుభవించవలసినది, దానిని దాటవలసినది కష్టం కలిగిన మనసే.
అటువంటి మనసుకు బలం తనకు తానే బలం అవ్యాలి. ఎలా మనసు తనకుతానే బలం కాగలదు అని ఆలోచిస్తే, కొందరంటారు. మనసులో కంగారు, భయం, ఆందోళన లాంటి విషయాలు ప్రక్కన పెట్టమంటారు. అలా ప్రక్కన పెట్టాలంటే ఎలా? అంటే మరికొందరంటారు.
సాదారణ సమయాలలో అయితే ఒక మాదిరి ఒత్తిడి వచ్చినప్పుడు ఏదైనా విరామం కోసం, మనసును ఉత్సాహపరచడానికి ఏదైనా సినిమా లేక హాస్యకార్యక్రమం చూసి, మనసను ఉత్తేజపరిచి, కొంచెంసేపు ఒత్తిడిని దూరం చేసినట్టే, అతి కష్టకాలంలో కూడా అదేవిధంగా అనుసరించమంటారు.
జీవితంలో అత్యంత కష్టాలు
ఇలా జీవితంలో అత్యంత ఎక్కువ కష్టాలు అనుభవించేవారు తమకొచ్చిన కష్టమే కష్టం, ఇటువంటి కష్టం ఇంతకుమునుపెన్నడు వేరెవరికి వచ్చి ఉండదు, అని భావిస్తూ ఉంటారని పండితులు చెబుతూ ఉంటారు. అలాంటప్పుడే పూర్వంలో జీవితంలో అనేక కష్టాలు వచ్చినప్పుడు, లేక అత్యంత దయనీయస్థితిలోకి జారిపోయినప్పుడు ఎవరు ఎటువంటి కష్టాలు అనుభవించారు. ఎలా వాటిని ఎదుర్కొని జీవితాన్ని గెలిచారు. ఇలాంటి గాధలను మనసును కుదుటపరుస్తాయని అంటారు.
అలాంటి గాధలతో బాటు మనల్ని నడిపించేవాడు ఒక్కడు ఉన్నాడు. ఎటువంటి కష్టం అయినా తీర్చగలడు అనేవాడి గురించి కూడా ఎరుక ఉంటే, కష్ట కాలంలో ఆ భగవానుడు ఆదుకుంటాడని తెలుగు పండితులు చెబుతూ ఉంటారు. మరి అటువంటి ఉన్నాడో లేడో కంటికి కనబడకుండా తన మహిమచేత లోకాన్ని ప్రభావితం చేసే ఆ భగవానుని గురించి తెలుసుకోవాంటే, ఆ భగవానుని చేరిన భక్తుల గురించి తెలుసుకోవాలి అంటారు. భాగవతం భక్తుల గాధలతో భగవానుని మహిమలను తెలియజేస్తుంది. ఆ గాధలలోని ఆంతర్యం అర్ధం అయితే భగవతత్వం మనసుకు గ్రహించగలిగే శక్తి వస్తుంది, అంటారు.
అటువంటి మనసుకు ఓదార్పు బంధవులు, స్నేహితులు అయినను ఓదార్పు పొందలేని మనసుకు భగవానుడే ఓదార్పు అంటారు. అలాంటప్పుడు గుర్తుకువచ్చే భగవానుడు గురించి, భగవానుడి లీలలు గురించి మీరు ముందే తెలుసుకోండి. కష్టకాలంలో మీకు భగవానుడు తలుచుకోడంలో మీమనసు విజ్ఙతను పొంది ఉంటుంది. కష్టంలో భగవానుడు ఆదుకోవడంలో చూపించిన లీలలు గురించి తెలియజేసే భాగవతం గురించిన వివిధ రచనలు మనకు ఆన్ లైన్లో పి.డి.ఎఫ్ రూపంలో ఉచితంగా లభిస్తున్నాయి. భాగవతం గురించిన ఉచిత తెలుగుబుక్స్ రీడ్ చేయడానికి ఇక్కడ ఇవే అక్షరాలను టచ్ / క్లిక్ చేయండి.
